நடிகை ரேவதி- சுரேஷ் மேனன் விவாகரத்து

[பகலவன்]

நடிகை ரேவதிடைரக்டர் சுரேஷ் மேனன் தம்பதியினருக்கு சென்னை குடும்ப நல நீதிமன்றம் முறைப்படி விவாகரத்து அளித்து உத்தரவிட்டது. நடிகை ரேவதிக்கும், கேமராமேனும், டைரக்டருமான சுரேஷ் மேனனுக்கும், 1986ல் திருமணம் நடைபெற்றது.

 

திருமணத்திற்குப் பின்னர் சில காலம் திரைப்படங்களில் நடிக்காமல் இருந்த ரேவதி பின்னர் மீண்டும் நடிக்கத் தொடங்கினார். சுரேஷ்மேனன் தயாரித்த புதியமுகம் படத்தில் இருவரும் இணைந்து நடித்துள்ளனர். 27 ஆண்டுகால மணவாழ்க்கையில் அவர்கள் குழந்தைகள் எதுவும் இல்லை. இந்த நிலையில் கணவன்-மனைவி இருவருக்கும் இடையே கருத்து வேறுபாடு ஏற்பட்டு, பரஸ்பர விவாகரத்து கோரி, சென்னை ஐகோர்ட் வளாகத்தில் உள்ள, குடும்ப நல கோர்ட்டில்கடந்த 2012ம் ஆண்டு அக்டோபரில், இருவரும் மனுத் தாக்கல் செய்தனர்.

 

ஆறு மாதங்களுக்குப் பின், இவ்வழக்கு, நீதிபதி, ராஜா சொக்கலிங்கம் முன், ஏப்ரல் 6ம் தேதி விசாரணைக்கு வந்தது. நடிகை ரேவதியும், சுரேஷ் மேனனும் ஆஜராயினர். அப்போது வழக்கை விசாரித்த நீதிபதி வழக்கின் மீதான தீர்ப்பை ஏப்ரல் 22ம் தேதிக்கு ஒத்தி வைத்தார். அதன்படி இன்று இருவருக்கும் பரபஸ்பர விவாகரத்து வழங்கி நீதிபதி உத்தரவிட்டார். 

நன்றி : http://tamil.oneindia.in/movies/news/2013/04/actress-revathi-get-divorce-173932.html

 

[தமிழ் சிறி]

 

27 வருட, திருமண வாழ்க்கையின் பின்....
அவர்களுக்குள் எற்பட்ட, விவாகரத்து மனதை நெருடுகின்றது.

 

 

[பகலவன்]

இந்த செய்தி தொடர்பாக ரசிகன் ஒருவரின் கருத்து :

 

எனக்கு மிகவும் பிடித்த அழகிய நடிகை. மிகவும் பக்குவபட்ட நடிப்பால் என்னை கவர்ந்தவர். 27 வருஷமா நல்வாழ்க்கை வாழ்ந்துவிட்டு அவர்களின் பிரிவுக்காக நான் அவர் ரசிகன் என்ற முறையில் மிகுந்த மன வருத்தம் அடைகிறேன்

 

[பகலவன்]

தொடர்புபட்ட செய்திகள் :

 

 

விவாகரத்து செய்து கொண்ட  நட்சத்திர ஜோடிகள்

 

 

விஜயகுமாரி – எஸ்.எஸ்.ராஜேந்திரன்

 

 

லட்சிய நடிகர் என்று போற்றப்படும் எஸ்.எஸ்.ஆர் - விஜயகுமாரி ஜோடி பிரபலம் அனைவரும் அறிந்ததே. இந்த ஜோடி திரையில் மட்டுமல்லாது வாழ்க்கையிலும் இணைந்து பின்னர் பிரிந்து விட்டனர்.

 

சரிதா-முகேஷ்

 

 

மலையாள நடிகர் முகேஷ் உடன் திருமணம் செய்த சரிதா பல காலம் இணைந்து வாழ்ந்தார். பின்னர் ஏற்பட்ட கருத்து வேறுபாட்டினால் விவாகரத்து பெற்றனர்.

 

கமல்ஹாசன் – சரிகா

 

 

நடிகர் கமல்ஹாசன் வாணி உடனான பிரிவிற்குப் பின்னர் சரிகாவை மணந்தார். இரண்டு பெண் குழந்தைகள் பிறந்து பெரியவர்கள் ஆன நிலையில் 20 ஆண்டுகள் வாழ்ந்த அவர்கள் கடைசியில் பிரிந்து விட்டனர்.

 

ராதிகா – பிரதாப் போத்தன்

 

 

பிரதாப் போத்தனுடன் இணைந்து நடித்த ராதிகா அவரையே தனது வாழ்க்கைத் துணைவராக ஏற்றுக் கொண்டார். சில காலம் வாழ்ந்த அவர்களுக்கு குழந்தைகள் இல்லை. இருவரும் பரஸ்பர விவாகரத்து பெற்றனர்.

 

சரத்குமார் – சாயா

 

 

சாயாவை காதலித்து கரம் பிடித்தவர் நடிகர் சரத்குமார். குழந்தைகள் பிறந்து பெரியவர்கள் ஆனபின்னர் இருவரும் பிரிந்து விட்டனர். பின்னர் ராதிகாவை திருமணம் செய்து கொண்டார் சரத்குமார்.

 

ராமராஜன் – நளினி

 

 

திரைஉலகில் பிரபலமாக பேசப்பட்ட காதல் ஜோடி நளினி-ராமராஜன். பல்வேறு எதிர்ப்புகளையும் தாண்டி திருமணம் செய்து கொண்ட இந்த ஜோடிக்கு இரட்டை குழந்தைகள் பிறந்தனர். திருமணத்திற்குப் பின்னர் நடிக்காமல் இருந்தார் நளினி. பின்னர் ஏற்பட்ட கருத்து மோதலில் இருவரும் பிரிந்துவிட்டனர். இப்போது நளினி சீரியல் நடிகையாகிவிட்டார்.

 

சீதா – பார்த்திபன்

 

 

துணை இயக்குநராக இருந்தபோதே நடிகையாக அறிமுகமான சீதாவை காதலித்தவர் பார்த்தீபன். தன்னுடைய முதல் பட கதாநாயகியும் சீதா தான். எதிர்ப்புகளைத் தாண்டி இந்த ஜோடி இணைந்தது. இரண்டு பெண்குழந்தைகள் பிறந்த பின்னர் பிரிந்து விட்டனர்.

 

ரோகினி – ரகுவரன்

 

 

நடிகர் ரகுவரன் - நடிகை ரோகினி இடையேயான திருமணம் மகன் பிறந்த பிறந்த பின்னர் சில ஆண்டுகளில் கருத்து மோதல் வெடித்து பிரிவில் முடிந்தது.

 

 

பிரபுதேவா – ரம்லத்

 

 

நடன இயக்குநர் பிரபுதேவா, தன்னுடன் நடனமாடிய ரமலத்தை காதலித்து போராட்டத்திற்குப் பின்னர் கரம் பிடித்தார். மூன்று குழந்தைகள் பிறந்த பின்னர் மற்றொரு நடிகையுடன் ஏற்பட்ட காதலால் விவாகரத்து பெற்றார்.

 

 

பிரகாஷ்ராஜ் – லலிதாகுமாரி

 

 

நடிகர் பிரகாஷ் ராஜ் நடிகை லலிதா குமாரி இடையே நடைபெற்ற திருமணம் இரண்டு குழந்தைகள் உள்ளனர். இவர்களின் மணவாழ்க்கை திடீரென்று முறிந்து போனது.

 

ஊர்வசி – மனோஜ். கே.ஜெயன்

 

 

நடிகை ஊர்வசி, மலையாள நடிகர் மனோஜ் கே. ஜெயனை காதல் திருமணம் செய்து கொண்டார். இவர்களுக்கு 2 மகள்கள் உள்ளனர். இவர்களுக்கிடையே ஏற்பட்ட கருத்து வேறுபாட்டினால் விவாகரத்து கோரி எர்ணாகுளம் குடும்ப நல கோர்ட்டில் வழக்கு தொடர்ந்தனர். இதையடுத்து கடந்த ஆண்டு எர்ணாக்குளம் நீதிமன்றம் விவாகரத்து வழங்கியது.

 

ரேவதி - சுரேஷ்மேனன்

 

 

பிரபல நடிகையாக இருந்த போதே கேமரமேன் சுரேஷ்மேனன் உடன் காதல் ஏற்பட்டது. குடும்பத்தினர் சம்மதத்துடன் திருமணம் செய்து கொண்ட இந்த தம்பதிக்கு 27 ஆண்டுகளுக்குப் பின்னர் பரஸ்பர விவாகரத்து கிடைத்தது.


நன்றி : http://tamil.oneindia.in/movies/news/2013/04/top-10-shocking-celebrity-break-ups-in-kollywood-173956.html

[நிலாமதி]

பகலவனுக்கு நன்றி.  (சில தகவல்கள் எனக்கு தெரியாதவை. இன்று அறிந்து கொண்டேன். )

[தமிழ் சிறி]

பகலவனுக்கு நன்றி.  (சில தகவல்கள் எனக்கு தெரியாதவை. இன்று அறிந்து கொண்டேன். )

 

பலர் வேறு, சோடி சேர்ந்து... தூள் கிளப்புகின்றார்கள் அக்கா.

 

[விசுகு]

இந்த வயதில் பிரிவு எதற்காக???

புரிந்து கொள்ளவோ

ஏற்கவோ முடியவில்லை....

[SUNDHAL]

29 வருஷ வாழ்கையும் வேஸ்ட் பிரகாஷ் ராஜ் மாதிரி பிடிக்கலியா let's be friends என்று சொலிட்டு வேளைக்கே பிரிஞ்சிடனும்....

[தமிழ் சிறி]

அல்லது... கமல் மாதிரி....
இரண்டுக்கு, அடுத்து மூன்று.... என்று வாழப், பழகிக்கணும்.

 

[கறுப்பி]

வாழ்க்கை கசந்தால் இலகுவாய் கிடைக்கிறது விவாகரத்து.

[இசைக்கலைஞன்]

தொண்ணூறுகளிலேயே இவர்கள் பிரிந்துவிட்டார்களே.. பிற்பாடு சேர்ந்திருந்தார்களோ தெரியவில்லை.. இப்போதுதான் முறைப்படி விவாகரத்து பெற்றுக்கொள்கிறார்கள் போலை இருக்கு..

[ராசவன்னியன்]

இப்படி அடித்துகொண்டு பிரிந்துவிடுகிறார்களே? இவர்களின் வாரிசுகளின் மனநிலையைப் பற்றி கொஞ்சமாவது சிந்தித்தார்களா? கொஞ்சம் காசு சேர்ந்துவிட்டால், குடும்பத்தில் விட்டுக்கொடுப்புகளுக்கு விடுதலை போலும்.
 

 

[தமிழ் சிறி]

இந்த திரியை..... 18 மணித்தியாலத்துக்கு இடையில்,  1501 பேர் பார்வையிட்டுள்ளார்கள்.

 

[வந்தியத்தேவன்]

இந்த திரியை..... 18 மணித்தியாலத்துக்கு இடையில்,  1501 பேர் பார்வையிட்டுள்ளார்கள்.

 

அத்தனைபேரும் வாழ்க்கையில் வெறுத்து போய்யுள்ளார்கள், எப்படா தமக்கும் விவாகரத்து (விடுதலை) கிடைக்குமென்று

[தமிழ் சிறி]

அத்தனைபேரும் வாழ்க்கையில் வெறுத்து போய்யுள்ளார்கள், எப்படா தமக்கும் விவாகரத்து (விடுதலை) கிடைக்குமென்று

 

திருமணம் செய்ய முதல் இருக்கும் சந்தோசத்தை....

பலர் திருமணத்திற்குப் பின், அனுபவித்தில்லைப் போலுள்ளது.  

[nedukkalapoovan]

திருமணம் செய்ய முதல் இருக்கும் சந்தோசத்தை....

பலர் திருமணத்திற்குப் பின், அனுபவித்தில்லைப் போலுள்ளது.  

 

ரூ லேட்.. தமிழ்சிறீயண்ணா. இதுகளைத் தான் சின்ன வயசிலேயே யோசிக்கனும். அப்ப வேற சிந்தனையில இருந்திட்டு போய் படுகுழில விழுந்திட்டு.. அப்புறம் எப்படா தப்புவன்னு தருணம் பார்த்துக் காத்திருக்கக் கூடாது.

 

இவர்கள் மட்டுமல்ல.. சுகன்யா.. பானுப்பியா.. அம்பிகா.. சொர்ணமாலியா.. சோனியா அகர்வால்.. இப்படிப் பலர்.. விட்டிட்டு ஓடிட்டினம்..!

 

கூடி வாழ்பவர்களில் பலர் போக்கிடமில்லாமல் இதையும் விட்டா என்ன கதி என்று வாழ்பவர்களே அதிகம்..! இதெல்லாம் ஒரு வாழ்க்கை..! எப்பவும் சிட்டுக்குருவி போல சுதந்திரமா வாழனும்.. அதுதான் வாழ்க்கை. கலியாணம் என்று நம்மைச் சுற்றி நாமே ஒரு வேலையைப் போட்டிட்டு அதுக்குள்ள குந்தி இருப்பதல்ல மனித அல்லது உயிரின வாழ்க்கை..!

அதற்காக தனிமனித ஒழுக்கம் குலைத்து தறிகெட்ட தனமாக வாழ்வதும் அல்ல வாழ்க்கை..! எல்லாத்திற்கும் மனதளவில்.. ஒரு அளவுகோல் வைச்சிருப்பது அவசியம்..!

[தப்பிலி]

ரேவதி எப்பவோ பிரிந்து விட்டார்.

கமல், ராதிகா, பிரகாஸ்ராஜ், பிரபுதேவா ஆகியோரை மண முறிவிற்குள்ளானவர்கள் எனும் வட்டத்திற்குள் எடுக்க முடியாது. அவர்கள் நெடுக்கர் சொன்ன 'சிட்டுக்குருவி' வாழ்க்கை வாழுபவர்கள்.

 

[putthan]

 

அதற்காக தனிமனித ஒழுக்கம் குலைத்து தறிகெட்ட தனமாக வாழ்வதும் அல்ல வாழ்க்கை..! எல்லாத்திற்கும் மனதளவில்.. ஒரு அளவுகோல் வைச்சிருப்பது அவசியம்..!

 

மனம் ஒரு ஆதிவாசிடைப் எந்த நேரம் என்ன செய்யவேண்டும் என்று சொல்லாது.திடிர் திடிர் என்று செட்டைவிடும் ஆகவே கலியாணம் கட்டி அந்த அளவுகோலால் .................

[உடையார்]

இப்படி அடித்துகொண்டு பிரிந்துவிடுகிறார்களே? இவர்களின் வாரிசுகளின் மனநிலையைப் பற்றி கொஞ்சமாவது சிந்தித்தார்களா? கொஞ்சம் காசு சேர்ந்துவிட்டால், குடும்பத்தில் விட்டுக்கொடுப்புகளுக்கு விடுதலை போலும்.

 

 

நன்றாக சொன்னீர்கள்

[குமாரசாமி]

அப்பிடியெண்டால் ரேவதிக்கு இப்ப ஆண்துணை இல்லையெண்டுறியள்.....அதுதான் ஊரிலை சொல்லுறமாதிரி ஆண்பாதுகாப்பு