இன்னும் இரு நாள்கள்....

[Arulsothidam]

இன்னும் இரு நாட்கள் தான் இருக்கிறது புதிய ஆண்டு பிறக்க 

இதை  நினைத்தவுடன் உங்களுக்கு என்ன தோன்றவேண்டும்.

 

புதிய எண்ணங்கள், புதிய திட்டங்கள், புதிய பாதைகள் பிறக்கவேண்டும்.

நீ நல்லாக வாழவேண்டும், மற்றவரையும் வாழவைக்கவேண்டும்

உன் குடும்பத்தை நேசிக்கவேண்டும்,   நீ உன்னை நேசிக்கவேண்டும்,

அதன் பின் - உன்னைப்போல் பிறரை நேசிக்கவேண்டும்.

 

இந்த நாடு,  இந்த உலகம் உனக்காக மட்டுமல்ல, எல்லோருக்காகவும் தான்,

இந்த வாழ்வு உனக்காக அல்ல, மற்றவர்களுக்காகவும் தான்.

அது தான் திருமணம் முடிக்கிறாய், பிள்ளை பெறுகிறாய், சந்ததி பெருக்குகிறாய்

எலலோருக்கும் இடமுண்டு, வாழ்த்தான் வருகிறார்கள். தனித்து யாரும் வாழமுடியாது.

 

இது உனக்காக மட்டுமல்ல, உலகத்திற்காகவும்,

உன் புகழ் வாழ, அந்த பிள்ளைகள் வரவிற்கு நீ - தந்தையாகிறாய், சொந்தமாகிறாய்.

இவ்வாறு ஒரு வாழ்க்ககைச் சக்கரமே சுற்றுகிறது.

இது இறைவன் சக்தியின் திட்டமே!

 

நாம் நடிகர்கள், திறமையாக, சரியாக நடித்துவிட்டு போகவேண்டும்.

எனவே! வாழ்வு மாயம் தான், அதன் முடிவு புரியாத புதிர்.

எனவே!  உள்ள காலம் வரை அன்பாக வாழ்ந்து,

பண்பாக வாழ்ந்து, ஒற்றுமையாக வாழ்ந்து,

நின்மதியாக இயற்கை மரணம் அடைய

ஒவ்வொருவரும் நல்ல சிந்தையோடு வாழவேண்டும்!

 

தீமை செய்யாதே நீ இறந்தால் உன் முன் நிற்கப்போவது

நீதி மன்ற மல்ல, தீர்ப்பின் முடிவு,

மரணம் மறுபிறப்பிற்கான ஒரு தண்டனை தான்.

அங்கு தான் உன் பிறப்பு, நிர்ணயிக்கப்படுகிறது.

 

நல்லது செய்தால் நல்லது நடக்கும்.

இவ்வுலகில் அமைதியும், மறு உலகில் நின்மதியும் அடைய

நல்ல திட்டத்தை, நல்ல எண்ணத்தை கருத்தில் கொண்டு

புதிய ஆண்டில் காலடி எடுத்து வை!

 

அன்பும், சமாதானமும் அடுத்த ஆண்டு மக்கள் மத்தில் பிறக்க

நீ தான் உன்னை முதலில் மாற்று! நீ இவ்வுலகிற்காகவும்,

இறப்பின் பின் மறு உலக வாழ்க்கைக்காவும்

இங்கு வாழும் வாழ்வை புனிதமாக்கவேண்டும்.

நன்மை செய்வதில் நன்மையுண்டு, தீமை செய்வதில் உனக்கு என்ன நன்மை, அல்லது மகிழ்ச்சி இருக்கிறது. உன்னைப்போல் பிறரை நினைத்துப்பார்.

புத்தன், யேசு, சொன்னதெல்லாம் ஒரு உண்மையை உனக்குப் புரியவைக்கும்.

மாறு....மனதை நல்லதாக மாற்று...

 

அருள்

 

[நிலாமதி]

இன்னும் இரு நாட்கள். .........வரவேற்போம். பகிர்வுக்கு நன்றி.