• ×   Pasted as rich text.   Paste as plain text instead

      Only 75 emoji are allowed.

    ×   Your link has been automatically embedded.   Display as a link instead

    ×   Your previous content has been restored.   Clear editor

    ×   You cannot paste images directly. Upload or insert images from URL.

  • Topics

  • Posts

    • 2023 ஆம் ஆண்டு உலகக் கிண்ணம் வரை எனது ஆட்டம் தொடரும் - மெத்தியூஸ் Published by J Anojan on 2019-11-22 15:01:25   எதிர்வரும் 2023 ஆம் ஆண்டு இடம்பெறவுள்ள சர்வதேச ஒருநாளக் உலகக் கிண்ணத் தொடர்வரை விளையாடுவதே எனது குறிக்கோள் என இலங்கை அணியின் முன்னாள் தலைவர் அஞ்சலோ மெத்தியூஸ் தெரிவித்துள்ளதுடன், அதுவரை சிறப்பாக விளையாடுவதற்கு நான் எனது உடற் தகுதியை பேண வேண்டும் என்றும் அவர் குறிப்பிட்டுள்ளார். தற்போதைய இலங்கை டெஸ்ட் அணியில் மிக வயதான (32) வீரர் அஞ்சலோ மெத்தியூஸ், கடந்த 2008 ஆம் ஆண்டு சர்வதேச கிரிக்கெட் உலகில் அறிமுகமான அவர், அன்றிலிருந்து இலங்கை அணியின் அதிக வெற்றிகளுக்கு பங்களிப்பு செய்தவர்.  துடுப்பாட்டம் மற்றும் பந்து வீச்சில் இரண்டிலும் சிறந்து விளங்கிய மெத்தியூஸ் எந்தவொரு போட்டியையும் மாற்றும் திறன் கொண்டவர்.  எனினும் காலில் ஏற்பட்ட உபாதை காரணமாக பந்து வீச்சிலிருந்து விலகியிருந்தாலும் ஒரு துடுப்பாட்ட வீரராக தனது பங்களிப்பை மெத்தயூஸ் வழங்கி வருகிறார். தேசிய அணிக்காக விளையாடும் காலத்தில் ஒரு துடுப்பாட்ட வீரராக அவர் பெற்ற சாதனைகள் மகத்தானவை. டெஸ்ட் அரங்கில் அவரது இன்னிங்ஸ் சராசரி 44.41, ஒருநாள் அரங்கில் அவரது இன்னிங்ஸ் சராசரி 42.7 மற்றும் இருபதுக்கு - 20 அரங்கில் அரவது இன்ன்ங்ஸ் சராசரி 27.1 ஆகும். நியூசிலாந்திற்கு எதிராக கடந்த ஆகஸ்டம் மாதம் இடம்பெற்ற இரண்டு போட்டிகளை தொடர்ந்து மெத்தியூஸ் ஓய்வு பெற்று வருகிறார். இந் நிலையில் அவரது ஓய்வு நேரத்தில் எவ்வாறு காலத்தை கழித்தார் என்பது தொடர்பில் இலங்கை கிரிக்கெட் நிறுவனம் அவரிடம் மேற்கொண்ட விசேட செவ்வியின்போதே அவர் மேற்கண்டவாறு கூறியுள்ளார். சுமார் இரண்டரை மாதங்களுக்கு எனக்கு இடைவெளி கிடைத்தது. நான் உடல் ரீதியாக ஆரோக்கியமாக இருக்க அந்த ஓய்வை பயன்படுத்தினேன். நான் துடுப்பாட்டம் மற்றும் பந்துவீச்சிலும் கடுமையாக உழைத்தேன். நியூசிலாந்து சுற்றுப்பயணத்திற்குப் பிறகு மீண்டும் பந்துவீச்ச தொடங்கியுள்ளதுடன், அதனால் கடந்த இரண்டரை மாதங்களாக நான் பந்துவீச்சு பயிற்சி செய்து வருகிறேன். அத்துடன் நான் நீண்ட காலமாக போட்டிகளில் விளையாட வரவில்லை. ஆனால் நான் பாகிஸ்தான் போட்டிக்கு நன்கு தயாராக இருக்கிறேன். இந்த போட்டிக்கான நாங்கள் (இலங்கை அணி) இதுவரை ஒன்றாக பயிற்சி தொடங்கவில்லை. ஆனால் எல்லோரும் தங்கள் சொந்த பயிற்சியில் ஈடுபட்டு வருகிறோம். 2009 இல் நடந்த பயங்கர பயங்கரவாத தாக்குதல்களுக்குப் பிறகு நாங்கள் பாகிஸ்தானுக்குச் செல்கிறோம். இந் நிலையில் எங்கள் ஒருநாள் மற்றும் டி - 20 அணிகள் பாகிஸ்தானுக்கு விஜயம் செய்தன.  இதேவேளை டெஸ்ட் அணி சுமார் 10 ஆண்டுகளில் பாகிஸ்தானுக்கு புறப்படவுள்ளது. ஆகையினால் தனிப்பட்ட முறையில், நான் சுற்றுப் பயணத்திற்கு நன்கு தயாராக இருக்கிறேன். பாகிஸ்தானுடான டெஸ்ட் சுற்றுப் பயணத்தை தொடர்ந்து எங்களுக்கு அதிகளவான தொடர்கள் உள்ளன. ஆகவ‍ே அதற்கு தயாராக வேண்டும்.  அதேநேரம் பந்து வீச்சுப் பயிற்சியில் தற்போது ஈடுபடும் நான் இருபதுக்கு - 20 கிரிக்கெட் போட்டிகளில் மாத்திரம் பந்துப் பரிமாற்றம் மேற்கொள்ள தீர்மானித்துள்ளதாகவும் இதன்போது கூறினார். https://www.virakesari.lk/article/69493
    • ஜனாதிபதித் தேர்தல் தோல்விக்கு நானோ அல்லது கட்சித் தலைமையகக் கட்டமைப்போ பொறுப்புக்கூற முடியாது. தேர்தல் பிரசாரப் பணிகளுக்காக உரிய ஒத்தழைப்பு வழங்கப்படவில்லை என்ற குற்றச்சாட்டை முற்றாக நிராகரிக்கின்றேன். தேர்தலின் போது வடக்கு – கிழக்கு மாகாண பிரசாரப்பணியை நான் பொறுப்பேற்றுக் கொண்டதுடன், அம்மாகாணங்களில் உயர்ந்த வாக்குவீதத்தைப் பெற்றுக்கொடுப்பதற்கு என்னால் முடிந்திருக்கிறது என்று ஐக்கிய தேசியக் கட்சியின் தலைவர் ரணில் விக்கிரமசிங்க தெரிவித்துள்ளார். அத்தோடு ஐக்கிய தேசியக் கட்சிக்குக் காணப்பட்ட சிங்கள பௌத்த அடிப்படை இல்லாமல் போனமை தோல்வியில் தாக்கம் செலுத்தியிருப்பதாகவும், சரியான பௌத்த கொள்கையொன்றை ஏற்படுத்திக் கொள்வதன் ஊடாகவே முன்நோக்கிப் பயணிக்க முடியும் என்றும் அவர் குறிப்பிட்டிருக்கிறார். ஐக்கிய தேசியக் கட்சியின் தலைவர் ரணில் விக்கிரமசிங்க கட்சித் தலையகமான சிறிகொத்தாவில் பணியாற்றும் அதிகாரிகள் மற்றும் ஊழியர்களை இன்று சந்தித்தார். அதனைத் தொடர்ந்து ஊடங்களுக்குக் கருத்து வெளியிட்ட அவர் மேலும் கூறியதாவது: எமது தரப்பின் ஜனாதிபதி வேட்பாளராக சஜித் பிரேமதாஸவை நான் பரிந்துரைத்தேன். ஜனாதிபதித் தேர்தல் பிரசாரத்தின் போது, அதற்குரிய பணிகளை கட்சித் தலைமையகமான சிறிகொத்தாவும், அதனைச் சார்ந்த கட்டமைப்பும் சரிவர மேற்கொண்டது என்பதை என்னால் உறுதியாகக் கூறமுடியும். பிரசாரப் பணிகளுக்கான ஒத்துழைப்புக்களை வழங்கவில்லை என்று முன்வைக்கப்படும் குற்றச்சாட்டுக்களை நான் முற்றாக நிராகரிக்கின்றேன். அதற்கு நானோ அல்லது கட்சித்தலைமையகக் கட்டமைப்போ பொறுப்பல்ல. நாம் எமது அமைச்சர்கள், பாராளுமன்ற உறுப்பினர்கள், கட்சியின் அதிகாரிகள் உள்ளிட்ட அனைவருக்கும் ஒவ்வொரு பொறுப்புக்களை வழங்கினோம். அதனடிப்படையில் நான் வடக்கு மற்றும் கிழக்கு மாகாணத்திற்கான தேர்தல் பிரசாரப் பணியைப் பொறுப்பேற்றுக் கொண்டேன். அதற்கமைய அம்மாகாணங்களில் எமக்குச் சார்பான வாக்குவீதத்தை அதிகரித்துக் கொள்வதற்கு என்னால் முடிந்திருக்கிறது. ஆனால் துரதிஷ்டவசமாக தெற்கில் எமக்கான வாக்குகளில் வீழ்ச்சி ஏற்பட்டது. அது ஜனாதிபதித் தேர்தல் தோல்விக்குக் காரணமாக அமைந்தது. சில மாவட்டங்களை எம்மால் வெற்றிகொள்ள முடிந்தபோதிலும் கூட, தேசிய ரீதியாக நோக்கும்போது நாம் தோல்வியடைய நேர்ந்தது. கடந்த காலத்தில் ஜனநாயகத்தை வலுப்படுத்தியமை, பாரியளவான அபிவிருத்தி செயற்திட்டங்களை முன்னெடுத்தமை, சட்டம் மற்றும் ஒழுங்கை ஏற்படுத்தியமை, சமுதாய சேவைகளை மேம்படுத்தியமை ஆகியவற்றின் மூலம் நாம் எதிர்பார்த்த பிரதிபலிப்பைப் பெற்றுக்கொள்ள முடியவில்லை. ஆனால் அவற்றை விடவும் எமது கட்சிக்குக் காணப்பட்ட சிங்கள பௌத்த அடிப்படை இல்லாமல் போனமை தொடர்பில் முக்கிய அவதானம் செலுப்பட வேண்டும். இதற்கு முன்னர் இத்தகைய நிலையேற்பட்டதில்லை. எனவே இதுகுறித்து விசேடமாக ஆராய்ந்து பார்க்கப்பட வேண்டும். இத்தருணத்தில் ஒருவர் மீதொருவர் குற்றஞ்சாட்டுவதன் மூலமும், கை நீட்டுவதன் மூலமும் இதற்குத் தீர்வு கண்டுகொள்ள முடியாது. மாறாக சரியான பௌத்த கொள்கையொன்றை ஏற்படுத்திக்கொள்ள வேண்டும். இதற்கு மாநாயக்க தேரர்களினதும் ஆசியைப் பெற்றுக்கொள்வதுடன், புதியதொரு ஐக்கிய தேசியக் கட்சி என்ற அடிப்படையில் முன்நோக்கிப் பயணிப்போம். இந்நிலையில் எதிர்காலம் தொடர்பில் தீர்மானத்தை மேற்கொள்ளும் அதேவேளை, ஜனாதிபதித் தேர்தல் முடிவுகள் குறித்து ஆராய்வொன்றையும் மேற்கொள்ள வேண்டும். அதனூடாகவே எம்மால் முன்நோக்கிச் செல்லமுடியும். அத்தோடு கட்சியின் தலைவர்கள் எவரும் பிரசாரத்திற்கான நிதிமூலம் தொடர்பான பொறுப்பை ஏற்றுக்கொள்ளவில்லை. எனவே அதுகுறித்த குற்றச்சாட்டுக்களையும் நிராகரிக்கின்றேன். ஆகவே கட்சி என்ற வகையில் குற்றச்சாட்டுக்கள் பற்றி ஆராய்ந்து, அவை உண்மைக்குப் புறம்பானவையாக இருப்பின் கடுமையான நடவடிக்கை எடுக்க வேண்டியேற்பட்டுள்ளது. மேலும் இத்தருணத்தில் கட்சியின் எதிர்காலம் குறித்து சிந்திப்பதுடன், புதிய தலைவர்களையும் நியமிக்க வேண்டியுள்ளது. தேர்தல் முடிவுகள் பற்றிய ஆராய்வின் ஊடாக புதிய கொள்கைகளை அவர்கள் முன்வைக்கவேண்டும். அதனூடாக எவ்வித அச்சமுமின்றி ஒன்றிணைந்து பயணிப்பதற்கான வாய்ப்பு எமக்குக் கிடைக்கும். https://www.virakesari.lk/article/69497
    • #sponsoredTexta79a97b399b44f0644434446d51c12f2-wrap { width: 728px; position: relative; display: inline-block; max-width: 100%; } #sponsoredTexta79a97b399b44f0644434446d51c12f2 { padding-left: 0; position: absolute; top: 0; right: 0; height: 18px; border-width: 1px 1px 1px 0; background: #f8eded; border-radius: 0 0 0 0; z-index: 2; } #ad_tag_placeholder-sponsoredTexta79a97b399b44f0644434446d51c12f2 { z-index: 1; position: relative; } #sponsoredTexta79a97b399b44f0644434446d51c12f2:hover { padding-left: 10px; border-radius: 0 0 0 10px; border-width: 1px; } #sponsoredTexta79a97b399b44f0644434446d51c12f2:hover .text-sponsoredTexta79a97b399b44f0644434446d51c12f2 { display: inline-block !important; } #sponsoredTexta79a97b399b44f0644434446d51c12f2 .text-sponsoredTexta79a97b399b44f0644434446d51c12f2 { padding-right: 1px; display: none; font-size: 9px; line-height: 18px; height: 18px; text-transform: lowercase; color: #000; vertical-align: top; margin: 0; text-decoration: none; } #sponsoredTexta79a97b399b44f0644434446d51c12f2 .icon-sponsoredTexta79a97b399b44f0644434446d51c12f2 { cursor: pointer; display: inline-block; vertical-align: top; height: 17px; width: 17px; text-align: center; } #sponsoredTexta79a97b399b44f0644434446d51c12f2 .icon-sponsoredTexta79a97b399b44f0644434446d51c12f2 svg { margin-top: 1px; width: 15px; height: 15px; fill: #00aecd; vertical-align: top; } பௌசியின் பாராளுமன்ற உறுப்புரிமை நீக்கம்- ஸ்ரீ ல.சு.க. நடவடிக்கை   ஐக்கிய மக்கள் சுதந்திர முன்னணியின் தேசியப் பட்டியல் பாராளுமன்ற உறுப்பினர் ஏ.எச்.எம். பௌசியை பாராளுமன்ற உறுப்பினர் பதவியிலிருந்து நீக்கிவிடுவதற்கு ஸ்ரீ லங்கா சுதந்திரக் கட்சியின் மத்திய செயற்குழு தீர்மானித்துள்ளது. ஜனாதிபதி மைத்திரிபால சிறிசேனவின் தலைமையில் ஸ்ரீ லங்கா சுதந்திரக் கட்சியின் தலைமையகத்தில் நேற்று (21) இரவு இடம்பெற்ற மத்திய செயற்குழுக் கூட்டத்தில் இந்த தீர்மானம் எடுக்கப்பட்டுள்ளது. பாராளுமன்ற உறுப்பினர் பதவியிலிருந்து நீக்கப்பட்ட அறிவித்தலை இன்று (22) பாராளுமன்ற செயலாளர் நாயகத்துக்கு எழுத்து மூலம் அறிவிக்கவுள்ளதாகவும் அக்கூட்டத்தில் தீர்மானிக்கப்பட்டுள்ளது. ஐக்கிய தேசியக் கட்சிக்கு ஆதரவு வழங்குவதற்கு இணைந்த பௌசி எம்.பி.க்கு எதிராக விசாரணை மேற்கொள்ள ஸ்ரீ ல.சு.க.யினால் நியமிக்கப்பட்ட ஓழுக்காற்றுக் குழுவில் இந்த தீர்மானம் எடுக்கப்பட்டுள்ளதாக அக்கட்சியின் பொதுச் செயலாளர் தயாசிறி ஜயசேகர குறிப்பிட்டுள்ளார். http://www.dailyceylon.com/192767/
    • ஏப்ரல் 21 தாக்குதல்: மூன்று விடயங்களை முன்னெடுக்க ஜனாதிபதி பேராயரிடம் உறுதி   கடந்த ஏப்ரல் 21 பயங்கரவாதத் தாக்குதல் சம்பவம் தொடர்பில் விசாரணை மேற்கொள்வதற்கு  சுயாதீன குழு ஒன்றை நியமித்து அதன் விசாரணைகளை துரிதப்படுத்த நடவடிக்கை எடுக்கப்போவதாக ஜனாதிபதி கோட்டாபய ராஜபக்‌ஷ பேராயர் கர்தினால் மெல்கம் ரஞ்சித் ஆண்டகையிடம் உறுதியளித்தார். ஜனாதிபதி கோட்டாபய ராஜபக்‌ஷவுக்கும் பேராயர் கர்தினால் மெல்கம் ரஞ்சித் ஆண்டகைக்கும் இடையிலான  சந்திப்பொன்று நேற்று (21) கொழும்பு பேராயர் இல்லத்தில் இடம்பெற்றது. இதன்போது உயிர்த்த ஞாயிறு தாக்குதல் தொடர்பில் சம்பந்தப்பட்ட நபர்களுக்கு எதிராக பாரபட்சமின்றி நடவடிக்கை எடுக்க வேண்டுமென பேராயர் ஜனாதிபதியை கேட்டுக்கொண்டார். பலியான மக்களுக்கு இதுவரை நீதி பெற்றுக் கொடுக்கப்படவில்லை. முறையான விசாரணைகள் முன்னெடுக்கப்படவில்லை என பேராயர் ஜனாதிபதிக்கு சுட்டிக்காட்டினார். பேராயரின் கருத்துக்கு பதிலளிக்கும் போதே ஜனாதிபதி கோட்டாபய ராஜபக்ச இவ்வாறு குறிப்பிட்டுள்ளார். அத்துடன், இனியும் இதுபோன்ற சம்பவங்கள் நாட்டில் இடம் பெறாதவாறு தடுப்பதற்கு உரிய நடவடிக்கைகளை தற்போது மேற்கொண்டுள்ளதாகவும் ஜனாதிபதி தெரிவித்தார். சுயாதீன விசாரணை ஆணைக்குழுவை நியமித்தல், புலனாய்வுத் துறையை பலப்படுத்துதல், பாதிக்கப்பட்ட மக்களுக்கு கிடைக்கவேண்டிய நஸ்ட ஈடுகளை உரிய முறையில் கிடைக்கச் செய்தல் போன்ற நடவடிக்கைகளை உரிய முறையில் முன்னெடுக்கப் போவதாகவும் ஜனாதிபதி இதன் போது பேராயரிடம் உறுதியளித்தார். http://www.dailyceylon.com/192769/