Jump to content
  • advertisement_alt
  • advertisement_alt
  • advertisement_alt

----விலைமாது விடுத்த கோரிக்கை-----


Recommended Posts

  • கருத்துக்கள உறவுகள்

----விலைமாது விடுத்த கோரிக்கை-----

ராமன் வேசமிட்டிருக்கும்

பல ராட்சசனுக்கு

என்னை தெரியும்.

...

பெண் விடுதலைக்காக போராடும்

பெரிய மனிதர்கள் கூட

தன் விருந்தினர் பங்களா

விலாசத்தை தந்ததுண்டு.

என்னிடம்

கடன் சொல்லிப் போன

கந்து வட்டிக்காரகளும் உண்டு.

சாதி சாதி என சாகும்

எவரும் என்னிடம்

சாதிப் பார்ப்பதில்லை.

திருந்தி வாழ நான் நினைத்தபோதும்

என்னை தீண்டியவர்கள் யாரும்

திரும்பவிட்டதில்லை.

பத்திரிக்கையாளர்களே!

விபச்சாரிகள் கைது என்றுதானே

விற்பனையாகிறது..

விலங்கிடப்பட்ட ஆண்களின்

விபரம் வெளியிடாது ஏன்...?

பெண்களின் புனிதத்தை விட

ஆண்களின் புனிதம்

அவ்வளவு பெரிதா?

காயிந்த வயிற்றுக்கு

காட்டில் இரை தேடும்

குருவியைப் போல்

என்னை யாரும் பரிகசிக்கவில்லை.

கட்டில் மேல் கிடக்கும்

இன்னொரு கருவியைப் போலத் தான்

என்னை கையாளுகிறார்கள்.

நான் இருட்டில் பிணமாக மாறினால்தான்

பகலில் அது பணமாக மாறும்.

பின்தான்

என் குடும்பத்தின் பசியாறும்.

நிர்வாணமே என்

நிரந்தர உடையானல்தான்

சேலை எதற்கென்று

நினைத்ததுண்டு.

சரி

காயங்களை மறைப்பதற்கு

கட்டுவோம் என்று

கட்டிக்கொண்டு இருக்கிறேன்.

என் மேனியில் இருக்கும்

தழும்புகளைப் பார்த்தால்

வரி குதிரைகள் கூட

வருத்தம் தெரிவிக்கும்.

எதையும் வாங்க வசதியில்லாத

எனக்கு

விற்பதற்க்காவது இந்த

உடம்பு இருக்கிறதே!

நாணையமற்றவர் நகங்கள்

கீறி கீறி என்

நரம்பு வெடிக்கிறதே!

வாய்திறக்க முடியாமல்

நான் துடித்த இரவுகள் உண்டு

எலும்புகள் உடையும் வரை

என்னை கொடுமைப் படுத்திய

கொள்கையாளர்களும் உண்டு.

ஆண்கள்

வெளியில் சிந்தும் வேர்வையை

என்னிடம் ரத்தமாய்

எடுத்து கொள்கிறார்கள்.

தூறல் சிந்தாத வான் மேகமில்லை.

கீறல் படாத வேசி தேகமில்லை.

என்னை வேசி என்று

ஏசும் எவரைப் பற்றியும்

கவலைப் பட்டதே இல்லை..

ஏனெனில்

விதவை - விபச்சாரி

முதிர்கன்னி - மலடி

ஓடுகாலி - ஒழுக்கங்கெட்டவள்

இதில் ஏதேனும்

ஒரு பட்டம்

அநேக பெண்களுக்கு

அமைந்திருக்கும்.

இது இல்லாமல் பெண்கள் இல்லை.

எப்போதும்

இழிவு சொல் ஆண்களுக்கு இல்லை.

முதுமை என்னை

முத்தமிடுவதற்க்குள்

என் மகளை மருத்துவராய்

ஆக்கிவிட வேண்டும்.

என் மீது படிந்த தூசிகளை

அவளை கொண்டு

நீக்கி விட வேண்டும்.

இருப்பினும்

இந்த சமூகம்

இவள்

மணிமேகலையை என்பதை மறந்துவிட்டு

மாதவியின் மகள் என்பதை மட்டுமே

ஞாபகம் வைத்திருக்கும்.

இறுதியாக

இரு கோரிக்கை.

என்னை

மென்று தின்ற ஆண்களே!

மனைவிடமாவது கொஞ்சம்

மென்மையாக இருங்கள்.

எங்களுக்கு இருப்பது

உடம்பு தான்

இரும்பல்ல.

என் வீதி வரை

விரட்டிவரும் ஆண்களே!

தயவு செய்து விட்டுவிடுங்கள்.

நான் விபச்சாரி என்பது

என் வீட்டுக்கு தெரியாது.

----தமிழ்தாசன்---

via facebook

Link to post
Share on other sites
  • கருத்துக்கள உறவுகள்

இப்ப எல்லாம் பெண்களால் பாவிக்கப்படும்.. male escorts ம் இருக்கிறாங்க..! அவங்களும்.. இப்படி எழுத வெளிக்கிட்டால்.....???!

விபச்சாரிகள் அந்தத் தொழிலை விட்டு வேறு தொழில் தேடிக் கொள்வதே பாதுகாப்பு..! அதேபோல் ஆண் விபச்சாரிகளுக்கும் இது பொருந்தும்..! இருந்தும்.. இவர்கள் இதை விடுவாங்க என்று நினைக்கிறீங்க..

போதைப் பொருள் வியாபாரத்துக்கு அடுத்தபடியாக இலகுவாக பணம் சம்பாதிக்கும் வழிகளில் இதுவும் ஒன்று..! சில escorts கால்பந்தாட்ட வீரர்கள் போல மில்லியனர்களாகவும் உள்ளனர்..! இது குறித்த விபரணம் ஒன்றை பிபிசியின் பார்த்திருக்கிறேன்..!

இப்படியே தான்.. பல காலமா கவிதை எழுதிட்டு இருக்கிறாங்க.. மாறி மாறி.. ஆனால் மாற்றம் என்பது மட்டும் அங்கு இல்லை..!

இவர்களால் அரசுகளுக்கு இரட்டைச் செலவு.. ஒன்று.. இவர்களைக் கண்காணிப்பது. இரண்டு.. பால்வினை நோய்கள் பரவாமல் இருக்க இவர்களுக்கு வழங்கிற மருத்துவ வசதிகள்..! :icon_idea:

Link to post
Share on other sites
  • கருத்துக்கள உறவுகள்

என் மேனியில் இருக்கும்

தழும்புகளைப் பார்த்தால்

வரிக் குதிரைகள் கூட

வருத்தம் தெரிவிக்கும்.

தெருவோரத்து வேசிகளைத்,

தேவ தாசிகளாக்கிய கூட்டம்!

சீதையின் தூய்மையைக் காட்டச்,

சிதையில் ஏற்றிய கூட்டம்!

சிறந்த மனைவி வீட்டிலிருக்கச்,

சின்ன வீடு தேடுகிற கூட்டம்!

தாசி பொன்னிக்கு நான் அடிமை!

தூசி தட்டிப் பார்க்கிறேன், கம்பன்!

இணைப்புக்கு நன்றிகள், அபராஜிதன்!

Link to post
Share on other sites
  • கருத்துக்கள உறவுகள்

ஒவ்வொரு நாளும் இவர்களை நான் இங்கு சந்திப்பேன்.

ஒரு வகையில் பாவப்பட்ட யென்மங்கள் என்று தான் தோன்றும். காசுக்காக உடலை விற்பது என்பது மிகவும் கொடுமையானது என்னைப்பொறுத்தவரை.

நேற்று இரவு கூட ஒரு இடத்தில் காரை நிறுத்திவிட்டு ஒருவருக்காக காத்திருந்த இடத்தில் இவர்கள் சிலர் நின்று போவோர் வருவோருடன் விலைபேசி நின்றது மிகவும் கவலைக்குரியதாகவே எனக்குப் பட்டது. அதேநேரம் பலர் நெடுக்கு கூறியது போல் பழக்கப்பட்டு இதை வியாபாரமாக்கி பலரின் அழிவுக்கும் காரணமாகியுள்ளதும் உண்மை.

திருடராகப்பார்த்து திருந்தாவிட்டால்......???

மற்றும்படி நெடுக்கு சொன்னதற்கு மறு பக்கமும் உண்டு.

இது கொஞ்சம் காவல்துறைக்கும் அரசுக்கும் தலையிடிகளைக்குறைக்கக்கூடியது. இவர்கள் இல்லாவிட்டால் வல்லுறவுகளும் சீர்கேடுகளும் அதிகரிக்கும் என்பதால்தான் அரசு இவற்றை மனமின்றி அனுமதித்துள்ளது.

Link to post
Share on other sites
  • கருத்துக்கள உறவுகள்

ஒவ்வொரு நாளும் இவர்களை நான் இங்கு சந்திப்பேன்.

ஒரு வகையில் பாவப்பட்ட யென்மங்கள் என்று தான் தோன்றும். காசுக்காக உடலை விற்பது என்பது மிகவும் கொடுமையானது என்னைப்பொறுத்தவரை.

நேற்று இரவு கூட ஒரு இடத்தில் காரை நிறுத்திவிட்டு ஒருவருக்காக காத்திருந்த இடத்தில் இவர்கள் சிலர் நின்று போவோர் வருவோருடன் விலைபேசி நின்றது மிகவும் கவலைக்குரியதாகவே எனக்குப் பட்டது. அதேநேரம் பலர் நெடுக்கு கூறியது போல் பழக்கப்பட்டு இதை வியாபாரமாக்கி பலரின் அழிவுக்கும் காரணமாகியுள்ளதும் உண்மை.

திருடராகப்பார்த்து திருந்தாவிட்டால்......???

மற்றும்படி நெடுக்கு சொன்னதற்கு மறு பக்கமும் உண்டு.

இது கொஞ்சம் காவல்துறைக்கும் அரசுக்கும் தலையிடிகளைக்குறைக்கக்கூடியது. இவர்கள் இல்லாவிட்டால் வல்லுறவுகளும் சீர்கேடுகளும் அதிகரிக்கும் என்பதால்தான் அரசு இவற்றை மனமின்றி அனுமதித்துள்ளது.

நானும் இவர்களைக் கண்டிருக்கிறேன். பார்க்கப் பாவமாத்தான் இருக்கிறது. அநேகம் பேர் பெற்றோர்களை விஞ்சி வந்திருக்கிறார்கள் என்று நினைக்கிறேன். அதிலும்.. கிழக்கு ஐரோப்பியர்கள் தான் அதிகம். இவர்களை எல்லாம்.. எப்படித்தான்.. ஆண்கள் மிஸ்யூஸ் பண்ண மனம் வருகுதோ..???!

நான்னா.. கூப்பிட்டு காசைக் கொடுத்து.. போய் வாழ்க்கைல செற்றிலாகுங்க என்று சொல்லி விட்டிட்டுவன். பட் அவங்க தான் கேட்க மாட்டாங்களே என்றிட்டு போயிடுறது. அப்புறம்.. இவங்க கூட கதைக்கிறதே ஒரு மாதிரியான ஆண்கள் தான். கொஞ்சம் கெளரவமான ஆண்கள்.. இவங்க கூட கதைக்கிறதுமில்ல கண்டுக்கிறதுமில்ல.!

இங்கெல்லாம் இரவில் சேவிஸ் ஸ்ரேசன் வழிய.. பெற்றோல் ஸ்ரேசன்.. இரவு பெரிய சுப்பர்மார்க்கெட் மற்றும் நிலக்கீழ் இரயில் நிலையங்களில தான் நின்று ஆட்பிடிப்பார்கள்..! பொலிஸ் கண்டும் காணாமலும் போகும். இவர்களுக்கு விருந்தாவது.. பெரும்பாலும்.. கனரக வாகனமோட்டிகள்.. கடின வேலை செய்வோர்.. மற்றும்.. போதைக்கு (மது.. போதைப்பொருள்) அடிமையான கூட்டம். இவர்களின் நடமாட்டம் மாலை 9:00 பிறகு தான் இருக்கும்.. அநேகம்..! குறிப்பாக மத்திய லண்டனில்.. நல்ல வியாபாரம் செய்வதாகக் கேள்வி..! சாதாரணமானவர்களில். வெளிநாடுகளில் இருந்து வரும்.. காப்பிலிகள் தான் அதிகம்.. இவர்களை அணுகுவது.

இதைவிட மசாஜ் பார்லர்.. பப்..கிளப் என்றும் கொஞ்சப் பேர் போய்.. இப்படியான பெண்களோட தொடர்பு வைக்கினம். யுனி வழிய படிக்கிறவை... இப்படியான இடங்களில தான் பிடிக்கிறவை...! அதுக்காக நாங்க எல்லாம் அப்படியில்ல. நாங்க எப்பவும் நல்ல பிள்ளைங்க..! கெட்ட பழக்கம் பழகிறதில்ல..! இதுதான் கெட்டதுன்னு தெரியிறதால அதுகளைச் செய்யுறதில்ல. பலர் இது கெட்டதென்னே புரியாம.. செய்யுறாங்க. அவங்களையும் குறை சொல்ல முடியாது தான். பெற்றோர் சமூகம் அவங்கள சரியா வழிநடத்தாதது தான் அவங்க தவறு செய்யக் காரணம்..! :):icon_idea:

Link to post
Share on other sites
  • கருத்துக்கள உறவுகள்

இந்த வயதில்

எங்கேயோ போயிற்றீங்க தம்பி...

உங்க பெற்றோருக்கு என் வாழ்த்துக்கள் :icon_idea:

Link to post
Share on other sites
  • கருத்துக்கள உறவுகள்

"களவும் கற்று மற"

என்று, ஔவையாரோ... திருவள்ளுவரோ சொன்னதாக, சின்னனில் படிச்ச ஞாபகம். :)

Link to post
Share on other sites
  • கருத்துக்கள உறவுகள்

"களவும் கற்று மற"

என்று, ஔவையாரோ... திருவள்ளுவரோ சொன்னதாக, சின்னனில் படிச்ச ஞாபகம். :)

கற்று கொள்ளலாம்...........

மறக்கலாமா என்பதுதான் கேள்விக்கு உரியது.

Link to post
Share on other sites
  • கருத்துக்கள உறவுகள்

ஒவ்வொரு நாளும் இவர்களை நான் இங்கு சந்திப்பேன்.

ஒரு வகையில் பாவப்பட்ட யென்மங்கள் என்று தான் தோன்றும். காசுக்காக உடலை விற்பது என்பது மிகவும் கொடுமையானது என்னைப்பொறுத்தவரை.

நேற்று இரவு கூட ஒரு இடத்தில் காரை நிறுத்திவிட்டு ஒருவருக்காக காத்திருந்த இடத்தில் இவர்கள் சிலர் நின்று போவோர் வருவோருடன் விலைபேசி நின்றது மிகவும் கவலைக்குரியதாகவே எனக்குப் பட்டது. அதேநேரம் பலர் நெடுக்கு கூறியது போல் பழக்கப்பட்டு இதை வியாபாரமாக்கி பலரின் அழிவுக்கும் காரணமாகியுள்ளதும் உண்மை.

திருடராகப்பார்த்து திருந்தாவிட்டால்......???

மற்றும்படி நெடுக்கு சொன்னதற்கு மறு பக்கமும் உண்டு.

இது கொஞ்சம் காவல்துறைக்கும் அரசுக்கும் தலையிடிகளைக்குறைக்கக்கூடியது. இவர்கள் இல்லாவிட்டால் வல்லுறவுகளும் சீர்கேடுகளும் அதிகரிக்கும் என்பதால்தான் அரசு இவற்றை மனமின்றி அனுமதித்துள்ளது.

அரசாங்கம் எனும்போதும் ஆணதிக்கம் எட்டிபார்க்கும்.

ஆணாதிக்கத்தின் ஒரு நிழலாகவே விபச்சாரம் தொடர்கிறது.

மேலை நாடுகளில் தந்திரமாக அழகு பொம்மைகளாக பெண்களை நடமாட விட்டுவிட்டு அதற்கு சுதந்திரம் என்று பெயர் வைத்துவிட்டார்கள்.

எமது காலம் கடின உழைப்போடு போரின் துயரங்கள் காயங்களுடனும் போய்விட்டது.

அடுத்த சந்ததி...........

கார்டூனில் இருந்து கடைவீதி விளம்பர பலகை வரை காமத்தையே கண்டு அதனோடு போராடி வளர்கிறது.

கீழை நாடுகளோடு ஒப்பிடும்போது "மேலை நாட்டில்தான் ஆண்மை குறைவு" அதிகமாக உள்ளது அடிப்படை காரணம் சதா அதே சிந்தனை அதே வாழ்கை என்று ஒரு குறிப்பிட்ட வயதில் பழைய இரும்புக்கு போகும் வண்டியாகி விடுகிறது. அதன் பிரதி பலிப்பாகவே பில்லியன் டொலர் வியாபாரமாக வயாகிரா வளர்ந்துள்ளது.

அரசனை நம்பி புருஷனை விட்ட நிலைதான்

Link to post
Share on other sites
  • கருத்துக்கள உறவுகள்

[size=5]கவிதைக்கு நன்றி அபராஜிதன் ,[/size]

[size=5]பொதுவாக ஜரோப்பா தவிர்த்த மற்ற ஏனைய நாடுகளில் விபசாரத்துக்கு முக்கியமான காரணம் வறுமைதான் . கல்வி அறிவின்மை ,ஆண் துணையை இழந்திருத்தல், வாழ்வாதாரம் இன்றி இருத்தல் , சில சமூக புறகணிப்புக்கள் போன்றவற்றால் சாதாரண பெண்கள் கூட இந்த கடுமையான வாழ்க்கை சுழற்சியில் சிக்கி கொள்கிறார்கள் . இதுவரை காலமும் இருந்த வீரத்தின் விளைநிலங்கள் கூட இப்போது இந்த அரக்கனின் பிடியில் சிக்கி கொண்டுஇருக்கிறது .[/size]

Link to post
Share on other sites
  • கருத்துக்கள உறவுகள்

கற்று கொள்ளலாம்...........

மறக்கலாமா என்பதுதான் கேள்விக்கு உரியது.

சரியான கேள்வி மருதங்கேணி.

கெட்ட வழியில் போகும் எவரும்... நிம்மதியாக நித்திரை கொள்ள முடியாது.

மற்றவர்கள் எம்மை, ஏமாற்ற நினைக்கும் போது.... நாம் களவையும் கற்றுருந்தால் தான்...

நாம் ஏமாறாமல்.. தப்பிக்க முடியும்.

இல்லாவிட்டால்.. எம்மை, அப்பாவியாக்கி... இழிச்சவாயர் ஆக்கிப் போடுவார்கள். :)

Link to post
Share on other sites
  • கருத்துக்கள உறவுகள்

இணைப்பிற்கு நன்றி அபராஜிதன்

விபச்சாரம் என்றால் என்ன , பாலுறவு என்றால் என்ன என்ற கேள்விக்கு இன்று யாராவது சரியான அர்த்தம்

சொல்லமுடியுமா என்று சிந்திப்போமானால் விடை மிகக் கடினமானதே. சரி வறுமையின் நிமித்தம்,குடும்ப சூழ்நிலைகளின் நிமித்தம் ஒருவர் விபச்சாரத்தில் ஈடுபடுவதற்கும், தனது ஆசையின் நிமித்தம் வாழ்க்கை கட்டுமானங்கள் ,எல்லைகளை மீறி ஒருவர் விபச்சாரத்தில் ஈடுபடுவதற்கும் வித்தியாசம் உள்ளது. இங்கு நான் குறிப்பிட்டு கேட்பது பெண்களை மட்டுமல்ல.ஆண்களையும் சேர்த்துதான். தனது குடும்பத்தை காக்கும் பொறுப்புடைய ஒருவர் பணம் சம்பாதிப்பதற்கு வேலை தேடுகிறார்.....தேடித்தேடி ஒன்றுமே அவரால் அடையமுடியவில்லை........வறுமையில் வாடும் அந்தக்குடும்பம் பசியின் உச்சக்கட்டத்தில் இறக்கும் தருவாயில் வந்துவிட்டது என்று கொஞ்சம் உங்கள் மனதில் நினைத்து கற்பனை பண்ணிப்பாருங்கள் .......வறிய நாடுகளிலே இவர்களுக்கு யாரும் உதவ மாட்டார்கள்........இந்தநிலையில் அந்த நபர் எடுக்கும் முடிவு அதாவது விபச்சாரமா,கஞ்சா கடத்துவதா,கொள்ளைகளவு எடுப்பதா,என்னும் எத்தனயோ எத்தனையோ வழிகள். நாம் ஒட்டு மொத்தத்தில் இங்கு காண்பது பொருளாதார சிக்கலாலேயே இப்படியான ஓர் சூழ நிலை உருவாகிறது.எப்பொழுது ஒரு அரசாங்கம் தனது நாட்டு மக்களுக்கு அத்தியாவசிய தேவைகளுக்கு வழி ஏற்படுத்திக்கொடுக்காமல் தவறும் சந்தர்ப்பத்தில் இப்படியான பிரச்சனைகள் வருவதும் தவிர்க்கமுடியாத ஒன்றாகவே போய் விடுகிறது. ஆனால் இரண்டாவதாக நான் கூறிய அனைத்து வசதிகள் இருந்தும்,ஆசையின் நிமித்தம் எல்லை வரம்புகளின்றி பாலியலில் ஈடுபடுவோரே உண்மையான விபச்சாரர் என்னும் பதத்தினுள் அடங்குவர் என்பதே என் கருத்து நன்றி

Link to post
Share on other sites

Archived

This topic is now archived and is closed to further replies.

  • advertisement_alt
  • advertisement_alt
  • advertisement_alt


  • Tell a friend

    Love கருத்துக்களம்? Tell a friend!
  • Topics

  • Posts

    • மேஜர் தமிழரசன் நவம்பர் 23, 2020/தேசக்காற்று/சரித்திர நாயகர்கள்/0 கருத்து புன்னாலைக்கட்டுவன் பெற்ற புலிவீரன் மேஜர் தமிழரசன் / டொச்சன். வடக்குப்புன்னாலைக்கட்டுவன் 80களில் விடுதலைப்புலிகளை ஆதரித்த ஊர்களில் ஒன்று. இங்கு பல ஆரம்பகால விடுதலைப்புலிகளின் வரலாறும் பலரது வரலாற்றின் வேர்களும் பரவியிருக்கிறது. தலைவர் பிரபாகரன் வந்து தங்கி வாழ்ந்து அவரைப் பாதுகாத்த ஊர்களில் வடக்குப்புன்னாலைக்கட்டுவனும் ஒன்று. தலைவருடன் வாழ்ந்த போராளிகளில் ஒருவர் தலைவர் நன்றியுடன் ஞாபகம் கொள்ளும் ஒருவர் பற்றி ஒருமுறை உரையாடிய போது சொன்னவை :- புன்னாலைக்கட்டுவனில் தலைவரை பாதுகாத்த குடும்பங்களில் ஒன்று சுவிஸ் குலம் (குலம்மாமா) அவர்களது. 80களில் இராணுவ கெடுபிடிகளின் அலைச்சலும் அச்சுறுத்தலும் நிறைந்த காலப்பகுதியில் குலம்மாமா தனது வீட்டில் தலைவரை காத்து கவனித்தது பற்றி தலைவர் அடிக்கடி நினைவு கூருவாராம். வசதிகள் குறைந்த தனது வீட்டில் தனது 3 தங்கைகளையும் வீட்டின் வெளியே இராணுவ நடமாட்டத்தை அவதானிக்க விட்டு தலைவரை வீட்டினுள் நித்திரை கொள்ள இடம் கொடுத்து தலைவனைக் காக்க தான் உறங்காமல் குலம்மாமா விழித்திருப்பாராம். அவரைப் போல அவரது தங்கைகளும் தலைவரைக் கண்ணாகக் கவனித்துப் பாதுகாத்து அனுப்புவதாக கூறுவாராம். தனது ஆரம்பகால வாழ்வு பற்றி தலைவரின் நினைவுகளில் அடிக்கடி நினைவு கொள்ளப்படும் மனிதராக குலம்மாமா இருந்தார். தலைவரால் நினைவு கொள்ளப்படும் உயர்ந்தவர்களுள் தலைவரின் மதிப்பையும் அன்பையும் பெற்றிருந்த குலம்மாமா பிறந்ததும் இதே புன்னாலைக்கட்டுவன்தான். 80களில் அவ்ரோ விமானம் மீதான குண்டுவெடிப்புத் தாக்குதலின் சந்தேகத்தின் பெயரால் அரச படைகளால் கைது செய்யப்பட்டு குலம்மாமா சிறையில் அடைக்கப்பட்டார். ஒரு சிறந்த முன்னுதாரணமான போராளியும் கூட. இயக்கம் நாடு இவ்விரண்டையும் தன்வாழ்வாக வாழ்ந்து இன்று கடனாளியாக ஆனாலும் தேசத்தின் இழப்பின் முன்னால் தனது இழப்பொன்றும் பெரிதில்லையென வாழும் அற்புதமனிதன். இவரைப் பற்றி இவரது ஆரம்பம் இயக்கம் விசுவாசம் நேர்மை பற்றி அறியாதவர்கள் சிலர் சிலகாலங்கள் முதல் துரோகிப்பட்டம் வழங்கியது இங்கு நினiவுகூரத்தக்கது. எவர் எத்தகைய விமர்சனத்தை குலம்மாமா மீது கொண்டிருந்தாலும் இன்றும் தான்நேசித்த தலைவனை , தேசத்தை இதயபூர்வமாக நேசித்து இன்றுவரை இயங்கிக் கொண்டிருக்கும் குலம் என்ற மனிதனை தமிழீழ விடுதலைப் போராட்ட வரலாற்றிலிருந்து யாராலும் விலக்கிவிட முடியாது. இந்த ஊரில் குறிப்பிடத்தக்க போராளிகளில் முதல் வீரச்சாவடைந்த போராளி லெப்.குவிசாசன். 85 காலமென நினைவு. யாழ் நகரப்பகுதியில் இராணுவத்துடனான நேரடி மோதலொன்றில் வீரச்சாவடைந்த மாவீரர். இவரது குடும்பமும் முழுமையாகத் தங்களை ஈழ விடுதலைப் போராட்டத்திற்காகத் தியாகங்களைப் புரிந்த குடும்பங்களில் ஒன்று. லெப்.குவிவாசன் மாமாவின் அம்மா புனிதமன்ரி. எங்கள் தலைவனின் குழந்தைகளான துவாரகா , சாள்ஸ் இருவரையும் குழந்தைகளாய் இருந்த காலத்தில் பராமரித்து வளர்த்தது எல்லோராலும் வீரத்தாய் என 80களில் மதிக்கப்பட்ட புனிதமன்ரி என்பதனை வரலாறு ஒரு போதும் மறந்துவிடாது. இவர்கள் வரிசையில் புன்னாலைக்கட்டுவனில் இருந்து போராளிகளாக புறப்பட்ட பலரில் வீரச்சாவடைந்தவர்கள் வரிசையில் கப்டன் லோலோ (இந்திய இராணுவகாலத்தில் வீரச்சாவு) , கப்டன் றங்கன் (இந்திய இராணுவகாலத்தில் வீரச்சாவு) வரிசையில் 1992இல் வீரச்சாவடைந்து தனது இலட்சியத்தில் உறுதியோடு பயணித் மாவீரர் மேஜர் டொச்சண்ணாவும் ஒருவர். குழந்தைப் பருவத்தில் பெற்றோரை இழந்த டொச்சரண்ணாவின் இயற்பெயர் ஜெயக்குமார். ஊரில் ஜெயா என எல்லோராலும் அழைக்கப்பட்ட இளைஞன். புன்னாலைக்கட்டுவன் தொடக்கம் குப்பிளான் , ஏழாலை , குரும்பசிட்டி , வசாவிளான், பலாலி என அயல் ஊர்களெங்கும் அறியப்பட்ட ஜெயாண்ணா இராணுத்தின் கெடுபிடிகள் அதிகரித்த காலங்களில் அந்தக் கொடுமைகளைத் தானும் அனுபவித்தான். ஊரைச் சுற்றிவளைக்கும் இராணுவத்தினரால் ஊரிலிருந்து இழுத்துச் செல்லப்படும் இளைஞர்களின் துயரில் அலையும் அம்மாக்களின் கண்ணீரின் கனதியும் பள்ளிமாணவனாக இருந்த ஜெயாண்ணாவையும் போராட்டம் பற்றிச் சிந்திக்க வைத்தது. எல்லாக் கொடுமைகளுக்குமான தீர்வு தானும் விடுதலைப் போராட்டத்தில் இணைவதே தீர்வென்றெண்ணித் தன்னையும் விடுதலைப்புலிகளுடன் இணைத்து தனது பிரதேசத்துக்கே ஆயுதம் தரித்துத் திரும்பி வந்தார். 1986களில் இராணுவத்தினர் முழுமையாக முகாம்களில் அடக்கப்பட்ட காலம். அப்போது பலாலி முகாமிலிருந்த இராணுவத்தினர் வசாவிளான் நோக்கி முன்னேற முயன்ற காலம். திடீரென காணாமற்போன ஜெயாண்ணா போராளியாக ஊரில் வந்திறங்கினார். இரவுகளில் வசாவிளான் பகுதியில் சென்றியிருக்கும் போராளிகளுக்குத் தேவையான பொருட்கள் வாங்க கேணியடியில் அமைந்த எங்கள் கடைக்கு வந்து போவார். அப்பாவோடு அதிக நெருக்கத்தைக் கொண்ட போராளிகளில் டொச்சண்ணாவும் ஒருவர். டொச்சண்ணாவுக்கு அப்பாவின் பிரத்தியேக கவனிப்பு எப்போதுமே காத்திருக்கும். எங்களோடு அடிபட்டு எங்கள் வீட்டிலும் ஒருவனாக வந்து போன போராளி. அம்மா இல்லாத பிள்ளையென்றதால் அதிகம் அன்பை எங்களிடத்திலும் பெற்றுக் கொண்டார். பதின்ம வயதுகளில் தனது வீட்டிற்காகவும் தன்னை வளர்த்த அம்மம்மாவுக்காகவும் உழைத்த பொறுப்புள்ள பிள்ளை. விவரிக்க முடியாத துயரையும் வெளியில் தெரிவிக்க முடியாத இழப்பின் கனத்தையும் இதயத்தில் சுமந்து திரிந்த தென்றல் அது. மெல்லிய உயர்ந்த உருவமான டொச்சண்ணா அன்றைய காலத்து நினைவுகளில் எப்போதுமே சிரித்தபடி சயிக்கிளில் வந்திறங்கும் இனிமையான போராளி. நாய்க்குட்டியென டொச்சண்ணாவை சொல்வார்கள். நாய்க்குட்டியென்ற அடைமொழி ஏன் அவரது பெயருக்குப் பின்னால் வந்ததெனத் தெரியாத வயது அது. கோபம் வந்தால் நாய்க்குட்டியென்று சொல்லிச் சினத்தாலும் சிரிப்போடு ஏற்றுக் கொண்டு போய்விடும் மனிதன். ஒருமுறை நாய்க்குட்டியென்ற பெயருக்கான காரணத்தை அந்த வீரனின் தோழன் ஒருவனிடமிருந்து அறிந்த போது அந்த இனிமையான போராளி மீதான மதிப்பு மேலுயர்ந்தது. வீதியில் கண்டெடுத்த நாய்க்குட்டியை எடுத்து வளர்த்து அந்த நாய்க்குட்டியைத் தன்னோடு கொண்டு திரிந்து அன்பைப் பொழிந்த இளைஞனின் கருணையை காலம் ஒரு போதும் தனது நன்றியால் நினைவு வைத்திருக்கும். பலாலியிலிருந்த இராணுவத்தினரால் ஏவப்படும் எறிகணைகள் புன்னாலைக்கட்டுவன் குப்பிளான் ஏழாலையென நீண்டது. உலங்குவானூர்தியின் தாக்குதல் தொடர் மரணத்தின் கொடிய கையால் பலரது உயிர்கள் இடுங்கப்பட்டுக் கொண்டிருந்தது. வாசவிளான் மத்தியமகா வித்தியாலயம் மாணவர்களின் நடமாட்டம் கலகலப்பு எதுவுமின்றி அனாதையானது. டொச்சண்ணாவையும் சிறந்த மாணவனாக உருவாக்கியதும் அதே பாடசாலைதான். இரவிரவாக தொடர் தாக்குதல். வெடிச்சத்தங்கள் இரவை அறுத்து எங்கள் அமைதியைக் கொன்றது. வசாவிளான் மத்தியமகாவித்தியாலத்தைக் கைப்பற்றும் கனவோடு இராணுவத்தின் இலக்கும் நகர்வும் ஆரம்பித்தது. டொச்சண்ணா படித்த பாடசாலையான வசாவிளான் மத்தியமகா வித்தியாலயத்தினைக் கைப்பற்றும் முயற்சியில் புறப்பட்ட இராணுவத்தினரோடு சமராட எங்களது டொச்சண்ணாவும் இணைந்து கொண்டது வரலாறு. எல்லோருக்கும் கிடைக்காத வாய்ப்பாக எண்ணி மகிழ்ச்சியோடு தனது பாடசாலையை தான் நேசித்த ஊர்களைக் காக்கும் கனவோடு களமாடிய வேங்கை. வசாவிளான் மத்தியமகா வித்தியாலயம் இராணுவத்தினரிடம் பிடிபடுகிற போது அவர்களுக்கான வசதிகள் எதையும் இல்லாமல் செய்யும் முயற்சியில் போராளிகள் ஈடுபட்டார்கள். மெல்ல மெல்ல இராணுவத்தின் முன்னேற்றம் தொடர் எறிகணைகள் விமானத்தாக்குதல் ஒரு கட்டத்தில் வசாவிளான் பகுதி இராணுவத்தினரிடம் பறிபோக வேண்டிய நிலமை வந்தது. புலிகள் பின்வாங்கி நின்று வசாவிளானில் தங்கியிருந்த இராணுவத்திற்குப் பெரும் தலையிடியாகினர். சமரொன்றின் போது களத்தில் நின்று கழுத்துப் பகுதியில் காயமடைந்து டொச்சண்ணா விழுப்புண்ணடைந்தார். என்றும் மாறாத இலட்சியக்கனவோடு காயமென்ன கடுமையென்ன எதுவும் அந்த இரும்பின் உறுதியின் முன் வெறும் துகள்களாக….! 1987 அமைதி காக்க வந்தார்கள். ஆயுதங்கள் கையளிப்பு நிறைவாகி. நிராயுதபாணிகளாய் புலிகள் நின்ற நேரம் தியாகி திலீபனண்ணா உண்ணாவிரத காலத்தில் ஓயாமல் ஓடித்திரிந்து இயங்கிய புலியாய் டொச்சண்ணா. 10.10.1987 அமைதிகாக்க வந்தபடையுடனான யுத்தம் ஆரம்பம். ஆறாத விழுப்புண்ணோடு அலைந்து களங்களில் விழியுறக்கம் மறந்த வேங்கை இந்தியப்படைகளால் கைது செய்யப்பட்டு சிறையிலடைக்கப்பட்டார். சிறையென்ன பெரிதென்ற எங்கள் புலி எல்லா வதைகளையும் தாங்கியபடி காங்கேசன்துறை தடுப்பு முகாமில் சிறைவாசத்தை அனுபவித்தது. தான் கொண்ட கொள்கைளில் கறையில்லாமல் புனிதத்தோடே டொச்சண்ணா சிறை வாழ்வை ஒரு போராளியின் உறுதியோடு வாழ்ந்து காட்டினார். இந்தியப்படைகள் ஈழத்தைவிட்டு வெளியேறிய போது சாரத்தோடு எங்கள் முன் சாறக்கட்டுப்புலியாகாத் திரிந்த புலி வரிச்சீருடையோடு எங்கள் ஊருக்குள் வந்திறங்கிய போது யாராலும் நினைக்காத வளர்த்தியும் மாற்றமும் ஆனாலும் நாங்கள் அன்று பார்த்த பழகிய பழைய அதே டொச்சண்ணாவாக எங்களோடு மீண்டும்….! ஒவ்வொரு போராளியும் தனது மரணத்தின் நாளை தனது மனவேட்டில் பதிவு செய்து கொண்டேயிருப்பார்கள். ஆனால் அவர்களது பயணத்தில் எவ்வித பயமும் இல்லாது தொடர்வார்கள். அப்படியே டொச்சண்ணாவும்…! குப்பிளான் பிரதேசப் பொறுப்பாளனாக பதவியேற்று வந்த டொச்சண்ணா தான் பழகிய வீடுகளை மறக்காமல் எங்கும் வந்து போவார். 1990மேமாதம் புன்னாலைக்கட்டுவன் பெற்ற வீரப்புதல்வர்களுக்கான நினைவுநாள் நிகழ்ச்சியை ஒழுங்குபடுத்தி அந்த நினைவு நாளில் அந்த ஊரில் புலியாகி வீரச்சாவடைந்த லெப்.குவிவாசன் , கப்டன் லோலோ, கப்டன் ரங்கன் ஆகியோரின் திருவுருவப்படங்கள் தாங்கிய மேடையில் நடந்த நிகழ்வில் டொச்சண்ணா தனது தோழர்கள் பற்றி நினைவு கூர்ந்த போது ஒரு சிறந்த பேச்சாளனாகவும் எங்களது மதிப்பைப் பெற்றார். 1990யூன் இரண்டாம் கட்ட ஈழப்போர் ஆரம்பம். எங்கள் ஊரில் முகாமிட்டிருந்து தனது அரசியல் பணியை அக்காலத்தின் தேவையையெல்லாம் டொச்சன் என்ற இளம் போராளியின் வேகத்திலும் விவேகத்திலும் நிகழ்ந்த மாற்றங்கள் ஏராளம். தனது அலுவலகத்திற்கு அண்மையில் அமைந்திருந்த வெளியில் பந்தலிட்டு கோட்டை இராணுவத்தினரை துரத்திய கோட்டை வெற்றி விழாவை தியாகி திலீபண்ணாவின் நினைவு நாளன்று நடாத்திய பெருமையும் எங்கள் டொச்சண்ணாவையே சாரும். காலமாற்றம் எங்கள் ஊரில் திரிந்த டொச்சண்ணாவை போர்வல்லுனராய் தளபதியாய் மாற்றியது. அரசியல் பணியிலிருந்து விடுபட்டு களத்தில் மீண்டும் சண்டைக்காரனாக…! களமே வாழ்வாக அவரது களங்கள் எங்கும் விரிந்து பரந்தது. ஊர்கள் வெறிச்சோடி மனிதர்களை இழந்தது ஆனாலும் தான் ஓடித்திரிந்த ஊர்களைக் காக்கும் பணியில் டொச்சண்ணா மீண்டும்….! தமிழரசன் என்ற பெயர் யாருக்கும் நினைவில்லை ஆனால் டொச்சன் என்ற பெயரை அப்போது தெரியாத குழந்தையே இருக்கவில்லை. அவ்வளவுக்கு அந்தப் பெயர் யாழ்மாவட்டத்தின் அனேக இடங்களில் உச்சரிக்கப்பட்டுக் கொண்டிருந்தது. ஒரு படையணியை வழிநடத்தும் திறன் மிக்க தளபதியாய் மாற்றம் கொண்ட வீரன். வலிகாமம் தாக்குதல் தளபதியாய் உயர்ந்து நின்ற போர்த்தளபதி. பலாலி,கோட்டை,மின்னல் (மணலாறு) என களங்கள் கண்ட ஓயாதபேரலை. 8தடவைகளுக்கு மேல் விழுப்புண்ணடைந்தும் இலட்சியத்தில் தனது இலக்கில் பின்னடைவைக் காணாத புன்னகைமாறாத போர்வீரன். களமும் காயமடைதலும் அந்தப்புலி வீரனுக்குப் புதியதில்லை. சமரொன்றில் காயமடைந்து (மின்னல் சமரென நினைவு) முழுமையாக குணமடையாத நிலமையிலும் பலாலி இராணுவத்தின் கூட்டுப்படைத்தளம் மீதான தாக்குதலில் தானும் கூடவே சண்டையில் நின்றார். அச்சண்டையின் தேவையை உணர்ந்து களத்தில் நின்றவர்களோடு தானும் ஒரு வீரனாகி நின்றார். அத்தாக்குதலில் புலிகளணி பெரும் வெற்றியைப் பெற்றது. பெற்ற வெற்றியில் மகிழ்ந்து ஆரவாரித்த போராளிகளின் மகிழ்ச்சியின் தருணம் அது. டொச்சண்ணாவும் இன்னும் தளபதிகள் போராளிகள் கூடி திசையெங்கும் நின்ற வேளையது. தோல்வியைப் பொறுத்துக் கொள்ள முடியாத எதிரி பலாலியிலிருந்து தலைநிமிர முடியாத அளவுக்கு எறிகணைகளை ஏவிக் கொண்டிருந்தான். இதே களத்தில் நின்ற கப்டன் மலரவன் என்ற உன்னதமான போராளியின் உயிர் மூச்சும் வளலாய் பகுதிமீது எதிரி ஏவிய எறிகணையில் தனது மூச்சை நிறுத்தி கப்டன் மலரவனாக தன்னை வரலாற்றில் பதிவு செய்து கொண்டது. 23.11.1992 ஈழவிடுதலைப் போராட்டத்தின் போர் இலக்கியமாக போற்றப்படும் ‘போர்உலா’ என்ற இலக்கியப் பொக்கிசத்தை எங்களுக்குத் தந்த போராளி. எத்தனையோ களங்களில் தனது கள அனுபவங்களை எழுத்தாக்கிய வீரன். ஒரு கையில் பேனாவோடும் மறுகையில் துப்பாக்கியோடும் களமெங்கும் திரிந்த கப்டன் மலரவன் அவர்களின் இழப்பு பேரிழப்பாக அமைந்தது. அன்று மலரவனோடு மண்மீட்பில் 57மாவீரர்கள் தங்கள் இன்னுயிர்களை ஈகம் தந்து தங்கள் இறுதி மூச்சை பலாலிப்பகுதியில் கரைத்துக் காவியமானார்கள். அதேபோல எங்கள் டொச்சண்ணாவும் எறிகணைத் தாக்குதலில் படுகாயமுற்று 24.11.1992 அன்று வீரச்சாவடைந்து மேஜர் தமிழரசனாக (டொச்சன்) தான் நேசித்த இலட்சியத்தின் பாதையில் தனது கடமையை நிறைத்த மகிழ்வோடு மாவீரனாக….! முதல் சண்டையனுபவம் கண்ட பலாலிப்பகுதியே அந்த இனிய போராளியின் இறுதிக்களமாகி எங்கள் நெஞ்சங்களில் ஆறாத துயரைத் தந்து சிரித்தபடியே நினைவுகளில் இன்றும் ஞாபகமாய்….கோப்பாய் மாவீரர் துயிலுமில்லத்தில் உறங்கிப் போனார். சிறுவனாக பின்னர் இளைஞனாக இருந்த காலத்தில் அந்தப்புலிவீரன் சயிக்கிளில் சுற்றிய மயிலிட்டி , பலாலி , வசாவிளான் , ஒட்டகப்புலம் , அச்சுவேலி , வளலாய் என ஊர்களைக் கொள்ளையிட்டு வைத்திருந்த படைகள் மீது தாக்குதல் தொடுக்கும் போர் வீரனாய் டொச்சனென எல்லாராலும் நேசிக்கப்பட்ட வீரன் இறுதி மூச்சுக் கரைந்ததும் அந்த வீரன் திரிந்த பழகிய இடங்களில் ஒன்றான வளலாய் தான் என்பது வரலாற்றின் அதிசயம் தான். ஒவ்வொரு போராளியின் இறுகிய இதயங்களுக்குள்ளும் ஈரமான ஒவ்வொரு காதல் நினைவும் காதலும் இருந்து கொண்டேயிருந்திருக்கிறது. மெல்லிய , நெடிய அந்தச் சிரித்தபடி திரியும் வீரனின் இதயத்திற்குள்ளும் ஒருத்தி குடியேறியிருந்தாள் என்பதனைப் பின்னாளில் கூடவிருந்த ஒரு போராளி நினைவு கூர்ந்திருந்த போது நாங்கள் நேசித்த எங்கள் அயல் ஊரவனாகப் பிறந்து எங்கள் ஊரையும் காத்த பெருமைக்குரிய அந்தப்புலி வீரனை என்றென்றும் பெருமையோடே நினைவு கூரும் வகையில் அவனது வாழ்வும் வரலாறும் உயர்ந்து நிற்கிறது. காதலைவிடவும் கடமையை தாயகத்தின் மீதான பாசத்தை தனது ஒவ்வொரு செயலாலும் வெளிப்படுத்தி தனது சொல் ஒவ்வொன்றின் முன்னாலும் செயலாய் வாழ்ந்து காட்டிய விடுதலைப் போராளிகளில் ஒருவராக எங்கள் நினைவுகளோடு சேர்ந்தே பயணிக்கும் தமிழரசன் அல்லது டொச்சன் என்ற மாவீரனின் நினைவுகளையும் சுமந்தபடி…. அவர்களது கனவுகளை எட்டும் காலமொன்றின் வரவிற்காய்….! நினைவுப்பகிர்வு: சாந்தி நேசக்கரம். (18வருட நினைவு நாளில் வரையப்பட்டது)   https://thesakkatru.com/mejor-tamilarasan-dozen/
    • மாவீரர்களுக்கு வீரவணக்கங்கள்       https://thesakkatru.com/
    • தலைவனை காட்டிக் கொடுப்பதும் பெற்ற தாயை கூட்டிக் கொடுப்பதும் ஒன்றுதான்.
    • சுமே இவ்வளவும் நடந்திருக்கா? எது எப்படியோ இங்கு கண்டது சந்தோசம். மறுபடியும் சமையல்கட்டில் ஆளைக் காணலாமோ?
×
×
  • Create New...

Important Information

By using this site, you agree to our Terms of Use.