கறுப்பி

கவிதை அந்தாதி

Recommended Posts

அறிவாயா...? என்

மனசை

புரிவாயா என்

ஆசைகளை

உணர்வாயா என்

உயிரை......

Share this post


Link to post
Share on other sites

உயிரை அரிகின்ற

பார்வை உனக்கு

யார் கொடுத்தது?

உளறித் திரிகின்றேன்

உருகாதோ உன்

நெஞ்சம்...?

அஞ்சுவது போல்

சில சமயம்

கொஞ்சுவது போல்

சில சமயம்

எனை மிஞ்சுவது போல்

சில சமயம்

எப்படி முடிகிறது

எல்லாம் உன்னால்...?

Share this post


Link to post
Share on other sites

உன்னால் என்னால்

முடியுமென எல்லாம்

அழியமுதல் என்

முன்னால் வா இறைவா

உன்னால் முடியுமென்று!

உண்ணாது உறங்காது

எரிக்கின்ற உடல்தனை

காத்திட இருளுக்கு

ஒளியாய் எரிகின்ற

தீயிலிருந்து எழுந்து

வா இறைவா! நீ

உயிர் கொடுத்து

படைத்திட்ட உயிரை

உயிரோடு காத்து

மீண்டும் உயிரோடு வாழவைக்க

உன்னால் தான் முடியுமென

எழுந்து வா இறைவா ஒளியாய்

எழுந்து வா இறைவா........

Edited by கஜந்தி

Share this post


Link to post
Share on other sites

இறைவா

மறைவா(ய்) இருக்கும்

தலைவா

ஒளியோ இருளோ

உன் நிறம் எதுவோ

தெரியேன்

பழியோ பாவமோ

நீ போட்ட பாதையில்

எவை எவை

வருமோ அறியேன்

நடக்கின்றேன் தனியே

தந்தை விரல் பற்றி

நடக்கும் சிறுவன் போல்

உன் விரல் தேடி

அலைகின்றேன்

பற்றுவேன் ஒருநாள்

பற்றிய பற்றுக்கள்

பட படவென

அறவே

Share this post


Link to post
Share on other sites

அறவே அறியேன்

மலர்மடி நாடும்

மன்னவன் சிரத்தோ

பிறந்தவிக்குரல் ஏனோ

இளமை மறையமுன்

எம்பிரானை அழைக்குதேனென்று

அறவேஅறியேன்

Share this post


Link to post
Share on other sites

அறியேன் அறிவானை

அறிந்தே அழைக்கின்றேன்

காளைகளின் கால்கள்

முதலைகளின் வாயில்

நாராயனா நீ எங்கே!

கல்விக் கூடங்களே

கலவிக் கூடங்களாய்

கவைவாணி நீ எங்கே!

பாஞ்சாலிகளின் ஆடைகள்

படுபாவிகளின் கைகளில்

கன்னா நீ எங்கே!

கலாச்சாரக் கட்டுகள் உடைத்து

கண்ணீர் வெள்ளம் வீதியெங்கும்

சிவனே நீ எங்கே!

அன்னையின்முன் கன்னியை

கடித்துக் குதறிய காடையர் கூட்டம்

இரத்தப் புஷ்பங்களுடன் விகாரை வாசலில்

நான் அறிவேன்

புத்தனே நீ இல்லை அங்கே!!!

Share this post


Link to post
Share on other sites

நன்றி சொல்லி இறைவனைத்

தேட நன்மை சொய்யவில்லை

நமக்கு! உண்மை சொல்லி நாம்

பாட உதவிக்கும் வரவில்லை

என்ன சொல்லி நான் தேட

கல்லாய் இருபவனைப் பார்த்து

எரிந்திடும் ஈழந்தை காத்திட

எம்மை விட சக்தி உண்டா

இவ் உலகில்

Share this post


Link to post
Share on other sites

இவ் உலகில்

எல்லாம் உண்டு

சாந்தியும்

சாந்தியைத் தேடும்

காந்தியும்

தவிர

எல்லாம் உண்டு!

Share this post


Link to post
Share on other sites

எல்லாம் உண்டு என!

எழுந்து நடந்தால்

சாந்தியுமில்லை காந்தியுமில்லை

காந்தி தந்த பாதையுமில்லை

உன்னை என்னை தவிர

உலகில் விட்டுச் சொல்ல

Share this post


Link to post
Share on other sites

தீக்குளித்த உயிர்கள் சில ,

சந்தித்தன கல்லறையில்

தமிழுக்காக விட்டுச்செல்ல

எம்மிடமிருந்த உயிரை தவிர

எதுவுமில்லை என்றதும்

மூலையில் கேட்டது .....

விசும்பும் பெண் குரல் ஒன்று ,

கயவர்கள் சூறையாடினர் ,

என் உயிரிலும்மேலான

கற்பையும் தான்,

Share this post


Link to post
Share on other sites

கற்பையும்தான் என்று

கதறிய கன்னியை கை வந்த அணைத்தது...

அம்மா என்று

திரும்பிய பெண்ணின் மனதே வெடித்தது..

பச்சிளங்குழந்தை

ஒரே ஒரு கையுடன்

தன் தாயில்லை அதுவென

கதறிய குழந்தையின்

கண்களைத்துடைக்க

எண்ணிய இளையவள் எதிரே..

ஏராளம்.. ஏராளம்...

தமிழே..தற்கொலை செய்யும்...

தமிழே ஈகம் செய்யும்..

தமிழே கொலையாகும்..

கல்லறைகள் மூச்சுமுட்டும்..

தமிழ் அழுகுரலால்..

தமிழனுக்கு மட்டும் அழுகை

இறந்தாலுமா

கூட வரும்?

Share this post


Link to post
Share on other sites

கூட வரும் கூட்டம்

கூடை நிறைப்

பூக்கள் கொண்டு வரும்!

கூடு விட்டுப்

போன பின்னால்

'பிணம்' எனும்

பெயரும் வரும்!

ஏடு எடுத்துப் படித்தும் என்ன

ஓடி ஓடி உழைத்தும் என்ன

மாடி வீட்டு மைனரானாலும் என்ன

கூடு கழட்டி உயிரார் பறந்த பின்

சூடு வாங்கி எரிந்து போகும் தேகம் - ஒரு

பிடிச் சாம்பலாகிப் போகும் பாவம்!

நிலையாமை தெரிந்தும்

ஏனிந்த அறியாமை

நான் இன்று போனால்

நீ நாளை வருவாய்!

நீயும் நானும்

பூமியின் விருந்தினர்

அனுமதி நீட்டிப்பு

என்ற கதையே

இங்கில்லை..!

அனுமதி இருக்கும் வரை

அனுபவி

'சக மனிதன்' என்கின்ற

அறிவு கடந்து

'சக பயணி' என்கின்ற

நாகரீகம் உனக்குள்ளே

பிரசவி

சண்டை ஏன்

நமக்குள்ளே

கெண்டை மீன்

பாய்கின்ற அழகில்

மனசெல்லாம்

சந்தோசம் கொள்ளாமல்

சண்டை ஏன் நமக்குள்ளே?

போடா போ

போகாத ஊருக்கு

நான் ஏன் சொல்வான்

வழி...?

Share this post


Link to post
Share on other sites

வழி வழியாய்

வழி தேடி!

கெதி கெதியாய்

அறிவுலகம் கெதியாய்

வளர்ந்தால்! வழியின்றி

வழி தேடி அழுகின்றது

நெஞ்சங்கள் அழிவால்..............

Share this post


Link to post
Share on other sites

அழிவால் சிதையுண்ட

அன்னை மண்ணை அணைத்திட

ஆசைதான்

அங்கிருக்கும் மிருகங்கள் கண்டு

அஞ்சுகிறேன் நான்

வஞ்சிகளின் முகங்களிலே

இரு வழி பாதைகள் ..அதுதான்

கண்ணீர் வழிந்த ரத்த கோடுகள்

படங்களில் கண்டு பதபதைத்து போகிறேன்

நான்............

என்று எம் மக்களுக்கு விடிவு

கஜந்தி மீண்டும் காண்பதில் மகிழ்ச்சி

Share this post


Link to post
Share on other sites

விடிவு தேடி நாம்

விழிந்தக் கொண்டதால்

எம்மை அழிந்துக் கொண்டே

திறவாக் கதவையும்

கொஞ்சம் திறந்து பார்க்குது

உலகு!! இன்னும் திறக்கும்

எம்மை பார்த்து! எழுந்த

உறுதி புரியும் போது!!

அந்த நிமிடவரை கசப்புதான்

எமக்கு கிடைக்கும் மருந்து.......

Share this post


Link to post
Share on other sites

மருந்துக்கும் வழியில்லை

மருத்துவரிடமும் மருந்தில்லை!

மாடுகளுடன் மானிடமும்

மந்தைகளாய் தெருவெங்கும்!

மாண்ட அன்னையின் நெஞ்சிலே

மழழை முலைதேடி முட்டுது!

கந்தகத்தால் காய்ந்த பூமியில்

கள்ளியும் பால் வற்றிக் காயுது!

ஆடாதொடைக் கருகில் ஆடுகள்- உடைந்து

ஆடும்தொடைகளுடன் ஏதிலிகள்!

என்று தீருமிக் கொடிய சோகம்

என்று மலருமெம் ஈழதேசம்!!!

Share this post


Link to post
Share on other sites

ஈழ தேசம்

இனியும் அழுவதா

தூர தேசம்

எல்லாம் துடித்து எழாதா?

ஆழ வேண்டிய மைந்தர்

நாம் இருக்க

அடிமை செய்ய வந்தவர்

தலை எடுக்க

சில நூறு கடவுள்களில்

ஒரு கடவுள் கண் திறிந்து

பார்க்காரோ?

சாபம் என்ன

வேண்டி வந்தோம்

சாவின் கை

எமைத் தொட்டணைக்க?

பாவம் ஐயா

தமிழர் வாழ்வு

காகம் கூட

சுதந்திரமாய்ப் பறக்குது

நாகம் கூட

தன் புற்றில் தானே உறங்குது

தமிழா உனக்கு மட்டும்

என்ன நடந்தது?

Share this post


Link to post
Share on other sites

என்ன நடந்தது

என்றெனக்குத் தெரியாது

முன்னம் போல்

முறுவல் இல்லை

முகத்தில்!

கன்னம் சிவந்து

காத தூரம் ஓடி மறையும்

காதல் இல்லை

நெஞ்சில்!

இன்னும் இளகிய

உன் சிந்தை

காணவில்லை

முன்னும் பின்னும்

அற்புதங்கள் காட்டும்

அழகுகவை போனதெங்கே

பிள்ளை?

விளங்காத கவி சொல்லும்

விரிகின்ற கண்களின்

ஒளி மறைந்ததும் என்ன?

பல நூறு துச்சாதனர்கள்

கூடி மான பங்கம்

செய்தது போல

அழகிழந்ததும் என்ன?

"ஈழம்" எனும் பேர்

தாங்கி நின்ற பெண்ணே

எப்போது துடைப்போம்

உன் துயர்?

Edited by kavi_ruban

Share this post


Link to post
Share on other sites

துயர்கள் நீங்க

துணிவுகள் பிறந்திட

துடைத்திடுவோம் இருகரம் நீட்டி

தாங்கொணா வலிகள்

தந்துவிட்ட மனஅலைச்சல்கள்

நிழலாய் தொடர்ந்திடும்

பிரதி பிம்பங்கள்

தீர்ந்திடுமா எம் வலிகள்

Share this post


Link to post
Share on other sites

வலிகள்

மனதில் கவலை

எழுதும் வரிகள்!

மொழிகள் பலவிருந்தும்

என்ன பயன்?

உன்கண்ணடி பட்டு

கண்ணாடி போல்

உடைந்த உள்ளத்தின்

வலி சொல்ல

எந்த வார்த்தையும்

அகப்படவில்லை!

என்னடி எனக்குள்

செய்தாய்?

ஓரடிக் கவிதையில்

ஔிந்திருக்கும்

அத்தனை அதிசயமும்

உன் ஓரங்குலப் புன்னகையில்!

ஈரடி இடைவெளி

இன்னும் எமக்குள் ஏன்?

தேனடி உன்னுதடு என்று

நான் உண்ணும்

காலமதும் எப்போது?

மானடி உன் விழியென்று

மயங்குவதும் எக்காலம்?

இரு கை திறந்து

காத்திருக்கிறேன்

பறந்து வருவது

உன் பொறுப்பு!

Share this post


Link to post
Share on other sites

கவி ரூபன் மீண்டும் காண்பதில் மிக்க மகிழ்ச்சி

Share this post


Link to post
Share on other sites

கவி ரூபன் மீண்டும் காண்பதில் மிக்க மகிழ்ச்சி

முனிவா் மகிழ்ச்சிப்பட சிலா் இருப்பது குறித்து எனக்கும் மகிழ்ச்சி...! நன்றிகள்...

Share this post


Link to post
Share on other sites

முனிவா் மகிழ்ச்சிப்பட சிலா் இருப்பது குறித்து எனக்கும் மகிழ்ச்சி...! நன்றிகள்...

:unsure::unsure:

உன் பொறுப்பு உன் பொறுப்பு

என்று சொல்லி நாங்கள்......உன்னை விட்டு

ஓடி வந்தோம் நாம்

நீ அடிப்பாய் நீ பிடிப்பாய் என்று

நினைத்தோம் நாம்

வந்த வழி மறந்து இன்பமுற்றோம் ....நாம்

அடிக்கு மேல் அடிவாங்கி அன்னை மண்ணில் ..நீ

எங்கள் பிள்ளைகள் யூனியில் உன்பிள்ளைகளோ போரினில்

எங்களுக்கு சண்டை வாரில்[bar]

உனக்கு சண்டை போரில்

இன்று பசியென்ற வார்த்தை அறியவில்லை நாம்

பசித்தாலும் பசியில்லை என்றாயே

எனக்காக என்றில்லாமல் எங்களுக்காக வாழ்ந்தாய்

எங்களுக்காக உன் செல்வங்களை இழந்து

உன்னையும் இழந்து விட்டோமே

என் தலைவா என் தலைவா

Edited by முனிவர் ஜீ

Share this post


Link to post
Share on other sites

தலைவா

உன் நுழைவாயில் வரை

காட்டிக் கொடுப்புகள்!

குள்ள நரிகளும்

ஆங்காங்கே ஊளையிட்டுத்

திரிந்தன...

தள்ளி நின்று

உற்று வேடிக்கை பார்த்து

பகைவன் தலையைக்

கிள்ளியெடுக்கையில்

துள்ளிக் குதித்து

"அள்ளியெடுத்து உனக்கொரு

முத்தம் கொடுப்பேனடா

என் தலைவா" என்று

இங்கிருந்து வீரம் பேசி

விடுதலை வேண்டி பேச்சிலும்

எழுத்திலும் வீரம் காட்டி

ஐயோ பாவம் அருமந்த உயிர்கள்

என்று உருகி...

"சீச்சீ..." எத்தனை சின்னத்தனம்

செய்தோம்!

உள்ளுக்குள் எங்கேயோ

ஒரு குற்றஉணா்வு

இன்னும் எனக்குள்!

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • Topics

  • Posts

    • பிடிக்காத மண உறவில் இருந்து விடுபடுவது மட்டுமல்ல விடுபடும் இருவருக்கும் தத்தம் எதிர்காலத் துணையைத் தேடும் உரிமை இருவருக்கும் உண்டு. இவர்கள் விடயத்தில் மணவாழ்வில் இருந்து விலகிய தனது கடந்தகால மனைவி( விலகிய பின்னர் இந்தச் சொற்பதமே தவறு) வேறு யாரையும் தெரிவு செய்து வாழ்ந்துவிடக்கூடாது என்பதே அடிப்படை ஆணவமாக இருக்கிறது. உண்மை என்ன என்பது எவருக்கும் தெரியாது ஆனால் சட்டப்படி விலகியவர்கள் தமக்கான வாழ்வை தெரிவு செய்வது நியாயமானதே... பிடித்தமில்லாத இருவர் சேர்ந்து வாழ முடியாது...அதில் ஒருவருக்குப் பிடிப்பிருந்து மற்றவருக்கு இல்லையென்றாலும் அதுதான் நிலை.... இன்று புலம் பெயர்ந்த நம்மவர்களை எடுத்துக் கொண்டால் பல வீடுகளில் துணைவனும் துணைவியும் தனித்தனி அறைகளில் வீட்டுக்குள்ளும்,..... வெளியே புறத்தோற்றத்தில் சமூகத்திற்கு ஒஞ்சி கணவன் மனைவியாகவும் தம்மைத்தாமே ஏமாற்றி வாழ்கிறார்கள். ஒவ்வாத திருமணங்களிலிருந்து விலகுவதும் தமக்கான எதிர்காலத்தை நிர்ணயிப்பதும் தற்சமயம் கனடாவில்  வாழும் இளையவர்களிடம் பரவலாக நிகழ்ந்து வருகின்றது. விகிதாசாரத்தில் அதிகமாகவே இருக்கிறது. என்னுடைய திருமண சேவையில் முதல் திருமணத்திற்கு விண்ணப்பிப்பவர்களைக்காட்டிலும் மறுவாழ்வுக்கு விண்ணப்பிப்பவர்களே அதிகமாக இருக்கின்றனர். ஆதலால் அவர்களுடைய கடந்த காலத்தை கேட்டும் விசாரித்தும் அறியவேண்டிய தேவை எனக்கு அதிகம் ஏற்படுகிறது. அநேகமானவை தாயகத்திலிருந்து திருமணம் செய்து இங்கு வந்த பின்னர் ஏதோ காரணம் உருவாக்கி பெண்கள் பிரிவதாகவும் அதன் பின்னர் அவர்கள் வேலை செய்து தமது கடந்த கால (திருமணத்திற்கு) முன்னராக தாம் காதலித்தவரை ஸ்பொன்சர் செய்து அழைப்பதாகவும் அதிக குற்றச்சாட்டுக்களை பெண்கள் மீது போட்டபடிதான் ஆண்பிள்ளைகளின் பெற்றோர் தம் மகனுக்கான வரனைத் தேடுகிறார்கள். இவ்விடயத்தில் உண்மைகள் இல்லாமலும் இல்லை.... வெளிநாட்டுக்கு வரும் சந்தர்ப்பத்திற்கு இலட்சக்கணக்கான பணத்தைச் செலவு செய்யாமல் சில பெண்கள் திருமணம் என்னும் பெயரில் ஒரு ஆணின் வாழ்வை கபாளீகரம் செய்துவிட்டு தன் துணையை அழைத்து வாழும்போது, கடந்த திருமணம் தனக்கு விபத்து என்று கூறி தட்டிக்கழித்துச் செல்லும் நிலையையும் கண்கூடாகப் பார்க்கநேர்கிறது. ஆக திருமணம் என்பது மலினப்பட்டுப்போகிறது. தாயகத்திலிருக்கும் பெற்றோரும் உள்ளூர் வரன்களைக்காட்டிலும் வெளிநாட்டு வரன்களையே அதிகம் விரும்புகிறார்கள்  உண்மையில் மகளுக்கு பிடிக்கிறதா என்று அவர்கள் சிந்திப்பதே இல்லை... மகளை ... அவளின் கனவுகளைக் காவு கொடுத்து தங்கள் குடும்பத்தை முன்னேற்றவே அரும்பாடுபடுகிறார்கள். வெளிநாட்டு மாப்பிள்ளை எத்தகைய பழக்கவழக்கம் உடையவர் என்று சிறிதும் கவலைப்படுவதே இல்லை. அதிகமான வெளிநாட்டு மணமக்கள் அதாவது இரு பாலரும் போதைக்கு அடிமையானவர்களாக இருக்கிறார்கள். ஏகப்பட்ட கனவுகளோடு வாழவரும் மணமகளுக்கு இங்கு வந்தபின்னரே உண்மைகள் மெல்ல மெல்லத் தெரிய வரும். உண்மைகள் தெரியும்போது காலம் கடந்திருக்கும். அதற்குப் பின்னான துயரம் என்பதும் ஏமாற்றம் என்பதும் மன அழுத்தத்தை உருவாக்கி தற்கொலை முயற்சிகள், அடிதடி வன்முறைகளாக வடிவம் கொள்ளும். விவாகரத்துகளும் எதிர்காலம் பற்றிய திண்டாடல்களும் சூழ இன்னொரு வாழ்வை தேடலாமா என்றும் ஏற்கனவே பட்டதே போதும் என்று முடக்கமும் பலர் வாழ்வில் நடந்தேறிக்கொண்டிருக்கும் ஒன்று. இந்த கொலை செய்தவருக்கும் , கொலை செய்யப்பட்டவருக்கும் இடையில் ஏதேனும்  ஏமாற்றம், துயரம் பிணைந்திருக்கலாம். விடுபட்டு சென்ற பின்னர் ஒருவரின் தனிமனித வாழ்வில் தலையிடவே கூடாது.. ஆனால் இவ்விடத்தில் ஆதிக்கவெறி , ஆணவம் ஆத்திரம் என பல்வகைப்பரிமாணங்களில் இச்சம்பவம் நிகழ்ந்திருக்கிறது. இன்று கொலை செய்யப்பட்ட பெண்ணை அவதூறு செய்யும் யாராகட்டும் இன்று கொலையாளி ஆகி நிற்கும் அந்த மனிதனுக்கு நல்வழிகாட்ட எண்ணினார்களா? கொலையாளி முன்பே அவளைக் கொல்லவேண்டும் என்று கறுவிக் கொண்டிருந்தார் என்று வெளிப்படுத்தும் எவரேனும்.... அந்தப் பையனை ஆற்றுப்படுத்த எண்ணவில்லையா?
    • அமெரிக்க அரசு தனது நட்பு நாடுகளுக்கு அவ்வாறான 'கேட்க்கும்' சேவையை வழங்கி வருகின்றது. இரண்டு வாரங்களுக்கு முன்னராக அவ்வாறான ஒரு தகவல் அடைப்படையில் கனடா நாட்டின் தேசிய காவல்துறையின் ஒரு உயர் அதிகாரி நாட்டின் இரகசியங்களை வேறு ஒரு நாட்டிற்கு கொடுத்தார் என குற்றம் சாட்டப்பட்டு கைதாகியுள்ளார். இவர் எந்த நாட்டிற்கு உளவு பார்த்தார் என கூறப்படவில்லை.    A senior RCMP official arrested in a case that sent shockwaves through Canada’s national security community on Friday was uncovered by U.S. authorities who tipped off Ottawa, a source told Global News. Cameron Ortis faces seven counts dating as far back as 2015, including breach of trust, communicating “special operational information,” and obtaining information in order to pass it to a “foreign entity.” The charges did not specify which foreign entity or what type of information, but a source said he had amassed “terabytes of information,” including a list of undercover operatives, when he was arrested in Ottawa on Thursday. https://globalnews.ca/news/5899146/senior-rcmp-arrested-charged/
    • 🥴 எனக்கு சிரிப்பை அடக்குறதா அழுகையை அடக்குறதா என்றே விளங்கேல்ல! "என்ன சட்டச் சிக்கல்?" எண்டு வேற கேக்கிறார் பாருங்களன் அப்பாவித் தனமா!  அது சரி, ஊரில சாதாரண உடையில் சிலர் இருக்கிறார்களாம். உங்களுக்கு யுனிபோம் வேற இருக்கா? கொடுமை சரவணா! 
    • உயிலும் நன்கொடையும்  பொதுவாக நன்கொடையாக கிடைக்கும் சொத்துக்கள் ஒரு குடும்பம் புலம்பெயர் தேசத்தில் பிரியும் பொழுது அது நூறு வீதம் அதற்கு உரித்தானவர்க்கே கிடைக்கும்.  நபர் அ ஒரு வீட்டை நன்கொடையாக பெறுகிறார். பத்து வருடங்கள் அந்த வீட்டில் வசித்து பின்னர் பிரிக்கிறார். இந்த பத்து வருடத்தில் எவ்வளவு பணம் அதிகரித்ததோ அதில் ஐம்பது வீதம் நபர் ஆக்கு செல்லும். நபர் அ  ஒரு குடியிருந்த, ஆனால் சொந்தமில்லாத வீட்டிக்கும் இது பொருந்தும்.  அதுபோன்று வீடல்லதா சொத்துக்களையும் நன்கொடையாக பெறலாம். நகைகள், கோடைகால வீடுகள் மற்றும் வேறு பெறுமதிமிக்க பொருட்கள்.     
    • ஒரு அரச உத்தியோக பெற்றோரின் மகனான எட் ஸ்னோடன் பற்றி அறிந்திருப்பீர்கள். இவருடன் விக்கி லீக்சின்  இணைக்கப்பட்டு செய்திகளும் வந்தன. இவர் தற்பொழுது உருசியாவில் வாழ்கிறார். அமெரிக்காவிற்கு வர முடியாத நிலை, காரணம் அமெரிக்காவின் மூன்றாம் தர உளவில் வேலைசெய்த இவரும் ஒரு 'விசில்' ஊதியவர்.  தான் வேலை செய்த என்.எஸ்.ஏ. அமைப்பானது சாதாரண அமெரிக்கர்களின் மீதும் உளவு பார்க்கின்றது என்பதை உறுதிப்படுத்தியமையே. இவர் இன்றும் கூறுவது, உங்கள் கணனியில் நீங்கள் உலகில் எங்கிருந்து அதை செய்தாலும் அதை இந்த அமெரிக்க அமைப்பும் செய்யும் வலிமை கொண்டது.  அமெரிக்க அரசு இவருக்கு புகலிடம் அளிக்க எண்ணும் அரசுகளை மிரட்டி வருகின்றது. ஸ்னோடன் அண்மையில் பிரான்ஸ் நாட்டடையும் புகலிடம் அளிக்க கேட்டிருப்பதாக செய்திகள் வந்தன,