Jump to content
  • Veeravanakkam
  • Veeravanakkam
  • Veeravanakkam

கைவினைத் திறனாளிகள் நிறுவனம்.


Recommended Posts

  • கருத்துக்கள உறவுகள்

நோக்கம்

போரால் பாதிக்கப்பட்டு வறுமையில் வாடும் தமிழர்களுக்கான வேலை வாய்ப்புக்களை ஏற்படுத்திக் கொடுத்தல். ஏழை மாணவர்களுக்கு கல்வி அளித்தல்.

 

logo.png

ஊக்கம்

சிறு சிறு முதலீடுகள் மூலம் தொழில் முயற்சிகளை, வியாபாரங்களை ஆரம்பித்தல். கிடைக்கும் வருமானத்தின் மூலம் ஏழை மாணவர்களுக்கான கல்விக்கு உதவுதல்.

 

ico_creative.png

ஆக்கம்

செயற்றிட்டங்களை விரிவுபடுத்தி, சுயதொழில் வாய்ப்புக்களை உருவாக்கி, எம் மக்களை பொருளாதார ரீதியில், கல்வியில் தன்னிறைவு நிலையை எட்டி வலுவடையச் செய்தல்.

ico_technical.png

 

வியாபாரத்தில் இணையும் பங்குதாரருக்கான உரிமைகளும் நிபந்தனைகளும்.

BY ADMIN IN 

1) முதலீட்டாளர் எமது சமூகப்பணிகளில் இணைந்திருக்க முடியும். அதாவது நாம் முன்னெடுக்கும் சமூகப்பணிகளில் தங்களது உதவிகளை வழங்குவதன் மூலம் இணைந்திருக்கமுடியும்.

 

2) முதலிடும் தொகையிலிருந்து கிடைக்கும் இலாபத்திலிருந்து பணியாளர்கள் சம்பளம் மற்றும் எமது நிறுவனம் மேற்கொள்ளும் சமூகப்பணிக்கு 15வீதம் பெறப்படும்.மீதி முதலீட்டாளருக்கு வழங்கப்படும்.

 

3) முதலீட்டாளரின் நடவடிக்கை தேவையற்ற தலையீடுகள் எமது பணியில் குறுக்கிடும் பட்சத்தில் முதலீட்டாளர்களை நீக்குவதோடு அவர் முதலிட்ட பணமும் திரும்பி வழங்கப்படும். முதலிட்ட தொகை எமக்கு கிடைக்கப்பெற்ற பெறுமதி மட்டுமே திருப்பி வழங்கப்படும். அதாவது இலங்கை ரூபாவில் எமது நிறுவனத்தில் முதலீட்டாளராக பணத்தை முதலீட்டாளர் முதலிட்டிருப்பின் இலங்கை ரூபாவிலேயே வழங்கப்படும். இதர அன்னிய நாட்டு நாணயப் பெறுமதியில் தரப்படமாட்டாது.

 

4) முதலீட்டாளர் எமது தொழில்களில் ஒரு பங்கினை மட்டுமே ஏற்றுக் கொள்வதால் எமது நிருவாக செயற்பாடுகளோ அல்லது இதர வழிகளிலோ நிர்வாகத்தினர் மீது ஆதிக்கம் செலுத்த முடியாது.

‚’அதாவது எம்மால் நிருவாகத்தில் நியமிக்கப்பட்ட நிருவாகிகளுடன் முதலிடும் ஒருவர் தொடர்புகளை ஏற்படுத்திக் கொண்டு இடைஞ்சல் கொடுப்பது தவிர்க்கப்படுகிறது.முதலீட்டாளர் என்ற உரிமையில் தேவையற்று நிருவாக ஒழுங்கில் தலையிடும் உரிமையில்லை.

 

5) முதலீட்டாளர் எமது வியாபாரத்தில் இணைந்த பின்னர் தங்களது நண்பர்கள் அல்லது உறவினர்கள் வியாபாரம் நடைபெறும் இடங்களுக்கு எமது அனுமதியின்றிச் சென்று வர அனுமதிக்கப்படமாட்டார்கள். விரும்பின் எழுத்து மூலம் எம்மிடம் அனுமதிகோரிய அனுமதிக் கடிதம் பெறப்பட்டு முற்கூட்டியே செல்லும் நபர் செல்லும் நாள் என்பவை எழுத்து மூலம் அறிவித்தே செல்ல முடியும். பார்வையிடச் செல்பவர் மேற்பார்வையாளராக செயற்பட அனுமதி மறுக்கப்படுகிறது. அதேவேளை ஒருவருக்கு அனுமதி பெற்றுக் கொண்டு மேலதிகமானவர்களை தொழில் நடைபெறும் இடங்களுக்கு அழைத்துச் செல்லவும் முடியாது.

 

6) எமது நிர்வாக அல்லது முகவர்களுடன் ஏதாவது மனக்கசப்பு அல்லது முரண்பாடுகள் இருந்தால் அவற்றை உங்களது முதலீட்டை பெற்றுக் கொள்ள தொடர்பாளராக செயற்பட்டவர் மூலமே அனைத்து முறைப்பாடுகளையும் நிர்வாகத்திற்கு கொண்டு செல்ல முடியும்.

 

7) முதலீட்டாளருக்கு எமது நிறுவனத்துடனான தொடர்புகளில் அல்லது வியாபாரத்தில் சந்தேகங்கள் இருப்பின் அதனையும் எழுத்து மூலம் எம்மிடம் விசாரித்து உண்மைகளை எழுத்து மூலமே பெற்றுக் கொள்ள வேண்டும்.

 

8) எமது நிபந்தனைகளை மீறி முதலீட்டாளர் ஒருவர் எம்மீது சந்தேகித்தோ அல்லது சந்தேகமான வகையில் நடந்து கொண்டால் அவரை நாமாகவே எமது பங்குதாரர் உரிமையிலிருந்து விலக்கிக் கொள்ளப்படுவர்.

 

9) எமது நிறுவனத்தின் நிருவாக தொடர்பாளர்களுடனான தொடர்புகளை பேணுவதற்கு விரும்பும் முதலீட்டாளர் தொடர்பை பேணுவதற்கான காரணத்தை எமக்கு எழுத்து மூலம் அறிவித்து எம்மால் ஏற்றுக் கொள்ளப்படக்கூடிய வகையிலான தொடர்பாலுக்கே மட்டுமே அனுமதிக்கப்படுவர்.

 

http://hmclk.com/

Link to post
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • இழந்தவர்களை நினைவு கூர்வதற்கே தமிழர்கள் போராட வேண்டி உள்ளது -சுரேஷ் பிரேமச்சந்திரன்    56 Views இறுதி யுத்தத்தில் தமது உறவுகளை இழந்த மக்கள் அவர்களை நினைவுகூர்வதற்கான உரிமையைக்கூட மதிக்காமல் நினைவுத்தூபியையும் அரச இயந்திரம் இடித்தழித்துள்ளது என ஈழ மக்கள் புரட்சிகர விடுதலை முன்னணியின் தலைவர் சுரேஷ் பிரேமச்சந்திரன் குற்றம் சாட்டியுள்ளார். முள்ளிவாய்க்கால் நினைவுத்தூபி இடித்ததைக் கண்டித்து அறிக்கை ஒன்றினை வெளியிட்டுள்ள அவர், இழந்தவர்களை நினைவு கூர்வதற்கே தமிழர்கள் போராட வேண்டிய துர்பாக்கியநிலை ஏற்பட்டுள்ளது. நடந்து முடிந்த ஈழவிடுதலைப் போராட்டத்தில் இலட்சக்கணக்கான பொதுமக்களை நாங்கள் இழந்திருக்கிறோம். அதேபோல் இறுதி யுத்தத்திலும் பல்லாயிரக்கணக்கான மக்கள் கொல்லப்பட்டார்கள். அந்த பொதுமக்களின் நினைவுகளை மீட்டிக்கொள்வதும் அவர்களை கௌரவப்படுத்துவதும் தமிழ் மக்கள் ஒவ்வொருவரதும் தலையாய கடமையாகும். சர்வதேச சட்டவாயங்களின் அடிப்படையில் இறந்தவர்களை நினைவுகூர்வது என்பது ஏற்றுக்கொள்ளப்பட்ட ஒரு விடயம். ஆனால் இலங்கையைப் பொறுத்தவரையில், ஒவ்வொரு வருடமும் பொதுமக்களை நினைவுகூர்வதாக இருந்தாலும் சரி, போராளிகளை நினைவுகூர்வதாக இருந்தாலும்சரி பலத்த போராட்டத்தின் மத்தியிலேயே இத்தகைய நினைவுகூர்தலை நாங்கள் செய்ய வேண்டியிருக்கின்றது. கொரோனா என்பது ஒருபக்கம் இருக்க, ஊர்வலங்களாக இருந்தாலும்சரி, உண்ணாவிரதங்களாக இருந்தாலும்சரி ஜனநாயக நெறிமுறைகளுக்கு உட்பட்டு சிறிய பெரிய போராட்டங்களை முன்னெடுப்பதாக இருந்தாலும்சரி உடனடியாகவே பொலிசார் நீதிமன்றங்களை அணுகி தடையுத்தரவைப் பெறுவது என்பது வாடிக்கையாகிவிட்டது. இதேநிலைமைதான் முள்ளிவாய்க்காலில் மரணித்துப்போன எமது மக்களை நினைவுகூர்வதற்கெதிராகவும் நீதிமன்ற தடையுத்தரவுகளையும் பொலிசார் பெற்றுள்ளனர். அதுமாத்திரமல்லாமல், இறந்த மக்களை நினைவுகூரும் முகமாக ஏற்படுத்தப்பட்டிருக்கும் ஒரு சிறிய நினைவுச்சின்னம்கூட அரச இயந்திரத்தினால் உடைத்தெறியப்பட்டிருக்கின்றது. இராணுவம் பொலிஸ் உட்பட்ட அரச இயந்திரமானது மக்களின் உணர்வுகளை சிதைப்பதென்பது கண்டிக்கத்தக்கதும் அநாகரிகமானதுமாகும். அரசாங்கத்தின் மனித உரிமைக்கெதிரான செயற்பாடுகளை கனேடிய தூதுவர் கண்டித்திருப்பதை நாங்கள் வரவேற்பதுடன், ஏனைய நாடுகளும் மனித உரிமை அமைப்புகளும் செயற்பாட்டாளர்களும் இலங்கை அரசாங்கத்தின் இத்தகைய நடவடிக்கைகளைக் கண்டிக்க முன்வரவேண்டும் என்பதுடன் நினைவுகூரல் நிகழ்வுகள் எவ்விதமான அரச தலையீடுகளுமின்றி நடைபெறுவதற்கு அரசாங்கத்திற்கு தமது அழுத்தங்களை உயர்மட்ட அளவில் பிரயோகிக்க வேண்டும் என்றும் கேட்டுக்கொள்கிறோம். தென்பகுதியில் அரசுக்கெதிராகப் போராடிய பொதுமக்களும் போராளிகளும் சிங்கள மக்களால் நினைவுகூரப்படுகிறார்கள், கொண்டாடப்படுகிறார்கள். அதற்கு எத்தகைய தடை உத்தரவுகளும் கிடையாது. வடக்கு-கிழக்கில் புதிய புதிய பௌத்த ஆலயங்கள் உருவாக்கப்படுகிறது. அதற்காக நூற்றுக்கணக்கான பௌத்த பிக்குகள் ஒன்றுகூடி இராணுவம் மற்றும் பொலிசாரின் பாதுகாப்புடன் பிரித் ஓதுதலும் இரவு பகலாக நடைபெறுகிறது. ஆனால் தமிழ் மக்கள் தமது மரணித்துப்போன உறவுகளை நினைவுகூர்வது தடைசெய்யப்படுகிறது. இதிலும்விட மோசமான இனவாத அரசொன்று இலங்கையில் இருந்திருக்க முடியாது. அரசாங்கம் தொடர்ச்சியாக தமிழ் மக்களை பல்வேறுபட்ட முனைகளிலும் அடக்கியாள முயற்சிப்பதுடன் அவர்களது கௌரவத்தையும் சிதைத்து அழிக்கின்றது. அரசாங்கத்தின் இத்தகைய நடவடிக்கைகளை தமிழ் மக்கள் மாத்திரமல்லாமல் சிங்கள முற்போக்கு ஜனநாயக சக்திகளும் கண்டிக்க முன்வரவேண்டும். எதிர்வரும் 18ஆம் திகதி நடைபெறவிருக்கின்ற முள்ளிவாய்க்கால் நினைவேந்தல் நிகழ்வுகளை சுகாதார வழிகாட்டலைப் பின்பற்றி; தமிழ் மக்கள் தமது உறவுகளை நினைவுகூர்வதற்கு அரசாங்கம் வழிவிட வேண்டும்”  என்றார்.   https://www.ilakku.org/?p=49624
    • இவருடைய கண்டனம் நேரடியாக அமெரிக்காவிடமும் இசுரேலிடமும் கையில் கொடுக்கப்பட்டது....
    • மாவீரர்களுக்கு வீரவணக்கங்கள்
    • 24 அடி நீளம் கொண்ட முடியை வைத்திருக்கும் முதியவர்
×
×
  • Create New...

Important Information

By using this site, you agree to our Terms of Use.