புலம்பெயர் நாடுகளில் தமிழ்மொழியின் எதிர்காலம் - தொலைக்காட்சி விவாதம்

[சபேசன்]

ஜீரிவியில் "புலம்பெயர் நாடுகளில் தமிழ் மொழியின் எதிர்காலம்" என்னும் தலைப்பில் "பன்னாட்டு புலம்பெயர் தமிழ் எழுத்தாளர் ஒன்றியம்" வழங்கிய நிகழ்வு இது. ஒவ்வொரு சனியும் ஐரோப்பிய நேரம் பி.ப 3:30இற்கு ஒளிபரப்பாகிறது. விவாதத்தை ஒருங்கிணைப்பவனாக அடியேனும் பங்கேற்கிறேன்.

[ரதி]

நீங்களும் இருக்கிறீங்களா அப்ப கட்டாயம் யோசிக்க வேண்டும் பார்க்கிறதா,விடுவதா என்று  

 

[சபேசன்]

ரதி! தைரியமாகப் பார்க்கலாம். இதில் விவாதத்தை ஒருங்கிணைக்கிற வேலையைத்தான் செய்கிறேன். நான் விவாதம் செய்யவில்லை. ஆகவே என்னால் யாருக்கும் ரத்தக் கொதிப்பு வராது.

[sathiri]

எழுத்தாளர் ஒன்றியம் கன காலத்திற்கு பிறகு உருப்படியா ஒன்றை செய்திருக்கு வாழ்த்துக்கள். கிருஸ்ண மூர்த்தியை  தவிர பழைய ஆக்களை  காணவேயில்லை?எல்லாரையும் கொண்டு வாங்கோ நானும் வாறன்.

 

[வினித்]

இதில 2 பேர் வடிவாக இருக்கினம்.

[nedukkalapoovan]

இது ஒரு நல்ல கலந்துரையாடல்..!

 

இங்கிலாந்தைப் பொறுத்த வரை.. ஆங்கிலத்தில் பேசத் தெரிந்த இங்கு பிறந்து வளர்ந்த பிள்ளைகள்.. பரீட்சையில் ஆங்கிலத்தில் நல்ல பெறுபேற்றை எடுக்கிறார்களா என்பது.. கேள்விக்குரியதாக உள்ளது. பலர் ஆங்கிலத்தில் நல்ல பெறுபேற்றை எடுக்கத் தவறுகின்றனர்.

 

அதற்கு அவர்கள் சொல்லும் குற்றச்சாட்டு வீட்டில் தமிழ் கதைக்கினம் என்று. எங்களுக்கு ஆங்கில அறிவு வரேல்லை என்று. ஆனால் பாடசாலையில் ஆங்கிலம் தானே கதைக்கிறார்கள்.

 

மேலும்.. மொழிக்கு மொழி கற்றல் கற்பிக்கும் பரிமானங்களில் வேறுபாடுள்ளது. தமிழ் மொழியை கற்பிக்கும் போது அதன் தமிழ் நெடுங்கணக்கைப் புரிந்து கொள்ளவே 2 வருசம் எடுக்கும். ஆனால் ஆங்கிலம் மற்றும் பிற மொழிகள் அப்படியல்ல. எனவே தமிழ் மொழியை டொச் படிப்பிற மாதிரித்தான் படிப்பிக்கனும் என்றில்லை. தமிழ் மொழியை எந்த வகையில் இலகுவாகக் கற்பிக்க முடியுமோ அந்த வழியைத் தெரிவு செய்து கற்பிப்பதே சிறந்தது..! அதனை தீர்மானிக்க வேண்டியது  மொழிக் கற்கை வடிமைப்பாளர்களே..!

 

சிறீலங்காவில் தமிழோடு நாங்கள் ஆங்கிலம் கற்கிறோம். யாருமே ஆங்கிலம் படிக்கமாட்டம் என்று அடம்பிடிப்பதில்லை. அதேபோல் டொச் மொழியில் பேசும் மாணவர்கள் ஆங்கிலத்தில் கதைக்க விரும்பினம். ஏன்னா அது சர்வதேச மொழி என்பதால் என்று சொல்லிக் கொள்ளலாம். அதேபோல் வீட்டு மொழியாக உள்ள தமிழில் உரையாடத் தயங்குவது ஏன்..???!

 

இதற்கு இங்கு பிறந்தவை என்னத்தைச் சொல்ல காரணமா வைச்சிருக்கினம்..????!

 

மொழியை விருப்பத் தெரிவாகக் கொண்டு படிப்பது பாவிக்கவே தவிர.. சும்மா கடதாசியில் புள்ளியாக வைத்திருப்பதற்கு அல்ல..! இதனை முதலில் இளைய சமூகமும் உணர்ந்து கொள்ள வேண்டும்..!

 

மேலும் சூழ்நிலைக்கு காலத் தேவைக்கு ஏற்ப தமிழை கற்பிக்கும் முறையில் மாற்றம் அவசியம். அதற்காக அது டொச் கற்பிக்கும் முறையில் தான் அமையனும் என்பது எவ்வளவு சரியாக அமையும் என்பது ஆய்வுக்குரியது..!

[குமாரசாமி]

இதிலை நான் என்ன சொல்ல வாறனெண்டால்......இஞ்சை பிறந்துவளர்ந்த பிள்ளையளுக்கு தமிழ்படிப்பிக்கிற வாத்திமாருக்கு டொச்பாசையிலை கொஞ்ச பாண்டித்தியம் இருந்தால் நல்லாயிருக்குமெண்டு நினைக்கிறன். ஏனெண்டால் டொச்சிலையே காலத்தை கொண்டுபோற பிள்ளையளுக்கு....எங்கடை தமிழ் இலக்கணங்களை ,எழுவாய்பயனிலைகளை டொச்சிலையும் கொஞ்சம் விளங்கப்படுத்தினால்....அவைக்கு விளங்குறதும் சுகமாயிருக்கும். நான் இருக்கிற இடத்திலை தமிழ்ப்பிள்ளையள் தமிழை அறுத்துறுத்து அந்தமாதிரி கதைப்பினம்.இந்த இடத்திலை அந்த வாத்தியாருக்கு கோடி நன்றிகள்.

 

[hari]

 இணைப்புக்கு நன்றி சபேசன்

 

 

[சபேசன்]

இன்று சனிக்கிழமை ஜீரிவியில் "புலம்பெயர் நாடுகளில் தமிழ் மொழியின் எதிர்காலம்" விவாதத்தின் இரண்டாவது பகுதி ஒளிபரப்பாகிறது.

புலம்பெயர் நாடுகளில் உள்ள தமிழ் பாடசாலைகள், நிர்வாகங்கள், ஆசிரியர்கள், கல்விமுறை என்பவை பற்றிய பார்வையோடு சற்று காரசாரமாகவே விவாதம் நடைபெற்றது.

நிகழ்ச்சி ஐரோப்பிய நேரம் பி.ப 3:30இற்கு ஒளிபரப்பாகிறது

[சபேசன்]

புலம்பெயர் நாடுகளில் கல்வியை வைத்து செய்யப்படும் அரசியல் பற்றிய குமுறல் இதில் வெளிப்படுத்தப்பட்டிருக்கிறது