Jump to content

Recommended Posts

  • கருத்துக்கள உறவுகள்

எண்பத்தி மூன்றினிலே (யுகசாரதி)

எண்பத்தி மூன்றினிலே - ஆ

இலங்கைத் தீவினிலே

எண்பத்தி மூன்றினிலே

இந்து மா கடலுக்கு நடுவினிலே - ஆடி

இருபத்து நான்கிற் தொடங்கியதே துயர்

இலங்கைத் தீவினிலே

கண்பட்டதோ இத் தமிழினத்திற்கென

கண்டவர் யாரும் வருந்திட எங்களைப்

புண்படச் செய்தனரே-ஒரு

போக்கிடமற்ற அகதிகளாக்கியே

எண்பட்ட யாவரையும் தமிழ்

என்றறிந்தால் உடன் கொன்றெறிந்தார் - அந்தோ (எண்பத்தி...)

நெஞ்சங் குமுறிடவே-கற்பு

நீங்கிடச் செய்த கொடுமையிலே - அந்தப்

பஞ்சைத் தமிழ் மகளிர்-கொடும்

பாவிகளாற் தங்கள் ஆவியை விட்டிட

அஞ்சிய பாலகர்கள்-தங்கள்

அன்னையர் மார்பில் அமுதமருந்தியே

துஞ்சிய செய்திகளும்-பல

துயரக் கதைகளும் மறந்திடுமோ-அந்த (எண்பத்தி...)

தேயிலைத் தோட்டத்திலே - அந்தத்

தெற்கு இலங்கையிலே

ஆயிரமாயிரமாய்த் தமிழ்ச் சோதரர்

அன்று இனவெறியாற் கொலையுண்டதும்

நாயிலும் கீழ்க்கடையாய் - எம்மை

நாடற்ற பேர்களாய் ஆக்கிய பின்னரும்

காயும் இனவெறியால் - எம்மேல்

காறியுமிழ்ந்ததும் நெஞ்சை விட்டேகுமோ (எண்பத்தி...)

வெலிக்கடைச் சிறையில் - மனம்

வெம்பிக் கிடந்த எம் சோதரர் தன்னையே...

சிலிர்க்குதேயுடலம்...அந்தோ!

சிந்தனை செய்திடவும் மனம் கூசுதே...

பலிக்கு வெட்டினரே...

பத்மாசனப் புத்தன் முன் கண்களைக் குத்தியே

படையலிட்டனரே-அந்தப்

பாதகம் எங்களின் நெஞ்சை விட்டேகுமோ (எண்பத்தி...)

ஆண்ட அரச படை - எங்கள்

அன்னையர் தங்கையர் மானம் பறித்ததும்

மூண்ட பெருந்தீயில் - செல்வம்

முற்றும் இழந்து நாம் ஏதிலரானதும்

மாண்டவர் கண்களையே - அந்த

மானமிலாதவர் தோண்டி மகிழ்ந்ததும்

மீண்டும் நினைவலையில் - வந்து

மேவிட வெந்துயர் ஆவியைத் தீய்க்குது (எண்பத்தி...)

சிங்கள பௌத்தவெறி - எங்கள்

செந்தமிழ்த் தாயைச் சிதைத்த கொடுமையை

எங்கு முறையிடுவோம் - எமக்(கு)

ஈழத்தையன்றியே யாதும் புகலுண்டோ!

தங்கையர் தம்பிகளே! - தமிழ்

ஈழ சரித்திரம் நாளும் படித்து நீர்

பொங்குக பொங்குகவே - ஒரு

போக்கிடமற்ற அகதிகளாயினோம் (எண்பத்தி...)

மேற்குலகந்தனிலே - பொருள்

மேவிய வாழ்வொடு வாழினும் எங்களின்

நாட்டை மறப்போமோ! - எந்த

நாளினிப் போயதைக் காண்பதென்றே - அன்னை

வீட்டை மறப்போமோ! - என்று

விம்மியழுது புலம்பிடும் எம்குரல்

கேட்டிருப்பாய் காற்றே - அந்த

கேவலைக் கீழ்த்திசை சென்றெமதீழத்தில்

மீட்டு முரையாயோ - நாங்கள்

விம்மியழவும் திறன் கெட்டுப் போயினோம் (எண்பத்தி...)

ஆற்றல் இழந்தவராய் - எங்கள்

அன்னை மொழியை மறந்தவராய்ப் - பெருங்

காற்றிற் கலந்தவராய் - கலாச்

சாரம் கலைகள்அழிந்தவராய் - நாம்

மாற்றினமாகுவதோ - இல்லை

மண்ணினை மீட்டு நாம் சென்றங்கு வாழ்வதோ

சாற்றிடுவாய் தாயே - ஹே!

சாமுண்டி காளீ! வீரகராளீ! (எண்பத்தி...)

Link to post
Share on other sites

ராஜா 83 கலவரத்து உணர்வுகளை போடல் போல் எழுதியமை நன்றாக உள்ளது.

Link to post
Share on other sites
  • கருத்துக்கள உறவுகள்

கரு உணர்வு பூர்வமான கவிதை..........

Link to post
Share on other sites
  • கருத்துக்கள உறவுகள்

உணர்வு பூர்வமான கவிதை

Link to post
Share on other sites
  • கருத்துக்கள உறவுகள்

83 யூலையை எங்கள் மனக்கண்முன் உங்கள் கவிதையில் தந்தீர்கள். கவிதைக்கு வாழ்த்துக்கள்

Link to post
Share on other sites
  • கருத்துக்கள உறுப்பினர்கள்

உணர்வு பூர்வமான கவிதை

Link to post
Share on other sites
  • கருத்துக்கள உறுப்பினர்கள்

நான் இந்தக் கவிதை அடங்கிய தொகுப்பை முழுமையாய் வாசித்திருக்கிறேன்.

சந்தம் நிறைந்த அருமையான கவிதைகள்.

வாழ்த்துக்கள் சொல்வதற்கு வயதில்லை என்பதால் என்னுடைய மகிழ்ச்சியைத் தெரிவிக்கிறேன்.

அன்புடன்

மணிவாசகன்

Link to post
Share on other sites

இருண்ட நாட்களை நினைவுபடுத்திய கவிதைக்கு வாழ்த்துக்கள்

Link to post
Share on other sites
  • கருத்துக்கள உறவுகள்

கவிதையால்

நினைவுகளை மீட்டியதற்கு நன்றி......

Link to post
Share on other sites
  • கருத்துக்கள உறுப்பினர்கள்

ஏற்கனவே படித்த ஞாபகம், அருமை அருமை.

Link to post
Share on other sites
  • கருத்துக்கள உறவுகள்

அந்த இருண்ட நாட்களை நினைவு படுத்தி எழுதிய கவிதை நன்று. பாராட்டுக்கள்.

Link to post
Share on other sites
  • கருத்துக்கள உறுப்பினர்கள்

மேற்குலகந்தனிலே - பொருள்

மேவிய வாழ்வொடு வாழினும் எங்களின்

நாட்டை மறப்போமோ! - எந்த

நாளினிப் போயதைக் காண்பதென்றே - அன்னை

வீட்டை மறப்போமோ! - என்று

விம்மியழுது புலம்பிடும் எம்குரல்

கேட்டிருப்பாய் காற்றே - அந்த

கேவலைக் கீழ்த்திசை சென்றெமதீழத்தில்

மீட்டு முரையாயோ - நாங்கள்

விம்மியழவும் திறன் கெட்டுப் போயினோம்

கவிஞரின் வேதனை பாட்டில் புலப்படுகிறது.

கவிஞரே உங்களுக்கு மட்டுமல்ல எல்லோருக்கும் அந்த நினைப்புகள்

இருக்கின்றன....... கொஞ்சம் செளிம்பு படிந்திருக்கிறது அவ்வளவுதான்.

பித்தத்திற்கும்இ செளிம்புக்கும் தேசிக்காய்தான் மருந்து....

இங்கு நான் தேசிக்காய் என்று குறிப்பிட்டது விழிப்புணர்வை...

வல்வை சகாறா

Link to post
Share on other sites
  • கருத்துக்கள உறவுகள்

நன்றி சகாரா

நான் உங்கள் நெருப்புக்குயில்கள் கவிதைக்கு எதிர்க் கவிதை எழுதினேன். ஆனால் நீங்கள் எனது கவிதையைப் பாராட்டியுள்ளீர்கள். இது தங்கள் பெருந்தன்மையைக் காட்டுகின்றது. எம்மிடம் சிவப்புச் சிந்தனைகள் இருப்பது நல்லதே. நானும் ஒரு காலத்தில் சிவப்புச் சிந்தனையாளனாக இருந்திருக்கிறேன். ஆனால் அச்சிந்தனைகள் எமது தேசியப்பற்றை எள்ளளவும் பாதிக்காமல் இருத்தல்வேண்டும். நீங்கள் தமிழ்த் தேசியத்தில் உறுதியான பற்று வைத்திருப்பது தெரிகிறது. எனது வாழ்த்துக்கள் தொடர்ந்து எழுதுங்கள்.

அன்புடன் கரு

Link to post
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • எங்கள் வங்குரோத்துத்தனம் முற்றுமுழுதாக வெளிவந்துவிட்டது  அது இலங்கைக்கும் தெரிந்து எங்கள்  மூஞ்சியிலேயே உச்சாவும் போய்விட்டார்கள் , இனி இங்கு வேலை மின்னட்டு குந்திக்கொண்டிருக்கும் லூசுகள் எல்லாம் உங்கடை,உங்கடை  நாடுகளுக்கு போய் உங்கடை அரிப்புக்களை தீர்த்துக்கொள்ளுங்கள். நாட்டிலிருக்கும் கூத்தாடிகளின் வால்கள் அடிக்கடி போராட்டம் நடை பவனி வைத்து (ஆதாரங்களை சேர்த்து) நீங்களும் இருப்பதாக காட்டிக்கொள்ளுங்கள், (காணாமல் போனோர் போராட்ட பேனரில் மூலையில் இருக்கும்  அந்த ஐ நா கொடி ரொம்ப முக்கியம்-அதற்கு சேதாரம் வராமல் பார்த்துக்கொள்ளுங்கோ  )  அடுத்த முறை fund ஒதுக்கினால் இதே வேலையை பார்த்து எங்களது Peycheck இற்கு எந்த சேதாரமும் வராமல் பார்க்க வசதியாகஇருக்கும் . அம்புட்டுதே நம்ம மிச்சலின் உள்ளடக்கம் 
    • சிறு வயதில் சொல்லி தந்தார்கள்.
    • மனித உரிமை மீறல்களுக்கு பொறுப்புக்கூற சிறீலங்கா பலமுறை தவறிவிட்டது- ஐ.நா    71 Views கடந்தகால மனித உரிமை மீறல்களுக்கு பொறுப்புக்கூற சிறீலங்கா பலமுறை தவறிவிட்டது எனத் தெரிவித்த ஐ.நா. மனித உரிமைகள் பேரவை ஆணையாளர் மிச்சேல் பச்லெட், ஐ.நா பேரவையில் நிறைவேற்றப்பட்ட தீர்மானம் 30/1 தீர்மானத்தில் இருந்து விலகியதன் மூலம் முன்னேற்றத்துக்கான சாத்தியக் கூறுகளுக்கான வழிகளை இலங்கை அரசாங்கம் மூடிவிட்டது என்றும் கூறியுள்ளது. மேலும் சிறீலங்காவில் பொறுப்புக்கூறல், நல்லிணக்கம் மற்றும் மனித உரிமைகளை மேம்படுத்துவது தொடர்பான மதிப்பீட்டு அறிக்கையை இன்று ஐ.நா. மனித உரிமைகள் பேரவை அமர்வில் சமர்ப்பித்து பேசும்போதே அவர் இவ்வாறு கூறியுள்ளார். அவர் மேலும் கூறுகையில், “சிறீலங்காவுடனான பேரவையின் ஈடுபாட்டிற்கான ஒரு முக்கிய சந்தர்ப்பமாகும். எனது முன்னைய அறிக்கையில் குறிப்பிடப்பட்டது போல ஆயுத மோதல் முடிவடைந்து கிட்டத்தட்ட 12 ஆண்டுகளுக்குப் பின்னரும் பாதிக்கப்பட்டவர்களுக்கு நீதியை உறுதி செய்வதற்கும் நல்லிணக்கத்தை மேம்படுத்துவதற்குமான உள்நாட்டு முயற்சிகள் பலமுறை தவறிவிட்டன. 2015 ஆம் ஆண்டில் பேரவையில் சிறீலங்கா சார்பில் சில உறுதிமொழிகள் வழங்கப்பட்டபோதிலும், தற்போதைய அரசாங்கம் உண்மையைக் கண்டறிதல் அல்லது பொறுப்புக்கூறல் செயல்முறைகளைத் தொடரத் தவறிவிட்டது. சிறீலங்காவில் அனைத்து சமூகங்களிலும் போரில் பேரழிவுகளைச் சந்தித்துள்ளன. இந்நிலையில் கடந்த காலங்களில் இடம்பெற்ற கடுமையான விதி மீறல்களுக்கு வழிவகுத்த அமைப்புகள், கட்டமைப்புகள், கொள்கைகள் அவ்வாறே இன்னமும் உள்ளன. போர்க் குற்றங்களில் ஈடுபட்டதாகக் கூறப்பட்டவர்கள் அப்படியே இருக்கிறார்கள். சமீப காலங்களில் அவர்களில் இருப்பு மேலும் பலப்படுத்தப்பட்டுள்ளது எனவும் அவர் தெரிவித்தார். சிறீலங்காவில் சிவில் சமூகத்தினர் மற்றும் சுயாதீன ஊடகங்களுக்கான செயற்பாட்டு சுதந்திரம் கடந்த காலத்தில் ஓரளவுக்கு இருந்தபோதும் இப்போது அந்த சுதந்திரம் பறிக்கப்பட்டு வருகிறது. அண்மையில் சிறீலங்காவில் நிறைவேற்றப்பட்ட 20-ஆவது திருத்தச் சட்டம் மூலம் நீதித்துறையின் சுயாதீனம் கேள்விக்குறியாக்கப்பட்டுள்ளது. அத்துடன், சிறீலங்காவின் மனித உரிமைகள் ஆணையம், தேசிய காவல் ஆணையம் மற்றும் பிற முக்கிய அமைப்புகளின் சுயாதீனத் தன்மையும் கேள்விக்குள்ளாக்கப்பட்டுள்ளது. சிவில் சமூக செயற்பாடுகள் வேகமாக இராணுவ மயப்படுத்தப்பட்டு வருவது ஜனநாயகத்தைக் கேள்விகுறியாக்கியுள்ளது. தமிழ் மற்றும் முஸ்லிம் சிறுபான்மையினர் அரச உயர் மட்டத்தினரால் பாகுபாட்டுடன் கையாளப்படுகின்றனர். கோவிட்19 தொற்று நோயால் உயிரிழப்பவர்களை கட்டாயமாகத் தகனம் செய்யும் அரசின் கொள்கை சிறுபான்மை முஸ்லிம் மற்றும் கிறிஸ்தவ சமூகங்களிடையே வேதனையையும் துயரத்தையும் ஏற்படுத்தியுள்ளது. இலங்கையில் நீண்டகால, கட்டமைப்பு மற்றும் அமைப்பு ரீதியான பிரச்சினைகள் தொடர்ந்து நீடிக்கின்றன. இந்நிலையில் அங்கு கடந்தகாலங்களில் இடம்பெற்றதைப் போன்ற விதி மீறல்கள் முறைகள் மீண்டும் மீண்டும் நிகழக்கூடும் என்பதற்கான தெளிவான எச்சரிக்கை அறிகுறிகள் உள்ளன. அரசினால் அடுத்தடுத்து நியமிக்கப்பட்ட ஆணைக்குழுக்கள் உண்மையைக் கண்டறிந்து அதன் நம்பகத்தன்மையையும் பொறுப்புணர்வையும் உறுதி செய்வதற்கும் தவறிவிட்டன. கடந்தகால மனித உரிமை மீறல்களுக்கு பொறுப்புக்கூற சிறீலங்கா பலமுறை தவறிவிட்டது. அத்துடன் இந்தப் பேரவையில் நிறைவேற்றப்பட்ட தீர்மானம் 30/1 தீர்மானத்தில் இருந்து விலகியதன் மூலம் முன்னேற்றத்துக்கான சாத்தியக் கூறுகளுக்கான வழிகளை சிறீலங்கா அரசாங்கம் மூடிவிட்டது. இந்நிலையில் சிறீலங்காவில் பொறுப்புக் கூறல் பொறிமுறையை உறுதி செய்வதற்கான புதிய வழிகளை ஆராயுமாறு சர்வதேச மட்டத்தில் அனைத்து தரப்பினருக்கும் நான் அழைப்பு விடுக்கிறேன். அத்துடன், பாதிக்கப்பட்டவர்களுக்கு நிவாரணம் வழங்குவதற்கான வழிகளைக் கண்டறியுமாறும் கோருகிறேன். மேலும் எதிர்கால பொறுப்புக்கூறலுக்கான ஆதாரங்களையும் தகவல்களையும் சேகரித்துப் பாதுகாப்பதற்கான பொறுப்பை வலியுறுத்துகிறேன். அத்துடன், பேரவை உறுப்பு நாடுகள் தங்கள் நாடுகளில் நீதித்துறை சார்ந்த நடவடிக்கைகளை முன்னெடுக்கவும் நான் கோருகிறேன். சிறீலங்காவில், பொறுப்புக்கூறல் மற்றும் நல்லிணக்கம் மற்றும் மனித உரிமை நிலைமைகளை தொடர்ந்து கண்காணிக்க எனது அலுவலகம் தயாராக உள்ளது”.   https://www.ilakku.org/?p=43144
    • எனக்கு என் அண்ணர் 80களில்  சொன்ன வசனம் இது. ஆனால் அதைக்கூட என்னால் நிறைவேற்ற முடியவில்லை என்பது காலத்தின் கொடுமை. பயணம் தொடரட்டும்.
×
×
  • Create New...

Important Information

By using this site, you agree to our Terms of Use.