• advertisement_alt
  • advertisement_alt
  • advertisement_alt

Archived

This topic is now archived and is closed to further replies.

theeya

இது கவியல்ல நிஜம்

Recommended Posts

ithu_kavithaiyalla_620x620.jpg

வித்தகக் கவி நானென்று

       விண்டுரைக்க வரவில்லை

முத்திரைக் கவி நானெழுதி

       மூண்டெள முயலவில்லை

கொத்துக் கொத்தாய் எம்மவர்கள்

       செத்து விழுந்தபோதும்

தத்துவங்கள் பேசியிங்கே

       தரித்திரராய் வாழ்ந்திடுவோம்

 

மன்னுயிர் மண்மேல் வீழ்ந்து

       மடிந்திடும் நிலைதான் கண்டும்

என்னுயிர் பிழைத்தல் வேண்டி

       ஒதுங்கிநான் நிற்கக் கண்டு

முன்வாயிற் சொற்கள் சேர்ந்து

       முரண்டு பிடித்தெனைக்  கொல்ல

என்னுடல் நிமிர்ந்து நானும்

       ஏற்றந்தான் காண்பதெப்போ

 

சாப்பாடு இன்றியங்கே

       தமிழ்ச்சாதி சாகக்கண்டும்

காப்பீடு ஏதுமில்லாக்

       காரியங்கள் நாங்கள் செய்து

ஏற்பாடு ஏதும் இன்றி

       ஆர்ப்பரித்தே எழுந்திடாமல்

கூப்பாடு போட்டு இங்கே

       கும்மாளம் போட்டிருந்தோம்

 

வில்லில் இருந்து வெளிப்பட்ட

       அம்புபோலத் தமிழ்ச்

சொல்லில் வார்த்தெடுத்தென்

       ஆத்திரத்தைக் கொட்டி நல்லாய்

கல்லில் வடித்த சித்திரம் போல்

       கவியெழுதி வைத்திருக்க

நல்லில் சொற்கள் இவையென்று

       நவின்றதனைத் தூற்றிடுவர்

 

வெட்டிப் போட்டு எங்கள்

       தமிழ்ச்சாதி மரித்த போது

தட்டிக் கேட்டு அங்கே

       தடுத்தவர் யாருமில்லை

கொட்டித் தீர்த்து எந்தன்

       கவிவரியை நான்வடித்தால்

தட்டிக் கழித்த பின்னதனில்

       அரசியல் வாடை என்பர்.

 

மனக்கோலம் போட்டு நல்லாய்

       மாண்புடனே வாழ்ந்த போதும்

வனக்கோலம் பூண்ட பின்னர்

       வாழ்ந்ததெல்லாம் இழந்தபோதும்

தினக்கூலி வேலை செய்து

       உயிர் பிழைத்து வாழ்ந்த போதும்

மனப்பிரமை பிடித்து நாங்கள்

       மண்டியிட்டுப் போகவில்லை

 

அநியாயம் கண்டு எந்தன்

       பேணாமை கண்ணுதிர்த்தால்

இதுஞாயம் இல்லையென்றென்

       கவிவரியைக் கொய்யநிற்பர்

எதுஞாயம் என்றெனக்கு

       எதுவுமே தெரியாதா

புதுஞாயம் வேண்டாம் புவிமேலே

       நானும் மானிடந்தான்

 

தியா

 

நன்றி - http://www.panippookkal.com/ithazh/archives/5719

பனிப்பூக்கள்

Share this post


Link to post
Share on other sites

கொத்துக் கொத்தாய் எம்மவர்கள்

       செத்து விழுந்தபோதும்

தத்துவங்கள் பேசியிங்கே

       தரித்திரராய் வாழ்ந்திடுவோம்

 

சவுக்கு வீசும் கவிதை வரிகள்.  தொடருங்கள்.

Share this post


Link to post
Share on other sites

நன்றி சேயோன், உங்கள் கருத்துக்கும் வருகைக்கும் 

 

Share this post


Link to post
Share on other sites