Jump to content

நினைவுகள் சுமந்த வாழ்க்கை


Recommended Posts

  • கருத்துக்கள உறவுகள்

நினைவுகள் சுமந்த வாழ்க்கை

--------------------------

தென்னங் கீத்தின் ராகம் கேட்டு

பன்னைப் பாயில் படுத்துக் கிடந்து

முத்தத்து மணலில் கைகள் அளைந்து

முழுவதும் முழுவதும் மூழ்கிக் கிடந்தோம்

வேலிக் கிளுவை பூக்கள் பார்த்து

வெய்யில் அடிக்கும் வானம் தொட்டு

செக்கச் சிவந்த பூக்கள் இரசித்து

சொக்கிச் சொக்கி நாங்கள் இருந்தோம்

வண்டில் வகிரும் பாதை பார்த்து

மாடுகள் இசைக்கும் சலங்கை கேட்டு

ஓரமாய் ஒதுங்கும் ஒத்தைக் காகம்

ஒவ்வொரு பொழுதும் பார்த்துக் கிடந்தோம்

மாமரக் குயிலின் மதுரம் கேட்டு

மணக்கும் மண்ணின் வாசம் நுகர்ந்து

மனிதர் முகங்கள் பார்த்துச் சிரித்து

மனதில் நிறைவை சுமந்து இருந்தோம்

குட்டிக் குட்டிப் பழனி ஆண்டிகள்

கோயில் கட்டித் தேர் இழுக்கும்

குரும்பைத் தேரும் நொண்டிப் போகும்

குதூகலம் பார்த்துச் சிரித்துக் கிடந்தோம்

கிட்டி புள்ளு சடுகுடு ஆட்டம்

குட்டிக் கோலிக் குண்டு விளையாட்டு

பட்டம் கட்டிப் பறக்க விட்டு

பறக்கப் பறக்கப் பார்த்து இருந்தோம்

வட்டில் சோத்தை வட்டம் போட்டு

வாயும் கையும் மணக்க மணக்க

வம்பும் சேட்டையும் தொட்டுக் கொண்டு

வளப்பம் கதைத்து உண்டு கிடந்தோம்

பச்சைப் பிலாக்காய் பாலில் ஒட்டி

பசுமை மிதக்கும் நினைவுகள் சுமந்து

கோயில் குளங்கள் சுத்தித் திரிந்து

கோரிக்கை அற்றே வாழ்ந்து இருந்தோம்

குண்டுகள் விழுந்த ஒரு இரவில்

உறவுகள் தொலைத்த ஒரு பகலில்

வீடுகள் இழந்து நாடுகள் கடந்து

வீணாய் வாழ்வை இழந்து கிடந்தோம்

நினைவுகள் கனவுகள் இரண்டும் இழந்து

நிமிசத்தில் நிம்மதி அதுவும் தொலைத்து

கனவுகள் சுமந்த காலங்கள் இழந்து

நினைவுகள் சுமந்து வாழ்ந்து இருந்தோம்

கனவுகள் இழந்த வெறும் வாழ்க்கை

நிம்மதி தொலைந்த தமிழ் வாழ்க்கை

கடுகியே மறையும் சிறு வாழ்க்கை

காலத்தில் கரைந்து வீணே போகின்றது

-எல்லாள மஹாராஜா-

Link to post
Share on other sites
  • கருத்துக்கள உறவுகள்

வேலிக் கிளுவை பூக்கள் பார்த்து

வெய்யில் அடிக்கும் வானம் தொட்டு

செக்கச் சிவந்த பூக்கள் இரசித்து

சொக்கிச் சொக்கி நாங்கள் இருந்தோம்

இந்த பசுமையான நினைவுகளை இழந்து விட்டு இந்த கொட்டும் குளிருக்குள் நின்று கஸ்டப்படுகின்றோமே.

பழைய நினைவுகளை மீட்பார்ப்பதில் எப்போதும் சந்தோசம் தான்.

கவிதைக்கு பாராட்டுக்கள்.

Link to post
Share on other sites
  • கருத்துக்கள உறுப்பினர்கள்

ம்ம்ம் எள்லாளன் பழமையான பசுமையான நினைவுகளை மறக்கத்தான் முடியுமா...உங்கள் கவியது...மிகவும் நன்று...

yrrr5mv.gif

Link to post
Share on other sites

அந்தப் பசுமையான இனிய நினைவுகளை மீட்டிய கவிதை அருமை. பாராட்டுக்கள்.

Link to post
Share on other sites
  • கருத்துக்கள உறவுகள்

கவிதை அருமை பாராட்டுக்கள் தொடர்ந்து தாருங்கள் :wink:

Link to post
Share on other sites
  • கருத்துக்கள உறுப்பினர்கள்

எல்லாளனே அருமை அருமை

வட்டில் சோத்தை வட்டம் போட்டு

வாயும் கையும் மணக்க மணக்க

வம்பும் சேட்டையும் தொட்டுக் கொண்டு

விளப்பம் கதைத்து உண்டு கிடந்தோம்

அம்மா குழைச்சுத் தர சுத்தி இருந்து சாப்பிட்டது கண்ணுக்குள்ளை நிக்குது.

Link to post
Share on other sites
  • கருத்துக்கள உறவுகள்

என்னப்பா பழசை எல்லாம் நிநைவுக்கு கொன்டு வந்து மனதை சிலிர்க்க வைத்து விட்டீங்கள் .

நன்றாக உள்ளது. பாராட்டுக்கள்

Link to post
Share on other sites
  • கருத்துக்கள உறவுகள்

அந்தப் பழைய பசுமையான இனிய நினைவுகளை இப்பொழுது கேட்டால் என் நெஞ்சில் சோகம் பிறக்கின்றது. :cry: நன்றி எல்லாள மகராயா அந்தப் பசுமையான நினைவுகளை மீட்டித் தந்ததற்கு.

Link to post
Share on other sites
  • கருத்துக்கள உறவுகள்

அந்தப் பழைய பசுமையான இனிய நினைவுகளை இப்பொழுது கேட்டால் என் நெஞ்சில் சோகம் பிறக்கின்றது. :cry: நன்றி எல்லாள மகராயா அந்தப் பசுமையான நினைவுகளை மீட்டித் தந்ததற்கு.

எனது சோகம் தான் பெரிதென்று பார்த்தேன் ...இன்னும் சோகங்களை கொட்டாத கண்களையும் இப்போதுதான் பார்க்கின்றேன்.....அழுது விடுங்கள்....

அதுதான் சோகத்தைக் கரைக்க அருமையான மருந்து.....

ஆலோசனையுடன்

-எல்லாள மஹாராஜா-

Link to post
Share on other sites
  • கருத்துக்கள உறவுகள்

ம்ம்ம் எள்லாளன் பழமையான பசுமையான நினைவுகளை மறக்கத்தான் முடியுமா...உங்கள் கவியது...மிகவும் நன்று...

yrrr5mv.gif

கிரேற் ஜொப் செப்பினது சிறிலங்கா கேளோ

சோகம்+பிரிவு மட்டும் காதல் அல்ல சுகம்+கூடலும் காதல் தாங்க...... சிறகு விரித்த வானப் பறப்பும் காதலில் தானுங்க சாத்தியம்.....கவலை விடுங்க....

-எல்லாள மஹாராஜா-

Link to post
Share on other sites
  • 2 weeks later...

குட்டிக் குட்டிப் பழனி ஆண்டிகள்

கோயில் கட்டித் தேர் இழுக்கும்

குரும்பைத் தேரும் நொண்டிப் போகும்

குதூகலம் பார்த்துச் சிரித்துக் கிடந்தோம்

எல்லாளன் அண்ணா, நாங்கள் தொலைத்துவிட்ட இளமைக் காலத்தைக் கண்முன் கொண்டுவந்திருக்கிறீர்கள்.

Link to post
Share on other sites
  • கருத்துக்கள உறவுகள்

எனது சோகம் தான் பெரிதென்று பார்த்தேன் ...இன்னும் சோகங்களை கொட்டாத கண்களையும் இப்போதுதான் பார்க்கின்றேன்.....அழுது விடுங்கள்....

அதுதான் சோகத்தைக் கரைக்க அருமையான மருந்து.....

அழுவது ஆண்பிள்ளைக்கு அழகல்ல என்று அம்மா சொன்னவா. அதனால் அழுவதில்லை. சோகமும் கோபமும் என்னோடே போகட்டும்.

என்ன நான் சொல்லுறது. :lol: சரிதானே. :oops:

Link to post
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • 4 நாள்களில் 140 மில்லியன் வருமானம்   இலங்கையிலுள்ள அனைத்து அதிவேக நெடுஞ்சாலைகளின்; மொத்த வருமானமானது, கடந்த 4 நாள்களில் 140 மில்லியன் ரூபாய் என வீதி அபிவிருத்தி அதிகாரசபையின் அதிகாரியொருவர் தெரிவித்துள்ளார். இதற்கமைய கடந்த 8ஆம் திகதியிலிருந்து 11ஆம் திகதி வரை, இந்த வருமானம் கிடைக்கப் பெற்றுள்ளதுடன், 9,10ஆம் திகதிகளில் மாத்திரம் 70 மில்லியன் ரூபாயும் கிடைக்கப்பெற்றுள்ளதாக அவர் தெரிவித்துள்ளார். தமிழ்- சிங்கள புத்தாண்டைக் கொண்டாடுவதற்காக மக்கள் தமது சொந்த இடங்களுக்குச் செல்லவும் சுற்றுலா செல்வோர் அதிவேக நெடுங்சாலைகiளைப் பயன்படுத்தியமையாலேயே இந்த வருமானம் கிடைக்கப்பெற்றதாக அவர் தெரிவித்துள்ளார்.  Tamilmirror Online || 4 நாள்களில் 140 மில்லியன் வருமானம்  
    • மீண்டும் பாராளுமன்றம் செல்லும் ரணில்...   ஐக்கிய தேசிய கட்சியின் தலைவர் ரணில் விக்கிரமசிங்க அடுத்த மாதத்திற்குள் கட்சிக்கு கிடைத்த தேசிய பட்டியல் ஆசனத்தை ஏற்றுக்கொள்வார் என்று ஐக்கிய தேசிய கட்சியின் தவிசாளர் வஜிர அபேவர்தன தெரிவித்துள்ளார். ஐக்கிய தேசிய கட்சியின் ஒருமித்த முடிவின் பேரில் ரணில் விக்ரமசிங்க எதிர்காலத்தில் பாராளுமன்றத்தை பிரதிநிதித்துவப்படுத்த தயாராகி வருவதாகவும் தவிசாளர் வஜிர அபேவர்தன தெரிவித்துள்ளார். காலி பகுதியில் நடைபெற்ற ஊடகவியலாளர் சந்திப்பில் உரையாற்றிய போதே ஐக்கிய தேசிய கட்சியின் தவிசாளர் வஜிர அபேவர்தன இவ்வாறு தெரிவித்துள்ளார்.   மீண்டும் பாராளுமன்றம் செல்லும் ரணில்... (adaderana.lk)    
    • இந்த வீடியோ பார்த்த பின்னர், தமிழகத்தின் அடுத்த முதல்வர், எடப்பாடியா? ஸ்டாலினா என்று உறுதியாக சொல்ல முடியவில்லை. வேறு கட்சிகளில் இருந்து ஓடி வந்தவர்களை நம்புவது ஆபத்தானது. செந்தில் பாலாஜியின், '11 மணிக்கு பதவி ஏற்பு, 11.05 க்கு மண் அள்ள போங்கள், அதிகாரிகள் தடுத்தால், அவர்கள் இருக்க மாட்டார்கள், நான் பார்த்துக்கொள்கிறேன்' கதை, வேண்டும் என்று அளவாக சொல்லி செய்த ஆப்பு என்று வேறு வீடியோவில் சொல்லப்படுகிறது. இவர், தங்கத்தமிழ்பாண்டியன் அனைவரும், mla ஆனபின் கட்சி பாய தயங்க மாட்டார்கள்.  அதேபோல, ராசாவின், எடப்பாடி தாயார் கதை, கூட, அவரை வழக்கில் இருந்து தப்ப வைக்கும் நோக்கத்துடன் பிஜேபி போட்ட டீல் என்கிறார்கள். ஸ்டாலின், விக்கினை, கழட்டி, தலையை சொறிந்து கொள்வார் என்று நினைக்கிறேன்.  
    • சுவி அண்ணா குருட் ல‌க் சில‌து உங்க‌ளுக்கு இர‌ண்டு புள்ளிய‌ பெற்று த‌ர‌க் கூடும் ஹா ஹா 😀😁
    • இலங்கை இந்திய மீனவர்களின் பிரச்சினைக்கு தீர்வை பெற்றுக்கொடுக்க டக்ளஸ் உரிய நடவடிக்கைகளை முன்னெடுக்க வேண்டும் – செல்வம்     இலங்கை இந்திய மீனவர்களின் பிரச்சினைக்கு தீர்வை பெற்றுக்கொடுக்க கடற்தொழில் அமைச்சர் உரிய நடவடிக்கைகளை முன்னெடுக்க வேண்டும் என பாராளுமன்ற உறுப்பினர் செல்வம் அடைக்கலநாதன் தெரிவித்தார். மன்னாரில் உள்ள அலுவலகத்தில் இன்று (வியாழக்கிழமை) காலை இடம்பெற்ற ஊடக சந்திப்பின்போதே அவர் இவ்வாறு தெரிவித்தார். இதன்போது மேலும் தெரிவித்த அவர், “இந்திய மீனவர்கள் அத்துமீறி நுழைந்து இலங்கை கடற்பரப்பில் மீன்பிடியில் ஈடுபடும் நடவடிக்கைகள் தொடர்ந்து கொண்டு செல்கின்றது. இதனால் எமது மீனவர்கள் பல்வேறு துன்பங்களுக்கு முகம் கொடுத்து வருகின்றனர். போர்க் காலத்தின்போது எமது மீனவர்கள் குறுகிய கடல் பரப்பில் கடற் தொழிலில் ஈடுபட்டு வந்தனர். இவ்வாறான ஒரு பிரச்சினை உள்ளபோது கடற்தொழில் அமைச்சர் டக்ளஸ் தேவானந்தா ஒரு முயற்சியை மேற்கொண்டுள்ளதாக வெளிப்படையாக கூறியுள்ளார். இந்திய டேலர் படகுகள் உட்பட படகுகளுக்கு அனுமதி வழங்குவதாக தெரிவித்துள்ளார். எனினும் குறித்த விடயம் ஆராயப்பட வேண்டிய விடயம். வெளிப்படையாக இந்த விடயங்களை தெரிவிக்கின்றபோது தமிழ் நாட்டு மக்களுக்கும் எங்களுக்கும் இடையில் ஒரு முறுகல் நிலையை ஏற்படுத்தும் சூழ்நிலை காணப்படும். தமிழ் நாட்டை பொறுத்தவரையில் எமது இனத்தின் பிரச்சினை சார்பாக பலர் தீக்குழித்து உள்ளனர். பலர் தற்கொலை செய்துள்ளனர். தமிழ் நாட்டு மக்கள் பல்வேறு போராட்டங்களை முன்னெடுத்துள்ளனர். அந்த வகையிலே எமது இனப்பிரச்சினைக்கு அவர்களின் குரல் இன்றியமையாதது. இந்த நிலையில் தீர்க்கப் போவதாக கூறுகின்ற இந்த சிறிய விடயங்களை கூறுகின்றபோது இரு தரப்புக்களும் கருத்துக்களையும் தெரிவிக்கின்றபோது இரு சமூகத்திற்கு இடையிலும் ஒரு பிரச்சினை ஏற்படுவதற்கான வாய்ப்பு ஏற்படும். எனவே இந்திய இலங்கை மீனவர்களின் பிரச்சினை தொடர்பாக கடற்தொழில் அமைச்சர் சிந்திக்க வேண்டும்” என அவர் மேலும் தெரிவித்தார். இலங்கை இந்திய மீனவர்களின் பிரச்சினைக்கு தீர்வை பெற்றுக்கொடுக்க டக்ளஸ் உரிய நடவடிக்கைகளை முன்னெடுக்க வேண்டும் – செல்வம் – Athavan News
×
×
  • Create New...

Important Information

By using this site, you agree to our Terms of Use.