அன்புள்ளம் கொண்ட கனடா தமிழர்களுக்கு: இச் சிறுமியின் கனவை நனவாக்குங்கள்

[நிழலி]

குறும்பும் புன்னகையுமாக இப் படத்தில் இருக்கும் இச் சின்னஞ் சிறு தேவதையை பாருங்கள்.

உலகின் அனைத்து மகிழ்வுகளையும் ஒன்றாக சரம் தொடுத்து மாலையாக்கியவள் போன்று  தோன்றும் இச் சிறுமி தீபிகா  இன்று இவ் உலகில் இல்லை.

Ewing Sarcoma  எனும் அறிய வகை புற்றுநோயின்  தாக்கத்திற்குள்ளாகி மூன்று வருடங்கள் போராடி இறுதியில் கடந்த மாதம் இவ் உலகை விட்டு பிரிந்து விட்டாள்.

ஒரு குழந்தையை கண் எதிரில் கொஞ்சம் கொஞ்சமாக இழப்பது என்பது எவ்வளவு கொடுமையானது.. இக் கொடுமையை அனுபவித்து மகளை இழந்து போன பின்னும் இவ் சிறுமியின் பெற்றோர்கள் எத்தகைய வேதனையை அடைந்து இருப்பார்

ஆயினும் அவர்கள் வெறுமனே கண்ணீரிலும் துயரிலும் தோய்ந்து ஓய்ந்து போய்விடாது, இவ்வாறான நோய் பற்றிய ஆராச்சிக்காகவும், Sick Kids Hospital இல் உள்ள சிறுவர்களின் நலனுக்காகவும் தீபிகாவின் பெயரால் நிதி திரட்டுகின்றனர்.

இவ்வாறு நிதி திரட்டும் நிகழ்வு ஒன்று வரும் ஞாயிறு, ஜூலை 26 அன்று நிகழ இருக்கின்றது. ஸ்கார்புரோ மற்றும் மார்க்கம் பகுதிகளுக்கு அண்மையில் இருக்கும் ஸ்ரூவில்  பகுதியில் காலை 11 இல் இருந்து மாலை 7 மணி வரைக்கும் நிகழ இருக்கின்றது.

இவ் நிகழ்வுக்கு அன்புள்ளம் கொண்ட அனைவரும் சென்று உங்கள் சிறு பங்களிப்புகளை வழங்கி இச் சிறுமியினது அவளது பெற்றோரினதும் கனவு மெய்ப்பட உதவுங்கள்

இடம்: Balantrae Community Center Stouffville, Ontario
நேரம்:July 26, Sunday at 11:00am - 7:00pm
.
ஆங்கிலத்தில்

In loving memory of Theepika and to honour her spirit we are holding a Fundraising Event to raise money for Sick Kids. This event will have fun activities for the entire family.

 All proceeds will be going towards cancer research/fundings for children at Sick Kids Hospital. If you are unable to attend the event and would still like to contribute to this meaningful cause, we have setup an online donation link through Sick Kids. For donations please see the link below:

http://my.sickkidsdonations.com/PersonalPage.aspx?SID=6177265&LangPref=en-CA&EID=13975

 Theepika would love to have all of you attend this fundraiser to show your support in helping children who are battling cancer each and every day.

 Join us to help give the gift of saving lives!

முகனூல்: https://www.facebook.com/events/388890731308053/

இச் சிறுமி பற்றி: https://www.facebook.com/pages/In-Memory-of-Our-Angel-Theepika/822746547832313

[nedukkalapoovan]

Ewing Sarcoma - வளரும் பிள்ளைகளை (10 - 21 வயது) தாக்கும் எலும்புப் புற்றுநோய் ஆகும். இது எப்படி உருவாகிறது என்பதற்கு இன்னும் பலமான ஆதாரங்கள் இல்லை. 

இது பெரும்பாலும்.. அதிகம் வளரும் எலும்புகளான.. தொடை.. கணுக்கால் என்பு.. இடுப்பு எலும்புகளை தாக்கும்.

கடுமையான தாக்கம் கொண்ட உறுப்புக்களை அகற்ற வேண்டி ஏற்படுவதோடு.. இந்த கெட்ட வகை புற்றுநோய் எலும்புகளை மட்டுமன்றி தாக்கம் கண்ட எலும்புகளை சுற்றி உள்ள இதர கலங்களிலும் பரவுவதால்.. பல சந்தர்ப்பங்களில் இது மரணத்தில் முடிகிறது.

நோய் அறிகுறிகளாக.. வீக்கம்.. தொடர் நோவு.. நிறை இழப்பு.. தொடர் காய்ச்சல் இருக்க வாய்ப்புள்ளது.

குழந்தைகளை.. வளரும் பராயத்தினரை அதிகம் தாக்கும் இந்த புற்றுநோய்க்கு எதிராக.. மருந்துகள்.. கதிர்வீச்சு சிகிச்சை அல்லது உறுப்புக்களை அகற்றுதல் மற்றும் இவை எல்லாம் ஒருங்கிணைந்து என்று தேவைக்கு ஏற்ப சிகிச்சை அளிப்பார்கள்.

நோய் ஆரம்பத்தில் கண்டறியப்பட்டால் குணப்படுத்துவது ஓரளவுக்கு சாத்தியமாகும். இன்றேல் வாழ்க்கை காலத்தை குறிப்பிட்ட காலம்.. அதிகரிக்கக் கூடிய வகையில் மட்டுமே சிகிச்சை அளிக்க முடியும். 

நோயை கண்டறிய.. மற்றும் உறுதிப்படுத்த.. எக்ஸ் ரே மற்றும் பயாப்சி செய்வார்கள். 

இதற்கான சிகிச்சை முறைகள் செலவு கூடியவை என்பதாலும்.. இந்த நோயை தடுக்கக் கூடிய நிரந்தர வழிமுறைகள் நோக்கி ஆய்வுகள் செய்யப்பட வேண்டி உள்ளதாலும்.. இந்தச் சிறுமியின் அவரை ஒத்து மேற்படி நோய் தாக்குத்துக்கு உள்ளாகி இந்த உலகை நீத்தவர்கள் சார்பிலும் உங்கள் ஆதரவை நல்குங்கள். 

(இந்த நோய் தொடர்பான கல மரபணுக்காரணிகளை கண்டறிவதற்கான சில அடிப்படை ஆய்வுகளில் பல்கலை சார்ப்பில் ஈடுபட்டிருக்கிறேன். அதனால் இச்சந்தர்ப்பத்தில் இந்தக் கோரிக்கையின் முக்கியம் கருதி இதனை பதிவிடுகிறேன்.) 

உசாத்துணை:

http://www.nhs.uk/conditions/ewings-sarcoma/pages/introduction.aspx

[குமாரசாமி]

யாழ்களத்தின் பெயரிலும் ஒருசிறுதொகையை எம்மால் முடிந்த அளவிற்கு  உதவவேண்டும். நிழலி தலைமை வகுத்து கவனத்திலெடுத்தால் நன்றாக இருக்கும்.