வேலிக்கு ஓணான் சாட்சி. 

இதுவரைக்கும் கோத்தாவுடன் இணைந்து கொண்டவர்கள் யார் யார் என பார்ப்போம் முரளிதரன் (கருணா) டக்கிளஸ் தேவானந்தா வரதராஜப் பெருமாள் அத்தாவுல்லா பிள்ளையான் கட்சி இவர்கள் 2009 ஆண்டு இனப்படுகொலையின் போது எங்கு எவருடன் கூட்டு வைத்து இருந்தனர் என்பதும் இவர்கள் கூட்டு இனப்படுகொலையின் பங்காளர்கள் என்பதும் அனைவருக்கும் தெரியும். எம் போராட்டத்தினை காட்டிக் கொடுத்து, சிங்களவர்களிடம் சராணகதி அடைய வேண்டிய நிலைக்கு எம் தமிழ் மக்களை கொண்டு வந்து விட்டவர்களில் இவர்களும் அடங்குகின்றனர். கோத்தாவுக்காக எவர் ஆதரவு கொடுத்தாலும், கோத்தாவை வெல்ல வைப்பதற்காக பிறருக்கு வாக்களிக்க எவர் சொன்னாலும் அவர்கள் தன்னளவில் இந்த அணியில் இணைதவர்களாகவே கொள்ளப்படல் வேண்டும். இதில் வியாழேந்திரனும் இணைந்து விட்டார். முஸ்லிம்களை காரணம் காட்டி இவர் இணைந்து இருப்பதும் சிங்களத்தின் வெற்றியே தவிர தமிழர்களிற்கு எதையும் பெற்றுக் கொடுக்க போவதில்லை. கடும் பெளத்த சிங்கள தேசியவாதத்தின் ஒட்டுமொத்த பிரதிநிதியாக இருக்கும் கோத்தா தமிழர் தாயகத்தின் முதுகெழும்பான கிழக்கில் தமிழர்கள் பலம் பெறும் வண்ணம் உரிமைகளையோ அல்லது சலுகைகளையோ கொடுப்பார் என நம்புவது நாம் வரலாறுகளில் இருந்து ஒருக்காலும் பாடம் படிக்க மாட்டோம் என்பதையே மீண்டும் மீண்டும் காட்டி நிற்கும்.

(எம்.எப்.எம்.பஸீர்) கொழும்பு மற்றும் அதனை அண்டிய பகுதிகளில் 5 மாணவர்கள் உள்ளிட்ட 11 பேரை வெள்ளை வேனில் கடத்திச் சென்று கப்பம் பெற்றுக்கொண்டு காணாமல் ஆக்கிய  சம்பவம் தொடர்பில்  முன்னாள் கடற்படை தளபதி, அட்மிரல் ஒப் த ப்லீட் வசந்த கரன்னாகொடவை 16 ஆவது சந்தேக நபராக சி.ஐ.டி. இன்று பெயரிட்டது.  வசந்த கரன்னாகொட பிரதான சந்தேக நபர்களில் ஒருவராக கருதப்பட்டு விசாரிக்கப்பட்டுவந்த நிலையிலேயே இன்று கோட்டை நீதிவான் ரங்க திஸாநாயக்க முன்னிலையில் சி.ஐ.டி. இவ்வாறு அவரை 16 ஆவது சந்தேக நபராக பெயரிட்டது. இன்றைய தினம் இது குறித்த வழக்கு விசாரணைகளை இடையீட்டு மனுவூடாக சி.ஐ.டி.யால்  விசாரணைக்கு எடுக்க கோரப்பட்டது. அதன்படி அவ் வழக்கு விசாரணைக்கு எடுத்துக்கொள்ளப்பட்டது. இதன்போதே சி.ஐ.டி.யின் விசாரணை அதிகாரியான பொலிஸ் பரிசோதகர்  நிசாந்த சில்வா,  வசந்த கரன்னாகொடவை இந்த விவகாரத்தில் 16 ஆவது சந்தேக நபராக  பெயரிட கோரினார்.  அத்துடன் சட்ட மா அதிபர் திணைக்களத்தின் ஆலோசனை பிரகாரம்,  அவரை எதிர்வரும் 23 ஆம் திகதி மன்றில் ஆஜராக அறிவித்தல் பிறப்பிக்குமாரும் பொலிஸ் பரிசோதகர் நிசாந்த சில்வா கோரினார். சந்தேக நபராக வசந்த கரன்னாகொடவை பெயரிட அனுமதியளித்த நீதிவான்,  அவரை மன்றில் ஆஜராக அறிவித்தல் பிறப்பிப்பது தொடர்பில் சட்ட மா அதிபர் திணைக்கள சட்டவாதியொருவர்‍ ஊடாக  மன்றுக்கு விளக்கமளிக்குமாறு உத்தரவிட்டார். https://www.virakesari.lk/article/66955    

தேர்தல் பிரசாரக் கூட்டத்தால் உண்டாகும் அசெளகரியத்தை கட்டுப்படுத்த பிரதிப் பொலிஸ் மா அதிபர் தலைமையில் விசேட குழு (எம்.எப்.எம்.பஸீர்) ஜனாதிபதித் தேர்தலில் போட்டியிடும் வேட்பாளர்களின் பாதுகாப்பை உறுதி செய்ய பொலிஸார் விஷேட நடவடிக்கைகளை முன்னெடுத்துள்ளனர்.   அதன்படி  ஜனாதிபதி வேட்பாளர்களின் பாதுகாப்பு தொடர்பில் பிரச்சினைகள் இருப்பின் அது தொடர்பில்  உரிய அதிகாரிகளுடன் இணைப்பு நடவடிக்கைகளை முன்னெடுத்து தேவையான நடவடிக்கையினை முன்னெடுக்க என  பிரதிப் பொலிஸ் மா அதிபர் ஒருவர் நியமிக்கப்பட்டுள்ளார்.  பிரதிப் பொலிஸ் மா அதிபர்  கே.பி.எம். குணரத்னவை இது தொடர்பில் நியமித்துள்ளதாகவும் அது தொடர்பில் செயற்பட விஷேட நடவடிக்கை பிரிவொன்றினையும் ஸ்தாபித்துள்ளதாகவும்  பொலிஸ் பேச்சாளர் பொலிஸ் அத்திஒயட்சர் ருவன் குணசேகர கூறினார். பிரதிப் பொலிஸ் மா அதிபர் கே.பி.எம். குணரத்னவின் கீழ் ஸ்தாபிக்கப்பட்டுள்ள நடவடிக்கை பிரிவுடன் 0112697923 என்ற தொலைபேசி இலக்கத்துடனோ, அல்லது 011 2697886 எனும் தொலை நகல் இலக்கத்துடனோ வேட்பாளர்கள் பாதுகாப்பு தொடர்பிலான விடயங்கள் குறித்து முறைப்பாடுகள், தகவல்களை வழங்க முடியும். மேலும் ஜனாதிபதித் தேர்தல் பிரசாரக் கூட்டங்களால் குறித்த பகுதிகளில் ஏற்படும் வாகன நெரிசல்கள் மற்றும் பொது மக்கள் அசெளகரியங்களை குறைக்கும் வகையில் நடவடிக்கைகளை முன்னெடுக்கவும் பிரதிப் பொலிஸ் மா அதிபர் டப்ளியூ.எம்.எம். விக்ரமசிங்கவின் கீழ் விஷேட நடவடிக்கைப் பிரிவொன்று ஸ்தாபிக்கப்பட்டுள்ளது. இது குறித்து 0112473402 அல்லது 0113024894 ஆகிய தொலைபேசி இலக்கங்கள் ஊடாகவோ, 0112439534 என்ற தொலை நகல் இலக்கம் ஊடாகவோ தொடர்பு கொண்டு முறைப்பாடு, தவல்களை வழங்க முடியும். https://www.virakesari.lk/article/66952  

ரீ.எல்.ஜவ்பர்கான்   / 2019 ஒக்டோபர் 15 , பி.ப. 04:53     22 வருடங்களாக ஸ்ரீ லங்கா சுதந்திரக் கட்சியின் கல்குடாத் தொகுதியின் பிரதம அமைப்பாளராகச் செயற்பட்ட வாகரை பிரதேச சபை பிரதித் தவிசாளரும் மட்டக்களப்பு மாவட்ட அபிவிருத்திக் குழு இணைத்தலைவருமான டி.எம்.சந்திரபாலன், ஐக்கிய தேசியக் கட்சியில் இணைந்துள்ளார். புதிய ஜனநாயகக் கட்சியின் ஜனாதிபதி வேட்பாளர், அமைச்சர் சஜித் பிரேமதாஸவுக்கு ஆதரவு வழங்கும் வகையிலேயே, ஐக்கிய தேசியக் கட்சியின் இணைந்துள்ளதாக, அவர் தெரிவித்தார். http://www.tamilmirror.lk/மட்டக்களப்பு/மட்டு-கல்குடா-சு-க-அமைப்பாளர்-சஜித்துக்கு-ஆதரவு/73-240043