Sign in to follow this  
நிழலி

K.S..ராஜா பற்றிய ஒரு குறிப்பு: பழைய விகடனில் இருந்து

Recommended Posts

சாகும் வரை அறிவிப்பாளராகவே இருக்க விரும்புகிறேன்..!

ற்பாடு செய்தவர்களே எதிர் பார்க்கவில்லை. மதுரை காந்தி மியூஸிய திறந்தவெளி அரங்கு திணறியது. எங்கெங்கும் ஆரவாரத் துடன் ரசிகர்கள் கூட்டம்.

இலங்கை வானொலியின் அலை வரிசைகளில் ஆதிக்கம் செய்த அபிமான அறிவிப்பாளர் கே.எஸ்.ராஜாவின் குரலைச் சமீபகாலமாகக் கேட்க முடியாமல் தவித்த வானொலி நேயர்களுக்கு, ஈழப் போராட்ட நிதிக்கு அவர் இங்கு நேரடியாக நிகழ்ச்சிகளைத் தரப்போகிறார் என்ற செய்தி எதிர்பாராத இன்ப அதிர்ச்சி. அவர் கம்பீரக் குரலை நேரில் கேட்கவும் அவரைப் பார்க்க வும் ஆர்வத்துடன் பரபரத்தனர்.

'பராக்’ சொல்வதுபோல் முதலில் ஒருவர் 'வருகிறார்... வருகிறார்... கே.எஸ்.ராஜா’ என அறிவிக்க, அதைத் தொடர்ந்து பிரமாண்டமான மியூஸிக். மற்றொருவர் வந்து மைக் பிடிக்க, இவரும் கே.எஸ்.ராஜா p67.jpgவருவதை அறிவிக்கிறாரோ என நாம் எதிர்பார்த்து இருந் தோம். மைக்கைப் பிடித்தவுடன், ''வீட்டுக்கு வீடு வானொலிப் பெட்டிக்கு அருகில்...'' என அதே மிடுக்கான குரல் ஒலிக்க, ராஜாவின் குரலை நேரில் கேட்ட மகிழ்ச்சியில் கரகோஷம் விண்ணைப் பிளந்தது.

லேசான சாம்பல் நிற சஃபாரியில் சற்றே குள்ளமாக, தொப்பி வைத்துக்கொண்டு, நாம் சற்றும் எதிர்பார்க்காதபடி வித்தியாசமான ராஜாவாக இருந்தார். தேனிசை மழையின் ஆரம்பத்தில் ஒரு மாணவி, கே.எஸ்.ராஜாவிடமே பர்சனாலிடி பற்றிக் கேட்டுவிட... அவர், ''நீங்கள் எப்படி எதிர்பார்த்தீர்கள்?'' என்றவுடன், ''கொஞ்சம் ஹைட்டா, வெயிட்டா அமிதாப் பச்சன் ஸ்டைலில் இருப்பீர்கள் என்று எதிர்பார்த் தேன்'' என்றார் அந்த மாணவி. ''அமிதாப்புக்கு என்னைப் போன்று அழகான தமிழ்க் குரல் கிடையாதே'' என்றார் கே.எஸ்.ராஜா. அரங்கமே சிரிப்பில் அதிர்ந்தது. 'பாட்டுக்குப் பாட்டு’ இசை நிகழ்ச்சி ஆரம்பத்திலேயே சூடுபிடித்தது. அதிகாலை 3 மணி வரை பார்வையாளர்களைத் தனது பேச்சிலும் கிண்டலிலும் மகிழ்ச்சிக் கடலில் ஆழ்த்தினார்.

மறுநாள் யானைக்கல்லில் உள்ள ஹோட்டல் பிரசிடென்ட்டில் கே.எஸ்.ராஜாவைச் சந்தித்தோம்.

தினமும் வானொலியில், வணக்கம் கூறி விடைபெற்று நழுவிவிடும் ராஜாவைப் பற்றிய முழு விவரம் தெரிய வேண்டாமா?

இயற்பெயர் ஸ்ரீஸ்கந்த ராஜா. அப்பா டாக்டர். அம்மா ஆசிரியை, சிறு வயதில் இருந்தே உச்சரிப்பு சரியாக இருக்க வேண்டும் என்று அம்மா தான் பழக்கப்படுத்தினாராம். அக்காக்கள் நால்வரும் டாக்டர் கள். முக்கியமாக, பிளாஸ்டிக் சர்ஜரியில். படிப்பு இலங்கைப் பல்கலைக்கழகத்திலும் லண்டன் பல்கலைக்கழகத்திலும். கணிதம் மற்றும் ரசாயனப் பட்டதாரி.

''1966-ல் கொழும்பு ராயல் காலேஜில் படிக்கும்போது, மாணவர் பேரவைத் தலைவராகத் தேர்ந்தெடுக்கப்பட்டேன். என்னை எதிர்த்து நின்றவர் ஒரு சிங்களர். அந்த செயின்ட் தாமஸ், செயின்ட் பீட்டர்ஸ் பகுதிகளில் சிங்களர் கள்தான் அதிகம் என்றாலும், அவர்களும் தமிழரான என்னையே தெரிவு செய்தார்கள். (நடுநடுவே பயங்கரமான தும்மல். தமிழ்நாட்டு க்ளைமேட் ஏற்றுக்கொள்ளவில்லையாம்!)

''சிலோன் யுனிவர்சிட்டியில் கொஞ்ச நாட்கள் புரொஃபஸராகப் பணியாற்றினேன். எக்ஸாம் கவுன்சிலிலும் நியமித்தார்கள். அப்போதெல்லாம் பி.ஹெச்டி. வாங்க வேண்டும் என்றுதான் எண்ணியிருந்தேன். 'ரேடியோவில் அறிவிப்பாளர் கேட்டு விளம்பரம் வந்திருக்கு. நீங்கதான் நன்றாகப் பேசறீங்களே. அப்ளை பண்ணுங்க’னு ஸ்டூடன்ட்ஸ் சொன்னாங்க.

அப்போதெல்லாம் பொதுவாக நாடகத்தில் பேசினவங்களைத்தான் தெரிவு செய்தார்கள். ஆனால், அறிவிப்பாளர் மயில்வாகனம் அவர்கள், எனது உச்சரிப்பினையும் குரல் வளத்தையும் கண்டுகொண்டு, என்னையே அந்தப் பணிக்கு நியமித்தார். எனது முன்னேற்றத்துக்கு அவருடைய உற்சாகமும் உறுதுணையும்தான் முக்கியக் காரணம்'' என்றார் ராஜா.

p67a.jpg

1970-ல் ராஜாவின் நுழைவுக்குப் பின், வானொலி ஒலிப்பரப்பில் ஏற்பட்ட மாறுதல்கள் பற்றிக் கேட்டபோது...

''சாதாரண பொதுமக்களுக்கும் நிலையத்துக்கும் மிகுதியான உறவினை ஏற்படுத்தும் புதுமையான நிகழ்ச்சிகளை அறிமுகப்படுத்தினேன். பி.பி.சி-யில் 'ஹீட்பரேட்’ (இசை அணித் தேர்வு) - நிகழ்ச்சி யினை முதன்முதலாக அறிமுகப்படுத்தினேன். 'இசைச் செல்வம்’ நிகழ்ச்சிகூட அதைப் பின்பற்றி அமைக்கப்பட்டதுதான்.

நான் அமைக்கும் 'திரை விருந்து’ நிகழ்ச்சி யினைத் தயாரிப்பாளர் பாலாஜி அவர்கள் மிகவும் பாராட்டியிருக்கிறார். நடிகர் திலகம் அவர்களும் அவருடைய துணைவியாரும் 'ஹீட் பரேட்’ நிகழ்ச்சியினை மிகவும் ரசித்துக் கேட்ப தாகக் கூறியிருக்கிறார்கள்.

மாணவ - மாணவியருக்காக நடத்தப்படும் 'பொது அறிவுக் களஞ்சியம்’ நிகழ்ச்சி, மக்களிடையே மிகுதியான வரவேற்பு. 1981-ல் இந்த நிகழ்ச்சியில் கேட்கப்பட்ட கேள்விகளே அரசுத் தேர்வுக்கு மிகுதியாக வந்திருந்தன. ''தொலைபேசி மூலம் உரையாடும் 'உங்கள் விருப்ப நிகழ்ச்சி’க்கும் பொதுமக்களிடையே நல்ல வரவேற்பு'' என்றார்.

''புதுமை என்றாலே எதிர்ப்புகள் இருக்குமே... தங்களுக்கு?''

''இல்லாமலா என்ன... ஆரம்பத்தில், வழக்க மான ஒலிப்பதிவு முறைக்கு எதிராகச் செயல் படுகிறேன் என்று சொல்லி, முழுமையாக இடையூறு செய்தார்கள். ஆனால், ரசிகர்களின் ஏராளமான கடிதங்கள், அதிகாரிகளின் மனத்தை மாற்றிவிட்டு, என்னையும் விருப்பம்போல் செயல்படவைத்துவிட்டது!''

உரையாடல் கவிதை மீது தொற்றியது.

''இலங்கையில் கவியரசர் கண்ணதாசனுக்கு ஏராளமான ரசிகர்கள். கருணா ரத்தின அபய சேகரர் என்பவர் ஒரு சிங்களக் கவிஞர். அவர் கண்ணதாசனின் தமிழ்க் கவிதைகளைச் சிங்களத் தில் மொழிபெயர்த்துத் தரும்படி கேட்டு, அப்படியே அதனைக் கவியாக வடித்துவிடுவார்'' என்றார் ராஜா.

ராஜா, இலங்கை வானொலியைவிட்டு வெளியேறிய நிகழ்ச்சியைப் பற்றிக் கூறினார்.

p67b.jpg''நான் எழுச்சிப் பாடல்களாக ஒலிபரப்பி னேன். உடன் இருப்பவர்களே பொறாமையினால் காட்டிக்கொடுத்துவிட்டார்கள். பின் என்ன, இடைநிறுத்தம் செய்துவிட்டார்கள். ராணுவத் தினரிடம் சித்ரவதை. நான்கு மாதக்கஷ்டம். அதைத் தொடர்ந்து வட இலங்கை நோக்கிப் பயணமாகிவிட்டேன். யாழ்ப்பாணம் குடா நாடு முழுமையாகப் போராளிகளின் கட்டுப்பாட் டில் இருப்பதால், பிரச்னை எதுவும் இல்லை.

இயக்கங்கள் அனைத்தும் ஒரு கொடியின் கீழ் இணைய வேண்டும். சமீபத்திய வவுனத் தீவு சண்டை ஒரு ஆரோக்கியமான அறிகுறி'' என்கிறார்.

''இப்போதெல்லாம் ஈழ மக்கள் இலங்கை வானொலியை நம்புவது இல்லை. 'லங்கா புவத்’ - என்பதை 'லங்கா பொய்’ என்றே கேலியாக அழைக்கிறார்கள்.

இந்தியப் பத்திரிகைகள் மற்றும் இந்திய வானொலி நிலையங்களில் ஒலிப்பரப்பாகும் செய்திகளையே நம்புகிறார்கள்'' என்கிறார்.

''சாகும் வரையிலும் அறிவிப்பாளராகப் பணியாற்றவே விரும்புகிறேன். ஆனால், மறுபடியும் இலங்கை வானொலி நிலையம் சென்றால், என்னால் சுதந்திரமாகப் பணியாற்ற முடியாது இல்லையா?''

- அந்தக் கம்பீரமான குரலில், ஓர் இனம் புரியாத சோகம் இழையோடியது!

- பி.இளங்கோவன், ஆர்.தேன்மொழி

நன்றி: விகடன் பொக்கிசம்

  • Like 1

Share this post


Link to post
Share on other sites

"விநோத வேளை" நிகழ்ச்சியில் கே.எஸ்.ராஜா மற்றும் ராஜேஸ்வரி சண்முகம் அவர்களின் குரலைக் கேட்க...

.smiley4193.gifஒரு நிமிடம், எழுபதுகள் காலத்திற்கே சென்ற உணர்வு..

[size=3]-யாழ் சுதாகர் இணையத்திலிருந்து[/size]

  • Like 3

Share this post


Link to post
Share on other sites

"விநோத வேளை" நிகழ்ச்சியில் கே.எஸ்.ராஜா மற்றும் ராஜேஸ்வரி சண்முகம் அவர்களின் குரலைக் கேட்க...

.smiley4193.gifஒரு நிமிடம், எழுபதுகள் காலத்திற்கே சென்ற உணர்வு..

-யாழ் சுதாகர் இணையத்திலிருந்து

பகிர்வுக்கு நன்றி ராஜவன்னியன் !! இந்த நிகழ்ச்சியை நானும் சின்ன வயதில் கேட்டு இருக்கின்றேன். நான் 80 இன் ஆரம்பத்தில் குருணாகல் என்ற சிங்கள் ஊரில் வசிக்கும் போது இ.ஒ.கூ இன் அலைவரிசையில் கேட்டு கேட்டு உணர்வுக்குள் ஒன்றாகியிருக்கின்றேன்

Share this post


Link to post
Share on other sites

பகிர்விற்கு நன்றி நிழலி..

அவரின் "எதிரொலி" மற்றும் "எங்கள் தங்கராஜா" படத்திற்கான வானொலி விளம்பர யுக்தியிலும், குரல் வளத்திலும் தமிழகமே சொக்கியது இன்றும் பசுமையாக நினைவில் உள்ளது..

சில நாட்கள் சென்னை வர நேர்ந்தால், சிற்றலை ஒலிபரப்பை தேடிப்பார்த்து(சென்னையில், தமிழ் சேவையின் மத்திய அலைவரிசை கிட்டுவதில்லை) அவரின் குரலைக் கேட்க காத்திருப்பது வழக்கம்..

ஏறத்தாழ மத்திய, தென் தமிழகத்தின் அனைவரையும் சுத்தத் தமிழில் இனிமையான குரல்வளத்தால் தினமும் வசீகரித்தவ்ர்கள் மயில்வாகனன் சர்வானந்தா, கே.எஸ்.ராஜா மற்றும் ராஜேஸ்வரி சண்முகம். இவர்கள் யாவரும் அமரத்துவம் அடைந்துவிட்டனர்..ஆனால் அவர்கள் விட்டுச்சென்ற நினைவலைகள் இன்னமும் எம் மனதில் மிக ஆழமாய்...

சில நினைவு:

"நீயா?" திரைப்படத்தில் ஒரு காட்சியில் மனித உருவில் வந்த சிறீப்ரியா இறுதியில் இறக்கும் தறுவாயில் இப்படி கதறுவார்... “ராஜா என்னை விட்டுப்போயிடாதீங்க ராஜா” .. ஆனால், நம் கே.எஸ் ராஜா, உடனே இடையில் வந்து, "இல்லை நேயர்களே..! உங்கள் ராஜா இன்று விடைபெறும் நேரம் வந்துவிட்டது..மீண்டும் அடுத்தவாரம் உங்களை சந்திக்கின்றேன்" என்று கூறி நேயர்களிடமிருந்து விடைபெற்று அந்த விளம்பரதாரர் நிகழ்ச்சியை நிறைவு செய்வார்...

இதே போன்றே சிவாஜியின் "எதிரொலி" திரைப்படத்தில், ஒரு நீதிமன்ற காட்சியிலும் உட்புகுந்து தன் குரலால் கலக்குவார்...

யம்மாடியோவ்... !

மிக சொற்ப காலத்தில் வேகமான, கம்பீரமான தன் குரலில், தமிழை மிகத் தெளிவாக உச்சரித்து தமிழர்களை வசீகரப்படுத்தியவர்.

f-8-4.jpgf-7-5.jpg

இப்படங்களில் கே.எஸ்.ராஜா(?), ராஜேஸ்வரி சண்முகம் மற்றும் பி.எச். அப்துல் ஹமீத் ஆகியோரை அடையாளம் காண இயலுகிறது...

[size=3]படங்கள் உதவி: : ஈழவயல்[/size].

.

Edited by ராஜவன்னியன்

Share this post


Link to post
Share on other sites

நினைவலைகளை மீட்டதில் இன்னும் சில இலங்கை வானொலி தமிழ்ச் சேவை அறிவிப்பாளர்கள் பெயர் ஞாபகதிற்கு வந்துள்ளது. அவர்களின் குரல்கள் சிறிது ஞாபகம் இருப்பினும் இணையத்தில் படங்கள் கிட்டவில்லை.

  • புவனலோசினி
  • சில்வஸ்டர் பாலசுப்ரமணியம்
  • பரராசசிங்கம்
  • மயில்வாகனன்
  • ராஜகுரு சேனாதிபதி கனகரத்தினம்
  • ஜோக்கிம் பெர்னாண்டோ

sp+mailvaganan_radio+ceylon+announcer.jpg

மயில்வாகனன்

f-8-2.jpg

ராஜகுரு சேனாதிபதி கனகரத்தினம்

இவர்கள் இன்றும் உள்ளனரா...? என தெரியாது.. அறிந்தவர்கள் இங்கே விபரம் பதிந்தால் நன்று.

.

Share this post


Link to post
Share on other sites

இன்றும் தமிழகத்தில் பலர் கே.எஸ்.ரசாபற்றி தமிழகத்தில் விசாரிக்கிறார்கள்.. கொலையுண்ட அந்த கலைஞ்சனுக்கு என் அஞ்ச்சலிகள்

Share this post


Link to post
Share on other sites

ksrajah.2.jpg

[size=5]அமரர் கே.எஸ்.ராஜா பற்றிய [/size]

[size=5]ஒரு ரசிகனின்[/size]

[size=5]நினைவலைகள்.[/size]

- யாழ் சுதாகர்

'தூங்க வைப்பதல்ல வானொலி அறிவிப்பு

உற்சாகம் பொங்க வைப்பது தான்

உயிர்த்துடிப்பான அறிவிப்பு' என்று...

எழுபதுகளில் எழுந்து வந்த

மின்சாரத் தமிழே... வணக்கம் ! ...

வீட்டுக்கு வீடு வானொலிப் பெட்டிக்கு அருகில்

ஆவலுடன் கூடியிருக்கும் எங்கள்

வானுயர்ந்த ரசனைகள் வற்றாத வரை...

உங்களை

மறக்க முடியுமா அய்யா ?

சென்னைக்குச் சுற்றுலா சென்று திரும்பிய

எங்கள் ஊர் ரசிக முகங்களிடம்...

எம்.ஜி.ஆர்., சிவாஜியைப் பார்த்தீர்களா ? என்று

என் விசில் வயதுகளில் நான் விசாரித்ததுண்டு.

பத்து வருடங்கள் கழித்து நான் இந்தியாவுக்கு வந்திருந்தபோது...

இந்திய நண்பர்கள் என்னிடம் கேட்ட கேள்விகளில்

எனக்கு இமய வியப்பைக் கொடுத்தது எது தெரியுமா ?

நீங்கள் கே.எஸ். ராஜாவைப் பார்த்திருக்கிறீர்களா ?

அவர் எப்படி இருப்பார் ?

------------------

மின்னல் வேகம்...

ஆனாலும் வார்த்தைக்கு வார்த்தை விளங்கிக் கொள்ளும்படியான

தெளிவான உச்சரிப்பு...

இந்த இரண்டும் இணைந்து ஜொலித்த ஒரு பிறவி அறிவிப்பாளர்

உங்களைப்போல்... இனி பிறக்க முடியுமா?...

உங்கள் அருமையை சுருங்கச் சொல்லி...

விரிய விளங்க வைக்க இப்படியும் சொல்லலாம்.

ஒரு எம்.ஜி.ஆர்....

ஒரு கண்ணதாசன்...

ஒரு சிவாஜி...

ஒரு டி.எம். சௌந்தரராஜன்...

ஒரு கே.எஸ்.ராஜா...

தனித்துவமாக நடிக்கும் திறமை இருந்தாலும் புது முகங்கள்

சில காட்சிகளிலாவது...சிவாஜியின் பாதிப்பில் சிக்கிக் கொள்வதைப் போல

முதன் முதலாக ஒலிவாங்கிக்கு முன்னே நிற்கும் அறிவிப்பாளர் பலரை...

தொப்பி அணிந்து வரும் உங்கள் தோழமைக்குரல்

அப்பிப் பிடித்து ஆட்சி செய்வதை அவதானித்திருக்கிறன்.

பேசாதவர்களைப் பேச வைத்த..

பார்க்காதவர்களைப் பார்க்க வைத்த...

நடக்காதவர்களை நடக்க வைத்த...

சித்தர்களைப் பற்றி நான் கேள்விப்பட்டிருக்கிறேன்.

ஆனால்... ஓடாததை எல்லாம் ஓடவைத்த சித்தரை

நேரில் பார்த்தேன்.

உங்களைத் தான் சொல்கிறேன் !

இந்தியாவில் ஓடாத படங்கள் இலங்கையில்

உங்கள் மந்திர உச்சாடனம் கேட்டதால்

100 நாள்.. வெள்ளி விழா... என வெற்றி நடை போட்டனவே...

அதைத் தான் சொல்கிறேன்...

இந்தியாவிலும் கூட பின்னணியில் இருந்த பல படங்கள்...

திரை விருந்து நிகழ்ச்சிகளில்

உங்கள் 'தங்கக் குரல் 'கட்டி விட்ட 'தாயத்து' மகிமையால்

சிங்க நடை போட்டு

விநியோகஸ்தர்களை வசூல் மழையில் நனைத்ததைப் பற்றிய

வியப்புச் செய்திகளையும்

பத்திரிகைச் செய்திகளில் படித்திருக்கிறேன்.

உங்கள் உற்சாக குரலுக்காக மட்டுமன்றி அந்த வார நிகழ்ச்சியில்

புதிதாக நீங்கள் செய்யப்போகும் ஒட்டு வேலைகளையும்,

விளம்பர சாதுர்யங்களையும் தவறாது ரசிப்பதற்காக

சலிக்காத ரசிக வேட்கையுடன்

வானொலிப் பெட்டிக்கு அருகில் காத்துக் கிடந்தேன் என்பதை

அறிவீர்களா ராஜா ?

நடிகர் திலகத்தின் 'எங்கள தங்க ராஜா' படத்துக்கு

நீங்கள் விளம்பரம் வாசித்தபோது

எங்கள் என்று குதூகலமாக ஆரம்பித்து...

தங்க என்ற இடத்துக்கு வரும்போது

குரலில் குழைவு கூட்டி அவசரமாக நெகிழ்ந்து..

ராஜா என்று கம்பீரமாக முடிப்பீர்களே...

அன்று கேட்ட அந்த 'தங்க'

இன்றும் என் செவியோரங்களில் மங்காமல் தங்கி விட்டது.

'நான் ஏன் பிறந்தேன்' படத்தில்

கே.ஆர்.விஜயாவிடம் எம்.ஜி.ஆர் பேசுவதாக வரும்

'அழறவங்களை சிரிக்க வைக்கிறதும், சிரிக்கிறவங்களை சிந்திக்க

வைக்கறதும் தான் என்னோட லட்சியம்...'

என்ற வசனத்தை மட்டும் தனியே பிரித்தெடுத்து...

மக்கள் திலகம் எம்.ஜி.ஆர். அவர்களே உங்கள் இலட்சியம் என்ன ?

என்று நீங்கள் பேசிவிட்டு

அந்த இடத்தில் கொண்டு வந்து

லிங்க் கொடுப்பீர்களே... அடடா !

நீயா, குரு, நிறம் மாறாத பூக்கள். பட்டாக்கத்தி பைரவன், மீனவநண்பன், என்று பல படங்களுக்கு... நீங்கள் செய்து காட்டிய

இது போன்ற ரேடியோ கிராபிக்ஸை எல்லாம்

இன்றும் கூட என் செவிகள் அசை மீட்டு ரசிப்பதுண்டு.

ஈர்ப்புத் தமிழே... எனக்கு மட்டும்

இந்த ரகசியம் சொல்வீர்களா ?

'சந்திர வதனன் 'எம்.ஜி.ஆரின்

காந்தச் சிரிப்பைக் கண்டதும் வந்திடும் உற்சாகம்...

உங்கள் சுந்தரக் குரலால்

எம்.ஜி.ஆர் என்று சொன்னதைக் கேட்டதும் வந்ததே எப்படி ?

ஈர்ப்புத் தமிழே எனக்கு மட்டும்..

இந்த ரகசியம் சொல்வீர்களா ?

கவியரசர் கண்ணதாசன் காலமானார் என்ற சேதி அறிந்தவுடன்

மூச்சிரைக்க ஓடி வந்து...

இலங்கை வானொலி இசைத்தட்டுக் களஞ்சியத்துக்குள் பார்வை பதித்து...

உங்களுக்கே இயல்பான தேர்ந்த அவசரத்துடன்

கண்ணதாசன் எழுதிய முதல் இசைத் தட்டைத் தேடிப்பிடித்து...

இன்னும்... இன்னும்... அவர் கவிப்புலமைக்கு

மகுடம் சூட்டிய இசைத் தட்டுக்களை எல்லாம் அள்ளிக்கொண்டு

அவசர அவசரமாக அன்றைய திரை விருந்து நிகழ்ச்சியை

அரசவைக் கவிஞருக்கு கண்ணீர் அஞ்சலியாக்கி...

அயல்நாட்டு வானொலிகளையும் முந்தி நின்றீர்களே...!

அறிவிப்பு பாணியில் மட்டுமன்றி

உழைப்பிலும்...

கடமையிலும்...

தமிழன் என்ற துடிப்பிலும்...

உங்களுக்கு இருந்த வேகத்தை

அன்றைய நிகழ்ச்சியில் உணர்ந்து நெகிழ்ந்தேன்.

யாழ்ப்பாணம் புகையிரத நிலையத்தில்

யாழ்தேவிக்காக காத்திருந்த பயணிகள் மத்தியில்

எதிர்பாராதவிதமாக உங்களை இனங்கண்டு...

இன்ப அதிர்ச்சிக்குத் திரைபோடத் தெரியாத பாமரன் போல்

உங்கள் பக்கம் பாய்ந்து வந்து...

ரசிகன் என்ற அடைமொழியுடன் அறிமுகம் செய்து கொள்கிறேன்.

புன்னகையுடன் அங்கீகாரம் தருகிறீர்கள்.

அந்த அங்கீகாரமும், உங்கள் எளிமையும் தந்த தைரியத்தில்

அதிக உரிமை எடுத்துக் கொண்டு அளவளாவுகிறேன்.

தகரம் வேய்ந்த திரைஅரங்குகளின் பெயர்களையும்

ஸ்டைலோடு சொல்லி அவற்றிற்கு

சிகரகம்பீரம் கொடுக்கும் உங்கள் சிறப்புக் குரல் பற்றி -

(இதை விட்டால் வேறு சந்தர்ப்பம் கிடைக்குமோ என்ற அங்கலாய்ப்புடன்) பட்டியல் போட்டுப் பாராட்டுகிறேன்.

நீங்கள்... நெகிழ்வது தெரிகிறது...

அதற்குப் பிறகு நிறையவே பேசினீர்கள்.

எண் ஜோதிடம் பற்றியும் பேசினோம்.

உங்கள் பிறந்த தேதி கேட்டேன்

சொன்னீர்கள்.

(அடடா நீங்களும் எட்டா? இந்த விஷயத்தில் உங்களை ஒத்திருப்பதை உள்ளுக்குள் உரத்து மகிழ்கிறேன்.)

புகையிரத நிலைய பூபால சிங்கம் புத்தகக் கடை...

சிவராசா எழுதிய எண் ஜோதிட நூலை

என்னிடம் வாங்கிய நீங்கள்...

முகவரி தந்து கடிதம் போடச் சொல்கிறீர்கள்..

யாழ்தேவி புறப்படுகிறது...

அன்றைக்கு மட்டும் யாழ்தேவியின் கம்பீரம்

சற்று கூடியிருப்பதாகவே எனக்குத் தெரிகிறது.

உள்ளே... நீங்கள் அல்லவா ?

அதற்குப் பிறகு... ஓரிரு வருடங்கள் கழித்து...

ஈச்சமோட்டை சனசமூக நிலையம் நடத்தப்போகும்

பாட்டுக்குப் பாட்டு நிகழ்ச்சியை நீங்கள்

தொகுத்து வழங்க இருப்பதாகக் கேள்விப்பட்டேன்.

இதற்கு முன்பு ஒரு முறை வீர சிங்கம் மண்டபத்தில்

உங்கள் போட்டி நிகழ்ச்சியொன்றில் கலந்து கொள்ள முயன்று

முடியாமல் போனது நினைவுக்கு வந்தது.

இருந்தாலும் நம்பிக்கையுடன்

நடுவர்களிடம் பெயர் கொடுத்தேன்.

போட்டியில் பங்கேற்கும் நூற்றுக்கணக்கான

நேயர்களில் என்னையும் ஒருவனாக தேர்ந்தெடுத்தார்கள்.

மேடையில் எனது முறை வருகிறது...

போட்டியின் ஆரம்பத்தில் என்னைப் பற்றிய மேடை அறிமுகத்துக்காக

என்னிடம் சில கேள்விகள் கேட்கிறீர்கள்.

ராஜாவுடன் ஒலிவாங்கி பிடித்துப் பேசுகிறோம் என்ற

உயர மிதப்பில் உற்சாகமாக பதில்களை சொல்லுகிறேன்...

சுதாகர்... உங்கள் பொழுது போக்கு என்ன ? என்று கேட்கிறீர்கள்.

எம்.ஜி.ஆர் படங்களைப் பார்த்து ரசிப்பது என்கிறேன்.

கரகோஷத்தில் ஈச்சமோட்டை அதிர்கிறது.

கரகோஷத்திற்காகத் தானே எம்.ஜி.ஆர் பெயரைச் சொன்னீர்கள் சுதாகர் ?

மறுபடியும் என்னைப் பேச வைக்க விரும்புகிறீர்கள்.

கரகோஷத்திற்காக நான் அவர் பெயரைச் சொல்லவில்லை. வானொலி உலகில் எப்படி ஒரே ஒரு கே.எஸ்.ராஜா இருக்க முடியுமோ அது போல மக்கள் திலகமாக திரை உலகில் ஒரே ஒரு எம்.ஜி.ஆர் தான் இருக்க முடியும்... என்று துவங்கிய என் எம்.ஜி.ஆர் புராணத்தில் சாமர்த்தியமாக உங்கள் பெயரையும் நுழைத்த பெருமிதத்துடன் பேச்சை முடிக்கிறேன்.

இரண்டு மடங்கானது கரகோஷம்!.

நெல்லியடி மகாத்மா திரையரங்கில்...

'உலகம் சுற்றும் வாலிபன்' வெளிவருவதற்கு சில தினங்கள் முன்பு...

அப்படம் நகரங்களில் ஓடும்போது நீங்கள் வழங்கிய வானொலி விளம்பரத்தை ஒலிநாடாவில் பிடித்து வைத்திருந்து,

வேறொரு படத்தின் இடைவேளை சமயத்தில் அதை ஒலிக்கச் செய்ததை எதிர்பாராதவிதமாக கேட்டபோது உங்கள் ரசிகனாக துள்ளி குதித்ததையும்,

சுமார் 15 ஆண்டுகள் கழித்து சென்னை கமலா திரையரங்கில் ஏதோ ஒரு படத்தின் இடைவேளையில்... ஆடியோ விளம்பரங்களின் நடுவில் எதிர்பாராதவிதமாக உங்கள் மின்னல் தமிழைக் கேட்டு அந்த 20 நொடிகளும் எங்கள் கந்தர் மடம் வீட்டுக்குள் நான் கால் பதித்ததையும் -

சீனி மாமாவிடம் வாங்கிய அவர் உயரத்தில் பாதி நீளம் கொண்ட பழங்காலத்து ரேடியோ பெட்டியின் பேசும் முகத்தை முத்தமிட்டதையும் -

உங்கள் குரல் நின்றுபோனதும் மீண்டும் வெறுமைக்குள் வந்து விழுந்ததையும் இங்கு சொல்லாவிட்டால்....

வேறு எங்கு சொல்வது ஐயா ?

அதற்குப் பிறகு....

1986 என்று நினைக் கிறேன்.

நீங்கள் சென்னை விவித்பாரதியில் இசை மலர் நிகழ்ச்சியை வழங்கிக் கொண்டு இருக்கிறீர்கள்.

சென்னையில் திரைப்படப் பத்திரிகையாளனாக நான் பணியாற்றி கொண்டிருக்கின்றேன்.

டி.எம். சௌந்தரராஜன், சிவகுமார், கமல்ஹாசன் என்று கலையுலக சாதனையாளர்களை செவ்வி கண்டு எழுதிய நான்...

அந்த வரிசையில் எங்கள் மண்ணைச் சேர்ந்த உங்களைப் பற்றியும் எழுதிக் குளிர ஆசைப்பட்டு -

எங்கெல்லாமோ தேடி அலைந்து...

கடைசியில் தங்கக் குரலின் தங்குமிடம் திருவல்லிக்கேணி வாலாஜா சாலையில் உள்ளமாடி வீடு என்கின்ற தகவல் அறிந்து

உங்களை நாடி வந்து செவ்வி கண்டேன்.

இசை மலர் நிகழ்ச்சியில்

உங்கள் ஊஞ்சல் தமிழை ரசித்தவர்கள் இதயம் கனிந்து அனுப்பிய ஆயிரக்கணக்கான பாராட்டு மடல்களையெல்லாம்

உங்கள் இல்லத்தில் ஆசையோடு அடுக்கி வைத்திருந்தீர்கள்.

எத்தனையோ ஆண்டுகளுக்கு முன்பு இலங்கை வானொலியில் ஒலித்த உங்கள் வர்த்தக விளம்பரங்களையெல்லாம் ஒலிநாடாவில் பதிவு செய்த வைத்திருந்து...

நீங்கள் இந்தியாவில் இருப்பதை அறிந்ததும் அந்த ஒலிநாடாவை உங்களுக்கு அனுப்பி வைத்த தமிழ்நாட்டு ரசிகர் ஒருவரைப் பற்றி என்னிடம் பெருமிதத்தோடு சொல்லி நெகிழ்ந்தீர்கள்.

ஒரு குழந்தையின் குதூகலத்துடன் அந்த ஒலிநாடாவை எனக்காக ஒலிக்கச் செய்து என்னையும் பத்து வருடங்கள் பின்னோக்கி அழைத்து சென்று பரவசப்படுத்தினீர்கள்.

1987, ஜூலை 27ம் தேதி, மாலை 6.30 மணி.

சென்னை மியூசிக் அகாடமியில் என் இசைத் தோழன் உதயா வழங்கும் இன்னிசை மழை நிகழ்ச்சி.

அரங்கு வழிந்த கூட்டம்.

வணக்கம் என்று சொல்லி உங்கள் பாணியில் கரங்களை உயர அசைத்தவாறே மேடையில் தோன்றுகின்றீர்கள்.

நீங்கள் மேடைக்கு வந்ததும் சொல்லி வைத்தது போல அத்தனை ரசிகர்களும் எழுந்து நின்று கரகோஷம் செய்து உங்களுக்கு மரியாதை செய்கிறார்கள்.

நீங்கள் உணர்ச்சிப் பெருக்குடன் உங்கள் கழுத்தில் இருந்த மாலையைக் கழற்றி... 'எனக்கு போடப்பட்ட மாலை.... உங்களுக்கு போடப்படவேண்டிய மாலை'... என்று சொல்லி ஆடியன்ஸ் மத்தியில் தூக்கிப் போடுகிறீர்கள்...

அந்த நிகழ்ச்சியின் இடைவேளையில் - மேடையின் பின்புற வாயிலில் நின்று கொண்டிருந்த உதயாவை ஒரு ரசிகர் நெருங்குகிறார்.

நீங்கள் தானே இந்த இசை நிகழ்ச்சியின் பொறுப்பாளர் ?

ஆமாம்.... உங்களுக்கு என்ன வேண்டும்? என்று கேட்கிறார் உதயா.

கலைந்து போய் வாரப்படாத தலையுடனும், கசங்கிப் போன ஆடையுடனும், கலையாத ஆர்வத்துடனும் காணப்பட்ட அந்த ரசிகர் உடனே உதயாவின் கரங்களைப் பற்றுகிறார்.

'கே.எஸ் . ராஜாவை நேரில் பார்க்கணும்னு திருவண்ணாமலையில் இருந்து புறப்பட்டு வந்திருக்கிறேன். அவரோட சில நிமிஷங்களாவது பேச ஆசைப்படும்றேன். தயவு செய்து ராஜாகிட்டே என்னை கூட்டிட்டுப் போய் அறிமுகப்படுத்திவைங்க...' என்று கக்கத்தில் இருக்கும் மஞ்சள் பை நழுவுவது தெரியாமல் உதயாவை கெஞ்சுகிறார் அந்த ரசிகர்.

உடனே அந்த ரசிகரை கே.எஸ். ராஜா இருக்குமிடத்திற்கு அழைத்துச் செல்கிறார் உதயா.

திரை நட்சத்திரங்களின் நடுவில் நின்று கொண்டிருந்த ராஜாவை நெருங்கி அந்த ரசிகரைப் பற்றி சொல்லி அறிமுகப்படுத்துகிறார் உதயா.

உடனே... ராஜா அந்த ரசிகரை சேர்த்து அணைத்துக் கொள்கிறார்.

' நம் இருவரையும் ஒரு போட்டோ எடுங்கள்' என்று அருகில் நின்ற புகைப்படக் கலைஞரிடம் கட்டளையிடுகிறார்.

தோழமையுடன் அந்த ரசிகருடன் அளவளாவுகிறார்.

அறிவிப்பு தீபத்தை தரிசித்த திருப்தியுடன் திருவண்ணாமலை திரும்புகிறது.

இந்த செய்திகளையெல்லாம் பின்பு உதயா என்னிடம் சொன்ன போது இலங்கைத் தமிழனாக என்னுள் பெருமிதம் பெருக்கெடுத்தது.

வீட்டுக்கு வீடு வானொலிப் பெட்டிக்கு அருகில்

ஆவலுடன் கூடியிருக்கும் எங்கள்

வானுயர்ந்த ரசனைகள் வற்றாத வரை...

உங்களை

மறக்க முடியுமா அய்யா ?

-யாழ் சுதாகர்

yazhsudhakar@gmail.com

  • Like 1

Share this post


Link to post
Share on other sites

தமிழுக்குப் பெருமை சேர்த்த மதுரக் குரலோன்

பிறந்த மண்ணிற்கும் பெருமை சேர்த்தவர்.

நீண்ட வசனத்தை இடை நிறுத்தாது பிழைவிடாது மிக விரைவில் பேசி

முடிக்க அவர் ஒருவரால் தான் முடியும்.

Share this post


Link to post
Share on other sites

இப்போ இரண்டு நிமிடங்களுக்கு முதல் ஓசி பத்திரிகை எடுக்க போன இடத்தில் கமலா தம்பிராஜாவை சந்தித்தேன்.சுற்றுலா ஏஜென்சி வைத்திருப்பதாக சொன்னார்கள்.கே.எஸ் ராஜாவை பற்றிக் கேட்டேன்.தான் வானொலியில் பகுதி நேரம் தான் வேலை செய்ததாக சொன்னா.இருந்தாலும் எல்லோரும் ஒரு குடும்பமாக சந்தோசமாக பழகிய காலமது என்றார் ,அநியாயமாக கொலை செய்துவிட்டார்கள் என்றா ,யார் என்று கேட்டேன் ,கையை போட்டு வாறன் என்று காட்டிவிட்டு போய்விட்டார்

Share this post


Link to post
Share on other sites

இவர்கள் இன்றும் உள்ளனரா...? என தெரியாது.. அறிந்தவர்கள் இங்கே விபரம் பதிந்தால் நன்று..

மயில்வாகனன் இறந்துவிட்டார்.

Share this post


Link to post
Share on other sites

மறக்க முடியாத மதுரக் குரலோன். ஒவ்வொரு துளியும் உற்சாகமாகத்தான் கழியும். பாட்டுக்குப் பாட்டு நிகழ்ச்சியையும் முதன் முதலில் கே எஸ் ராஜாதான் ஆரம்பித்து வைத்தவர் என நினைக்கிறேன்.

'மீனவ நண்பன்' பட விளம்பரத்தில் வரும் நான் பனங்காட்டு நரி, இந்த சலசலப்பிற்கெல்லாம் அஞ்ச மாட்டேன் எனும் வசனத்தை அவரின் மைத்துனருடன் பிரச்சனை வந்த பொழுது, மைத்துனரிர்காக ஒலிபரப்பினார் என அந்த நேரத்தில் அவருடன் பழகிய நண்பர் கூறினார்.

Share this post


Link to post
Share on other sites

"விநோத வேளை" நிகழ்ச்சியில் கே.எஸ்.ராஜா மற்றும் ராஜேஸ்வரி சண்முகம் அவர்களின் குரலைக் கேட்க...

.smiley4193.gifஒரு நிமிடம், எழுபதுகள் காலத்திற்கே சென்ற உணர்வு..

[size=3]-யாழ் சுதாகர் இணையத்திலிருந்து[/size]

... 84ம் ஆண்டு, பப்பலப்பிட்டி இந்துக்கல்லூரியில் கல்வி கற்றுக்கொண்டிருந்தேன். அப்போது ஓர் நாள் கே.எஸ்.ராஜா குழுவினர் "செனித்துடன் ஒரு நிமிடம்" எனும் நிகழ்ச்சியை ... மேலிணைக்கப்பட்ட நிகழ்ச்சியை போன்றதே, செனித் பாதணிகள் தயாரிக்கும் நிறுவனம் நடாத்திய இந்நிகழ்ச்சியை முன் வேறொரு நிறுவனம் பிரதான அனுசரணையாளர்களாக இருந்தார்கள் என நினைக்கிறேன் ... பாடசாலை நேரம் அங்கு வந்து பிரதான மண்டபத்தில் ஒலிப்பதிவு செய்தார்கள். அந்நிகழ்ச்சியில் பங்கு பற்றியதே ஓர் மறக்க முடியாத அனுபவம்!

... இங்கு கழக கண்மணி அர்ஜுனின் கேள்விக்கு ........ அக்காலகட்டத்தில் கொழும்பில் என்னுடன் படித்த ஓர் நண்பனின் தாயாரும், வளர்த்த தந்தையாரும் அக்கால கட்டத்தில் இலங்கை வானொலியில் நிகழ்ச்சி தயாரிப்பாளார்களாக இருந்தவர்கள். அவர்களுடன் நன்கு பழகும் சந்தர்ப்பம் எனக்கு கிடைத்தது. அப்போது அவர்கள் கே.எஸ்.ராஜாவை பற்றி கூறியவைகள், கே.எஸ்.ராஜாவின் இன்னொரு பக்கம். ......... பதிலளிக்க தேவையில்லை. ஏனெனில் அதற்கான பதிலை எதிர்பார்த்தல்ல இத்திரி!

Share this post


Link to post
Share on other sites

தனித்துவமான திறமைசாலியைப் பற்றி தெரிந்த மற்றும் தெரியாத பல விடயங்களை பகிர்ந்து கொண்ட எல்லோருக்கும் நன்றி. அவரது குரலை மீண்டும் கேட்டது மகிழ்ச்சியளிக்கிறது.

அதேவேளை நெஞ்சில் ஒரு இனம் புரியாத வலியும் கூடவே!

Edited by Eas

Share this post


Link to post
Share on other sites

கே எஸ் ராஜா நல்ல திறைமை சாலி.. போராட்ட ஆரம்ப காலத்திர் ஈ.பி.ஆர்.எல்.எவ்வுடன் தொடர்புகளை பேணியவர். அதற்கு முக்கிய காரணம் டேவிற்சன்.ஆரம்பத்தில் இயக்க ஒற்றுமைக்காக பாடுபட்டிருந்தார். இந்திய படை வருகையின் பின்னர் புலிகளிற்கெதிரான பிரச்சாரங்களில் ஈடு பட்டிருந்தார். முக்கியமாக புலிகளை நையாண்டி பண்ணும் எமதர்ம ராஜா என்கிற நாடகத் தொடர். அதனால் அவர் கடற்கரையில் மிதந்தார்.

Share this post


Link to post
Share on other sites

முக்கியமாக புலிகளை நையாண்டி பண்ணும் எமதர்ம ராஜா என்கிற நாடகத் தொடர். அதனால் அவர் கடற்கரையில் மிதந்தார்.

அந்த நாடகத்தை எழுதித் தயாரித்த ஈபிடிபி அற்புதன் (தினமுரசு ஆசிரியர்) டக்ளசாலேயே வெள்ளவத்தை கடற்கரை வீதியில் போட்டுத் தள்ளப்பட்டார்

  • Like 1

Share this post


Link to post
Share on other sites

இலங்கை ஒலிபரப்பு கூட்டுத்தாபனத்தின் சேவையை பலாலியில் இருந்து பலாலி ஒலிபரப்பு சேவை என்ற பெயரில் இயக்கினார்கள் என்று நினைக்கிறேன்.

இதையே பின்னர் இலங்கை இராணுவமும் பின்பற்றியது, வானம்பாடி, மக்களின் குரல் என்ற பெயர்களில்.

Share this post


Link to post
Share on other sites

பகிர்விற்கு நன்றி நிழலி..

அவரின் "எதிரொலி" மற்றும் "எங்கள் தங்கராஜா" படத்திற்கான வானொலி விளம்பர யுக்தியிலும், குரல் வளத்திலும் தமிழகமே சொக்கியது இன்றும் பசுமையாக நினைவில் உள்ளது..

சில நாட்கள் சென்னை வர நேர்ந்தால், சிற்றலை ஒலிபரப்பை தேடிப்பார்த்து(சென்னையில், தமிழ் சேவையின் மத்திய அலைவரிசை கிட்டுவதில்லை) அவரின் குரலைக் கேட்க காத்திருப்பது வழக்கம்..

ஏறத்தாழ மத்திய, தென் தமிழகத்தின் அனைவரையும் சுத்தத் தமிழில் இனிமையான குரல்வளத்தால் தினமும் வசீகரித்தவ்ர்கள் மயில்வாகனன் சர்வானந்தா, கே.எஸ்.ராஜா மற்றும் ராஜேஸ்வரி சண்முகம். இவர்கள் யாவரும் அமரத்துவம் அடைந்துவிட்டனர்..ஆனால் அவர்கள் விட்டுச்சென்ற நினைவலைகள் இன்னமும் எம் மனதில் மிக ஆழமாய்...

சில நினைவு:

"நீயா?" திரைப்படத்தில் ஒரு காட்சியில் மனித உருவில் வந்த சிறீப்ரியா இறுதியில் இறக்கும் தறுவாயில் இப்படி கதறுவார்... “ராஜா என்னை விட்டுப்போயிடாதீங்க ராஜா” .. ஆனால், நம் கே.எஸ் ராஜா, உடனே இடையில் வந்து, "இல்லை நேயர்களே..! உங்கள் ராஜா இன்று விடைபெறும் நேரம் வந்துவிட்டது..மீண்டும் அடுத்தவாரம் உங்களை சந்திக்கின்றேன்" என்று கூறி நேயர்களிடமிருந்து விடைபெற்று அந்த விளம்பரதாரர் நிகழ்ச்சியை நிறைவு செய்வார்...

இதே போன்றே சிவாஜியின் "எதிரொலி" திரைப்படத்தில், ஒரு நீதிமன்ற காட்சியிலும் உட்புகுந்து தன் குரலால் கலக்குவார்...

யம்மாடியோவ்... !

மிக சொற்ப காலத்தில் வேகமான, கம்பீரமான தன் குரலில், தமிழை மிகத் தெளிவாக உச்சரித்து தமிழர்களை வசீகரப்படுத்தியவர்.

f-8-4.jpgf-7-5.jpg

இப்படங்களில் கே.எஸ்.ராஜா(?), ராஜேஸ்வரி சண்முகம் மற்றும் பி.எச். அப்துல் ஹமீத் ஆகியோரை அடையாளம் காண இயலுகிறது...

[size=3]படங்கள் உதவி: : ஈழவயல்[/size].

.

Share this post


Link to post
Share on other sites

அன்புக்குரிய நண்பரே,

நீங்கள் இணத்துள்ள படங்கள் பழைய நினைவுகளை மனதில் அலைமோத வைத்திருக்கின்றன.இணைப்புக்கு நன்றி..

துரதிஷ்டவசமாக இந்தப்படங்களில் கே.எஸ்.ராஜா இல்லை.முதலாவது படத்தில் இருப்பவர்களில் என் நினைவுக்கு வரும் பெயர்களை குறிப்பிடுகிறேன். இரண்டாவது படத்தில் இருப்பவர்கள் முஸ்லீம் சேவையைச் சேர்ந்தவர்கள். அவர்களின் பெயர்கள் பரிச்சியமில்லை.

முதலாவது படத்தில் (இடமிருந்து வலமாக)

நிற்பவர்கள் : எஸ்.ராமச்சந்திரன் (தயாரிப்பு உதவியாளர்), அடுத்தவர் (தெரியாது), மூன்றாமவர் ஜோசப் ராசேந்திரன்,(வாடைக்காற்று,வீசுகின்ற காலத்திலே போன்ற சிறந்த திரைப்படபாடல்களை பாடியவர்), அடுத்தவர் அறிவிப்பாளர் மயில்வாகனம் சர்வானந்தா, மஹதி ஹசன் இப்றாஹிம், அறிவிப்பாளை ஜோக்கிம் பெர்னாண்டோ, அடுத்தவர் (தெரியாது), கடைசியில் ராசேஸ்வரி சண்முகத்தின் கணவர், நாடக எழுத்தாளர் சி.சண்முகம்.

இருப்பவர்கள்: விசாலாட்சி ஹமீட் (அப்துல் ஹமீட்டின் உறவினரல்ல) , ராசேஸ்வரி சண்முகம், வி.பி.தியாகராஜ, ராஜகுரு சேனாதிபத் கனகரட்னம், அப்துல் ஹமீட்.

நன்றி.

  • Like 1

Share this post


Link to post
Share on other sites

முதலாவது படத்தில் (இடமிருந்து வலமாக)

நிற்பவர்கள் : எஸ்.ராமச்சந்திரன் (தயாரிப்பு உதவியாளர்), அடுத்தவர் (தெரியாது), மூன்றாமவர் ஜோசப் ராசேந்திரன்,(வாடைக்காற்று,வீசுகின்ற காலத்திலே போன்ற சிறந்த திரைப்படபாடல்களை பாடியவர்), அடுத்தவர் அறிவிப்பாளர் மயில்வாகனம் சர்வானந்தா, மஹதி ஹசன் இப்றாஹிம், அறிவிப்பாளை ஜோக்கிம் பெர்னாண்டோ, அடுத்தவர் (தெரியாது), கடைசியில் ராசேஸ்வரி சண்முகத்தின் கணவர், நாடக எழுத்தாளர் சி.சண்முகம்.

இருப்பவர்கள்: விசாலாட்சி ஹமீட் (அப்துல் ஹமீட்டின் உறவினரல்ல) , ராசேஸ்வரி சண்முகம், வி.பி.தியாகராஜ, ராஜகுரு சேனாதிபத் கனகரட்னம், அப்துல் ஹமீட்.

பழைய நினைவுகளை மீட்டி தகவல்களையளித்ததற்கு,

மிக்க நன்றி, பொன்னியின் செல்வன். smiley6949.gif

இன்னும் சில அறிவிப்பாளர்களின் பெயர்களை பின்னர் அறியத்தருகிறேன்... பல வருடங்கள் ஓடிவிட்டனவே..!

இதில் மயில்வாகனம் சர்வானந்தா மற்றும் மயில்வாகனன் என இருவர் உள்ளனரே...! இருவரும் வெவ்வேறு நபர்களோ?

smiley3144.gif'நடராஜா சிவம்' என்றொரு அறிவிப்பாளர் இருந்ததாக ஞாபகம்.

இவர் பெரும்பாலும் தமிழ்ச் சேவையின் அன்றைய வர்த்தக ஒலிபரப்பை முடித்துவைக்கும் சமயத்தில்(மாலை 5.58 மணி) பல முறை வந்ததாக நினைவு!

Share this post


Link to post
Share on other sites

ஆமாம். ராஜவன்னியன்..இனிமையான நினைவுகள் அவை.

எஸ்.மயில்வாகனன் (இலங்கைவ் வானொலி வர்த்தக சேவையின் முன்னோடி அறிவிப்பாளர்) மயில்வகனம் சர்வானந்தா (வயதில் இளையவர்).

ஆமாம். நடராஜசிவம் வர்த்தக சேவை அறிவிப்பாளர்தான். திரைப்படங்களில் நடித்த நடிகரும் கூட.

முன்பு யாழ்களத்தில் நான் இணைத்த கே.ஏஸ்.ராஜா - ஜேசுதாஸ், சுஜாதா சம்பந்தப்பட்ட யாழ்ப்பாணம் திறந்தவெளியரங்கில் நடந்த நிகழ்ச்சியக் கேட்டுப்பாருங்கள்.

http://www.esnips.com/displayimage.php?pid=5084164

Share this post


Link to post
Share on other sites

வன்னியனுக்கு எல்லாம் நல்லாய் தெரியுது.

எங்கள் வீட்டில், வானொலிப் பெட்டி இருந்தாலும்....

காலைச்செய்தி, மாலைச்செய்தி கேட்க மட்டுமே... அனுமதி.

மிச்சத்தை... கேட்டால், நாங்கள் கெட்டுப் போடுவமாம். :rolleyes:

Share this post


Link to post
Share on other sites

ஆமாம். ராஜவன்னியன்..இனிமையான நினைவுகள் அவை.

எஸ்.மயில்வாகனன் (இலங்கைவ் வானொலி வர்த்தக சேவையின் முன்னோடி அறிவிப்பாளர்) மயில்வகனம் சர்வானந்தா (வயதில் இளையவர்).

ஆமாம். நடராஜசிவம் வர்த்தக சேவை அறிவிப்பாளர்தான். திரைப்படங்களில் நடித்த நடிகரும் கூட.

முன்பு யாழ்களத்தில் நான் இணைத்த கே.ஏஸ்.ராஜா - ஜேசுதாஸ், சுஜாதா சம்பந்தப்பட்ட யாழ்ப்பாணம் திறந்தவெளியரங்கில் நடந்த நிகழ்ச்சியக் கேட்டுப்பாருங்கள்.

http://www.esnips.co...php?pid=5084164

பொன்னியின் செல்வன், உங்கள் இணைப்பில் ஒன்றுமே இல்லையே..எதோ பிழை செய்தி வருகிறது. வேறு இணைய முகவரி ஏதும் உண்டா?

Share this post


Link to post
Share on other sites

வன்னியனுக்கு எல்லாம் நல்லாய் தெரியுது.

எங்கள் வீட்டில், வானொலிப் பெட்டி இருந்தாலும்....

காலைச்செய்தி, மாலைச்செய்தி கேட்க மட்டுமே... அனுமதி.

மிச்சத்தை... கேட்டால், நாங்கள் கெட்டுப் போடுவமாம். :rolleyes:

இப்பவே இந்த 'ஏ' போடு போடுகிறீர்களே சிறி...? smiley1674.gif

அந்நாளில் உங்களை கவனிக்காமல் விட்டிருந்தால்...? smiley4642.gif

உங்கள் பெற்றோர்கள், நல்லதே செய்துள்ளார்கள்!

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • கவனிக்க;  இந்தியா புகையிரத பாதை வடக்கில் அமைத்தது.  வெளியுறவு அமைச்சகம் யாழில் திறந்தது.  பலாலி வானூர்தி நிலையத்திற்கு சேவை தொடங்கியது.  காங்கேசன்துறையை கட்டுப்பாட்டில் கொண்டுவந்தது.  கொழும்பிலும் பல அடுக்கு மாடி மற்றும் விடுதிகள் கட்டுகிறது.   நாடு முழுக்க இலவச வைத்திய வாகன சேவை தொடங்கியது. மற்றும் சம்பூர் ஆலையை அங்குள்ள இஸ்லாமிய அமைப்புகள் மூடி ஆயிரத்திற்கு மேற்படட தமிழரை கிளப்ப முனைகிறார்கள்.  அதற்கும் தடை. யாழிலும் பலாலி நிலையத்தில் 90% தொழில் யாழ் தமிழருக்கு வ்ந்திரு சட்டம் கொண்டுவந்தது. இந்தியாவிற்கு தமிழர் இல்லாவிட்டால் இலங்கையில் இடமில்லை என்று நல்லா தெரியும். 
    • இதை யாரும் கொண்டு வந்து இணைத்தார்களோ தெரியவில்லை...பார்த்து ரசியுங்கள்   
    • சஜித் பிரே­ம­தா­சவின் தேர்தல் அறிக்­கையில் சிறு­பான்மை மக்கள் தொடர்­பாக சில விட­யங்கள் சுட்­டிக்­காட்­டப்­பட்­டுள்­ளது. ஏனைய வேட்­பா­ள­ரான  கோத்­தாபய சிறு­பான்மை மக்­களின் அர­சியல் அதி­கார பகிர்வு விட­யங்கள் பற்றி எது­வுமே குறிப்­பி­ட­வில்லை என இலங்கைத் தமிழ் அரசுக் கட்­சியின் பட்­டி­ருப்புத் தொகுதி தலை­வரும் தமிழ்த் தேசியக் கூட்­ட­மைப்பின் மட்டு. மாவட்ட முன்னாள் பாரா­ளு­மன்ற உறுப்­பி­ன­ரு­மான பாக்­கி­யச்­செல்வம் அரி­ய­நேத்­திரன், வீரகேச­ரிக்கு அளித்த பிரத்­தி­யேக செவ்­வியில் தெரி­வித்தார் அவ­ரு­ட­னான முழு நேர்­கா­ணலும் வரு­மாறு, கேள்வி :- தமிழ்க் ­கட்­சி­களின் வெளிப்­ப­டை­யான ஆத­ரவைப் பெறும் வேட்­பாளர் தோற்­க­டிக்­கப்­ப­டுவார் என்ற சூழல் தெற்கில் கட்­ட­மைக்­கப்­பட்ட நிலையில், தமிழ் மக்­களின் செல்­வாக்­குள்ள ஒரு வர் தோல்­வியை தழு­வு­வ­தென்­பது யதார்த்­தம்­தானே, இது தொடர்­பாக தங்கள் கருத்து? பதில்:- தமிழ் மக்­க­ளி­னதும் கூட்­ட­மைப்­பி­னதும் இலங்கைத் தமி­ழ­ர­சு­கட்­சி­யி­னதும் ஆத­ரவு ஒரு ஜனா­தி­ப­தி வேட்பாளருக்கு வழங்­கும்­போது, எதிர்­த்த­ரப்பு இன­வாத பிர­சா­ரங்­களை சிங்­கள மக்கள் மத்­தியில் மேற்­கொள்­வது, நாட்டை பிரிக்­கப்­போ­கி­றார்கள் என தவ­றான பிர­சா­ரங்­களை முன்­னெ­டுப்­பது எல்லாம் உண்­மைதான். ஆனால் இது இப்­போது சிங்­கள மக்கள் மத்­தியில் எடு­ப­டாது, காரணம் வடக்கு, கிழக்கு மக்­க­ளுக்­கான அர­சியல் தீர்வு வழங்­கப்­ப­ட­வேண்டும் என்­பதில் தென்­ப­கு­தி­களில் உள்ள சிங்­கள மக்கள் விரும்­பு­கின்­றனர். தமிழ்த் தலை­மைகள் தங்­களின் உரி­மை­களை மட்­டுமே கேட்­கி­றார்கள். நாட்டைப் பிரித்துத் தரு­மாறு கேட்­க­வில்லை என்ற உண்­மையைப் பலர் விளங்­கி­யி­ருக்­கின்­ற                                                                           னர். இருந்த போதும் வெளிப்­ப­டை­யாக ஒரு வேட்­பா­ளரை ஆத­ரிக்­கும்­போது இன­வாத பிர­சா­ரங்கள் தென்­ப­கு­தியில் தலை­தூக்கும் என்­பது யதார்த்­தம்­தானே. அதற்­காக எமது இனப்­பி­ரச்­சினை, அன்­றாட பிரச்­சினை, அபி­வி­ருத்தி, காணாமல் ஆக்கப்­ பட்­டோர்கள் விடயம், போரினால் பாதிக்­கப்­பட்ட தலைமை தாங்கும் பெண்கள் தொடர்­பான வாழ்­வா­தாரம், முன்னாள் போரா­ளிகள் தொடர்­பான வாழ்­வா­தாரம், வேலை வாய்ப்­புகள் என்­பன போன்ற விட­யங்­களை முன்­நி­றுத்­தி­ய­தா­க எந்த வேட்­பாளர் கூடிய அக்­கறை காட்­டு­வ­தற் காக பதில் தரு­கி­றாரோ அவரை ஆத­ரிப்­ப­தற்­கான முடிவை எடுப்­பதில் தவ­றில்லை. அதற்­காக எல்லா விட­யங்­க­ளையும் குறிப்­பிட்ட வேட்­பாளர் தருவார் என்றும் இல்லை. கேள்வி :- ஒருவேளை சஜித் வெற்­றி­யீட்­டினால் அர­சி­ய­ல­மைப்பு சீர்­தி­ருத்த செயல்­முறை முன்­னெ­டுக்­க­ப்ப­டு­வ­தென்­பது சாத்­தி­ய­மா­குமா? பதில்:- சஜித் வெற்றி பெறு­வது, வெற்றி பெறா மல் விடு­வது வேறு விடயம். ஆனால் சஜித் பிரே­ம­தாச முன்­வைத்த தேர்தல் விஞ்­ஞா­ப­னத்தில் அர­சியல் தீர்வுகாண சபை­க­ளுக்­கான அதிகாரப்­ ப­கிர்வு கடந்த முன்னாள் ஜனா­தி­ப­தி­யாக இருந்த பிரே­ம­தாச, சந்­தி­ரிகா, மஹிந்த ராஜ­பக் ஷ ஆட்­சிக்­கா­லத்தில் எமது தமிழ்த் தலை­மைகள் அவர்கள் ஊடாக முன்­வைத்து அவர்­களால் ஏற்­றுக்­கொள்­ளப்­பட்ட அல்­லது அவர்­களும் கலந்துகொண்டு எட்­டப்­படும் தறு­வாயில் இருந்த தீர்வு யோச­னைகள் அடிப்­ப­டையில் பேச்­சு­வார்­த்தைகள் இடம்பெறும் என்ற விடயம் தேர்தல் விஞ்­ஞா­ப­னத்தில் குறிப்­பி­டப்­பட்­டுள்­ளது. அதற்­காக தேர்தல் விஞ்­ஞா­ப­னத்தில் குறிப்­பிடும் வாக்­கு­று­திகள் அமுல்­ப­டுத்­தப்­படும் என்றும் இல்லை. இருந்­த­போதும் அது எழுத்து மூல­மான ஆவ­ண­மாக இருக்கும்போது எதிர்­கால பேச்­சு­வார்த்­தைகள் சில­வேளை சர்­வ­தேச மத்­தி­யஸ்தம் ஒன்­றுக்கு வாய்ப்பு ஏற்­பட்டால் இந்த தேர்தல் விஞ்­ஞா­பனம் அடிப்­படை ஆவ­ண­மாக அமைய வாய்ப்­புள்­ளது. யார் ஜனா­தி­ப­தி­யா­னாலும் அர­சி­ய­ல­மைப்பு முன்­னெ­டுக்­கப்­பட வேண்டும் அதற்­கான அழுத்­தங்கள் சர்­வ­தேசம் ஊடாக வெற்­றி­பெறும் ஜனா­தி­பதிக்கு வழங்­கப்­படும். கேள்வி :- ஜனா­தி­பதி மைத்­திரி பால­சி­றி­சே­ன வின் ஆட்­சிக்­கா­லத்தில் பெய­ர­ள­வி­லேயே அவர் ­ செயற்­பட்ட நிலையில், இடம்­பெ­ற­வுள்ள தேர்­த லில் ஒருவேளை சஜித் வெற்­றி­யீட்­டினால் தமிழ் ­மக்­க­ளுக்­கான சமூக பொரு­ளா­தார வேலை வாய்ப்பு அபி­வி­ருத்தி முன்னெடுக்கப்படுமா? பதில்:- ஜனா­தி­பதி தேர்­தலில் பெரும்­பான்மை சிங்­கள வேட்­பாளர் ஒரு­வரே ஜனா­தி­ப­தி­யாக தெரி­வாவார். எந்த சிறு­பான்மை வேட்­பா­ளரும் ஜனா­தி­ப­தி­யாக இலங்­கையில் கனவில் கூட வர­மு­டி­யாது. அப்­படி வரு­வ­தானால் 50 சத­வீத வாக்­கு­களை பெற வேண்டும் என்ற விதி மாற்­றப்­பட வேண்டும். சஜித் வெற்­றி­யீட்­டினால் சமூக  பொரு­ளா­தார அபி­வி­ருத்தி வீட்­டுத்­திட்டம் என்­பன முன்­னேறும். கேள்வி :- ஐக்­கிய தேசியக் கட்சி 2010, 2015 களில் நிறுத்­திய பொது­வேட்­பா­ள­ருக்கு ஆத­ர­வ­ளித்த ஜே.வி.பி., தேசிய மக்கள் சக்­தி­யாக களம் இறங்­கி­யுள்­ள­தனால் தமிழ்க் ­கட்­சி­க­ளி­னதும் சஜித்­தி­னதும் நிலை சவால்­க­ளுக்கு உள்­ளாகும் தானே? பதில் :- இலங்கை ஜனா­தி­பதி தேர்­தல்கள் எல்லாம் ஒரே கட்சி ஒரு­வேட்­பா­ளரை ஆத­ரித்த வர­லா­றுகள் இல்லை, ஜே.வி.பி.யை பொறுத்­த­மட்டில் கடந்­த­கால ஜனா­தி­பதி தேர்­தல்­களில் பொது­வேட்­பாளர் ஒரு­வரை ஆத­ரித்­தாலும் இம்­முறை தனி­யாக ஜனா­தி­பதி வேட்­பாளர் ஒரு­வரை இறக்­கி­யுள்­ளது. இதனால் பிர­தான ஏனைய இரண்டு வேட்­பா­ளர்­க­ளுக்கும் ஜே.வி.பி. ஆத­ர­வா­ளர்கள் வாக்­க­ளிக்­கா­விட்­டாலும் 5 வீதம் குறை­வான வாக்­கு­களை மட்­டுமே ஜே.வி.பி. பெறு­வ­தற்­காக சந்­தர்ப்பம் உள்­ளது. இதனால் தமிழ் கட்­சி­க­ளுக்கோ தமிழ் மக்­க­ளுக்கோ எந்த பாதிப்பும் இல்லை, தமிழ் மக்­களின் வாக்­குகள் பிர­தான இரண்டு வேட்­பா­ளர்­க­ளுக்கும் கிடைக்­கலாம். ஆனால் தமிழ்­ தே­சிய கூட்­ட­மைப்பு, தமி­ழ­ரசு கட்சி ஆத­ரவு வழங்கும் வேட்­பா­ளரே வடக்கு, கிழக்கில் கூடிய வாக்­கு­களை பெற­மு­டியும். இதற்கு நல்ல உதா­ரணம் கடந்த கால அனு­பவம். வடக்கு, கிழக்கு மக்கள் மாவட்ட ரீதி­யாக கடந்த 2010, 2015, ஆம் ஆண்டு தேர்­தல்­களில் எவ்­வாறு வாக்­க­ளித்­தனர் என்ற புள்­ளி­வி­ப­ரத்தை பார்த்தால் தெளி­வாகப் புரியும். மிக முக்­கி­ய­மாக கடந்த 2010, 2015 ஆம் ஆண்டு ஜனா­தி­பதி தேர்­தல்­களை நோக்­கும்­போது ­மே­ல­தி­க­மாக வாக்கு வித்­தி­யா­சத்தில் தமிழ்­ தே­சிய கூட்­ட­மைப்பு ஆத­ரவு தெரி­வித்த வேட்­பா­ள­ருக்கு கிடைத்­துள்­ளது என்ற உண்­மையை மறு­த­லிக்க முடி­யாது அல்­லவா? வடக்கு, கிழக்கு மக்­களின் வாக்­க­ளிப்பு ஏறக்­கு­றைய இரண்டு தேர்­தல்­க­ளிலும் ஒரே அள­வான முடி­வா­கவே அமைந்­தி­ருந்­தது. இம்­முறைத் தேர்­தலில் தமிழ் தேசி­ய­ கூட்­ட­மைப்பு (இலங்கை தமி­ழ­ரசு கட்சி) “அன்னம்” சின்­னத்தில் போட்­டி­யிடும் சஜித் பிரே­ம­தா­சவுக்கு ஆத­ரவு வழங்­கு­வ­தாக அறி­வித்­துள்­ளது. கடந்த 2010, 2015, இரண்டு தேர்­தல்­களில் வடக்கு, கிழக்கு மக்கள் எப்­ப­டி­யாக தமிழ்­ தே­சிய கூட்­ட­மைப்­புக்கு ஆத­ரவு வழங்­கிய வேட்­பா­ள­ருக்கு வாக்­க­ளித்­தார்­களோ அதேநிலை தான் இம்­மு­றையும் வரலாம், வித்­தி­யா­சங்கள் பெரி­ய­ளவில் இருக்­காது என்­பதே எனது கருத்து. கேள்வி :- கடந்த 2018 உள்­ளூ­ராட்சி சபை­க­ளுக்­கான தேர்­தலில் மஹிந்த தலை­மை­யி­லான பொது­ஜன பெர­முன, நாடுபூரா­க­வு­முள்ள 340 சபை­களில் 234 சபை­களை கைப்­பற்றி விஸ்­வ­ரூப வெற்றி பெற்­ற­வர்­க­ளுக்கு, ஜனா­தி­பதி தேர்தல் சவா­லாக அமையும் என கரு­து­கின்­றீர்­ களா? பதில் :- உள்­ளூ­ராட்சித் தேர்தல் கலப்பு தேர்தல் முறை அது பர­வ­லாக ஊர், உறவு, வட்­டாரம், இனம், சனம், சொந்தம் என்­ப­வற்றை பார்த்து கட்­சி­க­ளுக்கு அப்பால் தனி­நபர் நற்­பண்பு செல்­வாக்கின் அடிப்­ப­டையில் அந்த உள்­ளூ­ராட்சி சபை தேர்தல் இடம்­பெற்­றது. அதன் முடி­வு­களை செல்­வாக்­கு­களை ஜனா­தி­பதி தேர்­த­லுடன் ஒப்­பிட முடி­யாது. இது தென்­ப­கு­தியில் மட்­டு­மல்ல வடக்கு, கிழக்­கிலும் கடந்த உள்­ளூ­ராட்சி தேர்தல் நிலைமை முடி­வுகள் இப்­ப­டித்தான் அமைந்­தது, கலப்பு தேர்தல் முறை மாற்­றப்­பட்டு விகி­தா­சார தேர்­தல்­முறை உள்­ளூ­ராட்சி தேர்­தலில் கடைப்­பி­டித்­தி­ருந்தால் வடக்கு கிழக்கில் சகல தமிழ் உள்­ளூ­ராட்சி சபை ண­களும் தமிழ்­தே­சிய கூட்­ட­மைப்பே கைப்­பற்­றி­யி­ருக்கும், இதுவே எல்லா இடங்­க­ளிலும் யதார்த்தம். அந்த தேர்­தலை இந்த தேர்­த­லுடன் ஒப்­பிட முடி­யாது. கேள்வி :- சிங்­கள கடும்­போக்­கா­ளர்­களை சீற்­றத்­துக்­குள்­ளாக்­காமல் தமிழ்க்­கட்­சி­களின் "வர்ண சாய ஆத­ரவை" பெற்­றுக்­கொள்­ளத்­தக்க சஜித்தின் விஞ்­ஞா­ப­னத்தை நீங்கள் எவ்­வாறு பார்க்­கின்­றீர்கள்? பதில் :- சஜித் பிரே­ம­தா­சவின் தேர்தல் அறிக்­கையில் சிறு­பான்மை மக்கள் தொடர்­பாக சில விட­யங்கள் சுட்­டிக்­காட்­டப்­பட்­டுள்­ளது. ஏனைய வேட்­பா­ள­ரான கோத்­த­பாய சிறு­பான்மை மக்கள் தமிழ்­மக்­களின் அர­சியல் அதி­காரப் பகிர்வு விட­யங்கள் பற்றி எது­வுமே குறிப்­பி­ட­வில்லை. இதிலே பார்க்க வேண்­டிய விடயம் யாதெனில் இந்த இரண்டு வேட்­பா­ளர்­க­ளிலும் கூடிய கொடூ ரம் செய்­தவர் யார்? குறைந்த கொடூரம் செய்­த வர் யார்? கூடிய கொடூரம் செய்­தவர் இந்த தேர்­தலில் வெற்றி பெறாமல் இருக்க வேண்­டு­மானால் குறைந்த கொடூரம் செய்­த­வரை ஆத­ரிக்க வேண்டும். இந்த தேர்தல் “சூத்­தி­ரம்தான்” கடந்த 2010, 2015 ஜனா­தி­பதி தேர்­தலில் தமிழ்­தே­சிய கூட்­ட­மைப்பு கடைப்­பி­டித்த கொள்கை. அதைத்தான் இந்த தேர்­த­லிலும் கடைப்­பி­டிக்க வேண்­டுமே அன்றி வேறு உபா­யங்கள் இல்லை. கொடூர கொடுமை செய்­த­வரை வடக்கு, கிழக்கு மக்கள் ஏற்­க­வில்லை என்ற செய்தி இத் தேர்­தலின் பின்­னரும் வரும். இதுதான் கடந்த 2010, 2015 தேர்தல் முடி­வாக வடக்கு, கிழக்கு தமிழ் மக்கள் தமது தீர்ப்பை வாக்குச்சீட்டு மூலம் நிரூ­பித்­தனர் அதை இம்­மு­றையும் செய்­வார்கள் என்ற நம்­பிக்கை உண்டு. ஆத­ரிப்­ப­வர்கள் வெற்றி பெறு­வதும் இல்லை, வெற்றி பெற்­ற­வ­ரெல்லாம் நாம் ஆத­ரித்­த­வரும் இல்லை. கேள்வி :- வவு­னி­யாவில் தமி­ழ­ர­சுக் ­கட்­சியின் மத்­திய செயற்­குழுக் கூட்டம் முடி­வ­டைந்து, வாக­னத்தில் சென்ற இரா.சம்­பந்தன் மற்றும் எம்.ஏ.சுமந்­தி­ரனின் வாக­னத்­தொ­ட­ரணி மீது, காணாமல் ஆக்­கப்­பட்ட உற­வு­களைச் சேர்ந்த தாயொ­ருவர் செருப்பை கழற்றி எறிய முற்­பட்ட சம்­ப­வத்­தி­லி­ருந்து, தமி­ழ­ர­சுக்­கட்சி ஆதிக்கம் செலுத்­து­கின்ற கூட்­ட­மைப்­பினர் எதிர்­வரும் காலங்­களில் எவ்­வாறு செயற்­பட வேண்டும் என கரு­து­கின்­றீர்கள்? பதில் :- வவு­னி­யாவில் காணாமல் ஆக்­கப்­பட்ட உறவைச் சேர்ந்த ஒரு தாயார் சம்­பந்தன், சுமந்­திரன் வாக­னத்­திற்கு செருப்பைக் காட்ட தூண்­டி­ய­வர்கள், அந்த தாயின் உண்­மை­யான கோரிக்கைக்கு செருப்பு காட்­டி­ய­தா­கத்தான் இதை பார்க்க வேண்டும். உண்­மையில் காணாமல் போனவர்கள் யார் வெள்ளை வானில் கடத்­தி­னார்­களோ, யார் அர­சினால் காணாமல் ஆக்­கப்­பட்­டார்­களோ, யார் அதற்கு கார­ண­கர்த்­தா­வாக இருந்­தாரோ அவ்­வா­றா­ன­வர்­க­ளுக்கு பன்னீர் தெளிப்­பதும், மாலை இடு­வதும் பொட்டு வைப்­பதும், கட்டி முத்தம் கொடுப்­பதும் இடம்­பெறும் நிலையில் ஒரு­வ­கையில் குற்­ற­வா­ளி­களை தமிழ் மக்­களே காப்­பாற்றும் செய­லாக உள்­ளது. சம்­பந்தன் அல்­லது சுமந்­திரன் ஜனா­தி­ப­தி­யாக அல்­லது பாது­காப்பு அமைச்­ச­ராக இருந்­தி­ருந்தால் அவர்­க­ளுக்கு செருப்பு காட்­டு­வது பொம்மை எரிப்­பது ஏற்­றுக்­கொள்­ளலாம். இது ஒரு சாராரின் தூண்­டு­தலால் அந்த அப்­பா­விப்பெண் பயன்­ப­டுத்­தப்­பட்­டுள்ளார் அவ்­வ­ள­வுதான். உண்­மைகள் ஒருநாள் வெளி­வரும். கேள்வி:- நல்­லாட்­சியில் இடம்­பெற்ற உயிர்த்த ஞாயிறு தற்­கொலைத் தாக்­குதல் சம்­பவம், புதிய ஜன­நா­யக முன்­னணி வேட்­பா­ள­ருக்கு தாக்­கத்தை ஏற்­ப­டுத்­துமா ? பதில் :- உயிர்த்த ஞாயிறு சம்­பவம் தேர்­தலில் பாதிப்பை ஏற்­ப­டுத்தும் என நான் கரு­த­மாட்டேன். இந்த தாக்­கு­த­லுக்கு அப்பால் பல இடங்­க­ளிலும் இஸ்­லா­மிய மக்கள், வர்த்­த­கர்கள் கூடிய பாது­காப்பு சோத­னைக்கு முகம் கொடுத்­தனர் இதனால் தமிழ் பிர­தே­சங்­க­ளிலும் இஸ்­லா­மிய வியா­பார வேலை­க­ளுக்கு தடை ஏற்­பட்­டது என்­ப­தெல்லாம் உண்மை, தற்­போது இஸ்­லா­மிய அர­சியல் தலை­வர்கள் இரண்டு வேட்­பா­ளர்­க­ளுக்கும் ஆத­ரவு வழங்­கு­வ­தனால் யார் வெற்றி பெற்­றாலும் லாபமே அன்றி நஷ்டம் இல்லை. அதனால் தேர்­தலில் எந்த பாதிப்பும் ஏற்­ப­டாது. கேள்வி :- தமிழ்க்­கட்­சிகள் எதிர்­பார்த்துக் கோரி க்கை விடுத்­தவை சஜித்தின் விஞ்­ஞா­ப­னத்தில் உள்­ள­டக்­கப்­பட்­டுள்­ள­தென ஒரு சிலரும் சிலர் புறம்­பா­கவும் தெரி­வித்­தி­ருக்­கின்­றனர். அவ்­வ­கையில் விஞ்­ஞா­­பனத்­தி­லுள்­ளவை நிறை­வேற்­றப்­ப­டுமா? பதில் :- ஐந்து தமிழ் கட்­சிகள் ஒன்­றித்து முன்­வைத்த 13 அம்சக் கோரிக்­கை­களில் ஒரு சிலவற் றையாவது சஜித் பிரேமதாசவின் தேர்தல் விஞ் ஞாபனத்தில் உள்வாங்கப்பட்டுள்ளது என்பது உண்மை. ஏனைய வேட்பாளரான கோத்தபாய முழுமையாக நிராகரித்துவிட்டார். அந்தவகை யில் சஜித் எல்லாவற்றையும் ஏற்காத போதும் சிலவை ஏற்றுள்ளதை காணமுடிகிறது. கேள்வி :- முல்லைத்தீவு நீராவியடிப் பிள்ளையார் ஆலயம் மற்றும் கல்முனை உப பிரதேச செயலக தரமுயர்த்தல் உட்பட சிறிய சிறிய விவகாரங்க ளுக்கு, தீர்வு பெற்றுத் தராதவர்களுக்கு, வடக்கு கிழக்கு மக்கள் ஆதரவளிப்பார்களா, வெற்றியீட்ட வழிகோலுவார்களா? பதில் :- கல்முனை வடக்குப் பிரதேச செயலக விவகாரம் தரம் உயர்த்தப்பட வேண்டும் என்ப தில் மாற்றுக் கருத்து இல்லை, தமிழ் தேசிய கூட்ட மைப்பு ஏற்கனவே எடுத்த முயற்சிகள் நிலுவை யில் உள்ளன. அது தொடரப்படும். எப்படியும் கல் முனை வடக்கு பிரதேச செயலகம் தரம் உயர்த்த வேண்டிய பொறுப்பு எமக்கு உண்டு. அதன் செயற்பாடுகள் தொடரும். இருந்தபோதும் இந்த விவகாரம் ஒரு இனம் இரண்டு ஊர் அல்லது பல ஊர் பிரதேசம் சார்ந்த விடயமில்லை, இரு இனம் இரண்டு இனங் கள் வாழும் ஊர்கள் பிரதேசங்கள் என்பது உண்மை. அதனால் ஒரு இனம் வேண்டுகோளை முன்வைக்கும் போது இன்னோர் இனம் எதிர்க் கிறது. இரண்டு இனங்களும் சில விட்டுக்கொடு ப்புகள் புரிந்துணர்வுகள் அடிப்படையில் பேசி இணக்கப்பாட்டு அடிப்படையில் இதற்கான தீர்வை பெறவேண்டுமே அன்றி ஒரு இனம் சார்ந்த அரசியல் தலைவர்கள் மற்றைய இனம் சார்ந்த அரசியல் தலைவர்களும் முட்டி மோது வதாலோ ஒவ்வொருவரும் ஒவ்வொரு வேட்பா ளரை ஆதரிப்பதாலோ பரிகாரம் கிடையாது. சஜித் பிரேமதாச வெற்றி பெற்றாலும், கோத் தபாய வெற்றி பெற்றாலும் கல்முனை தமிழ் பிர தேச செயலக விடயம் பேச்சுவார்தைகள் மூலமா கவே தீர்வை பெறலாம் என்பது கசப்பான உண்மை. நேர்காணல் - பாக்கியராஜா மோகனதாஸ் https://www.virakesari.lk/article/68887
    • ஜனாதிபதித் தேர்தல் 2019 நவம்பர் மாதம் 16 ஆம் திக­தி­யன்று நடை­பெற்று ஓரிரு நாட்­களில் புதிய ஜனாதிப­தியும் தெரிவு செய்­யப்­பட்­டு­வி­டுவார். யார் புதிய ஜனாதிப­தி­யாக தெரிவு செய்­யப்­ப­டுவார் என்ற ஏக்­கத்­திலும் ஊகத்­திலும் மக்கள் உள்­ளனர். அதற்கு காரணம் 35 அபேட்­ச­கர்கள் போட்­டி­யி­டு­வ­தல்ல வேறு கார­ணங்­க­ளாகும். எனினும் பெரும்­பா­லான மக்கள் ஜனாதிபதித் தேர்­தலில் டம்மி அபேட்­ச­கர்­களும் அர­சி­ய­லையே பொழு­து­போக்­காக கொண்ட ஜோக்­கர்­களும் போட்­டி­யி­டு­வதால் அவர்­களில் யார் வெற்றி பெறுவர் என்­பதை தீர்­மா­னிப்­பதில் சங்­க­டப்­ப­டாமல் நிச்­ச­ய­மாக சஜித், கோத்­தபாய, அநுர குமார திசா­நா­யக்க ஆகிய இவர்­களில் ஒரு­வரே ஜனாதிப­தி­யாக வருவார் என்­பதை உணர்ந்தும் உள்­ளனர் என்­ப­தையும் நாம் அவர்­களின் செய­லிலும் பேச்­சுக்­க­ளிலும் இருந்து காணக்­கூ­டி­யதாய் இருக்­கி­றது.     அவர்­களின் கணிப்­பின்­படி மேலே நான் கூறிய அபேட்­ச­கர்­களில் ஒரு­வரே ஜனாதிப­தி­யாக தெரிவு செய்­யப்­ப­டுவார் என்றும் ஆயினும் மக்கள் விடு­தலை முன்­ன­ணியின் சார்பில் போட்­டி­யிடும் அபேட்­சகர் அநுர குமார திசா­நா­யக்க   பலத்த போட்­டியை கொடுப்பார் என்­பது உண்­மை­யா­யினும் ஏனைய இரு­வர்­களில் ஒரு­வ­ரான சஜித் பிரே­ம­தாச அல்­லது கோத்­தபாய ராஜபக் ஷ அவர்­களில் ஒரு­வரே வெற்றி பெறுவர் என்றும் பொது மக்­களில் பெரும்­பா­லானோர் கணித்­துள்­ளனர். மேலும் இம்­முறை நடை­பெறும் போட்டி நாட்டின் அபி­வி­ருத்தி சம்­பந்­த­மாக இல்­லாமல் நாட்டின் பாது­காப்பு பற்­றி­ய­தாகவும் இன ஐக்­கி­யத்தை வலி­யு­றுத்தும் போட்­டி­யா­கவும்  காணப்­ப­டு­கி­றது. நாட்டின் பாது­காப்பு மற்றும் வேறு சில­வற்றை அடிப்­ப­டை­யாக வைத்தும்  பெரும்­பாலும் நடை­பெ­று­வ­தாலும் மேலும் இன ஐக்­கி­யத்தை வைத்தும் நடை­பெறும்  போட்­டி­யா­கவும் காணப்­ப­டு­கி­றது. இதனால் இம்­முறை ஜனாதிபதித் தேர்­தலில் யார் வெற்றி பெறுவர் என்று முன்­கூட்­டியே தீர்­மா­னிப்­பது கஷ்­ட­மா­யினும் ஓர­ளவு  ஊகிக்க கூடி­ய­தான சூழல் தற்­போது காணப்­ப­டு­கி­றது என்று கூறலாம்.   தென்­னி­லங்கை சிங்­கள மக்­களின் முடிவு ஏற்­க­னவே  ஊறிப்­போ­யி­ருந்த வகுப்­பு­வாதம் சென்ற ஏப்ரல் மாதம் நடை­பெற்ற கல­வ­ரத்தின் பின்னர் இன மத ரீதி­யான கொள்­கை­யையே சிங்­கள மக்கள் அங்­கீ­க­ரித்­துள்­ளனர் என்­பதை காணக்­கூ­டி­ய­தா­யுள்­ளது. அத­னையும் வடக்கு கிழக்கு மாகாண  மக்­களின் அமை­தி­யையும் சாக்­காக வைத்து தென்­னி­லங்­கையில் முக்­கி­ய­மான அர­சியல் கட்­சிகள் இன மத வாதத்தை  முன்­வைத்து சிறு­பான்மை இனங்­க­ளாக தமிழர், முஸ்லிம் இனத்­தவர் மீது வெறுப்­பூட்டும் கொள்­கை­யையே கடைப்­பி­டிப்­ப­தையும் நாம் காணக்­கூ­டி­யதாய் இருக்­கி­றது. சிங்­கள மக்கள் இதனை அங்­கீ­க­ரிப்­ப­வர்­க­ளா­கவும் காணப்­ப­டு­கின்­றனர். இதனால் இக்­கொள்­கையை  அடிப்­ப­டை­யாக கொண்டு இயங்கும் ஸ்ரீலங்கா பொது­ஜன முன்­னணி சிங்­கள மக்கள் மத்­தியில் முன்­னி­லையில் நிற்­கி­றது. விசே­ட­மாக தனிச்­சிங்­கள மக்கள் வாழும் பகு­தியில் அவர்கள் முன்­னி­லையில் நிற்­கின்­றனர் எனலாம். இதனால் தென்­னி­லங்­கையில் உள்ள தனிச்­சிங்­கள மக்­களை கொண்­டுள்ள தேர்தல் தொகு­தி­களின் வாக்­குகள் மேற்­படி கட்­சிக்கே செல்ல இட­மி­ருக்­கி­றது என்று கூறலாம். ஸ்ரீலங்கா பொது­ஜன முன்­ன­ணியை நம்பி அர­சியல் நடத்தும் இட­து­சாரிக் கட்­சி­யினர், ஸ்ரீலங்கா பொது­ஜன முன்­ன­ணியில் சர­ண­டைந்­துள்­ளனர். ஆகவே ஸ்ரீலங்கா பொது ஜன முன்­ன­ணியும் அக்­கட்­சியை நம்பி அர­சியல் நடத்தும் இட­து­சா­ரி­களும் ஸ்ரீலங்கா பொது ஜன முன்­ன­ணியின் சார்பில் போட்­டி­யிடும் ஜனாதிபதி வேட்­பா­ள­ருக்கு ஆத­ரவு அளித்து வரு­வதை தென்­னி­லங்­கையில் காணக்­கூ­டி­யதாய் இருக்­கி­றது. இதனால் இட­து­சாரி வாக்­கு­களும் பொது­ஜன முன்­ன­ணிக்கே செல்லும் என எதிர்­பார்க்­கலாம். இன ஐக்­கி­யத்­துக்கு எதி­ரான வாக்­கா­கவே அவை இருக்கும்.   கொழும்பு, நுவ­ரெ­லியா, பதுளை,  கண்டி போன்ற மாவட்­டங்­களின்  முடிவு எப்­ப­டி­யி­ருக்கும்? சகல இன மக்­களும் இணைந்து வாழும் கொழும்பு, நுவ­ரெ­லியா, பதுளை, கண்டி, மாத்­தளை போன்ற பகு­தி­களில் வாழும் சிறு­பான்மை இனத்­த­வர்கள் (தமிழ் – முஸ்லிம்) தாம் சிங்­கள மக்­க­ளுடன் சக­வாழ்வு வாழலாம் என்ற கொள்­கையை கடைப்­பி­டித்து வாழ்­வதால் அவர்­க­ளது  வாக்­குகள் கட்­டாயம் ஐக்­கிய தேசியக் கட்­சியின் அபேட்­சகர் சஜித் பிரே­ம­தாசவுக்கே செல்லும் என எதிர்­பாக்­கலாம். ஏனெனில் இன ஐக்­கியம் அக்­கட்­சியின் கருப்­பொ­ரு­ளாக இருக்­கி­றது. மேலும் ஆர். பிரே­ம­தாசவின் புதல்­வ­ரான சஜித்   ஐக்­கிய தேசியக் கட்­சியின் அங்­கத்­தவர் மட்­டு­மல்ல இந்­திய மக்­களின் நல்­வாழ்­வுக்கு அர­சியல் ரீதியில் வாக்­கு­ரி­மையை பெற்றுக் கொடுத்து பாரா­ளு­மன்றத் தேர்­தலில் வெட்­டுப்­புள்­ளியை 5% ஆக குறைத்தும் அம்­மக்­களை ஏனை­ய­வர்­க­ளுக்கு சம­மா­ன­வர்­க­ளாக மாற்­றி­ய­வரின் மக­னுக்கு (சஜித்­துக்கு) நன்றிக் கட­னாக மேற்­படி  இனத்­த­வர்­களின் முழு­வாக்கும் செல்­லக்­கூ­டிய ஒரு நிலையும்  மேற்­படி மாவட்­டங்­களில் காணக்­கூ­டி­ய­தா­யி­ருக்­கி­றது. மேலும் தோட்டப் பகு­தி­களில் விசே­ட­மாக நல்ல குடி­யி­ருப்பு வச­தி­க­ளையும் தொழி­லையும் பிற மாவட்­டங்­களில் சென்று கௌர­வ­மான தொழில்­களை புரி­யவும் ஆர்.பிரே­த­மாச அவர்­களும் தற்­போ­தைய அரசும் பெரும்­பங்கு ஆற்­றி­ய­தற்­காக அவ் இனத்­த­வரின் வாக்­குகள் சஜித்துக்கு கிடைக்கக் கூடிய சூழ்­நிலை மேற்­படி மாவட்­டங்­களில் காணப்­ப­டு­கி­றது என தெரி­விக்­கப்­ப­டு­கி­றது   வடக்கு – கிழக்கு மாகா­ணங்­களின் முடிவு எப்­ப­டி­யி­ருக்கும்? தமி­ழ­ரசுக் கட்­சியின் ஆரம்­ப­கால கொள்­கையை தமிழ் மக்கள் இன்றும் ஏற்­றுள்­ளார்கள் என்று கூறலாம். அதில் எந்த மாற்­றமும் இல்லை. அத்­துடன் ஏனைய தமிழ் கட்­சி­களும் தமிழ் இன நலன் சார்ந்த பொது­வான கொள்­கையை கடைப்­பி­டிப்­ப­தையும் காணலாம். மேலும் சமூ­கத்தின் முது­கெ­லும்­புகள் எனக் கரு­தப்­படும் பல்­க­லைக்­க­ழக மாண­வர்­களும் மூத்த கட்­சி­க­ளுக்கு ஒத்­து­ழைப்பு வழங்­கு­வ­தையும் காண­மு­டி­கி­றது. தீவி­ர­மாக வெல்ல வேண்டும் புரட்­சி­கர முறையில் இயங்க வேண்டும் என்ற கொள்­கையை தற்­போது சமூ­கத்தில் காண­மு­டி­யாமல் இருக்­கி­றது. ஒற்­று­மையே பலம் என்­பதை உணர்ந்­துள்­ள­துடன் தமிழர் பிரச்­சி­னையை மெது­வாக ஆனால் உறு­தி­யாக அடைய வேண்டும் என்ற கொள்­கையை சக­லரும் ஏற்றுக் கொண்­டுள்­ளது போல் தெரி­வதை நாம் காணக்­கூ­டி­ய­தா­யி­ருக்­கி­றது. ஆகவே தமி­ழர்­க­ளது வாக்­குகள் ஐக்­கிய தேசிய முன்­ன­ணிக்கே பெரும்­பாலும் செல்லும் எனக் கரு­தலாம். வட­மா­கா­ணத்தில் தமிழ் மக்கள் வாக்­க­ளிக்க கூடாது என்ற ஒரு நிலைப்­பாட்டில் ஒரு அர­சியற் கட்சி இருப்­ப­தையும் நாம் மறக்­கக்­கூ­டாது. ஆனாலும் அக்­கட்­சியின் கொள்­கையை ஏற்று மக்கள் வாக்­க­ளிக்­காமல் இருப்­பார்கள் என்­பதை காண முடி­யாமல் இருக்­கி­றது. ஈ.பி.டி.பி கட்­சியின் முக்­கி­யஸ்­த­ர்கள் கூட வாக்­க­ளிப்பை புறக்­க­ணிக்க வேண்டும் என்று கூற­வில்லை. ஆகவே வடக்கு மாகா­ணத்தில் தமிழ் பேசும்  மக்­க­ளது வாக்­க­ளிப்பு உச்­ச­மாகக் காணப்­படும். அவ் வாக்­குகள் ஐக்­கிய தேசிய முன்­ன­ணிக்கே அளிக்­கப்­ப­டலாம் என ஆய்­வா­ளர்கள் திட­மாக கூறு­கின்­றனர். ஆயின் ஈ.பி.டி.பியின் ஆத­ர­வுக்கும் சில வாக்­குகள் கிடைக்­கலாம். கிழக்கு மாகாண நிலை வட மாகா­ணத்தை போன்­ற­தல்ல.  அங்கு முஸ்­லிம்­களும் தமி­ழர்­களும் கலந்து வாழ்­வதால் தமிழ் சமூ­கத்தின் கட்­டுப்­பாட்டை முஸ்­லிம்கள் ஏற்க வேண்டும் என யாரும் கூறு­வ­தில்லை. அதேபோல் முஸ்­லிம்­களின் தீர்­மா­னத்தை தமி­ழர்கள் ஏற்க வேண்டும் என யாரும் எதிர்­பார்ப்­ப­து­மில்லை. முன்­னைய காலங்­களில் தேர்­தல்­களில் இவ்­விரு சமூ­கத்­த­வரும் தனித்­த­னியே பிரிந்து தமது சமூக நலன்­களை கருத்தில் கொண்டு வாக்­கு­களை அளித்து வந்­ததை நாம் காணலாம். இம்­முறை இந்­நிலை கிழக்கு மாகா­ணத்தில் இல்லை. சகல இன மக்­களும் தமிழ் முஸ்­லிம்­களும் சேர்ந்து ஒரு கட்­சிக்கே வாக்­க­ளிக்க இருப்­ப­தாக தக­வல்கள் தெரி­விக்­கின்­றன. ஒரு சிலர் மாறு­பட்டு இருப்­பினும் அம்­மா­றுதல் பெரி­தான பாதிப்பு ஒன்றை ஏற்­ப­டுத்­தாது என ஆய்­வா­ளர்கள் கூறு­கின்­றனர். ஆகவே வட மாகா­ணத்தை போலவே கிழக்கு மாகாண மக்­களும் ஒரு கட்­சிக்கே வாக்­க­ளிக்க இருப்­ப­தாக தெரி­வதால் அவ்­விரு மாவட்­டத்தின் வாக்­கு­களில் மிகப் பெரும்­பான்மை வாக்­குகள் ஐக்­கிய தேசிய முன்­ன­ணிக்கே கிடைக்கும் எனவும் ஆய்­வா­ளர்கள் கூறு­கின்­றனர். ஆகவே புதி­தாக ஆட்சி பீடம் ஏறும் அர­சாங்கம் வடக்கு – கிழக்கு மாகாண மக்­களின் பிரச்­சி­னையை தீர்க்க முற்­படும் நட­வ­டிக்­கை­களை எடுக்கும் போது ஈ.பி.டி.பி மற்றும் சில கட்­சிகள் பிரச்­சி­னையை தீர்க்க ஒத்­து­ழைப்பை வழங்கும்  என திட்­ட­வட்­ட­மாக கூறலாம்.   இளை­ஞர்­கள – மிதக்கும் வாக்­குகள் எப்­படி இருக்கும்? தற்­கால உலகில் இளை­ஞர்­களின் மனோ­நிலை முதி­ய­வர்­களின் மன­நி­லையில் இருந்து மாறு­பட்டு காணப்­ப­டு­வதை நாம் காணலாம்.  இது இலங்­கைக்கும் பொருந்தும் பல்­லின மத கலா­சா­ரங்­களை அடங்­கிய  நாடாக இலங்கை இருந்த போதும் இளை­ஞர்கள் மன­நிலை புதிய உலக படைப்பை உரு­வாக்க வேண்டும் என்­பதில் வேறு­பட்டு காணப்­ப­டு­வ­தில்லை. ஆகவே இளை­ஞர்கள் மற்றும் மிதக்கும் வாக்­கா­ளர்­களின் மன­நிலை நாம் மேலே கூறி­ய­வாறு இன மத நோக்கம்  கொண்­ட­தாக மட்டும் இருக்­கப்­போ­வ­தில்லை. அவர்­க­ளது அறிவு ஞானம், தொழில்­நுட்ப சாத­னங்கள், கருத்­துக்கள் மற்றும் படிப்­ப­றிவு, பேஸ்புக் போன்ற சாத­னங்­களின் கருத்­துக்கள் நிச்­ச­ய­மாக அவர்­க­ளது மனதை பாதித்­தி­ருக்கும் என்­பதை மறக்­கக்­கூ­டாது. அத்­த­கைய நிலையில் உள்ள இளை­ஞர்கள் ஏனைய இன மதத்தை சார்ந்த இளை­ஞர்­களின் உள்­ளத்தை பாதிக்கும் முறையில் நடக்கப் போவ­தில்லை. தற்­போது இலங்­கையில் 640,000 இளை­ஞர்கள் யுவ­திகள் வாக்­கா­ளர்­க­ளாக வாழ்­வ­தாக தெரி­ய­வ­ரு­கி­றது. அவர்­க­ளது மன­நி­லையை பற்­றிய கணிப்பில் ஈடு­பட்­ட­வர்கள் தெரி­வித்­துள்­ளது என்­ன­வெனில் இலங்­கையில் அவர்­க­ளது  வாக்­குகள் தேசத்தில் இன மத ஐக்­கி­யத்தை ஏற்­ப­டுத்தப் பாவிக்க இருப்­ப­தா­கவே உள்­ள­தா­கவும் இன ஐக்­கியம் முக்­கி­ய­மா­ன­தாக அவர்கள் மனதில் கொண்­டுள்­ள­தா­கவும் அவர்கள் கொண்­டுள்­ளனர் என்றும் தெரி­வித்­துள்­ளனர். பேரா­தனைப் பல்­க­லைக்­க­ழக  பேரா­சி­ரியர் ஒருவர் இதனை தெரி­வித்­துள்ளார். ஆகவே நடைப் பெறப்­போகும் ஜனாதிபதி தேர்­தலில் தென்­னி­லங்கை சிங்­கள மக்­களின் முடிவு  ஒரு வித­மான நோக்­கத்தை கொண்டும் வடக்கு – கிழக்கு மாகா­ணத்தில் வாழும் தமிழ் முஸ்லிம் மக்­களின் முடிவு சிங்­கள மக்­களின் நோக்­கத்தில் இருந்து வேறு ஒரு­வி­த­மான நோக்­கத்தை கொண்டும் இளை­ஞர்கள் மிதக்கும் வாக்­கா­ளர்­களின் வாக்­குகள் வேறு ஒரு நோக்­கத்தை  கொண்டும்  இருக்கப் போவ­தாலும் அதனை ஊக்­கு­விக்க ஜனாதிபதி அபேட்­ச­கர்கள் மூவர் மக்கள் முன்­னி­லையில் வாக்கு கேட்­ப­தையும் பார்க்கும் போது யார் வெற்றி பெற வாய்ப்பு இருக்­கி­றது என்­பதை வாக்­கா­ளர்­களே தீர்­மா­னித்து கொள்­ளலாம். தென்­னி­லங்கை சிங்­கள மக்­களின் எண்­ணத்தை பிர­தி­ப­லிக்க ஜனாதிபதி அபேட்­சகர்  ஒரு­வரும்  இலங்­கையர் என்ற  இன ஐக்­கி­யத்தை வேரூன்றச் செய்ய இன்­னு­மொரு­வரும் இளைஞர் யுவ­தி­களின் “நாம் இலங்­கையர்” என்ற எண்­ணத்தை வளர்க்க இன்­னு­மொ­ரு­வ­ரு­மாக மூன்று அபேட்­ச­கர்கள் தமது பிர­சா­ரங்­களை மேற் கொண்டு வரு­வதை நாம் காணலாம். இதில் யார் வெற்றி பெற இட­மி­ருக்­கி­றது. என்­பதை நீங்­களே தீர்­மா­னித்துக் கொள்­ளலாம். உங்­க­ளது தீர்­மானம் எதுவோ அதுவே எனது தீர்­மா­ன­மு­மாக இருக்கும். ஆனால் எனது தீர்­மா­னத்­திற்கு அடிப்­படை இன­வாதம் வேண்டாம் என்றும் இன ஐக்­கி­யமே வேண்டும் என்­பதும் இளைஞர் யுவ­தி­களின் எதிர்­கால வாழ்வு நல­வாக இருக்­க­வேண்டும் என்று நான் கரு­து­வ­தே­யாகும்.   ஜனாதிபதித் தேர்­தலும் கருத்துக் கணிப்­பு­களும் ஜன­நா­யக நாடு­களில் கருத்துக் கணிப்பு ஒரு முக்­கிய விட­ய­மாக காணப்­ப­டு­கி­றது இதற்கு காரணம் கருத்துக் கணிப்பு ஒரு விஞ்­ஞான ரீதி­யான ஆய்­வாகும். ஆகவே மேலை நாடு­களில் இன ரீதி­யாக மக்கள் பிரிந்து வாக்­க­ளிப்­ப­தில்லை. நாட்டின் நலன் கரு­தியே அவர்கள் வாக்­க­ளிப்­பது உண்டு. கருத்துக் கணிப்­புக்கள் மூலம் வாக்­கா­ளர்­களின் மன­நி­லையை அறிய முடி­கி­றது. வெற்றி பெறு­கின்ற கட்­சிக்கு வாக்­க­ளிக்­க­வேண்டும் என்ற மன­பான்மை மக்­க­ளிடம் காணப்­ப­டு­வது வழக்கம். கருத்துக் கணிப்பை நடத்­து­ப­வர்கள் சாதா­ரண பேர் வழிகள் அல்ல. பல்­க­லைக்­க­ழக பேரா­சி­ரி­யர்கள், மாண­வர்கள் மற்றும் அறி­வா­ளிகள் இதனை நடத்­து­கின்­றனர். இதற்கு முதற்­ப­டி­யாக ஒரு வினாக்­கொத்தை தயா­ரித்து அதனை தெரிவு செய்­யப்­பட்ட சில வாக்­கா­ள­ரிடம் கொடுத்து விடையைப் பெற்று இதன் பின்னர் விடையில் இருந்து அவர்கள் கண்ட முடிவை மக்­க­ளுக்கு தெரி­விக்­கின்­றனர். கருத்துக் கணிப்பு பெரும்­பாலும் தவ­று­வ­தில்லை. மேற்­கு­லக  நாடுகள் இதில் முன்­னி­லையில் நிற்­கின்­றன அவை வெளியிடும் கருத்துக் கணிப்பு தவ­று­வ­தில்லை. இந்­தி­யாவில் சமீ­பத்தில் நடந்த லோக் சபா தேர்­தலில் நரேந்­திர மோடியின் தலை­மையில் பார­திய ஜனதா வெற்றி பெற போகி­றது என்­பதை  கருத்துக் கணிப்­புக்கள் எடுத்துக் காட்­டின. தேர்தல் முடிவும் அப்­ப­டியே இருந்­தன. ஆகவே இலங்­கை­யிலும் இந்­நிலை வர­வேண்டும். அமெ­ரிக்கா, பிரான்ஸ், பிரிட்டன் போன்ற நாடு­களில் இக்­க­ருத்துக் கணிப்பு நாள்­தோறும் நடை­பெ­று­வதும் உண்டு. கருத்துக் கணிப்பை வெளி­யி­டு­ப­வர்­களில் பத்­தி­ரி­கைகள் முக்­கிய பங்கு ஆற்­று­கின்­றன. “இந்­தியன் இன்ஸ்­டியூட் ஒப் பப்ளிக் ஒப்­டீ­னியன்” என்ற அமைப்­புதான் முதன்­மு­த­லாக தேர்­த­லுக்கு முன்னர் கருத்துக் கணிப்பை வெளி­யிட்­டது. பின்னர் தொடர்ந்தும் திற­மை­யான கருத்துக் கணிப்பை வெளி­யிட்டு வரு­கின்­றன. கருத்துக் கணிப்பு பிழை­பட்­டாலும் பத்­தி­ரி­கை­களை தாக்கும் செயல்கள், ஆசி­ரி­யர்­களை கொலை செய்தல் போன்ற சம்­ப­வங்கள் நடை­பெ­று­வ­தில்லை. ஆகவே இலங்கைப் பத்­தி­ரி­கைகள் தேர்தல் கணிப்­பு­களை வெளி­யிட தயங்­கு­வதில் ஆச்­ச­ரி­ய­மில்லை. கருத்துக் கணிப்பில் முக்­கி­ய­மாக ஏற்­படும் பிரச்­சி­னை­களில் ஒன்று நாட்டில் எழும் அபிப்­பி­ரா­யங்கள் எல்லாப் பக்­கங்­க­ளிலும் ஒரே மாதி­ரி­யாக இருப்­ப­தில்லை. வேறு­பட்டு காணப்­படும். உதா­ர­ண­மாக இலங்­கையில் ஜனாதிபதித் தேர்தல் சம்­பந்­த­மாக எல்லாப் பக்­கங்­க­ளிலும் ஒரே மாதி­ரி­யாக இல்லை. உதா­ர­ண­மாக இலங்­கையில் இம்­முறை வடக்கு – கிழக்கு மற்றும் சிறு­பான்மை இன மக்கள் வசிக்­கின்ற மாகா­ணங்­களில் வாழு­கின்ற எண்­ணமும் வேறு தனி இன மக்கள் வாழு­கின்ற எண்­ணமும் வேறு பட்டு காணப்­ப­டு­கி­றது. ஆகவே நாடு முழு­வதும் இந்­நி­லையே காணப்­ப­டு­கி­றது என்று ஒரு­வ­ராலும் கூற முடி­யாது. உண்மை நிலைமை என்ன என்­பதை கூற முடி­யாத ஒரு நழுவல் நிலையே காணப்­ப­டு­கி­றது. இதனால் வாக்­காளர் நன்கு சிந்­தித்து தமக்கு பிடிக்கும் ஒரு­வ­ருக்கு வாக்­க­ளிப்­பதே நல்­லது. அதற்கு வேறு ஒரு­வரின் அறி­வுரை தேவை என நான் நினைக்­க­வில்லை.     தொகுப்புரை வாக்காளர் என்னிடம் கேட்கும் வினாக்களில் பிரதானமான வினா என்ன வெனில் கட்டாயம் 1, 2, 3 என்ற வாக்குகள் கட்டாயம் எழுத வேண்டுமா என்பது. விடை இல்லை என்பதாகும். நீங்கள் உங்களது வாக்கை மட்டும் [1] பாவித்தால் அது செல்லுபடியாகும். 2, 3 எழுத தேவையில்லை. இவ்விளக்கம் தேர்தல் ஆணைக்குழுவில் வெளியிடப்பட்டுள்ள அறிவித்தலில் சிறு பிள்ளைகளும் விளங்கக்கூடிய விதத்தில் பிரசுரமாகியுள்ளது. பார்க்கவும். நீங்கள் மனதில் வைத்துக் கொள்ள வேண்டியது ஒவ்வொரு வாக்காளருக்கும் ஒரு வாக்கும் Vote உம் இரண்டு சலுகை வாக்குகளும் (Preferential Vote) உம் உண்டு. கட்டாயம் வாக்கை பாவிக்க வேண்டும். சலுகை வாக்குகளை பாவிக்க தேவையில்லை. விரும்பினால் மட்டுமே அவற்றை பாவிக்க வேண்டும்.   கே.ஜீ.ஜோன்  https://www.virakesari.lk/article/68880
    • 2005யில் மகிந்தா வந்ததால் தான் ஒரு முடிவு வந்தது. அந்த முடிவு எங்களுக்கு பாதகமாய் இருந்தால் கூட ...ரணில் வந்திருந்தால் போர் பெரிதாய் நடந்திருக்காது...சும்மா இழுத்து ,இழுத்து காலத்தை கடத்தி இருப்பார்....ஒரு தீர்வும் இல்லாமல் ,முடிவும், இல்லாமல் இரண்டு கெட்டான் நிலையில் இருந்ததை விட ஒரு முடிவு வந்தது அங்குள்ள மக்களுக்கு நிம்மதி...மக்களின் நிலை அறிந்து தான் தலைவர் அந்த முடிவை அந்த நேரத்தில் எடுத்தார் . எதிர்காலத்தில் சஜீத்தும், ரணிலை மாதிரித் தான் இருப்பார்....இந்த தாறன்/இப்ப தாறன் என்று சொல்லி ஏமாத்திறதை விட  வெட்டு ஒன்று துண்டு ரென்று என்று பேசுகின்ற கோத்தா எவ்வளவோ மேல்