Jump to content
  • Veeravanakkam
  • Veeravanakkam
  • Veeravanakkam

நான் ஏன் இந்துவாகினேன்? -மஹாதேவா தாஸ் (ஒரு ஜெர்மனியரின் உண்மைக்கதை )


Recommended Posts

  • கருத்துக்கள உறவுகள்

நான் ஏன் இந்துவாகினேன்? -மஹாதேவா தாஸ் (ஒரு ஜெர்மனியரின் உண்மைக்கதை )

[Thursday 2015-06-11 22:00]
germany-hindu-man-110615-seithy-380-001.

என்னுடைய இயற்பெயர் மேஸ் வோன். நான் ஜெர்மனியைச் சேர்ந்தவன். சிவபெருமானின் பேரருளால் என்னுள் நிறைந்திருந்த தமஸ்குணங்கள் நீக்கப்பட்டு, என்னுள் சத்வகுணங்கள் நிறைந்தன. அதைப் பற்றி உங்களோடு நான் பகிர்ந்து கொள்ள கடமைப்பட்டிருக்கிறேன்.

 

இப்போது என்னுடைய வாழ்க்கை சிறப்பாக உள்ளது. ஆனால், என்னுடைய கடந்த கால வாழ்க்கை மிகவும் வருத்தமான நிலையில் அமைந்திருந்தது. அர்த்தமே இல்லாது அறியாமையோடு என் காலங்களைக் கழித்திருந்தேன். கேளிக்கையும் கூத்தும் தான் வாழ்க்கை என்று நான் நினைத்து வாழ்ந்தேன்.

  

சுதந்திரம் என்பதை தவறாகப் புரிந்து கொண்டு, என்னை நானே ஏமாற்றிக் கொண்டேன். போதைப் பொருள்களுக்கு அடிமையாகினேன். அதை தொடர்ந்து நான் கைது செய்யப்பட்டு, ஓர் போதைப்பொருள் தடுப்பு மையத்தில் சேர்த்து விடப்பட்டேன்.

 

அந்த மையத்தில் தான் எனது வாழ்வின் ஒரு புது அத்தியாயம் துவங்கியது. அங்கு நிறைய பயிற்சிகளும் விழிப்புணர்வுகளும் தந்தனர். சில நேரங்களில் எனக்கு போதைப் பொருள்களை உண்பதற்கு கைகள் துடிக்கும்; உடம்பெல்லாம் மிகவும் பலவீனமாகும். ஒரு பைத்தியக்காரனைப் போல் தவிப்பேன். எனக்கு ஆறுதலாக யாருமே இல்லை என்று எண்ணி மிகவும் மனம் வருந்தினேன்.

 

germany-hindu-man-110615-seithy-com-001.

 

அந்த அமைப்பின் ஏற்பாட்டில் நான் யோகா பயிற்சிகளில் ஈடுபட்டேன். ஆரம்பத்தில் கடினமாக இருந்தது. எனினும் எனக்கு யோகா பயிற்சியில் ஆர்வம் ஏற்பட்டது. அதனை தொடர்ந்து தியானங்களையும் செய்ய துவங்கினேன். மூச்சுப் பயிற்சிகள் செய்ய ஆரம்பித்தேன். எல்லா சமயநூல்களையும் படிக்க ஆரம்பித்தேன். பைபிள், குரான் என்று படித்தேன். பகவத் கீதையையும் புராணங்களையும் படித்தேன்.

 

பின், ஆதிசங்கரர் வாழ்க்கையைப் பற்றி படித்தேன். ஸ்வாமி சிவானந்தாவின் வழித்தடங்களை பின்பற்றினேன். சிவபெருமானின் புகழைப் படித்தேன். வேறு எந்த மதமும் அளிக்காத முழு ஆன்மீகத்தையும் சனாதன தர்மம் எனக்கு அளித்தது. இத்தனை காலமும் என்னுள்ளே இருந்த இறைவனை நான் அறியாமல் நடந்து கொண்டதை எண்ணி வருந்தினேன்.

 

எனக்கு யோகா பயிற்சி அளித்த குரு, என்னிடம் ஒரு விஷயத்தைச் சொன்னார். உனக்கு துன்பம் நேரும் போதெல்லாம் உன் இறைவனை நினைத்துக் கொள். அவரின் பெயரையே சொல். நீ செய்யும் காரியங்களை எல்லாம் அவருக்காக செய்வதாகவே எண்ணிக் கொள் என்றார். இறைவன் என்றவுடன் என்னையே அறியாமல் மஹாதேவன் தான் என் கண் முன் தோன்றினார். எனக்கு எப்போதெல்லாம் போதைப்பொருளின் எண்ணம் வருமோ அப்போதெல்லாம் கண்களை மூடிக்கொண்டு ஓம் நமசிவாய ஓம் நமசிவாய என்று செப்புவேன். அப்படிதான் என் மனத்தை கட்டுப்படுத்த பழகினேன்.

 

ஆரம்பத்தில் இந்த போதை பழக்கத்தில் இருந்து விடுபெறவே நான் மஹாதேவரின் அருளை நாடினேன். காலப் போக்கில் தான், அவர் எப்போதும் என்னுள் தான் இருந்திருக்கிறார்; அதை இப்போது தான் நான் உணர்ந்தேன் என்பதை அறிந்தேன். தினமும் நான் வழிபாட்டின் மூலம் மஹாதேவரோடு பேசுகிறேன்; தியானத்தின் மூலம் அவர் பேசுவதை கேட்கிறேன். இதைவிட என் வாழ்க்கையின் வேறு என்ன வேண்டும்?

 

என் வாழ்க்கைக்கு அர்த்தம் தந்தது மஹாதேவர் தான். சுமார் 2 ஆண்டுகளுக்கு முன், நான் முழுமையாக குணமடைந்து வெளியேறினேன். எனக்கு இனி எந்த பொருளின் மீதும் மோகம் இல்லை. மீண்டும் நிலையற்ற பொருளின் மீது மோகம் கொண்டு, மீண்டும் என்னுள் இருக்கும் மஹாதேவரை நான் மறக்க விரும்பவில்லை. எப்படியெல்லாம் வாழலாம் என்பதை சனாதன தர்மம் எனக்கு கற்றுக் கொடுத்தது. வாழ்க்கையில் சறுக்கும் போதெல்லாம் தூக்கிவிட மஹாதேவர் இருக்கிறார்.

 

ஒரு காலத்தில் பாவங்கள் செய்து வாழ்ந்திருந்தாலும், என்னையும் திருத்தி நல்வழிக்குக் கொண்டு வந்தார். சிலவேளைகளில் நான் கடந்தகாலத்தை எண்ணி வருந்துவேன். அப்போது, நீ பாவியல்ல; நீ தெய்வீகமானவன் என்பதை முதலில் உணர்ந்து கொள். நீ பாவி என்று எண்ணும் எண்ணம் தான் உன்னை பலவீனமானவன் ஆக்குகின்றது என்று என்னுள் இருக்கும் மஹாதேவர் எனக்கு அடிக்கடி நினைவுறுத்துகிறார்.

 

என் குடும்பத்தினர் கிறிஸ்துவர்கள். என்னுடைய மாற்றங்களைக் கண்டு அவர்கள் மனம் மிகவும் பூரித்தனர். இன்று என் வீட்டிலே பூஜை அறை வைத்திருக்கிறேன். அங்கு கணபதி, மஹாதேவர், தேவி, ஸ்ரீ கிருஷ்ணர் ஆகிய அனைவரும் இருக்கின்றனர். தினமும் நான் அவர்களுக்கு மலர்கள் தூவி வழிபடுவேன்.

 

என்னுடைய குடும்பத்தினரும் நண்பர்களும் சனாதன தர்மத்தை ஏற்றுக் கொண்டனர். இன்று என்னுடைய வாழ்க்கை முறையான பாதையில் போகின்றது. மஹாதேவரை காணும் பாதையை நான் கண்டு கொண்டேன். ஒருவேளை நான் சுயநினைவுகளை இழந்து போனாலும் கூட, என் மஹாதேவரை நான் என்றுமே மறவாது இருக்க என் பெயரிலே அவரை சேர்த்துவிட்டேன்.

 

உடலுக்கு வலிமையை தர யோகாசனங்கள், மனத்திற்கு வலிமையை தர தியானம், ஆரோக்கியமான வாழ்விற்கு சாத்வீகமான உணவுமுறை, அனைத்திற்கும் மேலாக ஒரு தந்தையாய், நண்பராய் எப்போதும் என்னோடு இருக்கும் மஹாதேவர்....

 

உங்களிடம் நான் ஒன்றே ஒன்றை மட்டும் சொல்லிக் கொள்கிறேன். நீங்கள் மிகவும் அதிர்ஷ்டசாலிகள். ஏனென்றால், நீங்கள் பிறந்திருக்கும் இந்த சமயம், இவ்வுலகில் ஒவ்வொரு மனிதனும் நேசிப்பதற்கும் நேசிக்கப்படுவதற்கும் தோன்றியிருக்கிறான் என்பதை கற்று தருகின்றது. ஆகவே, இந்த உன்னதமான தத்துவத்தைப் போற்றி எல்லோரையும் சமமாக நேசியுங்கள்.

http://www.seithy.com/briefPuthinam.php?newsID=133860&category=Puthinam&language=tamil

Link to post
Share on other sites
  • கருத்துக்கள உறவுகள்

எல்லா மதமும் ஒரு சாதாரணனுக்கு ( அறிவுஜீவிகளுக்கு அல்ல)  நல்வழிதான் காட்டுகின்றன , ஆனால் அவனின் தலைக்குள் இருக்கும் மதம் அவற்றை உள்வாங்க  அனுமதிப்பதில்லை...! இவரிடம் மதம் அழிந்ததால் மனம் செம்மையாகியது.

Link to post
Share on other sites
  • கருத்துக்கள உறவுகள்

germany-hindu-man-110615-seithy-com-001.

 

 

நாலு பேருக்கு நல்லது செய் மனமே....

 

 

Link to post
Share on other sites
  • கருத்துக்கள உறவுகள்

உலகின் உன்னதமான ஒரு மதம் ' சைவம்' என்று நான் கருதுகின்றேன்!

 

அதை இந்துமதம் என அழைப்பதில் எனக்கு உடன்பாடில்லை!

 

சைவம் என்பது 'ஹரப்பா' காலத்து நாகரீகத்துடன் தொடர்புள்ளதாக இருந்திருக்க வேண்டும்.. அதன் 'திட்டமிடப்பட்டுக்' கொச்சைப்படுத்தப்பட்ட வடிவமே.. இந்து மதமாகும்!

 

இவர் வைத்திருக்கும் சிலையைப் போன்ற 'சிவன்' உருவம் எனது தியான அறையில் இப்போதும் உள்ளது! சரியாக இருபது ஆண்டுகளுக்கு முன்னர் அதை வாங்கினேன்!

 

திரிசூலம் என்பது வேத காலத்து உருத்திரனுடன் தொடர்பு பட்டதனால்... அதை மட்டும் பிரித்து எடுத்து விட்டேன்!

 

திரிசூலமில்லாத சிவனது உருவம்.. சாந்த வடிவமாக எனக்குத் தோன்றுகின்றது!

 

இணைப்புக்கு நன்றிகள், வாத்தியார்!

Link to post
Share on other sites
  • கருத்துக்கள உறவுகள்

உலகின் உன்னதமான ஒரு மதம் ' சைவம்' என்று நான் கருதுகின்றேன்!

 

அதை இந்துமதம் என அழைப்பதில் எனக்கு உடன்பாடில்லை!

 

சைவம் என்பது 'ஹரப்பா' காலத்து நாகரீகத்துடன் தொடர்புள்ளதாக இருந்திருக்க வேண்டும்.. அதன் 'திட்டமிடப்பட்டுக்' கொச்சைப்படுத்தப்பட்ட வடிவமே.. இந்து மதமாகும்!

 

இவர் வைத்திருக்கும் சிலையைப் போன்ற 'சிவன்' உருவம் எனது தியான அறையில் இப்போதும் உள்ளது! சரியாக இருபது ஆண்டுகளுக்கு முன்னர் அதை வாங்கினேன்!

 

திரிசூலம் என்பது வேத காலத்து உருத்திரனுடன் தொடர்பு பட்டதனால்... அதை மட்டும் பிரித்து எடுத்து விட்டேன்!

 

திரிசூலமில்லாத சிவனது உருவம்.. சாந்த வடிவமாக எனக்குத் தோன்றுகின்றது!

 

இணைப்புக்கு நன்றிகள், வாத்தியார்!

 

புங்கையூரனின் கருத்துடன், உடன் படுகின்றேன்.

இப்படியான சிலைகளை.... இந்தியாவை விட, சீனாவில்... வலு நேர்த்தியாக தயாரிக்கின்றார்கள். :D

Link to post
Share on other sites
  • கருத்துக்கள உறவுகள்

சைவம் ஒரு சனாதன தர்மமாகத்தான் தனிப் பெயர் இன்றி இருந்தது. அடுத்ததாய் ஒரு மதம் வந்தபோதுதான் அதைப் பிரித்துக் காட்ட ஒரு பெயர் அவசியமாகின்றது, அதையும் அந்த மதத்தைக் கொண்டுவந்தவர்களே தாம் பிடித்த நாட்டின் பெயருடன் இணைத்து இந்து மதம் என அழைத்தனர்...!

 

என்ன இதில் ஒரு வசதி; பிரம்பால் அடித்தவன், காலாலுதைத்தவன், பித்தா பேயா எனப் பேசியவன்,வில்லால் அடித்தவன் , கல்லால் எறிந்தவன்,பேய் உருவெடுத்தவள், பெண்பித்துப் பிடித்து அலைந்தவன்,  எல்லோருமே ஆட்கொள்ளப் படுகின்றார்கள்...! நாங்களும் இந்தக் கூட்டத்துடன் சேர்ந்து கரையேறிடலாம் என்றொரு நப்பாசை , வேறென்ன...!

 

 

Link to post
Share on other sites
  • கருத்துக்கள உறவுகள்

சைவம் ஒரு சனாதன தர்மமாகத்தான் தனிப் பெயர் இன்றி இருந்தது. அடுத்ததாய் ஒரு மதம் வந்தபோதுதான் அதைப் பிரித்துக் காட்ட ஒரு பெயர் அவசியமாகின்றது, அதையும் அந்த மதத்தைக் கொண்டுவந்தவர்களே தாம் பிடித்த நாட்டின் பெயருடன் இணைத்து இந்து மதம் என அழைத்தனர்...!

 

என்ன இதில் ஒரு வசதி; பிரம்பால் அடித்தவன், காலாலுதைத்தவன், பித்தா பேயா எனப் பேசியவன்,வில்லால் அடித்தவன் , கல்லால் எறிந்தவன்,பேய் உருவெடுத்தவள், பெண்பித்துப் பிடித்து அலைந்தவன்,  எல்லோருமே ஆட்கொள்ளப் படுகின்றார்கள்...! நாங்களும் இந்தக் கூட்டத்துடன் சேர்ந்து கரையேறிடலாம் என்றொரு நப்பாசை , வேறென்ன...!

 

அருமையான கருத்து..சுவியர்!

 

ஆனால் பச்சை நாளைக்குத் தான்!

 

பிரம்பால் அடித்தவன்... ஷத்திரியன்... பிரம்மாவின் தோளில் இருந்து உதித்தவன்!

 

காளத்தி நாதனைக் காலால் உதைத்தவன் .. ஷத்திரியன்...!

 

பித்தா என்றழைத்தவன்... பிராமணன்.. பிரம்மனில் சிரசிலிருந்து உதித்தவன்!

 

பெண்பித்துப் பிடித்தலைந்தவன்....ஷத்திரியன் !

 

பேய் உருவெடுத்தவள், உழவாரப் பணி செய்தவன்.. இவர்கள் இருவருமே சூத்திரர்கள்! பிரம்மனின் பாதத்திலிருந்து உதித்தவர்கள்! இவர்கள் இருவருக்கும் ஆட்கொள்ளப் படமுன்பு நடத்தப் பட்ட சோதனைகளுக்கு அளவேயில்லை!.

 

சோதனை மேல் சோதனை... போதுமடா சாமி....!

 

நாயன்மார்களிலேயே எலும்புக் கூடுகளாகத் தோற்றமளிப்பவர்கள் இவர்கள் இருவருமே தான்!

 

அதுதான் 'இந்து' மதத்தின் 'தனித்துவம்" ! :wub:

Link to post
Share on other sites
  • 4 weeks later...
  • கருத்துக்கள உறவுகள்

சைவம் யாரையும் கட்டாயமாக உள் வாங்குவதில்லை. தானாக வருபவன், உண்மையான பக்தன் ஆவான்.

சிவன்  நாமம் ஒன்றே உந்தன் வாழ்க்கை துணையாகக்  கொள்.
துன்பம், துயரம் வந்தபோதும் உன்னை காத்திடும்.
உனக்கு நல்வழி காட்டிடும்!

Link to post
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • 🤣🤣 போறபோக்கில கண்டதையும் அடிச்சு விட வேண்டியது தான்... நான் எண்ணிய வரைக்கும்... -->தவிபு இல் இருந்து வீரச்சாவடைந்த ஒட்டு மொத்த முசிலீம் மாவீரர் எண்ணிக்கை 60 இற்கு கிட்ட. (இவர்களை நான் என்றென்றும் போற்றுவேன்.. மாற்றுக்கருத்துக்கு இடமில்லை) -->ஏனைய இயக்கங்கள் பற்றித் தெரியாது.. ஒரு அண்ணளவாக ஒட்டு மொத்தமாக 100 இற்குள்தான் இருக்கலாம் என்று எண்ணுகீறேன். கதை இப்பிடி இருக்க இந்த சோனிக்கு எங்கிருந்து 1000 வந்தது? ஒட்டு மொத்த கட்டுரைக்கும்....
    • Album : Skanda Shasti Kavacham Song: Thuthiporku val vinai pom Lyrics : Traditional   டைவுடன் செளவும் உய்யொளி செளவும் உயிரையும் கிலியும் கிலியுஞ் செளவும் கிளரொளி யையும் நிலைபெற்று என்முன் நித்தமும் ஒளிரும் சண்முகன் தீயும் தனிஒளி யொவ்வும் குண்டலி யாம் சிவகுகன் தினம் வருக ஆறுமுகமும் அணிமுடி ஆறும் நீறுஇடும் நெற்றியும் நீண்ட புருவமும் பன்னிரு கண்ணும் பவளச் செவ்வாயும் நன்னெறி நெற்றியில் நவமணிச் சுட்டியும் ஈராறு செவியில் இலகு குண்டலமும் ஆறுஇரு திண்புயத்து அழகிய மார்பில் பல்பூ ஷணமும் பதக்கமும் தரித்து நன்மணி பூண்ட நவரத்ன மாலையும் முப்புரி நூலும் முத்துஅணி மார்பும் செப்பழகு உடைய திருவயிறு உந்தியும் துவண்ட மருங்கில் சுடரொளிப் பட்டும் நவரத்னம் பதித்த நற் சீராவும் இருதொடை அழகும் இணை முழந்தாளும் திருவடி யதனில் சிலம்பொலி முழங்க செககண செககண செககண செகண மொகமொக மொகமொக மொகமொக மொகென நகநக நகநக நகநக நகென டிகுகுண டிகுடிகு டிகுகுண டிகுண ரரரர ரரரர ரரரர ரரர ரிரிரிரி ரிரிரிரி ரிரிரிரி ரிரிரி டுடுடுடு டுடுடுடு டுடுடுடு டுடுடு டகுடகு டிகுடிகு டங்கு டிங்குகு விந்து விந்து மயிலோன் விந்து முந்து முந்து முருகவேள் முந்து எந்தனை யாளும் ஏரகச் செல்வ மைந்தன் வேண்டும் வரமகிழ்ந்து உதவும் லாலா லாலா லாலா வேசமும் லீலா லீலா லீலா விநோதன் என்று உன் திருவடியை உறுதியென்று எண்ணும் எந்தலை வைத்து உன் இணையடி காக்க என்னுயிர்க்கு உயிராம் இறைவன் காக்க பன்னிரு விழியால் பாலனைக் காக்க அடியேன் வதனம் அழகுவேல் காக்க பொடிபுனை நெற்றியைப் புனிதவேல் காக்க கதிர்வேல் இரண்டும் கண்ணினை காக்க விழிசெவி இரண்டும் நல்வேல் காக்க பேசிய வாய்தனைப் பெருவேல் காக்க முப்பத்து இருபல்முனைவேல் காக்க செப்பிய நாவைச் செவ்வேல் காக்க கன்னம் இரண்டும் கதிர்வேல் காக்க என்இளங் கழுத்தை இனியவேல் காக்க மார்பை இரத்ன வடிவேல் காக்க சேர் இள முலைமார் திருவேல் காக்க வடிவேல் இருதோள் வளம்பெறக் காக்க பிடரிகள் இரண்டும் பெருவேல் காக்க அழகுடன் முதுகை அருள்வேல் காக்க பழூபதி னாறும் பருவேல் காக்க வெற்றிவேல் வயிற்றை விளங்கவே காக்க சிற்றிடை அழகுறச் செவ்வேல் காக்க நாண் ஆம் கயிற்றை நல்வேல் காக்க ஆண்பெண் குறிகளை அயில்வேல் காக்க பிட்டம் இரண்டும் பெருவேல் காக்க வட்டக் குதத்தை வல்வேல் காக்க பணைத்தொடை இரண்டும் பருவேல் காக்க கணைக்கால் முழந்தாள் கதிர்வேல் காக்க ஐவிரல் அடியினை அருள்வேல் காக்க கைகளிரண்டும் கருணைவேல் காக்க முன்கை இரண்டும் பின்னவள் இருக்க நாவில் சரஸ்வதி நல் துணையாக நாபிக் கமலம் நல்வேல் காக்க முப்பால் நாடியை முனைவேல் காக்க எப்பொழுதும் எனை எதிர்வேல் காக்க அடியேன் வசனம் அசைவுள நேரம் கடுகவே வந்து கனகவேல் காக்க வரும்பகல் தன்னில் வச்ரவேல் காக்க அரையிருள் தன்னில் அனையவேல் காக்க ஏமத்தில் சாமத்தில் எதிர்வேல் காக்க தாமதம் நீக்கிச் சதுர்வேல் காக்க காக்க காக்க கனகவேல் காக்க நோக்க நோக்க நொடியில் நோக்க தாக்க தாக்கத் தடையறத் தாக்க பார்க்க பார்க்கப் பாவம் பொடிபட பில்லி சூனியம் பெரும்பகை அகல வல்ல பூதம் வலாஷ்டிகப் பேய்கள் அல்லல் படுத்தும் அடங்கா முனியும் பிள்ளைகள் தின்னும் புறக்கடை முனியும் கொள்ளிவாய்ப் பேய்களும் குறளைப் பேய்களும் பெண்களைத் தொடரும் பிரம்ம ராட்சதரும் அடியனைக் கண்டால் அலறிக் கலங்கிட இரிசிகாட் டேரி இத்துன்ப சேனையும் எல்லிலும் இருட்டிலும் எதிர்படும் அண்ணரும் கனபூசை கொள்ளும் காளியோடு அனைவரும் விட்டாங்காரரும் மிகு பல பேய்களும் தண்டியக்காரரும் சண்டாளர்களும் என்பெயர் சொல்லவும் இடி விழுந்துஒடிட ஆனை அடியினில் அரும்பா வைகளும் பூனை மயிரும் பிள்ளைகள் என்பும் நகமும் மயிரும் நீண்முடி மண்டையும் பாவைகள் உடனே பலகல சத்துடன் மனையில் புதைத்த வஞ்சனை தனையும் ஒட்டியச் செருக்கும் ஒட்டியப் பாவையும் காசும் பணமும் காவுடன் சோறும் ஓதும் அஞ்சனமும் ஒருவழிப் போக்கும் அடியனைக் கண்டால் அலைந்து குலைந்திட மாற்றார் வஞ்சகர் வந்து வணங்கிட கால தோதாள் எனைக் கண்டால் கலங்கிட அஞ்சி நடுங்கிட அரண்டு புரண்டிட வாய்விட்டு அலறி மதிகெட்டு ஓடப் படியினில் முட்டப் பாசக் கயிற்றால் கட்டுடல் அங்கம் கதறிடக் கட்டு கட்டி உருட்டு கால்கை முறியக் கட்டு கட்டு கதறிடக் கட்டு முட்டு முட்டு விழிகள் பிதுங்கிட செக்கு செக்குச் செதில் செதிலாக சொக்கு சொக்குச் சூர்ப்பகைச் சொக்கு குத்து குத்து கூர்வடி வேலால் பற்று பற்று பகலவன் தணல் எரி தணல்எரி தணல்எரி தணல்அது ஆக விடுவிடு வேலை வெருண்டது ஓடப் புலியும் நரியும் புன்னரி நாயும் எலியும் கரடியும் இனித் தொடர்ந்து ஓடத் தேளும் பாம்பும் செய்யான் பூரான் கடிவிட விஷங்கள் கடித்து உயிர் அங்கம் ஏறிய விஷங்கள் எளிதுடன் இறங்க ஒளிப்புஞ்சுளுக்கும் ஒருதலை நோயும் வாதஞ் சயித்தியம் வலிப்புப் பித்தம் சூலைசயம் குன்மம் சொக்குச் சிரங்கு குடைச்சல் சிலந்தி குடல்விப் புரிதி பக்கப் பிளவை படர்தொடை வாழை கடுவன் படுவன் கைத்தாள் சிலந்தி பற்குத் தறணை பருவரை யாப்பும் எல்லாப் பிணியும் என்றனைக் கண்டால் நில்லாது ஓட நீ எனக்கு அருள்வாய் ஈரேழ் உலகமும் எனக்கு உறவாக ஆணும் பெண்ணும் அனைவரும் எனக்கா மண்ணாள் அரசரும் மகிழ்ந்து உறவாகவும் உன்னைத்ட் துதிக்க உன் திரு நாமம் சரவண பவனே! சையொளி பவனே! திரிபுர பவனே! திகழ் ஒளி பவனே! பரிபுர பவனே! பவமொழி பவனே! அரிதிரு மருகா! அமரா பதியைக் காத்துத் தேவர்கள் கடுஞ்சிறை விடுத்தாய்! கந்தா குகனே ! கதிர்வே லவனே ! கார்த்திகை மைந்தா ; கடம்பா கடம்பனை இடும்பனை அழித்த இனியவேல் முருகா தணிகா சலனே ! சங்கரன் புதல்வா ! கதிர்காமத்து உறை கதிர்வேல் முருகா ! பழநிப் பதிவாழ் பால குமரா ஆவினன் குடிவாழ் அழகிய வேலா ! செந்தின்மாமலையுறும் செங்கல்வராயா ! சமரா புரிவாழ் சண்முகத்து அரசே காரார் குழலாள் கலைமகள் நன்றாய் என்நா இருக்க, யான் உனைப்பாட எனைத்தொடர்ந்து இருக்கும் எந்தை முருகனைப் படினேன் ஆடினேன் பரவசமாக ஆடினேன் நாடினேன் ஆவினன் பூதியை நேசமுடன் யான் நெற்றியில் அணியப் பாச வினைகள் பற்றது நீங்கி உன்பதம் பெறவே உன் அருள் ஆக அன்புடன் இரட்சி அன்னமும் சொர்ணமும் மெத்தமெத் தாக வேலா யுதனார் சித்திபெற்று அடியேன் சிறப்புடன் வாழ்க வாழ்க வாழ்க மயிலோன் வாழ்க வாழ்க வாழ்க வடிவேல் வாழ்க வாழ்க வாழ்க, மலைக்குரு வாழ்க ! வாழ்க வாழ்க, மலைக்குற மகளுடன் வாழ்க வாழ்க வாரணத் துவசம் வாழ்க வாழ்கஎன் வறுமைகள் நீங்க, எத்தனை குறைகள் எத்தனை பிழைகள் எத்தனை அடியேன் எத்தனை செய்யினும் பெற்றவன் நீகுரு பொறுப்பது உன்கடன் பெற்றவள் குறமகள் பெற்ற வளாமே பிள்ளையென்று அன்பாய் பிரியம் அளித்து மைந்தஎன் மீதுன் மனமகிழ்ந்து அருளித் தஞ்சமென்று அடியார் தழைத்திட அருள்செய் கந்தர் சஷ்டி கவசம் விரும்பிய பாலன் தேவராயன் பகர்ந்ததை கலையில் மாலையில் கருத்துடன் நாளும் ஆசா ரத்துடன் அங்கம் துலக்கி நேச முடன் ஒரு நினைவது ஆகிக் கந்தர் சஷ்டி கவசம் இதனைச் சிந்தை கலங்காது தியானிப்பவர்கள் ஒருநாள் முப்பத் தாறு உருக்கொண்டு ஓதியே ஜெபித்து உகந்து நீறுஅணிய அஷ்டதிக் குள்ளோர் அடங்கலும் வசமாய்த் திசைமன்னர் எண்பர் சேர்ந்தங்கு அருளுவர் மாற்றவர் எல்லாம் வந்து வணங்குவர் நவகோள் மகிழ்ந்து நன்மை யளித்திடும் நவமதன் எனவும் நல் எழில் பெறுவர் எந்த நாளும் ஈரெட்டாய் வாழ்வர் கந்தர்கை வேலாம் கவசத்து அடியை வழியாய்க் காண மெய்யாய் விளங்கும் விழியால் காண வெருண்டிடும் பேய்கள் பொல்லா தவரைப் பொடிபொடி யாக்கும் நல்லோர் நினைவில் நடனம் புரியும் சர்வ சத்குரு சங்காரத்தடி அற்ந்தென உள்ளம் அஷ்டலட்சுமிகளில் வீரலட்சுமிக்கு விருந்து உண வாகச் சூரபத் மாவைத் துணித்தகை யதனால் இருபத் தேழ்வர்க்கு உவந்து அமுது அளித்த குருபரன் பழநிக் குன்றினில் இருக்கும் சின்னக் குழந்தை சேவடி போற்றி என்னைத்தடுத்து ஆட்கொள்ள எந்தனதுள்ளம் மேவிய வடிவுறும் வேலவா போற்றி தேவர்கள் சேன பதியே போற்றி குறமகள் மனமகிழ் கோவே போற்றி திறமிகு திவ்விய தேகா போற்றி இடும்பா யுதனே இரும்பா போற்றி கடம்பா போற்றி கந்தா போற்றி வெட்சி புனையும் வேலா போற்றி உயர்கிரி கனக சபைக்கு ஓர் அரசே மயில்நட மிடுவோய் மலரடி சரணம் சரணம் சரணம் சரவண பவ ஓம் சரணம் சரணம் சண்முகா சரணம் சரணம் சரணம் சண்முகா......... சரணம்!
    • இந்த கை காட்டுதல் மற்றும் முன் மொழிதல் 2009க்கு பின்னர் பல தடவைகள் வந்தன. ஆனால் நான் ஏற்றுக் கொள்ளவில்லை. ஏனெனில் இங்கும் யாழில் பல முறை எழுதிய தான் எனது பைல் உலகுக்கு இன்றுவரை அலர்சியாகவே உள்ளது. எனவே புது முகங்களில் புதிய வழிகளில் புதிய தலைமுறையின் வழி நடாத்துதலில் தான் நாம் பயணிக்கணும். இந்த முடிவுக்கு நான் வந்து 12 வருடமாகிறது.
    • இன்நூலை இணையத்தில் வாங்க முடியுமா?.  வாசிக்க ஆவலாய் இருக்கின்றேன். 
    • வாரத்தில் ஓரிருநாள் மட்டும் இறைச்சி வகைகள், வாரம் முழுவதும் பச்சை காய்கறி வகைகள் போதியளவு நடை பயிற்சி உடம்பில் கொழுப்பின் அளவு அதிகரித்துவிட்டது என்று ஒருவர் மருத்துவரிடம் சென்றால்  அதனை கட்டுக்குள் கொண்டுவர அவர் என்ன என்ன செய்யவேண்டும் என்று  ஆலோசனைகள் வழங்குவாரோ அதையே வழமையாகசெய்துகொண்டிருக்கிறீர்கள்  அதனால்  உங்களுக்கு கொலொஸ்ட்ரோலும் சுகரும் கட்டுக்குள் இருப்பதில் ஆச்சரியமேயில்லை. உணவு பழக்க வழக்கங்களில் நான் அடுத்து அதிகமாக  கவனிப்பது சோடியத்தின் அளவு, கடையில் எந்த உணவுபொருள் வாங்கினாலும் சோடியத்தின் அளவை முதலில் பார்ப்பேன், ஒரு மனிதன் ஒருநாளைக்கு சராசரியாக 2300 மில்லிகிராம்  அளவு சோடியத்துக்குமேல் எடுத்துக்கொள்ளக்கூடாது எனறு சொல்வார்கள், இரத்த கொதிப்பு,மாரடைப்பு வலிப்பு போன்றவற்றின் உற்ற நண்பன் சோடியம் என்பது எல்லோரும் அறிந்த ஒன்றுதான்.
×
×
  • Create New...

Important Information

By using this site, you agree to our Terms of Use.