Jump to content
  • advertisement_alt
  • advertisement_alt
  • advertisement_alt

யாயினியின் பக்கம்..பல்சுவை அம்சங்களோடு..


Recommended Posts

  • கருத்துக்கள உறவுகள்

கருப்பு வெள்ளையில் கண்கவரும் பறவைகள்

 
வாலாட்டிக்குருவி (willie wagtail)
 
1.%2Bwillie%2Bwagtail.JPG
 
ஆஸ்திரேலிய மேக்பை (Australian magpie)
 
2.%2Baustralian%2Bmagpie.JPG
 
 
 
கருப்பு அன்னம் (black swan)
இறக்கைகளை விரிக்காதபோது.. 
 
cc3.JPG
 
கருப்பு அன்னம் (Black swan)
பறக்கும்போது  பளீரென வெளித்தெரியும் வெள்ளை இறகுகள்
 
3.%2Bblack%2Bswan.JPG
 
ஆஸ்திரேலிய கூழைக்கடா (Australian pelican)
 
4.%2B%2Baustralian%2Bpelican.JPG


 
மண்கூட்டுக் குருவி (mud lark) அல்லது
மேக்பை குருவி (magpie lark)
 
5.%2Bmagpie%2Blark.JPG
வெண்புருவம் இருப்பின் அது ஆண் குருவி
 
 
cc40.JPG
வெண்புருவமற்றது பெண்குருவி
 
 
ஆஸ்திரேலிய வெள்ளை அன்றில் (Australian white ibis)
 
6.%2Baustralian%2Bwhite%2Bibis.JPG
 
 
 
சாம்பல்வண்ண கசாப்புக்காரப்பறவை (Grey butcherbird)
 
7.%2Bgrey%2Bbutcherbird.JPG
 
 
கருப்பு வெள்ளை கரவாங் (pied currawong)
 
8.%2Bpied%2Bcurrawong.JPG
 
 
மஸ்கோவி வாத்து (muscovy duck)
அறிமுகப்படுத்தப்பட்டப் பறவையினம்
 
9.%2Bmuscovy%2Bduck.JPG
 
 
கருப்பு வெள்ளை நீர்க்காகம் (little pied cormorant) 
 
10.%2Bpied%2Bcormorant.JPG
 
 
 
ஆஸ்திரேலிய பாம்புத்தாரா (Australian darter)
 
cn32.JPG


 
சிறிய கருப்பு நீர்க்காகம் (little black cormorant)
 
re52.JPG
 
 
 
 
Link to post
Share on other sites
  • Replies 3.3k
  • Created
  • Last Reply

Top Posters In This Topic

Top Posters In This Topic

Popular Posts

எனது முகநூல் எப்படி பலதும் பத்துமாக பிரகாசித்ததோ அது போன்று என்னை பல ஆண்டுகளுக்கு முன் உறுப்பினர் ஆக்கிக் கொண்ட யாழில் பல அம்சங்களையும் பதிவிட எண்ணி உள்ளேன்...அடுத்த பக்கத்தில் எந்தப் பதிவுகளும் பதிய

ஆயிரம் புள்ளினளை அள்ளித் தந்த அனைத்து உறவுகளுக்கும்  மனம் நிறைந்த நன்றிகள். 1,000 ???

நீ உழைக்கும்  உழைப்பில் சிறிதாவது உனக்கென சேமித்து வைத்துக்கொள்  இல்லையெனில்  கஷ்டம் வரும்பொழுது உதவுவதற்கு யாரும் முன் வர மாட்டார்கள் உன் சகோதரனாக இருந்தாலும். 1ரூபாயாக இருந்தாலு

Posted Images

  • கருத்துக்கள உறவுகள்

இதுவரை எழுதி என்ன சாதித்திருக்கிறேன் என்று என்னை நானே கேட்டுக்கொள்கிறேன்.

DSCF3470.JPG

Link to post
Share on other sites
  • கருத்துக்கள உறவுகள்

இவ்வளவு விரக்தி ஏன் யாயினி?...உங்கட பதிவுகளை வாசிப்போர் எத்தனை பேர் இருக்கிறார்கள்.தவிர உங்கட மனதில் பட்டதை,சரி எனப்பட்டதை தானே நீங்கள் எழுதுகிறீர்கள். அதில் ஏன் தயக்கம்?

  • Like 2
Link to post
Share on other sites
  • கருத்துக்கள உறவுகள்
16 minutes ago, யாயினி said:

இதுவரை எழுதி என்ன சாதித்திருக்கிறேன் என்று என்னை நானே கேட்டுக்கொள்கிறேன்.

ஏன் இங்கு யாராவது எழுதி

அதன் மூலம் எதையாவது சாதித்ததாக சொன்னார்களா பிள்ளை.

முடிந்தவரை எழுதுங்கள்

பரப்புங்கள்

தேவையானவர்கள் எடுத்துச்செல்வார்கள்

பொறுக்குபவர்கள் பொறிக்கொள்வார்கள்

நேரமிருப்பவர்கள் பதிந்து செல்வார்கள்...

தொடருங்கள்

  • Like 2
Link to post
Share on other sites
  • கருத்துக்கள உறவுகள்

ஸ்பெயினின் இரண்டாவது பெரிய,ஆனால் காலாசர முக்கியம் வாய்ந்த, முற்காலத்தில்" கத்தலோனா" எண்டு அழைக்கப்பட்ட இன்றைய பார்சிலோனா நகரத்துக்கு ,உலகம் எங்கும் இருந்து உல்லாசப் பிரயாணிகளை அழைக்கும் இந்த "sagrada familia" கட்டிடம், பார்பதுக்கு "திகில்" படங்களில் பேய் வசிக்கும் இடம்போல இருந்தாலும், இது ஒரு தேவாலயம் .

1882 இல் கட்டத்தொடன்கிய இந்த " கத்தலோனா " ஸ்டைல் மொடேர்ன் தேவாலயம் 2030 இல் தான் கட்டிமுடியும் என்கிறார்கள்! இவளவு நீண்ட வருடங்கள் இந்த உலகத்தில ஒரு கட்டிடம் கட்டப்படுவது இது ஒன்றுதானாம். 

இதை வடிவமைத்த ,1852 இல் இதே பார்சிலோனா நகரத்தில், ஒரு ஏழ்மையான கத்தோலிக்க மதப பற்றுள்ள குடும்பத்தில் பிறந்த ,அந்தோனியோ கைடி ,இன்றுவரை " மொடெரன் ஆர்கிடெக்சர் " அதிசம் எண்டு அழைக்கப்படுவதால் உலகம் எங்கும் இருந்து கிளாசிகல்,மொடேர்ன் " ஆர்கிடெக்சர்" படிக்கும் மாணவர்களுக்கு இது ஒரு மக்கா,மதினா போல இருப்பதால், வந்து ,சுற்றிப் பார்த்து ஒவ்வொரு " Catalan Modernisme " விசியதையும் ஆரவமாகப் பார்த்து, குறிப்பு எடுகின்றார்கள்! 

கைடி இதை அவரோட 35 வயதில் கட்டதொடங்க, வடிவமைத்து மட்டும் தான், இப்ப வேறு பல அர்கிடேக்சர்கள் ,தொடர்ந்து அவரோட" Neo-Gothic period பிளானை " வைத்து 2030 இல கட்டி முடிபபத்தாக உறுதி எடுத்துள்ளார்கள். 

பல ஆர்கிடெக்சர் விசியன்களில் ஆதாரமகாவே புதுமை செய்துள்ளார் கைடி , பாவனைக்கு உதவாத பிங்கான் கோப்பைகளை, பாவித்த இரும்புகள்,வேறு என்ன என்ன "ரீ -சய்கிளிங் "செய்ய முடியுமோ அவளதையும் வீண் ஆகாமல், எல்லாவற்றையும் ,அங்க,இங்க செருகி , "முப்பரிமான "கலை அம்சம் ஆக்கியுள்ளார். 

அந்தோனியோ கைடி இந்த தேவாலயத்தை வடிவமைத்து " இது கடவுளின் வாசஸ்த்தலம் " எண்டு சொன்னதால்,அவரை "கடவுளின் ஆர்கிடெக்சர்" என்கிறார்கள் ஸ்பனிஷ் மக்கள்! அப்படி சொன்னது மட்டுமல்ல இன்றுவர இந்த தேவாலயம் கட்டுவதுக்கான செலவு பார்சிலோன நகர மக்களின் பொதுப்பணம்! 

அந்தோனியோ கைடி, கலியாணமே கட்டாமல், மனதை ஒருமுகப் படுத்தி , இதை வடிவு அமைத்து இருக்கிறார் ,ஆனாலும் அவர் வாழ்ந்த விதம் கொஞ்சம் குழப்பமா தான் இருக்கு,தனிமையில் ,சமுகத்தில இருந்து ஒதுங்கி , நேரம் கிடைக்கும் போதெல்லாம் தேவாலயத்தில் பிராத்தனை பண்ணிக்கொண்டு , ஆடம்பரம் இல்லாமல் ஒரு பிச்சைகாரன் போல வாழ்ந்திருக்கிறார். 

அவரோட 72 வது வயதில் ,ஒரு சாலை விபத்தில் இறந்துபோக,யாரோ ஒரு பிச்சைகாரன் போல அவர் இருந்ததால, அலட்சியமான பார்சிலோனா மக்கள், அவர் யார் எண்டு தெரியாமல் , கவனிக்காமல் விட , அம்புலஸ் வண்டி தாமதித்து வர,அவர் சில மணித்தியாலங்களில் இறந்து போய் விட்டாராம்,அதன் பின் செய்தி கசிய, இன்ருவரை ஸ்பெயின்ல் நடந்த மிகப் பெரிய ஊர்வலம் அந்தோனியோ கைடியின் மரண ஊர்வலம் என்கிறார்கள்.

இந்த முடிவுறாத , அவரின் வாழ்நாள் வடிவமைப்பை, அவர் இரவும், பகலும் கண்ட கனவின் தொடர்ச்சியா , sagrada familia தேவாலயத்தின் முதல் நிலத்தடி தளப்பகுதியில் அவரோட பூதவுடலை அடக்கம் செய்து இருக்கிறார்கள் பார்சிலோனா மக்கள்.! 

இந்த நுர்த்ராண்டின் மிகச் சிறந்த மொடேர்ன் ஆர்கிடெக்சர், அந்தோனியோ கைடி, இறப்பதுக்கு சில வாரம் முன் ஒரு குறிப்பு ,தான் ஏன் ,எல்லாரையும் போல இல்லாமல் ,விதியாசம்கா வாழ்ந்தேன் என்று எழுதி வைத்ததை ,அவரோட கல்லறையின் அருகில் ஸ்பானிஷ்ல் எழுதி வைத்திருந்தார்கள்,.அதன் ஆங்கில மொழிபெயர்ப்பு இப்படி தொடங்குகின்றது...".My good friends are dead; I have no family and no clients, no fortune nor anything. Now I can dedicate myself entirely to the Church......".

.நாவுக் அரசன் 
பார்சிலோனா ,இஸ்பெயின் இல் இருந்து .

 
Naavuk Arasan's photo.
  • Like 1
Link to post
Share on other sites
  • கருத்துக்கள உறவுகள்

13407259_1701490990103238_23011727890420

‪போராடி‬ தோற்றால்.... மரணம் கூட வெற்றிதான் 
போராடாமல் தோற்றால்.... மரணம் கூட ‪மன்னிக்காது‬.

  • Like 1
Link to post
Share on other sites
  • கருத்துக்கள உறவுகள்

குழந்தை தொழிலாளர் எதிர்ப்பு நாள் (World Day Against Child Labour) உலகம் முழுவதும் ஆண்டுதோறும் சூன் 12 ஆம் தேதி கடைப்பிடிக்கப்படுகிறது. ஐக்கிய நாடுகளின் ஓர் அங்கமான பன்னாட்டு தொழிலாளர் அமைப்பினால் (ஐ.எல்.ஓ) அங்கீகரிக்கப்பட்ட இந்த நாள் குழந்தைத் தொழிலாளர்கள் பற்றிய விழிப்புணர்வை ஏற்படுத்த 2002ம் ஆண்டு முதல் கடைபிடிக்கப்படுகிறது.ஐ.எல்.ஓ வின் 138 மற்றும் 182வது உடன்படிக்கைகளின் ஏற்பினால் தூண்டப்பட்டு இந்த நாள் உருவாக்கப்பட்டது.
 

Link to post
Share on other sites
  • கருத்துக்கள உறவுகள்

 

 

ஃப்ளோரின் [Florin] எனும் இலத்தின் மொழிச் சொல்லுக்கு மலர் என்பது பொருளாம். அந்த இலத்தின் சொல்லில் இருந்துதான் Flower என்பது உருவாகி விட்டது. 13403960_766855883456051_626288468304333

Link to post
Share on other sites
  • கருத்துக்கள உறவுகள்

புரட்சியாளர் சே குவேரா பிறந்ததினம் இன்றாகும்.
எங்கே அநீதியைக் கண்டாலும்
உங்கள் மனம் தாங்கமுடியாமல் துடிக்கிறதா...??
அப்படியானால் நீயும் என் நண்பன்தான்!

Link to post
Share on other sites
  • கருத்துக்கள உறுப்பினர்கள்

யாயினி

உங்கள் கடைசி சில பதிவுகளைப் பார்த்தேன்.  இயற்கைப் படங்களும் இளையராஜாவின் பதிவுகளும் மிகவும் அருமை.  நான் இளையராஜாவின் பரம ரசிகன் அதனால் அவரைப்பற்றிய பதிவுகள் எங்கெல்லாம் வருகிறதோ மிகவும் ரசிப்பேன்.

யாழுக்கு வருவது, விரைவாக மேலோட்டமாகப் பார்ப்பது, உடனே சென்றுவிடுவது இப்படியாகவே சிலவருடங்கள் சென்றுவிட்டது.  நீண்டகால்த்தின் பின் இந்தப்பதிவை செய்கிறேன்.

  • Like 1
Link to post
Share on other sites
  • கருத்துக்கள உறவுகள்

Blood-Donation-in-Nagpur1.jpg இன்று உலக குருதிக் கொடையாளர் தினம்.

world blood donor day!!

T-bloodType1-enHD-AR1.jpg

blood-groups.png

  • Like 1
Link to post
Share on other sites
  • கருத்துக்கள உறவுகள்

 

சே குவேரா: புரட்சியின் நிறம் ஓவியக் காட்சியில்....

13174040_1096290170432369_40196190406033

 

ஓவியர் புகழேந்தி

 

  • Like 1
Link to post
Share on other sites
  • கருத்துக்கள உறவுகள்

ஒருவர் கவிஞர் வாலியிடம் கேட்டார்:
ஐயா இப்போ பாடல்கள் எல்லாம் எப்படியிருக்கு ?

வாலி கூறினார்:
முன்னேல்லாம் படத்துக்கு
இருபதுப் பாட்டுனங்கா
பத்துப் பாட்டுனங்கா
எட்டுப் பாட்டுனங்கா

இப்போ நிப்பாட்டு நிப்பாட்டுகுறங்க...:)

 

Edited by யாயினி
Link to post
Share on other sites
  • கருத்துக்கள உறவுகள்

நடிகரும்,பிரபல தமிழ் திரைப்பட இயக்குனருமான மணிவண்ணன் அவர்களின் 3ம் ஆண்டு நினைவு தினம் இன்றாகும்.

இயக்குனர் மணிவண்ணன் அவர்கள் தமிழீழ விடுதலைக்காகவும்,தமிழ்த் தேசிய அரசியலுக்காகவும் தீவிரமாகக் களமிறங்கிப் பணியாற்றினார்.விடுதலைப் புலிகளை ஆதரிப்பதிலும்,தமிழீழத்தை ஆதரிப்பதிலும் முன்னணியிலிருந்தார்.தம்முடைய இறுதி மூச்சு வரையில் ஒரு தமிழ்த் தேசியப் போராளியாகவே வாழ்ந்தார்.உலகத் தமிழர்களின் நம்பிக்கைக்கும் நன்மதிப்புக்கும் உரியவராக விளங்கினார்.

இயக்குனராக தமிழ்த் திரையுலகில் அடியெடுத்து வைத்து,பல வெற்றிப் படங்களை இயக்கி, வெற்றிக் கண்டதோடு மட்டுமல்லாமல், ஒரு நடிகராகவும் 400க்கும் மேற்பட்ட படங்களில் நடித்தவர், மணிவண்ணன் அவர்கள். ஒரு இயக்குனராகவும், நடிகராகவும் தமிழ் ரசிகர்களின் மனதைக் கவர்ந்த அவர், தனது 50-வது திரைப்படமான ‘நாகராஜசோழன் எம். ஏ.எம்.எல்.ஏ’ என்ற படத்தை இயக்கிமுடித்து, அதன் இசையையும் வெளியிட்டுள்ளார். இயக்குனராகவும், நடிகராகவும் இருந்து வந்த அவர், ‘நிழல்கள்’, ‘அலைகள் ஓய்வதில்லை’, மற்றும் ‘ஆகாய கங்கை’ போன்ற திரைப்படங்களுக்குக் கதாசிரியராகவும் பணிபுரிந்துள்ளார். 1982ல், தமிழ்த் திரையுலகில் ‘கோபுரங்கள் சாய்வதில்லை’ என்ற படம் மூலமாக இயக்குனராக அறிமுகமான அவர், ’24 மணி நேரம்’, ‘நூறாவது நாள்’, ‘ஜல்லிக்கட்டு’, ‘சின்ன தம்பி பெரிய தம்பி’, ‘தெற்குத் தெரு மச்சான்’, ‘அமைதிப்படை’ போன்ற வெற்றிப் படங்களைத் தமிழ் ரசிகர்களுக்குப் பரிசாக்கியவர். அத்தகைய சிறப்புமிக்க இயக்குனரும், நடிகருமான மணிவண்ணன்.

மணிவன்னான் அவர்கள், தென்னிந்தியாவில் உள்ள தமிழ்நாட்டில் இருக்கும் கோயம்பத்தூர் மாவட்டத்தில் உள்ள சூலூர் என்ற கிராமத்தில் ஆர். எஸ். மணியம் மற்றும் மரகதம் தம்பதியருக்கு மகனாக ஜூலை மாதம் 31 ஆம் தேதி, 1954 ஆம் ஆண்டில் பிறந்தார். அவருக்குப் பெற்றோரிட்ட பெயர் ‘மணிவண்ணன் ராஜகோபால்’. அவருக்கு மூன்று சகோதரிகள் உள்ளனர்.

ஆரம்ப வாழ்க்கையும், கல்வியும்

மணிவண்ணன் அவர்களது தாயார் ஒரு பஞ்சாயத்துத் தலைவர் மற்றும் அவரது தந்தை ஒரு அரிசி வியாபாரியாகவும், ஜவுளி வர்த்தகராகவும், அரசியல்வாதியாகவும் இருந்தனர். மேலும், அவருடைய குடும்பத்தில் ஒரே மகன் என்பதாலும், வீட்டில் அவருக்குச் செல்லம் அதிகமாகவே இருந்தது. இதனால் அவருக்குப் படிப்பில் அதிகளவு நாட்டம் செல்லவில்லை. இருப்பினும், கோவை அரசு கலைக் கல்லூரியில் பி.யூ.சி வரை படித்த அவர், பலருடன் நட்பாக இருந்தார். அப்பொழுது அவருக்கு அறிமுகமானவரே, சத்யராஜ் அவர்கள். கல்லூரியில் படிக்கும் போது, பல மேடை நாடகங்களால் ஈர்க்கப்பட்ட அவர், சில நாடகங்களில் நடிக்கவும் செய்திருக்கிறார்.

திரையுலகப் பிரவேசம்

பாரதிராஜாவின் ‘கிழக்கே போகும் ரயில்’ என்ற திரைப்படத்தால் பெரிதும் கவரப்பட்ட மணிவண்ணன் அவர்கள், 1௦௦ பக்கம் ரசிகர் மின்னஞ்சல் ஒன்றை பாரதிராஜாவிற்கு அனுப்பினார். அவரது உள்ளார்வமிக்கத் தாக்கத்தை உணர்ந்த பாரதிராஜா அவர்கள், அவரை சந்திக்க விரும்பியதால், சென்னை சென்றார், மணிவண்ணன். மேலும், 1979ல் பாரதிராஜா ‘கல்லுக்குள் ஈரம்’ என்ற படத்தை இயக்கும் போது, அவரைத் தன்னுடைய உதவியாளராக சேர்த்துக் கொண்டார். ‘நிழல்கள்’, ‘டிக் டிக் டிக்’, ‘காதல் ஓவியம்’, ‘அலைகள் ஓய்வதில்லை’, ‘ஆகாய கங்கை’, ‘லாட்டரி டிக்கெட்’, ‘நேசம்’ போன்ற படங்களுக்குக் கதாசிரியராகவும், வசனகர்த்தாவாகவும் பணிபுரிந்திருக்கிறார். ‘புதிய வார்ப்புகள்’, ‘கொத்த ஜீவிதாலு’ (தெலுங்கு), ‘கிழக்கே போகும் ரயில்’ (தெலுங்கு), ‘ரெட் ரோஸ்’ (ஹிந்தி) மற்றும் ‘லவ்வர்ஸ்’ (இந்தி) போன்ற படங்களில் பாரதிராஜாவின் உதவி இயக்குனராகப் பணிபுரிந்த அவர், பாரதிராஜாவின் ‘கொடிப் பறக்குது’ என்ற படத்தில் வில்லனாகத் திரையில் அறிமுகமானார்.

திரையுலக வாழ்க்கை

1982ல் வெளியான ‘கோபுரங்கள் சாய்வதில்லை’ என்ற படம், மணிவண்ணன் தமிழ் திரையுலகில் தனித்து இயக்கிய முதல் படமாகும். அதைத் தொடர்ந்து, ‘ஜோதி’ (1983), ‘வீட்டிலே ராமன் வெளியிலே கிருஷ்ணன்’ (1983), ‘இளமைக் காலங்கள்’ (1983), ‘குவாகுவா வாத்துக்கள்’ (1984), ‘ஜனவரி ஒன்னு’ (1984), ‘இங்கேயும் ஒரு கங்கை’ (1984), ‘இருபத்தி நாலு மணிநேரம்’ (1984), ‘நூறாவது நாள்’ (1984), ‘அன்பின் முகவரி’ (1985), ‘விடிஞ்சா கல்யாணம்’ (1986), ‘பாலைவன ரோஜாக்கள்’ (1986), ‘முதல் வசந்தம்’ (1986), ‘இனி ஒரு சுதந்திரம்’ (1987), ‘தீர்த்தக் கரையினிலே’ (1987), ‘புயல் படும் பாட்டு’ (1987), ‘கல்யான் கச்சேரி’ (1987), ‘ஜல்லிக்கட்டு’ (1987), ‘சின்ன தம்பி பெரிய தம்பி’ (1987), ‘கணம் கோர்ட்டார் அவர்களே’ (1988), ‘உள்ளத்தில் நல்ல உள்ளம்’ (1988), ‘மனிதன் மாறிவிட்டான்’, (1989), ‘வாழ்க்கை சக்கரம்’ (1990), ‘சந்தனக்காற்று’ (1990), ‘புது மனிதன்’ (1991), ‘தெற்குத் தெரு மச்சான்’ (1992), ‘கவர்மென்ட் மாப்பிள்ளை’ (1992), ‘மூன்றாவது கண்’ (1993), ‘அமைதிப்படை’ (1994), ‘வீரப்பதக்கம்’ (1994), ‘ராசாமகன்’ (1994), ‘தோழர் பாண்டியன்’ (1994), ‘கங்கை கரை பாட்டு’ (1995), ‘ஆண்டான் அடிமை’ (2001), ‘நாகராஜசோழன் எம்.ஏ.எம்.எல்.ஏ’ (2013) என ஐம்பது திரைப்படங்கள் இயக்கியுள்ளார். தற்போது, தனது 50-வது திரைப்படமான ‘நாகராஜசோழன் எம். ஏ.எம்.எல்.ஏ’ என்ற படத்தை இயக்கிமுடித்து, அதன் இசையையும் வெளியிட்டுள்ளார்.

நடிகராக மணிவண்ணன் ஒரு உதவி இயக்குனராக தமிழ்த் திரையுலகில் நுழைந்த மணிவண்ணன், பாரதிராஜாவின் ‘கொடி பறக்குது’ என்ற படம் மூலமாக வில்லனாக அறிமுகமானார். அக்கதாபாத்திரம் நல்ல வரவேற்பைப் பெற்றுத் தந்ததால், தொடர்ந்து 400க்கும் மேற்பட்ட படங்களில் நடித்துள்ளார். அவர் இயக்கிய ‘அமைதிப்படை’ படத்தில் நடித்த கதாபாத்திரம் மக்களிடையே நன்மதிப்பைப் பெற்றதால், அவர் ‘கோகுலத்தில் சீதை’, ‘காதல் கோட்டை’, ‘அவ்வை சண்முகி’, ‘காதலுக்கு மரியாதை’, ‘ஜீன்ஸ்’, ‘பொற்காலம்’, ‘சங்கமம்’, ‘படையப்பா’, ‘முதல்வன்’, ‘துள்ளாத மனமும் துள்ளும்’, ‘முகவரி’, ‘ரிதம்’, ‘பார்த்தாலே பரவசம்’, ‘டும் டும் டும்’, ‘காசி’, ‘பிரியாத வரம் வேண்டும்’, ‘பம்மல் கே. சம்பந்தம்’, ‘பஞ்சதந்திரம்’, ‘வசீகரா’, ‘மஜா’, ‘சம்திங் சம்திங்… உனக்கும் எனக்கும்’, ‘ஆதி’, ‘சீனா தானா’, ‘சிவாஜி’, ‘குருவி’, ‘ராமன் தேடிய சீதை’, ‘தில்லாலங்கடி’, ‘வேலாயுதம்’ போன்ற பல்வேறு படங்களில் தனக்கென உரித்தான பாணியில் வசனங்களை சர்வசாதாரணமாக அவரது சிறப்பான நடிப்பில் வெளிப்படுத்தி, அவர் ஒரு சிறந்த இயக்குனர் மட்டுமின்றி மிகப்பெரிய நடிகர் என்பதையும் நிரூபித்துள்ளார். அவர், தமிழ்த் திரையுலகில் முன்னணி நடிகர்களான சிவாஜி கணேசன், ரஜினிகாந்த், கமல்ஹாசன், விஜய், அஜீத், விக்ரம் போன்றோருடன் இணைந்து நடித்துள்ளார்.

இல்லற வாழ்க்கை

மணிவண்ணன் அவர்கள், செங்கமலம் என்பவரை மணமுடித்தார். அவர்கள் இருவருக்கும் ஜோதி என்ற மகளும், ரகுவண்ணன் என்ற மகனும் உள்ளனர். அவரது மகனும் ஒரு நடிகரென்பது குறிப்பிடத்தக்கது.

அரசியல் வாழ்க்கை

மணிவண்ணன் அவர்கள், மறுமலர்ச்சி திராவிட முன்னேற்ற கழகம் (ம.தி.மு.க.) அரசியல் கட்சியில் சேர்ந்தார். மேலும், 2006 ஆம் ஆண்டில் நடந்த சட்டமன்ற தேர்தலில், அக்கட்சிக்கு ஆதரவாகப் பிரச்சாரமும் மேற்கொண்டார்.

இறப்பு

இயக்குனராகத் தனது 50 வது படத்தை இயக்கி, அப்படத்தை வெளியிட்ட மணிவண்ணன் அவர்கள், தனது 58வது வயதில் மாரடைப்பால் சென்னை நெசப்பாக்கத்தில் உள்ள அவரது வீட்டில் ஜூன் மாதம் 15 ஆம் தேதி, 2013 ஆம் ஆண்டில் காலமானார். அவரது விருப்பப்படி,அவரது உடல் தமிழ் ஈழக் கொடியால் மூடப்பட்டது.

காலவரிசை

1954: தமிழ்நாட்டில் இருக்கும் கோயம்பத்தூர் மாவட்டத்தில் உள்ள சூலூர் என்ற கிராமத்தில் ஆர். எஸ். மணியம் மற்றும் மரகதம் தம்பதியருக்கு மகனாக ஜூலை மாதம் 31 ஆம் தேதி, 1954 ஆம் ஆண்டில் பிறந்தார்.

1979: பாரதிராஜா ‘கல்லுக்குள் ஈரம்’ என்ற படத்தை இயக்கம் போது, அவரைத் தன்னுடைய உதவியாளராக சேர்த்துக் கொண்டார்.

1989: ‘கொடிப் பறக்குது’ என்ற படத்தில் வில்லனாகத் திரையில் அறிமுகமானார்.

1982: ‘கோபுரங்கள் சாய்வதில்லை’ என்ற படம், மணிவண்ணன் தமிழ் திரையுலகில் தனித்து இயக்கிய முதல் படமாகும்.

1994: அவர் இயக்கிய ‘அமைதிப்படை’ பெரும் திருப்புமுனையாக அமைந்தது.

2006: மறுமலர்ச்சி திராவிட முன்னேற்ற கழகம் (ம.தி.மு.க.) அரசியல் கட்சியில் சேர்ந்த அவர், 2006 ஆம் ஆண்டில் நடந்த சட்டமன்ற தேர்தலில்,அக்கட்சிக்கு ஆதரவாகப் பிரச்சாரமும் மேற்கொண்டார்.

பல இயக்குநர்களையும், நடிகர்களையும் உருவாக்கியவர்.கட்சி பேதங்களை தாண்டி தன் நடிப்பாலும்,இயக்கத்தாலும்,அரசியற்செயற்பாட்டாலும் அனைவராலும் மதிக்கப்பட்ட தமிழ் உணர்வாளரான திரு.மணிவண்ணன் அவர்களுக்கு வீரவணக்கம்.Sivaranjan Eelamranjan Thanabalasingham's photo.

 
 
  • Like 2
Link to post
Share on other sites
  • கருத்துக்கள உறவுகள்

உலக காற்று தினம் (World Wind Day) ஆண்டுதோறும் சூன் 15 ஆம் நாள் நடைபெறும் உலகளாவிய நிகழ்ச்சியாகும். இதை ஐரோப்பிய காற்று ஆற்றல் ஆணையமும், உலகளாவிய காற்று ஆற்றல் மன்றமும் ஒழுங்குப்படுத்தி வருகின்றது. இது காற்றாற்றலைக் கொண்டாடும் தினமாகும். மேலும் இந்நாளில் காற்றாற்றலைப் பற்றிய விழிப்புணர்வையும், முக்கியத்துவத்தையும், அதன் வாய்ப்புகளையும், குழந்தைகள் மற்றும் வயதானோர் அறியும் படி செய்யப்படுகிறது. Zuidwester%20-%20RWE%20Innogy%20-%20cred

Link to post
Share on other sites
  • கருத்துக்கள உறவுகள்

16 June 2016

பூமராங்கும் டிஜிரிடூவும்

 
 
 
 
 
 
boom2.JPG
படம் 1
 
பூமராங் என்றதுமே பலருக்கும் ஆஸ்திரேலியாவின் நினைவு வந்துவிடும். ஆஸ்திரேலியாவின் கலாச்சார பாரம்பரிய அடையாளங்களுள் பூமராங்குக்கு ஒரு முக்கிய இடம் உண்டு. பண்டைக்காலத்தில் ஆஸ்திரேலிய பூர்வகுடி மக்கள் வேட்டையாடப் பயன்படுத்திய மரக்கருவிதான் பூமராங் (boomerang).  இன்று உலகமுழுவதும் பல நாடுகளில் விளையாட்டுப்பொருளாய்ப் பயன்படுத்தப்படும் பூமராங்கின் பிறப்பிடம் ஆஸ்திரேலியாதான் என்று நம்புவதற்கான ஆதாரங்கள் பலவும் கிடைத்துள்ளன.  ஆஸ்திரேலியாவின் மிகப் பழமைவாய்ந்த கிம்பர்லி பிரதேச பாறை ஓவியங்களில் கங்காரு போன்ற விலங்குகளை இந்த பூமராங் கொண்டு தாக்குவது போன்ற காட்சிகள் காணக்கிடைத்துள்ளன. அப்பாறை ஓவியங்களின் வயது இருபதாயிரம் வருடங்களுக்கும் மேல் என்பது குறிப்பிடத்தக்கது.
 
 
boo1.jpg
படம் 2
கூட்டல் வடிவ பூமராங்
 
ஆதிகாலத்தில் விலங்குகளின் எலும்பால் தயாரிக்கப்பட்ட பூமராங்குகள்பிறகு மரத்தால் தயாரிக்கப்பட்டனகருப்புவாட்டில் மரம் மற்றும் குறிப்பிட்ட சில யூகலிப்டஸ் மரங்களின் நல்ல வைரம்பாய்ந்த மரங்களின் உறுதியான வேர்ப்பகுதிகள்பருத்த கிளைகள் அல்லது அடிமரத்தண்டுகள் போன்றவற்றிலிருந்துதான் பூர்வகுடிகளின் பாரம்பரிய பூமராங்குகள் தயாரிக்கப்படுகின்றன. ஆனால் இன்றுபிளைவுட்பிளாஸ்டிக் போன்ற பொருட்களாலும் பூமராங்குகள்தயாரிக்கப்படுகின்றனபூமராங்குகள் பல வடிவங்களில் பல அளவுகளில் காணப்படுகின்றனபூமராங் என்றாலேஎறிந்தவரிடம் திரும்பிவந்துவிடும் என்ற எண்ணம் பலருக்கும் உண்டுஆனால் எல்லா பூமராங்குகளும் எறிந்தவரிடம்திரும்புவதில்லை.

 
 
boo%2B5.jpg
படம் 3
 
பூர்வகுடி பூமராங்குகளில் மூன்று வகை உண்டுகங்காரு போன்ற விலங்குகளை வேட்டையாடப் பயன்படுத்தப்பட்டது ஒருவகைஇலக்கைத் தாக்குவது மட்டுமே அதன் வேலைமிக லேசான வளைவுடனும் மழுங்கிய முனைகளுடனும் இருக்கும்அது எறிந்தவரிடம் திரும்பிவருவதில்லைஇரண்டாவது சற்று அதிகமாக வளைந்து ‘V’ வடிவத்தில் மழுங்கியமுனைகளுடன் இருக்கும்பூமராங் என்றதுமே நம் நினைவுக்கு வருவதும் இதுதான்இது இலக்கைத் தாக்கி எறிந்தவரிடமேதிரும்பிவரக்கூடியதுஇது பறவைகளைத் தாக்கப் பயன்பட்டதுமூன்றாவது கூட்டல் வடிவத்தில் இருக்கும். சிலவற்றின் முனைகள் மிகவும் கூராக இருக்கும்இது எதிரிகளைத் தாக்கப் பயன்பட்டதுபூர்வகுடியினர் பயன்படுத்தியபூமராங்குகளில் பூர்வகுடியினரின் ஓவியங்களும் இடம்பெற்றுள்ளனஇன்று தயாரிக்கப்படும் நாகரிக மற்றும் அலங்காரபூமராங்குகளிலும் பூர்வகுடி ஓவியங்கள் பயன்படுத்தப்பட்டு அசலைப்போன்ற மாயையை உருவாக்கி விற்பனையில் சாதனைபடைக்கின்றன.
 
 
P1700025%25E0%25AE%2585.JPG
படம் 4
 
 
ஆஸ்திரேலிய பூர்வகுடி கலாச்சாரத்தைப் பறைசாற்றும் மற்றொரு அடையாளம்  டிஜிரிடூ  (Didgeridoo) னப்படும்இசைக்கருவிடிஜிரிடூ ஒரு காற்றூது கருவிஆஸ்திரேலிய பூர்வகுடிகளுடைய பாரம்பரிய இசைக்கருவிகிட்டத்தட்ட 1500 ஆண்டுகளாக மக்களின் புழக்கத்தில் இவ்விசைக்கருவி இருப்பதோடு இன்று உலகின் பல நாடுகளிலும் அறிமுகமாகிஇசைக்கப்படுகிறது என்பது வியப்புடிஜிரிடூவின் குறைந்தபட்ச நீளம் மூன்று அடிஅதிகபட்ச நீளம் பத்து அடிபாரம்பரியவிழாக்களின்போது இசைக்கப்படும் இக்கருவியை பூர்வகுடியைச் சேர்ந்த ஆண்கள் மட்டுமே இசைப்பது வழக்கம்.  இந்தக்கருவியைக் குறிப்பிடப் பயன்படும் didgeridoo என்ற வார்த்தையோ அதற்கு நிகரான வார்த்தையோ எந்த பூர்வகுடிமொழியிலும் கிடையாது என்பது வேடிக்கைஏனெனில் இது ஆங்கிலேயர்களால் உருவாக்கப்பட்ட ஒரு வார்த்தைபூர்வகுடிமொழிகளில் இதற்கு வெவ்வேறு பெயர்கள் உண்டுஅவற்றுள் சில – mako, liddung, ngorla, morlo, wuyimbarl, ngunebobanja, mudburuja, morle, yirdaki, yigi yigi போன்றவை.

 
 
did1.jpg
படம் 5
டிஜிரிடூவில் வாய்வைத்து ஊதும் பகுதி
 
யூகலிப்டஸ் மரத்தண்டிலிருந்தும் கிளைகளிலிருந்தும் இக்கருவிகள் தயாரிக்கப்படுகின்றனஇதற்கான மரத்தைத்தேர்ந்தெடுப்பது ஒரு கலைமரம் உயிரோடும் இருக்கவேண்டும் கரையான் அரித்து உள்ளே கூடாகவும் இருக்கவேண்டும்ஏன் கரையான் அரித்த மரமாக இருக்கவேண்டும்கரையான்கள் அரித்திருப்பதால் உள்ளே ஏற்பட்டிருக்கும்காற்றறைகள்தாம் டிஜிரிடூவில் சரியான இசையை எழுப்ப உதவுகின்றனஅதனால் அப்படிப்பட்ட மரத்தைத் தேர்ந்தெடுத்துகூரான கல் ஆயுதங்களைப் பயன்படுத்திசரியான அளவுக்கு வெட்டி பட்டைகளை அகற்றி உள்ளே சுத்தம் செய்துஉபயோகிக்கிறார்கள்டிஜிரிடூவின் மீது மிருகக்கொழுப்பு அல்லது எண்ணெய் தடவப்பட்டு நெருப்பில் வாட்டப்பட்டுமெருகேற்றப்படுகிறதுடிஜிரிடூவில் வாய் வைத்து ஊதும் பக்கம் உதடுகளில் உறுத்தாமல் இருக்கவும் ஊதும் காற்றுவெளியேறாமல் இருக்கவும் தேன்மெழுகு தடவப்படுகிறதுடிஜிரிடூ நேராகவும் இருக்கலாம் கோணல்மாணலாக வளைந்தும்இருக்கலாம்எப்படி இருக்கிறதென்பது பிரச்சனையில்லை.. அதிலிருந்து வெளிப்படும் கணீரென்ற இசையே பிரதானம்.
 
 
P1720852.JPG
படம் 6
 
உடல்சிலிர்க்க வைக்கும் டிஜிரிடூ இசையைக் கேட்க ஆவலா.. கீழிருக்கும் சுட்டிகளில் டிஜிரிடூ இசைக்கருவியின் செய்முறையையும், வாசிக்கும் விதத்தையும் பூர்வகுடியைச் சார்ந்த பிரபல டிஜிரிடூ இசைக்கலைஞர் டேவிட் ஹட்சன் விளக்குவதைப் பார்க்கமுடியும். தாங்கள் வாழும் சூழல் சார்ந்த பறவை விலங்குகளின் ஒலியை எவ்வளவு அழகாக இசைக்கிறார் இந்த இசைக்கருவியில்!

 
 
 
மற்ற காற்றூது கருவிகளை இசைப்பதற்கும் டிஜிரிடுவை இசைப்பதற்கும் ஒரு வித்தியாசம் உண்டு. நாதஸ்வரம் போன்ற இசைக்கருவிகளை இசைக்கும்போது ஊதுகுழல் ஊதுபவரின் வாய்க்குள் இருக்கும். புல்லாங்குழல் போன்றவற்றில் துளையின் மீது வாயை வைத்து ஊதுவர். ஆனால் இந்த டிஜிரிடுவை இசைக்கையில் வாய் முற்றிலுமாய் இசைக்கருவியின் ஊதுதுவாரத்துக்குள் இருக்கும். மூச்சினை உள்ளிழுத்து நிறுத்தி  ப்ப்ப்ர்ர்ர்ர்… என்று வெவ்வேறு ஏற்ற இறக்கங்களுடன் வெளியேற்றுவதன் மூலம் இசை வெளிப்படுகிறது.  
 
இக்காலத்தில் டிஜிரிடூக்களைத் தயாரிக்க கருவிகள் வந்துவிட்டனஅதோடு கரையான் அரித்த மரங்களின்அவசியமற்றுப்போய் அலுமினியம் போன்ற உலோகங்கள்யூகலிப்டஸ் அல்லாத வேறு மரங்கள்மூங்கில்ப்ளாஸ்டிக்மண்போன்ற பல்வேறு பொருட்களாலும் உலோகங்களாலும் டிஜிரிடூக்கள் தயாரிக்கப்படுகின்றன
 
 
வைரம்பாய்ந்த மரக்கட்டைகளிலிருந்து வேட்டைக்கான ஆயுதங்களையும் கரையான் அரித்த மரக்கட்டைகளிலிருந்துஇசைக்கருவியையும் தயாரித்துப் பயன்படுத்திய பூர்வகுடி மக்களின் வாழ்வியல் ரசனை மிகவும் வியக்கவைக்கிறதல்லவா?

 
&&&&&
 
(படம் 4,6 தவிர ஏனையவை இணையத்திலிருந்து எடுக்கப்பட்டவை)
 
geethanjali.blog.spot
  • Like 4
Link to post
Share on other sites
  • கருத்துக்கள உறவுகள்

தொடருங்கள் யாயினி...

  • Like 1
Link to post
Share on other sites
  • கருத்துக்கள உறவுகள்

அவ்வப்போது இந்தப் பக்கத்தையும் புரட்டி விட்டுப் செல்பவர்களுக்கு மனம் நிறைந்த நன்றிகள்..

untitled.jpeg

 

Edited by யாயினி
Link to post
Share on other sites
  • கருத்துக்கள உறவுகள்

தொடருங்கள் சகோதரி...! இயக்குனர்  மணிவண்ணன், மற்றும் ஆதிவாசிகளின் இசைக் கருவிகள் எல்லாம் நல்ல செய்திகளாக இருக்கின்றன....!!

  • Like 1
Link to post
Share on other sites
  • கருத்துக்கள உறவுகள்
3 hours ago, suvy said:

தொடருங்கள் சகோதரி...! இயக்குனர்  மணிவண்ணன், மற்றும் ஆதிவாசிகளின் இசைக் கருவிகள் எல்லாம் நல்ல செய்திகளாக இருக்கின்றன....!!

உங்கள் வருகைக்கும் கருத்துக்கும் மிக்க நன்றி சுவியண்ணா.அவ்வப்போது ஒரு சிலராவது  வந்து டாப்பு பதிவதனால் தான் இந்தப் பக்கத்தை கொஞ்சமாவது இழுத்துக் கொண்டு போகிறேன்....இல்லையே இழுத்து மூடப்பண்ணிட்டு ஓடிடுவன்..ஆதிவாசிகளிகள் பற்றிய தொகுப்பு ஏற்கனவே புங்கையண்ணாவும் யாழுக்குள் எழுதிப் பதிந்ததாக நினைவிருக்கிறது...தப்பாக இருந்தால் புங்கையண்ணா அடிக்க வராதீங்கோ..:)

Link to post
Share on other sites
  • கருத்துக்கள உறவுகள்
8 minutes ago, யாயினி said:

உங்கள் வருகைக்கும் கருத்துக்கும் மிக்க நன்றி சுவியண்ணா.அவ்வப்போது ஒரு சிலராவது  வந்து டாப்பு பதிவதனால் தான் இந்தப் பக்கத்தை கொஞ்சமாவது இழுத்துக் கொண்டு போகிறேன்....இல்லையே இழுத்து மூடப்பண்ணிட்டு ஓடிடுவன்..ஆதிவாசிகளிகள் பற்றிய தொகுப்பு ஏற்கனவே புங்கையண்ணாவும் யாழுக்குள் எழுதிப் பதிந்ததாக நினைவிருக்கிறது...தப்பாக இருந்தால் புங்கையண்ணா அடிக்க வராதீங்கோ..:)

உங்களின் பக்கத்தை இங்கு வரும் எல்லோரும் பார்க்கின்றார்கள் ஆனால் கருத்திடத்தான் கொஞ்சம் பஞ்சி தட்ஸ் ஆல்....! நீங்கள் தொடருங்கள்...!!

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • Tell a friend

    Love கருத்துக்களம்? Tell a friend!
  • Topics

  • Posts

    • திமுக பொதுமக்கள் படுகொலைகளை வைத்து அரசியல் லாபம் தேடும் கட்சி.
    • விசுகர்! திரைக்கதை வசனம் இசையமைப்பு எல்லாமே அங்கிருந்து தானாம் வந்தது என காற்றிலை தென்றலாய் வீசுது.
    • வறுமை இல்லாதொழிய ஒரு செல்வந்தன் தான்புரட்சி செய்ய வேண்டும். ஏழைகள் அல்ல. சாதி இல்லாதொழிய உயர்சாதியிரனர்தான் முன்வரவேண்டும். தாழ்ந்த சாதிகள் அல்ல. எங்கே கையை தூக்கங்கள் பார்க்கலாம்? யாழ் நிர்வாகம் உட்பட. சீ.சீ பொன்னம்பலம், பொன். இராமநாதன், சுந்தரலிஙகம் இவர்கள் வறுமையும் சாதியும் அழிந்து போகப்பாடுபட்டவர்கள்.? இன்னமும் எரிந்து கொண்டேயிருக்கிறது. சிங்களவர் தமிழர்களை அழிக்க அடியெடுத்தக்கொடுத்தவர்கள்
    • என்ன மருதங்கேணியார் நீங்கள்? குஷ்புவுக்கு கோயில் கட்டின பூமியிலை இருந்து என்னத்தை எதிர்பாக்கிறியள்?நல்லது தெரிந்தால் இன்று அது வல்லரசெல்லோ
    • புளாட் வதை முகாமில் நான் - சீலன் ("வெல்வோம்-அதற்காக" - பகுதி 9)   புளாட் அமைப்பை விமர்சித்த எங்களை புலி என்றனர், துரோகி என்றனர்... எத்தனையோ அராஜகங்கள் தவறுகள் புளாட் முகாம்களில் நடந்து கொண்டிருந்தது. நாம் அதை புளாட்டின் வளர்ச்சிக்காக, தவறுகளைக் களைவதற்காக கழக உயர்மட்டத்தினருக்கு எம் அறிக்கை மூலம் முன்வைத்தோம். அதனால் எமது உயிருக்கு ஆபத்து வரும் என்றும் உணர்ந்திருந்தோம். தீப்பொறியினரைப்போல தமது உயிர்களுக்கு பாதுகாப்புத்தேடி, கழகத்தில் இருந்து தப்பிஒடியதைப் போன்று நாம் செய்யவில்லை. மாறாக எமது உயிர்களைப் பணயம் வைத்ததே அப்போராட்டத்தை முன்னெடுத்தோம். எமது அன்றைய அரசியல் வளர்ச்சியின் அடிப்படையில் எது எமக்குச் சரியாகப்பட்டதோ, அதைச் செய்தோம். இங்கு முக்கியமாகக் கவனிக்க வேண்டிய விடையம், "தீப்பொறியாக" கழகத்திலிருந்து பிரிந்து சென்றவர்கள், நாம் மகஜர் அனுப்பும் காலத்தில் அமைப்பில் உயர்ந்த பதவிகளில் இருந்தனர். அவர்கள் தமது விசுவாசத்தை, தலைமைக்கு காட்டிய வண்ணம் இருந்தனர். அத்துடன் அவர்கள் எம்முடன் சேர்ந்து போராடாது, எமது போராட்டத்தை ஒடுக்க முன்னெடுக்கப்பட்ட திட்டத்திற்கு துணைபோனர்கள். காரணம் எமக்கு அதரவு தந்தால், தாங்கள் இரகசியமாக வெளியேறத் தீட்டியிருந்த திட்டம் அம்பலப்பட்டு விடுமே என்ற சுயநல சிந்தனையேயாகும். எமது மகஜரை எழுதுவதில் முன்னணியாக நின்ற தோழர்கள், ஒரே இடத்தில் படுப்பதில்லை. முன்பு எதிரிகளுக்காக முகாமைச்சுற்றி பாதுகாப்பது பணி செய்வது வழக்கம். ஆனால் இந்த போராட்டம் ஆரம்பமானவுடன், கழகத்தினரால் எமக்கு பாதிப்பு ஏற்படும் என்ற அச்சத்தினால் முகாமைச் சுற்றிப் பாதுகாப்பு போட்டோம். "பாதுகாப்பு" என்றவுடன் நாங்கள் ஆயுதங்கள் வைத்திருந்தோம் என நீங்கள் நினைக்கலாம். இல்லை, இல்லவேயில்லை. எம்மிடமிருந்தது, கொட்டான் தடிகள் மட்டுமே. எமது முகாமில் இன்னுமொரு கூடாரம் அமைப்பதற்காக, காடுகளுக்குச் சென்று மரங்கள் வெட்டி வைத்திருந்தோம். அந்த மரங்களைத் தான், நாம் கொட்டான்களாக வெட்டி வைத்திருந்தோம். எமது மகஜரை எடுத்துச் சென்ற ஜிம்மி, உதயன் இருவரும் அதைக் கொடுத்து விட்டு திரும்பி வந்தால், மீண்டும் ஓரத்த நாட்டுக்கு போக அவர்களை விடமாட்டோமென அவர்களிடம் கூறினோம். எமது முகாமில் ஒரு முக்கியமான நடைமுறை கையாளப்பட்டது. எந்த விடையமாக இருந்தாலும், அது பொதுச் சபையில் பகிரங்கமாகக் கூறப்பட்டு விவாதித்து முடிவெடுப்பது என்பதுதான் அந்த நடைமுறை . இதனடிப்படையிலேயே, பொதுச் சபையின் முடிவிற்கேற்ப அவர்களிடம் திரும்பிப் போக முடியாது என்ற விடயத்தை கூறியிருந்தோம். ஆனால் நடந்ததோ வேறு, மகஜரைக் கொண்டு போனவர்கள் வந்தால் தானே! இரவு வழமையாக திரும்பி வருபவர்கள், அன்று வரவில்லை. இதனால் எமக்குள் சந்தேகம் எழுந்தது. இரவு நேர ஒன்று கூடலில் இதைப்பற்றி விவாதித்தோம். மறுநாள் காலையில் கூட எந்த எதிர்ப்போ அல்லது தகவலோ தலைமையிடமிருந்து வரவில்லை. இதனால் ஒரு சில தோழர்கள் நாம் கொடுத்த மகஜரை இவர்கள் ஏற்றுக்கொண்டு, விவாதித்து நல்ல பதிலை தரப்போகின்றார்கள் என்று நம்பிக்கை தெரிவித்தனர். இன்னும் சிலர் இல்லை, அவர்கள் எதுவும் தரமாட்டார்கள் என்றனர். அத்துடன் அவர்கள் எமது முகாமை மூடிவிடுவார்கள் என்றனர். இப்படி கூடலின்போது இதை விவாதித்ததுடன், முகாமை மூடினால் என்ன செய்வது என்ற கோள்வியையும் முன்வைத்தனர் சிலர். தலைமை சரியான பதில் தராத பட்சத்தில், நாம் முகாமை விட்டு புறப்பட்டு ஊர்வலமாக ஓரத்த நாட்டுக்கு செல்வதென்றனர் ஒரு சிலர். மற்றவர்கள் நாம் தமிழ்நாடு காவல் துறையில் இது தொடர்பாக முறையிடுவது என்ற கருத்தை முன்வைத்தனர். இதில் நான் ஊர்வலமாகப் போவது தான் நல்லது என்று விவாதித்தேன். விவாதம் நீண்டதால் வழமைக்கு மாறாக நீண்டநேரம் எல்லோரும் விழித்திருந்தோம். தொடர்ச்சியாக நடந்த விவாதத்தில், தலைமையிடமிருந்து இருந்து ஒரு கிழமைக்குள் பதில் வராத பட்சத்தில் மட்டுமே ஊர்வலம் போவது என்று முடிவிற்கு வந்தோம். நாம் வழமையான இடங்களில் படுப்பதை தவிர்த்ததால், நான் முகாமின் ஒரு மூலையில் சென்று உறங்கினேன். யாரோ ஒருவர் காலால் எனது காலை மிதித்து எழும்பு என்றார். நான் எழுந்ததும், நீதானே காந்தன் என்றார். நானும் ஆம் என்றேன். அவரின் கையில் ஏ.கே-47 துப்பாக்கி இருந்தது. சரி பெனியனைப் போட்டுக் கொண்டு வா என்று கூறினார். அவரின் கையில் இருந்த துப்பாக்கியைப் பார்த்ததும் எம்முகாமை தலைமையின் அடியாட்கள் கைப்பற்றிவிட்டார்கள் என உணர்ந்தேன். எனது பெனியனைக் தேடத் தொடங்க, மறுபடியும் அந்த நபர் கத்தினான். அருகில் இருந்த தோழர் டிஸ்கோவின் பெனியனை எடுத்து போட்டுக்கொண்டு அவருடன் பின் தொடர்ந்தேன். அந்த நபர் என்னை ஒரு வண்டி நிறுத்தியிருந்த இடத்திற்கு அழைத்துச் சென்றார். அங்கு சென்றபோது சில தோழர்கள் தரையில் குப்புறப்படுக்க வைக்கப்பட்டிருந்தனர். என்னையும் அவர்களுடன் அதில் போய்ப்படு என்றதுடன், ஒருவருடனும் கதைக்கப்படாது, எனவும் மிரட்டினான் கையில் ஏ.கே-47 துப்பாக்கி வைத்திருந்தவன். அப்போது யார் யாரெல்லாம் எனக்கு அருகில் வரிசையாகப் படுத்திருந்தனர் என மட்டுக்கட்ட முடியவில்லை. கொஞ்சம் தலை அசைத்தாலும், பெரிய சத்தத்துடன் தலையை அசைக்க வேண்டாம் என்றனர் அங்கு எம்மை துப்பாக்கி முனையில் குப்புறப்படுக்க கட்டளையிட்டோர் . இன்னும் ஒருசிலரையும் எமக்கு அருகில் குப்புறப்படுக்குமாறு கட்டளையிட்டார்கள். சில மணித்தியாலங்களின் பின்னர் எம்மை அங்கே நின்ற வண்டியில் ஒவ்வொருவராக ஏற்றினர். முதலில் குப்புறப்படு எனக் கூறியவர்கள், இப்போது வாகனத்தில் இடப்பற்றாக் குறையால் எழுந்து அமர்ந்திப்பதுடன் தலையைக் குனிந்தபடி இருக்க வேண்டும் என பணித்தார்கள். வண்டி புறப்படத் தொடங்கியது. எம்மைச் சுற்றி நால்வர் ஆயுதங்களுடன் காவலுக்கு நின்றனர். அவர்கள் அனைவரும் பாலஸ்தீன விடுதலை இயக்கம் ஒன்றில் பயிற்சி முடித்துவிட்டு வந்திருந்தவர்கள். நான் ஒருவாறு என்னுடன் யார் யாரெல்லாம் கைது செய்யப்பட்டிருகிறார்கள் எனத் தெரிந்து கொள்ள முயன்றேன் .எனக்கு அருகாமையில் விஜி என்ற தோழர் இருந்தார். அவர் தேனி முகாமில் பயிற்சி எடுத்தவர். வண்டி குறிப்பிட்ட நேரம் ஓடியபின் ஓர் இடத்தில் நிறுத்தப்பட்டது. எங்களை ஒவ்வொருவராக ஒரு அறைக்குள் அழைத்துச் சென்றனர். அப்போதுதான் யார் யார் என்னுடன் வந்தார்களென முழுமையாக அறியமுடிந்தது. அதாவது மகஜர் எழுதுவதற்கு முன்னின்றவர்களும், அது பற்றிய விவாதத்தில் அதிகமாக கதைத்தவர்களும் தான் கைது செய்யப்பட்டிருந்தனர். எம்முடன் தோழர் தங்கராஜாவும் இணைக்கப்பட்டிருந்தார். அங்கே எம்மை மீரான் மாஸ்டர் விசாரித்தார். மீரான் மாஸ்டர் என்ற பிரபலமான கொம்மியுனிஸ்ட் தலைவரின் மகன் அன்றைய காலத்தில் புளொட்டின் வெளி உளவுப்படைக்கு பொறுப்பாக இருந்தார். என்னிடம் அவர் கேட்ட கேள்வி, உனக்கும் புலிக்கும் தொடர்பு இருக்கிறதா? நான் பயந்தவாறு இல்லை என்றேன். அப்படியானால் யாருடைய தூண்டுதலில் இதைச் செய்தாய் என்றார். இது வெளியார் ஒருவருடைய சதியும் அல்ல. இது எமது முகாமில் நாம் கூட்டாக எடுத்த முடிவு என்றேன்.  நீ எமது இயக்கத்தை ஒழிக்க வந்திருக்கின்றயா? இல்லை என்றேன். உனக்கும் சந்ததியாருக்கும் என்ன தொடர்பு? நான் ஒன்றும் இல்லை என்றேன்.  என்னைப் பக்கத்துக்கு அறைக்குப் போகும்படி மீரான் மாஸ்டர் கட்டளையிட்டார். எமது முகாமில் கைது செய்யப்பட்டவர்களில் ஒன்பது பேர். நான், விஜி, அன்ரனி, கே.ஆர். விஜயன், சோசலிசம் சிறி, ஆனந்தன், சண், சலா, ஜெகன் ஆகியோர் ஓர் அறைக்குள் தள்ளப்பட்டோம். ஏனையோர் அந்த அறைக்குள் வரவில்லை. சிறிது நேரத்தில் எம்மை ஏற்றி வந்த வண்டி ஓட்டுனர், அந்த அறைக்குள் பொருட்கள் எடுப்பதற்காக வந்தார். அவரை வெள்ளை அண்ணை என்று அழைப்போம். அவரை எனக்கு நன்கு தெரியும். அவர் என்னைக் கண்டதும், ஒரு பரிதாபமாக என்னைப் பார்த்தார். "ஏன் உனக்கு உந்தத் தேவையில்லாத வேலை" எனக் கூறியபடி, தனக்கு தேவையான பொருட்களை எடுத்துச் சென்றார். தொடரும்   http://poovaraasu.blogspot.com/2020/10/9_18.html  
×
×
  • Create New...

Important Information

By using this site, you agree to our Terms of Use.