கொழும்பில் கிளைமோர்த் தாக்குதல்: பேரூந்து சாரதி காயம்

[கந்தப்பு]

கொழும்பில் கிளைமோர்த் தாக்குதல்: பேரூந்து சாரதி காயம் சிறிலங்காவின் தலைநகர் கொழும்பின் வெலிசறயில் அமைந்துள்ள சிறிலங்கா கடற்படைத் தளத்திற்கு 50 மீற்றர் தொலைவில் கிளைமோர் குண்டொன்று வெடித்ததில், பேரூந்து சாரதியொருவர் காயமடைந்துள்ளார்.

கொழும்பு கட்டுநாயக்கா வீதியில் பயணித்த பேரூந்து ஒன்று, இன்று செவ்வாய்க்கிழமை அதிகாலை 4:45 மணியளவில் வெலிசற கடற்படை முகாமிற்கு அருகே செல்லும்போது இந்த கிளைமோர் குண்டு வெடித்துள்ளது.

கடற்படையினரின் வாகனத்தை இலக்குவைத்து இந்த கிளைமோர் வைக்கப்பட்டிருந்ததாக சிறிலங்கா இராணுவத் தரப்பில் தகவல் வெளியிடப்பட்டுள்ள போதிலும், தாக்குதல் நடந்த இடத்திற்கு ஊடகவியலாளர்கள் யாரும் அனுமதிக்கப்படவில்லை.

-புதினம்

[கந்தப்பு]

கொழும்பில் கிளைமோர்த் தாக்குதல்: அதிர்ச்சியில் தென்னிலங்கை

கொழும்பு வெலிசறை கடற்படை முகாம் அருகே இன்று கிளைமோர் கண்ணிவெடித் தாக்குதல் நடத்தப்பட்டது தென்னிலங்கையை அதிர்ச்சிக்குள்ளாக்கியுள்ள

[கந்தப்பு]

கொழும்புத் தாக்குதல்- சிறிலங்கா இராணுவப் புலனாய்வுத்துறையால் நடத்தப்பட்டது: சு.ப.தமிழ்ச்செல்வன்

சிறிலங்கா தலைநகர் கொழும்பில் நடத்தப்பட்ட கிளைமோர்த் தாக்குதலானது சிறிலங்கா இராணுவப் புலனாய்வுத்துறையினரால் திட்டமிட்டு மேற்கொள்ளப்பட்ட நடவடிக்கை என்று தமிழீழ விடுதலைப் புலிகளின் அரசியல்துறைப் பொறுப்பாளர் சு.ப.தமிழ்ச்செல்வன் குற்றம்சாட்டியுள்ளார்.

நோர்வே தலைநகர் ஓஸ்லோவிலிருந்து இது தொடர்பாக சு.ப.தமிழ்ச்செல்வன் கூறியுள்ளதாவது:

கொழும்பில் நடத்தப்பட்டுள்ள கிளைமோர்த் தாக்குதலானது தமிழீழ விடுதலைப் புலிகளுக்கு அவப்பெயரை ஏற்படுத்துவதற்காக சிறிலங்கா இராணுவப் புலனாய்வுப் பிரிவினரால் நடத்தப்பட்ட திட்டமிட்ட ஒரு தாக்குதலாகும்.

தமிழ் மக்களுக்கு எதிராக சிங்கள மக்களைத் தூண்டிவிடுகிற ஒரு முயற்சியாகும்.

இத்தாக்குதல் நடத்தப்பட்ட சூழ்நிலையானது தாக்குதலின் நோக்கத்தை வெளிப்படுத்துகிறது. தோல்வியடைந்து விட்ட அரசாங்கமாக வர்ணிக்கப்படுகிற சிறிலங்கா அரசாங்கமானது தடைகளுக்கு அப்பால் தமிழீழ விடுதலைப் புலிகளை இழிவு செய்வதற்காக இத்தகைய செயற்பாடுகளை மேற்கொள்கிறது.

இதேபோல்தான் வெலிக்கந்தை ஓமடியாமடுவிலும் தாக்குதலை நடத்தினார்கள். ஐரோப்பிய ஒன்றியத் தடை அறிவிப்பைத் தொடர்ந்து ஓமடியாமடுத் தாக்குதலை நடத்தினார்கள்.

சிறிலங்கா இராணுவ புலனாய்வுப் பிரிவினரும் துணை இராணுவக் குழுவினரும் குவிக்கப்பட்டு அப்பாவி சிங்களப் பொதுமக்கள் மீது தாக்குதல் நடத்தினர். சிறிலங்கா இராணுவத் தலைமைப்பீடத்தின் வழிகாட்டுதலின் கீழ் இத்திட்டமிட்ட தாக்குதலை நட்டத்தினார்கள் என்றார் சு.ப.தமிழ்ச்நெல்வன்.

-புதினம்