Jump to content
  • advertisement_alt
  • advertisement_alt
  • advertisement_alt

திலீபன்.......


Recommended Posts

  • கருத்துக்கள உறவுகள்

திலீபன்.......

போர் மட்டுமே தெரியும் ........

புலிகளுக்கு என்றவர்க்கு.......

நீர் ஆகாரம் கூட இலாது - புரட்சியில்...

நீந்தவும் தெரியும் என்று சொல்லி........

தன்னை தானே........

வேருக்கு உரமாக்கிய செம்பருத்தி!!

கூச்சல்களும் கூவல்களும் ....

செத்து செத்து விழுந்தாலும்.....

எதிரி கை முத்தமிடும் பிழைப்பும்.....

தொடர் கதையாய் இன்னும் இருந்தாலும்...

ஒரு சுடர் அணைந்து போச்சுதே......

இன்னும் இருட்டு.....

இதயத்தின் ஒரு மூலையில்!!

உயிர் உருக உருக .......

தனை எரித்து போனது ஒரு .......

ஊரெழுவின் வர்த்தி........

ஊருக்கு வெளிச்சம் வந்ததோ இல்லையோ........

உன் பேருக்கு - இறப்பு என்றுமேயில்லை!

தியாகம் என்பார்..........

அதன் உச்சம் என்பார்.......

அது எது-?

ஊர் காத்த - உயிரும் உனக்கு இல்லை........

உயிர் ஓடி போன உடலும் மண்ணுக்கு இல்லை........

மொத்தமாய் நீயானாய்........

உதடு -பஞ்சு பஞ்சாய் வெடிக்கையிலும்......

உன் நெஞ்சில் எழுந்த முணுமுணுப்பு......

வென்றே ஆகும் .....நம்புறோம்......

அதுவரை - எம் நெஞ்சில் நீ உறங்கு .......

சுமையாய்!!

Link to post
Share on other sites
  • கருத்துக்கள உறவுகள்

தியாக தீபம் திலிபன் அண்ணவை நினைவு கூரும் கவிதை நன்று

Link to post
Share on other sites
  • கருத்துக்கள உறுப்பினர்கள்

திலீபன்.......

உயிர் உருக உருக .......

தனை எரித்து போனது ஒரு .......

ஊரெழுவின் வர்த்தி........

ஊருக்கு வெளிச்சம் வந்ததோ இல்லையோ........

உன் பேருக்கு - இறப்பு என்றுமேயில்லை!

அகிம்சையின் நாயகன் தியாகி திலீபன் அண்ணாவை நினைவு கூரும் கவிதைக்கு நன்றிகள் வர்ணன்.

Link to post
Share on other sites
  • கருத்துக்கள உறவுகள்

உயிர் உருக உருக .......

தனை எரித்து போனது ஒரு .......

ஊரெழுவின் வர்த்தி........

ஊருக்கு வெளிச்சம் வந்ததோ இல்லையோ........

உன் பேருக்கு - இறப்பு என்றுமேயில்லை!

தியாக தீபம் தீலிபன் அண்ணாவை நிணைவு கூர்ந்து எழுதிய கவிதை அருமை வர்ணன்.

Link to post
Share on other sites
  • கருத்துக்கள உறுப்பினர்கள்

எவ்வளவு பெரிய தியாகம். யாருக்காக நீங்கள் உயிர் நீத்தாய். ஆனால் கேடு கெட்ட எம்மக்கள் உமது அஞ்சலி நிகழ்ச்சிக்கு செல்லாமல் நடிகைகள் வந்தால் ஆஆஆ என்று பல்லை இளித்துக் கொண்டு செல்கிறார்களே. இவர்களுக்காகத்தான் உன் விலை மதிக்கத்தக்க உயிரை இழந்தாய்?. இந்தத்தமிழர்களுக்குள் தான் எட்டப்பர்களும் இருக்கிறார்களோ?.

வர்ணன் உங்கள் கவிதை மிகவும் அருமை

Link to post
Share on other sites
  • கருத்துக்கள உறுப்பினர்கள்

எவ்வளவு பெரிய தியாகம். யாருக்காக நீங்கள் உயிர் நீத்தாய். ஆனால் கேடு கெட்ட எம்மக்கள் உமது அஞ்சலி நிகழ்ச்சிக்கு செல்லாமல் நடிகைகள் வந்தால் ஆஆஆ என்று பல்லை இளித்துக் கொண்டு செல்கிறார்களே. இவர்களுக்காகத்தான் உன் விலை மதிக்கத்தக்க உயிரை இழந்தாய்?. இந்தத்தமிழர்களுக்குள் தான் எட்டப்பர்களும் இருக்கிறார்களோ?.

வர்ணன் உங்கள் கவிதை மிகவும் அருமை

சரியாகச் சொன்னீர்கள் கந்தப்பு,

சுூரியா, ஜோதிகா ஜோடிப் பொருத்தத்தைப் பற்றிக் பேசிக் கிடப்பவர்ளுக்கு இந்தத் தியாகச் செம்மலை எண்ணிப்பார்க்க எங்கே நேரம்

Link to post
Share on other sites
  • கருத்துக்கள உறுப்பினர்கள்

வணக்கம் வர்ணன்

திலீபன் அண்ணாவிற்காக வடித்த கவி நன்றாக இருக்கிறது.

Link to post
Share on other sites
  • கருத்துக்கள உறுப்பினர்கள்

எவ்வளவு பெரிய தியாகம். யாருக்காக நீங்கள் உயிர் நீத்தாய். ஆனால் கேடு கெட்ட எம்மக்கள் உமது அஞ்சலி நிகழ்ச்சிக்கு செல்லாமல் நடிகைகள் வந்தால் ஆஆஆ என்று பல்லை இளித்துக் கொண்டு செல்கிறார்களே. இவர்களுக்காகத்தான் உன் விலை மதிக்கத்தக்க உயிரை இழந்தாய்?. இந்தத்தமிழர்களுக்குள் தான் எட்டப்பர்களும் இருக்கிறார்களோ?.

வர்ணன் உங்கள் கவிதை மிகவும் அருமை

ஏன் யாழில் கூட தமிழீழம் பகுதியில் திலீபன் அவர்களுக்கு போடப்பட்ட நினைவுதினபிரிவில் எத்தனைபேர் கருத்துக்கலை பதிந்துள்லார்கள் ஆனால் கண்டவன் வேளியேபொறான் சுயவாக்கெடுப்பு எண்டால் ஓடிபோயிருவாங்கள் எங்களுக்காக உயிரைகொடுத்தவருக்கு ??

இப்படிப்பட்ட எமக்காக உயிரைக்கொடுப்பவர்கள் எவ்ளவு.ஏன் ஜேசுதாசின் பாட்டு கூத்துக்கு ரிக்கெற் இல்லையாம் ஆனால் செஞ்சோலைக்காக நடத்தப்பட்ட விழாவில் 200 பேரும் இல்லை இவங்களெல்லாம் மனுசங்கள் எண்டு எமக்காக போராடும் போராளிகளை ஒருநாள் மறந்து கூத்தடிக்கத்தான் போகுது எம் சனம் :evil: :evil: :evil: :evil:

Link to post
Share on other sites
  • கருத்துக்கள உறுப்பினர்கள்

திலீபன்.......

உதடு -பஞ்சு பஞ்சாய் வெடிக்கையிலும்......

உன் நெஞ்சில் எழுந்த முணுமுணுப்பு......

வென்றே ஆகும் .....நம்புறோம்......

அதுவரை - எம் நெஞ்சில் நீ உறங்கு .......

சுமையாய்!!

அருமையான வரிகள். நிச்சயம் அது ஒரு நாள் நடந்தே தீரும். கவிதைக்கு பாராட்டுக்கள் வர்ணன்

Link to post
Share on other sites

Archived

This topic is now archived and is closed to further replies.

  • advertisement_alt
  • advertisement_alt
  • advertisement_alt


  • Tell a friend

    Love கருத்துக்களம்? Tell a friend!
  • Similar Content

    • By goshan_che
      பார்திபன் கனவு
      எங்கள் பார்திபனுக்கும் ஒரு கனவிருந்தது,
      அவன் மனதில் அனல் குடி இருந்தது.
      உறையூரான் கனவு சோழத்தை ஒட்டியது, 
      எங்கள் ஊரெழுவான் கனவு ஈழத்தை பற்றியது. 
      சோழப் பார்தீபன் கனவு வளர்த்தது வம்சத்தை,
      எங்கள் ஈழப் பார்தீபன் நகர்வு,
      சிதைத்தது பாரத வஞ்சத்தை.
      பழுவேட்டையர்கள் உடம்பு பல தழும்புகள் கொண்டதாம்.
      போங்கடா போங்கள், எங்கள் பார்தீபன் உடம்பே தழும்பில்தான் இருந்தது.
      அவனுக்கு பொருத்தப் பட்டது ஆட்டு ஈரலாம்.
      இருக்கட்டும்,
      அவன் இதயம் வேங்கையினது.
      அவன் ஒரு சாரம் கட்டிய பொடியன். 
      ஆனால்,
      பாரதத்துக்கே காந்திய சாரம் புகட்டிய வலியன்.
      மருத்துவனாய் வந்திருக்கவேண்டியவன்,
      இனத்தின் ரணத்திற்கு தானே மருந்தாய் வந்தான். முடிவில் மருத்துவகல்விக்கு உடலை விருந்தாயும் தந்தான்.
      தடை போடலாம் அவன் நிகழ்வுகளுக்கு,
      எம் மனதில் தினம் ஏந்தும் நினைவுகளுக்கு?
      பார்திபன் இன்னும் பசியோடுதான் இருக்கிறான். அவன் கனவும் .....
      —கோஷான்—
       

    • By முதல்வன்
      தமிழீழ விடுதலைப் புலிகளின் போராளியான திலீபன் உண்ணாவிரதம் காரணமாக உயிரிழக்கவில்லை என பாதுகாப்புச் செயலாளர் கமால் குணரட்ன தெரிவித்துள்ளார்.
      நோய் காரணமாகவே திலீபன் உயிரிழந்தார் என கமால் குணரட்ன குறிப்பிட்டுள்ளார்.
      ஐந்து அம்ச கோரிக்கையை முன்வைத்து 1987ம் ஆண்டில் திலீபன் 12 நாட்கள் உண்ணாவிரதப் போராட்டம் நடத்தி உயிர் நீத்திருந்தார் என்பது குறிப்பிடத்தக்கது.
      பூசா சிறைச்சாலையில் உண்ணாவிரதப் போராட்டம் நடத்தி வரும் கைதிகள் தொடர்பில் இன்றைய தினம் கண்டியில் வைத்து கருத்து தெரிவித்த போது அவர் இதனைக் குறிப்பிட்டுள்ளார்.
      அவர் மேலும் கூறுகையில்…
      “பூசா தடுப்பு முகாமில் தடுத்து வைக்கப்பட்டுள்ளவர்கள் இந்த நாட்டின் மிகப் பெரிய குற்றவாளிகளாவர். இந்தக் கைதிகளின் கோரிக்கைகள் அநீதியானவை அவற்றை நிறைவேற்ற முடியாது. தங்களது சட்டத்தரணிகள் சார்பிலும் போராடுகின்றனர். சட்டத்தரணிகளையும் சோதனையிடக் கூடாது என கோரியிருந்தனர். அந்த விடயம் அவர்களுக்கு தேவையற்றது.”
      நான் இந்த நாட்டின் பாதுகாப்புச் செயலாளர். நான் பூசா சிறைச்சாலைக்கு சென்றாலும் என்னையும் சோதனையிடுவார்கள், சிறைச்சாலைகள் ஆணையாளர் நாயகம் சென்றாலும் சோதனையிடுவார்கள். இந்தச் சிறைச்சாலை அதி உயர் பாதுகாப்பு கொண்ட சிறைச்சாலையாகும்.”
      “இலங்கை வரலாற்றில் சாகும் வரையில் உண்ணாவிரதப் போராட்டம் இருந்து உயிரிழந்த ஒருவரே இருக்கின்றார் அவர் திலீபன் ஆவார், திலீபன் உண்ணாவிரதப் போராட்டம் காரணமாக உயிரிழக்கவில்லை, திலீபன் ஓர் நோயாளி, நோயுற்றிருந்த திலீபனை பிரபாகரன் உண்ணாவிரதப் போராட்டத்தில் ஈடுபடுமாறு பணித்தார்.”
      “இது தவிர ஏனையவர்கள் இரண்டு மூன்று நாட்கள் உண்ணாவிரதப் போராட்டம் இருந்து பின்னர் தங்களது போராட்டத்தை கைவிட்டு விடுவார்கள், ஏதேனும் ஓர் காரணத்திற்காக இவ்வாறு உண்ணாவிரதம் கைவிடப்படுகின்றது” என அவர் குறிப்பிட்டுள்ளார்.
      “பூசாவில் உண்ணாவிரதப் போராட்டம் நடத்தி வரும் கைதிகளுக்கு உணவு காணப்படுகின்றது தேவையென்றால் அவர்கள் உணவு உட்கொள்ள முடியும். சிலர் சாப்பிட மாட்டோம் என்று போராடி வருகின்றனர் இன்னும் சில நாட்களில் அவர்கள் சாப்பிடுவார்கள், அது ஒரு பிரச்சினையல்ல.”
      “குற்றச் செயல்களில் ஈடுபட்டால் அவர்களின் தராதரம் அவர்கள் சீருடை அணிபவர்களா என்பது பற்றியெல்லாம் நாம் கரிசனை கொள்ளப் போவதில்லை, அனைவருக்கும் ஒரே விதமாகவே சட்டம் அமுல்படுத்தப்படும்” என பாதுகாப்புச் செயலாளர் கமால் குணரட்ன தெரிவித்துள்ளார்.
      https://www.tamilwin.com/politics/01/255882?ref=home-latest
    • By நவீனன்
      திலீபனின் நினைவேந்தல் நிகழ்வுக்கு போட்டியாக கொண்டாட்ட நிகழ்வுகளும்

      குளோபல் தமிழச் செய்தியாளர்
      திலீபனின் நினைவேந்தல் நிகழ்வுகள் இடம்பெற்ற இடங்களுக்கு மிக அருகில் கொண்டாட்ட நிகழ்வுகளும் இன்றைய தினம் யாழில்.ஏற்பாடு செய்யப்பட்டு இருந்தன.
      யாழ்.பல்கலைகழக வளாகத்தினுள் மாணவர்களின் ஏற்பாட்டில் , நினைவேந்தல் நிகழ்வுகள் உணர்வுபூர்வமாக நடைபெற்றன. அதேநேரம் நினைவேந்தல் நிகழ்வு நடைபெற்ற இடத்திற்கு மிக அருகில் உள்ள யாழ்.பல்கலைகழக கைலாசபதி கலையரங்கில் சர்வதேச திரைப்பட விழா நடைபெறுவதற்கான ஏற்பாடுகள் செய்யப்பட்டு உள்ளன.
      பல்கலைகழக வளாகத்தினுள் சிவப்பு மஞ்சள் கொடி கட்டி திலீபனின் நினைவு நாளை மாணவர்கள் அனுஸ்டிக்கும் போது , சர்வதேச திரைப்பட விழாவை முன்னிட்டு விழா குழுவினால் பல்கலைகழக வளாகத்தினுள் அலங்காரங்கள் செய்யப்பட்டு உள்ளான.
      யாழ்.பல்கலைகழகத்தினுள் திலீபனின் திருவுருவபடம் வைத்து உண்ணா நோன்பிருந்து திலீபன் உயிர் நீத்த 26ஆம் திகதி வரையில் அஞ்சலி செலுத்த மாணவர்கள் ஏற்பாடு செய்துள்ளனர். அதே கால பகுதியில் இன்று முதல் எதிர்வரும் 20ஆம் திகதி வரையில் சர்வதேச திரைப்பட விழாவை முன்னிட்டு தினமும் கைலாசபதி கலையரங்கில் திரைப்படங்கள் காட்சி படுத்தப்படவுள்ளன.
      அதேவேளை இன்றைய தினம் நல்லூர் பின் வீதியில் பருத்துத்துறை வீதியில் அமைந்துள்ள திலீபனின் நினைவுத்தூபியில் அஞ்சலி நிகழ்வுகள் நடைபெற்றன.
      அதேநேரம் நினைவுத்தூபிக்கு முன்பாக உள்ள இடத்தில் காப்புறுதி நிறுவனம் ஒன்றின் கொண்டாட்ட நிகழ்வுகள் இடம்பெற்றன.


      http://globaltamilnews.net/archives/41242
    • By கந்தப்பு
      சுயத்தின் எல்லை கடந்த திலீபன்

      சமூக உலகில் சங்கமித்துக்கொள்ளும் தனி மனிதனிடம் மனிதத்துவம் எப்போது நிறைவு பெறுகிறது? மனித சிந்தனையை மிக ஆழமாகத் தூண்டி விடும் வினா இது.

      தத்துவ வித்தகரும், அரசியற் சிந்தனையாளரும், சிறந்த மார்க்சியவாதியுமான ஜோன் போல் சாத்தரின் ஆழமான சிந்தனையூடாக அழகு தமிழிலே அதை நமக்கு விளக்குகின்றார் "தேசத்தின் குரல்' மதியுரைஞர் அன்டன் பாலசிங்கம்.

      மனிதன் தனக்காக வாழாமல், தன் நலனுக்காக வாழாமல், தன் குடும்பம் என்ற குறுகிய வட்டத்துக்குள் வாழாமல், தனது சுயத்திற்கு அப்பால், மற்றவர்களுக்காக, மற்றவர்களின் நலனுக்காக, மானுடத்தின் நல்வாழ்வுக்காகத் தன்னை அர்ப்பணித்து வாழும் மாண்பே மகத்துவம். சுயத்தின் எல்லை கடந்து, தனி மனித நலனுக்கு அப்பால் மற்றவர்களுக்காக வாழ்பவன், மானுடத்தின் உயர்ச்சிக்காகவும் மேம்பாட்டுக்காகவும் உழைப்பவன் உண்மையான மனிதனாகச் சிறக்கிறான். மானுடத்தின் மனிதத்துவம் அவனிடமே நிறைவு பெறுகின்றது. இதுவே இருப்பியம் காட்டி நிற்கும் மனிதாபிமானம்.

      தன் இனத்தின் இருப்புக்காகத் தன் சுயத்தைத் துறந்து, மானிட மாண்பை செயலில் காட்டி, நமக்கு முன்னுதாரணமாகத் திகழ்ந்த ஒரு தியாகியின் இருபதாவது ஆண்டு நிறைவு நாளில் நினைவு நாளில் அந்தத் தீபச் சுடரின் ஒளியின் ஊடாக மானிடத்தின் மாண்பை மேன்மையை நாம் தரிசிக்க ஒரு வாய்ப்புக் கிட்டியிருக்கின்றது.

      காந்தி தேசத்துக்கே காந்திய நெறியின் அர்த்தத்தைப் போதித்து உணர்த்தியவன் தியாகி திலீபன். தான் கொண்ட இலட்சியத்தில் இரும்பை ஒத்த உறுதியாக நின்று, ஒரு சொட்டுத் தண்ணீர் கூட அருந்தாமல் உண்ணா நோன்பு இருந்து, சுமார் இரண்டு வாரங்கள் அணுவணுவாய்ச் செத்து, ஈழத் தமிழ் அன்னைக்கு வேறு எந்தத் தலைமகனும் இயற்ற முடியாத தற்கொடையாகத் தன்னுயிரை ஈகமாக அர்ப்பணித்து, சரித்திரத்தில் சாகா இடம்பெற்ற ஒரு தியாகியின் இரண்டு தசாப்த காலம் கடந்த நினைவு தினம் இன்று.

      மனித வாழ்வு அவலமானது; அபத்தமானது; துன்பங்கள், துயரங்கள் நிறைந்தது. இதுவே நமது இருப்பின் மெய்மை நிலை. இந்த உண்மை நிலையிலிருந்து யதார்த்தத்திலிருந்து யாரும் தப்பிவிட முடியாது. இந்த வாழ் நிலையை மனிதன் துணிச்சலுடன் எதிர்கொண்டேயாக வேண்டும். வாழ்வில் அர்த்தமில்லை என்று யாரும் கோழையாகி உயிரை மாய்த்து விட முடியாது. நாம் வாழ்ந்தேயாக வேண்டும். அபத்தமான வாழ்விலிருந்து மீளும் அர்த்தமே அதில்தான் உள்ளது என்பது நாம் யாவரும் அறிந்ததே.

      ஆனால், தன் துன்பியலுக்காக மட்டுமல்லாமல், தன் இனத்தின் துன்பியலிலிருந்து அந்த இனத்தை விடுவிப்பதற்காக தன் மக்களின் மீட்சிக்காக தன் வாழ்வையும் உயிரையும் ஆகுதியாக்கி, அர்ப்பணம் செய்யத் துணிபவன் வீரத்தின் உச்சியில் வைத்துப் போற்றப்படுகின்றான். அவன் கோழை அல்லன். கோபுரத்தின் உச்சியில் வைத்துப் போற்றப்படும் கோமகனாகின்றான். இவ்வாறு குன்றின் உச்சியில் மின்னும் தாரகையாகத் திகழ்கிறான் திலீபன்.

      உலக சரித்திரத்தில் இம்சைக்கு எதிராக அஹிம்சை வழியில் போராடி சத்தியத்தின் நிஜத்தை உலகுக்குப் பறைசாற்றுவித்த மாண்பாளர்களின் வரிசையிலே மகாத்மா காந்திக்கு முந்திய இடம் தியாகி திலீபனுக்கு உண்டு. ஆயுதப் போராளி, அஹிம்சைப் போராளியாகி சரித்திரம் படைத்த வரலாறு திலீபனுடையது.

      ஆயுத விடுதலைப் போராட்டத்துக்குள் முகிழ்ந்த திலீபன் என்ற இளைஞன் காந்தீய வழியில் நெறிக்கப்பட்ட அறப் பாதையில் தானே தன்னை வருத்தி, மேற்கொண்ட சத்திய வேள்வியிலே மனவுறுதியுடனும் திடசங்கற்பத்துடனும் தளராது உயர்ந்து நின்று, தன்னையே ஆகுதியாக்கி உலகையே அதிர்ச்சியில் ஆழ்த்தி, தன் இலட்சிய வேட்கையின்பால் உலகின் கவனத்தைத் திரும்பிப் பார்க்க வைத்தான்.

      அவனது போராட்டக் காலகட்டமும், அதனை ஒட்டிய விளைவுகளும் அந்த நேரத்தில் இரண்டு முக்கிய உண்மைகளை நம் இனத்துக்குப் போதித்தன.

      ஒன்று அதுவரை சுமார் மூன்று தசாப்த காலம் தமிழர் தம் தலைமையை அலங்கரித்து, பதவிகளை சுவீகரித்து, அறநெறிப் போராட்டத்தின் பெயரால் இனத்தை வழி தப்பி நடத்திச் சென்ற தலைவர்களுக்கு இருக்காத அறநெறி உறுதியும், திட சங்கற்பமும், தலைமைத்துவ மகத்துவமும், அந்தத் தலைமைகளிடமிருந்து அப்பொறுப்பை ஆயுத பலத்தின் பின்னணியில் பிடுங்கிக் கொண்ட இளைஞர்கள் மத்தியில் மிகுதியாக இருக்கின்றன என்பதை செயன்முறைச் சாதனையில் உதாரண புருஷனாகச் செய்து காட்டினான் திலீபன்.

      அதாவது, வெறும் ஆயுதப் போராட்டத் துணிச்சல் தந்த வெறி மட்டுமல்ல, அறவழிப் போராட்டத்துக்கான திடசங்கற்பமும் இலட்சியப் பற்றுறுதியும் கொண்டது நமது புதிய இளந்தலைமுறைப் போராட்ட சக்தி என்பதை நம் மக்களுக்குப் பறைசாற்றுவித்தான் திலீபன். அறவழிப் போராட்டத்தில் கூட தமது முன்னைய தலைமைக்கு இல்லாத தகுதியும், உறுதியும் அடுத்த தலைமுறையிடம் நிறையவே உற்பவித்துள்ளன என்பதற்கு உதாரணமானான் அவன்.

      அடுத்தது ஈழத் தமிழர்களைத் துன்பியல் சாகரத்திலிருந்து மீட்கும் உண்மை இரட்சகராக இந்தியா இருக்கும் என்று ஈழத் தமிழர் மனதில் படிந்திருந்த மாயையை புனைகதையை தவறான நம்பிக்கையை துடைத்தெறிந்து, உண்மையை நம் மக்களுக்கு உணர்த்தும் விளக்காகவும் விளங்கினான் திலீபன்.

      இந்திய அதிகார வர்க்கத்தின் உள்நோக்கத்தில் தன்னுடைய வல்லாதிக்கத்தின் பூகோள, அரசியல் நலனே முக்கியமானது, ஈழத் தமிழரின் நீதி, நியாயமான அபிலாஷைகள் அல்ல என்ற உண்மையை திலீபன் உண்ணா நோன்பிருந்த அந்தப் பன்னிரு நாள் காலத்தில்தான் ஈழத் தமிழர் தாயகம் நன்கு உணர்ந்து தெளிந்துகொண்டது.

      ஈழத் தமிழர் விவகாரம் தொடர்பாக அன்றைய இந்தியப் பிரதமர் ராஜீவ் காந்தி, அச்சமயத்தில் இரண்டு உடன்படிக்கைகளைச் செய்துகொண்டார். ஒன்று எழுத்தில். மற்றது வார்த்தைகளில். முதல் உடன்படிக்கை, இலங்கை இந்திய ஒப்பந்தத்துக்கு முதல்நாள் இரவு, புதுடில்லியில் புலிகளின் தலைவர் பிரபாகரனுடன் நேரடியாகப் பேசி அவர் செய்து கொண்டது. அது எழுத்தில் வரையப்படாதது. கனவான்கள் இணக்கம்.

      ஆனால் பாரதப் பிரதமர் ராஜீவ் காந்தியின் கனவான்தனம் கனவாகிப் போனதால், அந்த உடன்பாடு காற்றில் பறந்தது. கரைந்தது. தியாகி திலீபனின் உண்ணாநோன்பு மூலம் அந்த உடன்பாடு கனவாகிப்போய், ராஜீவின் கனவான்தனம் காணாமற் போனதை ஈழத் தமிழினம் உணர்ந்தது.

      அடுத்த உடன்படிக்கை இலங்கை ஜனாதிபதி ஜே.ஆர். ஜெயவர்த்தனாவுடன் அவர் செய்துகொண்டது. அந்த உடன்பாடும் கூட சுமார் 19 ஆண்டுகள் கழித்து, இலங்கையின் தற்போதைய மஹிந்த அரசின் வடக்கு கிழக்குப் பிரிப்புடன் முற்றாகச் செத்துச் செயலிழந்து அடங்கிப் போய் விட்டது என்பதை உலகம் உணர்ந்துகொள்ளும் நிலைமை ஏற்பட்டிருக்கின்றது.

      இதுதான் நிஜத்தில் நிகழும் என்பதை, காந்தியின் நாமத்தைத் தனது பெயரில் கொண்ட அந்தத் தலைவருக்கு தனது காந்தீய நெறிப்பட்ட போராட்டத்தின் மூலம் அன்றே உணர்த்த முயன்றான் தியாகி திலீபன்.

      அதைப் புரிந்துகொள்ள அன்று அவர் மறுத்ததால் மறந்ததால் இன்று இந்த நிலைமை. திலீபனின் நீதியான போராட்டத்துக்குப் பின்னால் புதைந்து கிடந்த மகத்துவத்தைப் புரிய மறுத்தமை, பல வரலாற்றுத் துன்பியல் நிகழ்வுகளுக்கு வழி சமைத்து விட்டதே.........!

      -உதயன்
    • By வல்வை லிங்கம்
      தியாக தீபம் திலீபன்
      ,இராசையா பாத்தீபன்



      தோற்றம் - 27.11.1963
      மறைவு - 26.09.1987

      வீரச்சாவுக்குமுன் தியாகி திலீபன்
      ஆற்றிய இறுதி உரையிலிருந்து...

      "என் மனம் மகிழ்ச்சியில் மிதக்கின்றது. நீங்கள் பல்லாயிரக்கணக்கில் இந்தப் புரட்சிக்குத் தயார்பட்டுவிட்டதை என் கண்கள் பார்க்கின்றன. நான் திருப்தி அடைகிறேன்.
      ...... நான் நேசித்த தமிழீழ மண்ணில் வாழ்கின்ற ஒவ்வோர் மக்களும் இந்தப் பெரும் புரட்சிக்குத் தயாராக வேண்டும் எனது இறுதி ஆசை இதுதான்.

      வெகு பெரும்பணியை உங்களிடம் விட்டுச் செல்கிறேன். நான் மிகவும் நேசித்த என் தோழர்கள் என் சகோதரிகள் எல்லாவற்றிலும் மேலாக என் தலைவன் திரு. பிரபாகரன் அவர்கள் உங்களுடன் இருக்கிறார். நீங்கள் பரிபூரணமாகக் கிளர்ந்தெழவேண்டும். மாபெரும் மக்கள் புரட்சி வெடிக்கட்டும்! இப் புரட்சி நாள் என்னுயிருக்கு மேலாக நேசிக்கும் என் மக்களுக்குக் கிடைக்கட்டும். எமது எதிர்கால சந்ததி வாழ ஒரு நாடு தேவை. அல்லாவிட்டால் நாளை எங்களைப் போல்தான் எமது எதிர்கால சந்ததியும் துன்பப்படும் வருத்தப்படும்"

      'மக்கள் புரட்சி வெடிக்கட்டும்! சுதந்திரத் தமிழீழம் மலரட்டும்" - என்று அறைகூவி, தன் மக்களுக்காகத் தன்னையே அர்ப்பணித்த தியாகச் செம்மல் மாவீரன் திலீபனின் பதினாறாவது நினைவாண்டுத் தினம் நெருங்குகின்ற இவ்வேளையில், நெக்குருகி நினைவஞ்சலி செலுத்தி அவனது வரலாற்றை எண்ணிப் பார்க்க விழைகின்றோம்.

      நல்லூர்க் கந்தசுவாமி கோவில் வீதியில், ஓருயிர் தன்னைத் தானே சிலுவையி;ல் அறைந்து கொண்டது. சாவைச் சந்திப்பதிற்கு அந்த உயிர் தன்கையில் எடுத்த ஆயுதம், அகிம்சை என்று அழைக்கப்படுகின்ற கோட்பாட்டை! பல்லாயிரக்கணக்கான மக்கள் பரிதவித்துப் பார்த்திருக்க, தன் உடலையும், உயிரையும் துடிக்கத் துடிக்கத் தற்கொடையாக்கிய ஒரு மாவீரனின் தியாகம், எமது இனத்திற்கு ஊட்டிய விழிப்புணர்வை, அந்த விழிப்புணர்வின் தேவையை, நாம் இந்த வேளையில் இந்தக் காலகட்டத்தில் கருத்தில் கொள்வது பொருத்தமானது மட்டுமல்ல - அவசியமானதும் கூட!

      பதினாறு ஆண்டுகளுக்கு முன்பு இந்தியா, தமிழீழத்தவரின் தேசியப் பிரச்சனையில் வெளிப்படையாக நேரடியாகத் தலையிட்ட போது, எமது மக்கள் நெஞ்சங்களில், இந்தியா ஒரு நம்பிக்கைக்குரிய இரட்சகனாகவே தோன்றியது. 'அகிம்சை என்னும் கோட்பாட்டின் அடிப்படையில் அல்லது அகிம்சை என்னும் தத்துவத்தின் அடிப்படையில் நவ இந்தியா தனது அரசியல் கட்டமைப்பை உருவாக்கியுள்ளது" என்ற பிரமையை, அல்லது மாயையை இந்தியா ஆட்சி பீடங்கள் தோற்றுவித்திருந்தன. அகிம்சை என்ற தத்துவத்தின் உயர்வான கொள்கைகளும் நீதிகளும், உண்மையாகவே பேணப்படுகின்றன என்று இந்தியப் பொது மக்கள் மட்டுமல்ல, தமிழீழப் பொதுமக்களும் மனமார நம்பினார்கள். அகிம்சைக் கோட்பாட்டின் மூலம், நீதியை வென்றெடுக்கலாம், நியாயத்தை நிலைநாட்டலாம் என்று, நம்மவர்களும் நம்பியிருந்த காலம் அது!
      அகிம்சை என்ற கோட்பாடு குறித்தோ அல்லது அகிம்சை என்ற தத்துவம் குறித்தோ இப்போது தர்க்கிப்பது அல்ல எமது நோக்கம்! அகிம்சை என்ற கோட்பாடு, ~சரியா-பிழையா| அல்லது ~சரிவருமா - சரிவராத| என்று விவாதிப்பதற்கும் நாம் இப்போது முன்வரவில்லை. நாம் சொல்ல விழைவது அல்லது வற்புறுத்திச் சொல்ல விழைவது என்னவென்றால், 'அகிம்சைத் தத்துவத்தின் அடிப்படையில் தான் நவ இந்தியா செயல்பட்டு வருவதாக, இந்தியஅரசுகள் பறைசாற்றி? வந்தாலும் அவை உண்மையில், அகிம்சைத் தத்துவத்திற்கு எதிராகத்தான் செயல்பட்டு வருகின்றன - வந்திருக்கின்றன என்பதுதான்! அதாவது, மஹாத்மா காந்தியின் அகிம்சை வாதத் தத்துவத்தைத் தனது அடிப்படை அரசியல் கொள்கையாக வரித்திருப்பதாக, இந்தியா மேலோட்டமாக முழங்கி வந்தாலும், உண்மையில், இந்தியா தனது அகிம்சைத் தத்துவத்திற்கு எதிராகத்தான் செயல்பட்டு வந்திருக்கின்றது - வருகின்றது, என்பதை நாம் இங்கே வலியுறுத்திக் குறிப்பிட விரும்புகின்றோம்! நாம் இங்கே வெறும் வாயால் வலியுறுத்திக் கூறுவதை, தனது உடலால் உயிரால் வலியுறுத்திக் காட்டி நிரூபித்தவன்தான் எமது தியாகச் செம்மல் திலீபன்.

      'சிங்கள அரசுகளுக்கு எதிராக உண்ணாவிரதம் போராட்டங்களை அகிம்சைப் போராட்டங்களை நடாத்தி, எமது உரிமைகளை வென்றெடுப்போம்| என்று - இன்று - யாராவது கருத்து வெளியிட்டால், அது நகைப்புக்கு இடமாகும் என்பதில் சந்தேகமில்லை. அதனை வரலாறு காட்டி நிற்கின்றது. அதனை நமது மக்களும் பட்டறிவினால் உணர்ந்துள்ளார்கள். 'சிறிலங்கா அரசாங்களுக்கு எதிராக நடாத்தப்படும், அகிம்சைப் போராட்டம் வெற்றி பெறாது" என்பதை, அகிம்சைத் தத்துவத்தில் நம்பிக்கை கொண்டுள்ள எம்மவர்களும் ஒப்புக்கொள்வார்கள்!

      ஆனால் அகிம்சைப் போராட்ட விடயத்தில் இந்தியா மீது எமது மக்கள் கொண்டிருந்த நம்பிக்கையோ வித்தியாசமானது!

      'அகிம்சைப் போராட்டங்களை - சாத்வீகப் போராட்டங்களை - உண்ணாவிரதப் போராட்டங்களை - இந்தியா மதிக்கும்! ஏனென்றால் இந்தியாவின் அடிப்படைத்தத்துவம் - ஆன்மீகத் தத்துவம் - உயர்வான தத்துவம் - யாவுமே அகிம்சைக் கோட்பாடுதான்! ஆகவே, சிங்கள இனவெறி அரசுகள் எமது அகிம்சைப் போராட்டங்களை அலட்சியம் செய்து, வன்முறையால் அடக்கியது போல், இந்தியா செய்யாது! அது எமது அகிம்சைப் போராட்;டங்களைச் செவி மடுக்கும்! போராட்ட நியாயங்களுக்குத் தலை வணங்கும்!" என்று எமது தமிழினம் சத்தியமகவே நம்பியது. அந்த நம்பிக்கையில், தனது எதிர்காலத்தைப் பணயம் வைக்கவும், எமது தமிழினம் தயாராக நின்றிருந்த வேளை, அந்த 1987!

      அந்த வேளையில்தான் எமது இனத்தின் விடுதலைக்கான பாதை, எந்தத் திசை நோக்கி எவ்வாறு இருக்க வேண்டும் என்பதைக் காட்டுவதற்காக தனியொருவனாக ஒரு புலி வீரன் புறப்பட்டான். அதற்காக அவன் அன்று எந்திய ஆயுதம் இந்தியாவின் அதே அகிம்சை ஆயுதம்!

      இன்றுகூட, இந்தியாவின் அழுத்தம் - இங்கிலாந்தின் அழுத்தம் அமெரிக்காவின் அழுத்தம்| என்று பிரச்சார அழுத்தங்கள் பரப்புரை அழுத்தங்கள் மேற்கொள்ளப்படுவதை நாம் காணக்கூடியதாக உள்ளது. ஆனால், தியாகி திலீபன் ஒரு செய்தியை, வெளிப்படையாகப் பிரகடனம் செய்தான்! அந்தப் பிரகடனத்தைச் செய்வதற்கு அதனை நிரூபணம் செய்வதற்கு அவன் தன்னையே தாரை வார்த்தான்!

      அவன் சொன்ன - செய்தி என்ன,

      'இந்த இனம் - இந்தத் தமிழினம் அடங்காது! அது போராடும்! ஆயுதம் இல்லாவிட்டாலும் அது போராடும்! புல்லையும் எடுத்து அது போராடும்! அடக்கு முறைக்கு அது வளைந்து கொடுக்காது! பேரம் பேசாது - விட்டுக் கொடுக்காது! ஆயுதம் இல்லாவிட்டாலும் - உணவு இல்லாவிட்டாலும் இந்த இனம் தலை வணங்காது! அது தொடர்ந்து போராடும்! தன்னுடைய விடுதலைக்காக - நியாயத்திற்காக - நீதிக்காக - அது எந்த சக்தியையும் எதிர்த்துப் போராடும்!

      திலீபன் போராடினான்! சாவைச் சந்தித்தான்! ஒரு புதிய விழிப்புணர்வை அவன் எமக்கு ஊட்டினான்! ஆகிம்சைப் போராட்டத்தில் அவன் உண்ணாவிரதமிருந்தான்! போராட்டதிற்குப் பசித்தது! - அவனே உணவானான்! இலங்கை - இந்திய ஒப்பந்தம் முறையாகச் செயல்படுத்தப் படாது மட்டுமல்ல, எதிர் மறையான விடயங்கள் அமுலாக்கப்பட்டுக் கொண்டிருந்த காலகட்டம். சிறிலங்கா அரசிடம் சாத்வீக முறையில் நீதி கேட்டுப் போராட முடியாது என்பதை விடுதலைப்புலிகள் நன்கு உணர்ந்திருந்தார்கள். 'தமிழீழ இடைக்கால நிர்வாகம் விடுதலைப்புலிகளிடம் கையளிக்கப்பட வேண்டும்@ தமிழீழப் பிரதேசத்தில், சிறிலங்கா அரசு பொலிஸ் நிலையங்களை அமைத்தல் நிறுத்தப்பட வேண்டும்;; புனர்வாழ்வு என்ற போர்வையில் மேற்கொள்ளப்படுகின்ற சிங்களக் குடியேற்றங்களைத் தடுத்து நிறுத்த வேண்டும் சிறையில் வாடுகின்ற தமிழ் அரசியல் கைதிகள் அனைவரையும் விடுதலை செய்ய வேண்டும் ஊர்காவல் படையினரிடம் உள்ள ஆயுதங்கள் பறிக்கப்படுவதுடன், தமிழ்க் கிராமங்கள், பாடசாலைகள் ஆகியவற்றில் உள்ள இராணுவ முகாம்கள் மூடப்பட வேண்டும்" என்ற கோரிக்கைகளை முன் வைத்து, செப்டம்பர் மாதம் 15ம் திகதி 1987ம் ஆண்டு, திலீபன் சாகும்வரையிலான உண்ணாவிரதப் போராட்டத்தை ஆரம்பித்தான்! நவ இந்தியாவிடம் நீதிகேட்டு அவன் தன் அகிம்சைப் போராட்டத்தைத் தொடங்கினான்!

      இந்த ஜந்து கோரிக்கைகள் புதிதானவை அல்ல! ஏற்கனவே இந்திய அரசால் அங்கீகரிக்கப்பட்ட அடிப்படையான விடயங்கள் தாம் அவை! இவற்றை நிறைவேற்றுவதற்காக உண்ணாவிரதப் போராட்டத்தில் இறங்;கிய தியாதி திலீபனின் மன உறுதிபற்றிக் கட்டாயம் குறிப்பிட்டேயாக வேண்டும்.

      உறுதி என்றால் எப்படிப்பட்ட உறுதி! எடுத்த காரியத்திற்காக இறுதி மூச்சு உள்ளவரை, உறுதியோடு போராடுகின்ற, உளவலிமையுள்ள இலட்சிய உறுதி!

      'சாகும்வரை உண்ணாவிரதம் இருக்க முடிவு செய்த போது, ஒரு சொட்டுத் தண்ணீரையும் உட்கொள்ளாமல், உண்ணாவிரதத்தை மேற் கொள்ள வேண்டும்" என்று திலீபன் முடிவெடுத்தான். அந்த முடிவில் அவன் உறுதியாக இருந்தான். அவனுடைய அந்த இறுக்கமான முடிவுக்கு, தமிழீழத் தேசியத் தலைவர் சம்பந்தப்பட்ட நிகழ்வு ஒன்று காரணமாக அமைந்தது!

      1986ம் ஆண்டு நவம்பர் மாதத்தின் போது, தமிழ்நாட்டிலிருந்து தலைவர் பிரபாகரனின் தொலைத் தொடர்புச் சாதனங்களை, இந்தியா பறிமுதல் செய்தது. இதனால் தலைவர் கடும் சினம் கொண்டார். தொலைத் தொடர்;புச் சாதனங்களை இந்தியா அரசு திரும்பத் தரும்வரைக்கும், ஒரு சொட்டுத் தண்ணீரும் அருந்தாமல், சாகும் வரையிலான உண்ணாவிரதத்தைத் தலைவர் பிரபாகரன் உடனேயே ஆரம்பித்தார்.

      அப்போது நடைபெற்ற விடயங்களை எமது நேயர்களுடன் பகிர்ந்து கொள்ள விரும்புகின்றேன்.

      உடனடியாகத் தலைவர் ஆரம்பித்த சாகும்வரையிலான உண்ணாவிரதப் போராட்டத்தை, ஒரு நாள் கழித்தாவது ஆரம்பிக்கும்படி, இயக்கப் பிரமுகர்களும், போராளிகளும் தலைவரைக் கெஞ்சினார்கள். அந்த ஒரு நாள் அவகாசத்தில், தமிழக மக்களுக்கும் தமிழக அரசியல்வாதிகளுக்கும், வெகு சன ஊடகங்களுக்கும் இந்த உண்ணாவிரதம் குறித்து அறிவித்த பின்னர், தலைவர் உண்ணாவிரதத்தை ஆரம்பிக்கலாமே - என்று கூட அவர்கள் வாதிட்டார்கள்! அந்த ஆலோசனையைத் திட்டமாக மறத்துவிட்ட தமிழீழத் தேசியத் தலைவர், அவர்களுக்குக் கூறிய பதில் இதுதான்!

      'இல்லை, நீங்கள் சொல்வது ஓர் அரசியல் நாடகம்! எனக்கு அது தேவையில்லை. நான் இந்த நிமிடம், இந்த வினாடியிலிருந்து, ஓரு சொட்டுத் தண்ணீரும் அருந்தாமல், சாகும்வரை உண்ணாவிரதத்தை ஆரம்பித்து விட்டேன். இந்திய அரசு எமது தொலைத் தொடர்புச் சாதனங்களைத் திருப்பித் தரும் வரைக்கும், அல்லது எனது உயிர் போகும் வரைக்கும், எனது போராட்டம் தொடர்ந்து நடைபெறும்.

      ஆனால் 48 மணித்தியாலங்களுக்குள் இந்தியா அரசு பணிந்தது. தொலைத் தொடர்புச் சாதனங்கள், தலைவர் தங்கியிருந்த வீட்டிலேயே கொண்டு வந்து தரப்பட்டன. தலைவர் தனது உண்ணாவிரதத்தை முடித்தார்.

      இந்த இலட்சிய உறுதிதான் தியாகி திலீபனிடமும் படிந்திருந்தது. தனது தலைவன் முன்னோடியாக நின்று வழிகாட்டிப் போராடியதை, அவன் அடுத்த ஆண்டில் 1987இல் நடாத்தினான். ~ஒரு சொட்டு நீரும் அருந்தாமல், தனது உண்ணவிரதத்தை ஆரம்பிக்கப் போகின்றேன்| என்று திலீபன் அறிவித்தபோது தலைவர் பிரபாகரன் அவனிடம் ஒரு வேண்டுகோளை விடுத்தார். 'தண்ணீரையாவது குடித்து, உண்ணாவிரதத்தைத் தொடரலாம்" என்று தலைவர் பிரபாகரன், திலீபனைக் கேட்டுக் கொண்டார்.

      அதற்குத் திலிபன், தலைவரிடம் ஒரு பதில் கேள்வி கேட்டான்! 'அண்ணா, ஆனால் நீங்கள் அப்படிச் செய்ய வில்லையே? நீங்களும் ஒரு சொட்டுத் தண்ணீர் கூட அருந்தாமல்தானே, சாகும்வரை உண்ணாவிரதத்தை மேற்கொண்டீர்கள்? என்னை மட்டும் ஏன் தண்ணீர் அருந்தச் சொல்கின்றீர்கள்?".

      உயர்ந்தவர்களிடம் மட்டும் காணக்கூடிய இலட்சிய உறுதி அது!

      தியாகி திலீபனின் மரணமும் வித்தியாசமான ஒன்றுதான்! அவனுடைய உறுதியான இலட்சியத்தை இயக்கம் உணர்ந்திருந்தது - தமிழ் மக்களும் உணர்ந்திருந்தார்கள். இந்திய அரசு, திலீபனின் கோரிக்கைகளுக்கு இணங்காத பட்சத்தில், திலீபன் கட்டாயம் சாவைத் தழுவிக் கொள்வான் என்று எல்லோருக்குமே தெரிந்திருந்தது. அதனால்தான் அவன் உண்ணாவிரதமிருந்த போதே, அவன் மீது இரங்கற் பா பாடப்பட்டது. அவன் உயிரோடிருந்த போதே, அவன் எதிர்கொள்ளப் போகும் சாவுக்காக மக்கள் கலங்கி நின்றார்கள்.

      'திலீபன் அழைப்பது சாவையா - இந்தச் சின்ன வயதில் அது தேவையா
      திலீபனின் உயிரை அளிப்பாரா - அவன்

      செத்தபின் மாற்றார் பிழைப்பாரா" என்று குமுறினார் உணர்ச்சிக் கவிஞர் காசி ஆனந்தன் அவர்கள்.

      'விண்ணிருந்து பார்ப்பேன் விடுதலையை என்ற மகன்
      கண்ணெதிரே இந்தக் கட்டிலிலே முடிகின்றான்
      பத்தோடு ஒன்றா - இவன் பாடையிலே போவதற்கு
      சொத்தல்லோ - எங்கள் சுகமல்லோ

      தாலாட்டுப் பாட்டில் தமிழ் தந்த தாய்க்குலமே
      போராட்ட வீரன் போய்முடியப் போகின்றான் -
      போய் முடியப் போகின்றான்...
      போய் முடியப் போகின்றான்..

      என்று புதுவை இரத்தினதுரை அவர்களும் கதறிப்பாடியதை, கால வெள்ளம் அழித்திடுமா என்ன?


      இப்போது மீண்டும் ஒரு சமாதானத்திற்கான காலம்! இப்போதும் ஒரு குழப்பம்! இந்திய அரசு, தமிழர்களுக்கு ஏதும் பெற்றுத்தரும் - என்று நம்மவர்கள் கொண்டிருந்த எண்ணம் பிழையானது" என்பதை நிரூபிக்க, ஓர் உயிர் சாவைச் சந்தித்தது. அச்சாவு மக்களுக்கு ஒரு விழிப்புணர்வை ஊட்டியது. இப்போது - சிறிலங்கா அரசு ஏதேனும் தரும் என்ற எண்ணம் முளைவிட்டுள்ளது. இப்படிப்பட்ட சிந்தனைக்குரிய பதிலை, முன்னோடி உதாரணமாகத் தியாகி திலீபன் தந்துள்ளான் - மீண்டும் ஓர் உதாரணம் எமக்கு வேண்டாம்!
      புலிக்குப் பசித்தால் அது புல்லைச் சாப்பிடாதுதான்! ஆனால் அது புல்லையும் ஓர் ஆயுதமாகப் பாவிக்கும்! பேரினவாதம் எமக்கு எதையும் தந்துவிடாது என்பதைத் தியாகி திலீபனின் தியாகித்தினூடே நாம் கண்டு கொண்டுள்ளோம்! என் அன்புத் தமிழ்மக்களே, விழிப்பாக இருங்கள் - விழிப்பாக இருங்கள்" என்று சொன்ன திலீபன், அந்த விழிப்புணர்ச்சி எமக்கு ஏற்பட வேண்டும் என்பதற்காக, தன்விழி மூடி வீரச் சாவடைந்தான். அவன் கேட்டுக் கொண்டதற்கிணங்க, இக்காலகட்டத்தில், நாமும் விழிப்பாக இருந்து, எமது தேசியத் தலைமையைப் பலப்படுத்துவதே நாம் அவனுக்குச் செய்யக்கூடிய உண்மையான அஞ்சலியாகும்! தியாகி திலீபனுக்கு எனது சிரம் தாழ்த்திய அக வணக்கம்!


  • Topics

  • Posts

×
×
  • Create New...

Important Information

By using this site, you agree to our Terms of Use.