Archived

This topic is now archived and is closed to further replies.

Athavan CH

1945 பிப்ரவரி 6: மக்களின் பாடகர் பிறந்த நாள்!

Recommended Posts

bob_marley_2302181f.jpg

 

ஒரே அன்புதான்! ஒரே இதயம்தான்!
 
ஒரே அன்புதான்! ஒரே இதயம்தான்!
 
ஒன்றாய் இணைவோம் நாம், சுகமே இனி நமக்கு.
 
குழந்தைகள் உரக்கச் சொல்கின்றன - ஒரே அன்பு!
 
குழந்தைகள் உரக்கச் சொல்கின்றன - ஒரே இதயம்!
 
குழந்தைகள் சொல்கின்றன: கடவுளுக்கு நன்றி கூறித் துதிப்போம்!
 
குழந்தைகள் சொல்கின்றன: ஒன்றாய் இணைவோம் நாம், சுகமே இனி நமக்கு.
 
 
நான் கேட்க விரும்புவதெல்லாம் ஒரே ஒரு கேள்விதான் (ஒரே இதயம்தான்)
 
தனது சொந்த நம்பிக்கைகளைக் காத்துக்கொள்ள
 
உலகையே காயப்படுத்திய
 
நம்பிக்கையிழந்த பாவிக்கு இந்த உலகத்தில் இடம் இருக்கிறதா?
 
 
ஒன்றாய் இணைவோம் நாம், சுகமே இனி நமக்கு
 
ஆதியில் இருந்ததுபோலவே (ஒரே அன்புதான்!)
 
இறுதியில் வருவதைப் போலவும்தான் (ஒரே இதயம்தான்!).
 
சரிதானே!
 
கடவுளுக்கு நன்றி சொல்லித் துதிப்போம்!
 
ஒன்றாய் இணைவோம் நாம், சுகமே இனி நமக்கு.
 
இன்னொரு விஷயம்!
 
 
ஒன்றாய் ஈடுபடுவோம் இந்தப் புனிதப் போரில் (ஒரே அன்புதான்!)
 
அவர் வரும்போது அழிவென்பது ஏது? (ஒரே பாடல்தான்!)
 
மீட்சியே அற்றுப்போனவர்கள்மீது இரக்கம் காட்டுங்கள்;
 
படைத்தவரிடமிருந்து ஒளிந்துகொள்ள முடியாது.
 
 
மனிதர்களே உங்களிடம் இறைஞ்சுகிறேன்! (ஒரே அன்புதான்!);
 
இறைவா, (ஒரே இதயம்தான்) ஊஊ…
 
பாப் மார்லியின் மிகவும் பிரபலமான ‘ஒன் லவ் ஒன் ஹார்ட்’ பாடலிலிருந்து…
 
பாப் மார்லி. ஏழ்மையான நாட்டில், எளிமையான பின்னணியில் வளர்ந்து, உலகின் மிகச் சிறந்த இசைக் கலைஞர்களில் ஒருவராக வளர்ந்தவர். கரீபியன் நாடுகளில் ஒன்றான ஜமைக்காவை விட்டுத் தாண்டாத ரெக்கே வகை இசையை உலகின் வரைபடத்தில் இடம்பெறச் செய்த மகா கலைஞர்.
 
ஜமைக்காவின் செயின்ட் ஆன் நகர் அருகில் உள்ள நைன் மைல் எனும் கிராமத்தில் 1945 பிப்ரவரி 6-ல் பிறந்தார். அவரது தந்தை நார்வல் சிங்ளேர் மார்லி வெள்ளையினத்தைச் சேர்ந்தவர். தேயிலைத் தோட்டத்தில் மேலாளராகப் பணிபுரிந்த 60 வயது நார்வல் 18 வயதான செடெல்லாவைக் காதலித்துத் திருமணம் செய்துகொண்டார். பாப் மார்லி பிறந்த சில நாட்களிலேயே மனைவியையும் மகனையும் விட்டுப் பிரிந்தார் நார்வல். வறுமையில் வளர்ந்த பாப் மார்லிக்கு, இசையின் மீது காதல் பிறந்தது. அவரது வகுப்புத் தோழன் ஓ’ரெலி லிவிங்ஸ்டனுடன் இணைந்து இசை கற்றுக்கொள்வது, பாடல்களை எழுதிப் பாடுவது என்று இசைபட வளர்ந்தார்.
 
நண்பர்களுடன் இணைந்து ‘வெய்லர்ஸ்’ என்னும் இசைக் குழுவை உருவாக்கினார். 1961-ல் லெஸ்லீ காங் எனும் இசைத்தயாரிப்பாளர் இவரது இசையில் ‘ஜட்ஜ்நாட்’ என்னும் இசைத் தொகுப்பைக் கொண்டுவந்தார். 1963-ல் வெளியான ‘சிம்மர்ஸ் டவுன்’ பாடல் அமெரிக்காவிலும் பிரபலமானது. ‘சோல் ரெபல்ஸ்’, ‘கேட்ச் எ ஃபயர்’, ‘எக்ஸோடஸ்’, ‘சர்வைவல்’என்று புகழ்பெற்ற ஆல்பங்களை வெளியிட்டார். உலகமெங்கும் அவருக்கு ரசிகர்கள் உருவானார்கள்.
 
கிட்டாரைக் கையில் ஏந்தி, உன்மத்தம் பிடித்தவர்போல் தலையை உயர்த்தி, கண்களை மூடிக்கொண்டு அவர் பாடுவதைப் பார்க்கும்போது, அடுத்தவர் வேதனையை உள்வாங்கிக்கொண்டு அவர்களுக்காகப் பிரார்த்திப்பதுபோல் இருக்கும். ஜமைக்கா மக்களை மிகவும் நேசித்தார் மார்லி. தேர்தல் காரணமாக மோதிக்கொண்ட ‘மக்கள் தேசியக் கட்சி’ மற்றும் ‘ஜமைக்கன் தொழிலாளர் கட்சி’தலைவர்களை ஒரே மேடையில் அழைத்து இசை நிகழ்ச்சி நடத்தினார்.
 
இருவரையும் கைகோக்கச் சொல்லியபடி அவர் ஆடிப்பாடியது ஜமைக்கா அரசியலில் மறக்கவே முடியாத நிகழ்வு. ‘ஒன் லவ்’ எனும் அந்தப் பாடலை, மில்லினியத்தின் பாடலாகப் பின்னாட்களில் பிபிசி தேர்ந்தெடுத்தது. ஜிம்பாப்வே விடுதலை அடைந்தபோது, அந்நாட்டில் இசை நிகழ்ச்சி நடத்தினார் மார்லி. அரசியல் பகையின் காரணமாக அவரைச் சுட்டுக்கொல்லவும் முயற்சி நடந்தது. புகழின் உச்சியில் இருந்த மார்லி, புற்றுநோய் தாக்கி தனது 36-வது வயதிலேயே மரணமடைந்தார். மக்களின் கலைஞராகவே வாழ்ந்து மறைந்த அந்த மேதைக்கு, 2001-ல் வாழ்நாள் சாதனையாளருக்கான கிராமி விருது வழங்கப்பட்டது. அவரது பிறந்த நாளை, தேசிய விடுமுறை தினமாகக் கொண்டாடுகிறது ஜமைக்கா!
 
- சரித்திரன்
 

Share this post


Link to post
Share on other sites








Share this post


Link to post
Share on other sites

  • Topics

  • Posts

    • அப்பா வீட்டில்  சட்ட திட்டம் போடுவது  குறைவு. அதை செய் இதை செய்யாதே என்று நச்சரிப்பது அரிதிலும் அரிது. இருப்பினும் சின்ன வயதிலிருந்து சில பழக்கங்களை வீட்டில்  நடைமுறைக்கு கொண்டு வந்திருந்தார். அதிலொன்று இருட்டியதுவும் புத்தகமும் கையுமாய் மேசையில் போய் குந்த வேண்டும்.   இலங்கை வானொலியில்  பின்னேர செய்தி முடிகிறபோது பெரும்பாலும் பகலை இரவு முழுவதுமாக விழுங்யிருக்கும். அதற்கு பிறகு விளையாட முடியாது. முகம் கழுவி  சாமி கும்பிட்ட  பிறகு புத்தகத்தோடு மேசைக்கு போக வேண்டும். இரவு சாப்பாடுவரை புத்தகத்தோடு இருக்கவேண்டும். என் பள்ளி காலங்கள் முழுவதும் இது வழக்கத்தில்   இருந்தது. படிக்கிற காலத்தில் இது நிறைய உதவியதாக என்னளவிலான எண்ணம்.   இங்கு கனடாவில் சமர் காலத்தில் இரவு ஒன்பது மணிக்கும் வெயில் எறிக்கிறது. வின்ரரில் நாலு மணிக்கே இருட்டி விடுகிறது. இதனால் என் பிள்ளைகளுக்கு நடைமுறை படுத்த முடியாமல் போய்விட்டது. வீட்டில் முடங்கிக் கிடக்கிற இந்த நாட்களாவது செய்து பார்போமென்றால் புது சிக்கல் வருகிறது. சின்னவளுக்கு ஆறு மணிக்கு வயித்து குத்து வருகிறது. அல்லது சொல்லி வைத்தால் போல் சரியாக ஆறு மணியாகிறபோது ஏதாவது ஒரு வருத்தம் வந்து சேர்வதாக சொல்கிறாள்.  இப்படியாக இதை அமுல் படுத்துவதில் இப்போதும் தோற்றே போகிறேன்.     வயதும் வகுப்பும் சரியாக நினைவில்லை.அப்போது  சித்தாந்தம் ஒன்றில் தொங்கிக்கொண்டிருந்தேன். அது சமயமும் சடங்கும் பொய்யென்றது. கடவுள் மறுப்பும் கலந்திருந்தது. சரியென பட்டது. சாமி கும்பிடுவதை நிறுத்திகொண்டேன். அப்பாவின் சின்ன வயது பழக்கமொன்று முதன் முதலாக கைவிட்டு போனது.       பொன்னரின் ஒரு பனை கள்ளுக்கு ஊருக்குள்  வாடிக்கையாளர் வட்டம் ஒன்று இருந்தது. அப்பாவும் ஆனந்தன அண்ணாவும் சில விடுமுறை நாட்களில் அங்கு போவதுண்டு. அங்கிருந்து வந்ததும் சேர்ந்து காட்ஸ்  விளையாடுவோம்.304 இல் சரியாக  கம்மாரசு அடிப்பது எப்போதும் திரில். கொஞ்சம் பிந்தினாலும் முந்தினாலும் ஆட்டம் கவிழும். கொஞசமும் அசர முடியாது.  வைத்து கொண்டு துரும்பால் வெட்டுவதில் ஆனந்தன் அண்ணா கில்லாடி. கண்டு பிடித்தால் பொன்னரின் கள்ளு செய்த வேலையென்று  தப்பித்துக் கொள்வார்.  அரசியலும்   ஆனந்தன் அண்ணாவின் பகிடியுமென அந்த இரவுகள்  குதூகலம் நிறைந்தவை. இன்றைக்கும் சின்ன வயது ஞாபகங்களில் தொலையாமல் இருப்பவை.     இரவுகள் எப்போதும் ஒரே மாதிரி அமைவதில்லை. மகாபொல காசு கைக்கு வருகிற பேராதனை இரவுகள் பெரும்பாலும் நீளும்.   சிலருக்கு லியோன்ஸ் ஸ்பெசலோடு  அது  முடிந்துவிடும். படிப்பு செலவுக்கு அரசாங்கம் தருகிற காசை சாப்பாட்டுக்கு செலவழிக்க கூச்சபடுகிறவர்  ஈரிகமவில் இருக்கிற  பாருக்கு போகலாம்.  எப்போதும் பிசியாக இருக்கிற அந்த குட்டி  பாரில் ராஜா என்கிற தனி ஆளே எல்லாமாக இருப்பான்.மேசையை துடைப்பது தேவைப்படுவதை  கொண்டு வந்து தருவது திரும்ப திரும்ப ஒன்றையே பேசுபவர் கதைகளை கேட்டது இப்படியாக  பம்பரமாக தனியொருவன்  சுழன்றபடி இயங்குவான்.  ராஜாவின் புண்ணியத்தில்  இருப்பதற்கு மூலையில் ஒரு மேசை கிடைக்கும்.  பிறகு ஒரு போத்திலும் சில  கிளாசும்  கொஞ்ச கடலையும் வந்து சேரும். கொஞ்சம் நேரம் செல்ல அரசியலும் இன்ன பிறவும் பேச்சில்  கலக்கும்.   இலங்கை இனப்பிரச்சனைக்கு தீர்வை காணும்வரை அந்த மேசையில்  யாரும் ஓயமாட்டார்கள். நல்ல வேளையாக  பக்கத்து மேசையில் இருப்பர்களுக்கு தமிழ் தெரியாமல் இருப்பதால் எந்த அசம்பாவிதமும்  நடப்பதில்லை . அப்படி ஏதேனும் சிக்கல் வந்தால் ராஜா ஓடி வருவான். கம்பஸ் கட்டிய என்று சமாளித்து பஸ் ஏத்தி விடுவான்.   அக்பருக்கு வந்து சேர இரவு பன்னிரண்டு  மணியை தாண்டி இருக்கும். ரூமுக்குள்  கச்சேரி தொடங்கும். ரேடியோவில் சினிமா பாடல் அதிரும். சிவமணிகள் மேசையில் திறமையை காட்டுவார்கள். மற்றவர்கள் sp யாகவும்  ஜெசுதாசாகவும் மாறுவார்கள். அந்த இரவு முடிகிற நேரம் யாருக்கும் தெரியாது.   இப்போது அப்பா இல்லை. கடவுள் இருக்கிறாரா இல்லையா தெரியாது. இரவுகள் முந்தியும் பிந்தியுமென்றாலும் இன்னும்  வருகிறது.     https://marumoli.com/?p=10946+  
    • அதெப்படி முடியும். கஸ்மீரின் சிறப்பு அந்தஸ்தை நீக்கினவர்கள் எப்படி இலங்கையை வற்புறுத்த முடியும். ☹️