பனி

[மெசொபொத்தேமியா சுமேரியர்]

 

இன்றுதான் எமது பகுதியில் முதல் முதல் குளிர் காலத்துக்கான பனிப்பொழிவு. அதுவும் கனடா சுவிஸ் யேர்மனி போல் இல்லாமல் கொஞ்சமாக.

 

காலையில் எழுந்து யன்னலைத் திறக்கும் போது பார்த்தால் எங்கும் வெண்மை நிறைந்து அழகாய்.

 

காலையில் வேலைக்குச் செல்வதற்கான தயார்படுத்தல்கள் முடிந்து சினோ தள்ளும் தூரிகையை எடுத்துக்கொண்டு காருக்குச் செல்கிறேன்.

 

பனியைப் பார்க்க ஆசையாகத்தான் இருக்கிறது. அள்ளி விளையாடலாமோ என எழும் ஆசையை அடக்கியபடி வடிவாக சுற்றிவரத் துடைத்துவிட்டு ரிமோட்டை அழுத்தினால் கார் திறக்குதில்லை. நல்ல குளிர் என்றால் மட்டும் கதவுகள் இறுகும். ஆனால் இன்று பனி பெய்திருந்தாலும் குளிர் அதிகம் இல்லையே என மீண்டும் மீண்டும் அழுத்தியபடி கதவை இழுத்துப் பார்க்கிறேன்.

 

அது என் கார். மிக்க நன்றி லேடி என் காரைத் துடைத்து விட்டதுக்கு என்று ஆங்கிலத்தில் கூறியபடி ஒரு போலந்துக்காரன் சிரித்தபடி பக்கத்து வீட்டிலிருந்து வருகிறான்.

 

எனக்குச் சிரிப்பையும் எரிச்சலையும் அடக்க முடியாமல் சொறி என்றுவிட்டுத் திரும்பிப் பார்க்கிறேன் பின்னால் எனது கார்.

 

நான் உதவி செய்கிறேன் என்று அவன் மீண்டும் சிரிக்க ரோசத்துடன் வேண்டாம் என்றுவிட்டு நானே துடைத்து காரில் ஏறி அமர்ந்தபின்தான் மனம் அமைதியாகிறது.

[இசைக்கலைஞன்]

போலந்துக்காரன் இப்ப கனவு டூயட்டுக்காக சுவிஸில் இருப்பான்..

[மெசொபொத்தேமியா சுமேரியர்]

நல்லாக் காண்பாங்கள் கனவு