பிரான்சு நல்லூர் ஸ்தானின் பரிசு வழங்கல் நிகழ்வு

[paris kirukkan]

http://www.salanam.com/index.php?option=co...id=79&Itemid=49

எழுதியவர் -தொகுப்பு: அநாமிகன்

Friday, 09 June 2006

சென்ற 04.06.2006 ஞாயிறு மாலை பாரிஸின் புறநகரமான செவ்றோன் நகரசபையின் விழா மண்டபம் ஈழத்திரை ஆர்வலர்களால் நிறைந்திருந்தது. நீண்ட இடைவெளியின் பின் சந்தித்த நண்பர்களாக மகிழ்வுடன் அளவளாவிக் கொண்டிருந்தனர். சிலர். ஆங்காங்கே சிறுசிறு குழுக்களாக அமர்ந்திருந்து உரையாடிக் கொண்டிருந்தனர் வேறுசிலர். பொதுவில் இளையோரது உற்சாகம் கரைபுரண்டோடியது. பலரும் பரீட்சை முடிவை அறியத்துடிக்கும் மாணவரது முகபாவத்துடன் காணப்பட்டனர். தமக்கான அடையாள அட்டைகளுடன் நல்லூர் ஸ்தான் அமைப்பினர் அங்குமிங்குமாகப் பரபரப்புடன் நடமாடிக் கொண்டிருந்தனர். காசேதான் கடவுளடா அந்தக் கடவுளுக்கும் இது புரியுமடா.. என்ற பாடல்வரியை தினமும் நினைவசைக்கும் இந்த ஐரோப்பிய புலம் பெயர்ந்த வாழ்வில் நம்மவர்களின் முயற்சியில் குறும்படங்கள் தயாராகி.. போட்டியிட்டு - வென்று, பரிசும் பெறும்.. அதுவும் பணப் பரிசைப் பெறும் நிகழ்வு செவ்றோன் கிராமத்தில் நடைபெறுகிறது என்பதை நினைக்க ஆச்சரியமாகத்தான் இருக்கிறது. இதை விபரணப்படுத்த வார்த்தைகளைத் தேடித் தடுமாறவேண்டியுள்ளது.. அரங்க மேடையில் காணப்பட்ட அகண்ட வெண்திரை முதற்பார்வையிலேயே மலர்ந்த வரவேற்பைக் கொடுத்தது. இந்நிகழ்வின் பிரமாண்டத்தையும் காட்டியது. மிகக் குறுகிய காலகட்டத்தில் நல்லூர்ஸ்தான் நிறையவே பல்தரப்பட்ட பணிகளை ஆற்றி பிரஞ்சுப் புகலிடத்தில் இருக்கும் அமைப்புகளில் தன் தனித்துவமான பதிவை வைத்துள்ளதென்றே சொல்லலாம். துடிப்பான செயற்பாட்டாளர்களின் ஒன்றிணைவு பல்வேறு ஆரோக்கியமான சமூகப் பணிகளையாற்றி வரலாற்றிதழில் பதிவிடவைத்துள்ளன. இப்படியானதொரு பதிவான இந்நிகழ்வு இரண்டாவது தடவையாக நடந்தது. இவ்வருடப் போட்டியில் எட்டு குறும்படங்கள் பங்கேற்றன. தொடரும் இம் முயற்சியானது புலப்பெயர் வாழ்வின் திரைக்கலை ஊக்குவிபு;புப் பணியாக அமைவதென்பது சிறப்பாகும். இதில் இணையும் அமைப்பாளர்கள், தன்னார்வத் தாராளர்கள், படைப்பாளிகள் செயல்வடிவமுடைய பணியூடாக சிறந்த முன்னுதாராணமாகத் திகழ்கிறார்கள். தாயகத் தாகம் - பிரான்சு தாயின் மடி - பிரான்சு கானல் - பிரான்சு 1 = 5 - பிரான்சு மெதுவாய் ஒரு விசம் - பிரான்சு தாங்கும் விழுதுகள் - நோர்வே எழுத்துப் பிழை - பிரான்சு இடிமுழக்கம் - பிரான்சு இதில் 'தாங்கும் விழுதுகள்' குறும்படம் போட்டி விதிமுறைகளை மீறி ஏற்கனவே வெளிவந்த படமென்பதைக் கவனத்திலெடுத்த நடுவர் குழு போட்டியிலிருந்து இப்படத்தை நீக்கியதாக அறிவித்தது. தவிர கனடாவிலிருந்து இடம் பெற்ற அம்மா என்ற குறும்படம் சிறப்புக் காட்சியாக இடம் பெற்றது. போட்டியில் கலந்து கொண்ட ஏழு குறும்படங்களுக்குமான சான்றிதழ்கள் முதலில் நல்லூர்ஸ்தானால் வழங்கப்பட்டது. பின்னர் பரிசளிப்பும் கௌரவிப்பும் நடைபெற்றன. பரிசுகள் சிறந்த திரைக்கதை - திரு அ. றோபேர்ட் (கானல்) சிறந்த ஒளிப்பதிவு - திரு டெசுபன் (இடிமுழக்கம்) சிறந்த படத் தொகுப்பு- திரு டெசுபன் (இடிமுழக்கம்) சிறந்த இசைத் தொகுப்பு - திரு சாராம் (கானல்) சிறந்த இயக்கம் - திரு விக்ரம் (மெதுவாய் ஒரு விசம்) சிறந்த நடிகர் - திரு சதாபிரணவன் (இடிமுழக்கம்) சிறந்த நடிகை - திருமதி லீனா ஜெயக்குமார் (தாயின் மடி) சிறந்த குணசித்திர நடிகர் - திரு அப்பு (எழுத்துப் பிழை) சிறந்த ஏணசித்திர நடிகை - திருமதி க புனிதமலர் (எழுத்துப் பிழை) சிறந்த குழைந்தை நட்சத்திரம் - செல்வன் பா. பிரபு (மெதுவாய் ஒரு விசம்) சங்கிலியன் விருது பணப் பரிசுகள் பெறும் சிறந்த படங்கள் மூன்றாவது பரிசு (தலா 500 ஈரோக்கள்) 1. மெதுவாய் ஒரு விசம் 2. எழுத்துப் பிழை இரண்டாவது பிரிசு (1000 ஈரோக்கள்) இடிமுழக்கம் முதற்பரிசு (1500 ஈரோக்கள்) கானல்

அடுத்தது >

[எல்லாளன்]

நல்ல விடயம் அநாமிகன் !

பட விபரங்களைத் தரும் பொழுது இயக்கியவர் எடுக்கப்பட்ட நாடு போன்ற விபரங்களையும் கதையின் சுருக்கம் போன்றவற்றையும் கூறும் போது நீங்கள் நேரில் அடைந்த அனுபவம் எங்களுக்கும் வாய்க்கும்.

அது என்ன போட்டிக்கு வந்தது அத்தனையும் பிரான்ஸில் (ஒரு கனடிய படத்தைத் தவிர்த்து) எடுத்தவையா?

மற்றைய நாடுகளில் குறும்படமே எடுப்பதில்லையா?

விபரம் தந்தால் மகிழ்வோம்.முயற்சிக்கு வாழ்த்துக்கள்.

-எல்லாள மஹாராஜா-