சொல்லு சொல்லு!

[வர்ணன்]

மழை வரும்போதுதான்

குடையை தேடுவான்!

மூச்சு முட்டும்போதுதான்

யன்னல் இருப்பதை நினைப்பான்!

நாளை எப்பிடி- சிரிக்க

வழியென்று எண்ணி

இன்றைய பொழுதை

அழுதே- தொலைப்பான்!

உழைக்கும் காலத்தில்

சேமிக்க நினையான்!

உதிரம் செத்து போனதொரு

காலத்தில்- காசை எண்ணி

தேம்பி தேம்பி அழுவான்!

படிக்கும் காலத்தில்

சீ என்ன வாழ்க்கை

என்று சினப்பான்!

காலம் முடிந்தால்

ஐயோ இனி என்னாகுமோ

என் வாழ்க்கை என்று அழுவான்!

அடை மழை பெய்யும் நாளில் -

நீரை சேர்த்து வைக்க நினைக்கான்!

அனல் வீசும் கோடை வந்தால்

குடத்தை தூக்கி கொண்டு

ஊர் ஊராய் திரிவான்!

போர் செய்யும் வீரருக்கு

ஐந்து சதம் கொடுக்கான்!

ஊரெலாம் - குண்டுவீச்சில்

ஒருமூலை சென்றொதுங்கினால்

தமிழர்புனர்வாழ்வு கழகம்

தனக்கு ஒன்றும் செய்யலையென்று

தரைமண்ணை அள்ளி

தூற்றி சபிப்பான்!

இவன் சரியில்லை !

அவன் சரியில்லை !

என்றே பேசி காலம் கழிப்பான்!

நீ -சரியில்லை என்று யாரும் சொன்னால்

நீட்டி முழக்கி -வியாக்கியானம் சொல்வான்!

தவறுகளிருந்து தப்பித்து கொள்வான்!

யாரிவனோ?

உனக்கு தெரியுமா?

என்னை நானே கேட்கிறேன்

எனக்கு தெரியுமா?

உனக்கு தெரிந்ததை சொல்லு சொல்லு!

கேட்கிறேன் - அதில்

நீயும் இருப்பாய் - நானும் இருப்பேன்! 8)

[அருவி]

நிதர்சனமான வரிகள் வர்ணன்

பாராட்டுக்கள்.

[Niththila]

வர்ணன் அண்ணா காதல் கவிதை மட்டும் தான் எழுதுவீங்கள் எண்டு நினைத்தன் இனிய ஏமாற்றம்

நல்ல கவிதை சுயநலம் பிடித்தவர்களை மற்றவர்களில தேடாமல் நம்மிலயே இக்குணங்களும் இருக்கு எண்டு சொல்ல உங்களுக்கு தைரியம் கூடத்தான் போல இருக்கு

[hari]

அருமை வர்ணன், வாழ்த்துக்கள்!

[Senthamarai]

நல்ல கவிதை வர்ணன் வாழ்த்துக்கள்

[பிரியசகி]

உண்மையை சொல்லும் கவி ஒன்று..வர்ணன்..

தொடருங்கள்.. :arrow:

[Mathuran]

வித்தியாசமாக சொல்லி இருக்கின்றீர்கள். உங்கள் எண்ண ஓட்டம் இனிதே இலக்க்னை அடைய வாழ்த்துக்கள்.

[வர்ணன்]

நன்றி அருவி -நித்திலா- ஹரி- செந்தாமரை-ப்ரியசகி-மதுரன்! 8)

[Rasikai]

யதார்த்தம் பேசும் உங்கள் கவிதை அருமை.. வாழ்த்துக்கள்:

[RaMa]

வர்ணன் கவிதை அருமை. எல்லோருமே ஓரு சமயத்தில் சுயநலம் உள்ளவர்களாய் தான் இருக்கின்றோம். உண்மையான வரிகள். வாழ்த்துக்கள்

[Kalki]

வர்ணன் அண்ணா இந்த கவிதை ரொம்ப நல்லா இருக்கு....எனக்கும் காதல் கவிதை நல்லா பிடிக்கும்......

[Kalki]

ஃஉஒடெ="Kஅல்கி"]வர்ணன் அண்ணா இந்த கவிதை ரொம்ப நல்லா இருக்கு....எனக்கும் காதல் கவிதை நல்லா பிடிக்கும்......[/ஃஉஒடெ]

மன்னிக்கவும்.....

[தாரணி]

நன்றாகவுள்ளது உங்கள் கவி வர்ணன் !

வாழ்த்துக்கள் பலகோடி.

நன்றி

வணக்கம்

[சுவைப்பிரியன்]

நன்றாக உள்ளது.குறிப்பாக நாளை எப்படி சிரிக்க வழியென்று என்னி இன்றைய பொழுதை அழுதே தொலைப்பான்.என்ற வரிகள் யதார்தமானது.பாராட்டுகள்.வர்ன

[kavithan]

வர்ணன் கவிதை மிக நன்றாக இருக்கின்றது யதார்த்தமாகவும் வித்தியாசமாகவும் இருக்கின்றது வாழ்த்துக்கள்

[அனிதா]

வர்ணன் கவிதை நல்லா எழுதுறீங்க ,இந்த கவிதையும் நன்று, இப்ப யாழ்ல உங்க கவிதைகளை கூட பாக்க கூடியதா இருக்கு ... தொடர்ந்து எழுதுங்க...வாழ்த்துக்கள் ... ! :P

[வர்ணன்]

நன்றி ரசிகை-ரமா- கல்கி- (சகோதரம் - காதல் கவிதை எழுத ஆசைதான் - பட் - வையுறாங்களே - உனக்கு வேற வேலையே இல்லையா என்கிறமாதிரி :P )

நன்றி- தாரணி-சஜீவன் -கவிதன் - அனிதா! 8)