Sign in to follow this  
கறுப்பி

யாழ். வீரன் அவுஸ்திரேலியாவில் சாதனை

Recommended Posts

யாழ். வீரன் அவுஸ்திரேலியாவில் சாதனை

ஞாயிற்றுக்கிழமை, 11 நவம்பர் 2012 22:02 1 COMMENTS

(கு.சுரேன்)

cf1(1).jpg

அவுஸ்திரேலியா, மெல்பேர்ன் நகர் அல்பேர்ட் பார்க்கில் நடைபெறும் விக்டோரியா விளையாட்டுப் போட்டியில் உயரம் பாய்தல் போட்டியில் பங்குபற்றிய யாழ்ப்பாணம் இந்துக் கல்லூரி வீரன் இரத்தினசிங்கம் செந்தூரன் இரண்டாம் இடத்தை பெற்றுள்ளார்.

இந்த போட்டி, அவுஸ்திரேலிய நேரப்படி இன்று பிற்பகல் 2.30 மணிக்கு நடைபெற்றது. இப்போட்டியில் 1.95 மீற்றர் உயரம் பாய்ந்து, செந்தூரன் இரண்டாமிடத்தை பெற்றார்.

இவர் தேசிய கனிஸ்ட பிரிவு உயரம் பாய்தலில் 1.92 மீற்றர் உயரம் பாய்ந்து சாதனை நிகழ்த்தியிருந்தார். இதன் மூலம் அவுஸ்திரேலியாவில் நடைபெறும் விகேடாரியா மெய்வல்லுநர் விளையாட்டுப் போட்டியில் பங்குபற்றுவதற்கான வாய்ப்பினைப் பெற்றிருந்தார் என்பது குறிப்பிடத்தக்கது.

cf2(1).jpg

http://tamil.dailymirror.lk/2010-08-12-10-42-03/2010-08-12-10-45-15/52521-2012-11-11-16-38-36.html

cf3(1).jpg

Share this post


Link to post
Share on other sites

வாழ்த்துக்கள் செந்தூரன்

Share this post


Link to post
Share on other sites

[size=5]வாழ்த்துக்கள் செந்தூரன்[/size]

Share this post


Link to post
Share on other sites

[size=4]இனத்திற்கு பெருமை சேர்த்த செந்தூரனுக்கு பாராட்டுக்கள் !![/size]

Share this post


Link to post
Share on other sites

வாழ்த்துக்கள்

Share this post


Link to post
Share on other sites

சாதனை புரிந்த வீரனுக்கு வாழ்த்துகள்.

Share this post


Link to post
Share on other sites

வாழ்த்துக்கள் செந்தூரன்..!

Share this post


Link to post
Share on other sites

வாழ்த்துக்கள் சகோதரா..

இன்னும் பல சாதனைகள் படைக்க எனது வாழ்த்துக்கள்....

Share this post


Link to post
Share on other sites

வாழ்த்துக்கள்.

Share this post


Link to post
Share on other sites

ஈழத்து வீரன் செந்தூரனுக்கு நல்வாழ்த்துக்கள்

Share this post


Link to post
Share on other sites

வாழ்த்துக்கள் செந்தூரன்.

Share this post


Link to post
Share on other sites

இனத்திற்கு பெருமை சேர்த்த செந்தூரனுக்கு பாராட்டுக்கள் !!

Share this post


Link to post
Share on other sites

[size=4]சாதனை புரிந்த வீரனுக்கு வாழ்த்துகள்....[/size]

Share this post


Link to post
Share on other sites

3487_425922280794268_1478497304_n.jpg

யாழ்ப்பாணம் இந்துக் கல்லூரியில் 2012ம் ஆண்டில் சர்வதேச ரீதியில் விளையாட்டு மற்றும் கல்வியில் சாதனை புரிந்த வீரர்களை கௌரவிக்கும் நிகழ்வு 16.11.2012 வெள்ளிக்கிழமை

அதாவது இன்று காலை 7.45 மணிக்கு வண்ணார்பண்ணை சிவன் கோயிலில் இருந்து ஊர்வலத்துடன் ஆரம்பமாகியது. இவ் ஊர்வலத்தில் சர்வதேச ரீதியாக சாதனை புரிந்த மாணவர்களான இ.செந்தூரன், அ.அபிநந்தன், இ.இளங்கீதன் ஆகியோருக்கு ஆலய முன்றலில் மாலை அணிவிக்கப்பட்டு பின் பான்ட் வாத்தியங்கள் இசைக்க கல்லூரியின் ஆசிரியர்கள், மாணவர்கள், மாணவ முதல்வர்கள், பழைய மாணவர்கள், பெற்றோர்கள் சகிதம் கே.கே.எஸ் வீதி வழியாக பாடசாலைக்கு அழைத்துவரப்பட்டனர். அதன் பின்னர் கல்லூரியின் சிவஞான வைரவப் பெருமான் ஆலயத்தில் இடம்பெற்ற விசேட பூசை வழிபாடுகளுடன் நிகழ்வுகள் ஆரம்பமாகின. இதனை தொடர்ந்து யாழ் மத்திய கல்லூரியில் இருந்து வந்த ஆசிரியர் குழாம் அவுஸ்திரேலியாவில் விளையாட்டுத் துறையில் சாதனை புரிந்து தமிழரின் பெருமையை உலகறிய வைத்த செந்தூரன் அவர்களை சந்தித்து தமது பாராட்டுக்களையும் நினைவுப் பரிசிலையும் வழங்கி கௌரவித்தமை எமது கல்லூரி வரலாற்றில் ஒரு புதிய திருப்பு முனையாகும். இதன் பின்னர் நிகழ்வுகள் அனைத்தும் கல்லூரியின் குமாரசுவாமி மண்டபத்தில் ஆரம்பமாகியது. இதன் முதல் நிகழ்வாக கல்லூரி அதிபரினால் தலைமையுரை நிகழ்த்தப்பட்டது. இவ் உரையில் அதிபர் சர்வதேச ரீதியில் சாதனை புரிந்த மாணவர்களை வாழ்த்தியதுடன் இது போன்று எதிர்காலத்தில் ஏனைய மாணவர்களும் சர்வதேச ரீதியில் பல சாதனைகளை புரிய வேண்டும் என்றும் கேட்டுக் கொண்டார். இதனை தொடர்ந்து சாதனையாளர்கள் மூவரும் மாலை அணிவிக்கப்பட்டு கௌரவிக்கப்பட்டதுடன், எமது கல்லூரியின் யாழ் பழைய மாணவர் சங்கத்தினால் பணப் பரிசில்களும் வழங்கப்பட்டது. இதன் பின் எமது கல்லூரியின் பழைய மாணவரும், தற்போதைய யாழ் வலய உதவி உடற்கல்விப் பணிப்பாளருமாகிய திரு.சண்.தயாளன் அவர்களினால் சிறிய கருத்துரை ஒன்று வழங்கப்பட்டதுடன் அவரினால் செந்தூரன் அவர்களுக்கு நினைவுப் பரிசில் ஒன்றும் வழங்கப்பட்டது. அதனை அடுத்து செந்தூரனின் வகுப்பு மாணவர்கள் சார்பாக அவருடைய வகுப்பாசிரியர் அவரை பொன்னாடை போர்த்தி கௌரவித்தார். இதன் பிற்பாடு சர்வதேச ரீதியில் சாதனை படைக்க காரணமாக இருந்த இம் மாணவர்களுக்கான பொறுப்பாசிரியர்கள் திரு.க.சுவாமிநாதன், திரு.சொ. ஹரிசங்கர், மற்றும் பயிற்றுநர் திரு.செ.றமணன் ஆகியோரும் பாடசாலை சமூகத்தினரால் கௌரவிக்கப்பட்டனர். இதன் பின்னர் சாதனை மாணவர்களது உரை இடம் பெற்றது. இவ் உரைகளில் தாம் பெற்ற சவால்கள், அனுபவங்கள் போன்றவற்றை இங்கு குறிப்பிட்டிருந்தார்கள். அந்த சமயம் அவர்கள் செய்த சாதனைகள் அனைத்தும் மண்டபத்திலே திரையிப்பட்டு காண்பிக்கப்பட்டது. பின்னர் யாழ் பழைய மாணவர் சங்க விளையாட்டுக் குழு சார்பாக திரு.தர்மகுலசிங்கம் அவர்களால் வாழ்த்துரை வழங்கப்பட்டது. இதன் பின் இறுதி நிகழ்வாக பிரதி அதிபர் திரு.ச.நிமலன் அவர்களால் நன்றியுரை நடாத்தப்பட்டது. இதனை தொடர்ந்து கல்லூரி கீதத்துடன் நிகழ்வுகள் அனைத்தும் நிறைவடைந்தன.

Share this post


Link to post
Share on other sites

சாதனை படைத்த மாணவர்கள் அனைவருக்கும் வாழ்த்துக்கள்.

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • யாழ், கிழக்குப் பல்கலைக்கழக மாணவர்களின் நல் ஆதரவுக்கான முயற்சி வாக்குறுதிகளை வழங்கித் தடம் புரண்ட தமிழ்க் கட்சிகள் ஆவணத்துக்குப் பொறுப்புக் கூறுமா? ஆய்வாளர் நிலாந்தன் அடிப்படைப் பிரச்சினையும் உடனடித் தேவையும் வெவ்வேறாகப் பிரிக்கப்பட்டிருக்க வேண்டுமென்றும் கூறுகிறார்           இனப்பிரச்சினைத் தீர்வு தொடர்பாக யாழ்ப்பாணம் மற்றும் கிழக்குப் பல்கலைக்கழக மாணவர்களின் முயற்சியினால் தமிழ்க் கட்சிகள் ஒன்று சேர்ந்து கலந்துரையாடி ஆவணம் ஒன்றைத் தாயரித்துக் கையொப்பமிட்டமை முன்னேற்றகரமான அம்சம் என்று சிவில் சமூகச் செயற்பாட்டாளரும் அரசியல் ஆய்வாளருமான எம் நிலாந்தன் கூர்மைச் செய்தித் தளத்திற்கு வழங்கிய சிறப்பு நேர்காணலில் தெரிவித்துள்ளார். ஆனாலும் கடந்த காலங்களில் தேர்தல் விஞ்ஞாபனங்களில் முன்வைக்கப்பட்ட வாக்குறுதிகளில் இருந்து தடம்புரண்ட இந்தக் கட்சிகள், இந்த ஆவணத்தில் கூறப்பட்டுள்ளவற்றை தொடர்ச்சியாகப் பாதுகாப்பதற்கு ஏற்ற வகையில் பொறுப்புக் கூற வேண்டும் என்றும் நிலாந்தன் வலியுறுத்திச் சொன்னார்.     சமூகச் செயற்பாட்டாளரும் அரசியல் ஆய்வாளருமான நிலாந்தன் நிலாந்தன் கூர்மைச் செய்தித் தளத்திற்கு வழங்கிய நேர்காணலின் முழுமையான விபரம் வருமாறு-     கேள்வி-இனப்பிரச்சினைத் தீர்வுக்கான முன்மொழிவுகள் குறித்துப் போரின் பின்னரான பத்து ஆண்டுகளில் ஐந்து கட்சிகளும் கலந்துரையாடிய பின்னர் இணைந்து ஆவணம் ஒன்றில் கையொப்பமிட்டுள்ளனர். ஆனாலும் இந்தப் பேச்சுக்கள் நேர்மையோடு செய்யப்பட்டதாக உங்களால் கூறமுடியுமா?   பதில்- ஓம் இதில் ஒரு நேர்மையுண்டு. ஏனெனில் எல்லோருக்குமிடையில் ஒரு பொதுக் கருத்தை எட்ட வேண்டுமென பல்கலைக்கழக மாணவர்கள் முயற்சித்தவர்கள். ஏற்கனவே பேரவை நியமித்த குழுவும் அப்படியொரு பொதுக் கருத்தை ஏற்படுத்த முயற்சித்திருந்தது. எனவே இதில் தமிழ் நல் ஆதரவு (Solidarity) ஒன்றை ஏற்படுத்த வேண்டும் என்ற முயற்சி இருக்கின்றது. அந்த முயற்சி ஓரளவுக்கு வெற்றி பெற்றுவிட்டது.   கேள்வி- இலங்கை ஒற்றையாட்சிக் கட்டமைப்பை மீறி பிரதான சிங்கள வேட்பாளர்கள் இந்த ஆவணத்தில் கூறப்பட்டுள்ள விடயங்களை ஏற்பதற்கான வாய்ப்பு உள்ளதா?     எங்களிடம் இருக்கும் எல்லாக் கட்சிகளுமே தேர்தல் மையக் கட்சிகள்தான். எங்களிடம் மக்கள் இயக்கம் இல்லை. மக்கள் இயக்கம் இருந்தால் மக்களை ஒன்று திரட்டி தெருவுக்குக் கொண்டு வருவது வேறு கதை. ஆனால் இப்போது இருக்கிற எல்லாமே தேர்தல் மையக் கட்சிகள்தான். எனவே எங்களுக்கு இருக்கும் ஒரு பரீட்சைக்களம் தேர்தல் களம்தான்   பதில்- இதுதான் பிரச்சினை. இந்தப் பொது ஏற்பாடு முன்னேற்றகரமான அம்சம். தமிழ் மக்கள் பேரவை முன்மொழிந்த அந்தத் தீர்வுத் திட்டத்துடன் ஒப்பிடுகையில் அந்தத் தீர்வுத்திட்டத்திற்குப் பிறகு பிந்தி வந்த ஒரு ஆவணமாக இதைச் சொல்லாம். அப்படிப் பார்த்தால் இது ஒரு முன்னேற்றகரமான ஆவணம். அதேநேரம் இரண்டு அடிப்படைப் பிரச்சினைகள் உண்டு. ஒன்று பொறுப்புக் கூறல். அதாவது இதற்குச் சம்மந்தப்பட்ட தமிழ்க் கட்சிகள் பொறுப்பாக இருக்குமா என்பது. இரண்டாவது இந்த ஆவணத்தைக் கொண்டுபோய் சிங்கள வேட்பாளர்களிடம் கையளிக்கும்போது அவர்கள் இதற்குப் பொறுப்புக் கூறுவார்களா என்பது. முதலாவது இதில் கையொப்பமிட்ட ஐந்து தமிழ்க் கட்சிகளும் பொறுப்புக்கூற வேண்டும். ஏன் என்றால் ஏற்கனவே தங்கள் தேர்தல் விஞ்ஞாபனத்தில் கூறியது ஒன்றாகவும் நடைமுறைகள் வேறாகவுமே கடந்த பத்து ஆண்டுகளாக இருந்து வருகின்றன.. அதாவது தமிழ்த் தேசியக் கூட்டமைப்பு தனது தேர்தல் விஞ்ஞாபனங்களில் தடம் புரண்டது என்று சொல்லித்தான் கஜேந்திரகுமார் வெளியேறினார். சுரேஸ் வெளியேறினார், அதன் பின்னர் விக்னேஸ்வரன் வெளியேறினார். விக்னேஸ்வரன் வெளியேறிய பின்னர் துலக்கமாகச் சொன்னவர் கூட்டமைப்பு தனது தேர்தல் விஞ்ஞாபனத்தில் கூறிய பல விடயங்களில் இருந்து பிறழ்பட்டு விட்டதென்று. ஆகவே அப்படியெல்லாம் கூறிவிட்டுத் தற்போது பழைய தடத்திற்குப் போய்விட்டார்களா? அதாவது எதில் இருந்ததெல்லாம் பிறழவிட்டார்களோ அவற்றையெல்லாம் சீர்செய்து கொண்டு பழைய தடத்திற்குப் போய்விட்டார்கள். இனி அவர்கள் சொன்னபடி நடப்பார்கள் என்று நாங்கள் நம்புவதாக இருந்தால், இதற்குப் பொறுப்பு கூற வேண்டும். அதற்கு ஒரு பொறிமுறையும் வேண்டும். அதாவது இந்தக் கட்சிகள் எல்லாம் சொன்னதின் பிரகாரம் நடந்து கொள்வார்கள் என்பதற்கு ஒரு பொறிமுறை வேண்டும். இரண்டாவது இந்த ஆவணத்தைச் சிங்கள வேட்பாளர்கள் ஏற்கமாட்டார்கள். ஆவணத்தில் இன்னும் சில விடயங்கள் தெளிவாக்கப்பட்டிருக்க வேண்டும். அடிப்படைப் பிரச்சினையும் உடனடிப் பிரச்சினையும் பிரித்துக் காண்பிக்கப்பட்டிருக்க வேண்டும். முதலாவது பந்தி அடிப்படைப் பிரச்சினையைக் கூடுதலாகக் கதைக்கிறது. அதன் பின்னர் வரும் பந்திகள் அடிப்படைப் பிரச்சினைகளைக் கதைக்கிறது.   தமிழ்ததேசிய மக்கள் முன்னணி சில விகாரங்களை எழுப்பியதால்தான், இந்த ஆவணம் திரும்பத் திரும்பத் திருத்தப்பட்டு இப்படியொரு இறுக்கமான கொள்கை ரீதியாக விட்டுக்கொடுப்பற்ற ஒரு நிலைப்பாட்டுக்கு அந்த முதல் பந்தி கொண்டுவரப்பட்டது. அப்படிப் பார்த்தால் அதற்கான பெரும்பான்மைப் பாரட்டு தமிழ்த் தேசிய மக்கள் முன்னணியைத்தான் சேரும்   ஆகவே அடிப்படைப் பிரச்சினைகளைத் தெளிவாகத் தலையங்கம் போட்டுப் பிரித்துவிட்டுப் பின்னர் உடனடிப் பிரச்சினைகளை வேறாக வ்கைப்படுத்தி இருக்க வேண்டும். அப்படிப் பிரித்துவிட்டு உடனடிப் பிரச்சினைகளுக்குத் தீர்வு காணவேண்டும் என்பதற்கு ஒரு பொறிமுறை, அடிப்படைப் பிரச்சினைத் தீர்வுக்கு ஒரு பேச்சுவார்த்தைப் பொறிமுறை என்று தெளிவாகச் சொல்லியிருக்க வேண்டும் என்று நான் நினைக்கிறேன். இருந்தாலும் இதைக் கொண்டுபோய் வேட்பாளர் முன்னிலையில் வைக்கும்போது அடிப்படைப் பிரச்சினைத் தீர்வுக்கு எந்தவொரு வேட்பாளரும் அது குறித்துப் பேச வரமாட்டார்கள். இந்தப் பேச்சுவார்த்தைகளின்போது கூட்டமைப்பின் தரப்பில் ஒரு கருத்து முன்வைக்கப்பட்டது. அதாவது இந்த ஆவணத்தில் உள்ள கோரிக்கைகளை அறுபது வீதத்துக்குக் குறையாமல் ஏற்பவர்களோடு நாங்கள் பேசலாமா அவர்களோடு ஒரு உடன்பாட்டுக்குப் போகலாமா என்று. அப்படி அறுபது வீத கோரிக்கைகளை அவர்கள் ஒப்புக்கொள்வார்களா என்பதை பொறுத்திருந்தே பார்க்க வேண்டும். அப்படி அறுபது வீத கோரிக்கைகளை அவர்கள் ஒப்புக்கொண்டால் கூட அநேகமாக உடனடிப் பிரச்சினைகள் சம்மந்தப்பட்டதாகவே இருக்கும். ஆனால் அந்த உடனடிப் பிரச்சினைகளிலேயே கூட அவர்கள் கடந்த ஐந்து ஆண்டுகளாக ரணில்- மைத்திரி கூட்டு அரசாங்கம் எதுவுமே செய்யவில்லை. அப்படிப் பார்த்தால் அதற்கும் ஒரு பொறிமுறை வேண்டும். அந்தப் பொறிமுறை எப்படி இருக்க வேண்டுமென்றால், குறிப்பிட்ட வேட்பாளர் வரவேண்டும் வரக்கூடாது என்று விரும்புகிற பெரிய நாடுகளோடு ஒரு பேச்சுவார்த்தை செய்யப்பட வேண்டும். பெரிய நாடுகள் மத்தியஸ்த்தம் வகிக்கவோ அல்லது ஏதாவது ஒரு கண்காணிப்புப் பொறிமுறையை வகுக்கவோ தயாராக இருக்க வேண்டும். அந்த நாடுகளைக் கொண்டு ஏதோவொரு பொறிமுறையை ஏற்படுத்தினால் மாத்திரமே ஒப்புக்கொள்ளப்பட்டவற்றைக் கூட நிறைவேற்றலாம். ஆனால் அங்கேயும் பிரச்சினை இருக்கிறது. ஆவணம் அடிப்படைப் பிரச்சினையையும் உடனடிப் பிரச்சினையையும் பிரித்துக் காட்டியிருந்தால், நான் நினைக்கிறேன் இந்த வேட்பாளர்கள் அறுபதோ ஐம்பதோ நிறைவேற்ற ஒப்புக் கொண்டாலும் கூட அவர்கள் பின்னுக்கு வருகிற உடனடிப் பிரச்சினைகளைத் தீர்க்க ஒப்புக்கொள்வார்களே தவிர, அடிப்படைப் பிரச்சினைகளில் பிரதான மூன்று சிங்கள வேட்பாளர்களும் ஒத்துவரமாட்டார்கள். அப்படி ஒத்துவந்தால் அவர்கள் தென்னிலங்கையில் தோற்கடிக்கப்படுவார்கள்.   நல் ஆதரவை முன்வைத்தே பல்கலைக்கழக மாணவர்களும் களமிறங்கினர். ஆனால் அந்த நல் ஆதரவு முழுமையாக எட்டப்படவில்லை. ஏனென்று சொன்னால் ஒரு கட்சி வெளியே போய்விட்டது. எனவே நான் மாணவர்களிடம் கேட்டேன் அந்த நல் ஆதரவுக்காக வேண்டி அந்த ஒரு சொல்லைப் போட்டிருக்கலாமே என்று. ஒரு வரிக்காக நாங்கள் நல் ஆதரவை இழக்க முடியாது     கேள்வி- தமிழ்த் தேசிய மக்கள் முன்னணி இந்தக் கலந்துரையாடலில் இருந்து வெளியேறியுள்ளது. அவ்வாறு வெளியேறியமை நியாயமாகத் தெரிகின்றதா?   புதில- அது அந்தக் கட்சியின் நிலைப்பாடு ஒரு கட்சிக்குத் தனது நிலைப்பாட்டை அழுத்திக் கூறி வெளியேற உரிமை உண்டு. ஜனநாயகப் பரப்பில் அவர்களுக்கு அந்த உரிமை உள்ளது. ஆனால் பொதுவெளியில் அது தொடர்பான விமர்சனங்கள் உண்டு என்பதை நான் பேசிக்கொள்ள வேண்டும். தமிழ்த் தேசிய மக்கள் முன்னணி, தனது நிலைப்பாடு சரி என்பதை நிரூபிப்பதற்கு ஒரு தேர்தல் வருகின்றது. எடுத்த நிலைப்பாடு சரி என்பதை அந்தத் தேர்தலில் அவர்கள் நிரூபித்துக்காட்ட வேண்டும். ஏனென்றால் எங்களிடம் இருக்கும் எல்லாக் கட்சிகளுமே தேர்தல் மையக் கட்சிகள்தான். எங்களிடம் மக்கள் இயக்கம் இல்லை. மக்கள் இயக்கம் இருந்தால் மக்களை ஒன்று திரட்டி தெருவுக்குக் கொண்டு வருவது வேறு கதை. ஆனால் இப்போது இருக்கிற எல்லாமே தேர்தல் மையக் கட்சிகள்தான். எனவே எங்களுக்கு இருக்கும் ஒரு பரீட்சைக்களம் தேர்தல் களம்தான். எனவே தேர்தல் களத்தில் தங்கள் இலட்சியம் மக்கள் மயப்படுத்தப்பட்டிருக்கிறது. மக்கள் அதனை ஏற்றுக் கொண்டார்கள் என்பதனை இந்தக் கட்சி நிரூபித்தக் காட்ட வேண்டும். ஜனாதிபதித் தேர்தலில் அவர்கள் பகிஸ்கரிப்பது என்ற நிலைப்பாட்டுக்குக் கிட்ட வருகிறார்கள். சரி அப்படியென்றால் அவர்கள் பகிஸ்கரித்துக் காட்ட வேண்டும். மக்கள் மனதில் பகிஸ்கரிப்புப் பற்றிய ஒரு சரியான நிலைப்பாட்டை ஏற்படுத்த வேண்டும். ஏனென்றால் பகிஸ்கிரிப்பு என்பது தமிழ் மரபில் ஏற்கனவே உள்ளது. ஹன்டிப் பேரின்பநாயகத்தில் இருந்து தொடங்குகிறது. அதில் சரி பிழை என்ற வாதத்தை பின்னர் வைத்துக்கொள்வோம். ஆனால் பகிஸ்கரிப்பு என்பது ஒரு அறிக்கையும் அல்ல, பத்திரிகையாளர் மாநாட்டில் கூறப்படுகின்ற கருத்துமல்ல. இதற்கும் அப்பால் பகிஸ்கரிப்பு என்பது ஒரு மக்கள் இயக்கம். அதற்காக மக்கள் மத்தியில் இறங்கி வேலை செய்ய வேண்டும். பட்டிதொட்டி எங்கும் போக வேண்டும்.   ஒரு பொதுத் தமிழ் வேட்பாளர்தான் தமிழ்ப் பேரம். அதற்கும் அப்பால் பகிஸ்கரிப்புக்குப் போக வேண்டியிருக்கும். ஆனால் பகிஸ்கரிப்பை ஒரு மக்கள் இயக்கமாக முன்னெடுக்க வேண்டும். தேர்தலை நிராகரிக்கின்றோம் என்ற எதிர்மறையான கருத்தை உலகத்துக்குக் கொடுக்கக் கூடாது. ஆகவே அதனை மக்கள் மயப்பட்ட முடிவாக மாற்ற வேண்டும்   விடியற்காலை எழுந்து திருநூற்றையும் அப்பிக்கொண்டு கோயிலுக்குப் போறது மாதிரி வாக்குச் சாவடிக்குப் போகிற முதியோர்களின் மனதில், இது எங்கட தேர்தல் அல்ல. இதைப் பகிஸ்கரிப்பதன் மூலமே ஒரு செய்தியைத் தென்னிலங்கைக்கும் சர்வதேசத்துக்கும் வழங்கலாம் என்பதனைத் தமிழ்த் தேசிய மக்கள் முன்னணி ஆழமாகச் சொல்ல வேண்டும். தேர்தலில் தமிழ்த் தேசிய மக்கள் முன்னணி தங்கள் நிலைப்பாட்டை வெற்றிபெறச் செய்வார்களாக இருந்தால் அது நல்லது. அதுவும் ஒரு உரிமை.   கேள்வி- இலங்கை அரசாங்கத்தின் புதிய அரசியல் யாப்புக்கான வரைபு ஒற்றையாட்சித் தன்மை கொண்டது. ஆகவே அந்த வரைபை நிராகரிக்க வேண்டும் என்று தமிழ்த்தேசிய மக்கள் முன்னணி கேட்டிருந்து. அத்துடன் இந்த ஆவணத்தில் முதல் பந்தியில் உள்ள கோரிக்கையில் ஒற்றையாட்சி நிராகரிப்பதாகவும் கூறப்பட்டுள்ளது. ஆகவே புதிய வரைபு ஒற்றையாட்சித் தன்மை கொண்டது எனக் குறிப்பிட்டு நிராகரித்திருக்கலாம்தானே?   பதில்- என்ன பிரச்சினையென்றால் பல்கலைக்கழக மாணவர்கள் தயாரித்த அந்த முதலாவது பந்தி தமிழ் மக்களின் இலக்கைச் சொல்கிறது. அது இவர்கள் சொல்லுகின்ற மழுப்பலாக ஏற்றுக்கொள்கின்ற இடைக்கால வரைபை நிராகரிக்கிறது. அந்த இடைக்கால வரைபை நிராகரிக்கும் வகையில்தான் அந்த முதலாவது பந்தி அமைந்துள்ளது. எனவே அந்த முதலாவது பந்திக்குள் அதற்கான விடை உள்ளது. ஆனால் இடைக்கால வரைபை நிராகரிப்பது என்பது தமிழ்த் தேசியக் கூட்டமைப்புக்கு எதிரானது. ஏனெனில் கூட்டமைப்பின் முயற்சிதான் அந்த இடைக்கால வரைபு. இதனால் இடைக்கால வரைபை நிராகரிக்க வேண்டும் என்ற கருத்தை கூட்டமைப்பு ஏற்க மறுத்தது. ஆனாலும் அதனை பின் இணைப்பாக இணைத்திருக்கலாம். ஏனென்றால் ரணில் விக்கிரமசிங்க கொண்டு வந்து மைத்திரிபால சிறிசேனவினால் தோற்கடிக்கப்பட்ட அந்த இடைக்கால வரைபிலும் கூட இன்ன இன்ன கட்சி இப்படிச் சொல்கிறது என்ற ஒரு இணைப்பு இருந்தது. இது உலகத்தில் ஒரு வழமை. இது பற்றி நான் பல்கலைக்கழக மாணவர்களுடன் பேசினேன். அவர்கள் சொன்னார்கள் அதை இணைப்பதற்கு ஏனைய கடசிகள் தயாராக இல்லையென்று.   இரண்டு அடிப்படைப் பிரச்சினைகள் உண்டு. ஒன்று பொறுப்புக் கூறல். அதாவது இதற்குச் சம்மந்தப்பட்ட ஐந்து தமிழ்க் கட்சிகளும் பொறுப்பாக இருக்குமா என்பது. இரண்டாவது இந்த ஆவணத்தை சிங்கள வேட்பாளர்களிடம் கையளிக்கும்போது அவர்கள் இதற்குப் பொறுப்புக் கூறுவார்களா என்பது   நான் திருப்பிக் கேட்டேன் பேரவை நியமித்ததும் பல்கலைக்கழக மாணவர்களுடையதும் முதன்மை நோக்கம் நல் ஆதரவு (Solidarity) அதாவது இது ஜனாதிபதித் தேர்தலுக்கானதுதான். ஏனைய தேர்தலுக்கென்று பின்னர் கொள்கை வடிவில் சரியாக எழுதப்பட வேண்டும். இது ஜனாதிபதித் தேர்தலுக்கான ஓர் ஒருமைப்பாடு. இதில் தமிழ் தரப்பு செய்தி துலக்கமாக வரவேண்டும். பொதுத் தேர்தலில் அப்படி வரும் என்று சொல்ல முடியாது. ஏனெனில் பொதுத் தேர்தலில் கட்சி நலன்கள் மாறுபடும். ஆனால் ஜனாதிபதித் தேர்தலில் நாங்கள் மறைமுக சர்வஜன வாக்கெடுப்பாக நடத்தப் போகிறோம் என்றால் அந்தத் தமிழ் நல் ஆதரவு என்பது முக்கியம். அந்த நல் ஆதரவு என்பதை முன்வைத்தே பேரவை அமைத்த குழுவும் இயங்கியது. அப்படிப் பார்த்தால் இந்த நல் ஆதரவு முழுமையாக எட்டப்படவில்லை. அதேபோன்று நல் ஆதரவை முன்வைத்தே பல்கலைக்கழக மாணவர்களும் களமிறங்கினர். ஆனால் அந்த நல் ஆதரவு முழுமையாக எட்டப்படவில்லை. ஏனென்று சொன்னால் ஒரு கட்சி வெளியே போய்விட்டது. எனவே நான் மாணவர்களிடம் கேட்டேன் அந்தத் நல் ஆதரவுக்காக வேண்டி அந்த ஒரு சொல்லைப் போட்டிருக்கலாமே என்று. ஒரு வரிக்காக நாங்கள் நல் ஆதரவை இழக்க முடியாது. அதை ஏன் அந்த இடத்தில் நீங்கள் விவாதிக்கவில்லை என்று கேட்டேன். அவர்கள் சொன்னார்கள் ஏனைய கட்சிகள் அதில் பிடிவாதமாக இருந்தது என்று. அதனைப் போட வேண்டாமென்றும் பெரும்பான்மையினர் அந்த வரியை நீக்கிவிட்டு வரவேண்டும் எனவும் விரும்பினார்கள். எனவே தடுக்க முடியாத நிலை ஏற்பட்டதாக மாணவர்கள் சொன்னார்கள். அத்துடன் தமிழ்த் தேசிய மக்கள் முன்னணியும் நல் ஆதரவுக்காக பல இடங்களில் விட்டுக்கொடுக்கவில்லை என்ற தொனியும் மாணவர்களிடம் இருந்து வந்தது. ஆனால் பல்கலைக்கழக மாணவர்கள் ஒரு விடயத்தை ஒப்புக்கொள்கிறார்கள், இன்றைக்கு இந்த ஆவணத்தில் தமிழ் மக்களின் இறுதி இலக்குத் தொடர்பாக மிகத் தெளிவான விடயங்கள் சொல்லப்பட்டிருக்கிறது என்றால், அதற்கு முதற் காரணம் தமிழ்த் தேசிய மக்கள் முன்னணிதான் என்று தமிழ்ததேசிய மக்கள் முன்னணி சில வினாக்களை எழுப்பியதால்தான் இந்த ஆவணம் திரும்பத் திரும்பத் திருத்தப்பட்டு இப்படியொரு இறுக்கமான கொள்கை ரீதியாக விட்டுக்கொடுப்பற்ற ஒரு நிலைப்பாட்டுக்கு அந்த முதல் பந்தி வந்தது. அப்படிப் பார்த்தால் அதற்கான பெரும்பான்மைப் பாராட்டு தமிழ்த் தேசிய மக்கள் முன்னணியைத்தான் சேரும்.   கேள்வி- சிவில் செயற்பாட்டாளரான நீங்கள் தமிழ்த் தேசிய மக்கள் முன்னணிக்கும் பொறுப்பு உள்ளது என்ற அடிப்படையில் மீண்டுமொரு பேச்சை நடத்தி மீண்டும் அவர்களை இணைக்கக் கூடிய வாய்ப்புகள் ஏதுவும் உங்களுக்கு இருக்கின்றதா?   புதில்- நாங்கள் தமிழ் மக்கள் பேரவை நியமித்த குழுவில் இயங்கினோம். எங்களுக்குத் தெரியும் இது கடைசி நேரத்தில் எடுக்கப்பட்ட முயற்சி என்று பொதுவேட்பாளரைக் கண்டுபிடிப்பதில் இருந்த அடிப்படைப் பிரச்சினை எங்களுக்குத் தெரியும். ஆனால் பொது வேட்பாளர் பற்றிய ஒரு விழிப்பை ஏற்படுத்துவதற்கு தமிழ் பேரம் ஒன்றை இதில் வைக்க வேண்டும்.   சர்வஜன வாக்கெடுப்பாக நடத்துவதற்கு தமிழ்ப் பேரத்தைத் துலக்கமாக வெளிப்படுத்துவது என்று சொன்னால் பொது வேட்பாளர் தெரிவுதான் சரி. ஆனால் அந்தத் தெரிவு அடிப்பட்டுப் போய்விட்டது. அந்தத் தெரிவு இன்று சிவாஜிலிங்கமாகச் சுருங்கி நிற்கிறது   பல்கலைக்கழக மாணவர்கள் சொல்கிறார்கள் தமிழ்ப் பேரம் என்று. தமிழ்ப் பேரம் என்ற கருத்தை அடைவதற்கு அதனைப் பரவலாக்குவதற்கு நாங்கள் கணிசமான அளவு உழைத்தோம். வெற்றியும் கண்டோம் இதனாலேதான் பேரவை நியமித்த குழு ஒரு கவனிப்பைப் பெற்றது. அதன் அடுத்த கட்டமாக அதன் தொடர்ச்சியாகவே மாணவர்களின் முயற்சி வருகின்றது. நாங்களும் முயற்சி செய்தோம். ஆனால் அப்படி முயற்சித்துப் பேரவை நியமித்த குழுவினால் ஒரு கட்டத்திற்கு மேல் பொது வேட்பாளரைக் கண்டுபிடிக்க முடியவில்லை. இந்தப் பொதுவேட்பாளர் விடயத்தில் கட்சிகளை ஒற்றுமைப்படுத்தவும் முடியவில்லை. இதனால் பேரவை நியமித்த குழு ஒருகட்டத்தில் அமைதியாகிவிட்டது. அவ்வாறு அமைதியான பின்னணிக்குள் பல்கலைக்கழகம் களமிறங்கியது. பல்கலைக்கழகம் என்னை அழைத்தார்கள். பேரவையின் குழுவின் சார்பாகவோ அல்லது தனிப்பட்ட கருத்துருவாக்கியாகவோ வரச்சொல்லிக் கேட்டார்கள். ஒரு தனிப்பட்ட கருத்துருவாக்கியாக நான் அதில் போயிருக்கலாம். ஆனால் போக விரும்பவில்லை. அதில் ஒரு தெளிவான காரணம் உண்டு. நான் அதை மாணவர்களுக்குச் சொன்னேன். ஒரு பொதுத் தமிழ் வேட்பாளர்தான் தமிழ்ப் பேரம். அதற்கும் அ்ப்பால் பகிஸ்கரிப்புக்குப் போக வேண்டியிருக்கும். ஆனால் பகிஸ்கரிப்பை ஒரு மக்கள் இயக்கமாக முன்னெடுக்க வேண்டும். தேர்தலை நிராகரிக்கின்றோம் என்ற எதிர்மறையான கருத்தை உலகத்துக்குக் கொடுக்கக் கூடாது. ஆகவே அதனை மக்கள் மயப்பட்ட முடிவாக மாற்ற வேண்டும். அப்படி மாற்றுவதில் இருக்கக் கூடிய வரையறைகளைக் கொண்டுதான், நான் சொன்னேன் இதனை ஒரு சர்வஜன வாக்கெடுப்பாக நடத்துவதற்கு தமிழ்ப் பேரத்தைத் துலக்கமாக வெளிப்படுத்துவது என்று சொன்னால் பொது வேட்பாளர் தெரிவுதான் சரி. ஆனால் அந்தத் தெரிவு அடிப்பட்டுப் போய்விட்டது. அந்தத் தெரிவு இன்று சிவாஜிலிங்கமாகச் சுருங்கி நிற்கிறது. அப்படி சுருங்கி நிற்கும் பின்னணியில் அது அல்லாத ஒரு தெரிவு என்று பார்த்தால் பகிஸ்கரிப்புத் தான் வரும். ஆனால் பகிஸ்கரிப்பை நாங்கள் ஏற்கவில்லை. ஏனென்றால் இரண்டுக்கும் நடுவில் ஒரு மங்கலாகத் (Gray) தெரிவுகள் குறையும். இரண்டுக்கும் நடுவில் வரக்கூடிய மங்கலான தெரிவுகள் வழு வழுத்தவையாகவும் நொழு நொழுத்தவைகளாகவும் இருக்கும். எனவே அப்படியொரு தெரிவை நோக்கிக் கட்சிகளை ஒருங்கிணைப்பதில் எனக்கு உடன்பாடு இல்லை. ஆகவே இந்த விடயத்தில் நான் தலையிடமாட்டேன் என்று கூறினேன்.   சிவாஜலிங்கம் குறித்து நிலாந்தன் கூறிய சாதக பாதகக் கருத்துக்கள்         கேள்வி- இந்த இடத்திலே சிவாஜிலிங்கம் தன்னிச்சையாக் போட்டியிடுகிறார் அல்லவா? ஆகவே அவரை ஒரு குறியீடாகக் கருதி பொதுவேட்பாளராக ஏற்று அவருக்கு வாக்களிக்கச் சொல்லாம் தானே? அத்துடன் ஈழத் தமிழர்களின் சுயநிர்ணய உரிமையை எற்றுக் கொண்ட சிங்கள வேட்பாளர்களான பெத்தேகம நந்திமித்திர, நாமல் ராஜபக்ச போன்றவர்களுக்கு இரண்டாவது விருப்பு வாக்கைச் செலுத்துமாறு கோரலம்தானே?   புதில்- சிவாஜிலிங்கத்தைப் பரிசீலிக்க வேண்டியதொரு தேவை உள்ளது. அவருடைய கடந்தகாலச் செயற்பாடுகளை அவதானிக்கும் போதும் சாதகமான நிலைமை ஒன்று உண்டு. எல்லோரும் பயந்திருந்த காலத்தில் சிவாஜிலிங்கம் துணிச்சலோடு செயற்பட்ட ஒரு அரசியல்வாதி. நடமாடும் நினைகூரும் இயந்திரமாகவும் செயற்பட்டிருக்கிறார் பல நெருக்கடியான காலகட்டங்களில். ஓட்டோ ஒன்றில் வாழைத் தண்டையும் ஏற்றிக் கொண்டு ஒரு சுட்டி, எண்ணெய்யோடு போய் எதிர்பாராத இடத்தில் நின்று அவர் விளக்கேற்றிவிட்டுப் போவர். அப்படியெல்லாம் அவர் செய்திருக்கிறார். வெளிநாட்டுப் பிரதிநிதிகள் யாழ்ப்பாணத்துக்கு வரும்போதெல்லாம். இவற்றை துலக்கமாக வெளிப்படுத்திய ஒரு அரசியல்வாதி. அப்படிப் பார்க்கும்போது சிவாஜிலிங்கத்துக்கு ஒரு முக்கியத்துவம் இருக்கின்றது.   சிவாஜி ஒரு நிறுவனமயப்பட்ட அனைத்துக் கட்சிகளாலும் அல்லது பெரும்பான்மைக் கட்சிகளால் உருவாக்கப்பட்ட பொறுப்புக் கூறும் பொறிமுறைக்குள் உட்படுவாராக இருந்தால் அவரைப் பொதுவேட்பாளராகப் பரிசீலிக்கலாம். முதலில் அவர் அதற்கு உடன்பட வேண்டும். கட்சிகள் உடன்பட வேண்டும்   அதேநேரம் அவருடைய அடிப்படைப் பலவீனங்களில் ஒன்று ஒரு தனியோட்டம் ஓடும் அரசியல்வாதி. அவர் ஒரு நிறுவனத்திற்குள் நின்று வேலை செய்யமாட்டார். கட்சிக்குள்ளேயே அவர் இல்லை. தமிழ் அரசியல் கைதிகளின் போராட்ட விடயங்களில் அவர்கள் சொன்னது ஒரு குழுவாகச் செயற்பட வேண்டும் என்று. ஆனால் சிவாஜிலிங்கம் என்ன செய்தார், கைதிகளின் பெற்றோர்களையும் அழைத்துக் கொண்டு ஆளுநரிடம் போய் விட்டார். அதேபோன்று போராட்டம் நடத்திய மாணவர்களையும் அழைத்துக் கொண்டு ஜனாதிபதியிடம் போய்விட்டார். ஆகவே சிவாஜிலிங்கத்திடம் உள்ள பலவீனமான விடயம் இந்தத் தனியோட்டம். அவர் அரசியலை ஒரு சாகசமாக முன்னெடுப்பவர். ஆனால் தன்னையொரு கதாநாயகனாகவும் அவர் காட்டிக்கொள்வதில்லை. பிரச்சினை என்னவென்று சொன்னால் இப்படியொரு கலவைதான் சிவாஜிலிங்கம். ஆகவே இவரைக் கொண்டு வந்து குறியீட்டுப் பொது வேட்பாளராக நிறுத்தும் எந்தத் தரப்பும் அவருடைய இப்படியான செயற்பாடுகளையும் பொறுப்பேற்க வேண்டும். சிவாஜி ஒரு நிறுவனமயப்பட்ட அனைத்துக் கட்சிகளாலும் அல்லது பெரும்பான்மைக் கட்சிகளால் உருவாக்கப்பட்ட பொறுப்புக் கூறும் பொறிமுறைக்குள் உட்படுவாராக இருந்தால் அவரைப் பொதுவேட்பாளராகப் பரிசீலிக்கலாம். முதலில் அவர் அதற்கு உடன்பட வேண்டும். கட்சிகள் உடன்பட வேண்டும். அப்படி உடன்படும் நிலையில் குறியீட்டு வேட்பாளராக சிவாஜிலிங்கத்தை நிறுத்தும்போது பல விடயங்களில் தமிழ் மக்களுக்குப் பாதுகாப்பு உண்டு. ஏனென்று சொன்னால், பொதுவேட்பாளர் என்ற அந்த ஏற்பாடுதான் ஒப்பீட்டளவில் துலக்கமான பேரம். அதற்கு அடுத்ததாக இருக்கக் கூடிய தெரிவு பகிஸ்கரிப்புத் தான். இரண்டுக்கும் இடையில் இருக்கும் எல்லாத் தெரிவுகளுமே வழு வழுத்து. நொழு நொழுத்தது. இந்தத் தெரிவுகள் எதற்குள் போனாலும் எப்படியோ ஒரு சிங்கள வேட்பாளருக்குக் கிட்டத்தான் போய் நிற்க வேண்டி வரும். அதிலும் ஒரு எழுதப்பட்ட உடன்படிக்கைக்குப் போக முடியாது. கனவான் உடன்படிக்கைக்குப் (Gentlemen agreement) போக வேண்டும். அதிலும் கூட அவர்கள் (சிங்கள வேட்பாளர்கள்) கனவான்களாக ஒருபோதும் இருந்ததில்லை. அப்படி இருக்கும்போது, பொதுவேட்பாளர் தெரிவுக்கும் பகிஸ்கரிப்புக்கும் இடையில் இருக்க கூடிய தெரிவுகள் மிகவும் அரிது. மங்கலானவை என்ற அடிப்படையில் தான் நாங்கள் ஒரு பொதுவேட்பாளரை வற்புறுத்தினோம். அப்படிப் பார்க்கும்போது சிவாஜிலிங்கத்தில் உள்ள பொதுவான அம்சங்களை ஆழமாகப் பரிசீலித்த பின்னர், சிவாஜிலிங்கமும் ஒரு பொது ஏற்பாட்டுக்குள் உடன்படுவாராக இருந்தால் அதைப் பற்றி யோசிக்கலாம். https://www.koormai.com/pathivu.html?vakai=1&therivu=1268&fbclid=IwAR3_iKqxGoXyod2XzBhedgpHbAHVrDzwlK_ELYFulxJYQkzKGL-gGf7VIkQ
    • 'களவும் கற்று மற'   தவறாகப் பொருள் கொள்ளப்பட்டுள்ள தமிழகப் பழமொழிகளில் இதுவும் ஒன்று. இதிலும் ஒரே ஒரு எழுத்துப் பிழையால் தான் பொருள் தவறு நேர்ந்துள்ளது. அதைப் பற்றிக் காணும் முன்னர் இதன் பொருள் என்ன என்று காணலாம். ' திருட்டுத் தொழிலைக் கூட கற்றுக்கொண்டு பின்னர் மறந்துவிடு.' - இதுவே இதன் பொருள் ஆகும். எப்படி இருக்கிறது பொருள்?. மிகவும் ஆச்சர்யப்படுத்துகிறது அல்லவா?. எப்படி இதுபோன்ற பொருளில் பழமொழிகள் உலாவருகின்றன என்பதே தெரியவில்லை. இப்படித் தவறான பழமொழிகள் புழங்குவதால் தான் சமுதாயத்தில் ஒழுக்கம் குன்றி தவறுகள் அதிகரித்து விட்டன. 'ஏன் தவறு செய்கிறாய்?' என்று கேட்டால், 'களவும் கற்று மற' என்று பெரியவர்கள் சொல்லி இருக்கிறார்களே அதனால் நானும் இந்தத் தவறை ஒருமுறை செய்துவிட்டு பின்னர் மறந்துவிடுகிறேன் என்று சாக்கு சொல்லுகிறார்கள். இப்படி இளைய சமுதாயத்தினருக்கு ஒரு தவறான வழியைக் காட்டுவதாக ஒரு பழமொழி இருக்கலாமா?. கூடவே கூடாது. அதை ஒரேயடியாக நீக்கவேண்டும் இல்லையேல் அதன் உண்மைப் பொருளைக் கண்டறிந்து அதனை மக்களுக்கு உணர்த்த வேண்டும். முன்னோர்கள் சொல்லிவிட்டுச் சென்ற இப்பழமொழியை நீக்குவதை விட இதன் உண்மைப் பொருள் என்ன என்று கண்டறிந்து அதை மக்களுக்கு உணர்த்தினால் நன்றாக இருக்கும் என்னும் ஆவலில் ஏற்பட்டது தான் இந்த ஆய்வு. பழமொழிகளின் பல்வேறு பயன்பாடுகளில் ஒன்று தான் ' இளையோரை வழிநடத்துதல்' ஆகும். பெரியோர்கள் தாம் அனுபவத்தால் பெற்ற அறிவை இளையோருக்குக் கூறி அதன்படி நடந்தால் நன்மைகள் பெறலாம் என்னும் உயர்ந்த நோக்கத்தில் உருவானவை பல பழமொழிகள். அத்தகைய பழமொழிகளுள் ஒன்று தான் இந்தப் பழமொழியும். 'தவறுகளைச் செய்யாதே' என்று தான் பெரியவர்கள் அறிவுரை கூறுவார்களே ஒழிய ' தவறுகளைப் பழகிக்கொள் பின்னர் மறந்துவிடு' என்று ஒருபோதும் சொல்லமாட்டார்கள். இனி இப் பழமொழியின் உண்மையான பொருள் என்ன என்று காண்போம். அக்காலத்திலும் சரி இக்காலத்திலும் சரி செய்யக்கூடாத தவறுகள் பட்டியலில் 'திருட்டு, சூது' ஆகியவை அடங்கும். இந்த இரண்டு தவறுகளும் ஒரு மனிதனை எந்த நிலைக்குக் கொண்டுசெல்லும் என்பதை இங்கே சொல்லத் தேவையில்லை. ஏனென்றால் அது உலகறிந்த உண்மை. திருட்டு என்பது பிறருக்கு உரிமை உடைய பொருளை அவருக்குத் தெரியாமல் தான் எடுத்துக் கொள்வது ஆகும். சூது என்பது பிறருக்குச் சொந்தமான பொருளை தந்திரத்தால் ஏமாற்றித் தான் கொள்வதாகும். தாயக்கட்டைகளை உருட்டி விளையாடும் இந்த விளையாட்டிற்கு 'சூதாட்டம்' என்று பெயர். இந்த தந்திரமான விளையாட்டின் அடிப்படையில் தானே 'மகாபாரதம்' உருவானது. துரியோதனன் துகில் உரிப்பதற்கும் பாஞ்சாலி சபதம் செய்ததற்கும் அடிப்படையே இந்த விளையாட்டு தானே.     இதைப் பற்றி ' சூது' என்னும் தலைப்பில் பத்து குறள்களில் மிக அருமையாக விளக்கியுள்ளார் திருவள்ளுவர். சூது விளையாடியவனின் நிலை பற்றி ஒரு குறளில் வள்ளுவர் இவ்வாறு கூறுகிறார். ' கவறும் கழகமும் கையும் தருக்கி இவறியார் இல்லாகி யார்.' - குறள் எண்: 935. இங்கே 'கவறு' என்பது 'சூதாடும் கருவியையும்', 'கழகம்' என்பது 'சூதாடும் இடத்தையும்' குறிக்கும். ' சூதாடும் கருவியையும் சூதாடும் இடத்தையும் தம் கைகளையும் நம்பி மேல்சென்றவர்கள் ஒன்றும் இல்லாதவராய் ஆவர்.' என்பதே இக்குறளின் பொருள் ஆகும். சூதாடும் கருவியைக் குறிக்கும் இந்த 'கவறு' என்னும் சொல்லை 'கற்று' என்று பழமொழியில் பிழையாக எழுதியதால் தான் தவறான பொருள்கோளுக்கு வழிவகுத்து விட்டது. களவுத்தொழிலைக் கையால் தான் செய்யவேண்டும். அதேபோல சூது விளையாட்டையும் முழுக்க முழுக்க கைகளால் தான் ஆடவேண்டும். ' இந்த இரண்டையும் கையில் தொடாமல் இரு' என்பதே இப்பழமொழியில் பெரியவர்கள் கூற வரும் அறிவுரை ஆகும். இனி சரியான பழமொழி இது தான்: ' களவும் கவறு மற.' (கவறு மற = கவறும்+அற; அற - தவிர்) பி.கு: சூதாடும் இடத்தைக் குறிக்கின்ற 'கழகம்' என்ற சொல்லை தமிழக அரசியல் கட்சிகள் பல தங்களது பெயருடன் இணைத்து வைத்துள்ள நோக்கம் என்னவோ?. சூதாடும் கழகத்தைச் சேர்ந்தவர்கள் ஏமாற்றுக்காரர்களாக இருப்பதுபோலவே அரசியல் கட்சிகளும் மக்களை ஏமாற்றி வருவதன் மறைபொருள் இப்போது தான் புரிகிறது. http://thiruththam.blogspot.com/2009/02/blog-post_1218.html
    • ரத்த மகுடம்-75 தன் வாழ்நாளில் அதுபோல் என்றும் கரிகாலன் அதிர்ந்ததில்லை... இனியும் இப்படியொரு அதிர்ச்சி தனக்கு ஏற்படாது என்பது அவனுக்கு திட்டவட்டமாகத் தெரியும். அந்தளவுக்கு மின்னல் தாக்கியது போலவும் இடி விழுந்தது போலவும் கரிகாலன் தடுமாறினான். காரணம், கஜ சாஸ்திரி உச்சரித்த ஒரேயொரு சொல்தான்.‘வேளிர்களின் தலைவன்’.தன்னை நிதானப்படுத்திக் கொள்ள கரிகாலனுக்கு பல கணங்கள் ஆகின. காஞ்சி மாநகரத்தில், தான் தப்பிக்க உதவிய கடிகை பாலகன் வேளிர்களின் தலைவனா...?இந்த வினாதான் அவனைச் சுற்றிச் சுற்றி வந்தது. இறுக்கமாக பிணைக்கவும் செய்தது.   இதைத் தொடர்ந்து காட்சிகளும் அவன் மனக்கண்ணில் விரிந்தன. காஞ்சி கடிகையில் அந்த பாலகனைச் சந்தித்ததும், பிறகு சுரங்கத்தில் அவனை எதிர்கொண்டதும், விசாரணை மண்டபத்தில் உயிரைத்துச்சமென நினைத்து அவன் நின்ற கோலமும் கரிகாலன் மனதில் வந்து வந்து போயின.   அனைத்தையும் கடந்து விஸ்வரூபம் எடுத்து நின்றது சாளுக்கிய மன்னர் விக்கிரமாதித்தரின் மனம் கவர்ந்த மனிதனாக அந்த பாலகன் விளங்கியதுதான்... அப்போது பெருமையாக உணர்ந்த அந்த சேர்க்கை... இப்போது இடித்தது.ஒரு நாட்டின் மன்னராக இருந்தபோதும் சாதாரணமாக கடிகையில் படிக்கும் ஒரு பாலகன் மீது விக்கிரமாதித்தர் அன்பைக் கொண்டிருக்கிறாரே... என்று அப்போது வியந்தது இப்போது விஷமாகக் காட்சியளித்தது. ஏனெனில் அந்த பாலகனும் சாளுக்கிய மன்னரும் பரஸ்பரம் மரியாதை செலுத்தி அன்பைப் பொழிவது பல்லவர்களுக்கும் பாண்டியர்களுக்கும் நல்லதல்லவே...‘‘நிஜமாகத்தான் சொல்கிறீர்களா..? அந்த பாலகன் வேளிர்களின் தலைவனா..?’’ தன்னைக் கட்டுப்படுத்தியபடி கஜ சாஸ்திரியிடம் கரிகாலன் கேட்டான்.உணர்ச்சிகளை வெளிப்படுத்தாத புன்னகையுடன் கரிகாலனை ஏறிட்டான் கஜ சாஸ்திரி. ‘‘உண்மையை மட்டுமே நான் சொல்வேன் என்பது உனக்குத் தெரியாதா..?’’கரிகாலன் தன் இமைகளை மூடினான். மனதில் சூழ்ந்த காரிருள் பார்வைக்கும் படர்ந்தது. ‘‘இந்தக் கூட்டணி தமிழகத்துக்கு மிக மிக ஆபத்தாயிற்றே..?’’ தன்னையும் மீறி முணுமுணுத்தான்.‘‘தமிழகத்துக்கு அல்ல... பல்லவர்களுக்கு என்று குறிப்பிடுவதே சாலப் பொருத்தம் கரிகாலா...’’‘‘விளங்கவில்லை... என்ன சொல்ல வருகிறீர்கள்..?’’ இமைகளைப் பிரித்து சட்டென கஜசாஸ்திரியிடம் கேட்டான்.‘‘மதுரைக்குச் சென்று பாண்டியர்களைச் சந்தித்துவிட்டு அந்த பாலகன் திரும்பியிருக்கிறான் என்று சொல்கிறேன்...’’கரிகாலன் தன் உமிழ்நீரை விழுங்கினான். என்ன பதில் சொல்வதென்று தெரியாமல் அமைதியாக நின்றான்.‘‘உண்மையிலேயே ஒரு மாபெரும் வீரன் முன்னால் நாம் நிற்கிறோம் கரிகாலா...இன்றைய சரித்திரம் மட்டுமல்ல... நாளைய வரலாறும் சாளுக்கியர்களின் மாமன்னர் இரண்டாம் புலிகேசி என்றே குறிப்பிடும். ஆனால், உண்மையில் சாளுக்கிய மன்னர்களிலேயே சிறந்த விவேகியும் ராஜதந்திரியும் விக்கிரமாதித்தர்தான்... இந்த விஷயம் அவருக்கு மட்டுமல்ல, மக்களுக்கும் தெரியும்... என்றாலும் தன் தந்தை இரண்டாம் புலிகேசிக்கு மொத்த புகழையும் கொடுத்துவிட்டு அமைதியாக அவர் நிழலில் இளைப்பாறுகிறார்... எதிரியாக இருந்தாலும் விக்கிரமாதித்தர் வணக்கத்துக்கும் மரியாதைக்கும் உரியவர்...’’‘‘இதே உணர்வைத்தான் வேறு வார்த்தைகளில் சாளுக்கிய மன்னரும் என்னிடம் வெளிப்படுத்தினார்...’’ வறண்ட குரலில் கரிகாலன் சொன்னான்.‘‘அப்படியா..?’’ கஜ சாஸ்திரி கேட்டான்.‘‘ஆமாம்... நம் பல்லவ மன்னர் பரமேஸ்வர வர்மரை மிக மிக உயர்வாக மதிக்கிறார்... நாட்டு மக்களைக் காக்கவும் கலைப் பொக்கிஷங்கள் சேதமடையக் கூடாது என்பதற்காகவும் தன் தலைநகரையே எதிரிகளிடம் ஒப்படைத்துவிட்டுச் சென்ற மகான் என்று குறிப்பிட்டார்... போரில் நம் அனைவரையும் சந்திக்கவே, தான் விரும்புவதாகவும், அதன் காரணமாகவே என்னையும் என் தந்தையையும் சிறை செய்ய முற்படும் அவரது போர் அமைச்சரான ராமபுண்ய வல்லபரின் நடவடிக்கைகளுக்கு எதிராக, தான் இருப்பதாகவும் சொன்னார்...’’‘‘மாபெரும் வீரர் அல்லவா..? அதனால்தான் அப்படி நினைக்கிறார்...நினைத்ததை தன் எதிரி நாட்டு உபதளபதியிடமும் மனம்திறந்து சொல்லியிருக்கிறார்... இது அவரது பலவீனத்தை காண்பிக்கவில்லை... மாறாக அவரது வீரத்தையே பறைசாற்றுகிறது... வீரர்களுக்கு என வகுக்கப்பட்ட அறத்துடனும் விழுமியங்களுடனும் பல்லவர்களை வெற்றி கொள்ள நினைக்கிறார்... இந்த விஷயத்தில் அறத்தை விட்டு விலக அவர் விரும்பவில்லை... அதேநேரம் தன் தேசத்துக்கு துரோகம் செய்யவும் அவர் முற்படவில்லை...ராஜதந்திரமாக காய்களை நகர்த்தி பல்லவர்களை வேரோடு சாய்க்க திட்டமிடுகிறார்... இதன் வழியாக தன் தந்தைக்கு ஏற்பட்ட களங்கத்தைத் துடைக்க நினைக்கிறார்... மாபெரும் வீரரான விக்கிரமாதித்தர் வாழும் காலத்தில் நாம் வாழ்கிறோம்... அந்த மாபெரும் வீரரை, மனிதரை எதிர்த்து போர்க்களத்தில் நிற்கப் போகிறோம்... என்பதில் பெருமை கொள் கரிகாலா...’’உணர்ச்சியின் கொந்தளிப்பை மறைக்காமல் கஜ சாஸ்திரி வெளிப்படுத்தினான்.அவை எல்லாம் உண்மை என்பது கரிகாலனுக்கும் புரிந்தே இருந்தது. சாளுக்கிய மன்னரான விக்கிரமாதித்தரை நேருக்கு நேர் சந்தித்து உரையாடி அவரது மனப்போக்கை ஸ்படிகம் போல் அறிந்தவன் அவன்தானே..? எதிரிகளை எந்தளவுக்கு அவர் மதிக்கிறாரோ அதே அளவுக்கு தன் நாட்டுக்கு ஏற்பட்ட அவப்பெயரைத் துடைக்கவும் விக்கிரமாதித்தர் முற்படுகிறார் என்பதை அப்போது உணர்ந்தான். இப்போது கஜ சாஸ்திரியும் அதையே வெளிப்படுத்தியபோது சாளுக்கிய மன்னர் மீதான அவனது மரியாதை அதிகரிக்கவே செய்தது...இதைத் தொடர்ந்து கிளைவிட்ட கரிகாலனின் சிந்தனை சட்டென்று நின்றது. காரணம், கஜ சாஸ்திரி தொடர்ந்து பேசியதுதான்.‘‘நரசிம்மவர்ம பல்லவரும் அவரது படைத்தளபதியான பரஞ்ஜோதியும் சாளுக்கியர்களின் மாமன்னரான இரண்டாம் புலிகேசியை போரில் தோற்கடித்ததுடன் அவர்களது தலைநகரான வாதாபியையும் தீக்கிரையாக்கினார்கள். அதற்குப் பழிவாங்க இப்பொழுது விக்கிரமாதித்தர் புறப்பட்டு வந்திருக்கிறார்...உண்மையில் நரசிம்மவர்ம பல்லவர் சாளுக்கியர்களை வென்றதைவிட இப்போதைய பல்லவ மன்னரான பரமேஸ்வர வர்மர் சாளுக்கியர்களை வெல்லப் போவதுதான் முக்கியம் கரிகாலா... இந்த விஷயம் நம்மை விட விக்கிரமாதித்தருக்கு நன்றாகத் தெரியும்... அதனால்தான் பல்லவர்களை முறியடிக்க தன் தந்தை திட்டமிடாத எல்லைக்குள் புகுந்து போர்த் தந்திரம் வகுத்திருக்கிறார்... அதன் ஒரு பகுதிதான் வேளிர்களின் தலைவனான அந்த கடிகை பாலகனை தன் பக்கம் ஈர்த்தது... அந்த பாலகனையே மதுரைக்கு அனுப்பி பாண்டியர்களிடம் பேச வைத்தது...’’நிறுத்திய கஜ சாஸ்திரி, நின்று கரிகாலனை உற்றுப் பார்த்தான்.‘‘உண்மையை ஒப்புக்கொள்ள வேண்டும் கரிகாலா... வேளிர்களை தன் பக்கம் ஈர்த்திருக்கும் விக்கிரமாதித்தரின் நடவடிக்கைஇதுவரை இந்த பாரத தேசம் காணாத யுத்த தந்திரம்...’’அது உண்மைதான் என்பது சோழனான கரிகாலனுக்கு நன்றாகவே தெரியும். ஏனெனில் வேளிர்களால் அதிகமும் பாதிக்கப்பட்டது அவனது முன்னோர்கள்தான். அரசுகள் உருவாகாத காலத்தில் தமிழகத்தின் நிலப்பரப்பை ஆண்டவர்கள் வேளிர்கள்தான்.வேளிர் என்போர் சங்ககாலத்தில் தமிழ்நாட்டில் வாழ்ந்த ஒருசார் குடிமக்கள். இவர்களின் அரசராக இருந்தவர் ‘வேள்’ என அறியப்பட்டார். அரசன் பெயரோடு வேள் என்னும் சொல்லும் சேர்ந்து வந்ததால் வள்ளல் என்றும் அழைக்கப்பட்டார்கள். இதன் பொருள் உதவி என்பது.ஆம். மற்றவர்களுக்கு கொடை அளிப்பதில் இவர்களே பெயர் போனவர்கள்.கால மாற்றத்தில் அரசுகள் தோன்ற ஆரம்பித்து தமிழகத்தில் மூவேந்தர்களாக சோழ, பாண்டிய, சேரர்கள் தலைதூக்கியபோது அவர்களுக்குக் கட்டுப்படாமல் தன்னாட்சி நடத்தியவர்கள் வேளிர்கள்தான். என்றாலும் சமயத்துக்கு ஏற்றபடி மூவேந்தர்களுக்கும் வேளிர்கள் யுத்த காலங்களில் உதவியிருக்கிறார்கள்.சங்ககால இலக்கியங்களின் அடிப்படையில் பாண்டிநாட்டு வேளிர்களாக ஆய் ஆண்டிரன், பொதியிற் செல்வன் திதியன், பாரிவேள், இருங்கோவேள் ஆகியோர் இருந்திருக்கிறார்கள். சோழநாட்டு வேளிர்களாக நெடுங்கை வேண்மான், நெடுவேளாதன், செல்லிக்கோமான் ஆதன் எழினி, வாட்டாற்று எழினியாதன், அழுந்தூர்வேள் திதியன், வேளேவ்வி, வீரைவேண்மான் வெளியன் தித்தன், நன்னன்சேய் நன்னன், பொருநன் உள்ளிட்டோர் திகழ்ந்திருக்கிறார்கள்.சேரநாட்டு வேளிர்களாக நெடுவேளாவி, வேளாவிக் கோமான் பதுமன், வையாவிக் கோப்பெரும் பேகன், நன்னன் வேண்மான், வெளியன் வேண்மான் ஆய், எயினன், வெளிமான், எருமையூரன் ஆகியோர் வாழ்ந்திருக்கிறார்கள்.இவர்கள் தவிர வரலாற்றின் ஏடுகளில் பதிவாகாத எண்ணற்ற வேளிர்கள் தத்தம் மக்களின் காவலர்களாக இருந்திருக்கிறார்கள். அரசு உருவாக்கத்துக்கு எதிராகவும் மூவேந்தர்கள் நிலப்பரப்பை கூறுபோட்டு ஆளவும் தடைக் கற்களாக இருந்த இவர்களை எதிர்த்து சோழ, பாண்டிய, சேர அரசர்கள் இணைந்தும், விலகியும் பல காலம் போர் புரிந்திருக்கிறார்கள்.ஒரு கட்டத்தில் வேளிர்கள் அனைவரும் ஒடுக்கப்பட்டார்கள். இதன் பிறகே பல்லவர்கள் தோன்றினார்கள்.   காலங்கள் உருண்டோடியபோதும் மக்கள் மனதில் இன்றும் வேளிர்கள் இடம் பிடித்திருக்கிறார்கள். பாணர்கள் நாள்தோறும் வேளிர்களின் அருமை பெருமைகளைப் பாடித் திரிகிறார்கள். கலைஞர்கள் விழாக்காலங்களில் கூத்து நடத்தி வேளிர்களின் புகழை அணையாமல் பார்த்துக் கொள்கிறார்கள்.   இந்நிலையில் வெளிப்படையாக இல்லாமல் ரகசியக் குழுவாக இன்றும் வேளிர்களின் தலைவர்கள் சந்தித்து அவ்வப்போது தங்கள் பழம்பெருமைகளைப் பேசி வருகிறார்கள் என கரிகாலன் கேள்விப்பட்டிருக்கிறான். ஆனால், ஒருபோதும் அதற்கு அவன் அழுத்தம் கொடுத்ததில்லை. ஆட்சியும் நிலமும் படைபலமும் இல்லாத அவர்களால் என்ன செய்ய முடியும் என அலட்சியமாக இருந்துவிட்டான்.ஆனால், அப்படி, தான் அலட்சியப்படுத்தியதையே பல்லவர்களுக்கு எதிரான போரில் முக்கிய துருப்புச் சீட்டாக சாளுக்கிய மன்னரான விக்கிரமாதித்தர் பயன்படுத்த முற்படுகிறார் என்பதை அறிந்ததும் கரிகாலன் உண்மையிலேயே நிலைகுலைந்தான்.ஏற்கனவே பல்லவர்களின் மூதாதையர்கள் எந்த இனம், நிலப்பரப்பைச் சேர்ந்தவர்கள் என்ற சர்ச்சை அங்கொன்றும் இங்கொன்றுமாக நடந்து வரும் நிலையில் மண்ணின் மைந்தர்களாக பழம்பெருமை பேசி வரும் வேளிர்கள் சாளுக்கியர்களின் பக்கம் சேர்ந்தால் கண்டிப்பாக அதன் தாக்கம் பல்லவப் படைகளில் எதிரொலிக்கும் என்பதை நினைத்து கரிகாலன் கவலைப்பட்டான். போதும் போதாததற்கு வேளிர்களின் தலைவனான கடிகை பாலகன் வேறு பாண்டிய மன்னரைச் சந்தித்திருக்கிறான்...‘‘சாளுக்கியர்களின் சார்பில் தூது சென்ற வேளிர்களின் தலைவருக்கு பாண்டிய மன்னர் என்ன பதில் சொல்லி அனுப்பினார்..?’’ சட்டென கஜ சாஸ்திரியிடம் கேட்டான் கரிகாலன்.பதில் சொல்ல முற்பட்ட கஜ சாஸ்திரி திடீரென்று அமைதியானான்.காரணம், கண் முன்னால் விரிந்த காட்சி.பேசிக்கொண்டே வனத்தில் நடந்து வந்த கஜ சாஸ்திரியும் கரிகாலனும் இப்பொழுது வெட்ட வெளியை அடைந்திருந்தார்கள்.அங்கு பல்லவ வீரர்கள் அமர்ந்திருக்க... சங்கிலியால் பிணைக்கப்பட்டு நெஞ்சை நிமிர்த்தியபடி சிவகாமி நின்றுகொண்டிருந்தாள்!தொலைவில் இருந்து அவளைப் பார்த்த கரிகாலனின் கண்கள் இடுங்கின. ஒரே சிவகாமிதான் அங்கு நின்றிருந்தாள்.   ஆனால், அவள் ஒருத்தி அல்ல. அசுவ சாஸ்திரி, வாள் சண்டை வீராங்கனை, அம்புகளைக் குறி தவறாமல் எய்யும் வித்தை அறிந்தவள், தன்னுடன் காதல் மொழி பேசியவள், சாளுக்கியர்களின் ஒற்றர் படைத் தலைவி... என பல முகம் கொண்டவள். இதில் எந்த முகம் உண்மை வதனம்..? அறிந்தபோது கரிகாலனின் உணர்வுகள் ஊசி முனையில் ஆடத் தொடங்கின...அவளா இவள்..?! http://kungumam.co.in/Articalinnerdetail.aspx?id=16062&id1=6&issue=20191018
    • வாவ், உண்மைதான்,  எப்படி கண்டுபிடித்தீர்கள், நீங்கள் மிகவும் கெட்டிக்காறன்தான்,