காதலால் மட்டும் ..!

[அஞ்சரன்]

பேருந்து தரிப்பிடம் மெலிய குளிர் இரண்டு ஜோடிகள் அவள் இருக்கையில் இருதபடி வெறித்து பார்க்கிறாள் வேறு திசையில் ,அவன் நின்றுகொண்டு மறுதிசையில் ஒரு சிகரெட்டை பற்றி ஆழமா இழுத்து புகையை குளிரின் புகாருடன் சேர்த்து வெளியேறுகிறான் ..

 

சட்டென்று திரும்பியவன் அவளை நோக்க அவளே கண்டுக்காதவளா மறுக்க எழுந்து, தன பையில் இருந்து உருவி ஒரு சிகரெட்டை பற்றிக்கொண்டு பேருந்தை எதிர்பார்க்கிறாள் ..

 

வந்து நிக்கிறது பேருந்து அவள் கையில் இருந்த சிகரெட்டை காலில் போட்டு மிதித்து விட்டு ஏறுவதுக்கு தயாராக ,அவனோ அங்கயே நிக்கிறான் திரும்பி பார்த்தவள் தானும் நின்றுவிடுகிறாள் ..

 

திரும்பி வந்து அவளின் காதோரம் எதோ சொன்னவன் அவளின் கைகளை இறுக்கி பிடித்து, மறுகையால் இடையை வளைந்தபடி கொஞ்சலா அவளிடம் பேசும்போது அவளே கண்டுக்காமல் விலக நினைக்கிறாள் ..

 

இரண்டு முறை அவனை அவன் கைகளை தட்டி விட்டு போக எத்தனிக்கிறாள் ,என்ன நினைத்தானோ கோவமா விலக்கி விட்டு எதிர்திசையில் திரும்பி வேகமா ஒரு சிகரெட்டை எடுத்து தீயை மூட்டி தன் கோவத்தை தணிக்க நினைத்திருப்பான் போலும் ...

 

ஒரு நாலடி நடந்து போனவள் வேகமா திரும்பி வந்து அவனின் பின்னாடி கைகளை கோர்த்து தன்னுடன் சேர்த்து இறுக்கி கொண்டாள் ஓ ,அவர்கள் காதலர்கள் போலும் பின்னர் இருவரும் பேச முனைகையில் வார்த்தைகள் இல்லை என்று இல்லை ஏனெனில் அவனின் உதட்டை அவள் கடித்தபடி இருந்தால் எப்படி பேசுவான் அவன் ..

 

காதலுக்கும் காதலர்களுக்கும் மட்டுமே தெரிந்த வித்தை என்பேன் சின்ன சின்ன செல்லக்கோவம் .

 

[நிலாமதி]

 தொடரட்டும்  உங்கள்  ஆக்கங் கள்.  உங்கள்  முயற்சிகளுக்கு   பாராட்டுக்கள் 

[nedukkalapoovan]

இவருக்கு வீட்டில சரியான வரட்சி போல. வீதி வழிய நின்று என்னத்தை எல்லாம் விடுப்புப் பார்க்கிறார்..???!

[அஞ்சரன்]

நன்றி நிலாமதி அக்கா ......

 

அண்ணே  நெடுக்கர்  இப்படி  விடுப்பு  பார்ப்பதை  எல்லாம் தொடர்த்து  எழுத திட்டம் இருக்கு  எப்படி  வசதி  

[putthan]

கொஞ்சம் கிளு கிளுப்பான விடுப்புக்களை படக் படக் என்று எழுதி தள்ளுங்கோ நாங்கள் வாசிக்க இருக்கிறோம்....

[shanthy]

ஆதீனத்தின் சீடர்களுக்கு ஓலையொன்று அனுப்பியுள்ளேன். சேதாரங்கள் அறியத்தரப்படமாட்டாது அஞ்சரன்.

[அஞ்சரன்]

நன்றி வருகைக்கு அனைவருக்கும் நாளை ஒரு கதை போடுவம் 

[அஞ்சரன்]

முன்னிருக்கையில் இருந்தபடி  அடிக்கடி கண்ணாடி வழியா எட்டி எட்டி பார்த்தபடி இருந்தான் நான் என் தொலைபேசியை  தொல்லை கொடுத்தபடி அவனையும் கடைக்கண்ணால் பார்க்கிறேன் ,எல்லாம் ஒரு பயம் ரயிலில்  ஏறினா வெள்ளை எல்லாம் புத்தகம்  வாசிக்க  தொடங்கிடும்  ஆனால்  நாங்க மட்டும்  அப்பவும் போனை  நொண்டி  கொண்டு இருப்பம்  என்பதே வேறு .அதை விட  இந்த  முன்னாடி  இருந்தவன் அங்க  இங்க  வெருண்டு  பார்க்க  மனக்கு  கொஞ்ச  நடுக்கம்  என்ன  எல்லாம்  தீவிரவாதிகள்  பிரச்சினைதான்  அங்க  இருந்து  ஓடி  வந்து  இங்கின  புட்டுட்டு  போயிடுவம்  என்னும்  ஒரு மென்மையான  பயம் பாருங்கோ ...

 

 

சரி அப்படியே ஒரு ஐந்து  தரிப்பிடம்  பார்த்தவன் ஆறாவது தரிப்பிடம்  வர லேசா சிரிச்சான் யன்னலால்  பார்த்து  அப்பாடா என்ன  சிரிக்கிறான் வருத்தம்  கூடி  போயிட்டு  போல  என்று நமக்க  நினைக்க  வேகமா ஓடிவந்து  ஒரு  பெண்ணு ஹாய்டா  என்று கட்டி அனைத்து கொண்டாள்  ,அப்பா நமக்கு  இப்பத்தான் நிம்மதி கருமம் காதலிக்கு  காத்து இருந்திருக்கு  என்னையை  கொஞ்ச  நேரம் கலக்கடிச்சு  போட்டான் பயல் ,ஓகே இருவரும் பரஸ்பரம்  நலவிசாரிப்பு கைகளை  இறுக்கி பற்றியபடி முத்த பரிமாற்றம்  என்று அக்கம் பக்கம் நிக்கிறவன் வெட்கப்படும் அளவு ,விடுங்க காதல் அப்படித்தானே பின்னர் ஒரு ஆறு தரிப்பிடம்  கண்டது ஏழாவது  தரிப்பிடத்தில்  அவள் இறங்க இருவரும் கைகளும் பற்றி இதழ் முத்தம் இட்டு அவள் இறங்க மனம் இன்றி அவன் கரங்களை தழுவியபடி அவள் கரம் கதவுகள் மூடும்வரை லேசான  சோகப்பார்வை கண்களில் இழையோட இறங்கி நடக்கிறாள் ...

 

அவளை கண்ட சந்தோஷத்தில்  முத்தத்தின் இனிமைகளில்  இருந்து அவன் இன்னும் விடுபடாமல் உதட்டோர புன்னைகயுடன் தன் கைபேசியில் பாடலை தட்டி விட்டு காதுகளில் கொழுவி மெல்ல தலையசைத்து அவன் வானில் மிதக்கிறான் போலும் ,அப்பாடா இனி  நிம்மதியா இருக்கலாம் என்னும் பெரும் மூச்சுடன் நான் நேரத்தை பார்க்கிறேன் வேலையிடம் நெருங்குது .

 

ரயில் பயண கவனிப்பு .