இறந்த தாயோடு இரண்டு வயதுக் குழந்தையின் இரண்டு நாட்கள்!!!

[அஞ்சரன்]

 

லீஸ் எனப்படும் இரண்டு வயதுக்குழந்தை இரண்டு நாட்களாக இறந்து போன தாயுடன் தனியே இருந்துள்ளது. Lédignan (Gard)  மத்தியில் இருக்கும் அடுக்கு மாடிக் குடியிருப்பில் வாழந்து வந்த இவரது தாய் வலிப்பு நோயால் இறந்து போயுள்ளார். தனது மகளிடம் இருந்து தொலைபேசி அழைப்பில் பதிலேதும் இல்லாததை அடுத்து அவர் காவற்துறையினரிடம் செய்த முறைப்பாட்டின் பின்னர் முதலுதவிப்படையினரும் தீயணைப்புப் படையினரும் கதவை உடைத்து உள்ளே போனபோது கட்டிலில் உயிரற்ற உடலமாக இந்த இளம் பெண் இருந்துள்ளார். அருகேயே குழந்தையும் இருந்துள்ளது. இவர்களால் பெண்ணின் உடலமும் குழந்தையும் மீட்கப்பட்டுள்ளது. இந்தக் குழந்தை அங்கிருந்த பிஸ்கட்களை உண்டு 48 மணித்தியாலம் இருந்துள்ளது. குழந்தையைப் பேரனும் பேத்தியும் பெறுப்பேறறுள்ளனர்.

 

இறந்து போன 28 வயதுடைய அந்த இளம் தாய் வலிப்பு நோய்க்கான சிகிச்சையினைப் பெற்று வந்துள்ளார். Lédignan மாநகரசபை முதல்வர் இது தற்கொலையோ கொலையோ அல்ல என்று கூறி உள்ளார். காவற்துறையினரும் மருத்துவப்பிரிவினரும் இது வலிப்பின் பின்னரான மரணம் என உறுதிப்படுத்தி உள்ளனர். 

 

இந்தப் பெண்ணும் குழந்தையும் தனியாகவே வாழ்ந்து வந்துள்ளனர். குடும்ப உறவுகள் இல்லாது வாழும் மேற்கத்தேய வாழ்க்கை முறையின் அவலங்களுள் இதுவும் ஒன்று.

 

http://www.paristamil.com/tamilnews/view-news-MzA0MzQ4Njky.htm#.UnjzSfnrw_Q

[இசைக்கலைஞன்]

என்ன கொடுமையப்பா இது..

[Nathamuni]

இது பரவாயில்லை ரகம்.

 

இந்தியாவின் மும்பையில், சமையல் உப்பு முடிந்து விட்டதால், தூங்கிக் கொண்டிருந்த 4 வயதுக் குழந்தையின் நித்திரையினைக் குழப்ப விரும்பாமல்,  அடுக்கு மாடிக் கட்டிடத்தில் இருந்து கீழே உள்ள கடைக்கு, இதோ ஓடிப் போய் வருகிறேன் என தாய் போய் இருக்கிறார்.

 

அங்கே, துரதிஸ்ட வசமாக உப்பு இல்லை, வீதியைக் கடந்து மறுபக்கத்தில் உள்ள கடைக்கு செல்ல முயல்கையில், காரினால் மோதுண்டு 7 நாட்கள் வைத்தியசாலையில் கோமா நிலையில்....

 

வழக்கம் போல, துபையில் இருந்து பேசும் தந்தை, ஏழு நாட்களாக தொடர்பு இல்லையே என உறவினர்கள் அழைத்து சொல்ல, அவர்கள், வீட்டுக்கு செல்ல...... போலீஸ் அழைக்கப்பட, குழந்தை அழுது, அழுதே இறந்து கிடந்தது.....

 

ஒருபோதும் குழந்தையினை, சிறுவர்களையும், வீட்டில் தனிய விட்டுச் செல்லக் கூடாது என்பது மேலை நாடுகளில் சட்டம்.