Jump to content

வா...என்னை வருடு!


Recommended Posts

  • கருத்துக்கள உறவுகள்

வல்வை ஒரு தலை சிறந்த எழுத்தாளர், கவிஞர் !

 

எழுத வேண்டும் என்ற 'தாகம்' அவரிடம் நிறைய உண்டு !

 

ஆனால், அவர் தனது கற்பனைகளைக் காகிதத்தில் துப்ப நினைக்கும் போதெல்லாம், எதுவோ ஒன்று இடைஞ்சலாக வந்து தடுத்து விடுகின்றது!

 

அதற்கு, முள்ளிவாய்க்கால் சம்பவங்களும், நம்பியிருந்த 'இந்தியா' என்ற நந்தியின் செயல்பாடுகளும் காரணமாக இருக்கலாம்!

 

அதாவது அவரது எண்ணங்களுக்கு 'வடிகாலமைக்கும்' பேனா, நீண்ட காலமாகக் கவனிப்பாரற்றுக் கிடக்கிறது!

 

தனது ஏக்கங்களையும், தாகங்களையுமே 'பேனாவின்' மூலம் வெளிப்படுத்தியிருக்கிறார் என்பது எனது கணிப்பு!

 

தோற்றுப்போனவனை விடவும் 'துவண்டு போனவனின்' மனநிலையே, அவரது கதை மூலம் வெளிப்படுகின்றது!

 

மீண்டு வாருங்கள், எங்கள் அபிமான கவிதாயினியே! :D

 

இதைத்தான்  பல  காலமாக சகாராவிடம் கூறி  வருகின்றேன்

ஆனால்  இதுவெல்லாம்  கணக்கே இல்லை

இன்னும் இருக்கு

ஆனால்...

வரணும்

வருவார்

Link to post
Share on other sites
  • Replies 81
  • Created
  • Last Reply
  • கருத்துக்கள உறுப்பினர்கள்

இதைத்தான்  பல  காலமாக சகாராவிடம் கூறி  வருகின்றேன்

ஆனால்  இதுவெல்லாம்  கணக்கே இல்லை

இன்னும் இருக்கு

ஆனால்...

வரணும்

வருவார்

 

விசுகு அண்ணா எதுவாக இருந்தாலும் தன்னால் கனிந்து வெளிப்படும்போதுதான் அதன் முழுமையை அனுபவிக்கமுடியும். அது எழுத்துத் துறைக்கும் விதிவிலக்கல்ல மற்றைய கலைகளைக்காட்டிலும் இலக்கியத்தில் அணைகள் போடவோ வட்டம் போட்டுக்கொண்டு எழுதகோல்களை ஒரே இடத்தில் நிறுத்தி வைப்பதோ இயலாத ஒன்று அப்படி நிறுத்தி எழுது என்னும்போது எழுதியும் நில் என்னும் போதும் நிறுத்தியும் எழுதினால் அந்த எழுதுகோலின் படைப்புகள் உயிர்ப்பைத் தொலைத்துவிடும். எழுத்து என்பது கிணறு அல்ல அது சுனையாக கசிந்து நதியாக மாறி, ஆறாகப் பெருகி கடலாகப்பரவவேண்டும். அத்தகைய எழுத்துகள் கிணறுகளுக்குள் அடங்காது தேவை என்னும்போது எடுக்கவும் தேவையில்லை என்றபோது சேமிக்கவும் இயல்பான எழுத்தாளனுக்குத் தெரியாது. மற்றவர்கள் சொல்கிறார்கள் என்பதற்காக ஒரு எழுத்தாளனால் எழுதவும் முடியாது மற்றவர்கள் மறுக்கிறார்கள் என்பதற்காக ஒரு எழுத்தாளனால் முடங்கவும் முடியாது.

Link to post
Share on other sites
  • 3 weeks later...
  • கருத்துக்கள உறுப்பினர்கள்

என்னுடைய இந்த படைப்பை பற்றிய  விமர்சனங்கள யாழ் உறுப்பினர்கள் அல்லாத வெளியிடங்களிலும் நிறையவே எதிர் கொள்ள வேண்டிதாக இருக்கிறது. விமர்சனம் என்றால் அது அவரவர்களுடைய உணரும் தன்மையைச் சூழலை வைத்தே உருவாகிறது என்பதை இந்தப்படைப்பு எனக்கு நன்றாக இனம் காட்டியிருக்கிறது. இந்தச்சமயத்தில் நான் 90களின் முற்பகுதியில் வாசித்த கவிஞர் வைரமுத்துவின் ஒரு கவிதைப்படைப்பை இங்கு இணைப்பது பொருத்தமாக இருக்கும் என்று நினைக்கிறேன். இந்தப்படைப்பை  கவிப்பேரரசு வைரமுத்து அவர்கள் எழுதிய காலத்தில் மிகுந்த சர்ச்சைக்குரியதாக பேசப்பட்ட படைப்பு இது நீங்களும் அத்தகைய படைப்பை அறிந்து கொள்ளுங்கள். ஒரு கவிஞனுக்கு எதிராக பெண்கள் பக்கமிருந்து பெரும் போர்க்கொடியைத் தூக்கப்பண்ணிய படைப்பு என்று சொன்னாலும் மிகையாகாது.

 

 

இக்கவிதை கவிப்பேரரசு வைரமுத்து அவர்களின் பெய்யெனப் பெய்யும் மழை கவிதைத் தொகுப்பில் இடம்பெற்றது!

 

14-vairamuthu-1-300.jpg

 

அழைப்பு!

தயவுசெய்து
என்னை தொல்லைசெய்!

 

தயவுசெய்து
என்னை கொள்ளையடி

 

கழுத்தடியில்
ஒரு
செல்ல கடி கடி

 

கூந்தல் கலைத்து
பூக்களை உதிர்த்துவிடு

 

ஓடிப்பிடித்து
என்னை உருக்குலைத்து
போடு

 

குளித்துவரும்
என்னை மீண்டும்
அழுக்காக்கு

 

எதிர்பாரா இடத்தில்
என்னை தீண்டு

 

எவ்வளவு இயலுமோ
அவ்வளவு தழுவு

 

எங்கே என் உயிர் எண்டு
கண்டு பிடி

 

அதன்
இட வலம் தொடு

 

இது தான்
இது தான் நான் கேட்டது

 

உதட்டு எச்சிலால்
உடல் பூசு

 

முத்தமிட்டு
என் மூச்சை
நிறுத்து

 

இது ஒன்றும்
ஒரு வழிப்பாதையல்ல

என் பங்கு செலுத்த
எனக்கும் இடம் கொடு

 

அங்கங்கே பரவு

எலும்பின் மச்சைகளின்
ஊருடுவு

 

மார்பக பள்ளத்தில்
முகம் வைத்து மூச்சுவிடு

 

மேகங்களுக்கு இடையில்
நட்சத்திரம் தூங்கினாலும்

இலைகளுக்கு இடையில்
காற்று தூங்கினாலும்

என் கண்கள்உனக்காக
இரவெல்லாம்
விழித்திருக்கும்

உனக்கில்லாத உரிமையா?

 

பூனையின் பாதம்
பொருத்தி
பொசுக்கென்று வந்து
புடவையிழு!

 

தீவிரத்தால் என்னை
திணறவை

 

என்னை தீண்டி விட்டு
எங்கேனும் ஒழிந்து கொண்டு
நித்தம் ஒரு தடவை
என்னை அழவை

 

என் பெண்மையின்
பரிபூரணமே!

 

என்
வெற்றிடம் வழியே
நிறைந்த நிறைவே

 

தாழாத தணங்கள்
தாழ்ந்தன உனக்காக!

 

ஆகாய கங்கை
பாய்ந்தது
உனக்காக

வா

என்னை வலி செய்

உயிர் பருகி என்னை
ஒலிசெய்

 

என்னுயிர் பயிராகும்
நீ பதித்த பள்ளத்தில்

 

எனக்குள்ளே பூப்பொழியும்
நீ முட்டும் அதிர்வில்

 

உன் நகர்த்தலுக்காக
துடிக்குது என் ஆடை

 

உன் நகம்
கிழிக்க
வீங்குது என் மார்பு!

 

தொட்டுக்கொண்டுறங்கும்
சுகம் ஒண்டு கருதி
உடல் என்ற உலையில்
கொதிக்குது என்குருதி!

 

நீ தந்த சுகம் எல்லாம்
நெற்றியில் தீ எரியும்

தியானத்தில்
வந்ததில்லை

 

வில்லாய் விறைக்கும்
கலவியில் கண்டதில்லை

பிரசவம் முடிந்த
பெரு மூச்சில்
கண்டதில்லை

 

எங்கே
மீண்டும் ஒரு முறை
முந்தானைக்குள் புகுந்து
முயல் குட்டியாகு!

 

தட்டாதே
தாய் சொல்லை கேள்

பத்துமாதம்
என் வயிறு சுமந்த
பிஞ்சு பிரபஞ்சமே!

Link to post
Share on other sites
  • கருத்துக்கள உறவுகள்

இது மணிரத்தினத்தின் ஆயுத எழுத்து படம். பாடல் எழுதியது  வைரமுத்துவோ  சரியாய்த் தெரியவில்லை.

Link to post
Share on other sites
  • கருத்துக்கள உறவுகள்

எந்த எழுத்தாளனிடமும்  காமரசத்தை சற்ரே உரசிச் செல்லும் நெகிழ்வான பக்கம் உண்டு. அவற்ரை அப்பப்ப எவ்வளவு தெளிக்கின்றார்கள் என்பதில் தான் கவிஞ்ர்கள் வேறு படுகின்றனர்...! :)

 

புஸ்பா தங்கத்துரை, சாண்டில்யன் /  பிரபஞ்சன் , கல்கி போல...!

 

Link to post
Share on other sites
  • 2 weeks later...
  • 2 years later...
  • கருத்துக்கள உறுப்பினர்கள்

மீளவும் பார்க்கும்போதுதான் நாம் யார் என்பதும் நமக்கான கொடை எது என்பதும் புரிபடுகிறது. வாழ்வியலின் பக்கங்கள் ஒவ்வொன்றும் கற்றுதரும் விடயங்கள் அளப்பெரியன. தொடர்வோம். எழுதுவோம்.

Link to post
Share on other sites

Archived

This topic is now archived and is closed to further replies.


  • Tell a friend

    Love கருத்துக்களம்? Tell a friend!
  • Topics

  • Posts

    • வடக்கின் தீவுகளை வெளிநாடுகளுக்கு வழங்குவது குறித்து அரசாங்கத்தின் அறிவிப்பு! வடக்கில் உள்ள மூன்று தீவுகளில் நிர்மாணிக்க தீர்மானித்துள்ள மின் உற்பத்தி திட்டத்தை இந்தியாவிற்கோ அல்லது சீனாவிற்கோ வழங்குவது குறித்து இறுதித் தீர்மானம் எதனையும் எடுக்கவில்லையென அரசாங்கம் அறிவித்துள்ளது. நாடாளுமன்றத்தில் நேற்று (புதன்கிழமை) இடம்பெற்ற வாய்மூல வினாக்கான நேரத்தில் வடக்கின் நெடுந்தீவு, நயினாதீவு, அனலைதீவு ஆகியவற்றில் புதிதாக நிர்மாணிக்கும் காற்றாலை மற்றும் சூரிய ஒளி மின் உற்பத்தி திட்டம் குறித்து எதிர்க்கட்சி நாடாளுமன்ற உறுப்பினர் சமிந்த விஜயசிறி கேள்வி எழுப்பினார். இதற்கு பதிலளித்து உரையாற்றும்போதே மின்சக்தி, எரிசக்தி அமைச்சர் டலஸ் அழகபெரும இதனைத் தெரிவித்தார். இதன்போது மேலும் தெரிவித்த அவர், “வடக்கின் மூன்று தீவுகள் சீனாவிற்கு குத்தகைக்கு கொடுக்கப்பட தீர்மானித்துள்ளதாக கூறப்படுகின்றது. இது தவறான கருத்தாகும். அதேபோல் இந்த மூன்று தீவுகளுக்குமான மின்சாரம் இன்றும் டீசல் மற்றும் ஜெனரேட்டர் மூலமாகவே பெற்றுக்கொள்ளப்படுகின்றன. எனவே இப்பகுதி மக்கள் மிகவும் கஷ்டப்பட்ட வாழ்கையை வாழ்ந்து வருகின்றனர். இதனை தமிழ் தேசியக் கூட்டமைப்பு உறுப்பினர்களும் ஏற்றுக்கொள்வார்கள் என நினைக்கிறேன். எனவே மின்சாரத்தை பெற்றுக்கொடுக்க வேண்டியது தேசிய தேவையாகும். மேலும் கடந்த ஐந்து ஆண்டுகளாக ஆசிய அபிவிருத்தி வங்கியின் நிதி உதவியின் கீழ் இது குறித்து சர்வதேச விலைமனுக்கோரலுக்கு விடப்பட்டது. இது இலங்கையின் முதலாவது கலப்பு விலைமனுக்கோரலாகும். காற்று மற்றும் சூரிய சக்தியினால் மின்சாரத்தை உருவாக்கும் முதலாவது வேலைதிட்டமாகவே இது அமைந்தது. எனவே, இதற்கான வேலைத்திட்டத்தை முன்னெடுக்க சர்வதேச விலைமனுக்கோரல் விடப்பட்ட வேளையில், அதற்காக முன்வந்த தரப்பினர் பலவீனமானவர்களாக இருந்தனர். எனவே 2019 ஆம் ஆண்டு ஜூலை மாதம் இரண்டாவது விலைமனுக்கோரலை அறிவித்தனர். இதற்கு நான்கு நிறுவனங்கள் முன்வந்தனர். இந்த நான்கு நிறுவனங்களில் ஒன்று சீனாவினதும் மற்றயது இந்திய நிறுவனமாகவும் இருந்தது. இந்த விலைமனுக்கோரலில் இந்திய நிறுவனம் 12 பில்லியன் அமெரிக்க டொலர்கள் அடிப்படையில் இந்த வேலைத்திட்டத்தை பெற்றுக்கொண்டது. எனவே இந்த விலைமனுக்கோரலில் எந்த தவறும் இல்லை. ஆனால் அமைச்சரவையில் இந்த திட்டம் இன்னமும் அங்கீகரிக்கப்படவில்லை. ஏனென்றால் திறைசேரி ஏற்கனவே இந்த திட்டத்தை எவ்வாறு கையாளப்போகின்றது என்ற தொழில்நுட்ப ரீதியிலான தகவல்களை முன்வைக்குமாறு கேட்கப்பட்டுள்ளது. இந்நிலையில் இந்தியா இந்த திட்டத்திற்காக நிதி உதவியொன்றை செய்யவும் ஆர்வமாக உள்ளதாக இந்திய உயர் ஸ்தானிகர் எமக்கு அறிவித்தார். இந்த விடயத்தில் இப்போது வரையில் எந்தவித இறுதித் தீர்மானமும் எடுக்கவில்லை. எவருக்கும் அங்கீகாரம் கொடுக்கவும் இல்லை. எனவே இதில் எந்தவொரு நாட்டின் தலையீடுகளோ அல்லது, இராஜதந்திர நகர்வுகளோ இல்லை. இலங்கையின் தேசிய வளங்களை வேறு எந்தவொரு நாட்டுக்கும் கொடுக்கும் நோக்கமும் எமக்கு இல்லை. எமது நாட்டின் தேசிய கொள்கையை உலகின் எந்தவொரு பலமான நாட்டின் கொள்கைத்திட்டத்திற்கும் அடிபணிந்து தீர்மானம் எடுக்க மாட்டோம் என்பது தெளிவாக தெரிவித்துக்கொள்கிறோம்” என மேலும் தெரிவித்தார். http://athavannews.com/வடக்கின்-தீவுகளை-வெளிநாட/
    • ஜெயலலிதாவின் சிலையுடன் அருங்காட்சியகத்தைத் திறந்து வைத்தார் முதல்வர்! மறைந்த முதல்வர் ஜெயலலிதாவின் 73ஆவது பிறந்த நாளான இன்று, ஜெயலலிதாவின் சிலையுடனான அறிவுசார் பூங்காவையும், அருங்காட்சியகத்தையும்  முதல்வர் எடப்பாடி பழனிசாமி திறந்து வைத்துள்ளார். இந்நிகழ்வில், துணை முதல்வர் ஓ.பன்னீர்ச்செல்வம், அமைச்சர்கள், செய்தித்துறை இயக்குநர் பாஸ்கர பாண்டியன் மற்றும் உயரதிகாரிகள் கலந்துகொண்டனர். இந்த அறிவுசார் பூங்காவில் ஜெயலலிதாவின் ஆறு அடி உயர மெழுகுச் சிலை அமைக்கப்பட்டுள்ளதுடன் ஜெயலலிதாவிடம் பள்ளி மாணவியொருவர் மடிக்கணினி பெறுவது போன்று சிலையானது தத்ரூபமாக வடிவமைக்கப்பட்டுள்ளது. இதனைவிட, அருங்காட்சியகத்தில் எட்டு அடி உயர மெழுகுச் சிலையும் அமைக்கப்பட்டுள்ளது. மறைந்த முதலமைச்சர் ஜெயலலிதாவின் நினைவிடம் சென்னை மெரினா கடற்கரையில் உள்ள எம்.ஜி.ஆர். சமாதி வளாகத்தில் உள்ளது. பீனிக்ஸ் பறவை வடிவத்தில் அழகிய கட்டமைப்புடன் அமைக்கப்பட்டுள்ள இந்த நினைவிடத்தை கடந்த மாதம் 27ஆம் திகதி முதல்வர் எடப்பாடி பழனிசாமி திறந்துவைத்தார். இந்த நினைவிட வளாகத்தில் அறிவுசார் பூங்காவும் மற்றொரு புறம் டிஜிற்றல் அருங்காட்சியகமும் கட்டப்பட்டுள்ளது. அதில், ஜெயலலிதாவின் வாழ்க்கை வரலாறு, அவர் செய்த சாதனைகள், மக்களுக்குச் செய்த சேவைகள், காணொளி மற்றும் ஒலி வடிவப் பிரிவு, ஜெயலலிதாவின் உரைகள், சிறுகதைகள், புகைப்படங்கள் என்பன அமைக்கப்பட்டு வந்தன. இந்த பணிக்காக ஜெயலலிதா நினைவிடம் கடந்த 27ஆம் திகதியில் இருந்து மூடப்பட்டிருந்தது. இந்நிலையில், அருங்காட்சியகம் மற்றும் அறிவுசார் பூங்காவின் பணிகள் முழுமையாக நிறைவடைந்ததைத் தொடர்ந்து இன்று திறக்கப்பட்டுள்ளது. http://athavannews.com/ஜெயலலிதாவின்-சிலையுடன்-அ/
    • அமெரிக்காவில் 3ஆவது கொரோனா தடுப்பூசிக்கு அங்கீகாரம் ஜோன்சன் அண்ட் ஜோன்சன் (Johnson & Johnson) மருந்து நிறுவனம் தயாரித்துள்ள கொரோனா தடுப்பூசிக்கு அமெரிக்க மருந்து தரக்கட்டுப்பாட்டு ஆணையமான FDA அங்கீகாரம் அளித்துள்ளது. 44 ஆயிரம் பேருக்கு பல்வேறு நாடுகளில் இந்த தடுப்பு மருந்து பரிசோதிக்கப்பட்டதில் எந்தவிதப் பின்விளைவுகளும் ஏற்படாததால் மருந்து பாதுகாப்பானது என்று உறுதி செய்யப்பட்டதாக அறிவிக்கப்பட்டுள்ளது. ஏற்கனவே பைசர் மற்றும் மொடர்னா தடுப்பூசிகளுக்கு அங்கீகாரம் அளிக்கப்பட்ட நிலையில், மூன்றாவது தடுப்பூசியாக ஜோன்சன் அண்ட் ஜோன்சன் தயாரிப்பு மருந்தை அவசர கால சிகிச்சைகளுக்குப் பயன்படுத்த ஒப்புதல் அளிக்கப்பட்டுள்ளது. மார்ச் இறுதிக்குள் சுமார் 2 கோடி டோஸ்கள் தயாரிக்கப்பட்டு உலகின் பல நாடுகளுக்கு அனுப்பி வைக்கப்படவுள்ளதாக அந்நிறுவனத்தின் வர்த்தகப் பிரிவு அதிகாரிகள் தெரிவித்துள்ளனர். அதேநேரம், உடனடியாக 40 இலட்சம் டோஸ்கள் ஏற்றுமதிக்கு தயாராக இருப்பதாகவும் அவர்கள் மேலும் தெரிவித்துள்ளனர். http://athavannews.com/அமெரிக்காவில்-3ஆவது-கொரோ/
    • அணுசக்தி மையங்களில் ஐ.நா. கண்காணிப்பதைக் கட்டுப்படுத்துவதற்கான நடவடிக்கையை அமுல்படுத்தியது ஈரான்! ஐ.நா.வின் சர்வதேச அணுசக்தி அமைப்பு (ஐஏஇஏ), தங்கள் நாட்டு அணுசக்தி நிலையங்களில் மேற்கொண்டு வரும் கண்காணிப்பைக் கட்டுப்படுத்தும் வகையிலான நடவடிக்கைகளை ஈரான் உத்தியோகபூர்வமாக அமுல்படுத்தத் தொடங்கியுள்ளது. அணுசக்தி ஒப்பந்தத்தின்படி தங்கள் நாட்டின் மீதான பொருளாதாரத் தடைகள் விலக்கிக்கொள்ளப்படாவிட்டால், ஐஏஇஏ-வுடனான தங்களது ஒத்துழைப்பு நிறுத்தப்படும் என்ற எச்சரிக்கையை இதன் மூலம் ஈரான் வெற்றிகரமாக வெளிப்படுத்தியுள்ளது. எனினும், சர்வதேச கண்காணிப்பாளர்களுக்கு எத்தகைய கட்டுப்பாடுகள் விதிக்கப்பட்டுள்ளன என்பது குறித்து விரிவான விபரங்கள் இன்னும் வெளியாகவில்லை. ஐ.நா. கண்காணிப்பாளர்களுக்கு அணுசக்தி மையங்களின் கண்காணிப்பு கெமரா பதிவுகளை அளிப்பதற்குத் தடை விதிக்கும் தீர்மானம் ஈரான் நாடாளுமன்றத்தில் கடந்த டிசம்பர் மாதம் நிறைவேற்றப்பட்டது. தங்கள் மீது விதிக்கப்பட்டுள்ள எண்ணெய் ஏற்றுமதி தடை மற்றும் சர்வதேச வங்கிப் பரிவர்த்தனைத் தடையை நீக்குவதற்கான நடவடிக்கைகளை அணுசக்தி ஒப்பந்தத்தில் கையெழுத்திட்டுள்ள ஐரோப்பிய நாடுகள் மேற்கொள்ளாவிட்டால், ஐஏஇஏ-வுக்கு கண்காணிப்பு கெமரா பதிவுகள் அளிப்பது நிறுத்தப்பட வேண்டும் என்று அந்தத் தீர்மானத்தில் குறிப்பிடப்பட்டுள்ளது. இந்தநிலையில் இதுதொடர்பான தாமதம் காரணமாக, அணுசக்தி மையங்களின் கண்காணிப்பு கெமரா பதிவுகளை கையளிக்கப் போவதில்லை என ஈரான் தெரிவித்துள்ளது. http://athavannews.com/அணுசக்தி-மையங்களில்-ஐ-நா/
×
×
  • Create New...

Important Information

By using this site, you agree to our Terms of Use.