Sign in to follow this  
நவீனன்

சாம்பியன்ஸ் லீக் கிரிக்கெட் 2014 செய்திகளும் கருத்துகளும்

Recommended Posts

பைனலுக்கு முன்னேறுமா சென்னை: இன்று பஞ்சாப் அணியுடன் பலப்பரீட்சை
அக்டோபர் 01, 2014.

 

ஐதராபாத்: சாம்பியன்ஸ் லீக் ‘டுவென்டி–20’ தொடரில் இன்று நடக்கும் அரையிறுதியில், சென்னை, பஞ்சாப் அணிகள் மோதுகின்றன. இதில் சென்னை அணி அபார ஆட்டத்தை வெளிப்படுத்தி பைனலுக்கு முன்னேறும் என எதிர்பார்க்கப்படுகிறது.     

இந்தியாவில் 6வது சாம்பியன்ஸ் லீக் ‘டுவென்டி–20’ தொடர் நடக்கிறது. இதில் சென்னை, கோல்கட்டா, பெர்த் உள்ளிட்ட 10 அணிகள் இரண்டு பிரிவுகளாக லீக் சுற்றில் மோதின. லீக் சுற்றின் முடிவில், ஒவ்வொரு பிரிவிலும் முதலிரண்டு இடங்களை பிடித்த கோல்கட்டா (ஏ1), சென்னை (ஏ2), பஞ்சாப் (பி1), ஹோபர்ட் ஹரிகேன்ஸ் (பி2) அணிகள் அரையிறுதிக்கு முன்னேறின.     

 

ரெய்னா பலம்: ஐதராபாத்தில் இன்று நடக்கவுள்ள அரையிறுதியில், ஐ.பி.எல்., அணிகளான சென்னை, பஞ்சாப் அணிகள் மோதுகின்றன. லீக் சுற்றின் முதல் போட்டியில் கோல்கட்டாவிடம் தோல்வி அடைந்த சென்னை அணி, டால்பின்ஸ் (தென் ஆப்ரிக்கா) அணியை வீழ்த்தி எழுச்சி கண்டது. பின், லாகூர் லயன்ஸ் (பாகிஸ்தான்) அணிக்கு எதிரான போட்டி மழையால் கைவிடப்பட, 2 புள்ளி பெற்றது. கடைசி லீக் போட்டியில் பெர்த் ஸ்கார்ச்சர்ஸ் (ஆஸ்திரேலியா) அணியை வீழ்த்திய சென்னை அணி 10 புள்ளிகளுடன் அரையிறுதி வாய்ப்பை பெற்றது.     

 

பேட்டிங்கில் சுரேஷ் ரெய்னா (119 ரன்கள்), ரவிந்திர ஜடேஜா (82), பிரண்டன் மெக்கலம் (82), கேப்டன் தோனி (70), டுவைன் பிராவோ (66) நம்பிக்கை அளிக்கின்றனர். டுவைன் ஸ்மித், டுபிளசி, மிதுன் மன்ஹாஸ் பேட்டிங்கில் எழுச்சி கண்டால் நல்லது. வேகப்பந்துவீச்சில் ஆஷிஸ் நெஹ்ரா (8 விக்கெட்), மோகித் சர்மா (6) அசத்துகின்றனர். கடைசி கட்டத்தில் டுவைன் பிராவோ கைகொடுப்பது வேகத்தின் பலத்தை அதிகரித்துள்ளது. ‘சுழலில்’ அஷ்வின், ரவிந்திர ஜடேஜா கூட்டணி மிரட்டலாம்.

மேக்ஸ்வெல் நம்பிக்கை: லீக் சுற்றில் ஹோபர்ட் ஹரிகேன்ஸ் (ஆஸ்திரேலியா), பார்படாஸ் (வெஸ்ட் இண்டீஸ்), நார்த்தர்ன் நைட்ஸ் (நியூசிலாந்து), கேப் கோப்ராஸ் (தென் ஆப்ரிக்கா) அணிகளை வீழ்த்தி 100 சதவீத வெற்றியுடன் அரையிறுதிக்கு முன்னேறிய உற்சாகத்தில் பஞ்சாப் அணி உள்ளது.     

 

பேட்டிங்கில், மனன் வோரா (133 ரன்கள்), சேவக் (106), டேவிட் மில்லர் (102), மேக்ஸ்வெல் (89), விரிதிமன் சகா (69), கேப்டன் ஜார்ஜ் பெய்லி (59) பலம் சேர்க்கின்றனர். ‘ஆல்–ரவுண்டராக’ திசாரா பெரேரா அசத்துகிறார். ‘வேகத்தில்’ அக்சர் படேல் (6 விக்கெட்), அனுரீத் சிங் (5), பர்விந்தர் அவானா (5) நம்பிக்கை அளிக்கின்றனர். சுழற்பந்துவீச்சில் கரண்வீர் சிங் (6) துல்லியமாக பந்துவீசுவது பலம்.     

 

முதன்முறை     

சாம்பியன்ஸ் லீக் ‘டுவென்டி–20’ அரங்கில், சென்னை, பஞ்சாப் அணிகள் மோதுவது இதுவே முதன்முறை. ஆனால், ஐ.பி.எல்., அரங்கில் இவ்விரு அணிகள் 15 முறை மோதின. இதில் சென்னை 8, பஞ்சாப் 6 போட்டிகளில் வெற்றி பெற்றன. ஒரு போட்டி ‘டை’ ஆனது. பின், ‘சூப்பர் ஓவரில்’ சென்னை அணி தோல்வி அடைந்தது.

 

சாதிக்குமா கோல்கட்டா

ஐதராபாத்தில் இன்று நடக்கவுள்ள மற்றொரு அரையிறுதியில், நடப்பு ஐ.பி.எல்., சாம்பியன் கோல்கட்டா, ஆஸ்திரேலியாவின் ஹோபர்ட் ஹரிகேன்ஸ் அணிகள் மோதுகின்றன. லீக் சுற்றில் சென்னை, லாகூர் லயன்ஸ் (பாகிஸ்தான்), பெர்த் ஸ்கார்ச்சர்ஸ் (ஆஸ்திரேலியா), டால்பின்ஸ் (தென் ஆப்ரிக்கா) அணிகளை வீழ்த்தி, தொடர்ந்து 13வது வெற்றியை பதிவு செய்த நம்பிக்கையில் கோல்கட்டா அணி உள்ளது. கேப்டன் காம்பிர், ராபின் உத்தப்பா, காலிஸ், யூசுப் பதான், மணிஷ் பாண்டே, டஸ்காட்டே, ரசல் என பலமான பேட்டிங் வரிசை உள்ளது. ‘சுழலில்’ சுனில் நரைன், குல்தீப் யாதவ், பியுஸ் சாவ்லா, யூசுப் பதான் கைகொடுக்கலாம். உமேஷ் யாதவ், பட் கம்மின்ஸ், ரசல் வேகத்தில் அசத்தலாம்.     

லீக் சுற்றில் கோல்கட்டாவிடம் வீழ்ந்த ஹோபர்ட் அணி, பின் எழுச்சி கண்டு கேப் கோப்ராஸ், நார்த்தர்ன் நைட்ஸ், பார்படாஸ் அணிகளை வீழ்த்தி, அரையிறுதிக்கு தகுதி பெற்றது. பேட்டிங்கில் பிலிஜார்டு (188 ரன்), சோயப் மாலிக், பென் டங்க், டிம் பெய்ன், ஜோனாதன் வெல்ஸ் நம்பிக்கை அளிக்கின்றனர். வேகத்தில் ஹில்பெனாஸ் (8 விக்கெட்), போலிஞ்சர் (8) பலம் சேர்க்கின்றனர். ‘சுழலில்’ சேவியர் தோகர்டி (6)ஆறுதல் தருகிறார்.

 

 

 

 

http://sports.dinamalar.com/2014/10/1412182902/ChampionsLeagueT20CricketChennaiPunjabKolkataHobert.html

 

Share this post


Link to post
Share on other sites

பைனலுக்கு முன்னேறியது கோல்கட்டா
அக்டோபர் 02, 2014.

ஐதராபாத்: சாம்பியன்ஸ் லீக் ‘டுவென்டி–20’ தொடரின் பைனலுக்கு கோல்கட்டா அணி முன்னேறியது. ஹோபர்ட் அணிக்கு எதிராக நேற்று நடந்த அரையிறுதியில், காலிஸ் அரைசதம் அடித்து கைகொடுக்க, 7 விக்கெட் வித்தியாசத்தில் வென்றது.

 

இந்தியாவில், 6வது சாம்பியன்ஸ் லீக் ‘டுவென்டி–20’ தொடர் நடக்கிறது. ஐதராபாத்தில் நேற்று நடந்த முதல் அரையிறுதியில், நடப்பு ஐ.பி.எல்., சாம்பியன் கோல்கட்டா அணி, ஆஸ்திரேலியாவின் ஹோபர்ட் ஹரிகேன்ஸ் அணியை சந்தித்தது. ‘டாஸ்’ வென்ற ஹோபர்ட் அணி கேப்டன் தோகர்டி, ‘பேட்டிங்’ தேர்வு செய்தார்.

மாலிக் ஆறுதல்: ஹோபர்ட் அணிக்கு டாம் மைக்கேல் (0) மோசமான துவக்கம் கொடுத்தார். அடுத்து வந்த பிலிஜார்டு (0), யூசுப் பதானிடம் சிக்கினார். மற்றொரு துவக்க வீரர் பென் டங்க் (39) ஆறுதல் தந்தார். அபாரமாக ஆடிய சோயப் மாலிக், குல்தீப் வீசிய 19வது ஓவரில், 2 சிக்சர், 2 பவுண்டரி அடித்து அரைசதத்தை பதிவு செய்தார். ஹோபர்ட் அணி 20 ஓவரில் 6 விக்கெட்டுக்கு 140 ரன்கள் எடுத்தது. மாலிக் (66) அவுட்டாகாமல் இருந்தார்.

 

காலிஸ் கலக்கல்: எட்டக்கூடிய இலக்கை விரட்டிய கோல்கட்டா அணிக்கு கேப்டன் காம்பிர் (4) ஏமாற்றினார். ராபின் உத்தப்பா (17) நிலைக்கவில்லை. பின் இணைந்த காலிஸ், மணிஷ் பாண்டே ஜோடி ஆட்டத்தை கையில் எடுத்துக் கொண்டது. மூன்றாவது விக்கெட்டுக்கு 63 ரன்கள் சேர்த்த போது பாண்டே (40) அவுட்டானார். கோல்கட்டாவின் வெற்றிக்கு கடைசி ஓவரில் 6 ரன்கள் தேவைப்பட்டன. போலிஞ்சர் வீசிய 20வது ஓவரில் முதல் பந்தில் சிக்சர் அடித்த காலிஸ், அரைசதம் அடித்து அணியின் வெற்றியை உறுதி செய்தார். காலிஸ் (54), யூசுப் பதான் (14) அவுட்டாகாமல் இருந்தனர்.

கோல்கட்டா அணி 19.1 ஓவரில் 3 விக்கெட்டுக்கு 141 ரன்கள் எடுத்து வெற்றி பெற்றது. இதன்மூலம் சாம்பியன்ஸ் லீக் பைனலுக்கு கோல்கட்டா அணி முதன்முறையாக முன்னேறியது.

 

 

http://sports.dinamalar.com/2014/10/1412262749/GambhirKolkataChampionsLeagueHobartSemiFinal.html

Share this post


Link to post
Share on other sites

கிரிக்கெட்: பஞ்சாப் அணிக்கு 183 ரன்கள் இலக்கு

அக் 02,2014 20:24

ஐதராபாத்: சாம்பியன்ஸ் லீக் போட்டியின் இன்றயை இரண்டாவது அரையிறுதி ஆட்டத்தில் சென்னை அணியும்,பஞ்சாப் அணியும் மோதுகின்றன. இதில் முதலில் டாஸ் வென்ற பஞ்சாப் அணி பந்துவீச்சை தேர்வு செய்தது. சென்னை அணி 20 ஓவரில் 7 விக்கெட்டுக்கு 182 ரன்கள் எடுத்தது.

 

 

http://www.dinamalar.com/news_detail.asp?id=1083582

Share this post


Link to post
Share on other sites

சனிக்கிழமை நடைபெற இருக்கும் இறுதி போட்டியில் சுனில் நரைன் பந்து வீச முடியாது.

இன்று நடந்த அரை இறுதி போட்டியிலும் அவரது பந்து வீச்சில் சந்தேகம் இருந்ததால் இறுதி போட்டியில் பந்து வீச தடை செய்யபட்டு உள்ளார்.

 

http://www.espncricinfo.com/champions-league-twenty20-2014/content/current/story/786857.html

Share this post


Link to post
Share on other sites

சரணடைந்தது பஞ்சாப்: சாம்பியன்ஸ் லீக் இறுதியில் ’அதிரடி’ சென்னை

 

 

சாம்பியன்ஸ் லீக் டி20 போட்டியின் இரண்டாவது அரையிறுதி ஆட்டத்தில், சென்னையிடம் 65 ரன்கள் வித்தியாசத்தில் பஞ்சாப் படுதோல்வி அடைந்தது. இந்த வெற்றியின் மூலம், சாம்பின்ஸ் லீக் தொடரில் இரண்டாவது முறையாக சென்னை இறுதிப் போட்டிக்கு தகுதி பெற்றது. இறுதிப் போட்டியில் சென்னை கொல்கத்தாவை சந்திக்கவுள்ளது.

சென்னை நிர்ணயித்த 183 ரன்கள் இலக்கை விரட்ட வந்த பஞ்சாப் அணி 2-வது ஓவரிலேயே சேவாக்கை இழந்தது. தொடர்ந்து சாஹா, மேக்ஸ்வெல், வோரா, பெய்லி, பெரேரா என அதிரடி ஆட்டக்காரட்கள் அனைவரும் வரிசையாக ஆட்டமிழக்க, 8-வது ஓவரின் முடிவில் 6 விக்கெட்டுகளை இழந்து 36 ரன்களை மட்டுமே பஞ்சாப் எடுத்திருந்தது.

மில்லர் பவுண்டரி மற்றும் சிக்ஸர் அடித்து நம்பிக்கை அளித்தாலும், கைவசம் விக்கெட் இல்லாததால் பஞ்சாபின் வெற்றி கேள்விக்குறியாகவே இருந்தது. மில்லரும் 22 ரன்களுக்கு அஸ்வின் பந்தில் ஆட்டமிழக்க சென்னை வெற்றி பெறுவது உறுதியானது.

 

பொறுமையாக ஆடிய பஞ்சாபின் அக்‌ஷர் படேல், அணியை கவுரவமான ஸ்கோரை நோக்கி வழிநடத்தினார். 18 பந்துகளில் 31 ரன்கள் எடுத்திருந்தபோது ரெய்னாவின் பந்தில் படேலும் ஆட்டமிழந்தார். மேலும் சிறிது தாக்குபிடித்த பஞ்சாப் அணி 18.2 ஓவர்களில் 117 ரன்களுக்கு அனைத்து விக்கெட்டுகளையும் இழந்தது. சென்னையின் நேஹ்ரா, மோஹித் சர்மா, நெகி, ரெய்னா ஆகியோர் தலா இரண்டு விக்கெட்டுகளை வீழ்த்தினர். ஆட்டநாயகனாக பிராவோ தேர்ந்தெடுக்கப்பட்டார்.

முன்னதாக டாஸ் வென்ற பஞ்சாப் அணி சென்னையை பேட்டிங் செய்ய அழைத்தது. பவர்ப்ளே முடியும் முன்னரே சென்னை அணி 41 ரன்களுக்கு 3 விக்கெட்டுகளை இழந்தது. 4-வது விக்கெட்டிற்கு ஜோடி சேர்ந்த ப்ளேஸ்ஸி மற்றும் பிராவோ ஜோடி மெதுவாக ஆட்டத்தை தங்கள் கட்டுக்குள் கொண்டு வந்தனர்.

 

33 பந்துகளில் 46 ரன்கள் குவித்திருந்த ப்ளெஸ்ஸி படேல் பந்தில் ஆட்டமிழந்தார். ஆனால் மறுமுனையில் பிராவோ தனது அதிரடியைத் தொடர்ந்தார். 29 பந்துகளில் 6 பவுண்டரி, 2 சிக்ஸருடன் பிராவோ அரைசதத்தைக் கடந்தார். 17-வது ஓவரில், நெகி மற்றும் தோனி அடுத்தடுத்த பந்துகளில் ஆட்டமிழக்க அந்த ஓவர் முடிவில் சென்னை அணி 6 விக்கெட்டுகளை இழந்து 147 ரன்களை எடுத்திருந்தது.

பிராவோ 67 ரன்களுக்கு ஆட்டமிழந்தார். ஜடேஜா தன் பங்கிற்கு 2 பவுண்டரி, 2 சிக்ஸர்களை விளாச சென்னை அணி 20 ஓவர்கள் முடிவில் 182 ரன்களைக் குவித்தது.

 

யாரும் கவனிக்காத அவானாவின் ஹாட்ரிக்

பஞ்சாப் அணியின் பந்துவீச்சாளர் அவானா தனது இரண்டாது ஓவரின் இரண்டாவது பந்தில் டேவோன் ஸ்மித்தை வெளியேற்றினார். தொடர்ந்த பந்துவீசிய அவானா, தனது மூன்றாவது ஓவரின் கடைசி பந்தில் ரெய்னாவை ஆட்டமிழக்கச் செய்தார். அடுத்தடுத்து பந்துவீச்சாளர்கள் மாற்றப்பட சென்னை தனது அதிரடி ஆட்டத்தை துவங்கியது.தனக்கு மீதமிருந்த ஒரு ஓவரை, ஆட்டத்தின் 17-வது ஓவரில் வீசி முடிக்க அவானா மீண்டும் வந்தார். முதல் பந்தில் நெகி பவுல்டாக, அடுத்த பந்தை சந்தித்த சென்னையின் கேப்டன் தோனி கேட்ச் கொடுத்து வெளியேறினார்.

தனது முந்தைய ஓவரின் கடைசி பந்தில் ஒரு விக்கெட்டையும், தொடர்ந்த அடுத்த ஓவரின் முதல் இரண்டு பந்துகளில் இரண்டு விக்கெட்டுகளையும் வீழ்த்தியதால் அவானா ஹாட் ட்ரிக் சாதனை படைத்தார். ஆனால் மைதானத்தில் இருந்த யாரும் இதை கவனித்ததாகத் தெரியவில்லை.

 

 

http://tamil.thehindu.com/sports/%E0%AE%9A%E0%AE%B0%E0%AE%A3%E0%AE%9F%E0%AF%88%E0%AE%A8%E0%AF%8D%E0%AE%A4%E0%AE%A4%E0%AF%81-%E0%AE%AA%E0%AE%9E%E0%AF%8D%E0%AE%9A%E0%AE%BE%E0%AE%AA%E0%AF%8D-%E0%AE%9A%E0%AE%BE%E0%AE%AE%E0%AF%8D%E0%AE%AA%E0%AE%BF%E0%AE%AF%E0%AE%A9%E0%AF%8D%E0%AE%B8%E0%AF%8D-%E0%AE%B2%E0%AF%80%E0%AE%95%E0%AF%8D-%E0%AE%87%E0%AE%B1%E0%AF%81%E0%AE%A4%E0%AE%BF%E0%AE%AF%E0%AE%BF%E0%AE%B2%E0%AF%8D-%E0%AE%85%E0%AE%A4%E0%AE%BF%E0%AE%B0%E0%AE%9F%E0%AE%BF-%E0%AE%9A%E0%AF%86%E0%AE%A9%E0%AF%8D%E0%AE%A9%E0%AF%88/article6468745.ece

Share this post


Link to post
Share on other sites

கோப்பை வெல்லுமா சென்னை அணி: இன்று கோல்கட்டாவுடன் மோதல்
அக்டோபர் 03, 2014.
 

பெங்களூரு: சாம்பியன்ஸ் லீக் ‘டுவென்டி–20’ தொடரின் பைனலில் இன்று சென்னை, கோல்கட்டா அணிகள் மோதுகின்றன. இதில் சென்னை அணி அபார ஆட்டத்தை வெளிப்படுத்தி கோப்பை வெல்லும் என எதிர்பார்க்கப்படுகிறது.

இந்தியாவில், 6வது சாம்பியன்ஸ் லீக் ‘டுவென்டி–20’ தொடர் நடக்கிறது. பெங்களூருவில் உள்ள சின்னசாமி மைதானத்தில் இன்று நடக்கவுள்ள பைனலில், ஐ.பி.எல்., அணிகளான சென்னை, கோல்கட்டா அணிகள் மோதுகின்றன.

 

பைனல் வாய்ப்பு:

கோல்கட்டாவுக்கு எதிரான முதல் லீக் போட்டியில் தோல்வி அடைந்த சென்னை அணி, 2வது லீக் போட்டியில் டால்பின்ஸ் (தென் ஆப்ரிக்கா) அணியை வீழ்த்தி எழுச்சி கண்டது. லாகூர் லயன்ஸ் (பாகிஸ்தான்) அணிக்கு எதிரான 3வது லீக் போட்டி மழையால் ரத்தாக தலா 2 புள்ளிகள் வழங்கப்பட்டது. பின், கடைசி லீக் போட்டியில் பெர்த் ஸ்கார்ச்சர்ஸ் (ஆஸ்திரேலியா) அணியை வீழ்த்திய சென்னை அணி 10 புள்ளிகளுடன் அரையிறுதிக்கு தகுதி பெற்றது. பஞ்சாப் அணிக்கு எதிரான அரையிறுதியில், பேட்டிங், பவுலிங்கில் அசத்திய சென்னை அணி 65 ரன்கள் வித்தியாசத்தில் வெற்றி பெற்று, இரண்டாவது முறையாக (2010, 2014) பைனலுக்கு முன்னேறியது.

பிராவோ நம்பிக்கை:

சென்னை அணிக்கு டுவைன் ஸ்மித், பிரண்டன் மெக்கலம் ஜோடி சிறந்த துவக்கம் கொடுக்க முயற்சிக்க வேண்டும். அரையிறுதியில் ஏமாற்றிய ரெய்னா எழுச்சி கண்டால் நல்லது. பஞ்சாப் அணிக்கு எதிரான அரையிறுதியில் ‘ஆல்–ரவுண்டராக’ அசத்திய டுவைன் பிராவோ, மீண்டும் கைகொடுக்கலாம். ‘மிடில்–ஆர்டரில்’ டுபிளசி, கேப்டன் தோனி, ரவிந்திர ஜடேஜா அதிரடி காட்டும் பட்சத்தில், வலுவான இலக்கை பதிவு செய்யலாம். வேகப்பந்துவீச்சில் ஆஷிஸ் நெஹ்ரா (10 விக்கெட்), மோகித் சர்மா (8) நம்பிக்கை அளிக்கின்றனர். ‘சுழலில்’ அஷ்வின், ரவிந்திர ஜடேஜா கூட்டணி அசத்தலாம்.

 

நுாறு சதவீத வெற்றி:

லீக் சுற்றில் சென்னை, லாகூர் லயன்ஸ், பெர்த் ஸ்கார்ச்சர்ஸ், டால்பின்ஸ் அணிகளை வீழ்த்திய கோல்கட்டா அணி, அரையிறுதியில் ஹோபர்ட் ஹரிகேன்ஸ் அணியை 7 விக்கெட் வித்தியாசத்தில் வீழ்த்தி, 100 சதவீத வெற்றியுடன் முதன்முறையாக சாம்பியன்ஸ் லீக் பைனலுக்கு முன்னேறியது. சமீபத்திய ஏழாவது ஐ.பி.எல்., தொடரில் சாம்பியன் பட்டம் வென்ற கோல்கட்டா அணி, தொடர்ச்சியாக 14 போட்டிகளில் வெற்றி பெற்றுள்ளது.

பேட்டிங்கில் கேப்டன் காம்பிர், ராபின் உத்தப்பா, மணிஷ் பாண்டே, காலிஸ் ஆகியோர் நல்ல ‘பார்மில்’ இருப்பது பலம். ‘மிடில்–ஆர்டரில்’ யூசுப் பதான், டஸ்காட்டே, ரசல், சூர்யகுமார் யாதவ் கைகொடுக்கும் பட்சத்தில் நல்ல ஸ்கோரை பெறலாம். இம்முறை அதிக விக்கெட் கைப்பற்றியுள்ள சுனில் நரைனுக்கு (12 விக்கெட்) இன்றைய பைனலில் பந்துவீச தடை விதிக்கப்பட்டிருப்பது சுழலின் பலத்தை குறைத்துள்ளது. எனவே குல்தீப் யாதவ், யூசுப் பதான், பியுஸ் சாவ்லா ‘சுழலில்’ அசத்தலாம். வேகப்பந்துவீச்சில் ரசல், உமேஷ் யாதவ் கைகொடுக்கலாம்.

 

இரண்டாவது முறை

சாம்பியன்ஸ் லீக் ‘டுவென்டி–20’ அரங்கில், சென்னை–கோல்கட்டா அணிகள் இரண்டாவது முறையாக மோதவுள்ளன. இம்முறை, இவ்விரு அணிகள் மோதிய லீக் போட்டியில், கோல்கட்டா அணி 3 விக்கெட் வித்தியாசத்தில் சென்னையை தோற்கடித்தது. இதற்கு பதிலடி கொடுக்க சென்னை அணிக்கு நல்ல வாய்ப்பு கிடைத்துள்ளது.

* ஐ.பி.எல்., அரங்கில் இவ்விரு அணிகள் 14 முறை மோதின. இதில் சென்னை 9, கோல்கட்டா 5 போட்டிகளில் வெற்றி பெற்றன.

 

 

http://sports.dinamalar.com/2014/10/1412352262/dhonigambhir.html

Share this post


Link to post
Share on other sites

 கோல்கட்டாவுக்கு எதிரான சாம்பியன்ஸ் லீக் பைனலில் ரெய்னா சதம் அடித்து கைகொடுக்க சென்னை அணி 8 விக்கெட் வித்தியாசத்தில் வெற்றி பெற்றது. இதன் மூலம் கோப்பை வென்று அசத்தியது. 

இந்தியாவில், 6வது சாம்பியன்ஸ் லீக் ‘டுவென்டி–20’ தொடர் நடக்கிறது. பெங்களூருவில் உள்ள சின்னசாமி மைதானத்தில் இன்று நடந்த பைனலில், ஐ.பி.எல்., அணிகளான சென்னை, கோல்கட்டா அணிகள் மோதின. ‘டாஸ்’ வென்ற சென்னை அணி கேப்டன் தோனி  ‘பவுலிங்’ தேர்வு செய்தார். கோல்கட்டா அணியில் நரைனுக்குப்பதில் கம்மின்ஸ் இடம்பெற்றார். சென்னை அணியில் எவ்வித மாற்றமும் செய்யப்படவில்லை.

காம்பிர் அரை சதம்:

கோல்கட்டா அணிக்கு கேப்டன் காம்பிர், உத்தப்பா அசத்தல் துவக்கம் தந்தனர். உத்தப்பா 39 ரன்களில் அவுட்டானார். பின் வந்த காலிஸ் (1) நிலைக்கவில்லை. பவுண்டரிகளாக விளாசிய காம்பிர் 80 ரன்கள் குவித்தார். இதன் பின் சுழல் வீரர்  நேகி அசத்தலாக பந்துவீசினார். இவரிடம் மனிஷ் பாண்டே (32), டஸ்காட்டே (0), சூர்யகுமார் (0) அடுத்தடுத்து சிக்கினர். முடிவில், கோல்கட்டா அணி 20 ஓவரில் 6 விக்கெட்டுக்கு 180 ரன்கள் எடுத்தது. யூசுப் பதான் (20), ரசல் (2) அவுட்டாகாமல் இருந்தனர். 

ரெய்னா சதம் :

சென்னை அணிக்கு டுவைன் ஸ்மித் (8) ஏமாற்றினார். பிரண்டன் மெக்கலம், ரெய்னா ஜோடி அதிரடியாக ரன் சேர்த்தது. மெக்கலம் 39 ரன்களில் அவுட்டானார். இதன் பின் எதிரணி பந்துவீச்சை துவம்சம் செய்த ரெய்னா சதம் விளாசினார். முடிவில், சென்னை அணி 18.3 ஓவரில் 2 விக்கெட்டுக்கு 185 ரன்கள் எடுத்து வெற்றி பெற்றது. ரெய்னா (109), தோனி (23) அவுட்டாகாமல் இருந்தனர். 

http://sports.dinamalar.com/2014/10/1412352262/dhonigambhir.html

Share this post


Link to post
Share on other sites

CSKKKKK

Share this post


Link to post
Share on other sites

சுனில் நரன் இல்லாதது சென்னைக்கு சாதகமாய் போச்சு , 180 நல்ல ஸ்கோர் , கொல்கத்தாவின் வந்து வீச்சு கொஞ்சமும் எடு பட வில்லை............. எல்லா புகழும் சுனில் நரனுக்கே...................

Share this post


Link to post
Share on other sites

ரெய்னா அதிரடி சதம்: சென்னை சூப்பர் கிங்ஸ் சாம்பியன்

 

பெங்களூரில் நடைபெற்ற சாம்பியன்ஸ் லீக் இறுதிப் போட்டியில் சுரேஷ் ரெய்னாவின் அதிரடி சதத்தினால் சென்னை சூப்பர் கிங்ஸ் அணி கொல்கத்தாவை வீழ்த்தி கோப்பையைக் கைப்பற்றியது.

 

வெற்றிபெறத் தேவையான ரன்களை 2 விக்கெட்டுகளை மட்டுமே இழந்து எடுத்து சாம்பியன் ஆனது சென்னை சூப்பர் கிங்ஸ். 19வது ஓவரை பேட் கமின்ஸ் வீச முதல் பந்தை ஹெலிகாப்டர் ஷாட்டில் மிட்விக்கெட்டில் ஃபிளாட் சிக்ஸ் அடித்த தோனி, 3வது பந்தை லாங் ஆன் திசையில் உயரமாக, நீளமாக சிக்ஸ் அடித்து வெற்றிக்கான ரன்களை எடுக்க 185/2 என்று வெற்றி பெற்றது சென்னை.

சுரேஷ் ரெய்னா 59 பந்துகளில் அதிரடி சதம் எடுத்து கடைசியில் 62 பந்துகளில் 6 பவுண்டரி 8 சிக்சருடன் 109 நாட் அவுட் என்று சிறப்புற்றார். மேலும் இந்தத் தொடரில் அவர் அதிக ரன்களை அடித்து கோல்டன் பேட் விருது சிறப்பையும் பெற்றார்.

துரத்தலைத் தொடங்கிய போது பேட் கமின்ஸை 2 பவுண்டரிகள் அடித்த டிவைன் ஸ்மித் அதே ஓவரில் அபாரமான ஸ்பின் வகை யார்க்கருக்கு பவுல்டு ஆனார்.

அப்போது இறங்கினார் ரெய்னா, வந்த முதல் பந்து மட்டையின் உள்விளிம்பில் பட்டு அதிர்ஷ்ட பவுண்டரி கிடைத்தது. ஆனால் அதன் பிறகு மைதானம் நெடுக சிதற அடித்தார்

 

ரெய்னா.

முதலில் ஆந்த்ரே ரசல் பந்தை ஒதுங்கிக் கொண்டு கவர் திசையில் அற்புதமான சிக்ஸரை அடித்து தன் சிக்சர் கணக்கைத் தொடங்கிய ரெய்னா அதன் பிறகு பியூஷ் சாவ்லாவை 4 சிக்சர்களும், இந்திய அணியில் தேர்வு செய்யப்பட்ட குல்தீப் யாதவ் என்ற ‘சைனமன்’ பவுலரை 3 சிக்சர்களும் விளாசினார். 27 பந்துகளில் அரைசதம் கடந்தார் ரெய்னா.

ஒரு முறை குல்தீப் பந்தில் அருமையான ஸ்டம்பிங் வாய்ப்பை உத்தப்பா தவறவிட்டார். கடைசியில் சதம் எடுப்பதற்கு முன்னால் யூசுப் பத்தானிடம் ஒரு கேட்ச் கொடுத்தார். கடினமான வாய்ப்பு யூசுப் பாய்ந்தும் பயனில்லை.

ரெய்னா ஒவ்வொரு முறை மேலேறி வரும் போதும் பந்து சிக்சருக்குப் பறந்தது ஒரு சிக்சர் லாங் ஆனில் 96மீ சென்றது. மேலேறி வந்து மட்டையைக் கொண்டு வந்து தூக்கி அடித்து ஷாட்டை பினிஷ் செய்யும்போதும் அவர் இடது கை சச்சின் டெண்டுல்கர் போலவே தெரிந்தார்.

 

மெக்கல்லமும் இவரும் இணைந்து 12.2 ஓவர்களில் 118 ரன்களைச் சேர்த்தனர். அதில் ரெய்னாவின் ஆதிக்கப் பங்களிப்பு 78, மெக்கல்லம் 39. மெக்கல்லம் 30 பந்துகளில் 4 பவுண்டரிகள் 1 சிக்சருடன் 39 எடுத்து அவுட் ஆனார். 127/2 என்ற நிலையில் தோனி களமிறங்கினார். இருவரும் வெற்றிக்கு இட்டுச் சென்றனர். கேப்டன் தோனி 1 பவுண்டரி 2 சிக்சர்களுடன் 14 பந்துகளில் 23 ரன்கள் எடுத்து ஆட்டமிழக்கவில்லை. அவர் அடித்த 1 பவுண்டரி 2 சிக்சர்களுமே ஆஸ்திரேலிய வேகப்பந்து வீச்சாளர் பேட் கமின்ஸ் பந்தில் என்பது குறிப்பிடத்தக்கது.

 

பவன் நேகி 5விக். கம்பீர் அபாரம்: கொல்கத்தா 180 ரன்கள் குவிப்பு

.முன்னதாக, டாஸ் வென்ற சென்னை சூப்பர் கிங்ஸ் கேப்டன் தோனி முதலில் கொல்கத்தாவை பேட் செய்ய அழைத்தார். ஸ்கோர் 180 ரன்கள் என்பது மட்டுப்படுத்தப்பட்ட ஸ்கோர் என்றே கூறவேண்டும். காரணம் சென்னை சூப்பர் கிங்ஸின் டெல்லி இடது கை சுழற்பந்து வீச்சாளர் பவன் நேகி 19வது ஓவரில் மூன்று விக்கெட்டுகளை வீழ்த்தி அந்த ஓவரில் 2 ரன்களை மட்டுமே விட்டுக் கொடுக்க கொல்கத்தா மட்டுப்படுத்தப்பட்டது.

பவன் நேகி 4 ஓவர்கள் வீசி 22 ரன்களுக்கு 5 விக்கெட்டுகளைக் கைப்பற்றினார். 19வது ஓவர் முடிவில் கொல்கத்தா ஸ்கோர் 161/6 என்று இருந்தது.

ஆனால் கடைசி ஓவரை நெஹ்ரா வீசினார். அதிரடி வீரர் யூசுப் பத்தான் முதல் 2 அபாரமான யார்க்கர் லெந்த் ஓவர் பிட்ச் பந்துகளை ஸ்கொயர் லெக் மற்றும் ஃபைன் லெக்கில் பவுண்டரி அடித்தார். பிறகு ஓவர் த விக்கெட் வீசிய நெஹ்ரா லெந்த்தை மாற்றாததால் அடுத்த பந்து மிட்விக்கெட்டில் சிக்சருக்குப் பறந்தது. கடைசி ஓவரில் நெஹ்ரா 19 ரன்களை விட்டுக் கொடுத்தார்.

 

முன்னதாக 18வது ஓவரில் மணீஷ் பாண்டேயிடம் சிக்கினார் ஆஷிஷ் நெஹ்ரா, முதல் பந்தே உயர்ந்து வந்த புல்டாசை பாண்டே பவுண்டரிக்கு விரட்டினார், அது நோபாலாகவும் ஆனது. அடுத்த பந்து லெந்த்தில் சற்றே வாகாக எழும்பி வர லாங் ஆனில் பெரிய சிக்சரை அடித்தார் பாண்டே. அடுத்த பந்து மோசமான புல்டாஸ், இம்முறை மிட்விக்கெட்டில் பந்து சிக்சருக்குப் பறந்தது. 18வது ஓவரிலும் 20 ரன்களைக் கொடுத்த நெஹ்ரா படுமோசமாக வீசி 4 ஓவர்களில் 54 ரன்களை விட்டுக் கொடுத்தார்.

முன்னதாக தொடக்கத்தில் (இந்திய அணியில் இடம் மறுக்கப்பட்ட) கம்பீர், ராபின் உத்தப்பா மிக அருமையாக விளையாடி 10.5 ஓவர்களில் தொடக்க விக்கெட்டுக்காக 91 ரன்களைச் சேர்த்தனர். உத்தப்பா, நெஹ்ராவின் பந்தை நேராக ஒரு கவாஸ்கர் பாணி டிரைவ் பவுண்டரியுடன் தொடங்கினார்.

பிறகு 4 பவுண்டரிகள் ஒரு சிக்சர் எடுத்த நிலையில் 32 பந்துகளில் 39 ரன்களை எடுத்திருந்த போது நேகி வீசிய பந்தை மேலேறி வந்து சிக்ஸ் அடிக்க நினைத்து ஸ்டம்ப்டு ஆனார். கம்பீர் முதலில் ஜடேஜாவை லாங் ஆனில் சிக்ஸ் அடித்தார் அப்போது பவுண்டரியில் பிராவோ எம்பிப் பந்தை பிடிக்க முயன்று சிக்சருக்குள் தள்ளி விட்டார்.

இரண்டாவது முறை பவன் நேகியை அதே பாணியில் அடிக்க பவுண்டரியில் டுபிளேசிஸ் கேட்சைப் பிடித்து விட்டார். ஆனால் பேலன்ஸ் தவறி ஒரு காலால் பவுண்டரியை மிதித்தார் அதுவும் சிக்ஸ் ஆனது. 52 பந்துகளில் 7 பவுண்டரி 3 சிக்சர்கள் அடித்து 80 ரன்களை எடுத்த கம்பீர் ஜடேஜாவிடம் ஆட்டமிழந்தார்.

இடையே காலிஸ் விக்கெட்டை 1 ரன்னில் வீழ்த்தினார் பவன் நேகி. மணீஷ் பாண்டே 19 பந்துகளில் 2 பவுண்டரி 2 சிக்சர்களுடன் 32 ரன்கள் எடுத்து ஆட்டமிழந்தார். யூசுப் பத்தான் 9 பந்துகளில் 2 பவுண்டரி ஒரு சிக்சருடன் 20 ரன்கள் எடுத்து நாட் அவுட்டாக இருந்தார்.

பவன் நேகியின் 5 விக்கெட்டுகள் இல்லையெனில் சென்னை சூப்பர் கிங்ஸ் 200 ரன்களை துரத்த வேண்டிய நிலை ஏற்பட்டிருக்கும். தற்போது இலக்கு 181 ரன்கள்.

 

 

http://tamil.thehindu.com/sports/%E0%AE%B0%E0%AF%86%E0%AE%AF%E0%AF%8D%E0%AE%A9%E0%AE%BE-%E0%AE%85%E0%AE%A4%E0%AE%BF%E0%AE%B0%E0%AE%9F%E0%AE%BF-%E0%AE%9A%E0%AE%A4%E0%AE%AE%E0%AF%8D-%E0%AE%9A%E0%AF%86%E0%AE%A9%E0%AF%8D%E0%AE%A9%E0%AF%88-%E0%AE%9A%E0%AF%82%E0%AE%AA%E0%AF%8D%E0%AE%AA%E0%AE%B0%E0%AF%8D-%E0%AE%95%E0%AE%BF%E0%AE%99%E0%AF%8D%E0%AE%B8%E0%AF%8D-%E0%AE%9A%E0%AE%BE%E0%AE%AE%E0%AF%8D%E0%AE%AA%E0%AE%BF%E0%AE%AF%E0%AE%A9%E0%AF%8D/article6471599.ece

Share this post


Link to post
Share on other sites

சென்னை கிங்ஸ் சாம்பியன்: ரெய்னா அதிரடி சதம்
அக்டோபர் 03, 2014.

பெங்களூரு: சாம்பியன்ஸ் லீக் தொடரில் சாம்பியன் பட்டத்தை தட்டிச் சென்றது சென்னை கிங்ஸ் அணி. நேற்று நடந்த பைனலில், ரெய்னாவின் அதிரடி சதம் கைகொடுக்க, 8 விக்கெட் வித்தியாசத்தில் ‘சூப்பர்’ வெற்றி பெற்றது.

ஆறாவது சாம்பியன்ஸ் லீக் ‘டுவென்டி–20’ தொடர் இந்தியாவில் நடந்தது. இதன் பைனலில் சென்னை, கோல்கட்டா அணிகள் மோதின. ‘டாஸ்’ வென்ற சென்னை அணி கேப்டன் தோனி, ‘பீல்டிங்’ தேர்வு செய்தார்.

chennai-team-cup-3000_zpsb5b9c7eb.jpg

கோல்கட்டா அணியில் தடை விதிக்கப்பட்ட சுனில் நரைனுக்குப் பதில், கம்மின்ஸ் இடம்பெற்றார்.

நல்ல துவக்கம்:

கோல்கட்டா அணிக்கு காம்பிர், உத்தப்பா இணைந்து அசத்தல் துவக்கம் தந்தனர். நெஹ்ரா, மோகித் சர்மா பந்துகளில் பவுண்டரி அடித்த உத்தப்பா, அஷ்வின் பந்தை சிக்சருக்கு விரட்டினார். மறுமுனையில் ஜடேஜா பந்தில், காம்பிர் சிக்சர் விளாசினார். சென்னை அணியின் பீல்டிங்கும் சற்று சொதப்ப, 10 ஓவர்களில் கோல்கட்டா அணி விக்கெட் இழப்பின்றி, 89 ரன்கள் எடுத்தது.

 

காம்பிர் அரைசதம்:

இந்நிலையில் நேகி சுழலில் உத்தப்பா (39) அவுட்டானார். தொடர்ந்து அசத்திய இவர், ‘அபாய’ காலிசை (1) வெளியேற்றினார். மனம் தளராத கேப்டன் காம்பிர், நேகி பந்தில் சிக்சர் அடித்தார். அரைசதம் கடந்த இவர், 52 பந்துகளில் 80 ரன்கள் எடுத்து, ஜடேஜாவிடம் சிக்கினார்.

 

சபாஷ் நேகி:

போட்டியின் 19வது ஓவரில் அசத்திய நேகி, மணிஷ் பாண்டே (32), டஸ்காட்டே (0), சூர்ய குமார் (0) என, மூவரை திருப்பி அனுப்பினார். நெஹ்ராவின் கடைசி ஓவரில் யூசுப் பதான் 2 பவுண்டரி, ஒரு சிக்சர் அடிக்க, கோல்கட்டா அணி 20 ஓவரில் 6 விக்கெட்டுக்கு 180 ரன்கள் குவித்தது.

சென்னை சார்பில் சுழற்பந்து வீச்சாளர் பவான் நேகி, 5 விக்கெட் கைப்பற்றினார்.

 

ஸ்மித் ‘அவுட்’:

கடின இலக்கைத் துரத்திய சென்னை அணிக்கு துவக்கத்தில் அதிர்ச்சி காத்திருந்தது. கம்மின்ஸ் வீசிய முதல் ஓவரில் இரு பவுண்டரி அடித்த ஸ்மித் (8), 5வது பந்தில் போல்டானார்.

ரெய்னா சதம்:

பின் மெக்கலத்துடன் இணைந்த ரெய்னா, வந்த வேகத்தில் பவுண்டரி அடித்து, ரன் கணக்கைத் துவங்கினார்.

ரசல் பந்தில் சிக்சர் அடித்த இவர், பியுஸ் சாவ்லா ஓவரில் 2 சிக்சர் விளாசினார். தொடர்ந்து உமேஷ் யாதவ் பந்தை பவுண்டரிக்கு அனுப்பிய ரெய்னா, 27 வது பந்தில் அரைசதம் கடந்தார்.

இவருக்கு ‘கம்பெனி’ கொடுத்த மெக்கலம், தன் பங்கிற்கு யூசுப் பதான் பந்தில் சிக்சர் அடிக்க, 11 ஓவரில் சென்னை அணியின் ஸ்கோர் 100 ஐ எட்டியது.

இரண்டாவது விக்கெட்டுக்கு 74 பந்துகளில் 118 ரன்கள் சேர்த்த நிலையில், யூசுப் பதான் சுழலில் மெக்கலம் (39) வீழ்ந்தார். குல்தீப் ஓவரில் 2 சிக்சர் அடித்த ரெய்னா, 78, 88வது ரன்களில் ‘கண்டம்’ தப்பினார். வாய்ப்பை பயன்படுத்திக் கொண்ட ரெய்னா, 59வது பந்தில் சதம் அடித்தார்.

கடைசியில் தோனி இரண்டு சிக்சர் அடிக்க, சென்னை அணி 18.3 ஓவரில், 2 விக்கெட்டுக்கு 185 ரன்கள் எடுத்து, 8 விக்கெட்டுகள் வித்தியாசத்தில் ‘சூப்பர்’ வெற்றியுடன், கோப்பை தட்டிச் சென்றது. ரெய்னா (109), தோனி (23) அவுட்டாகாமல் இருந்தனர்.

ஆட்டநாயகன் விருது நேகிக்கு கிடைத்தது. இத்தொடரில் அதிக சிக்சர் (16) அடித்த வீரர் மற்றும் தொடர் நாயகன் விருதை ரெய்னா தட்டிச் சென்றார்.

 

ரூ. 15.37 கோடி பரிசு

வெற்றி பெற்ற சென்னை அணிக்கு கோப்பையுடன் ரூ. 15.37 கோடி பரிசு வழங்கப்பட்டது. தோல்வியடைந்த கோல்கட்டா அணிக்கு ரூ. 8 கோடி கிடைத்தது.

‘முதல்வன்’

கடந்த 2010ல் தென் ஆப்ரிக்க அணிக்கு எதிரான சர்வதேச ‘டுவென்டி–20’ அரங்கில் முதல் சதம் (101) அடித்த ரெய்னா, 2013ல் பஞ்சாப் அணிக்கு எதிரான ஐ.பி.எல்., போட்டியில் சதம் (100) விளாசினார்.

தொடர்ந்து, நேற்று சாம்பியன்ஸ் லீக் தொடரிலும் 109 ரன்கள் எடுத்தார். இதையடுத்து, சர்வதேச ‘டுவென்டி–20’, ஐ.பி.எல்., மற்றும் சாம்பியன்ஸ் லீக் என, மூன்று தொடரிலும் சதம் அடித்த முதல் வீரர் என்ற பெருமை பெற்றார் ரெய்னா.

* தவிர, ஆறாவது சாம்பியன்ஸ் லீக் தொடரில் அதிக ரன்கள் எடுத்த வீரர்கள் வரிசையில் முதலிடத்தை பெற்ற ரெய்னாவுக்கு (5 போட்டி, 234 ரன்கள்) ‘கோல்டன் பேட்’ விருது கிடைத்தது.

 

* இதுவரை நடந்த ஐ.பி.எல்., (115 போட்டி, 3,325 ரன்), சாம்பியன்ஸ் லீக் (24ல் 842 ரன்) தொடர்களில் அதிக ரன்கள் எடுத்த வீரர்களில் முதலிடமும் இவருக்குத் தான்.

நரைன் ‘டாப்’

இத்தொடரில் அதிக விக்கெட் (5 போட்டி, 12 விக்.,) சாய்த்த பவுலர் என்ற பெருமை பெற்றார் கோல்கட்டா வீரர் சுனில் நரைன். இவருக்கு ‘கோல்டன்’ பந்து விருது கிடைத்தது. அடுத்த இரு இடத்தில் சென்னையின் நெஹ்ரா (10), ஹோபர்ட்டின் போலிஞ்சர் (9), பஞ்சாப்பின் அவானா (9) உள்ளனர்.

 

இரண்டாவது முறை

சாம்பியன்ஸ் லீக் தொடரில் இதுவரை மும்பை அணி இரு முறை (2011, 2013), நியூ சவுத்வேல்ஸ் (2009), சென்னை (2010), சிட்னி (2012) அணிகள் தலா ஒரு முறை சாம்பியன் பட்டம் வென்றன. நேற்று வென்றதை அடுத்து, சென்னை அணி இரண்டாவது முறையாக கோப்பை வென்று அசத்தியது.

பழி தீர்த்தது

கடந்த 2012 ஐ.பி.எல்., பைனல் சென்னையில் நடந்தது. இதில் சென்னை அணி நிர்ணயித்த 191 ரன்கள் இலக்கை, அனாசயமாக எட்டி, முதன் முறையாக சாம்பியன் ஆனது கோல்கட்டா.

நேற்று நடந்த சாம்பியன்ஸ் லீக் பைனலில், கோல்கட்டா நிர்ணயித்த 181 ரன்கள் இலக்கை எட்டி, கோப்பை வென்று பழிதீர்த்துக் கொண்டது சென்னை.

முதலும், முடிவும்

ஆறாவது சாம்பியன்ஸ் லீக் தொடரின் முதல் போட்டியில் கோல்கட்டா, சென்னை அணிகள் மோதின. இதில் கோல்கட்டா வென்றது.

இத்தொடரின் கடைசி போட்டியில் (பைனல்), இந்த இரு அணிகள் மீண்டும் மோதின. இதில் சென்னை அணி வெற்றி பெற்று, சாம்பியன் ஆனது.

வெற்றிக்கு முற்றுப்புள்ளி

கோல்கட்டா அணி ஐ.பி.எல்., தொடரில் 9, இந்த சாம்பியன்ஸ் லீக் தொடரில் 5 என, தொடர்ச்சியாக 14 வெற்றிகளை பெற்று வந்தது. நேற்று சென்னையிடம் வீழ்ந்ததை அடுத்து, கோல்கட்டா அணியின் வெற்றி நடை முடிவுக்கு வந்தது.

dhoni-cup-500_zps79127f82.jpg

 

 

http://sports.dinamalar.com/2014/10/1412352262/dhonigambhir.html

 

  • Like 1

Share this post


Link to post
Share on other sites

Share this post


Link to post
Share on other sites

ரெய்னா அதிரடி: கொல்கத்தாவை வீழ்த்தி கிண்ணத்தை கைப்பற்றியது சென்னை

சாம்பியன்ஸ் லீக் இருபது-20 இறுதிப் போட்டியில் ரெய்னாவின் சதத்தின் உதவியுடன் சென்னை சூப்பர் கிங்ஸ் அணி, கொல்கத்தாவை தோற்கடித்து சாம்பியன்ஸ் கிண்ணத்தைச் தட்டிச் சென்றது.

இறுதி ஆட்டம்

6ஆவது சாம்பியன்ஸ் இருபது-20  கிரிக்கெட் போட்டித் தொடரின் இறுதி ஆட்டம் பெங்களூர் சின்னசாமி அரங்கில் நேற்றிரவு நடந்தது. இதில் சாம்பியன் மகுடத்திற்கு சென்னை சூப்பர் கிங்சும், ஐ.பி.எல். சாம்பியன் கொல்கத்தா நைட் ரைடர்சும் பலப்பரீட்சையில் இறங்கின. பந்தை எறிவதாக சர்ச்சையில் சிக்கிய கொல்கத்தாவின் மாயாஜால சுழற்பந்து வீச்சாளர் சுனில் நரேனுக்கு தடை விதிக்கப்பட்டிருப்பதால் அவருக்கு பதிலாக பேட் கம்மின்ஸ் இடம் பெற்றார்.

நாணய சுழற்சியில் வெற்றி பெற்ற சென்னை அணித் தலைவர் டோனி முதலில் கொல்கத்தாவை துடுப்பெடுத்தாடுமாறு பணித்தார். இதன்படி ரொபின் உத்தப்பாவும்,  கவுதம் கம்பீரும் கொல்கத்தாவின் இன்னிங்சை தொடங்கினர். நிலைத்து நின்று ஆடிய இவர்கள் ஓட்ட வீதத்தை சீரான வேகத்தில் உயர்த்தினர். ‘பவர்-பிளே’யான முதல் 6 ஓவர்களில் 54  ஓட்டங்களை சேகரித்தனர். கம்பீர் 32 ஓட்டங்களுன் ஆடிக்கொண்டிருந்த போது, எளிதான ரன்-அவுட் முறையில் இருந்து தப்பினார்.

181 ரன் இலக்கு

கொல்கத்தாவின் அதிரடி ஓட்டவேகத்தை  சென்னையின் சுழற்பந்து வீச்சாளர்கள் வெகுவாக கட்டுப்படுத்தினர். குறிப்பாக பவான் நெகி, ரவீந்திர ஜடேஜா ஆகியோரின் சுழலில் ஓட்டங்கள் எடுக்க முடியாமல் தடுமாறினார்கள்.

தொடக்க ஜோடி இணைப்பாட்டமாக 91 ஓட்டங்களை (10.5 ஓவர்) எட்டிய போது பிரிந்தது. உத்தப்பா 39 ஓட்டங்களுடன்(32 பந்து, 4 பவுண்டரி, ஒரு சிக்சர்) ஸ்டம்பிங் செய்யப்பட்டார். அடுத்து இறங்கிய கலிஸ் (1 ஓட்டம்) சிக்சர் அடிக்க முயற்சித்து ஏமாற்றமளித்தார். 11 முதல் 15 ஓவர்களில் அந்த அணி இரண்டு முறை மட்டுமே பந்தை எல்லைக்கோட்டிற்கு விரட்டியிருந்தது. மறுமுனையில் அபாரமாக ஆடிய கவுதம் கம்பீர் 80 ஓட்டங்களுடன் (52 பந்து, 7 பவுண்டரி, 3 சிக்சர்) ஆட்டம் இழந்தார்.

சுழலில் தடுமாறிய கொல்கத்தா துடுப்பாட்ட வீரர்கள் வேகப்பந்து வீச்சுக்கு அதிரடியாக துடுப்பெடுத்தாடினர்.  ஆட்டத்தின் 18-வது ஓவரை வீசிய நெஹரா அந்த ஓவரில் 2 சிச்சர் உள்பட 20 ஓட்டங்களை வாரி இறைத்தார். இதன் பிறகு 19-வது ஓவரில் சுழற்பந்து வீச்சாளர் பவான் நெகி 3 விக்கெட்டுகளை கபளீகரம் செய்த போதிலும், கடைசி ஓவரை வீசிய நெஹரா 19 ஓட்டங்களை விட்டுக்கொடுத்து, கொல்கத்தாவுக்கு மீண்டும் ‘கருணை’ காட்டினார். இதனால் கொல்கத்தாவின் ஓட்ட வீதம 9 ஓட்டங்களை தொட்டது.

நிர்ணயிக்கப்பட்ட 20 ஓவர்களில் கொல்கத்தா அணி 6 விக்கெட் இழப்புக்கு 180 ஓட்டங்களை குவித்தது. சென்னை தரப்பில் பவான் நெகி 5 விக்கெட்டுகளை கைப்பற்றினார்.

சென்னை அணி சாம்பியன்

அடுத்து 181 ஓட்டங்கள் இலக்கை நோக்கி சென்னை அணி விளையாடியது. தொடக்க ஆட்டக்காரர் வெய்ன் சுமித் (8 ஓட்டங்கள், 2 பவுண்டரி) முதல் ஓவரிலேயே பிடியெடுத்து ஆட்டமிழந்தார். இதன் பின்னர் பிரன்டன் மெக்கல்லமும், சுரேஷ் ரெய்னாவும் கைகோர்த்து மிரட்டினர். ரெய்னாவின் துடுப்பாட்டம் மின்னல் வேகத்தில் சுழன்றது. சிக்சரும், பவுண்டரியுமாக ஓடவிட்டு ரசிகர்களை மகிழ்ச்சி வெள்ளத்தில் நனைய வைத்தார்.

ஓட்ட எண்ணிக்கை 127 ஓட்டங்களாக உயர்ந்த போது மெக்கல்லம் 39 ஓட்டங்களுடன் (30 பந்து, 4 பவுண்டரி, ஒரு சிக்சர்) ஆட்டம் இழந்தார். இதைத் தொடர்ந்து  டோனி களம் புகுந்தார். மறுபக்கம் அpதிரடியாக ஓட்டங்களை விளாசிய ரெய்னா, இந்திய அணிக்கு புதிதாக தேர்வாகியிருக்கும் குல்தீப் யாதவின் ஓவர்களில் 3 சிக்சர்களை பறக்கவிட்டு அசத்தினார். 88 ஓட்டங்களுடன் கேட்ச் வாய்ப்பில் இருந்து தப்பித்த ரெய்னா, சாம்பியன்ஸ் லீக்கில் தனது முதலாவது சதத்தையும் எட்டினார்.

இறுதியில் டோனி, யூசுப்பதானின் ஓவரில் இரண்டு சிக்சர் அடித்து ஆட்டத்தை தித்திப்புடன் முடித்து வைத்தார். சென்னை அணி 18.3 ஓவர்களில் 2 விக்கெட்டுக்கு 185 ஓட்டங்கள் குவித்து 8 விக்கெட் வித்தியாசத்தில் வெற்றி பெற்றது. ரெய்னா 109 ஓட்டங்களுடனும் (62 பந்து, 6 பவுண்டரி, 8 சிக்சர்), டோனி 23 ஓட்டங்களுடனும் (14 பந்து, ஒரு பவுண்டரி, 2 சிக்சர்) களத்தில் நின்றனர்.

ரூ.15 கோடி பரிசு

சாம்பியன்ஸ் லீக்கில் கிண்ணத்தை சென்னை அணி வெல்வது இது 2-வது முறையாகும். ஏற்கனவே 2010-ம் ஆண்டில் கிண்ணத்தை வென்றிருந்தது. வாகை சூடிய சென்னை அணிக்கு ரூ.15 கோடியும், 2-வது இடத்தை பிடித்த கொல்கத்தாவுக்கு ரூ. 8 கோடியும் பரிசுத்தொகையாக வழங்கப்பட்டது. இந்த தொடரில் 16 சிக்சருடன் மொத்தம் 234 ஓட்டங்கள் குவித்த ரெய்னா தொடர்நாயகனாகவும், பவான் நெகி ஆட்டநாயகனாகவும் அறிவிக்கப்பட்டனர்.

 

 

http://www.virakesari.lk/articles/2014/10/05/%E0%AE%B0%E0%AF%86%E0%AE%AF%E0%AF%8D%E0%AE%A9%E0%AE%BE-%E0%AE%85%E0%AE%A4%E0%AE%BF%E0%AE%B0%E0%AE%9F%E0%AE%BF-%E0%AE%95%E0%AF%8A%E0%AE%B2%E0%AF%8D%E0%AE%95%E0%AE%A4%E0%AF%8D%E0%AE%A4%E0%AE%BE%E0%AE%B5%E0%AF%88-%E0%AE%B5%E0%AF%80%E0%AE%B4%E0%AF%8D%E0%AE%A4%E0%AF%8D%E0%AE%A4%E0%AE%BF-%E0%AE%95%E0%AE%BF%E0%AE%A3%E0%AF%8D%E0%AE%A3%E0%AE%A4%E0%AF%8D%E0%AE%A4%E0%AF%88-%E0%AE%95%E0%AF%88%E0%AE%AA%E0%AF%8D%E0%AE%AA%E0%AE%B1%E0%AF%8D%E0%AE%B1%E0%AE%BF%E0%AE%AF%E0%AE%A4%E0%AF%81-%E0%AE%9A%E0%AF%86%E0%AE%A9%E0%AF%8D%E0%AE%A9%E0%AF%88

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • அதிகம் படித்த  ஆயுதம் தூக்க வைத்தவர்களே பின்னர்   அதிகம் படிக்காதவர்களின்  ஆயுதப் போராட்டத்திற்கு எதிராக திரும்பியது எனக்கு நிச்சயமாக தெரியும். அதிகம் படிக்காதவர்களாதலால்  ஆயுதம் தூக்கியவர்களால் தாமும் அழிந்து மற்றவர்களையும் தாம் அழிப்பதை புரிந்து கொள்ளமுடியவில்லை.  ஆயுதப் போராட்டம் பெரும் அழிவில் முடியும் என்று கண்டவுடன்   அதிகம் படித்தவர்கள் அதற்கு எதிராக திரும்பினார்கள். அதிகம் படிக்காதவர்களோ எல்லாம் அழிந்தபிறகே ஆயுதப்போராட்டத்தை கைவிட்டார்கள். படிப்பு வித்தியாசம் தெரிகிறது,  இல்லையா?  
    • சிங்கள அரசியல் வாதிகள்  மேல்,  எவ்வளவு... வெறுப்பு இருந்தாலும். அவர்களின் ராஜ தந்திரத்தை பாராட்டியே ஆகவேண்டும். எங்களின் தமிழ் அரசியல் வாதிகள், வாயால் வடை சுட்டுக் கொண்டு... தன்னுடைய இனத்தையே... விற்றுக் கொண்டு இருக்கிறாகள்.
    • கொவிட்-19 பெருந்தொற்றின் பின்னர் உலக அரசியலின் திசைவழிகள்       -தெ. ஞாலசீர்த்தி மீநிலங்கோ அல்லைப்பிட்டியில் இருந்தவனின் தலைவிதியை, அமெரிக்காவில் இருந்தவன் தீர்மானித்த காலம் ஒன்று இருந்தது. இப்போதும் அப்படித்தான் என்று நினைக்கிறவர்கள் இருக்கிறார்கள். காலம் மாறிவிட்டது; அவர்கள் காலாவதியாகி விட்டார்கள். கற்பனைக்கும் யதார்த்தத்துக்கும் இடையிலான இடைவெளி நூலளவே. கனவு காணலாம்; அதில் தவறில்லை. ஆனால், கற்பனையில் வாழ இயலாது. ஒருவேளை, அவ்வாறு வாழ முயன்றால், யதார்த்தம் அவர்கள் முகத்தில் அறையும். ஆனால், பலர் கற்பனையிலும் கனவிலுமே வாழ்கிறார்கள். யதார்த்தம், அவர்களை ஒதுக்கித் தள்ளிவிட்டு, அப்பால் நகர்கிறது. இன்றைய உலக அரசியலின் நிலையும், இப்படித்தான் இருக்கிறது. உலக ஒழுங்கு, மிக வேகமாக மாறிவருகிறது. அம்மாற்றங்கள் தவிர்க்க இயலாதவை. ஆனால், பழைய மாதிரியே, இன்னமும் உலகம் இயங்குகிறது என்று நினைப்பவர்களும் ஆள்பவர்களும் இருக்கிறார்கள். அவர்களுக்காகப் பரிதாபப்படலாம். அவ்வளவே! தமிழர்களுக்கான தீர்வு, மேற்குலகத் தலைநகரங்களில் இருக்கிறது என்று நம்புகிறவர்களுக்கும் இவர்களுக்கும் வேறுபாடு அதிகமில்லை. கொவிட்-19 பெருந்தொற்றின் பின்னரான உலக ஒழுங்கு, எவ்வாறு இருக்கும் என்று சிந்திக்கும் போது, சில திசைவழிகளை இங்கு குறிப்பது தகும். இவை, இலங்கை போன்ற நாடுகள், கணக்கில் எடுக்க வேண்டிய மாற்றங்கள் ஆகும். உலகமே, 'நிதிமூலதனம்' என்ற பெருஞ்சங்கிலியால் கட்டப்பட்டுள்ள நிலையில், அந்த நிதிமூலதனத்தின் அடியாளத்தில் ஏற்படும் மாற்றங்கள், பல்வேறு வடிவங்களில், இலங்கை போன்ற மூன்றாமுலக நாடுகளில் செல்வாக்குச் செலுத்துகிறது. முதன்மையை இழந்த அமெரிக்கா கொவிட்-19 பெருந்தொற்றால், மிகவும் மோசமாகப் பாதிக்கப்பட்ட நாடு அமெரிக்கா. அங்கு, ஒரு இலட்சத்துக்கும் மேற்பட்ட மக்கள், கொவிட்-19இன் தாக்கத்துக்கு உள்ளாகி இறந்திருக்கிறார்கள். 'உலகின் தலைவன்' என்ற நிலையை, அமெரிக்கா இப்போது கிட்டத்தட்ட இழந்துள்ளது எனலாம். பொருத்தமாகச் சொல்வதானால், தலைமைப் பதவிக்குச் சேடம் இழுக்கிறது. அமெரிக்காவின் உலக ஆதிக்க நோக்கம், முதலாம் உலகப் போர்க் காலத்திலேயே உருவாகிவிட்டது. அந்தப் போரால், பெரும் பொருள் இழப்பையும் உழைப்பாற்றல் உடையோரின் உயிரிழப்பையும் சந்தித்த ஐரோப்பிய நாடுகளை விட, மேன்மையான ஒரு பொருளாதார வல்லரசாக அமெரிக்கா வளர்ந்தது. இரண்டாம் உலகப் போரில், அமெரிக்கா உலக மக்களின் நலன்காக்க வேண்டிப் பங்குபற்றவில்லை. பாசிசத்துக்கு எதிரான அப்போரில், அதிகளவான தியாகங்களைச் செய்த நாடு, சோவியத் ஒன்றியம் தான். மிகக் குறைவான உயிர்ச் சேதத்தையும் உடைமைச் சேதத்தையும் சந்தித்த அமெரிக்கா, அப்போரின் விளைவாக, உலகின் மிக வலிய பொருளாதார, ஆயுத வல்லரசாகத் தன்னை நிலைநாட்டிக் கொண்டது. 2008ஆம் ஆண்டு ஏற்பட்ட உலகப் பொருளாதார நெருக்கடி, அமெரிக்காவின் முதன்மை நிலையில் ஏற்படுத்திய தாக்கம் பெரியது. ஆனாலும், அமெரிக்காவின் பொருளாதாரச் சரிவால், அமெரிக்காவின் உலக ஆதிக்கம் உடனடியாக முடிவுக்கு வராது. பிறபொருளாதாரங்களின் வளர்ச்சி, அமெரிக்காவின் பொருளாதாரத்தின் செல்வாக்கையும் ஆதிக்கத்தையும் குறைக்கும் என்பது உண்மை. எனினும், அமெரிக்காவே உலகின் பெரிய போர் இயந்திரத்துக்குப் பொறுப்பாக உள்ளது. அதுவரை, உலக அலுவல்களில், அமெரிக்காவில் செல்வாக்கு அதிகமாக இருக்கும். எனினும், என்றென்றைக்குமல்ல என்பதை, கொவிட்-19 நிரூபித்துள்ளது. கடந்த பத்தாண்டுகளில், அமெரிக்காவால், உலக அலுவல்களில் நினைத்ததைச் செய்ய இயலவில்லை. ஈராக்கிலும் லிபியாவிலும் செய்ததை, சிரியாவில் செய்ய இயலவில்லை. இலத்தீன் அமெரிக்க நாடுகளில், தனக்கு உவப்பில்லாத ஆட்சிகளைக் கவிழ்த்து வந்துள்ள அமெரிக்காவால், இப்போது அதைச் செய்ய இயலவில்லை என்பதற்கு, வெனிசுவேலா நல்லதோர் உதாரணம். ஈரானுக்கு எதிரான மிரட்டல் பலனளிக்கவில்லை. வடகொரியாவை ஏமாற்ற முடியவில்லை. 'அமெரிக்கா தலைமையிலான உலக ஒழுங்கு, முடிவுக்கு வந்துவிட்டது என்ற யதார்த்தத்தை, நாம் ஏற்றுக் கொண்டாக வேண்டும்' என்று, ஐரோப்பிய ஒன்றியத்தின் அயலுறவுகளுக்கான தலைவர் ஜோசப் போரஸ், திங்கட்கிழமை (25) ஜேர்மன் இராஜதந்திரிகளுடனான கூட்டத்தில் தெரிவித்தார். இது மிகவும் முக்கியமானதொரு நிகழ்வாகும். அமெரிக்காவின் நெருக்கடிகள் குறித்து, மூடிய கதவுகளுக்குப் பின்னால் பேசப்பட்டாலும், இதுவரை மேற்குலக நாடுகளின் தலைவர்கள் யாரும், பொதுவெளியில் பேசவில்லை. இவ்வாறு பேசுவது, இதுவே முதல்முறை. 'அமெரிக்கா தலைமையிலான உலகின் முடிவு குறித்தும், நூற்றாண்டில், ஆசியாவின் மேலெழுந்த வருகை பற்றியும் தொடர்ந்து ஆய்வாளர்கள் பேசி வந்திருக்கிறார்கள். இப்போது, அது எம் கண்முன்னே அரங்கேறுகிறது. யாருடைய பக்கத்தை நாம் தேர்ந்தெடுப்பது என்ற முடிவை, விரைவாகச் எட்டவேண்டிய நிலைக்கு, கொவிட்-19 எம்மைத் தள்ளியுள்ளது' என்று ஜோசப் போரஸ் மேலும் தெரிவித்துள்ளார். ஜேர்மனியும் பிரான்ஸும், அமெரிக்காவிலிருந்து விலகிய கொள்கை வகுப்புகளை நோக்கி நகர்ந்துள்ளன. அமெரிக்கா தலைமை வகிக்காத ஒரு உலக ஒழுங்கை நோக்கி, நாம் மெதுவாக நகர்கிறோம் என்பது உண்மை. சீனா: பாதைகள் பலவிதம் நாம் விரும்பினாலோ விரும்பாவிட்டாலோ, உலகின் முதன்மை நிலையைச் சீனா அடைந்துள்ளது என்ற உண்மையை ஏற்றாக வேண்டும். சீனா இன்று, தன் முதன்மை நிலையை, பலவழிகளிலும் நிறுவுவதனூடாகத் தன்னை நிலைநிறுத்த முனைகிறது. அமெரிக்க டொலர் மய்யப் பொருளாதாரத்தில் இருந்து, நாடுகளை மெதுமெதுவாகச் சீனா வெளியே கொண்டுவருகிறது. சீனா, தனது நாணயமான யுவானிலேயே நாடுகளுடன் வர்த்தக நடவடிக்கைகளில் ஈடுபடுகிறது. அதேவேளை, அமெரிக்க டொலர் அல்லாத ஏனைய நாணயங்களிலும், வர்த்தக நடவடிக்கைகளை ஊக்குவிக்கிறது. இதன்மூலம், டொலர் மய்யப் பொருளாதாரத்துக்கு, பாரிய நெருக்கடியை ஏற்படுத்துகிறது. உலகில், உற்பத்திச் சந்தையின் மய்யமாகச் சீனா இருக்கிறது. இதன்மூலம், உற்பத்திச் சந்தையின் கட்டுப்பாடு மறைமுகமாக, சீனாவின் கைகளுக்கு வந்து சேர்ந்துள்ளது. சீனாவில், கொவிட்-19 தொற்று வீரியம் அடையத் தொடங்கிய போது, பல மேற்குலக நாடுகளில் மக்கள், கழிவறைக் காகிதங்களுக்குப் பல்பொருள் அங்காடிகளில் சண்டையிட்டார்கள். ஏன் என்று, யோசித்துப் பாருங்கள். இதுவோர் உதாரணம் மட்டுமே. இந்தியாவுடனான எல்லை தவிர்த்து, ஏனைய அனைத்து எல்லை நாடுகளுடனும், சீனா எல்லை உடன்படிக்கைகளை எட்டியுள்ளது. கடந்த ஐந்து ஆண்டுகளில் சீனா, தனது கடல் எல்லைகளைப் பாதுகாப்பதில் கூடிய கவனம் செலுத்துகிறது. குறிப்பாக, தென்சீனக் கடலில், அமெரிக்காவின் தொடர்ச்சியான ஆத்திரமூட்டல்களுக்கு எதிர்வினையாற்றத் தயாராகியுள்ளது. சீனாவின் 'ஒரு பட்டி, ஒரு பாதைத் திட்டம்' (One Road One Belt Initiative), ஆசியாவையும் ஆபிரிக்காவையும் ஐரோப்பாவையும் இணைத்துள்ளது. சர்வதேச வணிகத்தில், புதிய சாத்தியப்பாடுகளை இது திறந்து வைத்துள்ளது. சீனா, தன்னை ஒரு பொருளாதார வல்லரசாக நிறுவும் முயற்சியில், இத்திட்டம் முக்கிய பங்கு வகிக்கிறது. இத்திட்டம், பொருளாதார ரீதியில் நீண்டகாலத்துக்கு ,சீனாவின் முதன்மை நிலையைத் தக்க வைக்க உதவக்கூடும். இன்றைய நிலையில், முதன்மை நிலையை சீனா அடைவதற்கு, இரண்டு வழிகளைப் பின்பற்றக் கூடும். முதலாவது, ஆசியப் பசுபிக் பிராந்தியத்தின் முழுமையான கட்டுப்பாட்டைப் பெறுவதன் ஊடாக, அமெரிக்காவை ஒதுக்கி வெற்றி காண்பதாகும். இதனூடாகச் சீனா, தனது முதன்மை நிலையை உலகுக்கு அறிவிக்கலாம். இரண்டாவது வழி, மூலோபாய ரீதியில் அமெரிக்காவைப் பலதளங்களில் பின்தள்ளி, முதன்மை இடத்தைப் பிடிப்பது. இரண்டு வழிகளையும், ஒருசேர சீனா பின்பற்றவும் கூடும். இதைப் பார்க்கும் போது, இரண்டாம் உலக யுத்தத்தைத் தொடர்ந்த கெடுபிடிப்போர்க் காலம், நினைவுக்கு வரலாம். ஆனால், இனிவரப்போகும் காலம், மிகவும் வித்தியாசமானது. சோவியத் ஒன்றியத்துக்குப் பொருளாதார பலமோ, உலகப் பொருளாதாரத்தைக் கட்டுப்படுத்தும் தேவையோ இருக்கவில்லை. ஆனால், சீனாவே உலகப் பொருளாதாரத்தின் ஊன்றுகோலாக, இன்று திகழ்கின்றது. உலகின் பெரும்பான்மையான நாடுகளில், அரசியல் ரீதியாக இல்லாவிட்டாலும், பொருளாதார ரீதியில், சீனா செல்வாக்குச் செலுத்துகின்றது. ஓன்றை மட்டும் உறுதியாகச் சொல்லலாம். அடுத்த 20 ஆண்டுகளுக்கு, அனைத்துத் தளங்களிலும், ஆசியப் பிராந்தியம் வளர்ச்சியடைவதற்கான வாய்ப்புகள் அதிகம் காணப்படுகின்றன. இதனால், ஆசியாவில் தனது பிடியைச் சீனா இறுக்கும். ஆசியாவை முழுமையாகக் கட்டுப்படுத்துவதன் ஊடு, உலக ஆதிக்கத்தை நோக்கிச் சீனா பயணிக்கும். அமெரிக்காவால் பொருளாதார ரீதியாக எதிர்வினையாற்ற இயலாத நிலையில், இராணுவ ரீதியாக எதிர்வினையாற்றும். இதன் பாதிப்புகளை ஆசியர்களே எதிர்கொள்வர். கடந்த ஒரு நூற்றாண்டு காலமாக, ஆதிக்கப் போட்டியின் மய்யமாக மத்திய கிழக்கு எவ்வாறு இருந்ததோ, அதேபோல, அடுத்த நூற்றாண்டில், ஆசியாவே ஆதிக்கப் போட்டியின் மய்யமாகும். இதையும் சேர்த்தே 'ஆசியாவின் நூற்றாண்டு' என்று, நாம் அழைக்கவியலும். தேசியவாத எழுச்சியின் ஆபத்துகள் கடந்த பத்தாண்டுகளில், உலகெங்கும் தேசியவாதம் மீளெழுச்சி கொண்டுள்ளது. அது குறிப்பாக, அதிவலது நோக்கியதாகவும் பாசிச மிரட்டலாகவும் வெளிப்பட்டுள்ளது. கொவிட்-19 பெருந்தொற்று, இதை வெளிப்படையாகவும் நிறுவனமயப்படுத்தப்பட்ட வகையிலும், செய்வதற்கான வாய்ப்பை உருவாக்கிக் கொடுத்துள்ளது. இன்று மக்களைக் கைவிட்டு, பெருநிறுவனங்களையும் செல்வந்தர்களையும், தேசியவாத அடிப்படையிலான அரசாங்கங்களே இவ்வாறு முன்னின்று செய்கின்றன. அமெரிக்காவில், கொவிட்-19 தொற்று வீரியம் அடைந்த கடந்த இரண்டு மாதங்களில், அமெரிக்கச் செல்வந்தர்களின் சொத்துகள், 15மூத்தால் அதிகரித்துள்ளன. கொவிட்-19 பெருந்தொற்றுக்குப் பின்னரான உலகில், தீவிர வலதுசாரித் தேசிய எழுச்சி, மிக முக்கிய சவாலாக இருக்கும். தேசியத்தின் போர்வையில், அடிப்படை உரிமைகள் மறுக்கப்பட்ட சூழல், இயல்பாகத் தோற்றம் பெறும். இப்போது, பல மத்திய ஆசிய நாடுகளிலும் கிழக்கு ஐரோப்பிய நாடுகளிலும் இதன் குணம்குறிகளைக் காணவியலும். கொவிட்-19 பெருந்தொற்று, புதிய களங்களைத் தேசியவாதம்; கண்டடைவதற்கு, இரண்டு வழிகளை அமைத்துக் கொடுத்துள்ளது. முதலாவது, அரசுகள் எல்லைகளை மூடி, பொருள்கள் ஏற்றுமதியை (குறிப்பாக, மருத்துவத்துறைசார்) தடைசெய்து, தேசியவாதத்தை வளர்த்தன. திறந்த சந்தையை, முன்மொழிந்து முன்னின்ற அமெரிக்கா, ஜேர்மனி போன்ற நாடுகளே இதைச் செய்தன. இரண்டாவது, கொவிட்-19 தொற்று நெருக்கடியைக் கையாள இயலாத அரசாங்கங்கள், தேசியவாதத்தைக் கட்டவிழ்த்துவிட்டு, கவனத்தைத் திசைதிருப்பின. இரண்டுமே, தீவிர தேசியவாதத்தின் எழுச்சிக்கும் பரவுகைக்கும் வழி செய்தன. கொவிட்-19 பெருந்தொற்று ஏற்படுத்திய பொருளாதாரப் பாதிப்புகள், வேலையிழப்புகள், மனஉளைச்சல், நம்பிக்கையீனம், நிச்சயமின்மை என்பன, தேசியவாதத்தின் தீவிர வடிவங்கள் செல்வாக்குப் பெறுவதற்கான களங்கள் ஆகும். கொவிட்-19 பெருந்தொற்றுக்குப் பின்னர், இதே தேசியவாதத்தின் பெயரால், எமது உரிமைகள் எமக்குச் சொந்தமில்லாமல் போவதற்கான வாய்ப்புகள் அதிகம். உலகம் மாறிவிட்டது. கண்களை மூடிக்கொண்டு உலகம் இருண்டுவிட்டதென்று சொல்வது, எவ்வளவு அபத்தமோ அதைப்போன்றதே உலக ஒழுங்கின் மாற்றங்களை ஏற்க மறுப்பதும் ஆகும். பெருந்தொற்றின் பின்னரான காலம் ஆபத்தானது. ஆதிக்கப் போட்டிக்கான பேரரங்கின் ஒருபகுதியாக, நாடுகள் திகழும். அந்தப் போட்டி, போர்களைத் தூண்டலாம். சிறுபான்மையினரை ஒடுக்கவும் உரிமைகளைப் பறிப்பதற்கும், வீச்சடைந்துள்ள தேசியவாதம் காரணியாகலாம். ஓவ்வொரு நாடும் அதன் மக்களும், மிகக் கவனமாக, அடுத்த அடியை எடுத்து வைக்க வேண்டும். ஒரு நிமிடம் கண்ணயர்ந்தாலும், பாசிச சர்வாதிகாரம்தான் எமக்குப் பரிசாகக் கிடைக்கும். http://www.tamilmirror.lk/சிறப்பு-கட்டுரைகள்/கொவிட்-19-பெருந்தொற்றின்-பின்னர்-உலக-அரசியலின்-திசைவழிகள்/91-251022
    • கொல்லாத கொரோனா வைரஸும் கொன்ற அரசாங்கமும்       கடந்த வாரம், கொழும்பில் தனிப்பட்ட முறையில், நிவாரணம் வழங்க முற்பட்ட வேளை, ஏற்பட்ட சனநெரிசலில் சிக்கி, மூன்று பெண்கள் உயிரிழந்தார்கள். இது, இலங்கையின் தற்போதைய நிலையை எடுத்துக் காட்டுகிறது. கொழும்பில், கடந்த இரண்டு மாதங்களுக்கு மேலாக ஊடரங்கு அமலில் இருந்தது. அன்றாடங்காய்ச்சிகளின் நிலை குறித்து, யாரும் கவலைப்படுவதாகத் தெரியவில்லை. மரணமடைந்த மூன்று இன்னுயிர்களுக்கும், பொறுப்புச் சொல்ல வேண்டியது யார், இது யாருடைய தவறு, நிவாரணத்தை வழங்கியவர்களின் தவறா, நிவாரணத்தைப் பெறச் சென்றவர்களின் தவறா, முண்டியடித்து நிவாரணத்துக்குச் செல்வதற்கான நிலைமையை ஏற்படுத்திய அரசாங்கத்தின் தவறா? இலங்கை அரசாங்கம், மிகவும் மோசமான முறையில் இந்தப் பெருந்தொற்று நெருக்கடியைக் கையாளுகிறது. கொவிட்-19 பெருந்தொற்றை விட, பொதுத்தேர்தலே அரசாங்கத்துக்குப் பெரிய பிரச்சினையாக இருக்கிறது. அதிகாரத்துக்கான அவா, அப்பாவிகளைக் காவு கொள்கிறது. கொரோனா வைரஸிடமிருந்து தப்பி, பட்டினியால் மரணிக்கும் கதைகளை, நாம் கேட்க நேருகிறது. கொரோனா வைரஸ் பரவுவதைத் தடுப்பதைப் போர் என்று அறிவித்த அரசாங்கம், அப்பாவி மக்களை அந்தரிக்க வைத்துள்ளது. இப்போது, நாம் பேசும் கதை, எல்லோரும் அறிந்த கதை. இந்நிகழ்வு, அடுப்பெரியா வீடுகள் எத்தனை, பாலறியாக் குழந்தைகள் எத்தனை, உணவறியாக் குடும்பங்கள் எத்தனை போன்ற கேள்விகள் பதிலின்றி, அரசாங்கத்தைச் சுட்டியபடியே உள்ளன. இந்தக் கேள்விகளைக் கேட்போர் யாருமில்லை. சமூக ஊடகங்கள், பொழுதுபோக்கை நிறைக்கையில், இந்தக் கேள்விகள் அர்த்தம் இழக்கின்றன. 'கொரோனா வைரஸ் பரவுகைக்கு எதிரான போர்' என்று, ஊடகங்கள் உரக்கக் கத்துகின்றன. தமிழ் ஊடகங்களும் இந்தக் கோஷத்தில் இணைகின்றன. இலங்கையில் வறுமை ஒழிப்புப் பற்றி, அரசியல்வாதிகளிடம் பேசுவதில் பயனில்லை. ஏனெனில், 'பொருளாதார நெருக்கடிதான் வறுமைக்குக் காரணம்' என்று, சில அரசியல்வாதிகள் காற்றில் கத்திவீசுகிறார்கள். இன்னும் சிலர், 'இது உலகப் பிரச்சினை' என்று நழுவுகிறார்கள். இன்னும் சிலர், 'முதலாளிகளை அரசு பிணையெடுத்தால், வறுமை ஒழியும்' என்று வாதிடுகிறார்கள். வறுமையின் கொடுமையை உணராதவர்களிடம், வறுமை ஒழிப்பைப் பற்றிப் பேசுவது எவ்வளவு பெரிய அபத்தம். இன்னொருபுறம், கொரோனா வைரஸ் தான், வறுமையை உருவாக்கியது என்ற மாயையையும், எல்லோரும் சேர்ந்து உருவாக்குகிறார்கள். மொத்தத்தில், பிரச்சினையின் அடிப்படைகளை ஆராயாமல், 'மடைமாற்றும்' வேலைகள் வெற்றிகரமாக நடக்கின்றன. வறுமையும் அரசியலாகிறது; எதிர்வரும் தேர்தலுக்கான பயனுள்ள பிரசாரக் கருவியாகிறது. இன்று, இலங்கை எதிர்நோக்குகின்ற பிரச்சினைகளை, நேர்நிலையாக நின்று எதிர்கொண்டாக வேண்டும். அதற்குத் தகுதியான தலைமையோ, அரசியல் பண்பாடோ இல்லை; அதை வளர்த்தெடுப்பதற்கான மக்கள் இயக்கங்களும் இல்லை. இலங்கை அரசியலின் வங்குரோத்து நிலையின் உச்சபட்ச வெளிப்பாடே, இன்று நடக்கும் நிகழ்வுகள் ஆகும். இலங்கையில், கொரோனா வைரஸ் நோய்த் தொற்றாகவன்றி, அரசியல் ஆயுதமாகவே வலிமையுடன் வெளிப்படுகிறது. கொரோனா வைரஸ் தொற்று, இலங்கையின் உள்ளார்ந்த பிரச்சினைகளைப் பொது வெளிக்குக் கொண்டு வந்துள்ளது. நீண்டகாலமாக, மக்கள் நலன்சாரா அரசியல் பொருளாதாரத்தின் கோர விளைவுகளையே மக்கள், இன்று எதிர் நோக்குகிறார்கள். 1977இல் திறந்த பொருளாதாரக் கொள்கையை, இலங்கை அறிமுகப்படுத்தியது முதல், பொருளாதார ஏற்றத்தாழ்வுகள் அதிகரிக்கத் தொடங்கின. கடந்த பத்தாண்டுகளில், அவை உச்சம் தொட்டுள்ளன. கொரோனா வைரஸும் எமது வாழ்க்கை முறையையும் பொருளாதார முறையையும் கேள்விக்கு உள்ளாக்கியுள்ளது. கேள்வி கேட்காமல், போராடாமல் மக்களுக்கு எதுவும் கிடைக்காது என்ற உண்மையை, உரக்கச் சொல்லியுள்ளது. நாம் கேள்வி கேட்க வேண்டியது, இந்த அரசாங்கத்தை மட்டுமல்ல, மக்களைத் தொடர்ந்து பட்டினியாய் வைத்திருக்கும் பொருளாதார முறையையும் சேர்த்துத்தான். மக்கள் விழிப்படைவதற்கான இன்னொரு வாய்ப்பை, இந்தக் கொவிட்-19 தொற்று தந்துள்ளது. நாம் போராடாவிடின், கொரோனா வைரஸிடமிருந்து தப்பி, வறுமையால் இறப்பதைத் தடுக்க இயலாமல் போகலாம். http://www.tamilmirror.lk/சிறப்பு-கட்டுரைகள்/கொல்லாத-கொரோனா-வைரஸும்-கொன்ற-அரசாங்கமும்/91-251023
    • இருக்கிற ஆமியிட்டை படிச்சாலே ஆயிரம் பாடசாலைக்கு சமம்.🤣