Sign in to follow this  
லக்கிலுக்

சம்திங்.... சம்திங்....

Recommended Posts

பாசமலர் டைப்பில் அண்ணன் + தங்கச்சி, தங்கச்சி ரொம்ப அழகு, ஸ்மார்ட்டான பாரின் ரிட்டர்ன் பையன், ஒரு கிராமத்து வில்லன், ஒரு பேராசைக்கார பணக்கார வில்லன், அந்த வில்லனுக்கு ஒரு பொறாமைக்கார பொண்ணு, காதல், பாசம், சுயமரியாதை, கலாச்சாரம், மண், விவசாயம், இளமை, இசை, நடனம்..... போதாதா ஒரு வெற்றிகரமான மசாலா படம் எடுப்பதற்கு?

கலைஞரின் கேளிக்கை வரி சலுகையில் முதன் முதலாக தன் ஆங்கில டைட்டிலை இழந்து சலுகை பெற்றிருக்கும் படம் "உனக்கும், எனக்கும்".... சம்திங்... சம்திங்... இருந்திருந்தாலும் ரொம்பப் பொருத்தமாகத் தான் இருந்திருக்கும்.... இருந்தாலும் வரிச்சலுகைக்காக நீக்கியிருக்கிறார்கள்....

தன் அத்தை மகளின் திருமணத்துக்காக தமிழ்நாட்டுக்கு வருகிறார் லண்டன் வாழ் கதாநாயகன்.... திருமணத்துக்கு வந்தவர் அங்கே இருக்கும் ஒரு கிராமத்துப் பைங்கிளியிடம் மனதை பறிகொடுக்கிறார்..... அண்ணலும் நோக்க, அவளும் நோக்க.... சம்திங்.... சம்திங்....

காதலுக்கு வழக்கம்போல அந்தஸ்தும் ஒரு பிரச்சினை.... வேறு ஒரு பணக்காரர் ஒருவரும் தன் மகளுக்கு பாரின் ரிடர்ன் மாப்பிள்ளையை பிராக்கெட் போட நினைக்க.... கிராமத்துப் பிகரின் ஊரிலும் ஒரு வில்லன் அவளை அடைய நினைக்க.... இடையில் பிகரின் அண்னனும் தனக்கு வரப்போகும் மாப்பிள்ளை மண்ணின் பாரம்பரியத்தை உணர்ந்திருக்க வேண்டும் என பிகு பண்ண.... எல்லாம் முடிந்து சுபம்....

ஹீரோ ஜெயம் ரவிக்கு ரொம்ப நாள் கழித்து ஒரு வெற்றிப் படம்.... இவர் ஏனோ இவர் அண்ணனின் இயக்கத்தில் தான் நன்றாக ஜொலிக்கிறார்.... நடனம், ஆக்சன் என்று தூள்பரத்துகிறார்.... மெலிதான நகைச்சுவையும் இவருக்குப் பலம்.... ஹீரோயினாக த்ரிஷா.... பாவாடைத் தாவணியில் பாங்காக இருக்கும் ஒரே தமிழ் நடிகை இப்போதைக்கு இவர் தான்.... தைரியமாக முகத்துக்கு குளோஷப் ஷாட் வைக்க முடிகிறது.... நன்றாக நடிக்கவும் செய்கிறார்....

நிறைய நட்சத்திரப் பட்டாளம் இருந்தாலும் அசால்ட்டாக படத்தில் கோல் அடிப்பது பிரபுவும், பாக்யராஜும் தான்.... குறிப்பாக பிரபு.... அழகாகியிருக்கிறார்.... சின்னத்தம்பி படத்தில் பார்த்ததுபோல இருக்கிறது இந்தப் படத்தில் அவரது தோற்றம்.... இந்த ஜெனரேஷன் நடிகர்கள் அவரிடம் வசன உச்சரிப்பு கற்றுக் கொண்டால் தேவலை.... தங்கை மீது காட்டும் அதீத பாசமாகட்டும், தங்கையை அவமானப்படுத்தும் போது தன் கோபத்தை அடக்கிக் கொள்வதிலாகட்டும் அசத்துகிறார் இளையதிலகம்.... பாக்யராஜூக்கும் செகண்ட் இன்னிங்க்ஸ் அமர்க்களமாகவே இருக்கிறது.... அவர் நடித்த காட்சிகள் வரைக்கும் அவரே இயக்கிக் கொண்டாரோ என்னவோ? செம கலக்கல்......

படத்துக்கு பெரிய பலம் பாடல்கள்.... தேனாக தித்திக்கிறது.... இசை தேவிஸ்ரீபிரசாத்....

இயக்குனர் ராஜா ரொம்பவும் புத்திசாலி.... காட்சிகளை ஜெட் வேகத்தில் நகர்த்திப் போகிறார்.... குறிப்பாக Translition எனப்படும் ஒரு காட்சிக்கும், இன்னொரு காட்சிக்கும் இடைப்பட்ட பிரேம்களை உருவாக்க இயக்குனரும், எடிட்டரும் ரொம்பவும் மெனக்கெட்டிருக்கிறார்கள்.... உதாரணமாக பாரின் அப்பா லண்டனில் இருந்து கிளம்பும்போது பிளைட் வானத்தில் பறக்கிறது.... வானத்தை அப்படியே காட்டுபவர்கள் ஒரு தும்பியையும் காட்டுகிறார்கள்.... அதாவது பாரினில் இருந்து கிராமத்துக்கு வந்து விட்டாராம்.... இதுபோல Technically Sound காட்சிகள் ஏராளம்.....

திரிஷா ஹீரோவை லண்டன் குரங்கு எனச் சொல்லும் காட்சியில் ஆரம்பித்து அதே ஷாட்டில் மணிவண்னன் மற்றும் அவரது குடும்பமும் அறிமுகமாகும் காட்சியை மிக நீண்ட டேக்காக எடுத்திருக்கிறார் இயக்குனர்..... ஏதாவது ஒரு ஆர்ட்டிஸ்ட் டைமிங் மிஸ் செய்தாலே ஏராளமான பிலிம் வேஸ்ட் ஆகும் ரிஸ்க் இருந்தும் மிகச் சிறப்பாக அந்தக் காட்சியை இயக்கியிருக்கிறார்.... இசையும், கேமிராவும் அந்தக் காட்சிக்கு துணை செய்கிறது....

வானில் இருக்கும் இரு நட்சத்திரங்களைக் காட்டி ஒரு நட்சத்திரம் நான், இன்னொன்று என் தங்கை என்று பிரபு சொல்வது ரொம்பவும் ஜாலியான கற்பனை... இரு நட்சத்திரங்களுக்கு இடையில் மூன்றாவது நட்சத்திரம் தோன்றுவது சூப்பர்.....

ஒரு அரைச்ச மாவு கதை தான் என்றாலும் விறுவிறுப்பான திரைக்கதை மற்றும் பாடல்கள் மூலம் வெற்றி பெற்றிருக்கிறார் ராஜா.....

(http://madippakkam.blogspot.com)

Share this post


Link to post
Share on other sites

ம்ம்ம் நல்ல விமர்சனம்....! பாக்கியராஜ் ஏதோ கஸ்ரப்பட்டு உச்சரிப்பது போண்ற ஒரு தோற்றத்தை உண்டு பண்ணி இருக்கிறார்கள்.... லண்டன் ஆங்கிலத்தில் தவள்ந்து தமிழிக்காக கஸ்ரப்படும் ஒருவர் என்பதுக்காகவா என்பதில் சந்தேகம் இருக்கிறது...!

தொலைக்காட்ச்சி ஒண்றில் பார்த்த விளம்பர படத்தை வைத்து சொன்னதுதான் அது படம் இன்னும் பார்க்க வில்லை... பார்க்கவேண்டும் என தூண்டி இருக்கின்றது விமர்சனம்...!

Share this post


Link to post
Share on other sites

காதலுக்காக கதாநாயகன் படும் கஸ்டம் சொல்லில் அடங்காது. நல்ல படம். :P த்ரிஷா ரொம்ப அழகா இருந்தா :P :P :P :P :P

Share this post


Link to post
Share on other sites

ம்ம்ம் நல்ல விமர்சனம்....! பாக்கியராஜ் ஏதோ கஸ்ரப்பட்டு உச்சரிப்பது போண்ற ஒரு தோற்றத்தை உண்டு பண்ணி இருக்கிறார்கள்.... லண்டன் ஆங்கிலத்தில் தவள்ந்து தமிழிக்காக கஸ்ரப்படும் ஒருவர் என்பதுக்காகவா என்பதில் சந்தேகம் இருக்கிறது...!

உண்மையைச் சொல்ல வேண்டுமானால் அவருக்கு வயதாகி விட்டது.... பேசும் போது வாய் கொஞ்சம் இழுத்துக் கொண்டு போகிறது....

சமீபத்தைய அவரது தேர்தல் கூட்டங்களை நேரில் பார்த்தேன்.... பத்து நிமிடம் பேசினாலே அவருக்கு மூச்சிறைக்கிறது.....

Share this post


Link to post
Share on other sites

லக்கிலுக் உங்கள் விமர்சனம் நன்றாக இருக்கிறது. படம் பார்க்கும் ஆவலைத்தூண்டுகிறது. பார்த்துட்டு மிச்சம் சொல்லுறன் ;)

Share this post


Link to post
Share on other sites

பாடல்கள் நானும் கேட்டேன்..நல்லா இருக்கு...ம்ம்...உங்க விமர்சனமும் நல்லா இருக்கு...

Share this post


Link to post
Share on other sites

நான் படம் பார்த்தேன். ஒன்டரை மணத்தியாலத்தில் பார்த்து முடித்து விட்டேன் என்றே சொல்லலாம்.

இதே போன்ற கதைகள் ஆயிரம் வந்து விட்டன. திரிசாவுக்காக இன்னும் ஒருக்கா பாக்கலாம் :lol:

Share this post


Link to post
Share on other sites

சீரியல் பார்க்கும் பெண்களுக்காக எடுத்த படம் போல் தெரிகிறது.

திருப்பாச்சி சாயல் அடிக்கிறது.

Share this post


Link to post
Share on other sites

பிரபுவும் திரிசாவும் சந்திக்கும் போது ஒரே அழுகைக் காட்சி!

Share this post


Link to post
Share on other sites

உண்மையைச் சொல்ல வேண்டுமானால் அவருக்கு வயதாகி விட்டது.... பேசும் போது வாய் கொஞ்சம் இழுத்துக் கொண்டு போகிறது....

சமீபத்தைய அவரது தேர்தல் கூட்டங்களை நேரில் பார்த்தேன்.... பத்து நிமிடம் பேசினாலே அவருக்கு மூச்சிறைக்கிறது.....

சரி உங்களை நம்பி அந்த படத்தை பார்க்கலாம் எண்டு முடிவு எடுத்து இருக்கிறன்.... ஏதாவது ஏடாகூடமா ஆச்சு....!

வேற என்ன செய்ய இன்னிமே நம்ப மாட்டன்... :wink:

Share this post


Link to post
Share on other sites

யோவ்.. இண்டைக்குத்தான் லக்கிலுக்கு நல்லதெண்டு சொன்னதாலை பாரிஜாதம் இரவல் வாங்கிக்கொண்டு வந்திருக்கிறன்.. அதுக்கிடையிலை உனக்கும் எனக்குமெண்டு அறுக்கிறியள்.. முதல் இது பாத்து முடியட்டும்.. பிறகு புலிகேசி.. ரெண்டும் நல்லதெண்டாத்தான் சம்திங்..சம்திங்

:P

Share this post


Link to post
Share on other sites

தம்பி மதிவதனன் அண்ணனின்ற படத்தை எப்பவுமே நம்பி பாக்கலாம். நானும் என்ர அண்ணன் உக்கிரபுத்திரனும் புலிகேசில புகுந்து விளையாடி இருக்கிறம். ஆற அமர இருந்து பாரும்.

Share this post


Link to post
Share on other sites

இயக்குனர் ராஜா ரொம்பவும் புத்திசாலி.... காட்சிகளை ஜெட் வேகத்தில் நகர்த்திப் போகிறார்.... குறிப்பாக Translition எனப்படும் ஒரு காட்சிக்கும், இன்னொரு காட்சிக்கும் இடைப்பட்ட பிரேம்களை உருவாக்க இயக்குனரும், எடிட்டரும் ரொம்பவும் மெனக்கெட்டிருக்கிறார்கள்.... உதாரணமாக பாரின் அப்பா லண்டனில் இருந்து கிளம்பும்போது பிளைட் வானத்தில் பறக்கிறது.... வானத்தை அப்படியே காட்டுபவர்கள் ஒரு தும்பியையும் காட்டுகிறார்கள்.... அதாவது பாரினில் இருந்து கிராமத்துக்கு வந்து விட்டாராம்.... இதுபோல Technically Sound காட்சிகள் ஏராளம்.....

விமர்சனத்துக்கு நன்றி லக்கிலூக்..படம் அப்படியே

தெலுங்கை (Nuvvostanante Nenoddantana) கொப்பி பண்ணி

வந்திருக்கிறது.. நீங்கள் குறிப்பிட்ட தும்பி காட்சி, நட்சத்திர கதை கூட

தெலுங்கு படத்தில் வருகிறது..... ஆகவே உங்கள் பாராட்டெல்லாம்

இந்தப் படத்தின் அசலை இயக்கிய பிரபுதேவாவையும்

எடிட்டரையும் சாரும்.. :wink:

படத்தை அப்படியே கொப்பி பண்ணுவதில் இயக்குனர் ராஜா

திறமைசாலிதான்..:P

Share this post


Link to post
Share on other sites

வசிசுதா இன்று ஓர் படங்களினை வாடகைக்கு விடும் இடத்தில் இத் தெலுங்குப் படத்தின் டீவீடி வைத்திருந்தார்கள். அதன் கதையும் சம்திங் சம்திங் திரைப்படத்தின் கதையும் ஒன்றாக இருக்க அப்படத்தை வாங்கி வந்திருக்கிறன். இனித்தான் படம் பாக்கணும்.

Share this post


Link to post
Share on other sites

சிறிது கூட மாற்றமின்றி அப்பட்டமான தழுவல். :lol::lol:

NUVVOSTHANANTE NENODDANTANA

16/09/2005

Director: Prabhudeva

Cast: Abhishek, Chandra Mohan, Dharmavarapu Subramanyam, Gundu Hanmantha Rao, Jayaprakash Reddy, Master Nandu, Narra Venkateswara Rao, Pavala Syamala, Santoshini, Siddartha, Srihari, Trisha, Veda

Reviewer: http://www.sterkinekor.co.za

Rating:

200509160125570.NUVVOSTHANANTE.jpg

Siri (Trisha) and Sivarama Krishna (Srihari) are orphans. Their rich father leaves their mother for another woman. And so their mother dies in distress. With this kind of troubled childhood, Sivarama Krishna (Srihari) takes care of his little sister Siri and makes sure that she gets all the brotherly love she needs. Sivarama Krishna also starts to hate rich people and he wants to make sure that Siri is wed to a poor and hardworking man.

Santosh (Siddardh) is London-settled NRI who lives with his elite parents. He along with his mother visits India to attend a relative's wedding. There he meets Siri, who is a pole apart when it comes to upbringing and family background. The inevitable happens and they fall in love. Santosh's mother who does not approve of this, tries to separate Siddardh from Siri.

Santosh visits Siri's place and asks the permission of Sivarama Krishna for her hand in marriage. Sivarama Krishna refuses his proposal because he does not want his sister to suffer in the environment of money-minded people. Santosh asks Sivarama Krishna to give a chance to prove himself. Sivarama Krishna asks Santosh to work as a labourer in his farm. He also gives 1 acre of land and asks him to harvest more produce than him. The rest of the story is all about how Santosh wins the bet as well as the heart of Sivarama Krishna.

Overview and image: http://www.sterkinekor.co.za

source: http://www.dulce.co.za/moviereview.php?movieid=111

Share this post


Link to post
Share on other sites

படம் தெலுங்கு ரீமேக் தான்.... ஆனால் காட்சிகளைக் கூட அப்பட்டமாகத் தழுவியிருப்பார்கள் என்று நான் எதிர்பார்க்கவில்லை.... எப்படியோ ஜெயம் ரவிக்கு ஒரு ஹிட் தேவைப்பட்டது.... அது இப்போது கிடைத்து விட்டது....

Share this post


Link to post
Share on other sites

நானும் தெழுங்குப்படத்தினை ஓளிப்பேழையில் பார்த்தனான்.பிறகு அண்மையில் தமிழில் இப்படத்தினைப்பார்த்தேன்.

வசிசுதா சொல்வது போல தமிழில் அப்படியே தெழுங்கில் உள்ளதினை கொப்பி அடித்துள்ளார்கள். கலாபவன் மணியின் நகைச்சுவை சிரிப்பினை மூட்டுகிறது. தூயவனின் மன்னிக்கவேண்டும் ஜெயம் ரவியின் நடிப்பு நன்றாக இருக்கிறது. சிட்னியில் திரையிட்டபோது படத்தின் பெயரில் சம்திங், சம்திங் என்ற வரிகள் நீக்கப்படாமல் இருந்தது.

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • கூட்டமைப்பே இந்தியாவின் கைப்பொம்மையாக உள்ளது இதற்குள் இந்தியாவை புறந்தள்ளுதல் என்பது எப்படி நடக்கும்? 😀 நான் இன்னொரு திரியில் எழுதியிருந்தேன், கூட்டமைப்பு சீனாவுடன் பேச்சு வார்த்தைகளை வைத்துக்கொண்டால் இந்தியா தமிழர்களுக்கு முக்கியத்துவம் கொடுத்து பேச முன்வரலாம் என்று. சீனாவும் எம்மை அழித்த நாடு தான்.
    • அண்ணா , ஜ‌ரோப்பாவில் இருக்கும் குட்டி நாடுக‌ள் அபிவிருத்து அடைஞ்சு முன்னேறிட்டு போராங்க‌ள் ,  இந்தியா என்ன‌த்தில் முன்னோரி இருக்கு என்று நீங்க‌ள் தான் என‌க்கு விள‌க்கி சொல்ல‌னும் , இந்தியாவின் காசின் வீழ்ச்சி அடையுது , அதோடு அந்த‌ நாட்டு ம‌க்க‌ளின் நிலையை பாருங்கோ நாட்டையும் பாருங்கோ , இந்தியா த‌லைந‌க‌ர‌மான‌ டெல்லி ஒரு குப்பை கூடார‌ம் அதோடு டெல்லியில் இப்ப‌வும் ம‌க்க‌ள் குடிசை வீட்டில் வாழ்கிறார்க‌ள் / அணுகுண்டு வைச்சு இருப்ப‌து பெருமை இல்லை , பெருத்த‌ ஆவ‌த்து , சுத‌ந்திர‌ம் கிடைச்சு 70 வ‌ருட‌ம் தாண்டி விட்ட‌து , கோயில் வாச‌லில் பிச்சை எடுக்கின‌ம் ம‌க்க‌ள் ,ஒட்டு மொத்த‌ இந்திய‌ர்க‌ள் மூன்று நேர‌ சாப்பாடு சாப்பிடின‌மா இல்லை , எத்த‌னையோ கோடி இந்திய‌ ம‌க்க‌ள் இர‌வு நேர‌ உண‌வு இல்லாம‌ தூங்க‌ போகின‌ம் , இந்தியா நாட்டை ஆள்ப‌வ‌ர்க‌ளின் ந‌ரி த‌ன‌ம் இருக்கும் வ‌ர‌ நாடும் முன்னேராது ம‌க்க‌ளும் ந‌ல்ல‌ நிலைக்கு வ‌ர‌ மாட்டின‌ம் / உல‌கிலையே ஓட்டுக்கு காசு குடுத்து ஓட்டை ம‌க்க‌ளிட‌த்தில் இருந்து வாங்கி , நாட்டை நாச‌ம் செய்யும் அர‌சிய‌ல் வாதிக‌ள் ப‌ல‌ர் இந்தியாவில் /  சைனா ம‌க்க‌ளோடு இந்திய‌ ம‌க்க‌ளை ஒப்பிட்டு பார்த்தா , இந்திய‌ ம‌க்க‌ளுக்கு அறிவு க‌ம்பி /  இன்னும் எழுத‌ நிறைய‌ இருக்கு , நீங்க‌ள் நான் எழுதின‌துக்கு ப‌தில் அளியுங்கோ உங்க‌ளின் ப‌திவுக்கு நான் ப‌தில் அளிக்கிறேன் அண்ணா 
    • உங்களுக்கெல்லாம் ரெம்ப வயதாகி விட்டது என்று நினைக்கிறன். விசில் சத்தமும் கூச்சலும் இல்லாமல் பார்க்கிற படம் உப்பில்லாத கஞ்சி மாதிரி. (திரையை கிழிப்பதெல்லாம் ஓவர்தான்). வரிசையில் நீந்தி நெளிஞ்சு போய் டிக்கட் எடுத்து கிழிஞ்ச சேர்ட்டுடன் கலரிக்குள் போய் நின்று கொண்டு பஸ்ட் கிளாஸையும், பால்கனியையும் ஒரு பூச்சியை பார்ப்பதுபோல் பார்த்து விட்டு திரும்பும் கம்பீரம்......எல்லாம் இங்கே கிடைப்பதில்லை என்பது எனக்கு மனவருத்தம்தான்......!   😥
    • எங்கள் கைகளில் எதுவுமிருந்தால்தான் இந்தியாவைக்கண்டு பயப்படுவினம்  பயப்படவேண்டும் அவர்களிடமிருந்து நாம் எதுவுமே பெற்றதுமில்லை இனிமேல் பெற்றுக்கொள்ளப்போவதுமில்லை . எம்மை இன்னமும் அழிவுக்குக்த்தான் கைகோர்த்து அழைத்துச்செல்வார்கள் அது இன்னுமொரு முள்ளிவாய்க்காலைவிட மிகவும் மோசமாக இருக்கும்.  சுமந்திரன் சம்பந்தன் தாங்கிப்பிடித்த மைத்திரி கூட்டம்தான் இப்போ சவேந்திரசில்வாவை தளபதியாக்கியிருக்கு. இங்கு கருத்தெழுதும் அனைவரும் ஏந்தான் இந்தியாவைக்கண்டு பயப்படுகிறியள் எனத் தெரியவில்லை. அட எங்கள் கைகளில் இழப்பதற்கு எதுவுமில்லை நாம் ஏன் பயப்பட வேண்டும், ஆரம்பத்திலிருந்து ஒரு புதிய சித்தாந்தத்துடன் எமது அரசியலை முன்னெடுத்துச்செல்லவேண்டும் அதில் இந்தியாவைப் புறந்தள்ளுதல் என்பதும் உள்ளடக்கப்படல்வேண்டும். அனைத்துத் தளங்களிலும் மேற்கூறிய விடையத்தை விவாதப்பொருளாக்கவேண்டும்.
    • நாட்டின் அனைத்து வைத்தியசாலைகளும் ஸ்தம்பிதம் – மக்கள் அவதி! பல்வேறு கோரிக்கைகளை முன்வைத்து அரச வைத்திய அதிகாரிகள் சங்கம் நாடளாவிய ரீதியில் ஒருநாள் அடையாள பணிப்பகிஷ்கரிப்பு போராட்டத்தில் ஈடுபட்டுள்ளனர். அரச வைத்தியசாலைகளில் நிலவும் பாரிய மருந்து தட்டுப்பாடு மற்றும் தரம் குறைந்த மருந்துகள் வழங்கப்படுகின்றமை உள்ளிட்ட 8 கோரிக்கைகளை முன்வைத்தே இன்று (வியாழக்கிழமை) அவர்கள் பணிப்பகிஷ்கரிப்பில் ஈடுபட்டு வருகின்றனர். இதன்காரணமாக கொழும்பு, வடக்கு, கிழக்கு, மலையகம் என அனைத்து பகுதிகளிலும் மக்கள் பல்வேறு அசௌகரியங்களை எதிர்கொண்டுள்ளதாக எமது பிராந்திய செய்தியாளர்கள் தெரிவித்தனர். அதற்கமைய மன்னார் மாவட்ட பொது வைத்தியசாலை மற்றும் மன்னாரில் உள்ள ஏனைய அரச வைத்தியசாலைகளில் கடமையாற்றுகின்ற வைத்தியர்களின் பணிப்பகிஷ்கரிப்பு காரணமாக மக்கள் பெரிதும் பாதிக்கப்பட்டுள்ளனர். இதனால் வைத்தியசாலையின் வெளி நோயாளர் பிரிவுகளில் எவ்வித பணிகளும் இடம்பெறவில்லை. தூர இடங்களில் இருந்து சிகிச்சை பெற்றுக்கொள்ள வந்த மக்கள் திரும்பி செல்ல நேரிட்டதாக எமது பிராந்திய செய்தியாளர் தெரிவித்தார். எனினும் அவசர சிகிச்சைப் பிரிவுகளின் செயற்பாடுகள் வழமைபோல் இடம்பெற்று வருவதாகவும் அவர் மேலும் தெரிவித்தார். இதேபோல் வவுனியாவிலும் வைத்தியர்கள் பணிப்பகிஷ்கரிப்பு போராட்டத்தை ஆரம்பித்துள்ளனர். இருப்பினும் அவசர சிகிச்சைப் பிரிவுகளின் செயற்பாடுகள் மாத்திரம் இயங்குவதாக எமது பிராந்திய செய்தியாளர் தெரிவித்தார். இவர்களின் பணிப்பகிஷ்கரிப்பு போராட்டத்தினால் நோயாளிகள் பெரும் இன்னல்களை எதிர்நோக்கி வருவதாகவும் தூர இடத்திலிருந்து பெரும் சிரமத்திற்கு மத்தியில் வந்த நோயாளர்கள் அசௌகரியங்களுக்கு உள்ளாகியுள்ளதாகவும் எமது பிராந்திய செய்தியாளர் தெரிவித்தார். அதேபோல அரச வைத்திய அதிகாரிகள் சங்கத்தின் பணிப்பகிஷ்கரிப்பு காரணமாக மலையக மக்களும் பெரும் அசௌகரியங்களை எதிர்நோக்கியுள்ளனர். நுவரெலியா மாவட்டத்தில் உள்ள அனைத்து வைத்தியசாலைகளின் வைத்தியர்களும் பணிப்பகிஷ்கரிப்பில் ஈடுபட்டுள்ளனர். இதன் காரணமாக குழந்தையுடன் வந்த தாய்மார்கள் மற்றும் முதியவர்கள், சிறுவர்கள் என அனைவரும் பாதிக்கப்பட்டுள்ளதாக எமது பிராந்திய செய்தியாளர் தெரிவித்தார். அத்தோடு, ஹட்டன் டிக்கோயா ஆதார வைத்தியசாலையில் சிகிச்சைக்கென வருகை தந்த நோயாளர்கள் திருப்பி அனுப்பப்பட்டதால், வைத்தியசாலையின் தாதிமார்களுக்கும் நோயாளர்களுக்கும் இடையில் வாக்குவாதம் இடம்பெற்றதாகவும் அவர் மேலும் தெரிவித்தார். எனினும் சில வைத்தியசாலைகளில் மாத்திரம் வைத்திய சேவைகள் தாதிமார்களால் முன்னெடுக்கப்பட்டதாகவும் அவர் மேலும் குறிப்பிட்டார். http://athavannews.com/நாட்டின்-அனைத்து-வைத்திய/