Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

வாஸ்தவா வாஸ்து நிலையம்


Recommended Posts

கற்பனை : முகில்

கே.ஜே. அறுபதைத் தாண்டிய பெரியவர். (எல்லாரும் தெரிஞ்சிக்கிற அளவுக்கு பெரிய ஆளெல்லாம் கிடையாது.) ரிட்டையர்ட் ஆசாமி. வீட்டுல பொழுது போகாம தினமும் ஊர் சுத்துற பார்ட்டி. இன்னிக்கு அவரோட டார்கெட் அவங்க ஏரியாவுல புதுசா மொளைச்சிருக்கிற "வாஸ்தவா வாஸ்து நிலையம்'. அந்தக் கடையை (புறம்போக்கு நிலத்துல) ஆரம்பிச்சிருக்கிற நபர் பேர் (வாஸ்துப்படி) "வாஸ்த்துச் செம்மல்' செங்கல்வராயன். இதுக்கு முன்னாடி மேஸ்திரியா பல வருச சர்வீஸ். ஆனா, நம்ம கே.ஜே. கொஞ்சம் தற்போக்கான முற்போக்குவாதி. வாஸ்து மேல எல்லாம் சாஸ்திரத்துக்கு கூட நம்பிக்கையே இல்லாத ஆளு. "என்னடா இவன், நேத்து வரை மேஸ்திரி, இன்னிக்கு வாஸ்து சாஸ்திரி. ஊரை ஏமாத்தக் கௌம்பிருக்கானா? நான் விடமாட்டேன்' -இப்படி அடிமனசுல கொழுந்துவிட்டு எரியுற வெறியோட கௌம்பினார் கே.ஜே.

(வாஸ்தவா வாஸ்து நிலையம் முன்பு சென்று நிமிர்கிறார். சுற்றிலும் கண்ணாடிக் கதவுகள். ஆனால் எதையும் திறக்க முடியவில்லை. வெளியே இருந்து சவுண்ட் விடுகிறார்.)

கே.ஜே: ஏய்ய்... என்னப்பா இது? எதுவுமே திறக்க மாட்டீங்கு. எல்லாக் கதவையும் பூட்டிட்டு உள்ள என்னய்யா வியாபாரம் பண்ணுற?

(பூட்டிய கதவுக்குள் எதுவுமே கேட்காத செங்கல்வராயன் சைகையால் யூ டேர்ன் காட்டுகிறார்.)

கே.ஜே: என்னய்யா இது? உள்ள வர்ற வழி கேட்டா, உள்ள இருந்துக்கினு டான்ஸ் ஆடிக்காட்டுற? (என்றபடி கதவைப் பிடித்து உலுக்க ஆரம்பிக்கிறார்.)

"டிரெயினெஜுக்குள் இறங்கி வரவும்' என்றொரு போர்டை கடைக்குள்ளிருந்தபடி காட்டுகிறார் செங்கல்.

கே.ஜே: ஏய் இன்னாயா நினைச்சுக்கிட்டிருக்க. உன் கடைக்கு வர்ற கஸ்டமரை இப்படித்தான் சாக்கடைக்குள்ள குதிக்கச் சொல்லுவியா?

"வாஸ்துப்படி வாசலை அப்படி வைச்சிருக்கேன்' என செங்கல் இன்னொரு போர்டைக் காட்ட, வேறு வழியில்லாமல் படு சுத்தமான அந்த வாஸ்து டிரெயினேஜுக்குள் குதிக்கிறார் கே.ஜே. நீண்ட நேரம் கழித்து வியர்க்க, விறுவிறுக்க அண்டர்கிரவுண்ட் வழியாக கடைக்குள் நுழைகிறார்.

செங்கல்: வாங்கோஜி வாங்கோ. வாஸ்துப்படி கடை வாசலை டிரெயினேஜ் டைப்ல வைச்சா வியாபாரம் ஜொலி ஜொலிக்கும்ஜி.

கே.ஜே: போயா, வாய்ல ஏதாவது வந்துறப் போவுது. வைச்சதுதான் வைச்ச. கொஞ்சம் குறைவான நீளத்துக்கு வைச்சிருக்கக் கூடாதா? வெளிய டிரெயினேஜ்ல இறங்கி உன் கடைக்குள்ள வர்றதுக்கே அரை மணி நேரம் ஆயிருக்கு. உள்ளேயே ரெண்டு கிலோ மீட்டருக்கு மேல தவழ்ந்திருக்கேன். ஏன்யா அவ்வளவு நீளத்துக்கு தோண்டி வைச்சிருக்க? போறேன் போறேன் போய்கிட்டே இருக்கு. விட்டா எல்லை தாண்டி பாகிஸ்தானுக்குள்ள போயிருவேனோன்னு பயமாயிருச்சு. இதுல உள்ள ரெண்டு மூணு எலும்புக் கூடுங்க வேறு இருக்கு. என்னய்யா நெனைச்சுக்கிட்டிருக்க?

செங்கல்: அதை விடுங்கோஜி. வாஸ்துல இது சகஜம்ஜி. உங்களுக்கு நான் என்ன பண்ணனும்ஜி?

கே.ஜே: எனக்கு வாயுக்கோளாறு இருக்கு. வாஸ்துப்படி இன்னா பண்ணலாம்?

செங்கல்: உங்களுக்கு வாயுக்கோளாறு எங்க இருக்குஜி?

கே.ஜே: ஆங்.. பக்கத்து வீட்டுல. என்னய்யா கேள்வி கேக்குற? உடம்புலதான்யா இருக்கு.

செங்கல்: அச்சாஜி. இதுக்கு தீர்வா பிரபஞ்சங்களின் வரைபடத்தோட சாவியா பிரெஞ்சு தீர்க்கதரிசிகள் கருதி இருக்கிற "டிஸ்கான்' வாஸ்து சாஸ்திரத்தைப் பயன்படுத்தலாம்ஜி.

கே.ஜே: அப்படின்னா?

செங்கல்: அங்க பாருங்க ஜி. அது என்ன படம்?

கே.ஜே: ஒரு பாட்டி வடை சுட்டுக்கிட்டிருக்கா. பக்கத்துல காக்கா ஒண்ணு வடையை வெறிச்சுப் பாத்துக்கினு இருக்கு. அதுக்கென்ன?

செங்கல்: இந்தப் படம் சகல விதமான வாயுக்

கோளாறையும் நிறுத்திரும்ஜி. அவ்வளவு ஏன், பிராண வாயுல கோளாறு இருந்தாக்கூட நிறுத்திரும்ஜி. இதை உங்க வீட்டுல கிச்சன்ல இருக்கிற மொட்டை மாடில மாட்டி வைச்சாப் போதும்ஜி.

கே.ஜே: யோவ் கிச்சன்ல எப்படியா மொட்டை மாடி இருக்கும்?

செங்கல்: வாஸ்துப்படி இருக்கணுமே. இங்க இந்தப் படத்தைப் பாருங்கஜி.

கே.ஜே: என்னாது இது, நாலு வட்டம், உள்ள மூணு கட்டம், நடுநாயகமா ஒரு பட்டை நாமம் சாத்தியிருக்கு. இதை என்ன பண்ணனும்?

செங்கல்: இதை வீட்டுல நீங்க இருக்கிறப்ப உங்க முதுகுல ஆணி அடிச்சு மாட்டிக்கிட்டு அலைஞ்சிங்கன்னா, உங்களுக்கு லாரி ஆக்சிடெண்ட் நடக்காதுஜி.

கே.ஜே: யோவ், வீட்டுக்குள்ள ஏன்யா லாரி வருது?

செங்கல்: வந்துரக்கூடாதுல. அதான்ஜி. இங்க இந்தப் பொருளை பாருங்கஜி.

கே.ஜே: நீ கொட்டாவி விடுற மாதிரி ஒரு போட்டோ இருக்கு. அதென்னயா வாயில ஒரு பல்பை சொருகி வைச்சிருக்கிற?

செங்கல்: சுவிட்ச் போட்டா லைட் எரியும்ஜி

கே.ஜே: இது உனக்கே ரொம்ப ஓவராத் தெரியல. அது எங்களுக்குத் தெரியாதா?

செங்கல்: இந்தப் படத்தை உங்க வீட்டுல மாட்டி வைச்சீங்கன்னா ஆவித் தொல்லைகள் நீங்கும்ஜி. அவ்வளவு ஏன், இதை மாட்டுனதுக்கப்புறம் உங்களுக்கு கொட்டாவிகூட வராது. தண்ணீரைக் கொதிக்க வைச்சீங்கன்னா நீராவி கூட வராதுஜி. ஆனா ஒரு சின்ன கண்டிஷன்ஜி.

கே.ஜே: என்ன, அந்த பல்புல மண்ணெண்ணெய் ஊத்தி எரிக்கணுமா?

செங்கல்: இல்லஜி. படத்தை உங்க வீட்டுல மாட்டி வைக்கணும். ஆனா படத்துல பல்பு எரியறதுக்கான சுவிட்சை மட்டும், உங்க வீட்டுக்கு பக்கத்துல இருக்குற சுடுகாட்டு காம்பவுண்ட் சுவர் மேல பொருத்திக்கணும். டெய்லி நைட்டு அங்க போயி சுவிட்சை ஆன் பண்ணிக்கிட்டு வந்தீங்கன்னாப் போதும். நோ ஆவித் தொல்லைஜி!

கே.ஜே:யோவ், இது உனக்கே அநியாயமாத் தெரியல. நைட்டு நான் அங்க போயிட்டு வர்றதுக்குள்ளேயே பயத்துல ப்யூஸ் ஆயிருவேனே. அதுக்கு மேல என்னய்யா ஆவித் தொந்தரவு? என்ன விளையாடுறியா?

செங்கல்: அதுக்குத்தான் இந்த விஷ்ஷிங் தாத்தா சிலை இருக்குஜி.

கே.ஜே: என்னய்யா இது? சுமோ வீரன் கணக்கா இம்மாம் பெருசு இருக்கு. இதை என்ன பண்ணனும்?

செங்கல்: இந்தச் சிலையை உங்க பாத்ரும்ல அக்னி மூலைல வைச்சிக்கிட்டிங்கன்னா உங்க வீட்ல உள்ள எல்லோருக்கும் மன உறுதி பல மடங்கு கூடும்ஜி. பயம் எல்லாம் ஓடியேப் போயிரும்ஜி.

கே.ஜே: யோவ் உன் அழிச்சாட்டியத்துக்கு அளவே இல்லியா? குட்டி யானை சைசுல ஒரு சிலையைப் பாத்ரூமுக்குள்ள அதுவும் அக்னி மூலையாப் பார்த்து வைக்கச் சொல்லுற. எங்க வீட்டு பாத்ரூமே சில பல சென்டிமீட்டர்கள்தான் இருக்கும். அதுல இந்தச் சிலையை வைச்சா நாங்க எங்கிட்டுப் போயி குளிக்க? என்ன நக்கலா?

செங்கல்: அதுதான் வாஸ்துஜி. அதே மாதிரி நீங்க எந்தச் சூழ்நிலையிலயும் தைரியமாப் பேச ஒரு விஷயம் இருக்குஜி.

கே.ஜே: அதென்ன? அதையும் சொல்லித் தொலை.

செங்கல்:இந்தாங் க. ஸ்வக்கா தகடு.

கே.ஜே: என்னய்யா இது? பிளேடு மாதிரி ஷார்ப்பா இருக்கு.

செங்கல்: நீங்க பேசறப்போ உங்க வாயோட ஈசான மூலையில, இதைப் போட்டுக்கிட்டுப் பேசினாப் போதும். வார்த்தைகளில தைரியமும் நம்பிக்கையும் நர்த்தனமாடும்ஜி.

கே.ஜே: (வெலவெலத்துப் போய்) யோவ், படுபாவி. அப்படிச் செஞ்சா நாக்கு அறுபட்டு வெளிய தனியா வந்து விழுந்திரும்யா. நீ ஆளைக் கொன்னுடுவேடா சாமி. நான் தப்பிச்சுக்கிறேன்.

(உயிர் பிழைக்க, மீண்டும் டிரெயினேஜுக்குள் குதிக்காமல், ஆபத்துக்கு, பாவமில்லை எனக் கண்ணாடிக் கதவை உடைத்துக்கொண்டு, வெளியே விழுந்து அங்கிருந்து ஓடுகிறார் கே.ஜே.)

Link to comment
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • அண்ணை... எதுக்கும் நீங்கள் சனிக்கிழமை, நவக்கிரகத்துக்கு...  எள்ளெண்ணெய் எரிச்சுப் போட்டு, சாப்பிட போங்கோ ஒண்டும் நடக்காது.  
    • கூப்பிடுவதற்கான தகுதியை அல்லது  தருணத்தை ஏற்படுத்துவதே முதல் வெற்றி  தானே? காலில்  விழுந்தவர்களை  அவர்  கணக்கே எடுக்கவில்லை  என்பதும் தெரிகிறது  
    • “மணியண்ணை ரைட்“ திரும்பி பளிச் எண்டு சாயத்தோட சப்பின வெத்திலையை பூவரசு மரத்தடீல துப்பிப்போட்டு ,காலாலை மண்ணை தள்ளி மூடீட்டு , மூடி வெட்டின ரின் பால் பேணியால தண்ணியை அள்ளி வாயை கொப்பிளிச்சிட்டு, அந்த பழைய யானை மார்க் சோடாப் போத்தலில இருக்கிற பிளேன் ரீயை சூடோட விழுங்கிப்போட்டு, மீண்டும் முருங்கை மரம் ஏறிய வேதாளம் போல, பாதி உடைஞ்ச அரி கல்லுக்கு மேல ஆச்சி திருப்பி வந்து இருந்தா. முன்னால கவிட்டு வைச்ச பக்கீஸ் பெட்டிக்கு மேல விரிச்சு வைச்ச வீரகேசரி , சில வேளை அதுக்கும் மேல பழைய பொலித்தீன் இருக்கும். வரேக்க மறக்காம புடுங்கிக் கொண்டு வந்த பூவரசம் கொப்பால இலையானை கலைச்சு கொண்டு தண்ணியை தெளிச்சிட்டு கும்பலா இருந்த ஒட்டியை பக்க வாட்டில அடுக்கி , வாங்கின கணக்கு , அள்ளுற கையில குத்து மதிப்பான நிறை , அன்றைய சந்தை விலை எல்லாம் மனதில வைச்சு கும்பல் கும்பலா மீனை பிரிச்சு வைச்சு கொண்டு அடுத்த வாடிக்கையாளருக்காக ஆச்சி பாத்துக்கொண்டிருந்தா. “எணை ,பொயிலை காம்பு துண்டொண்டு தாவன்” எண்டு மீன் பெட்டியை தூக்கிக் கொண்டு வந்த பெடி கேக்க , வலது பக்கத்து இடுப்பில இருந்த வெள்ளி லக்ஸ்பிறே bag ஐ தூக்கி குடுத்திட்டு இடது பக்கத்து சீலைத்தலப்பை கொஞ்சம் இறுக்கி செருகினா ஆச்சி . அவனும் “பொயிலைக் காம்போட இரண்டு சீவலும் கொஞ்ச சுண்ணாம்பும் எடுத்தனான்”எண்டு திருப்பிக் குடுத்தான். எல்லா வீட்டையும் மீன் வாங்க எண்டு தனி ஒரு bag இருக்கும் . ஒரு பழைய வயர் bag , கிழிஞ்ச ஓட்டைகளில பழைய துணியால ஒட்டுகள் போட்டு இருக்கும் . அதோட அதுக்குள்ள கசங்கிப் போன இரண்டு சொப்பிங் bag (ஏதோ கழிச்சுவிட்ட சாமானை வாங்கப் போற மாதிரி). மீன் வாங்கினாப்பிறகு “தம்பி bag வேணுமோ” எண்டு ஆச்சி கேக்க, சும்மா தாறாங்களாக்கும் எண்டு ஓம் எண்டால் bagல போட்டு தந்திட்டு , போகேக்க முன்னால bag காசு இரண்டு ரூபா குடுத்திட்டு போங்கோ எண்டுவா ஆச்சி. சந்தை வாசலில பழைய காலத்திலசீமெந்து bag பிறகு சொப்பிங் bagம் கறுத்த பெரிய கொஞ்சம் பாரம் தாங்க கூடிய Tulip எண்டு எழுதின bagம் விக்க இருக்கும். மீன் வாங்க சந்தைக்குள்ள போகேக்க பளுவேட்டையார்களை ஞாபகப்படுத்தும் உருவங்களை தாண்டி ஆச்சி மாரிட்ட போறது கொஞ்சம் பேசி கீசி வாங்கலாம் எண்டு. ஆனால் என்ன ஆச்சி கூடச்சொல்லிறியள் , மீனை பாத்தா நாறலா இருக்கு எண்டு ஏதாவது தேவேல்லாமல் சொல்லீட்டமோ அவ்வளவு தான் . நல்ல தமிழ் மணம் , மீன் சந்தையையும் தாண்டி மணக்கும். அந்த அவமானத்துக்கு பயந்து சொல்லிற காசுக்கு மீனை வாங்கீடுவம் . எண்டாலும் போகேக்க இந்தா பிடி எண்டு இரண்டு extra மீனை bagகுள்ள போட்டு விட்டிட்டு நெஞ்சுக்குள்ள இருந்து கொட்டைப் பெட்டிய எடுத்து தாற மிச்சக்காசை வாங்கி பொக்கற்றுக்க வைக்காம அப்படியே கையில பொத்திக்கொண்டு திரும்பி வீட்டை வாறனாங்கள். பத்து மணி தாண்ட பக்கத்தில திரும்பி இதையும் கொஞ்சம் பார் எண்டிட்டு போய் , வீட்டை இருந்து இரவு இரண்டு மணிக்கு கடலுக்குப் போன அந்தாளுக்கு செஞ்சு குடுத்ததில மிச்சம் இருந்த உழுத்தங்களியை கட்டிக் கொண்டந்து தண்ணியோட விக்க விக்க உருட்டி விழுங்கீட்டு வந்து மீண்டும் அரட்டையும் வியாபாரமும் ஒண்டா தொடர்ந்தா ஆச்சி. அப்ப ஆச்சிமார் மட்டுமே செய்யிற வியாபாரங்கள் சிலதுகள் இருந்தது. நல்லூரில இருந்து நாலு சந்தி வரை கடலைக் கடை எல்லாம் ஆச்சிமார் தான் . கடலைக்கடை ஆச்சிமார் எல்லாரும் காதிலும் பார்க்க பெரிசாக் கிழிஞ்ச ஓட்டை , அதில கிழிஞ்சு விழுறமாதிரி பித்தளை பாம்படத்தோடு , பவுண் மூக்குத்தி ,சுருங்கின நெத்தீல மூண்டு குறி , நல்ல வட்டமா பெரிய குங்குமம் எண்டு அம்சமாவகவே இருப்பினம் . சந்தியில கடை வைச்சிருக்கிறவை வீட்டை இருந்தே கச்சான் வறுத்துக் கொண்டு வருவினம். நெஞ்சளவு உயர வாங்கில பனையோலை தட்டிப்பெட்டீல குவிச்சு வைச்ச கச்சானும் சோளனும் வைச்சிருப்பினம் . பள்ளிக்கூடம் முடிஞ்சு வாற மத்தியானம் வெய்யிலுக்க நிண்ட படியே கச்சான் விப்பினம். ஆனால் நல்லூர் திருவிழா மூட்டம் set up மாறும் ,கொஞ்சம் அகலமான வாங்கில இரண்டு பெட்டீல கச்சான் , ஒண்டில சோளம் , ஒரு போத்ததில்ல பட்டாணி இருக்கும் . ஒரு பக்கம் மண்ணைப் போட்டு கச்சானை வறுத்துக் கொண்டே வியாபாரமும் செய்வினம் . ஆக்கள் வந்தால் விறகை வெளீல இழுத்திட்டு , சுடு கச்சான் இரண்டை சாப்பிடக் குடுத்திட்டு , வியாபாரம் முடிஞ்சோன்ன விறகைத் திருப்பி தள்ளீட்டு திருப்பியும் வறுக்கத் தொடங்கீடுவினம். வறுத்த கச்சானை சுளகில பிடைச்சட்டு சாக்கில போட்டு கட்டீட்டு , உள்ள போன சனத்தின்டை கணக்கை கொண்டு புது மூட்டையை அவிப்பினம். கச்சான் விக்கிறதோட இலவச செருப்பு பாதுகாப்பு சேவை செய்வினம் , எப்படியும் செருப்பு எடுக்க வரேக்க கச்சான் வாங்குவினம் ஒரு நம்பிக்கையில. ஆனால் செருப்பு திருப்பி எடுக்கேக்க கச்சான் வாங்காட்டியும் ஒண்டும் கேக்கவும் மாட்டினம். குடும்பமாப் போய் தனித்தனிய கும்பிட்டிட்டு திரும்பி வாறாக்களுக்கு , “அம்மா அப்பவே போட்டா, வரேக்க நாளைக்கு மரக்கறியும் வாங்கிக்கொண்டு கெதியா வரச்சொன்னவ “ எண்டு information நிலையமாகவும் இருந்தவை. சரி இவ்வளவு சொல்லுதே எண்டு இரண்டு ரூவாய்க்கு கச்சான் கேட்டா , லாபம் தானே எண்டு பாக்காம அம்மாவும் வாங்கிக்கொண்டு போனவ எண்ட பதில் வரும் . அந்தந்த ஊரில இருக்கிற , விளையிற சாமாங்களோட வீடு வீடா போய் ஆச்சி குறூப் ஒண்டும் இருந்தது. வெங்காயம் , புளி , நல்லெண்ணை, எள்ளு, எள்ளுப்பாகு, ராச வள்ளிக் கிழங்கு, கரணைக்கிழங்கு ஊர் முட்டை எண்டு கொண்டு திரிஞ்சு விக்கிறவை . காலமை பஸ் ஏறி முன்னுக்கு டிரைவர் சீட்டுக்கு எதிரா இருப்பினம் அங்க தான் கடகத்தை வைக்க இடம் இருக்கும், பின்னால சீட்டில் வைச்சால் கொண்டக்டர் புறுபுறுப்பார்.இப்படி திரியிற ஒரு ஆச்சீன்டை கடகத்துக்குள்ள தான் மணியண்ணை ரைட் கியரைப் போட்டவர். போற வீட்டில எங்கேயும் தேத்தண்ணி சில வேளை சாப்பாடும் கிடைக்கும் ஆன படியால் கண்டபடி காசை வீணாக்க மாட்டினம். இந்த வியாபாரம் பரம்பரை பரம்பரையாக தொடருறதும் இருக்கு. இந்த ஆச்சி மார் எல்லாம் எனக்கெண்டால் ஒரே மாதிரித்தான் இருந்ததாக ஞாபகம் . பச்சை, சிவப்பு, ஊதா எண்டு ஒரு மூண்டு கலரில தான் சீலை அதுவும், கைத்தறிச் சீலை தான் கட்டி இருப்பினம். நடக்க வசதியா சீலையை கொஞ்சம் குதிக்காலுக்கு மேல உயத்திக் கட்டியிருப்பினம் . கச்சை அணியாத கைநீட்டு வெள்ளை பிளவுஸ் ஆனாலும் கசக்கிக் கட்டின கந்தலோட தான் வருவினம். வெத்திலைப் பை , கொட்டைப் பெட்டி , சுருக்குப் பை எல்லாம் இருக்க வேண்டிய இடத்தில இருக்கும் . சீலை சுத்தின திருகணை , அகண்ட கடகம், கடகத்துக்குள்ள விக்கிற சாமாங்கள் , காறாத்ததல் , அரைறாத்தல் ஒரு றாத்தல் எண்டு மூண்டு படியோட ஒரு திராசு இது தான் கொண்டு திரியிற சாமாங்கள். தம்பி ஒரு கை பிடிச்சு விடு எண்ட கேக்கிற முகத்தில நிறைய அமைதி , கடைவாயில வெத்திலைச் சாறு , anaemia வில வெளிறின சொண்டு, வலது கை சுண்டு விரல் நுனீல சுண்ணாம்பு இது தான் அந்த உருவம் . திருகணை இல்லாட்டி சீலைத்தலைப்பை சுத்தி தலையில வைச்சிட்டு மேல கடகத்தை வைப்பினம. Head Balance எடுக்ககிறதுக்கு வைச்ச கடகத்தை மேல ஒரு எத்து எத்திப்போட்டு தோளை குலுக்கி இறங்கிற கடகத்தின்டை Centre of gravity ஐ சரியா பாத்து உச்சீல இறக்கிக் கொண்டு நடக்கத் தொடங்கிவினம். ஒரு கை கடகத்தை பிடிக்க மற்றது சும்மா வெத்திலை வாய்க்கு சுண்ணாம்பு தீத்திக் கொண்டு இருக்கும். சத்தியமாச் சொல்லுறன் இடை பெருத்த எந்த ஆச்சியையம் அப்ப காண ஏலாது. வித்துக் கொண்டு போய் தலையின்டை சுமை குறைய அகண்ட கடகத்தை அந்த ஒடுங்கின இடுப்புக்கு மாத்தி கொண்டு வீட்டை போவினம் . . அதோட seasonal ஆச்சி மாரும் இருக்கினம் , மாசீல பனங்கிழங்கு , வைகாசீல பாலைப்பழம் , ஆவணீல மாம்பழம் , புரட்டாதீல பனங்காய் பணியாரம் , ஐப்பசீல நாவல் பழம் , கார்த்திகையில விளாம்பழம் எண்டு part time வேலை செய்யிற ஆச்சிகள் இவை. வீட்டில ஏதாவது வேலைக்கும் முதலே சொல்லி வைச்சா இரண்டு ஆச்சி மார் வருவினம் . மாசம் மாசம் மாவிடிச்சு நெல்லுக்குத்த , விசேசங்களுக்கு பலகாரம் சுட , சமைக்க எண்டு பல குறூப்பா இருப்பினம் . வெத்திலை கூறு, இரண்டு நேரம் பிளேன்ரீ , மத்தியானம் மரக்கறி சாப்பாடு முடிஞ்சு போகேக்க காசோட சுட்ட பலகாரம் இல்லாட்டி மிஞ்சின சோறும் கறியும் கட்டிக்குடுக்க வேண்டாம் எண்டு சொல்லாமல் வாங்கிக் கொண்டு போவினம் . நாங்கள் ஆச்சி எண்டு கூப்பிட்டாலும் இவை அவ்வளவு oldies இல்லை . ஐம்பதை எட்டிற வயசு . பத்து பதினைஞ்சு வயசு வித்தியாசத்தில கட்டினவர் அநேமா குடிச்சே போய் சேந்திருப்பார் . கரைசேக்க இரண்டு குமர் , சொன்னா கேக்காத கழிசறை இரண்டு , கட்டினதைப் பெத்த உண்மையான கிழவி ஒண்டு , எண்டு எல்லாத்தையும் இவை தான் பா(மே)க்கிறவை.வீட்டு இறுக்கம் இவையில கொஞ்சம் வெளீலேயும் தெரியும். எல்லாப் பள்ளிக்கூட வாசலிலும் கடகம் ஒண்டோட ஒரு ஆச்சி மார் இருந்தவை. பரியோவானில பள்ளிக்கூட நேரம் எவருக்கும் போய் வர அனுமதி இல்லாத strict ஆன principal மார் காலத்திலும் , ஐஸ்கிறீம் சிவகுருக்கும் கச்சான் ஆச்சிக்கும் விசேட பாஸ் இருந்தது. தண்ணி டாங்குக்கு கீழை interval time ஆச்சி சேவிஸ் நடக்கும் . கச்சான் , சோளம் , மாங்காய் , பினாட்டு, பட்டுப்புளி எண்டு கட்டி கொண்டந்து வைச்சு விப்பா . ஆச்சிட்டை கூட்டமாப் போய் தள்ளி விழுத்தீட்டு களவெடுக்கிறதும் நடக்கிறது , அவவும் கோவம் வந்தா கடகத்தை மூடி வைச்சிட்டு சனம் குறைய திருப்பியும் விக்கத் தொடங்குவா , ஒரு நாளும் complain பண்ண மாட்டா. எல்லாரிட்டை favorite ஆகவும் அதேபோல் அப்பப்ப அம்மாட்டை பேச்சு வாங்கவும் பல வீட்டில ஒரு ஆச்சி இருந்தவ. இவைக்கு வேலையே வெளி ஆச்சிமார் வந்தா அவயை மேக்கிறது தான். வீட்டை இருந்த ஆச்சி மாருக்கும் வீட்டுக்கு வாற ஆச்சி மாருக்கும் நடக்கிற கதையை வைச்சு 4 வருச episodes சீரியலே எடுக்கலாம் . வேலை முடிச்ச ஆச்சி சில்லாலை பஸ்ஸில ஏற, மணியண்ணை ரைட் எண்ட பயணம் மீண்டும் தொடர்ந்தது. எல்லாருக்கும் வீட்டு ஆச்சியோ வெளி ஆச்சியோ , ஆச்சி ஒரு special தான் . ஆச்சி எண்டது உருவப் பெயர் அல்ல உருவகப் பெயர், உணர்வுகளின்.. Dr. T. கோபிசங்கர் யாழ்ப்பாணம்
    • பகிர்வுக்கு நன்றி ஏராளன் .....எல்லா படங்களும் கனகச்சிதமாய் இருக்கு.....!   👌
    • ஏத்தி, ஏத்திக் கொண்டு போய் முறிக்கப் போறாங்கப்பா.... பப்பாவில் ஏத்திற கதை தான்... ஒருவனை ஏமாத்த வேணும் என்றால்... அவன் ஆசையை தூண்டணும்..... தூண்டுகிறார்கள்… 🤑  
×
×
  • Create New...

Important Information

By using this site, you agree to our Terms of Use.