Jump to content
  • advertisement_alt
  • advertisement_alt
  • advertisement_alt

என்னைக் கவர்ந்த முகப்புத்தக பதிவுகள்


Recommended Posts

  • Replies 689
  • Created
  • Last Reply

Top Posters In This Topic

Top Posters In This Topic

Popular Posts

மலரே மௌனமா ... என்ன குரல் வாவ்....  நீங்களும் கேட்டுப் பாருங்கள்.

கருணா கைது முதற் கொண்டு இலங்கையில் இன்று அரங்கேற்றப்பட்டுக் கொண்டிருக்கும் "அரசியல் ஆற்றுகைகளை" (Political Performances) அனைத்தையும் புரிந்து கொள்ள வேண்டுமாயின் எல்லாத்தையும் திரும்ப ஆரம்பத்தில் இருந்

வரும்கால விவசாயி.

திருமதி கமலினி செல்வராஜனும் கலையும்..!!!

தமிழ் - நாடகம், திரைப்படத் துறைகளில் திறமையான நடிகையாகவும் வானொலி, தொலைக்காட்சி ஒலி, ஒளிபரப்பாளராகவும் விளங்கிய கமலினி செல்வராஜன் அவர்களின் மறைவு, கலைத்துறைக்குப் பேரிழப்பாகும். 

இலங்கை ஒலிபரப்புக் கூட்டுத்தாபனத்தில் தனது அறிவிப்புப் பணியை ஆரம்பித்த அவர், பின்னர் ரூபவாகினி தொலைக்காட்சியில் ஒலிபரப்பாகி வந்த ஆயுபோவன் என்ற நிகழ்ச்சியை 1990 ஆம் ஆண்டு தமிழ் மொழியில் முதன் முதலில் நடத்திய பெருமைக்குரியவர்.

இலக்கியவாதியும், எழுத்தாளருமான தென்புலோலியூர் மு. கணபதிப்பிள்ளை, வயலின் கலைஞர் தனபாக்கியம் ஆகியோரின் மூத்த மகளான கமலினி, கொள்ளுப்பிட்டி சென். அந்தனீஸ் பாடசாலையில் பாலர் வகுப்பில் இணைந்து, பின்னர் பம்பலப்பிட்டி சென். கிளயர்ஸ் மகளிர் பாடசாலையில் உயர்தரம் வரை கல்வி கற்றார். பின்னர் களனிப் பல்கலைக்கழகத்தில் சேர்ந்து பட்டம் பெற்றார். 

தந்தை மு. கணபதிப்பிள்ளை - இலங்கை வானொலியில் இலக்கியப் பங்களிப்பு வழங்கியபோது, அவரது நண்பராக இருந்த கவிஞர் சில்லையூர் செல்வராசஜனைக் காதலித்துத் திருமணம் புரிந்து கொண்டார்.

மேலும், சில்லையூர் செல்வராசன் எழுதிய 'தணியாத தாகம்' வானொலித் தொடர் நாடகத்தில், குடும்பத்தின் இளைய மகளாக 'கமலி' பாத்திரத்தில் இவர் நடித்தார். இலங்கை வானொலியில் 'கலைக்கோலம்' முதலான சஞ்சிகை நிகழ்ச்சிகள் பலவற்றை தயாரித்து வழங்கியுள்ளார் .

ரூபவாஹினியில் ஒளிபரப்பான அருணா செல்லத்துரையின் நெறியாள்கையில், கே. எஸ். பாலச்சந்திரன் எழுதிய 'திருப்பங்கள்', எஸ். ராம்தாசின் 'எதிர்பாராதது', எஸ். எஸ். கணேசபிள்ளை எழுதிய 'சமூக சேவகி' போன்ற பல தொலைக்காட்சி நாடகங்களில் நடித்துப் புகழ் பெற்றார். கமலினி செல்வராஜன் ரூபவாஹினியிலும், ஐ.ரி. என். தொலைக்காட்சியிலும் பல நிகழ்ச்சிகளை தயாரித்து வழங்கினார்.

இலங்கையில் 1976 இல் தயாரிக்கப்பட்டு வெற்றி பெற்ற “கோமாளிகள்” திரைப்படத்தில் அவரது கணவர் சில்லையூர் செல்வராஜனின் காதலியாக கமலினி செல்வராஜன் நடித்தார். 

இலங்கை வானொலியில் ஒலிபரப்பப்பட்ட புகழ் பெற்ற “கோமாளிகள் கும்மாளம்” என்ற வானொலித்தொடர் நாடகமே கோமாளிகளாக திரைப்படமாக்கப்பட்டது. 

S. ராம்தாஸ், T. ராஜகோபால், S. செல்வசேகரன், B. H. அப்துல் ஹமீட், K. சந்திரசேகரன், சுப்புலட்சுமி காசிநாதன், ஆனந்தராணி பாலேந்திரா (இராசரத்தினம்), சில்லையூர் செல்வராஜன், கமலினி செல்வராஜன், K.A. ஜவாஹர் போன்ற பலர் அத் திரைப்படத்தில் நடித்தனர்.

ஏற்கனவே, வானொலி மூலம் பிரபலம் பெற்ற கலைஞர்களைக் கொண்டு இத்திரைப்படம் தயாரிக்கப்பட்டமை அத்திரைபடத்தின் வெற்றிக்கு முக்கிய பங்காற்றியது.

'ஆதர கதாவ" என்ற சிங்களத் திரைப்படத்திலும் தமிழ்ப் பெண்மணியாக கதாபாத்திரமேற்று கமலினி செல்வராஜன் நடித்தார் என்பதும் குறிப்பிடத்தக்கது.

அவர் பெற்ற விருதுகள் சில வருமாறு:

- நாட்டுக்கூத்துக்கு வழங்கிய பங்களிப்புக்காக கலாசார அமைச்சின் விருது (1995)

- கொழும்பு றோயல் கல்லூரி நாடகத் துறைக்காக ஆற்றிய பங்களிப்புக்காக கொழும்பு றோயல் கல்லூரியின் விருது (2008)

- நோர்வே கலை மன்றம் நாட்டுக்கூத்து பாரம்பரியத்தை பேணி வளர்ப்பதில் காட்டிய ஆர்வத்திற்கான கெளரவ விருது (2010)

- 35 ஆண்டு கலைச் சேவையைப் பாராட்டி கொழும்பு விவேகானந்தா சபை மண்டபத்தில் இளைஞர் நற்பணி மன்றம் விருது

1995 ஆம் ஆண்டில், கணவர் செல்வராசனின் இறப்பை அடுத்து இவர் கொழும்பில் தனது மகன் அதிசயனுடன் வசித்து வந்தார். 

இந்த நிலையில், கடந்த சில ஆண்டுகளாக டிமென்ஷா என்ற மறதி நோய்க்கு உட்பட்ட அவர், சுகயீனமுற்ற நிலையில் 2015 ஏப்ரல் 7 ஆம் திகதி அன்று கொழும்பில் காலமானார்.

அன்னாரின் இழப்பால் துயருறும் குடும்பத்தார், நண்பர்கள் அபிமானிகள், அனைவருடனும் நாமும் பங்கெடுக்கின்றோம்.

தமிழ் மொழிக்கும், தமிழ் வானொலி / தொலைக்காட்சி மற்றும் கலைத்துறைக்கும் அவர் ஆற்றிய அரும்பணி என்றும் போற்றுதற்குரியது.

அன்னாரின் ஆத்மா அமைதியாக உறங்கட்டும்...!!!

- நினைவுப் பகிர்வு : உதயன் எஸ். பிள்ளை -

— with Kavitha Uthayan.

Link to post
Share on other sites
  • கருத்துக்கள உறுப்பினர்கள்

Facebook

[#வசீகரா என் நெஞ்சினிக்க எனும் இனிமையான பாடலினை தன் நாத இசை மூலம் மேலும் இனிக்கச் செய்து ரசிகர்களின் நெஞ்சங்களை கொள்ளை கொண்ட #குமரன்....... என்னவென்று சொல்ல....!!!! சொல்ல வார்த்தைகளே இல்லை.... நீங்களே பாருங்கள் பிடித்தால் #பகிருங்கள்...!!!]

 

 

Edited by Knowthyself
Link to post
Share on other sites
  • கருத்துக்கள உறுப்பினர்கள்

Facebook

[நாங்கள் யாழ்ப்பாணம்]

இப்படியும் சாகலாம் ..

 

  • Like 1
Link to post
Share on other sites
  • கருத்துக்கள உறவுகள்

C0j72ZgUQAA6DT4.jpg

பிறந்தநாள் வாழ்த்துக்கள் ஜஸ்டின் .....
அரசியலில் என்னைக் கவர்ந்த வெகு சொற்பமான  விரல் விட்டு எண்ணக் கூடிய நாயகர்களில் ஒருவர்......

 

 

Link to post
Share on other sites

உலகின் மிக உயரமான ஏஞ்சல் நீர்வீழ்ச்சி வெனிசூலாவில் உள்ளது

 

Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • Tell a friend

    Love கருத்துக்களம்? Tell a friend!
  • Topics

  • Posts

    • இந்த தகவல்களை ஏன் இராணுவம்/அரசு  தர வேண்டுமென்று எதிர்பார்க்கிறீர்கள்? இன்னும் தெரியாதா யார் இந்தக் கணக்கெல்லாம் எடுப்பதென்று? பல தடவை எழுதியாகி விட்டது, விளங்காமை என்பது உங்கள் ஆயுதம் என்பதை அறிவேன்! நியூயோர்க்கில் இரகசியமாக புதைக்கவில்லை! நகரின் மயானம் நிரம்பியதால், குப்பையைப் புதைக்க ஏற்கனவே பயன்படும் தீவில் புதைத்தனர். அதை ஆளில்லா விமானத்தில் இருந்து மீடியாக்கள் வீடியோ எடுத்ததால் ஏதோ இரகசியம் என்று நீங்க நினைத்து விட்டியள் போல (உங்கள் விளங்காமை தெரிந்ததால் அதொன்றும் ஆச்சரியமாக இல்லை!🤣) அடிப்படையில்: உங்களை விட புத்திசாலிகளான  யாழ் வாசகர்களை குறைத்து மதிப்பிடாமல் சரியான தகவல்களை பகிருங்கள்! இல்லையேல்  புத்தகம் எழுதி பீஸ் ஐம்பது பைசாவுக்கு விற்பது தான் சரி!😇
    • வாழ்த்திய அனைவருக்கும் பிந்திய நன்றிகள்  மன்னிக்கவேண்டும் திரியை காணவில்லை  இப்போதான் கண்ணில் படுகிறது 
    • நான் பெருமாளிசத்தைப் பின்பற்றாததால் நான் எழுதியது போய்ப்பார்க்காமலே எனக்கு மீளழைக்க கூடியதாக இருக்கும்!  ஆனால், எப்படித் தான் இப்படி அடிக்கடி முட்டாள் தனமாக எழுதி, நையாண்டி வாங்கினாலும் அப்படியே Stone wall Jackson மாதிரி நிக்கிறீங்க என்பது அதிசயம் தான்! ☺️ பாஞ்ச், Forbes என்றால் என்னவென்றே தெரியாமல் ஒரு பட்டியலைப் போட்டு மொக்கேனப் பட்ட அனுபவம் கூட உறைக்கவில்லையோ? அடுத்த தடவை எங்கிருந்து எடுத்தீர்கள்  என்று மூலம் எழுதும் போது "சி.ஐ.ஏ" இடமிருந்து என்று எழுதினால் யாழ் வாசகர்கள் போய் உறுதி செய்வதையாவது தடுக்கலாம்! பூச்சுத்தும் போது கூட நாசூக்காக சுத்த இயலா விட்டால் சுத்தவே கூடாது! மேலே நாதத்தைப் பாருங்கள் எவ்வளவு நாசூக்காக சுத்துகிறார்?
    • Sri Lanka borrowed billions of dollars from China for infrastructure when Rajapaksa’s brother Mahinda was the country’s leader from 2005 to 2015. Unable to service a $1.4bn loan to build a deep seaport, the country was forced to lease the port to a Chinese firm for 99 years in 2017. வடலி வளர்த்தவன் கள்ளு  குடிப்பான் என்பது வடலி வளர்த்து கள்ளு குடித்த தமிழருக்கு  ஞாபகத்தில் இருந்தால் இப்போதே ஆங்காங்கே வடலிகளிகளை  வளர்க்க வேண்டும் அது ஒன்றுதான் கள்ளுத்தரும். ஹிந்தியாவே ஏன் அமெரிக்காவே இனி சீனாவை எதிர்க்க ஒன்றும் இல்லை  சீனாவின் நகர்வுகள் அடுத்த 25 வருடம் நோக்கியது ஹிந்தியா அமெரிக்க நகர்வுகள்  ரவுடிசம் சார்ந்தது இனி இந்த பருப்பு எங்கு வேக போவதில்லை. சீனாவின் வளர்ச்சி உலக ஜனாநாயகத்துக்கு எதிராக அமையலாம்  ஆனால் இதுவரையில் அமெரிக்க ரவுடிசம் செய்த மனித படுகொலைகள்தான்  ஏராளம் அதை திருத்தி அமெரிக்கா இந்த உலகை தலைமை தங்கவேண்டும் என்ற  எதிர்பார்ப்பு எனக்கு மட்டும் அல்ல இன்னும் பலருக்கும் இருக்கலாம் ஆனால் அமேரிக்கா  மீண்டும் மீண்டும் பழைய பாணியில் தொடருவதுதான் சீனாவின் வெற்றி. சுடலை ஞானம் பெற்று இப்போது சில அரபு நாடுகளை இஸ்ரேல்லுடன் சேர்த்து ஒரு புதிய   பாதையை உருவாக்குகிறார்கள் ஆனாலும் இஸ்லாமியர்களின் அடி மனதில் இருக்கும் வலிகள்  நீங்க இன்னும் ஒரு நூற்றாண்டு தேவை ..... தவிர பலஸ்தீனத்துக்கு எதிரான மனித கொடூரம்  இப்போதும் இஸ்ரேலால் தொடரப்படுகிறது  ..இது நல்லுறவை பேணும் அரபு நாடுகளுக்கு மேலும்  சங்கடத்தை உண்டுபண்ணும் தவிர ஒரு நல்லுறவை ஒருபோதும் உருவாக்காது.  இங்கு கருத்து பகிர்பவர்கள் கவனத்தில் எடுக்க வேண்டியது தற்போதைய தொழிநுட்ப துறைக்கு  சீனாவை விலத்தி யாராலும் முன்னேற முடியாது என்ற அடிப்படைதான். நீங்கள் கையில் வைத்திருக்கும்  ஒவ்வரு நவீன தொழில்நுட்ப பொருட்களும்  ரேர் மாடேறியல்  Rare Material (அரிதான பொருள்) மூலம் உருவாகுபவை இது துரதிர்ஷ்ட வசமாக சீனாவிடம் மட்டுமே உண்டு. இதனால் அமெரிக்க சிலிகான் வலேக்கு Silicon Valley எக்காலத்திலும் சீனாவை  பகைக்க முடியாது. இது போதுமானது சந்திரனில் இருப்பதாக கூறுகிறார்கள் அங்கு மைனிங் செய்து  பூமிக்கு கொண்டுவருவத்துக்கு இன்னமும் 25 வருடங்கள் கூட ஆகலாம்.  ஆகவே போம்பே கொழும்பில் பொங்கினாலும்  சீனாவிடம் பம்மி கொண்டுதான் வாழவேண்டும் 
    • துமிந்தவுக்காக மனோ சறுக்கிய இடம் -புருஜோத்தமன் தங்கமயில் மனோ கணேசன், தன்னை ஓர் ‘அரசியல்வாதி’ என்று அழைப்பதைக் காட்டிலும், ‘மனித உரிமைப் போராளி’ என்று அடையாளப்படுத்துவதில் கவனமாக இருப்பவர்.    சட்டத்துக்கு முரணான கொலைகள், கடத்தல்கள், வலிந்து காணாமல் ஆக்கப்படுதல், கப்பம் கோரல் உள்ளிட்டவற்றுக்கு எதிராகக் கிட்டத்தட்ட இரண்டு தசாப்த காலமாகப் போராடி வந்திருக்கிறார். ஓர் அரசியல்வாதி, மக்களின் குரலாக ஒலிக்க வேண்டியது அவசியமானது. அதுவும், தான் சார்ந்திருக்கும் மக்களின் குரலாக, ஓங்கி ஒலிங்க வேண்டியது தவிர்க்க முடியாதது.  மனோ கணேசன் மக்களின் குரலாக, அநேக சந்தர்ப்பங்களில் செயற்பட்டிருக்கிறார்.  http://static2.tamilmirror.lk/assets/uploads/image_f79bb2fe94.jpg அதனால்தான், தன்னுடைய சொந்தக் கட்சியினராலும் சக வேட்பாளர்களாலும் உறவுகளாலும், தேர்தல் அரசியலில் கைவிடப்பட்ட சந்தர்ப்பங்களில் எல்லாம், தமிழ் பேசும் மக்கள் அவரைக் காப்பாற்றிக் கரை சேர்த்திருக்கிறார்கள். ஆனால், இன்றைக்கு, சேரக்கூடாத இடத்தில் சேர்ந்து, வஞ்சத்தில் வீழ்த்திருக்கிறார்.   அரசமைப்பின் 20ஆவது திருத்தச் சட்டமூலம் நிறைவேற்றப்படுவதற்கு முன்னராக, ஜனாதிபதி கோட்டாபய  ராஜபக்‌ஷ தலைமையில், ஆளுங்கட்சி எம். பிக்களில் கூட்டம் நடைபெற்றபோது, மரண தண்டனைக் கைதியான முன்னாள் எம்.பி துமிந்த சில்வாவுக்கு, பொதுமன்னிப்பு அளிக்க ஜனாதிபதியிடம் கோரும் மகஜரொன்று விநியோகிக்கப்பட்டு, நாடாளுமன்ற உறுப்பினர்களின் கையொப்பம் பெறப்பட்டது.    எனினும், கெஹலிய ரம்புக்வெல, மஹிந்த அமரவீர, விமல் வீரவங்ச, சுரேன் ராகவன் உள்ளிட்ட ஆளுங்கட்சி உறுப்பினர்கள் சிலர், மகஜரில் கையெழுத்திடவில்லை. ஆனால், எதிரணி எம்.பிக்களான மனோ கணேசன், பழனி திகாம்பரம் உள்ளிட்ட தமிழ் முற்போக்குக் கூட்டணியின் ஐந்து எம்.பிக்களும் கையெழுத்திட்டு இருக்கிறார்கள்.    துமிந்த சில்வாவுக்குப் பொதுமன்னிப்பு அளிக்கக் கோரிய, 150க்கும் மேற்பட்ட எம்.பிக்களின் கையெழுத்துடனான மகஜர் விவகாரம், ஊடகங்களில் வெளியானதும், மனோ கணேசன் தன்னுடைய நிலைப்பாட்டை அறிவிக்கும் ஊடக அறிக்கையொன்றை திங்கட்கிழமை (26) வெளியிட்டார்.  அந்த அறிக்கையின் பிரதி, அவரது ‘பேஸ்புக்’ பக்கத்திலும் வெளியிடப்பட்டது. ஆனாலும், அந்த அறிக்கைக்கான எதிர்வினை, தமிழ்ச் சூழலில் பெரியளவில் எழுந்ததை அடுத்து, அந்த அறிக்கையை ‘பேஸ்புக்’கில் இருந்து நீக்கிவிட்டார்.   முன்னாள் நாடாளுமன்ற உறுப்பினரான பாரத லக்‌ஷ்மன் பிரேமசந்திர உள்ளிட்டவர்கள் கொலை செய்யப்பட்ட சம்பவத்தில், துமிந்த சில்வா என்கிற முன்னாள் நாடாளுமன்ற உறுப்பினர், பிரதான குற்றவாளியாகத் தீர்ப்பளிக்கப்பட்டு, கடந்த ஐந்து ஆண்டுகளாக, மரண தண்டனைக் கைதியாகச் சிறையில் இருக்கிறார்.  துமிந்த சில்வா என்பவர், ராஜபக்‌ஷர்களின் முதல் ஆட்சிக் காலத்தில், அவர்களின் அம்பாகச் செயற்பட்டிருந்ததுடன் சட்டவிரோத நடவடிக்கைகளில் ஈடுபடுபவராகத் தொடர்ச்சியாக குற்றஞ்சாட்டப்பட்டு வந்தார். ஊடக பின்புலம், ஆட்சியாளரின் அனுசரணை உள்ளிட்ட விடயங்களால், குறுகிய காலத்தில் அரசியலிலும் மேலெழுந்தவர்.    பிரேமசந்திர கொலை தொடர்பில், அரசியல் மற்றும் சட்டவிரோதமான வர்த்தக நடவடிக்கைகள் தொடர்பிலான போட்டி (முன் விரோதம்) காரணம் என்கிற குற்றச்சாட்டுகள் இன்னமும் உண்டு. அப்படிப்பட்ட ஒருவருக்கு, பொதுமன்னிப்பு அளிக்கப்பட வேண்டும் என்றுதான், மனோ கணேசனும் அவரது அணியினரும் கையெழுத்து வைத்திருக்கிறார்கள்.   ராஜபக்‌ஷர்கள், மீண்டும் ஆட்சிக்கு வந்தால், ஜனாதிபதியின் பொதுமன்னிப்பின் கீழ், துமிந்த சில்வா விடுதலையாவார் என்பது, நீதிமன்றம் தண்டனை விதித்த காலத்திலேயே, அரசியல் அரங்கில் பேசப்பட்டது. அவரது ஊடகப் பின்புலம், அதற்காகக் கடுமையாக உழைத்தது. குறிப்பாக, கடந்த ஜனாதிபதித் தேர்தலிலும் பொதுத் தேர்தலிலும் ராஜபக்‌ஷர்களின் வெற்றி, பிரமாண்டமாக இருக்க வேண்டும் என்கிற இலக்கோடு இயங்கியதையும் கண்டோம். கிட்டத்தட்ட துமிந்த சில்வாவுக்கான பொது மன்னிப்பு என்பது, அவரது ஊடகப் பின்புலத்தினூடாக, ஒருவகையிலான இலஞ்சமாகத் திணிக்கப்பட்டதாகக் கொள்ள முடியும். “ராஜபக்‌ஷர்களினதும் அவரது அணியினரதும் வெற்றிக்காக உழைத்திருக்கிறோம். ஆகவே, துமிந்தவை விடுதலை செய்வது தவிர்க்க முடியாதது” என்று, ராஜபக்‌ஷர்களிடம் வலியுறுத்தப்படுகின்றது.   தேர்தல் அரசியலில், கொடுக்கல்- வாங்கல் என்பது பெரும் சாபக்கேடு. மக்களின் உரிமைகள், அடிப்படைத் தேவைகள் சார்ந்து உரையாடப்படவேண்டிய கட்டங்கள் எல்லாம் தவிர்க்கப்பட்டு, ஆட்சியதிகாரம் என்கிற ஒற்றை இலக்குக்குள் சுருங்கிவிட்ட பின்னர், கொடுக்கல்- வாங்கல் என்பது, ஓர் அத்தியாவசியக் கடமை போன்று மாறிவிட்டது. இந்தக் கொடுக்கல்- வாங்கல் என்பது, சகிக்கவே கூடாத அயோக்கியத்தனமாகும்.    துமிந்த சில்வாவின் விடுதலைக்காகக் கையெழுத்திட்ட ஆளுங்கட்சிக்காரர்கள், இந்தக் கொடுக்கல் -வாங்கல் பின்னணியுடன் இருந்திருக்கலாம். ஆனால், எதிரணியில் இருக்கும் மனோ கணேசன் போன்றவர்கள், இந்தக் கொடுக்கல்- வாங்கல் அரசியலுக்குள் எவ்வாறு உள்வர முடியும்?  ஜனநாயகமும் மனித உரிமைகளும் தனது இரு கண்களாக, நாளாந்தம் முழங்கும் அவர், துமிந்தவின் விடுதலைக்காக எப்படிப் பங்காளியானார்?   துமிந்தவின் விடுதலைக்கு, மனோ கணேசன் பங்காளியான விடயத்தை, “துமிந்த, கொலைக் குற்றத்தைப் புரியும் போது, மது போதையில் இருந்துள்ளார். ஐந்து ஆண்டுகள் சிறைத் தண்டனையை அனுபவித்துள்ளார். இளைஞர்கள் திருந்தி வாழ இடமளிக்க வேண்டும். அதன் நோக்கில், அவருக்குப் பொது மன்னிப்பு அளிக்கப்பட வேண்டும்....” என்கிற தோரணையில் நியாயப்படுத்தி இருக்கிறார்.   மனோ கணேசன், கடந்த ஆட்சிக் காலத்தில் தேசிய நல்லிணக்கம், கலந்துரையாடல்கள் அமைச்சராக இருந்தவர். அந்தக் காலப்பகுதியில் அவர், எத்தனை இளைஞர்களின் விடுதலை தொடர்பில், ஜனாதிபதியிடம் பொது மன்னிப்புச் சார்ந்த கோரிக்கைக் கடிதங்களைக் கையளித்திருக்கிறார் என்கிற கேள்வி எழுகிறது?    அதுவும், வழக்கு விசாரணைகள் ஏதுமின்றி, பல ஆண்டுகளாகச் சிறையில் வாடும் அரசியல் கைதிகளின் விடுதலைக்கான, அரசியல் பொறிமுறையொன்றை அமைப்பது சார்ந்து, முன்னெடுக்கப்பட்ட நடவடிக்கைகள் என்ன?    விடுதலையை வலியுறுத்தி, உண்ணாவிரதப் போராட்டம் இருக்கும் அரசியல் கைதிகளைச் சந்தித்து, வாக்குறுதிகளை வழங்கி, போராட்டத்தை முடித்து வைத்ததைத் தாண்டி, அவர்களின் விடுதலையைச் சாத்தியப்படுத்திய சந்தர்ப்பங்கள் உண்டா?    வழக்கு விசாரணைகள் ஏதுமின்றி, பல ஆண்டுகளாகச் சிறையில் வாடும் அரசியல் கைதிகளும், குற்றம் நிரூபிக்கப்பட்டு தண்டனை விதிக்கப்பட்ட துமிந்த சில்வாவும் ஒரே நிலையில் உள்ளவர்களா?    மது போதையில் குற்றமிழைத்தவர்கள், திருந்தி வாழச் சந்தர்ப்பம் வழங்கப்பட வேண்டும் என்கிற மனோ கணேசனின் நியாயத்தின் படி நோக்கினால், சிறைச்சாலைகளில் உள்ள அரைவாசிக்கும் மேற்பட்டவர்களை, மன்னித்து ஒரே நாளில் விடுதலை செய்ய வேண்டியிருக்குமே?   படுமோசமான முடிவுகளை என்ன என்னவோ காரணங்களுக்காக எடுத்துவிட்டு, அவற்றை நியாயப்படுத்துவதற்காக அரசியல்வாதிகள் அடிக்கும் கோமாளித்தனங்கள் வழக்கமானவைதான்.    ஆனால், மக்களின் மனங்களை அறிந்த அரசியல்வாதியாக, தைரியசாலியாக, நேர்மையாளனாகத் தன்னைத் தொடர்ச்சியாக முன்னிறுத்தும் மனோ கணேசன், துமிந்த சில்வா விடயத்தில் நடந்து கொண்டிருப்பதை ஏற்றுக்கொள்ளவே முடியாதது. அதுவும், அதை நியாயப்படுத்துவதற்கான காரணங்கள் கோமாளித்தனமானவை.   அரசமைப்பின் 20ஆவது திருத்தச் சட்டமூலத்துக்கு ஆதரவளித்துவிட்டார் என்று, அவரது கூட்டணி எம்.பியான அ. அரவிந்த குமாரை, உடனடியாக நீக்குவதற்கு மனோ கணேசன் உத்தரவிட்டிருக்கிறார். நிறைவேற்று அதிகாரம் என்கிற, ஜனநாயகத்தின் மீதான சம்மட்டி அடிக்கு எதிராக, தன்னையொரு ஜனநாயகப் போராளியாகவே காட்டியிருக்கிறார்.   ஆனால், நிறைவேற்று அதிகாரம் வழங்கும் ஜனாதிபதிக்கான அதிகாரத்தின் வழி வரும், ஜனாதிபதியின் பொது மன்னிப்பு என்கிற விடயத்தை, என்ன காரணத்தின் அடிப்படையில் துமிந்தவுக்காகக் கோருகிறார்? என்று, அவரது முன்னாள் சகாவான எம்.திலகராஜ் கேள்வியெழுப்பி இருக்கிறார்.   துமிந்த சில்வாவின் விடுதலைக்காக கையெழுத்திட்ட விடயமும் அதற்காக வெளியிட்ட அறிக்கையும், மனோ கணேசனின் அரசியல் வாழ்வில், பெருங்கறையாகக் கொள்ள முடியும். அத்தோடு, அந்த அறிக்கையை ‘பேஸ்புக்’கில் இருந்து நீக்கியமையானது, அவரது நேர்மையைக் கேள்விக்குள்ளாக்குகின்றது.    மனோ கணேசன், என்றைக்காவது ஒருநாள் மனம் திறக்க வேண்டும்; துமிந்த சில்வாவுக்காக, எங்கே சறுக்கினேன் என்பது தொடர்பில்!       http://www.tamilmirror.lk/சிறப்பு-கட்டுரைகள்/துமிந்தவுக்காக-மனோ-சறுக்கிய-இடம்/91-257668
×
×
  • Create New...

Important Information

By using this site, you agree to our Terms of Use.