• advertisement_alt
  • advertisement_alt
  • advertisement_alt

Archived

This topic is now archived and is closed to further replies.

வாத்தியார்

தமிழ் படிப்போம் தமிழ் படிப்போம் 4

Recommended Posts

 தமிழ்   படிப்போம் தமிழ் படிப்போம் 4

வணக்கம் வணக்கம் வணக்கம்

தமிழ்மொழி எத்தனை முறை படித்தாலும் கசக்காது.
ஒவ்வொருமுறை படிக்கும்போதும் நாங்கள் புதிதாக எதாவது கற்றுக்கொள்ளலாம்.
இன்றிலிருந்து நாலாவது பகுதி ஆரம்பிக்கின்றது.

இப்போது நாங்கள் விரிவாக ஆராய்ந்து படிக்க இருப்பது வினைச்சொற்கள்.
வினைச்சொற்கள் எப்போதும் ஒரு செயலை அல்லது தொழிலை அல்லது இயக்கத்தை  உணர்த்தி நிற்கும்.

அதாவது வினைச் சொற்கள் ஒரு பொருளின் இயக்கத்தை உணர்த்தி நிற்கும்என்றும் கூறலாம்.

அடுத்து வினைச்சொற்கள் காலத்தை உணர்த்தி நிற்கும்.

இந்த வினைச்சொற்கள் ஒருபோதும் வேற்றுமை உருபை ஏற்காது.
 வினைச்சொற்களின் இயல்புகள் இவை.

வினைச்சொற்களும் பலவகைப்படும்.

இயற்கையாக ஒரு பொருளை உணர்த்தி, படிப்பவர்களுக்கு இலகுவாக விளக்கம் தரும் சொல்லை  வினை இயற்சொல் என்பர்.
உதாரணமாக வந்தான், சிரித்தான், படித்தாள், பறந்தது என்னும் வினைச்சொற்கள் இலகுவாக எல்லோராலும் விளங்கக்கூடிய  சொற்கள் ஆகும்.

ஆனால் சில வினைச்சொற்களை எல்லோராலும் இலகுவில் விளங்கிக்கொள்ள முடியாது.

விளித்தான் என்பது ஒரு வினைச்சொல், இதன் பொருளை உடனடியாக எல்லோராலும் விளங்கிக்கொள்ள முடியுமா என்றால் இல்லையென்றே சொல்லலாம். ஆகவே பொருள் விளங்காதவர்கள் அதன் பொருள் விளங்கியவர்களைக் கேட்டு அறிந்து கொள்ளவேண்டும்.
விளித்தான் என்பதன் பொருள் அழைத்தான் என்பதாகும்.

அதேபோல புசித்தாள் என்பதும் ஒரு வினைச்சொல். இதன் பொருளும் எல்லோருக்கும் உடனே விளங்காது.அதன் பொருள் உண்டாள் என்பதேயாகும் .
இப்படி எல்லோராலும் உடனே விளங்கிக்கொள்ள முடியாத வினைச்சொல்லை வினைத் திரிசொல் என்பர்.

இந்த வினைத் திரிசொல் இரண்டு வகைப்படும்

1.ஒரு பொருள் குறிக்கும் பல வினைத் திரிசொல்

உதாரணம்
உணவை உண்டான்  என்பதற்குப்  பல வேறு வினைச் சொற்கள் உள்ளன.
அயின்றான்,மாந்தினான்,புசித்தான் என்பன அவையாகும்.
இவற்றையும் எல்லோராலும் எளிதா விளங்கிக்கொள்ள முடியாது.

2. பல பொருள் குறிக்கும் ஒரு வினைத் திரிசொல்

ஒரு வினைச் சொல் சில சந்தர்ப்பங்களில் பல பொருளை உணர்த்தி நிற்கும்.
உதாரணம் வரைந்தாள் என்ற வினைச்சொல்லுக்கு எழுதினாள், திருமணம் செய்தாள், மாற்றினாள், உறுதி செய்தாள் எனப் பொருட்கள் உள்ளன.


முற்றுப்பெற்ற வினைச் சொற்களை வினைமுற்று என்பர்.
உதாரணம்
வந்தான்,வருவான்,வருகின்றான்என்பன.

முற்றுப்பெறாத வினைச்சொற்களை வினையெச்சம் என்பர்.
உதாரணம் வந்து, சென்ற, வீழ்ந்த என்பன.

முதலில் வினைமுற்றுக்களைப்  பற்றிப் பார்ப்போம்




1.தெரிநிலை வினைமுற்று  
2.குறிப்பு வினைமுற்று  


வினை, குறிப்பு என்று தொல்காப்பியர் குறிப்பிட்ட இருவகை வினைச்சொற்களைப் பிற்கால இலக்கண ஆசிரியர்கள் முறையே தெரிநிலை வினை, குறிப்பு வினை என்று தெளிவாகக் குறிப்பிட்டுள்ளனர்.

 காலத்தை வெளிப்படையாகக் காட்டுவது தெரிநிலை வினைமுற்று .
உதாரணம்
நடந்தான், நடக்கின்றான், நடப்பான்  

பொருளை அல்லது பண்பை வெளிப்படுத்தும் பெயர்ச்சொற்களை ஆரம்பமாகக் கொண்டு தொழிலையும் காலத்தையும் வெளிப்படையாகக் காட்டாமல்  குறிப்பால்  காலத்தைக் காட்டும் வினைகளை
குறிப்பு வினைமுற்று  என்பர்.

உதாரணம்

 

அவன் இனியன் என்ற தொடரில் இனியன் என்பது வினைச்சொல். ஆனால் இங்கு காலமோ தொழிலோ வெளிப்படையாகத் தெரியவில்லை.
அவன் இனிய பண்பை உடையவனாக வாழ்ந்தான் , வாழ்கின்றான் வாழ்வான் எனக் குறிப்பால் மட்டுமே காலத்தைக் காட்டுகின்றன.

பொருளையோ பண்பையோ உணர்த்தாத குறிப்பு வினைகளும் உண்டு.
இலன்,  அல்லன்,  இலர் போன்றவை அதற்கு உதாரணம்.

வினைச் சொற்களை இன்னும் விரிவாக அடுத்த பகுதியில் படிப்போம். :D

Share this post


Link to post
Share on other sites

 தமிழ்   படிப்போம் தமிழ் படிப்போம் 4

வணக்கம் வணக்கம் வணக்கம்

1.தெரிநிலை வினைமுற்று  

2.குறிப்பு வினைமுற்று 

 

வணக்கம். உள்ளேன் ஐயா!

 

 

'முற்று' என ஏன் குறிக்கிறார்கள் ஐயா? :huh:

 

Share this post


Link to post
Share on other sites

முற்றுப்பெற்ற வினைச் சொற்களை வினைமுற்று என்பர்.

 

உதாரணம்
வந்தான்,வருவான்,வருகின்றான்என்பன.

முற்றுப்பெறாத வினைச்சொற்களை வினையெச்சம் என்பர்.
உதாரணம் வந்து, சென்ற, வீழ்ந்த என்பன.

முதலில் வினைமுற்றுக்களைப்  பற்றிப் பார்ப்போம்
 

Share this post


Link to post
Share on other sites

வணக்கம் ஐயா.. நானும் வந்துவிட்டேன்..! :D

வினைச்சொற்களில் திணை, பால், எண், இடம், காலம் என்று இருக்கே.. இவற்றையும் படிப்பிப்பீர்களா ஐயா?? :D

Share this post


Link to post
Share on other sites

பழையவர்கள் பலரைக் காணவில்லை. குழப்படி செய்யும் புதிய மாணவர்கள் வருகிறார்கள் போல. சகாரா எங்கே?வாரும் வகுப்புக்கு.

Share this post


Link to post
Share on other sites

வணக்கம் ஐயா.. நானும் வந்துவிட்டேன்..! :D

வினைச்சொற்களில் திணை, பால், எண், இடம், காலம் என்று இருக்கே.. இவற்றையும் படிப்பிப்பீர்களா ஐயா?? :D

 

திணை , பால், இடம் இல்லாமல் ஏதையா தமிழ்மொழி.

இருக்கு இருக்கு..  கட்டாயம் வரும் :D

 

Share this post


Link to post
Share on other sites

பழையவர்கள் பலரைக் காணவில்லை. குழப்படி செய்யும் புதிய மாணவர்கள் வருகிறார்கள் போல. சகாரா எங்கே?வாரும் வகுப்புக்கு.

 

இந்த வகுப்பில் புதிய மாணவர்களைப் பழைய மாணவர்கள்

பகிடி வதை செய்வது தடைசெய்யப்பட்டுள்ளது.

அப்படி ஏதும் நடந்தால் மேசை மீது முழங்காலில் நிற்க வேண்டும். :D:lol:

Share this post


Link to post
Share on other sites

இந்த வகுப்பில் புதிய மாணவர்களைப் பழைய மாணவர்கள்

பகிடி வதை செய்வது தடைசெய்யப்பட்டுள்ளது.

அப்படி ஏதும் நடந்தால் மேசை மீது முழங்காலில் நிற்க வேண்டும். :D:lol:

 

பெண்களுக்கு ஏதும் சலுகை உண்டா ???

 

Share this post


Link to post
Share on other sites

இந்த வகுப்பில் புதிய மாணவர்களைப் பழைய மாணவர்கள்

பகிடி வதை செய்வது தடைசெய்யப்பட்டுள்ளது.

அப்படி ஏதும் நடந்தால் மேசை மீது முழங்காலில் நிற்க வேண்டும். :D:lol:

 

முழங்கால் ஆபரேசன், செய்த முதியவர்களுக்கும்..... இந்த தண்டனை உண்டா... ஐயா ? :o  :D  :lol:

Share this post


Link to post
Share on other sites

வாத்தியார் ஏற்கனவே வீட்டுப்பாடம் செய்யேல்லை என்று நீங்கள் தலைமை ஆசிரியரிடம் அனுப்பியபோது அவர் என்னை முழங்காலில் நிற்கவைத்து தண்டனை கொடுத்தார் அதனால் என் முழங்கால்கள் இரண்டும் கருமை படர்ந்து காய்த்துப்போயுள்ளன. இமமுறை எங்கள் அழகு குலையாமல் வேறு ஏதாவது தண்டனை தாருங்கள்... சேர் எங்களால் பகிடி பண்ணாமல் இருக்கமுடியாதே...என்ன செய்ய?

 

Share this post


Link to post
Share on other sites

1.தெரிநிலை வினைமுற்று

 

காலத்தைத் தெளிவாகக் காட்டுவது தெரிநிலை வினைமுற்று என்று படித்தோம்.
இன்னும் சற்று ஆழமாக நோக்கினால் தெரிநிலை வினைமுற்று காலத்தை மட்டும் உணர்த்தாமல் செய்யப்படும் செயலின் பல முதல் நிலைகளைக் காட்டும்.

 

இந்த முதல் நிலைகள் எட்டுவகைப்படும்.

 

அதாவது உழவன்  வயலை உழுதான் என்ற தொடரில் உழுதான்  என்பது தெரிநிலை வினைமுற்று.

இங்கே
1.வினை
2. வினை முதல்
3. செயப்படுபொருள்
4.நிலம்
5. காலம்
6.கருவி
7.இன்னதற்கு
8. பயன்
ஆகிய எட்டு முதல் நிலைகளையும் உழுதான் என்ற வினை முற்றுக் காட்டி நிற்கின்றது.

எப்படி எனக் கேட்டால்
உழுதான் என்ற தெரிநிலை வினைமுற்றை கேள்விக்குள்ளாக்க வேண்டும்.

 

1. உழுதல் ஒரு செயல் அதாவது வினை
2.உழுபவன் யார்?  உழவன் -  செயலைச்  செய்பவன்-அதாவது  வினைமுதல்
3.என்ன செய்யப்படுகின்றது - மண் பதப்படுகின்றது இது செயப்படுபொருள்
4.எங்கே உழப்படுகின்றது ? வயலில்- இது நிலம்
5.  உழுதான் என்றால் இறந்த காலம் உழுவான் என்றால் எதிர்காலம் -காலம்  
6.  எதனால் உழுதான்?  கலப்பை அதற்கு உதவியாக எருதுகள் - ஆகவே கருவி
7.எதற்காக உழுதான் - பயிர் செய்வதற்காக உழுதான் - இன்னதற்காக
8. உழுவதால் என்ன பயன் - கூலி கிடைக்கும் அல்லது  வருமானம் கிடைக்கும் அதாவது  பயன்

 

இப்படி உழுதான் என்ற தெரிநிலை  வினைமுற்று பல விளக்கங்களைத் தருகின்றது.

ஆகவே உங்களுக்கு இப்போது தெரிநிலை வினைமுற்று எந்தளவிற்கு
ஒரு செயலை விளக்கமாக உணர்த்தி நிற்கும் என விளங்கியிருக்கும்
என நினைக்கின்றேன்.

 

 


 

Share this post


Link to post
Share on other sites
வணக்கம் வாத்தியார்,
இடம் பெயர்ந்து வந்தோர் பட்டியலில் இருந்து இன்னும் ஒரு புதிய மாணவன்.
கடைசி பென்ஜில் ஒரு இடம் கிடைத்திருக்கிறது, நன்றி.
வகுப்பை 'கட்' பண்ணாமல் வருவதற்கு முயற்சி செய்கிறேன்...
 
வந்த முதல் நாளே உங்களிடம் இரு கேள்விகள். (உதவிகள்)
 
1. புலம் பெயர்ந்த நாடுகளில் வசிக்கும் (தமிழ் பேச மாட்டாத) குழந்தைகள் அடிப்படையாக தெரிந்து வைத்து இருக்கவேண்டும் என நீங்கள் நினைக்கும் (தமிழ் மூலம் உரையாடல்) கேள்விகள் , பதில்கள் எவை? Basic Tamil.
உதாரணம் - உங்கள் பெயர் என்ன? நீங்கள் எந்த பாடசாலையில் படிக்கிறீர்கள்? உங்கள் அப்பா எங்கே வேலை செய்கிறார்? இன்று என்ன கிழமை?... 
(பரீ ட்சார்த்தமாக என் குழந்தைகளுக்கு இவற்றை சொல்லிதர நினைக்கிறேன்) உங்கள் உதவி தேவை.
 
2. இங்கு வளரும் தமிழ் பேச முடியாத குழந்தைகள் (அடிப்படையாக) தெரிந்து வைத்து இருக்க வேண்டிய சொற்கள், சொற்றொடர்கள் எவை?
உதாரணம் - பால், பாடசாலை, உறவு முறைகள், ...
 
என்னுடைய கேள்விகளுக்கு இந்த வகுப்பில் ஆர்வத்தோடு வந்து பயிலும் மூத்த மாணவர்களும் பதில் தராளாம் ... வாத்தியார் கோவிக்க மாட்டார்.
 
(வாத்தியார் உங்கள் வகுப்பை குழப்பியதாக நினைக்க வேண்டாம் தமிழ் பயில்வது சம்மந்தமான கேள்விகள் என்றபடியினாலும் நீங்கள் எங்கள் வாத்தியார் என்ற  உரிமையிலும் இங்கே இதை பதிந்துள்ளேன்)
 
  
 

Share this post


Link to post
Share on other sites

பெற்றோரே பிள்ளையுடன் தினமும் உரையாடுவதன் மூலம் தமிழைப் பயிற்றுவிக்கலாம். பிள்ளையுடன் சேர்ந்து ஒவ்வொன்றையும் செய்யும் போது அது எதுவானாலும் சரி தாயோ தந்தையோ பிள்ளையுடன் தமிழில் உரையாடுவது  முதல் பாடமாகிறது. வீட்டில் உள்ள பொருட்களை, அந்தப் பொருட்களுக்குரிய நிறங்களை, அதன் எண்ணிக்கையை என்று காட்சியுடன் நாம் அறிமுகம் செய்யும் போது அது பிள்ளையின் மனதில் இலகுவாகப் பதிந்து விடும். எடுத்துக்காட்டு மரக்கறிகள், பழங்கள், பொருட்கள், தளபாடங்கள், உணவுகள், செயல்கள், உறவுமுறை,  எல்லாமே பிள்ளையிடம் இலகுவாகச் சென்றடையக் கூடியன.

 

ஆரம்பத்தில் உயிர் எழுத்துக்கள் 12, மெய் எழுத்துக்கள் 18, அகரமேறிய உயிர்மெய் எழுத்துக்கள் 18, ஆய்த எழுத்து 1 - மொத்தம் 49 எழுத்துக்களை மாத்திரம் அறிந்திருந்தால் போதுமானது. இவற்றை மட்டும் தனித்தனியாகவோ அல்லது சேர்த்தோ அட்டவணையாகத் தயாரித்துப் பிள்ளையின் கண்முன்னே படும்படி வைத்தாலே அவை பிள்ளையின் மனதில் பதிந்துவிடும்.

 

முக்கியமாகப் பிள்ளைக்கு ஒரு சொல்லையோ அல்லது எழுத்தையோ அறிமுகம் செய்யும் போது சரியான பலுக்குதல் அவசியம்.

 

ஆரம்பத்தில் ட ப ம போன்ற இலகுவான எழுத்துக்களை அறிமுகம் செய்து படிப்படியாக மற்றைய சொற்களை அறிமுகப்படுத்தலாம். தமிழர் கல்வி மேம்பாட்டுப் பேரவையினரின் நூல்களை வாங்கிப் பயன்படுத்தினால் அவை உங்களுக்கு இலகுவாகவே வழிகாட்டக் கூடியது. 


வாத்தியார்! தெரிநிலை வினை முற்றை அறிந்து கொள்வதற்கு கட்டாயம் இந்த எட்டு நிலைகளையும் அறிந்திருக்கத்தான் வேண்டுமா ??

Share this post


Link to post
Share on other sites

வாத்தியார்! தெரிநிலை வினை முற்றை அறிந்து கொள்வதற்கு கட்டாயம் இந்த எட்டு நிலைகளையும் அறிந்திருக்கத்தான் வேண்டுமா ??

 

இல்லை, யாரும்  தெரிந்திருக்காவிட்டாலும்  தெரிநிலை வினைமுற்று அவைகளைக் காட்டி நிற்கும்

வகுப்பிற்கு வருகை தந்த தமிழ் சிறி அண்ணை, வல்வை அக்கா

(சரி முழங்கால் தண்டனை வாபஸ்)   :D

மற்றும் சசி அனைவருக்கும் வணக்கம்.

 

Share this post


Link to post
Share on other sites

இல்லை, யாரும்  தெரிந்திருக்காவிட்டாலும்  தெரிநிலை வினைமுற்று அவைகளைக் காட்டி நிற்கும்

வகுப்பிற்கு வருகை தந்த தமிழ் சிறி அண்ணை, வல்வை அக்கா

(சரி முழங்கால் தண்டனை வாபஸ்)   :D

மற்றும் சசி அனைவருக்கும் வணக்கம்.

 

 

நான் பாஞ் உள்ளேன் ஐயா....  :D

Share this post


Link to post
Share on other sites

வாபஸ்சை வாபஸ் வாங்குங்கோ வாத்தியார்,.. விசயம் புரியாமல் ஆபத்துக்களுடன் (பன்மை) விளையாடாதையுங்கோ...! பிறகு வருத்தப் படுவீங்கள்...!!!

Share this post


Link to post
Share on other sites

தொடருங்கோ, வாத்தியார்..

குறிப்பு வினைமுற்று பற்றிய விளக்கம் எப்பொழுது வரும்? :o

 

 

("ஸ்.ஆ..! வாத்தியார், பின் வாங்கிலிருந்து யாரோ நுள்ளுறாங்கள்..!!  யாரென்று கவனியுங்கள்." :( .)

Share this post


Link to post
Share on other sites

குறிப்பு வினைமுற்று

பொருளை அல்லது பண்பை வெளிப்படுத்தும் பெயர்ச்சொற்களை ஆரம்பமாகக் கொண்டு தொழிலையும் காலத்தையும் வெளிப்படையாகக் காட்டாமல்  குறிப்பால் காலத்தைக் காட்டும் வினைகளை
குறிப்பு வினைமுற்று  என அழைப்பர்  என முன்னர் படித்தோம்.

உதாரணமாக
 ஓவியன் இனியன் என்ற தொடரில் இனியன் என்ற சொல் குறிப்பு வினைமுற்றாகும். இங்கே காலம் வெளிப்படையாகத் தெரியவில்லை.
தொழிலும் தெரியவில்லை.இனிமை என்ற பண்பு தெரிகின்றது.

 

ஆனால் ஓவியன் ஒருகாலத்தில் இனியவனாக இருந்தான். அல்லது இப்போது இனிமையானவனாக இருக்கின்றான் அல்லது  இனிமேலும் இனிமையானவனாக   இருப்பான் என்று சற்றுப் பின்னர் எங்களால் விளங்கிக்கொள்ள முடிகின்றது. இப்படிச் செய்பவனை முன்னிறுத்தி மற்றையவற்றைக் குறிப்பால் உணர்த்துகின்றது.


இவை ஆறுவகையான பெயர்களின் அடிப்படையில் உருவாக்கப்படும்.

1. பொருட்பெயர்- அவன் அமுதன்
2. இடப்பெயர்-  முருகன் கதிர்காமத்தான்
3. காலப்பெயர்- வேலன்  கார்த்திகையான்
4. சினைப்பெயர்- தலைவன்  செங்கண்ணன்
5. பண்புப்பெயர்- எழிலன் இனியன்
6. தொழிற்பெயர்- கமல் நடிகன்

இவ்வாறு குறிப்பு வினைமுற்று ஆறு வகையான பெயர்களை முன்னிறுத்திப் பிறக்கின்றன.

Share this post


Link to post
Share on other sites

வினை தீர்ப்பவன் முருகன், வினை அறுப்பவன் வேலன் என்றுதான் சைவப்பள்ளிக்கூடத்தில் வாத்தியார் சொல்லித்தந்தவர். ஆனால் வாத்தியார்... நீங்கள் முருகவேலன் வினையை முற்றவைப்பதாகச் சொல்லித்தருகிறீர்கள். வினையை முற்றிப் பழுக்கவைத்தால் இனிக்குமா...??  :D  :lol:  

Share this post


Link to post
Share on other sites

வினை தீர்ப்பவன் முருகன், வினை அறுப்பவன் வேலன் என்றுதான் சைவப்பள்ளிக்கூடத்தில் வாத்தியார் சொல்லித்தந்தவர். ஆனால் வாத்தியார்... நீங்கள் முருகவேலன் வினையை முற்றவைப்பதாகச் சொல்லித்தருகிறீர்கள். வினையை முற்றிப் பழுக்கவைத்தால் இனிக்குமா...??  :D  :lol:  

 

பழுக்க வைச்சுப் பாக்கிறதுதானே பாஞ்ச

 

Share this post


Link to post
Share on other sites

பாஞ்ச்தான் வன்னியனை பிஞ்ச் பண்ணியிருக்கின்றார். அதுதான் இடக்கு முடக்காய் கேள்வி கேட்டு சமாளிக்கின்றார்...! :)

Share this post


Link to post
Share on other sites

எல்லோர் வரவிற்கும் நன்றியும் வணக்கமும் உரித்தாகுக


அடுத்து நாங்கள் படிக்க இருப்பது வியங்கோள் வினைமுற்று


வியங்கோள் வினைமுற்று

வினைமுற்றுக்களில் இன்னொன்று வியங்கோள் வினைமுற்று
இவை வாக்கியங்களில் நான்கு விதமாகப் பயன்படுத்தப்படுகின்றன.

 பொருள் ஒன்றை  
1)வாழ்த்தும் போதும்
2)திட்டும்போது

பொருள் ஒன்றிற்குக்
3)கட்டளையிடும் போதும்

எதாவதை யாரிடமாவது
4)வேண்டி அல்லது
யாசித்து நிற்கும் போதும்
வியங்கோள் வினைமுற்றை வாக்கியங்களில் பயன்படுத்தலாம்.

உதாரணமாக
மன்னன் வாழ்க
குடி உயர்க
தலைவன் வெல்க
என்ற தொடர்களில்  வாழ்க, உயர்க, வெல்க ஆகிய வியங்கோள் வினைமுற்றுக்கள் 

மன்னனையும் குடியையும் தலைவனையும் வாழ்த்தி நிற்கின்றன.

இதேபோல
வீழ்க, ஒழிக, அழிக போன்ற சொற்கள் திட்டுவதற்கு அல்லது

யாரையாவது வையும் போது பயன்படுத்தப்படுகின்றன.

உண்க , அமர்க ,வருக , அருந்துக , போன்ற சொற்கள்

யாருக்காவது கட்டளையிடும் போது பயன்படுத்தப்படுகின்றன.

தருக , புரிக , இடுக போன்ற சொற்கள் எதையாவது 

வேண்டி நிற்கும்போதும் பயன்படுத்தப்படுகின்றன.

ஆகவே வியங்கோள் வினைமுற்றுக்கள்
வாழ்த்தல், வைதல் , விதித்தல் , வேண்டுதல் என்ற நோக்கில்

வாக்கியங்களில் பயன்படுகின்றன.

 
 

Share this post


Link to post
Share on other sites

பாஞ்ச்தான் வன்னியனை பிஞ்ச் பண்ணியிருக்கின்றார். அதுதான் இடக்கு முடக்காய் கேள்வி கேட்டு சமாளிக்கின்றார்...! :)

 

'விநாயகனே வினை தீர்ப்பவனே!' சுவி, நீங்கள் வாத்தியாரையும் தெய்வத்திற்குச் சமமாக மதிக்கவேண்டும். வாத்தியாரும் எங்கள் வினைதீர்க்கவே வினைபற்றிப் பாடம் நடத்துகிறார். குழப்படி கூடாது. கைகட்டி, வாய்பொத்திப் பக்குவமாக பக்தியோடு கேட்கவேண்டும். இல்லையென்றால் வகுப்புக்கு வெளியே வெயிலில் நிறுத்திவிடுவேன். நான்தான் மொனிற்றர். நினைவிருக்கட்டும். <_<  

Share this post


Link to post
Share on other sites

நான் வகுப்பில இருக்கிறன் வாத்தியார். ஆனால் என்னைக் கேள்வி மட்டும் கேட்டுவிடாதைங்கோ வாத்தியார்.

Share this post


Link to post
Share on other sites

வாத்தியார்... இஞ்ச பாருங்கோ....
என்ரை மேசையில, ஆரோ... "ஐ லவ் யூ"  என்று எழுதியிரிக்கினம்.

Share this post


Link to post
Share on other sites

  • Topics

  • Posts

    • கூட்டமைப்புக்கு வாக்களித்தால் கன்னியா போல கோணேஸ்வரமும் பறிபோகும் : விக்னேஸ்வரன் எச்சரிக்கை அரசாங்கத்திடம் அமைச்சுப் பதவிகளை பெற்றுக்கொள்ளப்போவதாக தமிழ் தேசிய கூட்டமைப்பின் பேச்சாளர் சுமந்திரன் அறிவித்துள்ளதாக ஊடகங்களில்  வெளியான செய்திகள் தொடர்பில் கடும் விமர்சனங்களை முன்வைத்திருக்கும் தமிழ் மக்கள் தேசிய கூட்டணியின் தலைவரும் வட மாகாண முன்னாள் முதலமைச்சருமான நீதியரசர் விக்னேஸ்வரன், சுமந்திரன் தனக்கும்  டக்ளஸ் தேவானந்தா, கருணா, பிள்ளையான் போன்றவர்களும் இடையில் ஏதேனும் வேறுபாடு இருந்தால் தெளிவுபடுத்த வேண்டும் என்றும் தெரிவித்திருக்கிறார். புத்தூரில் நேற்று சனிக்கிழமை மாலை நடைபெற்ற தேர்தல் கூட்டம் ஒன்றில் இவ்வாறு தெரிவித்த விக்னேஸ்வரன் ” தமிழ் தேசிய கூட்டமைப்புக்கு வாக்களித்தால் எதிர்கட்சி தலைவர் பதவிக்காக கன்னியா வென்னீரூற்றை பறி கொடுக்க முன்வந்தது போல் நாளை அமைச்சுப் பதவிகளுக்காக கோணேஸ்வரத்தையும் நல்லூரையும் பறி கொடுக்கத் தயங்க மாட்டார்கள் இவர்கள்” என்றும் கூறியிருக்கிறார். விக்னேஸ்வரன் அங்கு மேலும் பேசுகையில், அரசாங்கத்திடம் அமைச்சுப் பதவிகளை பெற்றுக்கொள்ளப்போவதாக தமிழ் தேசிய கூட்டமைப்பின் பேச்சாளர் திரு.சுமந்திரன் அவர்கள் அறிவித்துள்ளதாக வெளிவந்துள்ள ஊடக செய்திகள் எனக்குப் பெரும் அதிர்ச்சியை ஏற்படுத்தியுள்ளது. அவர் மிகவும் தெட்டத்தெளிவாக இதனைச் சொல்லியிருக்கின்றார். அத்துடன் தாம் அமைச்சுப் பதவிகளைப் பெறுவதற்கு தமிழ் மக்கள் தமக்கு ஆணை தரவேண்டும் என்று துணிந்து வெட்கம் இல்லாமல் கேட்டிருக்கின்றார். எமது தமிழ் மக்களை திரு.சுமந்திரன் அவர்கள் எந்தளவுக்கு முட்டாள்கள் என்றும், சுய கௌரவம் இல்லாதவர்கள் என்றும் ஏமாளிகள் என்றும் நினைக்கின்றார் என்பதையே இது எடுத்துக் காட்டுகின்றது. அத்துடன் முன்னைய ஆட்சியிலும் அமைச்சுப் பதவிகளை பெற்றிருந்திருக்க வேண்டும் என்ற கருத்தையும் அவர் கூறி இருக்கின்றார். இது எந்தளவுக்கு  சரணாகதி அரசியல் சிந்தனைக்குள்ளும் சலுகை அரசியல் சிந்தனைக்குள்ளும் கடந்த காலத்தில் தமிழ் தேசிய கூட்டமைப்பு செயற்பட்டிருக்கின்றது என்பதைத் தெட்டத் தெளிவாக எடுத்துக் காட்டுகின்றது. இதனால் எந்தளவுக்கு இனஅழிப்பு மற்றும் போர்குற்றங்களுக்கான சர்வதேச விசாரணை ஒன்று இடம்பெறுவதை தடுத்து நிறுத்தும் வகையிலும் கூட்டமைப்பு இதுகாறும் செயற்பட்டிருக்கின்றது என்பதையும் எடுத்துக் காட்டுகின்றது. அத்துடன் அத்தகைய ஒரு பெரும் துரோகத்துக்கும் காட்டிக்கொடுப்புக்கும் தமிழ் தேசிய கூட்டமைப்பு தயாராகிவருகின்றது என்பதை திரு. சுமந்திரன் அவர்களின் பேச்சு எடுத்துக் காட்டுகின்றது. அவர் அபிவிருத்திக்காக அமைச்சுப்பதவிகளைப்  பெறவேண்டும் என்று கூறுவது வெறும் முதலைக்கண்ணீர் வடிப்பதாகும். தமிழ் மக்களின் அபிவிருத்தி மற்றும் பொருளாதார அபிவிருத்தியில் உண்மையான அக்கறை இருந்திருந்தால் வட மாகாணசபை ஆட்சியில் இருந்தபோது முதலமைச்சர் நிதியத்தை ஏற்படுத்தி வெளிநாடுகளில் இருந்து நிதியைப் பெறுவதற்கு திரு.சம்பந்தனும் திரு.சுமந்திரனும் எனக்கு ஒத்துழைப்பு வழங்கி இருப்பர். முதலமைச்சர் நிதியத்தை நாம் பெற அவர்கள் எந்த விதத்திலும் உதவி செய்யவில்லை. மாறாக முறைமுக எதிர்ப்புக்களையே தெரிவித்து வந்தனர். திரு. சுமந்திரனின் கூற்றில் முரண்பாடு இருக்கிறது. இது எந்தளவுக்கு அவரின் கண்களை அமைச்சு பதவிகள் மறைக்கின்றன என்பதை எடுத்துக் காட்டுகின்றது. அதாவது அரசாங்கத்துடன் இணைந்து அமைச்சுப் பதவிகளை பெற்றமைக்காக திரு.ஜி. ஜி பொன்னம்பலம் அவர்கள் பின்னர் வருந்தியதாகத் தெரிவிக்கும் திரு.சுமந்திரன், தாங்கள் அமைச்சுப் பதவிகளைப் பெறப்போவதாகக் கூறுகின்றார். ஒரு பெரும் இனப்படுகொலையை நிகழ்த்திய அரசாங்கத்துக்கு எதிராக நிலத்திலும் புலத்திலும் எமது மக்கள் அல்லும் பகலும் போராடும்போது தம்மைக் காப்பாற்றும் வகையில் அமைச்சுப் பதவிகளைப் பெற்று அரசாங்கத்துடன் இணைவதற்கு எவ்வாறு திரு.சுமந்திரனுக்கு சிந்தனை தோன்றியதோ என்னால் புரிந்துகொள்ள முடியவில்லை. அரசாங்கத்துடன் இணைந்து அமைச்சுப் பதவிகளைப் பெற்று அமைச்சரவையில் அங்கம் வகித்து எவ்வாறு எமது மக்களுக்கான இன அழிப்புக்கு நீதி பெறுவார்கள் என்பதையும் எவ்வாறு பொறுப்புக்கூறல் பொறிமுறையை  ஐ. நா ஊடாக முன்னெடுப்பார் என்பதற்கான அவரின் திட்டத்தையும் எமது மக்கள் முன் திரு.சுமந்திரன் அவர்கள் வெளிப்படுத்த வேண்டும். அதாவது இன அழிப்புக்கு இனிமேல் நான் நீதி கேட்க மாட்டேன். பொறுப்புக்கூறல் பொறி முறையை நான் ஐ.நா ஊடாக முன்னெடுக்கமாட்டேன் என்று அவர் இனி வெளிப்படையாகக் கூறி எம் மக்களிடம் வாக்குக் கேட்க வேண்டும். கடந்த காலங்களில் டக்ளஸ் தேவானந்தா, கருணா, பிள்ளையான் போன்றவர்களும் அரசாங்கத்துடன் இணைந்து அமைச்சர்களாக இருந்தார்கள். ஆனால் அவர்களால் எதைச் சாதிக்க முடிந்தது? திரு.சுமந்திரன் மட்டும் அரசாங்கத்தில் அமைச்சர் ஆகினால் எமது மக்களின் அரசியல் பிரச்சனைகளைத் தீர்க்க போகின்றாறா? டக்ளஸ் தேவானந்தா, கருணா, பிள்ளையான்  ஆகியோருக்கும் திரு.சுமந்திரனுக்கும் இடையில் வித்தியாசம் இல்லை என்று இப்போது ஆகிவிட்டது. இதே டக்ளஸைத்தான் திரு.சுமந்திரன் முன்னைய காலங்களில் வெகுவாக விமர்சித்தார். அவரின் கட்சியினர் டக்ளஸை துரோகி என்றார்கள். இப்போது அவரின் கட்சி திரு. சுமந்திரன் பற்றி என்ன கூறப்போகின்றது? போராடாத எந்த இனமும் விடுதலை பெறப்போவதில்லை என்பது உலக நியதி. உண்மை அப்படி இருக்க, சலுகைகளுக்கும், பதவிகளுக்கும், சரணாகதி அரசியலுக்கும் எமது மக்களை மூளை சலவை செய்ய முயலுகின்றார் திரு.சுமந்திரன். ஆகவே, எனதருமை மக்களே, தமிழ் தேசிய கூட்டமைப்புக்கு வாக்களித்தால் எதிர்கட்சி தலைவர் பதவிக்காக கன்னியா வென்னீரூற்றை பறி கொடுக்க முன்வந்தது போல் நாளை அமைச்சுப் பதவிகளுக்காக கோணேஸ்வரத்தையும் நல்லூரையும் பறி கொடுக்கத் தயங்க மாட்டார்கள் இவர்கள். நீங்கள் தீர்க்கமான முடிவெடுக்கும் காலம் வந்துவிட்டது.  உங்களை சுற்றி ஒரு பெரும் சதிவலை பின்னப்பட்டு வருகின்றது. அதை முறியடித்து தமிழ் தேசியக் கூட்டமைப்பு ஒரு ஆசனம்  கூடப்  பெறமுடியாமல் செய்து ஒரு பெரும் வரலாற்றுத் தீர்ப்பினை நீங்கள் அக் கட்சிக்கு அளித்து அதர்மத்துக்கு சாவுமணி அடிக்கும் காலம் வந்துவிட்டது. தம்பி பிரபாகரன் ஒன்றிணைத்த ஐந்து கட்சித் தமிழ் தேசியக் கூட்டமைப்பு இப்போது குற்றுயிராகக் கிடக்கின்றது. அதனைக் கருணைக் கொலை செய்வது குற்றமில்லை என்பது என் கருத்து. வெறும் அரசியல் போட்டி காரணமாக நான் இந்தக் கருத்துக்களை வெளிக் கொண்டு வரவில்லை. வரலாற்றைப்  பாருங்கள். அந்த அனுபவத்தில் இருந்து உண்மையை உணர்ந்துகொள்ளுங்கள். திட்டமிட்டு எமது மக்களை இனஅழிப்பு செய்த ஒரு அரசாங்கத்திடம் இருந்து இந்த நாட்டில் இனப்பிரச்சினை என்ற ஒன்றே இல்லை என்று திட்டவட்டமாக கூறியுள்ள அரசாங்கத்திடம் இருந்து தமிழ் தேசிய கூட்டமைப்பு அமைச்சுக்களைப் பெறுவதால் எமக்கான அதிகாரத்தையோ, நீதியையோ அல்லது அபிவிருத்தியையோ அரசு தரும் என்று எதிர்பார்க்க முடியுமா? எதிர்க்கட்சித் தலைவர் பதவியை பெறுவதற்கும் இதேமாதிரியான கதைகளைத் தான் சொன்னார்கள். ஆனால், எதிர்க்கட்சித் தலைவர் பதவிக் காலத்தில் வாய் தவறி கூட எமது மக்களுக்கு ‘இன அழிப்பு’ நடந்தது என்று எங்கேயாவது கூறினார்களா? மாறாக, ஐ. நா மனித உரிமைகள் சபையில்  அரசாங்கத்தைப் பாதுகாப்பதற்கு மட்டுந் தான் அதனைப் பயன்படுத்தினார்கள்.ஏற்கனவே நாம் எமது காணிகளை இழந்துவிட்டோம். மேலும் காணிகள் பறிபோகின்றன. தமிழ்க் கைதிகள் தொடர்ந்து சிறையில் உள்ளார்கள். இராணுவத்தொகை இன்று வடக்கிலும் கிழக்கிலும் பெருகிவருகின்றது. பௌத்தமயமாக்கலும் சிங்கள மயமாக்கலும் சிங்களக் குடியேற்றங்களும் துரிதமாக நடந்து கொண்டிருக்கின்றது. இவர்கள் அமைச்சர்களாக வந்தால் தமது அமைச்சுக்களை காப்பாற்ற மௌன மடந்தைகளாக இருப்பார்கள். விரைவில் வடகிழக்கின் தமிழ் மக்கட் தொகை கூனிக் குறுகி விடும். ஆகவே இன்று என் மக்கள் முன் இந்த விடயத்தை அவசரமாகக் கூற வேண்டியிருந்ததால் இந்த விபரங்களை நான் உடனுக்குடனேயே பகிர்ந்து கொள்கின்றேன். நீங்கள் யாவரும் வரும் ஆகஸ்ட் 5ந் திகதி காலையிலேயே வாக்குச் சாவடிக்குச் சென்று மீன் சின்னத்திற்கு உங்கள் புள்ளடிகளை வைப்பீர்கள் என்ற நம்பிக்கையுடன் எனது சிற்றுரையை முடித்துக்கொள்கின்றேன்.     http://www.samakalam.com/செய்திகள்/கூட்டமைப்புக்கு-வாக்களி/
    • 5 வயது சிறுமியை வன்கொடுமைக்கு உட்படுத்தியவர் அடித்து கொலை! பாணந்துறை- மொரன்துட்டுவ பகுதியில் 5 வயது சிறுமியை வன்கொடுமைக்கு உட்படுத்தியவர் சிறுமியின் உறவினர்களாளேயே அடித்துக் கொல்லப்பட்டுள்ளார். நேற்று (சனிக்கிழமை) இடம்பெற்ற இந்த சம்பவத்தில் 45 வயதானவரே உயிரிழந்துள்ளார். சம்பவம் தொடர்பாக மேலும் தெரியவருவதாவது, சிறுமியின் பிறந்தநாளை முன்னிட்டு அவரது வீட்டிற்கு வருகை தந்த  சந்தேகநபர்,  அந்த சிறுமியை வன்கொடுமைக்கு உள்ளாக்கியுள்ளார். குறித்த சம்பவத்தை அறிந்த  சிறுமியின் தந்தை மற்றும்  மாமன்மார் சந்தேகநபரை கொட்டனால் அடித்து கொன்றுள்ளனர். இந்நிலையில் சம்பவம் தொடர்பான மேலதிக விசாரணைகளை பொலிஸார் முன்னெடுத்து வருகின்றனர். https://athavannews.com/5-வயது-சிறுமியை-பாலியல்-வன/
    • பிரபல பொலிவூட் நடிகர் அமிதாப் பச்சனுக்கும் அவரது மகனுக்கும் கொரோனா தொற்று! இந்தியாவின் பிரபல பொலிவூட் நடிகர் அமிதாப் பச்சனுக்கும் அவரது மகன் அபிஷேக் பச்சனுக்கும் கொரோனா வைரஸ் தொற்று இன்று (சனிக்கிழமை) உறுதிசெய்யப்பட்டுள்ளது. வைரஸ் தொற்று கண்டறியப்பட்டதையடுத்து இருவரும் மும்பை நானாவதி மருத்துவமனையில் அனுமதிக்கப்பட்டு சிகிச்சை பெற்று வருகின்றனர். அமிதாப் பச்சனுக்கு 77 வயதான நிலையில் சிகிச்சை பெற்றுவரும் அவருக்கு உடல்நிலை சிறப்பாக உள்ளதாக மகாராஷ்டிரா சுகாதார அமைச்சர் ராஜேஷ் டோப் தெரிவித்துள்ளார். இதேவேளை, இதுகுறித்து அமிதாப் பச்சன் ருவிற்றரில் தெரிவிக்கையில், “கொவிட்-19 பரிசோதனையில் எனக்கு வைரஸ் தொற்று இருப்பது உறுதிசெய்யப்பட்டுள்ளது. இந்நிலையில் எனது குடும்பத்தினரும் பரிசோதனைக்கு உட்படுத்தப்பட்டுள்ளனர். கடந்த 10 நாட்களில் எனக்கு நெருக்கமாக இருந்த அனைவருமே தயவுசெய்து தங்களை பரிசோதித்துக் கொள்ளுமாறு கேட்டுக்கொள்கிறேன்” என்று குறிப்பிட்டுள்ளார். https://athavannews.com/பிரபல-பொலிவூட்-நடிகர்-அம/
    • இதில் தரவுகள் கள ஆய்வுகள் என்று  என்ன இருக்கிறது கிருபன், நாமேதான் தரவுகள், நாமேதான் சாதிய  களத்தில் நிற்பவர்கள். இந்த சமூக வலிகளுக்கு வக்கீல்களும் நாங்கள்தான், நீதிபதிகளும் நாங்கள்தான், ஆனால் நியாயமான தீர்ப்பு மட்டும் ஒருபோதும் வராது. இங்கே  சாதியம் என்று சொல்லும்போது உயர் சாதியை சேர்ந்தவர்கள்தான் தாழ்ந்த ஜாதியை சேர்ந்தவர்களை கொடுமை படுத்துகிறார்கள்  மனதை உடைக்கிறார்கள் என்று அர்த்தமல்ல. மீன் பிடிப்பவரா இல்லை அவர்கள் பிடித்த மீனை வாங்கி விறபவர்களா உயர்ந்தவர்கள்  என்ற சாதி போராட்டம்.. குப்பை அள்ளுபவரா  ஆஸ்பத்திரிகளில் மனித கழிவுகளை அகற்றுபவரா  உயர்ந்த சாதி எனும் போராட்டம்.. துணி துவைப்பவரா மயிர் வெட்டுவரா  உயர்ந்தவர்  எனும் சாதி போராட்டம், மரமேறுபவரா மூட்டை சுமப்பவரா சாதியில் பெரியவர் என்ற போராட்டம்... சாதி போராட்டம் என்பது உயர்ந்த சாதிக்கும் தாழ்ந்த சாதிக்கும் இடையிலானதல்ல.. தாழ்ந்த சாதிக்கும் தாழ்ந்த சாதிக்கும் இடையிலான போரும் கூட.   புலம்பெயர் தேசத்தில் ஏறக்குறைய  பெற்றோர்கள் நினைத்தால்கூட  பிள்ளைகள் யாருடன் பழகவேண்டும் என்பதை அவர்களால் தீர்மானிக்க முடியாது. ஏறக்குறைய அவர்கள் விரும்பியவருடன் சாதியை கடந்து அல்ல நாடுகளை கடந்தே டேற்றிங் போகிறார்கள். இதன் தலைமுறை கடந்த தொடர்ச்சியாக  ஈழதமிழர் வழி வந்த வாரிசுகள் ஆபாச படங்களில்கூட நடிப்பார்கள். அதை தவறு என்று யாரும் சொன்னால் சட்டம் குற்றம் சொல்பவர்களை மட்டுமே தண்டிக்கும். அதைதான் வீதங்களில் ஒப்பிட்டு சொன்னேன்.. முத்தாய்ப்பா சொல்லவேண்டுமென்றால் சாதிய கொடுமை என்பது உயர்ந்த சாதி தாழந்த சாதி சம்பந்தப்பட்ட ஒரு விசயம் அல்ல, தாழ்ந்த சாதி தாழ்ந்த சாதிக்கும் இடையில் சம்பந்தப்பட்ட விசயம்கூட.
    • தென்னாபிரிக்காவில் தேவாலயமொன்றில் இடம்பெற்ற மோதல்: 5 பேர் உயிரிழப்பு! தென்னாபிரிக்காவின் ஜோகன்னஸ்பேர்க்கிற்கு அருகிலுள்ள பழங்கால தேவாலயத்தில் இடம்பெற்ற மோதலையடுத்து 5 பேர் உயிரிழந்துள்ளதாக அந்நாட்டு பொலிஸார் தெரிவித்துள்ளனர். குறித்த தேவாலயத்தில் இன்று (சனிக்கிழமை) காலை அங்கிருந்தவர்களை ஆயுதம் தாங்கிய குழுவினர் பணயக் கைதிகளாக பிடித்து வைத்திருந்த நிலையில் பொலிஸார் அழைக்கப்பட்டதைத் தொடர்ந்து இவ்வாறு தாக்குதல் நடத்தியவர்கள் கொல்லப்பட்டதாக பொலிஸார் குறிப்பிட்டுள்ளனர். குறித்த தேவாலயத்தின் தலைமை தொடர்பாக தொடர்ந்துவந்த பிரச்சினையின் ஒரு கட்டமாக ஏற்பட்ட இந்தச் சம்பவத்தில் தாக்குதல் நடத்த முனைந்த ஆண்கள் குழுவொன்றின் 40 பேரை கைதுசெய்துள்ளதாகவும் மேலும் 6 பேர் காயமடைந்துள்ளதாகவும் பொலிஸார் தரப்பில் தெரிவிக்கப்பட்டுள்ளது. அத்துடன், குறித்த குழுவினர் பணயக் கைதிகளாக பிடித்து வைத்திருந்த குழந்தைகள் உட்பட டசின் கணக்கானோரை பொலிஸார் மீட்டுள்ளனர். இதேவேளை, இந்தக் குழுவினரிடம் இருந்து பெருமளவான ஆயுதங்கள் கைப்பற்றப்பட்டுள்ளதாகவும் பொலிஸார் தெரிவித்துள்ளனர். சம்பவம் இடம்பெற்ற தேவாலயத்திற்கு சொத்துமதிப்பு அதிகம் உள்ளதாகவும் அதன் தலைவர் கடந்த 2016இல் இறந்ததிலிருந்து தேவாலய தலைமை தொடர்பான பிரச்சினை இருந்துவந்துள்ளதாகவும் 2018ஆம் ஆண்டில் உறுப்பினர்களிடையே துப்பாக்கிச் சூடு சம்பவம் இடம்பெற்றுள்ளமை பதிவாகியுள்ளதாகவும் தெரிவிக்கப்பட்டுள்ளது. https://athavannews.com/தென்னாபிரிக்காவில்-தேவா/