Jump to content

யாயினியின் பக்கம்..பல்சுவை அம்சங்களோடு..


Recommended Posts

  • Replies 3.9k
  • Created
  • Last Reply

Top Posters In This Topic

கனடாவில் தற்சமயம் முதல் இரண்டு ஊசிகளும் கலந்து போட்டவர்கள்,அதாவது அஷ்ராசனிக்கா, மற்றும் வேறு ஒன்றை எடுத்து கொண்டவர்களாக இருப்பின் மூன்றாவது ஊசியை 18+வயதுக்கு மேற்பட்ட அனைவரும் எடுக்கலாம்.

Link to comment
Share on other sites

  • கருத்துக்கள உறவுகள்

அந்தகாலம் .

................
ஊசி போடாத *Doctor* ..
சில்லறை கேட்காத *Conductor* ..
சிரிக்கும் *police* ...
முறைக்கும் *காதலி* ..
உப்பு தொட்ட *மாங்கா* ..
மொட்டமாடி *தூக்கம்* ..
திருப்தியான ஏப்பம்...
Notebookன் *கடைசிப்பக்கம்* ...
தூங்க *தோள் கொடுத்த* சக பயணி ....
பார்த்த நொடியில் உரிமை எடுத்துகொள்ளும் பால்ய *நண்பன்* ..
இப்பவும் டேய் என அழைக்கும் *தோழி* ..
இரவு 2 மணிக்கு கதவை திறந்துவிடும் *அம்மா* ...
கோபம் மறந்த *அப்பா* ..
சட்டையை ஆட்டய போடும் *தம்பி* ..
அக்கறை காட்டும் *அண்ணன்* ..
அதட்டும் *அக்கா* ...
மாட்டி விடாத *தங்கை* ..
சமையல் பழகும் *மனைவி* ...
சேலைக்கு fleets எடுத்துவிடும் *கணவன்* ..
வழிவிடும் *ஆட்டோ* காரர்...
 *High beam* போடாத லாரி ஓட்டுனர்..
அரை மூடி *தேங்கா* ..
12மணி *குல்பி* ..
sunday *சாலை* ...
மரத்தடி *அரட்டை* ...
தூங்க விடாத *குறட்டை* ...
புது நோட் *வாசம்* ..
மார்கழி *மாசம்* ..
ஜன்னல் *இருக்கை* ..
கோவில் *தெப்பகுளம்* ..
Exhibition *அப்பளம்* ..
முறைப்பெண்ணின் *சீராட்டு* ...
எதிரியின் *பாராட்டு* ..
தோசைக்கல் *சத்தம்* ..
எதிர்பாராத  *முத்தம்* ...
பிஞ்சு *பாதம்* ..
எளிதில் *மணப்பெண்* கிடைத்தாள்.,
வெஸ்ட் இன்டீசை வெல்லவே *முடியாது* .,
சந்தைக்கு போக *பத்து ரூபாய்* போதும்.,
முடி வெட்ட *இரண்டு ரூபாய்தான்*.,
 *மிதி வண்டி* வைத்திருந்தோம்.,
 *எம்ஜிஆர், கலைஞர்*  உயிரோடு இருந்தார்கள்.
 *ரஜினி, கமல்* படம் ரிலிஸ்.
கபில் தேவின் *கிரிக்கெட்* .
குமுதம், விகடன் *நேர்மையாக* இருந்தது.
 *வானொலி* நாடகங்களை ரசித்து கேட்டோம்.,
எல்லோரும் *அரசு* *பள்ளிகளில்* படித்தோம்.,
சாலையில் எப்போதாவது *வண்டி வரும்.,*
தமிழ் ஆசிரியர்கள் தன்நிகரற்று விளங்கினர்.,
மயில் இறகுகள் குட்டி போட்டன, *புத்தகத்தில்* .,
மூன்றாம் வகுப்பிலிருந்து மட்டுமே, *ஆங்கிலம்* .,
ஐந்தாம் வகுப்பு வரை அரைக்கால் *டவுசர்* .,
பேருந்துகுள் கொண்டுவந்து *மாலைமுரசு* விற்பார்கள் .,
எந்த நிறுத்தத்தில் ஏறினாலும் *உட்கார இடம்* கிடைக்கும் பேருந்தில்..,
கொளுத்தும் வெய்யிலிலும் முகமூடி அணியாத [makeup] இல்லா *அழகி* ...
பல வருடம் ஆனாலும் நம் குறும்பை மறந்து , நம்மை மறக்காத *ஆசிரியர்* ...
கூட்டமான பஸ்ல , நா அடுத்த stoppingல எறங்கிருவேன், நீங்க உக்காந்துக்கோங்க என்ற *வார்த்தை* ...
7 கழுதை வயசானாலும் நமக்கு திருஷ்ட்டி சுத்தும் *பாட்டி* ..
பாட்டியிடம் பம்மும் *தாத்தா* ...
எல்லா வீடுகளிலும், *ரேடியோவிலும், கேசட்டிலும்* பாடல் கேட்பது சுகமானது
வீடுகளின் முன் *பெண்கள்* காலையில் கோலமிட்டார்கள், *மாலைப்பொழுதுகளில்* வீட்டின் முன் அரட்டை அடிப்பார்கள்
 *சினிமாவுக்கு* செல்ல 2 நாளைக்கு முன்பே திட்டமிடுவோம்
ஆடி 18 *தீபாவளி* பண்டிகையை கொண்டாட்ட ஒரு மாதத்துக்கு முன்பே திட்டமிடுவோம்
பருவ பெண்கள் *பாவாடை* *தாவணி* உடுத்தினர்.,
சுவாசிக்க *காற்று* இருந்தது., *குடிதண்ணீரை* யாரும் விலைக்கு வாங்க வில்லை.,
தெருவில் சிறுமிகள் *பல்லாங்குழி* ஆடுவார்கள். அவர்களை கலாய்த்துகொண்டே நாங்கள் *நுங்கு வண்டி* ஓட்டுவோம்.,
இதை எழுதும் *நான்* ..
படிக்கும் *நீங்கள்* ..
இன்னும் நிறைய இருக்கு இந்த உலகத்துல ரசிக்க ..
கடந்து தொலைந்து போனவை நம் நாட்கள் மட்டுமல்ல.,நம் சுகங்களும்தான்..,

Link to comment
Share on other sites

  • கருத்துக்கள உறவுகள்
*பிரசவிக்கப் போகும் ஒரு பெண்ணின் பிரசவத்திற்கான ஏற்பாடுகள் நடந்துக் கொண்டிருந்தன*....
உறவினர்கள் எல்லாம் காத்திருக்க அந்த தாய் பிரசவ வலியில் கதறிக் கொண்டிருந்தாள்.
வயிற்றிலிருக்கும் குழந்தைக்கு வழக்கத்திற்கு மாறன ஏதேதோ சத்தம் கேட்டது.
நமக்கு என்ன நடக்கப் போகிறதோ...!!! என்ற குழப்பம் குழந்தையின் மனதில் ஊசலாடியது.
அமைதியாக ஆனந்தமாக மிதந்துக் கொண்டிருந்த நமக்கு என்ன ஆகப்போகிறது..!!!
வழக்கமாக நாம் பேசும் இறைவனையே கேட்டு விடலாம் என்று குழந்தை இறைவனை பேச அழைத்தது.
*குழந்தை 😗
இறைவா ! என்னை எங்கு அனுப்பப் போகிறாய்? வழக்கத்துக் மாறான ஏதேதோ சத்தம் கேட்கிறதே! எனக்கு ஒன்றும் புரியவில்லையே.!!
*இறைவன்:*
குழந்தாய் இனி நீ மனிதர்களுடன் வசிக்கப் போகிறாய்.
*குழந்தை 😗
நான் இங்கு சந்தோசமாகத் தானே இருக்கிறேன் நான் ஏன் அங்கு போக வேண்டும்.!!
*இறைவன்:*
இல்லை குழந்தாய் நீ இங்கிருப்பது போலவே அங்கும் சந்தோசமாகவே இருப்பாய். சென்று வா...ம்..
*குழந்தை 😗
என்னை நீ இங்கு பாத்துக் கொள்வது போல் யார் என்னை அங்கு பார்த்துக் கொள்வார்கள்...?
*இறைவன்:*
கவலைப் படாதே குழந்தாய்.. அங்கு உன்னைப் பார்த்துக் கொள்ள ஒரு தேவதையை ஏற்பாடு செய்திருக்கிறேன், அந்த தேவதை உனக்காக எல்லாம் செய்யும், உன் மீது அன்பு செலுத்தும், அந்த அன்பை நீ உணர்வாய்.
*குழந்தை 😗
மனிதர்களிடம் என்னை தனியாக அனுப்புகிறாய். நான் மிகச் சிறியவன், என்னால் நடக்க முடியாது, என்னால் பேச முடியாது, இன்னும் அவர்கள் மொழியைக் கூட புரிந்துக் கொள்ள முடியாது.
*இறைவன்:*
அது மிகவும் சுலபம். உனக்காக நான் ஏற்பாடு செய்திருக்கும் அந்த தேவதை எல்லாவற்றையும் கவனித்துக் கொள்ளும். உனக்கு பேசக் கற்றுக் கொடுக்கும், உனக்கு நடக்க கற்றுக் கொடுக்கும் நீ பயப்படத் தேவையில்லை.
*குழந்தை 😗
(அடுத்து என்ன கேட்பது என்று தெரியாமல் இறைவனையே பார்த்தது) ம்ம்ம்…. நான் உன்னோடு பேச வேண்டும் என்றால் என்ன செய்வேன்.
*இறைவன் 😗
(மென்மையாக சிரித்து)
நான் ஏற்பாடு செய்திருக்கும் அந்த தேவதை இதையும் உனக்கு சொல்லிக் கொடுக்கும்.
*குழந்தை 😗
உலகில் கெட்ட மனிதர்கள் இருப்பார்கள் என்று இங்குள்ள தேவதைகள் பேசிக் கொள்கிறார்களே அவர்களிடமிருந்து என்னை யார் காப்பற்றுவார்..?
*இறைவன் 😗
(வாஞ்சையுடன் குழந்தையை தடவி) உனக்கு நான் ஏற்பாடு செய்திருக்கும் அந்த தேவதை தன்னுயிர் போனாலும் உன்னை பாதுகாக்கும்.
*குழந்தை:*
(மிகவும் சோகமான
முகத்துடன்)
இனி நான் உன்னை பார்க்கவோ பேசவோ முடியாதா...!!!
*இறைவன் 😗
(குழந்தையை அன்பாக அணைத்து)
உனக்காக நான் ஏற்பாடு செய்திருக்கும் அந்த தேவதையிடம் நீ போனதுமே என் பெயர் உனக்கு சொல்லித்தரும். சதா என்னைப் பற்றி உன்னிடம் பேசும், என்னிடம் திரும்பி வரும் வழியையும் உனக்கு சொல்லித் தரும், நான் உன்னோடு தான் இருப்பேன் ஆனால் நீ என்னைப் பார்க்க முடியாது.
உலகின் சத்தங்கள் அதிகமாக குழந்தைக்கு கேட்க தொடங்கின...
*குழந்தை 😗
(மிகவும் இறைவனைப் பிரியும் சோகத்துடன்)
இறைவா இன்னும் கொஞ்ச நேரத்தில் உன்னை விட்டு பிரியப் போகிறேன்...
நீ எனக்காக ஏற்பாடு செய்திருக்கும் அந்த தேவதையின் பெயரையாவது சொல்...
*இறைவன் 😗
குழந்தாய் தைரியமாக சென்று வா... உனக்காக நான் ஏற்பாடு செய்திருக்கும் அந்த தேவதையின் பெயர் உனக்கு முக்கியமில்லை. ஆனால் அவளை நீ *அம்மா* என்று அழைப்பாய்.
உன்னைப் பார்த்ததும் உடனே தன்னுடைய வலியை மறந்து ...உன்னை உச்சி முகருவாள், பாராட்டுவாள், சீராட்டுவாள், தன் உதிரதத்தையே நீ பசி அறியா வண்ணம் பாலாக தருவாள், தன்னையே தருவாள். உன்னைப் பார்த்து பார்த்து எப்போதும் எந்நேரமும் பெருமைப்பட்டுக் கொண்டிருப்பாள். அவள்தான் இனி ...நீ அழைக்கப் போகும் "அம்மா".
குழந்தாய் கடைசியாக உனக்கு ஒரு அறிவுரை கூறுகிறேன் கவனமாகக் கேள். எந்த சூழ்நிலையிலும் மறந்துவிடாதே...
" நீ வளர்ந்து பெரியவனானதும் அந்த *தேவதை அம்மாவின் மனம் புண்படும் படி எதுவும் பேசி விடாதே.* ".
குழந்தை சரி என்று வீறிட்டு அழுதபடி உலகில் பிறந்தது….
தாய்மையை போற்றுவோம்.
*"அம்மா "..
Link to comment
Share on other sites

  • கருத்துக்கள உறவுகள்
01. யானை 🐘 22 மாதங்கள் கருவை சுமக்கும் !.
02. யானை 🐘 4 வருடங்களுக்கு ஒரு முறைதான் குட்டி போடும்.!
03. அதன் தும்பிக்கையால் 350 கிலோ எடையை தூக்க முடியும்.
04. சில நேரங்களில் இரண்டு குட்டிகள் கூட போடும்.
05. ஒரு யானை ஒரு காட்டையே உருவாக்கும்.
06. ஒரு நாளைக்கு 200 - 250 கிலோ உணவு சாப்பிடும் .
07. ஒரு நாளைக்கு 100 - 150 லிட்டர் தண்ணீர் குடிக்கும்.
08. 250 கிலோ உணவில் 10% விதைகள் இருக்கும். சாணத்தில் இருந்து 10 கிலோ விதைகள் காட்டில் விதைக்கப்படும்.
09. யானை 🐘 ஒரு நாளைக்கு 300 - 500 விதைகள் விதைக்கும்.
10. யானை 🐘 ஒரு நாளில் 100 மரங்களை நடுகிறது. ஒரு வருடத்திற்கு 36500 மரங்கள் நடுகிறது.
11. ஒரு யானை 🐘 தன் வாழ்நாளில் 18 லட்சத்து 25 அயிரம் மரம் வளர காரணமாகிறது.
அடுத்த முறை நீங்களும்,நானும் யானையை பார்க்கும் பொழுது நம் மனதில் தோன்றக் கூடிய ஒரே காட்சி, நாம் பார்க்கும் இந்த காடுகள் மற்றும் இயற்கை வளம் இந்த ஜீவனால் உருவானது என்பதே!.
5 கிமீ தூரத்தில் தண்ணீர்💦💦 இருந்தாலும் அதனை வாசனை மூலம் தெரிந்து கொள்ளும் திறன் கொண்டவை!.
  • Like 1
Link to comment
Share on other sites

  • கருத்துக்கள உறவுகள்
*50 வயது மதிக்கத்தக்க ஒருவர் ஆழ்ந்த மன அழுத்தத்தால் பாதிக்கப்பட்டிருந்தார், மேலும் அவரது மனைவி ஒரு ஜோதிடராக இருந்த மருத்துவ ஆலோசகரிடம் சந்திப்பு எடுத்தார்.*
மனைவி சொன்னாள்:- அவர் கடுமையான மன உளைச்சலில் இருக்கிறார், அவருடைய ஜாதகத்தையும் பாருங்கள்.
ஜோதிடர் ஜாதகத்தைப் பார்த்து எல்லாவற்றையும் சரியாகக் கண்டுபிடித்தார். இப்போது அவர் தனது ஆலோசனையைத் தொடங்கினார். அவர் சில தனிப்பட்ட விஷயங்களைக் கேட்டு, அந்த மனிதனின் மனைவியை வெளியே உட்காரச் சொன்னார்.
பெரியவர் பேசினார்...
நான் மிகவும் கவலைப்படுகிறேன் ...
சொல்லப்போனால் நான் கவலையில் மூழ்கியிருக்கிறேன்...
வேலை அழுத்தம்...
குழந்தைகளின் படிப்பு மற்றும் வேலை பதற்றம்...
வீட்டுக் கடன், வாகனக் கடன்...
*நான் மிகவும் மன உளைச்சலில் இருக்கிறேன்..*
அப்போது கற்றறிந்த ஆலோசகர் ஏதோ யோசித்து, "நீங்கள் எந்தப் பள்ளியில் பத்தாம் வகுப்பு படித்தீர்கள்?"
அந்த மாண்புமிகு பள்ளியின் பெயரைச் சொன்னார்.
ஆலோசகர் கூறியதாவது:-
*"நீங்கள் அந்தப் பள்ளிக்குச் செல்ல வேண்டும். உங்கள் பள்ளியில் இருந்து உங்கள் 'பத்தாம் வகுப்பு' பதிவேட்டைக் கண்டுபிடித்து, உங்கள் சகாக்களின் பெயர்களைப் பார்த்து, அவர்களின் தற்போதைய நல்வாழ்வைப் பற்றிய தகவல்களைப் பெற முயற்சிக்கவும்.*
*எல்லா விவரங்களையும் ஒரு டைரியில் எழுதி ஒரு மாதம் கழித்து என்னை சந்திக்கவும்."*
ஜென்டில்மேன் தனது பள்ளிக்குச் சென்று, பதிவேட்டைக் கண்டுபிடித்து, அதை நகலெடுத்துக் கொண்டார்.
அதில் 120 பெயர்கள் இருந்தன. அவர் ஒரு மாதம் முழுவதும் இரவும் பகலும் முயன்றார், ஆனால் 75-80 வகுப்பு தோழர்களைப் பற்றிய தகவல்களை சேகரிக்க முடியவில்லை.
*ஆச்சரியம்!!!*
*அவர்களில் 20 பேர் இறந்தனர்...*
*7 விதவைகள்/விதவைகள் மற்றும் 13 பேர் விவாகரத்து பெற்றவர்கள்...*
*10 பேர் பேசக்கூட தகுதியில்லாத அடிமைகளாக மாறினர்...*
* 5 பேர் மிகவும் மோசமாக வெளியே வந்தனர், அவர்களுக்கு யாரும் பதில் சொல்ல முடியாது..*
*6 பணக்காரர் ஆனதால் அவரால் நம்பவே முடியவில்லை...*
*சிலர் புற்றுநோயால் பாதிக்கப்பட்டவர்கள், சிலர் முடங்கி, நீரிழிவு, ஆஸ்துமா அல்லது இதய நோயாளிகள்..*
*விபத்துகளில் கை/கால் அல்லது முதுகுத் தண்டுவடத்தில் காயங்களுடன் ஒன்றிரண்டு பேர் படுக்கையில் இருந்தனர்...*
*சிலருடைய பிள்ளைகள் பைத்தியம் பிடித்தவர்களாக, அலைந்து திரிபவர்களாக அல்லது பயனற்றவர்களாக மாறினர்...*
*ஒருவர் ஜெயிலில் இருந்தார்... இரண்டு விவாகரத்துக்குப் பிறகு ஒருவர் மூன்றாவது திருமணம் செய்துகொள்ளும் முயற்சியில் இருந்தார்...*
ஒரு மாதத்திற்குள், பத்தாம் வகுப்பின் பதிவேடு விதியின் வேதனையை விவரிக்கிறது.
*ஆலோசகர் கேட்டார்:- "இப்போது சொல்லுங்கள் உங்கள் மனச்சோர்வு எப்படி இருக்கிறது?"*
அவருக்கு நோயும் இல்லை, பட்டினியும் இல்லை, மனது நிறைவாக இருந்தது, நீதிமன்ற\போலீஸ்\வக்கீல்களால் வளர்க்கப்படவில்லை, மனைவி மற்றும் குழந்தைகள் மிகவும் நல்லவர்களாகவும் ஆரோக்கியமாகவும் இருக்கிறார்கள் என்பதை அந்த மாமனிதர் புரிந்து கொண்டார். அவரும் ஆரோக்கியமாக இருந்தார்...
*உலகில் நிறைய துக்கம் இருப்பதையும், தான் மிகவும் மகிழ்ச்சியாகவும் அதிர்ஷ்டசாலியாகவும் இருந்ததை அந்த மனிதர் உணர்ந்தார்.*
*மற்றவர்களின் தட்டுகளை எட்டிப்பார்க்கும் பழக்கத்தை விட்டுவிட்டு, உங்கள் தட்டில் உள்ள உணவை அன்புடன் எடுத்துக் கொள்ளுங்கள். மற்றவர்களுடன் ஒப்பிடாதீர்கள். ஒவ்வொருவருக்கும் அவரவர் விதி உள்ளது.*
Link to comment
Share on other sites

ஆண்டு முடிவிற்கு மேலும் 3 நாட்கள் மட்டுமே இருக்கின்றன...இன்று 29/12/2021 இந்த ஆண்டு எப்படி உங்கள் எல்லோருக்கும் அமைந்து‌. ..அறிய சின்ன ஒரு ஆவல்‌.பகிர முடிந்தால், முடிந்தவரை பகிரலாமே.ஆண்டின் வரவு,செலவு அறிக்கை மாதிரி இல்லாது புரியும் படியாக பதிந்தால் நன்று ✍️😊

Edited by யாயினி
  • Like 1
Link to comment
Share on other sites

DAN TV குழுமம் வழங்கும் சாதனைத் தமிழர் விருது இந்த ஆண்டு (2021) முல்லைத்தீவு தொழிலதிபர் சாஜிராணிக்கு வழங்கப்படுகிறது. இதனையொட்டி இன்றைய ஈழநாடு 31.12.2021 பத்திரிகையில் வெளியாகிய கட்டுரை
டான் சாதனைத் தமிழர் விருதாளர் சாஜிராணி
.............
பட்டங்கள் ஆள்வதும் சட்டங்கள் செய்வதும் பாரினில் பெண்கள் நடத்த வந்தோம் - இன்று எட்டும் அறிவினில் ஆணுக்குப் பெண் இங்கே இளைப்பில்லைக் காண் என்று கும்மியடி என்றார் மகாகவி. பாரதி கண்ட புதுமைப் பெண்ணாக தானும் திகழ்ந்து தனது ஊழியர்களையும் தன்வழியில் ஊக்குவிக்கின்ற முல்லைத்தீவு புதுக்குடியிருப்பைச் சேர்ந்த சுயதொழில் முனைவர் சாஜிராணி கிருஸ்ணதாஸ் அவர்களுக்கு 2021 ஆம் ஆண்டுக்கான சாதனைத் தமிழன் விருதை வழங்குவதில் டான் குழுமம் மகிழ்வடைகின்றது.
தொடக்க வாழ்வு
..................
22.06.1979 இல் முல்லைத்தீவு குமிழமுனையில் பிறந்த இவர் குடும்பத்தில் உள்ள ஐந்து பெண்பிள்ளைகளுள் மூன்றாவது பிள்ளை. தந்தை குணநாதன் 1980களின் பிற்பகுதியில் இந்திய இராணுவம் நிலைகொண்டிருந்த காலப்பகுதியில் இறந்துவிட – தாய் சின்னம்மா கச்சான் வியாபாரம் மேற்கொண்டு பிள்ளைகளைக் காப்பாற்றும் நிலைமைக்குள் சாஜிராணியின் குடும்பம் சிக்குண்டது. போர் நிலைமைகளால் சாஜிராணி குடும்பத்தினர் குமிழமுனைனயில் இருந்து புதுக்குடியிருப்புக்கு இடம்பெயர்ந்து வாழ்ந்தனர்.
புதுக்குடியிருப்பு மத்திய கல்லூரியில் 10 ஆம் ஆண்டுவரை கல்வி கற்ற சாஜிராணி தொடர்ந்து கல்வியைத் தொடர முடியாத வறுமைச் சூழலில் படிப்பை நிறுத்திக் கொண்டார். திருகோணமலையைச் சேர்ந்த கனகலிங்கம் கிருஸ்ணதாஸ் என்பவரை மணந்து ஒரு ஆண்பிள்ளையையும் பெற்றெடுத்தார். கணவர் கிருஸ்ணதாஸ் 2009 இல் இந்த மண்ணிற்காக மரணிக்கும் சூழ்நிலைக்கு உள்ளானார்.
போரினால் ஏற்பட்ட இடப்பெயர்வை எதிர்கொண்டு வவுனியா ஆனந்தகுமாரசாமி முகாமில் தஞ்சமடைந்த சாஜிராணி தனது வாழ்வாதாரத்திற்காக சிறிதளவில் அப்பம் சுட்டு விற்பனை செய்யத் தொடங்கினார்.
அதற்காக அவர் அப்பச் சட்டியையும் ஏனைய மூலப் பொருள்களையும் மிகவும் கடினப்பட்டே பெற்றுக் கொண்டதாகக் கூறுகின்றார். தனக்கு வழங்கப்பட்ட நிவாரணப் பொருள்களைத் தான் பயன்படுத்தாது விற்பனை செய்தமையால் பெற்ற பணமே அப்பத் தொழிலுக்கான முதலீடாக அமைந்தது.
வாழ்க்கையில் ஒரு திருப்புமுனை
மீண்டும் புதுக்குடியிருப்பில் மீளக்குடியேறிய பின்னர் உணவுப் பார்சல் தயாரித்து விற்பனை செய்ய முயன்றார். அதிலும் போதிய வருவாய் ஏற்படாத நிலையில் – ஏதாவது வித்தியாசமாக முயற்சி செய்து வணிக முயற்சியில் ஈடுபட வேண்டும் என்று தலைப்பட்டார். மற்றையர்களைவிட வித்தியாசமாகச் சிந்திப்பவர்களிடமே வெற்றி எளிதாகும் என நம்பினார்.
வல்லாரை இலைகளைப் பயன்படுத்தி குழந்தைகளிடம் பிரபலமான ரிபிரிப் (Tipi Tip) தயாரிக்கலாம் என முயன்றார். ஆனால் அதற்குரிய பொறிமுறைத் தொழினுட்பம் தெரியாத நிலையில் பல்வேறு முயற்சிகளை மேற்கொண்டார். ஒரு நிலையில் வல்லாரையில் ரிபிரிபி தயாரிக்கும் பொறிமுறையைத் தானாகவே கற்றுக் கொண்டார். இதுவே பின்னர் வல்லாரைப் பப்படம், வல்லாரை சத்துமா என பல்வேறு தயாரிப்புகளாக பரிணாமம் பெற்றது.
2014 இல் கண்டியில் இடம்பெற்ற கைத்தொழில் கண்காட்சியில் சாஜிராணியின் சதுஸ்ரார் உற்பத்திகள் காட்சிப்படுத்தப்பட்டன. புதுக்குடியிருப்பு பிரதேச செயலகத்தினரின் வழிகாட்டலில் சாஜிராணி இதில் பங்கேற்று வல்லாரைப் பப்படத்திற்காக முதற்பரிசைப் பெற்றுக்கொண்டார் இதற்காக அவருக்கு வழங்கப்பட்ட அமெரிக்க பயணப் பரிசை நிராகரித்துத் தனது தொழில் முயற்சிக்காக புதுக்குடியிருப்பில் நிலம் வழங்கி உதவுமாறு மேடையிலேயே வேண்டிக் கொண்டார். அந்த வேண்டுகோள் அன்றைய ஜனாதிபதி மகிந்த ராஜபக்சவின் உத்தரவால் உடன் நிறைவேற்றப்பட்டது.
முன்மாதிரியான தொழிலதிபர்
.........
இன்று தனது தொழில்முயற்சியில் வளர்ச்சி பெற்று தன்னை ஒத்த 17 பெண்தலைமைத்துவ மற்றும் மாற்று வலுவுள்ள மகளிருக்கு வேலை வாய்ப்பை வழங்கி தனது நிறுவனத்தை ஒரு முன்மாதிரியான நிறுவனமாக வளர்த்தெடுத்துள்ளார். இவரது 60 வகையான உற்பத்திகளில் 15 இற்கும் மேற்பட்டவை புலம்பெயர் தேசங்களுக்கு ஏற்றுமதியாகின்றன என்பதும் பெருமைகொள்ளத்தக்கதாகும். இவரது உற்பத்திகளின் பெருமைகளை உணர்ந்த இந்தியப் பிரபல தொழிலதிபர் அம்பானி இந்த ஆண்டு இவரை அழைத்து தொழில் விரிவாக்கம் குறித்துப் பேச்சுவார்த்தை மேற்கொண்டுள்ளமையும் சுட்டிக்காட்டத்தக்கதாகும்.
உற்பத்தியில் தொழிலாளர் - விநியோகத்தில் லொறிச் சாரதி - இயந்திர இயக்கலில் பொறியாளர் - எனப் பன்முகப்பட்ட ஆளுமையுடன் திகழ்கிறார் சாஜிராணி. புலம்பெயர் உறவுகளைக் கடந்து வெளிநாட்டுச் சந்தை வாய்ப்புக்கான ஐஎஸ்ஓ தரச் சான்றிதழைப் பெறுவதற்குத் தற்போது எதிர்பார்த்துள்ளதாகத் தெரிவிக்கின்றார் இந்தச் சாதனை மங்கை.
வாழ்க்கையில் உயர்ச்சி பெற்றுச் சாதிக்கத் துடிக்கும் பலருக்கும் முன்மாதிரியாக விளங்கும் சாஜிராணிக்கு இந்த ஆண்டுக்கான சாதனைத் தமிழர் விருதைக் கையளிப்பதில் பெருமகிழ்வடைகின்றோம். ஏற்கனவே இந்த விருதை செஞ்சொற்செல்வர் கலாநிதி ஆறு. திருமுருகன் ( 2018 ) கலாநிதி மரியசேவியர் அடிகள் (2019) பேராசிரியர் சி.மௌனகுரு (2020 ) ஆகியோர் பெற்றுள்ளனர் என்பது குறிப்பிடத்தக்கதாகும்.
- சாதனைத் தமிழர் விருதுக்குழு சார்பில்
செந்தமிழ்ச்சொல்லருவி சந்திரமௌலீசன் லலீசன்
270174340_10161576087730744_687086487157
 
 
270461219_10161576088430744_121856611389
 
 
270538822_10161576090020744_518526968238
 
 
270486290_10161576090170744_577907060176
 
 
270458475_10161576090270744_570821480580
 

Laleesan Laleesan is with லலீசன் லலீசன்......பக்கத்திலிருந்து..

 
Link to comment
Share on other sites

எழுத்தாளர் அம்பை அவர்களின் ‘சிவப்புக் கழுத்துடன் ஒரு பச்சைப் பறவை’ சிறுகதைத் தொகுப்பிற்கு 2021ஆம் ஆண்டுக்கான சாகித்ய அகாடமி விருது அறிவிக்கப்பட்டுள்ளது,
 
.
269923263_4548298678551604_5516576176712
 
 
270258942_4548298765218262_3969104974667
 
 
 
 
  • Like 1
Link to comment
Share on other sites

புதுமைப்பித்தன் நினைவு குறுநாவல் போட்டி-2020- பரிசுபெற்ற குறுநாவல்கள்:
 
யாவரும் பப்ளிஷர்ஸ் நடத்திய புதுமைப்பித்தன் நினைவு குறுநாவல போட்டியில், போட்டிக்கு வந்த நூற்றைம்பதுக்கும் மேற்பட்ட குறுநாவல்களில், இறுதிநிலைக்கு வந்து, பரிசுபெற்ற பத்து குறுநாவல்கள் இவை. இடம்பெறும் குறுநாவல்கள் தரவரிசையின்படி இல்லை. எல்லாமே சமமான பரிசை வென்றிருக்கின்றன.
 
பத்து பாத்திரங்கள் - சுரேஷ் பிரதீப்:
Name Place Animal Thing என்பது சிறுவயதில் விளையாடி நாம் மறந்த விளையாட்டு. இதே பெயரில் அந்த விளையாட்டை வைத்து, ஒரு ஆங்கில நாவல் சமீபத்தில் வெளியாகியது. அதில் பெயரை மட்டும் எடுத்துக்கொண்டு சுரேஷ் விளையாடும் விளையாட்டு இது.
 
ஒரு நிமிடத்தில் திறமையைக் காட்ட வேண்டும் என்று போட்டியில் சொன்னால், பாடகர் முழுத்திறமையை அந்த நேரத்தில் காட்டுவது போல சுரேஷ் இதில் காட்டியிருக்கிறார்.
 
என்வரையில் அவரது வெளிவந்த படைப்புகளில் Best இது.
 
கதைசொல்லியும் சேர்த்து, பத்து கதாபாத்திரங்களை அருண் என்பவன் எதிர்கொள்ளும் தருணங்களே கதை. அதன் மூலம் அருணை நாம் பூரணமாகப் புரிந்து கொள்கிறோம், அல்லது புரிந்து கொண்டதாக நம்பத் தொடங்குகிறோம். இதில் ஏசுவும் ஒரு கதாபாத்திரம். பிறந்தவர், பிறக்கப்போகிறவர் எல்லோர் பாவங்களுக்கும் பிராயச்சித்தம் செய்துவிட்ட ஏசு இதில் அருணிடம் வேறொன்றைச் சொல்கிறார். அருணின் நண்பன் சந்திரனுக்கு குறைந்தது எண்பது வயது ஆயுள் என்பதைப் படிக்கும் போதே அறிந்து கொண்டேன். கலைச்செல்வி அருண் தன்னைக் கண்ணாடியில் பார்க்கும் பெண்வடிவம். மானுடம் பேசித்தீராத தத்துவார்த்தம் கதையில் இடையிடை வருகின்றது. கதை, உரையாடல்கள் தாண்டி, Subtilityக்கு முக்கியத்துவம் கொடுத்து எழுதப்பட்ட கதை. நுணுக்கமாகவே வந்திருக்கிறது. சுரேஷின் மீதான எதிர்பார்ப்பு பலமடங்கு அதிகரித்திருக்கிறது.
 
காயாவனம் - வா.மு.கோமு:
George Orwellன் Animal Farm ஒரு முழு Allegory novel. ரஷ்யப்புரட்சிக்கு முன்னும், பின்னுமான சாமான்யர் வாழ்வை, விலங்குப்பண்ணை என்ற Utopian worldஐ உருவாக்கிச் சொல்வது. கோமுவின் காயாவனம் என்ற இந்த நாவல், பாட்டியின் வாய்மொழி கதைபாணியில் சொல்லப்படுகிறது.
 
குறுநாவலில் கவர்ந்த ஒரே விசயம், கொங்கு வட்டார வழக்கு. அதை விட்டால், இதை சிறார் நாவல் பிரிவில் சேர்ப்பதற்குண்டான முழுத்தகுதியும் இதற்கு இருக்கிறது. கதையில் நாமாக இதற்கு அவர் இல்லை அவள் என உருவகப்படுத்துவதில் எனக்கு நம்பிக்கை இல்லை, அந்த நம்பிக்கையை யாருக்கும் தராத வகையில் கதை கவனமாக எழுதப்பட்டுள்ளது. பிரதியே பேச வேண்டும், எழுத்தாளர் இரண்டாம் பட்சம். அது தமிழ் சூழலில் மாறாதவரை, பெயருக்காகப் பரிசும், பெயருக்காகப் பாராட்டும், பெயருக்காக ஒரு வாசகர் கூட்டமும் இருந்து கொண்டே தான் இருக்கும்.
 
நாற்பது நாட்கள் - மலர்வதி:
 
குறுநாவலின் நீளத்தைக் குறைத்து, Repetitionகளை வெட்டியெறிந்தால், இந்தக் கதையை பள்ளிமாணவர்களுக்குப் பாடமாக வைக்கலாம். அதே போல் பதினாறாவது அத்தியாயம் இதை பிரச்சாரக்கதையாக்கி இருக்கிறது. அந்த அத்தியாயத்திற்கு முன்பே கதை முடிந்துவிடுகிறது.
Dating மற்றும் பல நண்பர்களுடன் பழக்கம் என்று பின் ஒருவரைத் தேர்ந்தெடுக்க காலம் எடுத்துக்கொண்டு செய்யும் திருமணங்களே,
மேலைநாடுகளில் நிலைக்காமல் போகையில், Sexual Poverty இருக்கும் தேசத்தில் காதல் மணங்களும், Arranged marriagesம் வேறுவேறு பிரச்சனைகளைக் கொண்டு வருகின்றன. அறியாப் பருவத்தில் காதலில் விழுந்து, பிறந்த வீட்டிலும் ஏற்காமல், வாழவும் முடியாமல் காலத்தைக் கழித்த பெண்கள் எத்தனையோ பெயர். அவர்களில் ஒருத்தியின் கதையை, அழகான கன்னியாகுமரித் தமிழில் சொல்லியிருக்கிறார் மலர்வதி.
 
தீதிலர்- பிகு:
புதிதாக எழுத வந்திருப்பவர் இவர். அதைக் கணக்கில் எடுக்கையில் இவர் முதல் குறுநாவலிலேயே தேறிவிட்டார். சமகாலத்தில் நடக்கும் பிரச்சனையை எழுதும் போது, அதிர்ச்சி மதிப்பைத் தக்க வைத்துக் கொள்ள வேண்டும். முதலில் வரும் பத்திரிகைச் செய்தியை தவிர்த்திருக்கலாம். சுஜாதா இதே போன்று இளநீர் என்று சிறுகதை எழுதியிருப்பார்.
வளர்ந்த ஆணும், பெண்ணும் ஒன்றாகச் செல்வதோ, ஒன்றாக இருப்பதிலோ Moral Policeஓ இல்லை வேறு எவருமோ தலையிடுதல் சட்டப்படி மட்டுமல்ல எல்லா வகையிலும் குற்றம். ஆனால் பாதுகாப்பில்லாமல் Misadventureல் இறங்குவதும் அதே போன்ற குற்றம். பிகுவுக்கு சொல்ல வேண்டியது என்னவென்றால், IT துறையைப் பற்றி, அகமதாபாத்தில் நடப்பதாகக் கதை எழுதினால் இரண்டும் குறித்த ஆய்வு முக்கியம்.
 
புயா! முன்னா! இதி! - மணி.எம்.கே.மணி:
திரைத்துறையின் உள்விவகாரங்கள், பாசாங்குகள், வஞ்சனைகள், எதிர்பார்ப்புகள், ஏமாற்றங்கள் இன்னபிற பற்றி சமீபகாலத்தில் புனைவில் அதிகம் கொண்டு வந்தவர் மணி.
Success has many-fathers, failure is an orphan என்பது சினிமாத்துறைக்கே நூறு சதவீதம் பொருந்தும். எல்லா அவமானங்களையும் பொறுத்துக் கொண்டு சினிமாத்துறையில் தொடர காரணம், அதுவும் ஒரு போதை. சினிமா ஒரு வழிப்பாதை. வெளியில் வந்து விட்டோம் என்று நினைப்பவர்கள் திரும்ப உள்ளே செல்லும் நேரம் அதிககாலம் இல்லை. கனவுலகுத் தாரகைகளுக்குப்பின் எவ்வளவோ கதைகள். வெற்றிபெற்றவனுக்கு அதைத் தக்க வைத்துக் கொள்ள ஜுவமரணப் போராட்டம். அதனால் தான் அவன் சகமனிதனை ஒரு பொருட்டாகக் கூட மதிப்பதில்லை. அடுத்தவரது கதைகள், கற்பனைகளைத் தனதாக்கிக் கொண்டு, குற்றஉணர்வில்லாது பாராட்டைப் பெற்றுக் கொள்வதும் காலங்காலமாகத் திரைத்துறையில் இருப்பதே. Mani at his best.
 
முப்போகம்- மயிலன் ஜி சின்னப்பன்:
 
இறந்த காலத்தையும், நிகழ்காலத்தையும் ஒன்றாகக் கலந்து கதை நகர்த்துகையில் ஒரு காலமயக்கம் வாசகருக்கு ஏற்படும்.
 
Alex Michaelidesன் முதல் நாவல் The Silent Patient இந்த யுத்தியை முழுமையாகப் பயன்படுத்தி வாசகர்களைத் திக்குமுக்காடச் செய்திருக்கும். ஒருவகையில் எழுத்தாளர் வாசகரை Tease செய்யும் யுத்தி. மயிலன் இந்தக் குறுநாவலில் அதே யுத்தியைக் கையாண்டிருக்கிறார்.
தன் குடும்பத்தைச் சாய்க்கும் அளவிற்கு எந்தப் பெண்ணோ அல்லது ஆணோ Worth கிடையவே கிடையாது. காதலில் விழுவோருக்கு அது ஏனோ புரிவதில்லை.
 
பாலியல் வறட்சியில் கிடைத்ததை விடக்கூடாது என்று தவிப்பதா இல்லை Loveஐ Glorify செய்து வைத்திருப்பது காரணமா தெரியவில்லை. மேலைநாடுகளிலும் Breakupக்குப் பிறகு இரண்டு மூன்று மாதம் பித்துப்பிடித்து அலைகிறார்கள் ஆனால் அதன்பிறகு Normal வாழ்க்கை ஆரம்பித்து விடுகிறது. அடுத்தது Eloping. ஒன்றல்ல இரண்டு. அதற்குப் பின்னான வாழ்க்கையில் முடிச்சுக்கள் போட்டுக்கொண்டே சென்று கடைசியில் துளி நீட்டிக் கொண்டிருக்கும் நூலை இழுக்கிறார் மயிலன், மொத்த முடிச்சும் அவிழ்ந்து போகிறது. கதையில் அங்கங்கே ஏன் என்று வாசகர் கேட்காவிட்டால் நழுவிப் போகும் தருணங்கள், சமூக உளவியல் அத்துடன் இந்தக்கதை மொத்தத்தையும் ஆட்டிவைக்கும் Murphy Law என்று நிறைவாக வந்திருக்கும் குறுநாவல்.
 
யாகத்தின் பெருநெருப்பு - மோகனா:
 
புராணங்களை மீட்டுரு செய்கையில் வித்தியாசமான கோணத்தைக் கொண்டு வராவிட்டால் அது எந்த தாக்கமும் இல்லாது மறைந்துவிடும். புராணக்கதையை நனவோடையாகவும், புராணப்பாத்திரத்தை நிகழ்காலத்தில் உயிர் கொண்டதாகவும் வைத்துக் கதை அமைத்திருக்கிறார் மோகனா.
 
மன்னர் காலத்தின் படையெடுப்புகளில் இருந்து, அதிகம் பாதிக்கப்பட்டது பெண்கள் தான். உடன்கட்டை ஏறியது கூட, எல்லா சுகபோக வாழ்வும் முடிந்தபிறகு இனி உயிரோடு இருந்து எதைச் சாதிக்க என்று உலகுக்குச் சொல்வது தான். கோயிலில் இருந்த திரௌபதி தனக்கு நேர்ந்த அநீதிக்கு இன்னும் பொறுமிக் கொண்டிருக்கிறாள். கலியுகத்தில் பெண்ணுக்கு நேரும் அநீதியைப் பார்த்து விட்டு, தனக்கு நேர்ந்ததெல்லாம் ஒன்றுமேயில்லை என்ற முடிவுக்கு வருகிறாள். வித்தியாசமான பார்வை ஆனால்லகதை சொல்லலில் மோகனா அடிக்கடி கதைக்குள் வந்து நான் தான் இந்தக்கதையை எழுதுவது என்கிறார். கதை எழுதி முடித்து அச்சுக்கு அனுப்பிய உடன் எழுதியவரிடமிருந்து பலமைல்கள் விலகி விடுகிறது. எழுதியது ஒரே கதை என்றாலும் பன்னிரண்டு வயதுப் பெண்ணும், ஐம்பது வயது ஆணும் ஒரே கதையைப் படிப்பதில்லை.
 
ஜப்பான் - பாலாஜி பிரசன்னா:
 
இதற்கு முன் ஒரு சிறுகதையை மட்டுமே எழுதியிருப்பவர் என்பதே வெளியில் தெரியாது இவரது மொழிநடை சரளமாக இருக்கிறது. உள்ளடக்கமும் நாளை மற்றும் ஒரு நாளேயைப் போன்றது.
இது ஒரு வாழ்க்கை. மதுரையில் பிறந்தவர்கள் பலமுறை பார்த்த வாழ்க்கை இது. பிறரை அடிக்கவும் தயங்காது, அடிவாங்குதலில் அவமானமும் அடையாது திரியும் கூட்டம். கஞ்சா ராஜபோதை, அது கற்பனை உலகத்தில் மிதக்கவைத்து அப்படியே அமிழ்த்தி விடும். குடியில் இருந்து தப்பிப்பவரும் கூட கஞ்சாவிடம் தப்பிப்பது கடினம். எந்த பிசிறும் இல்லாமல் கச்சிதமாக எழுதப்பட்ட குறுநாவல். பாலாஜி தொடர்ந்து எழுத வேண்டும்.
மைனிகள் -எம்.எம்.தீன்:
 
உறவுகள் அருகி வரும் காலத்தில் சிறுவயது நினைவுகளை மீட்டுக் கொண்டு வந்தது இந்த நாவல். பதின் பருவத்தில் அண்ணன்களின் மனைவிகள், பாலியல் குறித்து பூடகமாகப் பேசிச் சிரிப்பதைக் கேட்டிருந்தவர்கள் இந்தக்கதையுடன் அவ்வளவு ஒன்றமுடியும். அண்ணிகள் கொழுந்தனிடம் எடுத்துக் கொள்ளும் உரிமை, உடல்ரீதியானதில்லை, கணவனின் சின்ன வடிவமாக, கணவனை போல் அதிகாரம் செய்யாமல், தன்னை வியந்தோதும் சிறுவனைப் பார்த்து வரும் பாசம்.
 
ஒரு சிறிய பயணம் இரண்டு அண்ணிகளுடன், அவர்களுக்கிடையே நடக்கும் உரையாடல், காணும் காட்சிகள், சந்திக்கும் மனிதர்கள், மைனிகள் சொல்லும் குட்டிக்கதைகள் இவ்வளவே இந்தக் குறுநாவல். அதற்குள் ஒரு அழகான உலகத்தை நமக்குக் காட்டுகிறார் தீன். இஸ்லாமியக் குடும்பத்தின் நம்பிக்கைகள், கட்டுப்பாடுகள் கூடவே வருகிறது.
 
எல்லாவற்றையும் விட அண்ணி என்ற உறவு காட்டும் பிரியம், அவள் தொடுகையில் ஏற்படும் குறுகுறுப்பு இரண்டுமே மனதில் நிற்கிறது. நிறைய எழுதுங்கள் தீன்.
 
மென்முறை- நாராயணி கண்ணகி:
 
வாதி எழுதியவருக்கும் இதற்கும் ஒரே பெயர் என்று சொல்லாவிட்டால் யாருக்குமே தெரியாது. நிர்வாணநகரத்தின் சிவராஜூ போல் கொஞ்சமாக பயந்த ஒருவன், வாடகைவீடு மாறி, புதுவீட்டுக்கு எதிரிலிருக்கும் ரவுடியைப் பார்த்துப் பயந்து போவதே கதை.
 
தற்காலிக வேலையில் இருப்பவனின் பிரச்சனைகளில் ஆரம்பிக்கும் கதை, மனைவி மீது கொஞ்சம் மையல் என்று மாறி, புதுவீட்டுக்குக் குடிபோவது என்றவுடன் ஐந்தாம் கியரில் கதை ஓட ஆரம்பித்து விடுகிறது. வாய்விட்டு சிரிக்காமல் படிக்க முடியவில்லை. எந்தக் குறையும் சொல்லமுடியாத Perfect presentation. இதை விடப் பொருத்தமான Endingம் இருக்க முடியாது. பிரேமாவும் செல்வியும் அடிக்கும் லூட்டியிலும் கதையை Trackஐ விட்டு நகராமல் பார்த்துக் கொள்ளும் சாமர்த்தியமான கதைசொல்லல். நாராயணி கண்ணகியின் இனிவரும் நூல்களைத் தவறவிடக்கூடாது என மனதில் குறித்துக் கொண்டேன்.
பிரதிக்கு:
 
யாவரும் பதிப்பகம் 90424 61472
முதல் பதிப்பு நவம்பர் 2021
விலை ரூ. 750.
No photo description available.
 
 
 
 
Link to comment
Share on other sites

புத்தாண்டு 2022: நம்பிக்கையோடு காத்திருக்கும் தமிழக நாட்டுப்புற கலைஞர்கள்

  • ஜோ. மகேஸ்வரன்
  • பிபிசி தமிழ்
 
 

நம்பிக்கையோடு புத்தாண்டை எதிர்நோக்கும் நாட்டுப்புறக் கலைஞர்கள்

பட மூலாதாரம்,AFP

 

படக்குறிப்பு,

நம்பிக்கையோடு புத்தாண்டை எதிர்நோக்கும் நாட்டுப்புறக் கலைஞர்கள்

கிராமப்புற திருவிழாக்கள், திருமணம் உள்ளிட்ட நிகழ்வுகள் என்றால் கட்டாயம் கலை நிகழ்ச்சிகள் இருக்கும். குறிப்பாக மக்களிசையாக போற்றப்படும் நாட்டுப்புற பாடல்கள், நாட்டுப்புற கலை நிகழ்ச்சிகளுக்கு தனி மவுசும் ரசிகர்கள் கூட்டமும் இ(எ)ப்போதும் உண்டு. கிராமப் புறங்கள் மட்டுமின்றி நகரங்களிலும் நாட்டுப்புற கலை நிகழ்வுகளுக்கு வரவேற்பு உள்ளது. ஆனால். கொரோனா பெருந்தொற்றால் கிராமிய மற்றும் நாட்டுப்புற கலைஞர்கள், மேடை நாடகம் மற்றும் இசைக் கலைஞர்கள் மேடை ஏறும் வாய்ப்பை பெருமளவு இழந்துள்ளனர்.

"2019ஆம் ஆண்டு இறுதியில் கொரோனா பெருந்தொற்று வந்தது. இதனால் 2020ஆம் ஆண்டு பல்வேறு துறைகளிலும் முடக்கம் ஏற்பட்டது. இது கலைத்துறையையும் விட்டு வைக்கவில்லை. குறிப்பாக கிராமிய, நாட்டுப்புற கலைஞர்கள். தொடர்ந்து 2021ம் ஆண்டில் கொஞ்சம் ஆசுவாசப்படுத்திக் கொள்ளவே வாய்ப்பிருந்தது. பொருளாதாரம் முடங்கியே இருக்கிறது என்கிறார்கள்," கிராமப்புற கலைஞர்கள்.

நன்கொடையாளர்களின் உதவிகளை மறக்க முடியாது

தமிழக நாட்டுப்புற இசைக் கலைப் பெருமன்ற நிறுவனத் தலைவர் வளப்பகுடி வீரசங்கர் பிபிசி தமிழிடம் கூறுகையில், "ஆண்டிற்கு 4 மாதங்கள் தான் எங்களுக்கு கச்சேரி வாய்ப்புகள் கிடைக்கும். அப்போது கிடைக்கும் வருமானத்தைக் கொண்டு தான், 12 மாதங்களையும் சமாளிக்க வேண்டும்," என்றார்.

"கஜா புயல், கொரோனா என தொடர்ந்து 3 ஆண்டுகளாக போதிய வாய்ப்பில்லை. பலரும் அத்தியாவசிய செலவிற்கே வழியின்றி அல்லல்படுகின்றனர். தமிழ்நாடு அரசு நலவாரியத்தின் மூலம் ஒரு முறை ரூ. 2000 கொடுத்தது பெரும் உதவியாக இருந்தது. ஆனால், தொடர்ந்து வாழ்க்கையை நடத்த நிகழ்ச்சிகள் நடைபெற வேண்டும்."

 

நாட்டுப்புற கலைஞர்கள்

சாப்பாட்டுக்கே வழியில்லாத நிலையில், பல்வேறு தனியார் அமைப்பினர், தன்னார்வலர்களின் நன்கொடையால் இந்த ஆண்டு மட்டும் சுமார் 19 ஆயிரம் கலைஞர்களுக்கு உதவியுள்ளோம். நன்கொடையாளர்கள் பணம் மட்டுமல்ல, அரிசி, பருப்பு, மளிகைப் பொருட்கள் என்று கொடுத்து உதவினர். அவர்கள் உதவியால் பல கலைஞர்கள் இன்றைக்கு உயிரோடு இருக்கிறோம். இந்த பெருந்தொற்று காலத்தில், இது போன்ற உதவிகளை என்றைக்கும் மறக்க முடியாது" என்கிறார்.

கலைமாமணி விருது பெற்ற கரகாட்ட கலைஞர்

 

நாட்டுப்புற கலைஞர்கள்

பட மூலாதாரம்,T. LAKSHMI

 

படக்குறிப்பு,

மதுரை லட்சுமி, நாட்டுப்புற கலைஞர்

தமிழ்நாடு அரசின் கலைமாமணி விருது பெற்ற கரகாட்ட கலைஞர், மதுரை லட்சுமி பிபிசி தமிழிடம் கூறுகையில், "கொரோனா தொற்று பரவல் கட்டுப்படுத்தப்படுகிறது. புத்தாண்டு பிறந்ததும், மீண்டும் வாய்ப்பு கிடைக்கும் என்று காத்திருக்கும் போது, புதிய திரிபான ஒமிக்ரான் பரவல் ஒரு அச்சத்தை தருகிறது. தொடர்ந்து விழாக்கள் நடைபெறாத நிலையில், கடைகளுக்கு முன்பாக நின்று காசு கேட்கும் நிலை ஏற்பட்டது," என்றார்.

 

நாட்டுப்புற கலைஞர்கள்

"புத்தாண்டிலாவது யாராவது சாப்பாடு தருவார்களா? என்று காத்திருக்கும் நிலை மாறும். வீட்டில் உள்ள வறுமை போய், மீண்டும் வீட்டில் விளக்கு எரியும் என்று காத்திருக்கிறோம். இந்த ஆண்டு மதுரை காமராஜர் பல்கலைக்கழகத்தில் கரகாட்ட கலைக்காக எனக்கு விருது கொடுத்து அங்கீகரித்தார்கள். ஆனால், இதைக் கொண்ட்டாட கூட இயலவில்லை. சக கலைஞர்கள் அனைவரும் மகிழும் நாள், 2022ம் ஆண்டு கொடுக்கட்டும்." என்கிறார் லட்சுமி.

புத்தாண்டில் நல் வழி பிறக்கும் என்று நம்பிக்கை

இவரைப்போலவே புத்தாண்டாவது நல்வழி காட்டும் என்கிற நம்பிக்கையோடு பல கலைஞர்கள் காத்திருக்கிறார்கள்.

 

ராஜீவ் காந்தி

பட மூலாதாரம்,RAJIV GANDHI

 

படக்குறிப்பு,

ராஜீவ் காந்தி

நாட்டுப்புற கலைக்குழு நடத்தி வரும் ராஜீவ்காந்தி, "மேடையில் திறமைகளைப் வெளிப்படுத்தி, மக்களால் கொண்டாடப்பட்டு வரும் நாட்டுப் புற கலைஞர்களுக்கு 2022ம் ஆண்டாவது இயல்பு நிலைக்கு அழைத்துச் செல்லும் என்று நம்புகிறோம். தமிழ் மாதத்தில் மாசி, பங்குனி, சித்திரை, வைகாசி மாதங்களில் மட்டுமே தொடர்ச்சியாக வாய்ப்பு கிடைக்கும். மற்ற மாதங்களில் ஒன்றிரண்டு வரும், அதுவும் எல்லாருக்கு கிடைக்காது. ஆகையால், 2018 ஆம் இறுதியில் கஜா புயலைத் தொடர்ந்து 2019ம் ஆண்டு பெரிதாக வாய்ப்பு கிடைக்கவில்லை. ஆகையால் தொடர்ந்து 3 ஆண்டுகள் கலைஞர்களுக்கு கஷ்டம்தான். ஆனால், கச்சேரி வாய்ப்பில்லாமல் தினக் கூலி வேலைக்கு செல்லும் நிலைக்கு தள்ளப்பட்டுள்ளோம். அந்த வேலையும் கிடைக்கவில்லை. இந்த துயரத்திலும் பலர் பண உதவி, பொருள் உதவி என்று செய்து வருகிறார்கள். அவர்களின் மனிதநேய உதவிகள்தான், எங்களை இப்போது வாழ வைத்துள்ளது," என்கிறார்.

 

நாட்டுப்புற கலைஞர்கள்

மேடைகளில் மக்களால் கொண்டாடப்படும் கலைஞர்கள் பலரும் கொரோனா பெருந்தொற்று காலத்தில் திண்டாடிக் கொண்டிருக்கிறோம் என்கிறார் நாட்டுப்புறப் பாடகி ஆரூர் அம்பிகா.

 

நாட்டுப்புற கலைஞர்கள்

பட மூலாதாரம்,AMBIKA

 

படக்குறிப்பு,

ஆரூர் அம்பிகா

அவர் கூறுகையில், "வாழ்வில் மிகக் கொடுமையான கால கட்டம் இது. கடந்த ஆண்டு வாய்ப்புகள் முற்றிலும் இல்லை. இந்த ஆண்டு கிடைத்த சில வாய்ப்புகளும் ரத்தாகின. இதனால், அன்றாட செலவு, குழந்தைகளின் கல்வி செலவு மட்டுமல்ல வயிற்றுப் பசி போக்குவதே பெரும்பாடு என்கிற நிலை. சேமித்து வைத்திருந்த கொஞ்சத்தையும் விற்று விட்டு கடனாளிகளாக உள்ளோம். அரசு நலவாரியத்தின் மூலம் ₹ 2 ஆயிரம் கொடுத்தார்கள். அந்த தொகையும் என்போன்ற பலருக்கும் கிடைக்கவில்லை." என்கிறார்.

தொடக்கம் நம்பிக்கை அளிக்கிறது

 

நாட்டுப்புற கலைஞர்கள்

பட மூலாதாரம்,VEERASANKAR

 

படக்குறிப்பு,

வளப்பகுடி வீரசங்கர்

திரைத்துறையில், சின்னத்திரைகளில் வாய்ப்பு பெற்று கவனத்திற்கு உள்ளாகி, பிரபலமாகியுள்ள சிலர் உட்பட பெரும்பான்மையான கலைஞர்கள் பொருளாதாரத்தில் பெரிதும் நலிவடைந்துள்ளனர்.

அனைவருக்கும் அரசு உதவ வேண்டும். கட்டுப்பாடுகளை தளர்த்தி, கலை நிகழ்ச்சிகளை நடத்த அனுமதிக்க வேண்டும். நலவாரியத்தில் உறுப்பினர்களாக இல்லாத, அனைத்து கலைஞர்களுக்கும் அரசு உதவித் தொகை வழங்க வேண்டும் என்றும் நாட்டுப்புற கலைஞர்கள் கோரிக்கை விடுத்துள்ளனர்.

"பிறக்கும் 2022ம் ஆண்டு தொடக்கத்தில், "சென்னையில் ஊர்த் திருவிழா என்று திட்டமிட்டுள்ளார்கள். இதில், சற்றேறக்குறைய 500 நாட்டுப்புறக் கலைஞர்களுக்கு வாய்ப்பு கிடைக்கும். இது நல்ல தொடக்கமாக தெரிகிறது. இது தொடர வேண்டும்" என்கிறார் ஊர்த்திருவிழா அமைப்பாளர்களில் ஒருவராக இருக்கும் வளப்பகுடி வீரசங்கர்.

நம்பிக்கையோடு காத்திருக்கும் நாட்டுப்புறக் கலைஞர்களுக்கு நல் வழி பிறக்கட்டும் புத்தாண்டில்...

bbc.com
Link to comment
Share on other sites

 

கியூபெக்கில் ஊரடங்கு அமுலுக்கு வருகின்றது. உணவகங்கள், சிற்றுண்டிச்சாலைகள் மூடப்பட்டிருக்கும். பாடசாலைகளை மீளத்திறத்தல் தள்ளிவைக்கப்படுகிறது.

 

https://montamil.ca/?p=15346

 
Link to comment
Share on other sites

யாவர்க்குமாம் இறைவற்கொரு பச்சிலை
யாவர்க்குமாம் பசுவுக்கொரு வாயுறை
யாவர்க்குமாம் உண்ணும் போதொரு கைப்பிடி
யாவர்க்குமாம் பிறர்க்கு இன்னுரை தானே” 
 
வெள்ளிக்கிழமை 31/12/2021 ஆண்டின் இறுதி நாள்.. அனைவருக்கும் இனிய நாளாக, பொழுதாக அமையட்டும் 🙏

 

Link to comment
Share on other sites

இந்த ஆண்டின் இறுதி கணங்கள் ஊரில் இரண்டு சிறுநீரகங்களும் பழுதடைந்து வாழும் ஒரு வயோதிபருக்கா மருத்துவ செலவுக்கான உதவிக் கரம் நீட்டியதோடு நிறைவுக்கு வருகிறது.இந்த உதவி கரம் நீட்டும் பணி எனக்கு சுய நினைவு இருக்கும் வரை தொடரும் 👋✍️

  • Like 2
Link to comment
Share on other sites

இது இங்கே பதியப்படும் எனது கட்சி பதிலாக கூட இருக்கலாம்.. எனக்கு என்னவோ இந்த ஆண்டோடு இவ்விடத்தில் இருந்து நகர்ந்து விடுவதே நன்று என்று மனதுக்கு படுகிறது.இவாக்கு போவதும்,வருவதும் தான் வேலை என்று சொல்லாமல் சொல்வதும்,ஆங்காங்கே பதிவதும் எனக்கு விளங்காமலும் இல்லை.. இதுவரைக்கும் நான் யார் மனதும் நோகும்படியோ அல்லது யாருக்கும் முரனாகவோ நடந்தவள் அல்ல.. அனைவரும் நலமோடு இருங்கள்.நன்றி.🙏✍️👋

 

 

 

Link to comment
Share on other sites

  • கருத்துக்கள உறவுகள்
3 minutes ago, யாயினி said:

இது இங்கே பதியப்படும் எனது கட்சி பதிலாக கூட இருக்கலாம்.. எனக்கு என்னவோ இந்த ஆண்டோடு இவ்விடத்தில் இருந்து நகர்ந்து விடுவதே நன்று என்று மனதுக்கு படுகிறது.இவாக்கு போவதும்,வருவதும் தான் வேலை என்று சொல்லாமல் சொல்வதும்,ஆங்காங்கே பதிவதும் எனக்கு விளங்காமலும் இல்லை.. இதுவரைக்கும் நான் யார் மனதும் நோகும்படியோ அல்லது யாருக்கும் முரனாகவோ நடந்தவள் அல்ல.. அனைவரும் நலமோடு இருங்கள்.நன்றி.🙏✍️👋

 

 

 

சரி சரி 
அடுத்த வருடம் சந்திப்போம்.
புதுவருட வாழ்த்துக்கள்.

  • Like 1
Link to comment
Share on other sites

  • கருத்துக்கள உறவுகள்
சீயக்காய், அரப்பு போட்டு குளிக்க சொன்னது கூந்தல் வளர இல்ல, கொசுவை ஒழிக்க..!! முன்னோர்கள் சொன்ன எக்கோ சிஸ்டம்..
ஒரு மனிதன் ஒரு நாளைக்கு பத்து லிட்டர் தண்ணீரில் குளித்தான் என்றால், அந்த பத்து லிட்டர் தண்ணீரும் மரம், செடி,கொடிகளுக்கு பயன்படும்.
ஆனால் சோப்பும், ஷாம்பும் பயன்படுத்தி குளிக்கும் பொழுது தண்ணீர் அத்தனையும் கழிவுநீர் ஆகிவிடுகிறது.
துணி துவைக்க வேப்பங்கொட்டையில் செய்த சோப்பை பயன்படுத்தினால் தண்ணீரில் உள்ள மீன்கள் எல்லாம் வந்து சோப்பு அழுக்கை திண்ணும்.
சீயக்காய், அரப்பு போன்ற இயற்கை பொருட்களை பயன்படுத்தி தலைக்கு குளிக்கும் பொழுது அந்த அழுக்கை உண்ண மீன்கள் ஓடிவரும்.
பாத்திரம் கழுவ இலுப்பைத்தூள் பயன்படுத்திய காலத்தில் சாக்கடையில் தவளைகள் வாழ்ந்தன.
ஆயிரக்கணக்கில் உருவாகும் கொசு முட்டைகளை அந்த தவளைகள் உண்டு மனிதனை காய்ச்சல் போன்ற நோய் நொடிகளிலிருந்து காப்பாற்றின .
ஒரு தட்டான்பூச்சி நாள் ஒன்றுக்கு ஆயிரம் கொசு முட்டைகளை தின்றுவிடும் .இப்பொழுது தவளையும் இல்லை; தட்டானும் இல்லை.
அதனால் தான் டெங்கு காய்ச்சல் மனிதனைக் கொல்கிறது .முடிந்தவரை இயற்கையான பொருட்களை பயன்படுத்த வேண்டும்.நம்மால் இயற்கைக்கு எந்த ஆபத்தும் இல்லை என்ற வகையில் செயல்பட வேண்டும்.
இன்றைய மனிதனின் அனைத்து துன்பங்களுக்கும் காரணம், அவன் இயற்கையை மறந்து செயற்கைக்கு மாறியதே
இயற்கை மனிதனை வாழவைக்கும் , செயற்கை அவர்களைக் கொன்றழிக்கும்.
Link to comment
Share on other sites

  • 2 weeks later...
  • கருத்துக்கள உறவுகள்

எப்போது படித்தாலும் இனியது  
*"ஒரு கப்பலில் ஒரு தம்பதி பயணம் செய்து கொண்டிருக்கிறார்கள். அப்போது கப்பல் கவிழும் அபாயமான கட்டத்தில், ஒரேயொருவர் தப்பிக்க மட்டுமே படகு ஒன்று இருக்கிறது.*
*மனைவியை பின்னே தள்ளி விட்டு கணவன் மட்டும் அந்தப் படகில் தப்பிச்செல்கிறார்.*
*கவிழும் கப்பலின் அந்தரத்தில் இருந்தவாறு தப்பிச் செல்லும் கணவனை நோக்கி மனைவி சத்தமாக....*  
*இந்த இடத்தில் என்ன சொல்லியிரிப்பார்???"*
*என்று மாணவர்களை நோக்கி இந்த கதையைக் கூறிய ஆசிரியை கேட்டார்.*
*எல்லா மாணவர்களும் பல வகையான பதில் தரும் போது ஒரு மாணவன் மட்டும் அமைதியாக கேட்டுக் கொண்டிருந்தான்.....*
*"ஏம்பா நீ சைலண்டா இருக்க......"*
*'நம்ம கொழந்தைய பத்திரமா பாத்துக்கங்கன்னு சொல்லிருப்பா டீச்சர்'*
*"எப்பிடிப்பா கரெக்டா சொல்ற, உனக்கு முன்னாடியே இந்த கதை தெரியுமா?"*
*'இல்ல டீச்சர், எங்கம்மாவும் சாவுறதுக்கு முன்னாடி அப்பாக்கிட்ட இதையேதான் சொன்னாங்க...'*
*பலத்த மௌனத்திற்கு பிறகு ஆசிரியை கதையை தொடர்ந்தார்.*
*தனி ஆளாக அவர்களது பெண்ணை அந்த மனிதன் வளர்த்து வந்தார். அவரின் மரணத்தின் பின்னர் பல வருடங்கள் கழித்து அந்தப் பெண் தனது தந்தையின் டைரியைப் பார்க்க நேர்ந்தது.*
*தாய்க்கு உயிர் கொல்லி நோய் இருந்திருப்பது அப்போதுதான் அவளுக்கு தெரிய வந்தது.*
*கப்பல் கவிழ்ந்த சம்பவத்தை அப்பா இவ்வாறு எழுதியிருந்தார்.*
*' உன்னோடு நானும் கடலின் அடியில் சங்கமித்திருக்க வேண்டும்... நம் இருவரின் மரணமும் ஒரே நேரத்தில் நிகழ்ந்திருக்க வேண்டும். நான் என்ன செய்ய, நமது பெண்ணை வளர்த்தெடுக்க நான் மட்டுமே தப்ப வேண்டியிருந்தது'.*
*கதையை இதோடு முடித்து விட்டு அந்த ஆசிரியை கூறினார்:*
*'வாழ்க்கைல நல்லது கெட்டது எல்லாமே நடக்கும். எல்லாதுக்கும் காரணம் இருக்கும் ஆனா சில நேரங்கள்ல நம்மால் புரிஞ்சிக்க இயலாம போகலாம். அதனால நாம ஆழமா யோசிக்காமலோ, சரியா புரிஞ்சிக்காமலோ யார் மேலயும் முடிவுக்கு வந்துடக்கூடாது.'*
*'நாம சாப்பிட ரெஸ்டாரெண்ட் போனா, ஒருத்தன் காசு கொடுக்க முன்வந்தா அவன் பணக்காரன் என்று அர்த்தமில்ல, பணத்த விட நம்ம நட்ப அதிகமா மதிக்கிறான்' னு அர்த்தம்.*
*'முதல்ல மன்னிப்பு கேக்கிறாங்கன்னா அவங்க தப்பு பண்ணிருக்காங்கன்னு அர்த்தமில்ல, ஈகோவ(Ego) விட உறவை மதிக்கிறாங்க' னு அர்த்தம்.*
*'நம்ம கண்டுக்காம விட்டாலும் நமக்கு போன், மெஸேஜ் பண்றாங்கன்னா அவங்க வேல வெட்டி இல்லாம இருக்காங்கன்னு அர்த்தமில்ல, நம்ம அவங்க மனசில இருக்கோம்னு அர்த்தம்'.*
*பின்னொரு காலத்தில நம்ம புள்ளங்க நம்மகிட்ட கேட்கும்,,,,,*  
*'"யாருப்பா அந்த போட்டோல இருக்கிறவங்கல்லாம்???"'*
*ஒரு கண்ணீர் கலந்த புன்னகையோட நாம சொல்லலாம் ' அவங்க கூடத்தான் சில நல்ல தருணங்களை நாம கழிச்சிருக்கோம்' னு...*
*வாழ்க்கை குறுகியது, ஆனா அழகானது...

Link to comment
Share on other sites

  • கருத்துக்கள உறவுகள்
மாலையில் நடைப் பயிற்சியை
முடித்துக் கொண்டு அந்த தம்பதியினர்
வீட்டுக்கு நடந்து வந்து கொண்டிருந்தனர்.
வரும் வழியில் ஒரு
கயிற்றுப் பாலம் ஒன்று இருந்தது.
சற்று இருட்டியதால் இருவரும்
வேகமாக நடக்கத் தொடங்கினர்...
திடீரென மழைச் சாரலும் வீசியது. வேகமாக நடந்து கொண்டிருந்தவர்கள்
ஓடத்தொடங்கினர்.
கணவர் வேகமாக ஓடினார்.
கயிற்றுப் பாலத்தை கணவன் கடந்து
முடிக்கும் போது தான் மனைவி
பாலத்தினை வந்தடைந்தார்.
மழைச் சாரலோடு கும்மிருட்டும் சேர்ந்து
வந்ததால் மனைவி பாலத்தை கடக்க
பயப்பட்டாள்.
அதோடு மின்னலும் இடியும் சேர்ந்து கொள்ள பாலத்தின் ஒரு பக்கத்தில் நின்று கணவனை துணைக்கு அழைத்தாள்...
இருட்டில் எதுவும் தெரியவில்லை.
மின்னல் மின்னிய போது கணவன் பாலத்தின் மறுபக்கத்தில் நின்று கொண்டிருப்பது தெரிந்தது...
தன்னால் முடிந்த வரை சத்தமிட்டு
கணவனை அழைத்தாள்.
கணவன் திரும்பிப் பார்க்கவில்லை.
அவளுக்கு அழுகையாய் வந்தது.
இப்படி பயந்து அழைக்கிறேன். என்ன மனிதர் இவர் திரும்பி கூட பார்க்க வில்லையே எனமிகவும் வருந்தினாள்.
மிகவும் பயந்து கொண்டே கண்களை மூடிக் கொண்டு கடவுளிடம் பாரத்தைப் போட்டு மெல்ல மெல்ல பாலத்தை கடந்தாள்.
பாலத்தை கடக்கும் போது இப்படி ஒரு
இக்கட்டான நிலமையில் கூட உதவி
செய்யாத கணவனை நினைத்து
வருந்தினாள்.
ஒரு வழியாக பாலத்தை கடந்துவிட்டாள்...
கணவரை கோபத்தோடு பார்க்கிறாள்.
அங்கு கணவர் மழையில் ஒரு பக்கம் உடைந்து தொங்கிக்கொண்டிருந்த கயிற்றுப் பாலத்தை தாங்கிப் பிடித்துக்
கொண்டிருந்தார்.
சில சமயம் கணவர் குடும்பத்திற்கு
எதுவும் செய்யாமல் மௌனமாக
இருப்பதாக தோன்றும்...
ஆனால்
உண்மையிலேயே அவர் தன்
குடும்பத்தை தாங்கிப் பிடித்துக்
கொண்டுதான் இருப்பார்.
தூரத்தில் பார்க்கும் போது அன்பு இல்லாதவர் போல இருந்தாலும் அருகில் சென்று பார்க்கும் போது தான் அவரின் அன்பு தெரியவரும்.
வாழ்க்கை ஒரு விசித்திரமான விந்தை.
தூரத்தில் இருப்பது தெளிவாக
தெரிந்தாலும் அருகில் வரும்போதே பொருள் புரிகிறது.
இந்த கோணத்தில் என்றாவது வாழ்கையை பார்த்தது உண்டா நாம்?
நான் எப்போதும் இந்த கோணத்தில் தான் அனைவரிடமும் பழகுவேன்.
அதான் கோவம், EGO, இல்லாமல். நிம்மதியாக வாழ முடிகிறது.
வாழ்க்கை பாடத்தில் நிறைய கற்று கொள்ளலாம்.
Link to comment
Share on other sites

  • 2 weeks later...
  • கருத்துக்கள உறவுகள்
தொடங்கிய புள்ளியிலேயே மீண்டும்...
.
புள்ளி இட்டேன்.
சுற்றிச்சுற்றி வைத்தேன்
நேர்த்தியாக .
வரிசையாக...
மேலும் சில புள்ளிகள்..
கீற்றிட்டு கோலமிட்டேன்
அத்துனை வடிவு.
இப்படி அப்படி
என எண்ணி எண்ணி
பின்னிப் பின்னி வடித்தேன்
வெண்ணிற அரிசி மாவில்..
மிளர்ந்தது கோலம்
அத்துனை அழகு...
வண்ணங்களைக் கொண்டு
நிரப்பினேன் அதை
அத்துனை மாதுர்யம்..
மின்மினிக்களைப் பிடித்துப் பொருத்தினேன்..
அத்துனை மினுக்கல்..
இங்கொன்றும்
அங்கொன்றுமாய்
சுற்றிச் சுற்றியே
சுற்றும் முற்றியே
அடவு கட்டினேன்..
அத்துனை அழகு.
ஓரக்கால்களில்
செம்மண்ணிட்டேன்
புனிதமேற்றியது
அத்தனை தெய்வீகம்...
மலர்களைத் தூவிப்
பூப்பந்தலிட்டேன்
கோலம் ஒளிர்ந்தது..
அத்துறை தேவாம்சம்..
ஆ..ஹா...
நின்றேன்
வியந்தேன்
பெருமிதம் கொண்டேன்
கூத்தாடினேன்
கொண்டாடினேன்
தாளமிட்டேன்
தலைகனத்தும் போனேன்..
சிரித்து முடிக்கவில்லை
ரசித்தும் முடியவில்லை
சட சடவென காற்றடித்தது
படபடவென மழைப் பொழிந்தது
திடு திடுவென இடிஇடித்தது
பளபளவென மின்னல் வெட்டியது
எல்லாம் கலைந்தது..
யாவும் கரைந்தது
வண்ணக் கோலம்
வாடியே நகர்ந்தது மழைநீராக
எனை நோக்கிய உதிர்த்தது விழிநீராக.
விதிர்விதிர்த்தேன்
விக்கிப் போனேன்
உக்கியே நின்றேன்
எனக்கு நானே
பகையானேன்
உறைந்து போன
சிலையானேன்
உயிர் பிரிந்த
சவமானேன்..
கோலமிட்ட இடத்தில்
மிச்ச மாய்
கொஞ்சமாய்
கண்ணீர் வரிகள் மட்டுமே
விட்டுப் போன கோலத்தின்..
கொட்டிக் தீர்த்த என் விழியிடத்தின்
மீண்டும் துவங்கினேன்
தொடங்கிய புள்ளியின்
நுனியில்...
.272962690_631655944833831_26912947655422
Link to comment
Share on other sites


  • Tell a friend

    Love கருத்துக்களம்? Tell a friend!
  • Topics

  • Posts

    • தாத்தா அடம் பிடிக்காம குளிக்கிற தாத்தாவை குறித்து பேரன் சொன்னான் அம்மாவிடம், தாத்தா சமத்தா குளிக்கிறாருன்னு...! மரித்துப்போன தாத்தா குளிப்பது கடைசிக்குளியல் என்பது தெரியாமல்...!! மாலை போட்டு உட்கார்ந்த நிலையிலிருந்த தாத்தாவை மல்லுக்கட்டி இழுத்துப்பார்த்தான் பேரன், வாங்க தாத்தா வாக்கிங் போலாம்னு… அடுத்த நாள் காரியத்தில் அழுதபடி கேட்டான், தாத்தா எங்கன்னு...? ஆண்டவன் வீட்டுக்கு போயிருக்காரு அடுத்த வாரம் வருவாருன்னு ஆறுதலுக்குச் சொல்லிவைத்தார் அப்பா...! ஒம்மேல கோவப்பட்டு அத்தை வீட்டுக்கு போயிருக்காருன்னு அடக்கமுடியா அழுகையுடன் சொல்லிப்போனாள் அம்மா...!! அம்மாவின் துணை கொண்டு அடுத்த நாளே எழுதினான் பேரன், தாத்தாவுக்கு ஒரு கடிதம்...! அன்பும் பாசமும் நிறைந்த தாத்தாவுக்கு, உன் அன்பு பேரன் எழுதுவது... ஒன்னோட வாக்கிங் ஸ்டிக் இங்க ஹாலில் மாட்டிகிடக்கு, இது இல்லாம, எப்படி நீயும் வாக்கிங் போவ...? ஒன்னோட மூக்குப்பொடி டப்பா, உன் மாலை போட்ட படத்துக்கு முன்னாலே பத்திரமா இருக்கு, அது இல்லாம, எப்படி நீயும் சமாளிக்க போற...? பேப்பர் படிக்கும்போதெல்லாம் பேரன் என்ன தேடுவியே...எங்க வந்து ஒனக்குத் தர... நீ விட்டுப்போன மூக்குக்கண்ணாடிய...? அத்த வீட்டுக்கு போனாலும் அடுத்த நாளே பேசுவியே, அழுதபடி வாட்ஸப்பில் நீயும், பத்திரமா வச்சிருக்கேன்... நீ வந்தவுடன் விளையாட மொபைலில் ஒரு கேம்மும் தானே...! வந்துரு தாத்தா வாக்கிங் போலாம் ரெண்டு பேரும்... ஒனக்கே கொடுத்துர்றேன் விளையாட மொபைல... நீ இல்லாமே, இப்போல்லாம் அப்பா அம்மா வர்ற வரைக்கும் அடுத்த வீட்டுல தான் அதிக நேரம் குடி இருக்கேன்...!!
    • சுவாரசியமான ஒரு திகில் படம் தியேட்டரில் ஓடிக்கொண்டிருக்கிறது.. ஒருவர் பாதியில் எழுந்து வெளியில் வந்து அவசரமாக வீட்டுக்குப் புறப்படுகிறார் அவரை பார்த்து திரையங்கின் மேலாளர் கேட்கிறார்.....! "ஏன் சார், படம்பிடிக்கலையா ..? இல்லை பார்க்க ரெம்ப பயமா இருக்கா.. சார்..? " "அப்படி எதுவும் இல்லை சார்..படம் நல்லா தான் இருக்கு...., அப்பே....ஏன்சார் பாதிப்படத்துல எழுந்து போரிங்க... யாராவது பக்கத்துசீட்டு ஆட்கள் பிறச்சனை... பன்னாங்களா..? அப்படி எல்லாம் எதுவும் இல்லை சார், ஆனா சுவாரசியமா....படத்த பார்த்துட்டு இருக்கும் போது....எனக்குப் பின்னாடி இருந்து ஒரு குரல்.."யோவ்.... தள்ளி உக்காருய்யா உன்தலை எனக்கு படம்பாக்க முடியாம மறைக்குதுன்னு... கோபமா அதட்டிசொன்னாங்க அதான்....." "அட.... என்ன சார் இதுக்கா கோபப்பட்டுட்டு போரிங்க...சரி நீங்களும் கொஞ்சம் சமாளிச்சு உக்காந்திருக்கலாமில்ல.... நம்ம பின்னாடி உக்காந்திருக்கிறவங்களுக்கு நம்ம தலை மறச்சுதுன்னா.. நாம கொஞ்சம் தள்ளி உக்கார வேண்டியது நீயாயம் தானே......சார்?" "அட என்ன சார்....நீங்களும் கொஞ்சம் கூட புரியாமல் பேசுறிங்களே நான் உக்காந்திருந்ததே கடைசி வரிசை இருக்கையில தான்.....சார்....!!" என்னது.......?
    • எங்கிருந்தோ ஆசைகள் எண்ணத்திலே ஓசைகள் என்னென்று சொல்லத் தெரியாமலே நான் ஏன் இன்று மாறினேன்    
×
×
  • Create New...

Important Information

By using this site, you agree to our Terms of Use.