தொழில் கலாச்சாரம்: ஹிட்லரைப் பற்றி பேச வேண்டாம்!

[Athavan CH]

ஜெர்மனிக்குப் பல முகங்கள் உண்டு - பிராட்டஸ்டன்ட் கிறிஸ்தவ மதத்துக்கு அடிகோலிய மார்ட்டின் லூதர், கம்யூனிசத் தந்தை கார்ல் மார்க்ஸ், தத்துவ மேதை நீட்ஸே, மாபெரும் தலைவர்கள் வில்லி பிராண்ட், கொன்ராட் அடினார்: இரண்டாம் உலகப் போரில் அகிலத்தையே மிரட்டிய ஹிட்லர், அறிவியல் ஆராய்ச்சியில் தனி முத்திரை பதித்த வானியல் மேதை கோபர்னிக்கஸ், ஆல்பர்ட் ஐன்ஸ்ட்டின் உட்பட்ட 104 நோபல் பரிசுக்காரர்கள்; மொசார்ட், பீத்தோவன் போன்ற அமர இசை அமைப்பாளர்கள், டென்னிஸ் வீராங்கனை ஸ்டெஃபி கிராஃப், கார் ரேஸ் சாம்பியன் மைக்கேல் ஷூமேக்கர் , அடிடாஸ், ப்யூமா, மெர்சிடஸ் பென்ஸ், பாஷ், ஆடி, பேயர், மெர்க் போன்ற பாரம்பரியப் பன்னாட்டு நிறுவனங்கள் என பட்டியல் நீளும்.

இத்தனை பெருமைகள் கொண்ட ஜெர் மனிக்கு இந்திய அயல்நாட்டு வணிகத்திலும் முக்கிய பங்கு உண்டு. ஜெர்மனியுடன் ஏற்றுமதி வர்த்தக மதிப்பு ரூ. 46,059 கோடி. இறக்குமதி மதிப்பு ரூ. 78,188 கோடி. ஜவுளி, இயந்திரங்கள், ரசாயனங்கள், இரும்பு, உருக்குப் பொருட்கள், தோல் பொருட்கள், காலணிகள் ஆகியவை நமது ஏற்றுமதியில் முக்கியமானவை. அவர்களிடமிருந்து வாங்கும் முக்கிய பொருட்கள் இயந்திரங்கள், கார்கள், எலெக்ட்ரானிக் கருவிகள், கெமிக்கல்கள், பிளாஸ்டிக்ஸ் போன்றவை.

வாருங்கள். ஜெர்மன் நாட்டையும், அந்தக் குடிமக்களையும் சந்திப்போம்.

பூகோள அமைப்பு

ஜெர்மனி ஐரோப்பியக் கண்டத்தில் இருக்கும் நாடு. முழுப்பெயர் ஜெர்மானியக் கூட்டுக் குடியரசு (Federal Republic of Germany). பால்டிக், வடக்குக் கடல்கள் அருகில். ஆஸ்திரியா, பெல்ஜியம், செக்கொஸ்லோவேக்கியா, டென் மார்க், ஃபிரான்ஸ், லக்சம்பெர்க், நெதர்லாந்து, போலந்து, ஸ்விட்சர்லாந்து ஆகியவை அண்டை நாடுகள்.

நிலப் பரப்பு 3,57,022 சதுர கிலோமீட்டர்கள். அதாவது, இந்தியாவில் (32,87,263) பத்தில் ஒரு மடங்கு. நிலக்கரி, இரும்புத் தாது, பொட்டாஷ், நிக்கல், யுரேனியம் ஆகியவை இயற்கை தந்திருக்கும் முக்கிய செல்வங்கள்.

மக்கள் தொகை

சுமார் 8 கோடி. ஐரோப்பிய நாடுகளுள் அதிக மக்கள் தொகை கொண்ட நாடு. ஆனால், நம் ஜனத்தொகையில் சுமார் பதினைந்தில் ஒரு பங்குதான். ஆட்சிமொழி ஜெர்மன். மக்களுள் 34 சதவீதத்தினர் பிராட்டஸ்டன்ட் கிறிஸ்தவர்கள்: 34 சதவீதம் கத்தோலிக்கர்கள்: 4 சதவீதம் இஸ்லாமியர்கள், பிறர் 28 சதவீதம் உள்ளனர்.

சுருக்க வரலாறு

சுமார் ஆறு லட்சம் ஆண்டுகளுக்கு முன்பாகவே, இங்கு மக்கள் வசித்ததாகச் சொல்கிறார்கள். கி.மு. இரண்டாம் நூற்றாண்டில் பழங்குடியினர் வசித்ததற்கான ஆதாரங்கள் கிடைத்துள்ளன. கி.பி. 7, 8 நூற்றாண்டுகளில் ரோமப் பேரரசோடு அடிக்கடி போர்கள் நடந்தன. 9 ம் நூற்றாண்டில் தேசம் தனி அரசியல் அமைப்பானது. 15 ம் நூற்றாண்டில், மார்ட்டின் லூதர் கத்தோலிக்க மத நம்பிக்கைகளுக்கு எதிராகப் போர்க்கொடி தூக்கினார். பிராட்டஸ்டன்ட் கிறிஸ்தவ மதம் பிறந்தது. மக்கள் தொகையில் கணிசமானவர்கள் புதிய மதத்துக்கு மாறினார்கள்.

அண்டைய பிரஷ்யாவில் ஆட்சிக்கு வந்த இரும்புத் தலைவர் பிஸ்மார்க் ஜெர்மானிய மக்களை ஒன்றிணைத்து, 1871 இல் ஜெர்மானியப் பேரரசை நிறுவினார். 1914 முதல் 1918 வரை முதல் உலகப் போர் நடந்தது. ஆஸ்திரியா, ஹங்கேரி, இத்தாலி ஆகியவர்களோடு, “மைய நாடுகள்” என்று அழைக்கப்பட்ட கூட்டணியில் ஜெர்மனி. பிரான்ஸ், ரஷ்யா, பிரிட்டன் மற்றும் அமெரிக்கா, “நேச நாடுகள்” என்னும் எதிர் அணியில். ஜெர்மனி படுதோல்வி கண்டது. ஏராளமான நிலப்பகுதிகளை இழந்தது.

பழிக்குப் பழி வாங்க, ஜெர்மனி ஹிட்லர் தலைமையில், இத்தாலி, ஜப்பான் ஆகியோரோடு கை கோர்த்தது. இங்கிலாந்து, ரஷ்யா, அமெரிக்கா ஆகியோரோடு இரண்டாம் உலகப் போர். ஜெர்மனிக்குப் படுதோல்வி. வெற்றி கண்டவர்கள் நாட்டை இரண்டாகப் பிரித்தார்கள். கிழக்கு ஜெர்மனி ரஷ்யா வசம். மேற்கு ஜெர்மனி அமெரிக்க ஆதரவில். 1990 இல் இரு பகுதிகளும் இணைந்து, இன்றைய ஜெர்மானியக் கூட்டுக் குடியரசு பிறந்தது.

ஆட்சி முறை

மக்களாட்சி. மேல்சபை, கீழ்சபை என இரண்டு மக்கள் மன்றங்கள் உண்டு. நாட்டுத் தலைவர் சான்சலர் (Chancellor) என்று அழைக்கப்படுகிறார்.

பொருளாதாரம்

ஐரோப்பிய நாடுகளிடையே வணிகத்தையும், நல்லுறவையும் வளர்க்கும் ஐரோப்பிய யூனியன் என்று அழைக்கப்படும் ஐரோப்பிய நாடுகள் இணைப்பு 1992 இல் அமைக்கப்பட்டது. இதற்கு முயற்சி எடுத்த நாடுகளில் ஜெர்மனி முன்னணி வகித்தது.

உலகின் பணக்கார நாடுகள் பட்டியலில் இன்று ஜெர்மனிக்கு ஐந்தாம் இடம். ஆனால், சுமார் 15 சதவீத மக்கள் வறுமைக்கோட்டுக்குக் கீழ் வாழ்கிறார்கள். இந்த மந்தத்தை நீக்கவும், வேலை வாய்ப்புகளை அதிகமாக்கவும், அரசாங்கம் தன் முதலீடுகளை அதிகரிக்கும் முயற்சிகளில் இறங்கியிருக்கிறது.

நாணயம்

முன்பு, டாயிஷ் மார்க் (Deutsche Mark) நாணயமாக இருந்தது. 2002 இல் ஐரோப்பிய யூனியன் நாடுகள் ஒரே நாணய முறையை அமல்படுத்தினார்கள். அதன்படி, இப்போது நாணயம் யூரோ. இன்றைய மதிப்பின்படி, ஒரு யூரோ சுமார் 70 ரூபாய்.

விசிட்

மார்ச் முதல் நவம்பர் முடிய நல்ல பருவநிலை. டிசம்பர் முதல் பிப்ரவரி வரை குளிர்காலம். மைனஸ் ஒரு டிகிரிவரை குளிர் இருக்கும். இந்த மாதங்களில் பயணம் செய்யவேண்டிய கட்டாயம் வந்தால் வெயிலில் பழகிய நமக்குச் சற்றுச் சிரமமாக இருக்கும். தேவையான கம்பளி ஆடைகளை எடுத்துச் செல்லுங்கள்.

சில குறிப்புகள்

ஜெர்மனியர்களுக்கு 12 மணி என்றால், அது 11.59, 12.01, ஆகவோ இருக்கக்கூடாது. பனிரெண்டு மணி என்றால் 12.00 தான். அத்தனை கறாராக இருப்பார்கள்.

பிசினஸ் கூட்டங்களுக்கு கோட், சூட் அணியவேண்டும். அழுத்தமான கறுப்பு, நீல சூட், வெள்ளை அல்லது மென்மை நிறத்தில் சட்டை, டால் அடிக்காத டை அணியவேண்டும்.

ஜெர்மன் சமுதாயம் கல்வியை மிகவும் மதிக்கிறார்கள். ஆகவே, உங்கள் கல்விப் பட்டங்களை விசிட்டிங் கார்டுகளில் போடுவது நல்லது. சந்திக்கும்போதும், விடை பெறும்போதும் கை குலுக்குவது ஜெர்மனியர் பழக்கம், எதையும் மறைக்காமல் பேசுவார்கள். உங்கள் தயாரிப்புப் பொருட்களை அவர்கள் விமர்சித்தால், குமுறாதீர்கள். நேர்மையாக நடந்துகொள்கிறர்கள் என்று மகிழ்ச்சி அடையுங்கள்.

ஜெர்மானியர்களிடம் கதைவிடக்கூடாது. எதையும் ஆதாரம் இருந்தால்தான் ஏற்றுக்கொள்வார்கள். அதிக கால அவகாசம் தராமல், ஏராளமான விவரங்கள் கேட்பார்கள். மீட்டிங்குக்குப் போகுமுன், என்னென்ன கேள்விகள் கேட்பார்கள் என்று யூகித்துத் தயார் நிலையில் போகவேண்டும். அவர்களும், ஆதாரங்களோடுதான் பேசுவார்கள், கேட்ட விவரங்கள் தருவார்கள்.

பொருட்களின் தரத்தில் வெறித்தனமான நம்பிக்கை கொண்டவர்கள். சப்ளை செய்யத் தாமதமானாலும் ஒத்துக்கொள்வார்கள். ஆனால் தரம் குறைந்த பொருட்கள் சப்ளை செய்வது மகாபாவம் என்பார்கள். அவர்களிடம் பொருட்கள் வாங்கினாலும், அவர்களுக்கு விற்றாலும், மேலே சொன்னது பொருந்தும்.

உலகில் அதிகமாக பீர் குடிக்கும் நாடுகளில் ஜெர்மனி இரண்டாம் இடம் பிடிக்கிறது. சராசரியாக ஒரு ஜெர்மானியர் வருடத்துக்கு 110 லிட்டர் பீர் குடிக்கிறார். (முதல் இடம் செக்கொஸ்லோவேக்கியா சராசரி வருடத்துக்கு 143 லிட்டர்.) எனவே, கூட்டங்களில் பீர் பரிமாறப்படும்.

பேச்சு வார்த்தைகள் நடக்கும்போது, ஜோக் அடிப்பது அவர்களுக்குப் பிடிக்காது. அதேபோல், அவர்களுடைய தனிப்பட்ட வாழ்க்கை, குடும்பம், ஹிட்லர், நாஜிக்கட்சி, அரசியல் ஆகியவை குறித்துப் பற்றிப் பேசவேண்டாம். பேசுவதற்கு சிறந்த டாப்பிக் ஸ்போர்ட்ஸ்.

அரசு அதிகாரிகள் பரிசு வாங்குவது தடை செய்யப்பட்டிருக்கிறது. நிறுவன அதிகாரிகளுக்கு விலை அதிகமான பரிசுகள் தராதீர்கள். பேனாக்கள் தரலாம். ஜெர்மானியர்கள் நட்பையும், உறவையும் ஏற்படுத்துவதில் அவசரம் காட்டமாட்டார்கள். படிப்படியாக உருவாக்கும் உறவுகளைப் பெரிதும் மதிப்பார்கள். உங்களை வீட்டுக்குக் கூப்பிடுகிறாரா? உங்களை அவருக்கு ரொம்பவும் பிடித்துவிட்டது என்று அர்த்தம். பூங்கொத்து வாங்கிக்கொண்டு செல்லுங்கள். உங்கள் உறவும், தொழிலும் அமோகமாக வளரும்.

http://tamil.thehindu.com/business/தொழில்-கலாச்சாரம்-ஹிட்லரைப்-பற்றி-பேச-வேண்டாம்/article7473305.ece

 

[குமாரசாமி]

ஜேர்மனி என்றால் சும்மாவா? நேற்று முளைத்த அமெரிக்காவுக்கும் இது தெரியும்..
இணைப்பிற்கு நன்றி ஆதவன்

 

[Athavan CH]

தொழில் கலாச்சாரம்: கங்காரு தேசத்திலும் பிசினஸ் பேசலாம்

அன்புள்ள கீதா,

ஆஸ்திரேலிய நாட்டின் சிட்னி நகரத்திலிருந்து வெளியாகும் பிரபல நாளிதழ் ஹெரால்ட் சன்” (Herald Sun). இன்று அதன் வணிகப் பக்கத்தில் வெளியிட்டிருக்கும் செய்தி:

ஆஸ்திரேலியாவை அலங்கரிக்கும் இந்தியத் தரை விரிப்புகள்! தமிழ்ப் பெண்ணின் சாதனை என என்னைப் பற்றி செய்தி வெளியிட்டுள்ளனர்.

என் போட்டோ. ஆமாம் கீதா, சத்தியமங்கலம் என்கிற சின்ன ஊரின் விவசாயக் குடும்பத்தில் பிறந்து, பண்ணாரி அம்மன் பொறி யியல் கல்லூரியில் படித்து, ஐந்து வருடங்களுக்கு முன்னால் ஈரோட்டில் ஜமக்காளங்களும், தரை விரிப்புகளும் தயாரிக்கத் தொடங்கிய நான், உன் தோழி தேன்மொழி, இன்று ஆஸ்திரேலிய நாளிதழில் பேசுகிற அளவுக்கும் பிரபலம் ஆகிவிட்டேன்.

சில மாதங்களுக்கு முன்பு, ராபர்ட் என்னும் ஆஸ்திரேலிய பிசினஸ்மேன் ஈரோடு வந்திருந்தார். நான் தயாரிக்கும் தரை விரிப்புகளில் ஈடுபாடு காட்டினார். அவற்றைத் தங்களது நாட்டில் விற்பனை செய்வதற்கு ஏஜென்சி தருமாறு கேட்டார். அவரையும், இன்னும் சில முக்கிய வியாபாரிகளையும் சந்திக்கத்தான் நான் ஆஸ்திரேலியா வந்திருக்கிறேன். மூன்று வாரச் சுற்றுப் பயணம். அற்புதமான அனுபவம். எனக்குப் பிடித்த ஆஸ்திரேலியா பற்றிய சில மனப்பதிவுகளை உன்னோடு பகிர்ந்து கொள்கிறேன்.

நம் நாட்டிலிருந்து ஆஸ்திரேலி யாவுக்கு ரூ.17,000 கோடிக்கு ஏற்றுமதி செய்கிறோம். உலோகம், இயந்திரம், மோட்டார் பம்புகள், ஜவுளிப் பொருட்கள், மருந்துகள், போக்குவரத்து வாகனங்கள் ஆகியவை நமது ஏற்றுமதியில் முக்கியமானவை. அவர்களிடமிருந்து இறக்குமதி செய்யும் மதிப்பு ரூ.62,768 கோடி. நாம் வாங்குவதில் முக்கியமானவை உலோகத் தாதுப் பொருட்கள், காரீயம், அலுமினியம், காய்கறிகள், பழங்கள், கம்பளி நூல். ஆனால், நமது ஏற்றுமதி, இறக்குமதி வர்த்தகத்தில் ஆஸ்திரேலியாவுடனான பங்கு ஒரு சதவிகிதம்தான். ஆகவே, இவை இரண்டையும் கணிசமாக அதி கரிக்கும் வாய்ப்புக்கள் கொட்டிக் கிடக்கின்றன. என்னைப் போன்ற தொழில் முனைவர்கள் இந்த வாய்ப்புக் கதவுகளைத்தான் தட்டிக் கொண் டிருக்கிறோம்.

இந்த முயற்சியில் ஜெயிக்க, ஆஸ்திரேலியா, அதன் குடிமக்கள், அவர்கள் பழக்க வழக்கங்கள் ஆகிய வற்றை நாம் தெரிந்துகொள்ள வேண்டும், புரிந்துகொள்ள வேண்டும்.

பூகோள அமைப்பு

இந்திய பெருங்கடலுக்கும், தென் பசிபிக் பெருங்கடலுக்கும் நடுவே இருக்கும் தனிக் கண்டம். பப்புவா நியூ கினி (Papua New Guinea), இந்தோனேஷியா, நியூசிலாந்து போன்றவை அண்டைய நாடுகள்.

நிலப் பரப்பு 77,41,220 சதுரக் கிலோமீட்டர்கள். அதாவது, நம் நாட்டைவிட இரண்டரை மடங்கு பெரியது. பரப்பளவின் அடிப்படையில், ஆஸ்தி ரேலியா உலகத்தின் மிகச் சிறிய கண்டம்; ஆனால், ஒன்பதாவது பெரிய நாடு. தலைநகர் கான்பெரா (Canberra). பிற முக்கிய நகரங்கள் அடிலாய்ட், பிரிஸ்பெர்ன் பெர்த், சிட்னி, மெல்போர்ன்.

ஆஸ்திரேலியாவுக்கு இயற்கை தாதுச் செல்வங்களை அள்ளித் தந்திருக்கிறது. உலகத்தின் 29 சதவீத கரி சப்ளையர் இவர்கள்தாம். வைரக்கற்கள், தங்கம், பாக்சைட், செம்பு, ஈயம், வெள்ளி, யுரேனியம், பெட்ரோலியம், ஆகிய வளங்கள் ஏராளம் கொண்ட நாடு.

மக்கள் தொகை

2 கோடி 38 லட்சம். ஆஸ்திரேலியர்கள் 25 சதவீதம்; பிரிட்டிஷர் 25 சதவீதம்; பழங்குடி மக்கள் சுமார் ஏழு லட்சம் பேர் இன்னும் இருக்கிறார்கள். இந்தியர்கள் ஒரு சதவீதத்துக்கும் சற்றே அதிகம். ஒவ்வொரு வருடமும் சுமார் 2 லட்சம் பேர் ஆஸ்திரேலியாவுக்குப் புலம் பெயர்ந்து வருவதாகச் சொல்கிறார்கள். இவர்களில் பத்து சதவீதம் இந்தியர்கள் என்று கேள்விப்பட்டேன்.

77 சதவீத மக்கள் ஆங்கிலம் பேசுகிறார்கள். சீனம், இத்தாலியன், கிரேக்கம் அரபிக், பழங்குடி மக்களின் 15 பேச்சு மொழிகள் ஆகியவையும் பயன்படுத்தப்படுகின்றன.

மதவாரியாக, 30 சதவீதத்தினர் ப்ராட்டஸ்டன்ட் கிறிஸ்தவர்கள்; 25 சதவீதம் கத்தோலிக்கர்கள்; 2 சதவீதம் முஸ்லீம்கள். இன்னொரு 2 சதவீதம் புத்த மதத்தினர்; இந்துக்கள் 1 சதவீதம் வசிக்கின்றனர்.

சுருக்க வரலாறு

70,000 ஆண்டுகளுக்கு முன்னால், ஆசியாவின் பல்வேறு பாகங்களிலிருந்து மக்கள் வந்து குடியேறியிருக்கவேண்டும் என்று ஆராய்ச்சியாளர்கள் சொல்கிறார்கள். 1600- களில் டச்சுக்காரர்களும், 1800 களில் பிரிட்டிஷாரும் வரத் தொடங்கினார்கள். 1788 இல், இங்கிலாந்து அரசாங்கம் 1,60,000 ஆண், பெண் கைதிகளை ஆஸ்திரேலியாவில் குடியேற்றம் செய்தார்கள். நாட்டைத் தங்கள் பேரரசின் காலனியாக்கிக்கொண்டார்கள். தங்கச் சுரங்கத் தொழில், ஆடுகள் வளர்த்துக் கம்பளி நூல் தயாரிப்பு ஆகிய தொழில்களில் பணம் கொட்டியது. உலகின் பல்வேறு பகுதிகளிலிருந்து மக்கள் வந்து குடியேறத் தொடங்கினார்கள். 1901- இல் சுதந்திரம் பெற்ற ஆஸ்திரேலியா குடியரசாக காமன்வெல்த் அமைப்பில் அங்கம் வகிக்கிறது.

ஆட்சி முறை

இங்கிலாந்து மகாராணியைத் தலைவியாகக் கொண்ட மக்களாட்சி. பிரதமர் ஆட்சி நடத்துகிறார். மேல்சபை (செனட்), கீழ்சபை (ஹெளஸ் ஆஃப் ரெப்ரசென்ட்டேடிவ்ஸ்) என இரண்டு மக்கள் மன்றங்கள் உண்டு.

பொருளாதாரம்

உலகின் பணக்கார நாடுகளில் ஆஸ்திரேலியா ஒன்று. கடந்த 20 ஆண்டுகளாக மாபெரும் வளர்ச்சி. சுரங்கத் தயாரிப்புகள், விவசாயப் பொருட்கள் ஆகியவற்றுக்கு இந்தியா விலும், சீனாவிலும் ஏகப்பட்ட கிராக்கி.

நாணயம்

ஆஸ்திரேலிய டாலர். இன்றைய மதிப்பின்படி, சுமார் 47 ரூபாய்.

பயணம்

ஆஸ்திரேலியாவின் நான்கு பருவ காலங்கள் இவைதாம்;

டிசம்பர் முதல் பிப்ரவரி வரை கோடை காலம்

மார்ச் முதல் மே வரை இலையுதிர் காலம்

ஜூன் முதல் ஆகஸ்ட் வரை குளிர் காலம்

செப்டம்பர் முதல் நவம்பர் வரை வசந்த காலம்

செப்டம்பர், அக்டோபர், நவம்பர் மாதங்கள் சுற்றுலாவுக்கு பொருத்தமானவை. கோடையும், குளிர்காலமும் கடுமையானவை அல்ல. மழையும் சகஜ வாழ்க்கையைப் பாதிப்பதில்லை. எனவே, எப்போது வேண்டுமானாலும், பிசினஸ் பயணம் போகலாம். ஆஸ்திரேலியா பரந்து விரிந்த நாடாக இருப்பதால், பகுதிக்குப் பகுதி பருவ நிலைகளில் மாற்றம் இருக்கும். ஆகவே, எந்த ஊர்களுக்குப் போகிறோமோ அந்த ஊர்களின் சீதோஷ்ண நிலைமைகளை முன்பே தெரிந்து கொள்ள வேண்டும்.

பிசினஸ் டிப்ஸ்

ஆஸ்திரேலிய பிசினஸ்மேன்களைச் சந்திப்பது சுலபம். எளிதில் அப்பாயிண்ட்மெண்ட் தருவார்கள். குறித்த நேரத்துக்கு போகவேண்டும். தாமதங்களை வெறுப்பார்கள். பேச்சும், பிரசன்டேஷன்களும் ரத்தினச் சுருக்கமாக இருக்கவேண்டும். பிசினஸில் மட்டுமல்ல, தனிப்பட்ட பேச்சுக்களிலும் நீட்டி முழக்குவது அவர்களுக்குப் பிடிக்காது.

’சார்’ என்று அழைப்பதைவிட, ‘மேட்” (Mate) என்று விளிப்பார்கள். நல்லவர்கள், நட்பானவர்கள்.ஆனால், சீண்டுவது அவர்கள் பழக்கம். முக மலர்ச்சியோடு இந்தச் சீண்டல்களை ஏற்கப் பழகிக்கொள்ள வேண்டும்.

உடலைத் தொட்டுப் பேசுவது அநாகரிகம். விரலை உயர்த்திப் பேசுவதும் கூடாது. பல வருடங்களுக்கு முன்னால், அமெரிக்க அதிபர் ஜார்ஜ் புஷ் ஆஸ்திரேலியா போயிருந்தார். V for Victory என்னும் உடல்மொழியைக் காட்டினார். அவர் புறங்கை பார்வையாளர்களைப் பார்த்தபடி இருந்தது.

மறுநாள். ஜார்ஜ் புஷ் ஆஸ்திரேலி யர்களை அவமானப்படுத்திவிட்டார் என்று சரமாரியாகக் குற்றச்சாட்டுக்கள். ஏன் தெரியுமா. இந்தச் சைகையைக் காட்டும்போது, உள்ளங்கை பார்வை யாளர்களை நோக்கி இருக்கவேண்டும். கையின் பின்பக்கம் அவர்களைப் பார்த்தபடி இருந்தால், கேலி செய்வதாக அர்த்தம். ஆகவே, ஆஸ்திரேலியா போகும் முன், அவர்கள் உடல்மொழி பற்றி விவரமாகத் தெர்ந்துகொள்ள வேண்டும். இன்னும் மூன்று நாட்களில் ஊர் திரும்பியதும் உன்னை வந்து சந்திக்கிறேன். அப்போது சொல்வதற்கு இன்னும் பல சுவாரஸ்யமான கதைகள் வைத்துள்ளேன்.

அன்புடன்

உன் உயிர்த் தோழி, தேன்மொழி

பின் குறிப்பு

ஆஸ்திரேலியா என்றதும் நம் நினைவுக்கு வரும் இரண்டு விஷயங்கள் கிரிக்கெட், கங்காரு. மேட்ச் பார்க்க நேரம் இருக்கவில்லை. ஆனால், காலையில் வாக்கிங் போகும்போது, ஏராளமான சின்னப் பசங்க கிரிக்கெட் பிராக்டீஸ் செய்வதைப் பார்த்து ரசித்தேன். வயிற்றில் குட்டிகளைத் தூக்கிக்கொண்டு குதித்துக் குதித்து ஓடும் கங்காருக்களைக் காணும் காட்சி பரவச அனுபவம். ஆஸ்திரேலிய நாட்டின் சின்னமும் அதுதான். நிறைய கங்காரு பொம்மைகள் வாங்கியிருக்கிறேன். அதில் பெரிய பொம்மை ஒன்று உன் மகன் கண்ணன் விளையாடுவதற்காக ஸ்பெசலாக வாங்கி வைத்துள்ளேன்.

(தொடரும்)

http://tamil.thehindu.com/business/தொழில்-கலாச்சாரம்-கங்காரு-தேசத்திலும்-பிசினஸ்-பேசலாம்/article7498961.ece?widget-art=four-rel

[தமிழ் சிறி]

ஜெர்மனிக்குப் பல முகங்கள் உண்டு - பிராட்டஸ்டன்ட் கிறிஸ்தவ மதத்துக்கு அடிகோலிய மார்ட்டின் லூதர், கம்யூனிசத் தந்தை கார்ல் மார்க்ஸ், தத்துவ மேதை நீட்ஸே, மாபெரும் தலைவர்கள் வில்லி பிராண்ட், கொன்ராட் அடினார்: இரண்டாம் உலகப் போரில் அகிலத்தையே மிரட்டிய ஹிட்லர், அறிவியல் ஆராய்ச்சியில் தனி முத்திரை பதித்த வானியல் மேதை கோபர்னிக்கஸ், ஆல்பர்ட் ஐன்ஸ்ட்டின் உட்பட்ட 104 நோபல் பரிசுக்காரர்கள்; மொசார்ட், பீத்தோவன் போன்ற அமர இசை அமைப்பாளர்கள், டென்னிஸ் வீராங்கனை ஸ்டெஃபி கிராஃப், கார் ரேஸ் சாம்பியன் மைக்கேல் ஷூமேக்கர் , அடிடாஸ், ப்யூமா, மெர்சிடஸ் பென்ஸ், பாஷ், ஆடி, பேயர், மெர்க் போன்ற பாரம்பரியப் பன்னாட்டு நிறுவனங்கள் என பட்டியல் நீளும்.

இத்தனை பெருமைகள் கொண்ட ஜெர் மனிக்கு இந்திய அயல்நாட்டு வணிகத்திலும் முக்கிய பங்கு உண்டு. ஜெர்மனியுடன் ஏற்றுமதி வர்த்தக மதிப்பு ரூ. 46,059 கோடி. இறக்குமதி மதிப்பு ரூ. 78,188 கோடி. ஜவுளி, இயந்திரங்கள், ரசாயனங்கள், இரும்பு, உருக்குப் பொருட்கள், தோல் பொருட்கள், காலணிகள் ஆகியவை நமது ஏற்றுமதியில் முக்கியமானவை. அவர்களிடமிருந்து வாங்கும் முக்கிய பொருட்கள் இயந்திரங்கள், கார்கள், எலெக்ட்ரானிக் கருவிகள், கெமிக்கல்கள், பிளாஸ்டிக்ஸ் போன்றவை.

சில குறிப்புகள்

ஜெர்மனியர்களுக்கு 12 மணி என்றால், அது 11.59, 12.01, ஆகவோ இருக்கக்கூடாது. பனிரெண்டு மணி என்றால் 12.00 தான். அத்தனை கறாராக இருப்பார்கள்.

பிசினஸ் கூட்டங்களுக்கு கோட், சூட் அணியவேண்டும். அழுத்தமான கறுப்பு, நீல சூட், வெள்ளை அல்லது மென்மை நிறத்தில் சட்டை, டால் அடிக்காத டை அணியவேண்டும்.

ஜெர்மன் சமுதாயம் கல்வியை மிகவும் மதிக்கிறார்கள். ஆகவே, உங்கள் கல்விப் பட்டங்களை விசிட்டிங் கார்டுகளில் போடுவது நல்லது. சந்திக்கும்போதும், விடை பெறும்போதும் கை குலுக்குவது ஜெர்மனியர் பழக்கம், எதையும் மறைக்காமல் பேசுவார்கள். உங்கள் தயாரிப்புப் பொருட்களை அவர்கள் விமர்சித்தால், குமுறாதீர்கள். நேர்மையாக நடந்துகொள்கிறர்கள் என்று மகிழ்ச்சி அடையுங்கள்.

ஜெர்மானியர்களிடம் கதைவிடக்கூடாது. எதையும் ஆதாரம் இருந்தால்தான் ஏற்றுக்கொள்வார்கள். அதிக கால அவகாசம் தராமல், ஏராளமான விவரங்கள் கேட்பார்கள். மீட்டிங்குக்குப் போகுமுன், என்னென்ன கேள்விகள் கேட்பார்கள் என்று யூகித்துத் தயார் நிலையில் போகவேண்டும். அவர்களும், ஆதாரங்களோடுதான் பேசுவார்கள், கேட்ட விவரங்கள் தருவார்கள்.

பொருட்களின் தரத்தில் வெறித்தனமான நம்பிக்கை கொண்டவர்கள். சப்ளை செய்யத் தாமதமானாலும் ஒத்துக்கொள்வார்கள். ஆனால் தரம் குறைந்த பொருட்கள் சப்ளை செய்வது மகாபாவம் என்பார்கள். அவர்களிடம் பொருட்கள் வாங்கினாலும், அவர்களுக்கு விற்றாலும், மேலே சொன்னது பொருந்தும்.

உலகில் அதிகமாக பீர் குடிக்கும் நாடுகளில் ஜெர்மனி இரண்டாம் இடம் பிடிக்கிறது. சராசரியாக ஒரு ஜெர்மானியர் வருடத்துக்கு 110 லிட்டர் பீர் குடிக்கிறார். (முதல் இடம் செக்கொஸ்லோவேக்கியா சராசரி வருடத்துக்கு 143 லிட்டர்.) எனவே, கூட்டங்களில் பீர் பரிமாறப்படும்.

பேச்சு வார்த்தைகள் நடக்கும்போது, ஜோக் அடிப்பது அவர்களுக்குப் பிடிக்காது. அதேபோல், அவர்களுடைய தனிப்பட்ட வாழ்க்கை, குடும்பம், ஹிட்லர், நாஜிக்கட்சி, அரசியல் ஆகியவை குறித்துப் பற்றிப் பேசவேண்டாம். பேசுவதற்கு சிறந்த டாப்பிக் ஸ்போர்ட்ஸ்.

அரசு அதிகாரிகள் பரிசு வாங்குவது தடை செய்யப்பட்டிருக்கிறது. நிறுவன அதிகாரிகளுக்கு விலை அதிகமான பரிசுகள் தராதீர்கள். பேனாக்கள் தரலாம். ஜெர்மானியர்கள் நட்பையும், உறவையும் ஏற்படுத்துவதில் அவசரம் காட்டமாட்டார்கள். படிப்படியாக உருவாக்கும் உறவுகளைப் பெரிதும் மதிப்பார்கள். உங்களை வீட்டுக்குக் கூப்பிடுகிறாரா? உங்களை அவருக்கு ரொம்பவும் பிடித்துவிட்டது என்று அர்த்தம். பூங்கொத்து வாங்கிக்கொண்டு செல்லுங்கள். உங்கள் உறவும், தொழிலும் அமோகமாக வளரும்.

அத்தனையும்.... உண்மை.
ஜெர்மன் நாட்டில் வசிப்பதை பெருமையாக கொள்கின்றேன். 
வின்ரருக்கு... குளிர் தான், கொஞ்சம் வாட்டி வதைக்குது.
அந்தக் கஷ்டத்தை, சமருக்கு... பெண்கள் அரைகுறை ஆடையுடன் திரிவதைப் பார்க்க... அதுகும், பஞ்சாய் பறந்து விடும்.

[Surveyor]

ஜெர்மனிக்குப் பல முகங்கள் உண்டு - பிராட்டஸ்டன்ட் கிறிஸ்தவ மதத்துக்கு அடிகோலிய மார்ட்டின் லூதர், கம்யூனிசத் தந்தை கார்ல் மார்க்ஸ், தத்துவ மேதை நீட்ஸே, மாபெரும் தலைவர்கள் வில்லி பிராண்ட், கொன்ராட் அடினார்: இரண்டாம் உலகப் போரில் அகிலத்தையே மிரட்டிய ஹிட்லர், அறிவியல் ஆராய்ச்சியில் தனி முத்திரை பதித்த வானியல் மேதை கோபர்னிக்கஸ், ஆல்பர்ட் ஐன்ஸ்ட்டின் உட்பட்ட 104 நோபல் பரிசுக்காரர்கள்; மொசார்ட், பீத்தோவன் போன்ற அமர இசை அமைப்பாளர்கள், டென்னிஸ் வீராங்கனை ஸ்டெஃபி கிராஃப், கார் ரேஸ் சாம்பியன் மைக்கேல் ஷூமேக்கர் , அடிடாஸ், ப்யூமா, மெர்சிடஸ் பென்ஸ், பாஷ், ஆடி, பேயர், மெர்க் போன்ற பாரம்பரியப் பன்னாட்டு நிறுவனங்கள் என பட்டியல் நீளும்.

அடப்பாவிப்பயலுகள் நம்ம தமிழ் சிறி அண்ணா, குமாரசாமி அண்ணா போன்ற வீர சூரர்களை இணைக்க மறந்துவிட்டனர்....சிலவேளை இவர்கள் வாழும் அறிவியல் ஞாணிகள் என்பதாலோ?

ஜேர்மனி என்றால் சும்மாவா? நேற்று முளைத்த அமெரிக்காவுக்கும் இது தெரியும்..
இணைப்பிற்கு நன்றி ஆதவன்

 

உண்மைதான், இங்கிளிஷ் காரன் யாரை உருப்படவிட்டான். ஜேர்மனியர்கள் பொறுமை காப்பதாகவே நினைக்குறேன். பழைய கடனை நிச்சயம் திருப்பிகுடுப்பார்கள். 

அத்தனையும்.... உண்மை.ஜெர்மன் நாட்டில் வசிப்பதை பெருமையாக கொள்கின்றேன். 
வின்ரருக்கு... குளிர் தான், கொஞ்சம் வாட்டி வதைக்குது.
அந்தக் கஷ்டத்தை, சமருக்கு... பெண்கள் அரைகுறை ஆடையுடன் திரிவதைப் பார்க்க... அதுகும், பஞ்சாய் பறந்து விடும்.

விண்டரிலும் பெரிய பஞ்சம் இருக்காது......சுமாரா இருக்கும்

அண்ணை வீட்டுக்கு பைப்பில பீர் வருமோ?

[Athavan CH]

தொழில் கலாச்சாரம்: தோழர்களுக்கு தோள் கொடுக்கலாம்!

உங்களுக்கு ஒரு க்விஸ்.

உலகத்திலேயே பெரிய நாடு எது?

ரஷியா.

ரஷியாவின் பரப்பளவு எத்தனை சதுர கிலோமீட்டர்?

1,70,98,242.

இந்தியாவை விட ரஷியா எத்தனை மடங்கு பெரியது?

சுமார் ஆறு மடங்கு.

கம்யூனிசத் தாயகமாக நாம் பெரிதும் மதிக்கும் ரஷியாவுக்கு நமது அயல்நாட்டு வணிகத்திலும் முக்கிய இடம் உண்டு. ரஷியாவிலிருந்து நம் இறக்குமதி ரூ.25,924 கோடி. நம் இறக்குமதியில் முக்கியமானவை விமானங்கள், பெட்ரோலியம், செம்பு, நிக்கல், ரப்பர். ரஷியாவுக்கு நம் ஏற்றுமதி ரூ.12,823 கோடி. முக்கிய ஏற்றுமதிப் பொருட்கள், காபி, டீ, மீன், காய்கறிகள், உணவுப் பொருட்கள், வாசனைத் திரவியங்கள், மருந்துகள், இயந்திரங்கள், இரும்பு, உருக்கு.

பூகோள அமைப்பு

உலகத்திலேயே அதிகமான அண்டை நாடுகள் கொண்ட நாடு ரஷியாதான். இந்தப் பட்டியலில் 15 நாடுகள். பூமியால் பிரிவுபடும் தேசங்கள் 13 நார்வே, ஃபின்லாந்து, எஸ்தோனியா, லாட்வியா, லிதுவேனியா, போலந்து, பெலாரஸ், உக்ரேன், ஜார்ஜியா, கஜகஸ்தான், சீனா, மங்கோலியா, வட கொரியா. கடலால் பிரிக்கப்படும் நாடுகள் ஜப்பானும், அமெரிக்காவும்.

ரஷியாவில் மலைகள், காடுகள் சமவெளிகள், கடற்கரைகள் ஆகிய நான்கு வகை நிலப்பகுதிகளும் இருக்கின்றன. பெரும்பாலான இடங்கள் சமவெளிகள். இத்தகைய விதவிதமான நில அமைப்புக்களால், பகுதிக்குப் பகுதி பருவநிலை வித்தியாசப்படுகிறது.

ஆயிரத்துக்கும் அதிகமான நதிகளும், சிற்றாறுகளும் நாட்டைச் செழிப்பாக்குகின்றன. உலகின் பத்து சதவீத விவசாய நிலம் ரஷியாவில்தான் உள்ளது. பெட்ரோல். நிலக்கரி, உலோகங்கள், அரிய தனிமங்கள், மரம் ஆகியவை முக்கிய இயற்கைச் செல்வங்கள்.

மக்கள் தொகை

14 கோடி. கிறிஸ்தவர்கள் சுமார் 20 சதவீதம்: முஸ்லீம்கள் சுமார் 15 சதவீதம்; மற்றவர்கள் நாஸ்திகர்கள். 98 சதவீத மக்கள் ரஷிய மொழி பேசுகிறார்கள். ஆங்கிலம் அறிந்தவர்கள் மிகச் சிறுபான்மையினரே. ஆண்கள், பெண்கள் இருபாலரும் அபாரக் கல்வியறிவு பெற்றவர்கள். எழுத்தறிவு (Literacy) 99.6 சதவீதம் பேர் பெற்றுள்ளனர்.

சுருக்க வரலாறு

ரஷியாவின் சரித்திரம் எட்டாம் நூற்றாண்டில் ஆரம்பம். பத்தாம் நூற்றாண்டில் கிறிஸ்தவ மதம் பரவியது. பனிரெண்டாம் நூற்றாண்டில் மங்கோலியர் ஆக்கிரமித்தனர். பதினேழாம் நூற்றாண்டில் மாமன்னர் பீட்டர் ரஷியாவை வல்லரசான சாம்ராஜியமாக்கினர். அடுத்து வந்த ஜார் மன்னர்கள் கொடுங்கோல ராயினர். 1917. ஆஹாவென்று எழுந்தது யுகப்புரட்சி. கொடுங்ேகாலன் அலறி வீழ்ந்தான். லெனின் தலைமையில் கம்யூனிச ஆட்சி. சோவியத் யூனியன் என்னும் பெயரோடு, ரஷியா ஒரு கட்சி ஆட்சியில், பொதுவுடைமைப் பாதையில் நடைபோட்டது.

ஏராளமான அரசியல், பொருளாதாரச் சிக்கல்கள் வந்தன. மக்கள் ஜனநாயகத்தை விரும்பினார்கள், உரிமைகள் கோரினார்கள். 1990 இல், நாட்டுத் தலைவர் மைக்கேல் கார்பச்சேவ் அரசின் கிடுக்கிப் பிடியைத் தளர்த்தத் தொடங்கினார்.

1991 இல் சோவியத் யூனியன் 15 நாடுகளாகப் பிளவுபட்டது. ரஷியா தனி நாடானது. இந்த நாடுகள், பாதுகாப்பு, வாணிபம் ஆகியவற்றுக்காக, Commonwealth of Independent States என்னும் கூட்டமைப்பு அமைத்திருக்கிறார்கள். இந்த நாடுகளைச் சுருக்கமாக, CIS என்று அழைக்கிறோம்.

ஆட்சி முறை

நாட்டின் தலைநகர் மாஸ்கோ. முக்கிய அரசு அலுவலகங்கள் இங்கேதான் இருக்கின்றன. மக்களாட்சி நடக்கிறது. ஃபெடரல் அசெம்பிளி, ஃபெடரேஷன் கவுன்சில் என்று இரண்டு சபைகள். நாட்டுத் தலைவர் ஜனாதிபதி, ஆட்சித் தலைவர் பிரதமர்.

நாணயம்

ரூபிள் (Rouble) சுமார் ஒரு ரூபாய்க்குச் சமம்.

பொருளாதாரம்

மொத்த உள்நாட்டு உற்பத்தியில் விவசாயத்தின் பங்கு 4 சதவீதம்; தொழில்கள் 36 சதவீதம்; சேவைகள் 60 சதவீதம். சுரங்கம் தோண்டித் தாதுப் பொருட்கள் எடுத்தல், இயந்திரங்கள் தயாரிப்பு ஆகியவை உற்பத்தி, வேலை வாய்ப்புகள் ஆகியவற்றில் கணிசமான பங்களிக்கின்றன. ராணுவத் தளவாடங்கள், விண்கலங்கள், விமானங்கள், கப்பல்கள், பஸ்கள், கார்கள், டிராக்டர்கள், ரோடு போடும் மெஷின்கள், மின்சாரத் தயாரிப்புக் கருவிகள், மருத்துவக் கருவிகள்.......ரஷியா தயாரிக்காத இயந்திரமோ, கருவியோ கிடையாது என்றே சொல்லலாம்.

பயணம்

பகுதிக்குப் பகுதி பருவநிலை மாறுபடுவதால், போகும் ஊருக்கு ஏற்ப, உங்கள் பயணக் காலத்தைத் தீர்மானியுங்கள்.

பிசினஸ் டிப்ஸ்

முக்கியமானவர்களைச் சந்திப்பது சிரமமான காரியம். நமக்குக் காரியம் நடக்கவேண்டுமானால், அசாத்தியப் பொறுமையோடு முயற்சித்துக் கொண்டே இருக்கவேண்டும். மீட்டிங் களுக்கு அரைமணி நேரம்வரை தாமதமாக வருவது சர்வ சாதாரணம், ஒரு சிலர் குறிப்பிட்ட நேரத்துக்கு வருவார்கள்.

ஆகவே, நீங்கள் சொன்ன நேரத்துக்குப் போய்விடுவது நல்லது. விலாவாரியாகப் பேசுவார்கள். ஆகவே, ஒரு மணி நேர மீட்டிங் பல மணி நேரங்கள் நீடிக்கும். டெக்னிக்கல் சமாச்சாரங்களைத் துருவித் துருவி விசாரிப்பார்கள்.

பரஸ்பர நம்பிக்கை ஏற்பட, உடனடிப் பதில்கனை எதிர்பார்ப்பார்கள். மழுப் பாதீர்கள், பொய் சொல்லாதீர்கள். முழுத் தயார் நிலையில் நீங்கள் வருவதை எதிர்பார்ப்பார்கள். அவர் களும் அப்படியே வருவார்கள்.

பேசும்போது, அனைத்துக்கும் “நோ”, “நோ” என்றுதான் ஆரம்பிப் பார்கள். மெள்ள மெள்ள இறங்கி வருவார்கள். பேரம் பேசுவார்கள். எந்த அளவுக்கு விட்டுக்கொடுக்கலாம் என்பதில் நீங்களும், உங்கள் குழுவினரும் தெளிவாக, உறுதி யாக இருங்கள். மீட்டிங்கில் அவர்கள் தரும் வாக்குறுதிகள் இறுதியானவை என்பதற்கு எந்த உத்தரவாதமும் கிடையாது. ஒப்பந் தத்தில் கையெழுத்திடும்வரை, அடிப்படை மாற்றங்கள்கூட வரலாம். கையெழுத்திடும் முன், ரஷியச் சட்டங்களும், இந்தியச் சட்டங் களும் அறிந்த வழக்கறிஞரிடம் ஒப்பந்த நகலைக் காட்டி, அவர் ஒப்புதல் வாங்கிவிடுங்கள். ஒப்பந்த மீறல்கள் நடந்தால், வழக்குகள் ரஷிய நீதிமன்றத்தில் நடக்க வேண்டும் என்று சொல்வார்கள். சம்மதிக்காதீர்கள். பெரும்பாலான வெளிநாட்டு பிசினஸ்மேன்கள் ஸ்வீடன் நாட்டு நீதிமன்றங்களைத் தேர்ந்தெடுக் கிறார்கள். இவை நடுநிலையானவை, நேர்மையானவை என்பது பலர் அனுபவம்.

நீங்கள் இறக்குமதி செய்தாலோ, அல்லது அவர்களிடம் தொழில் நுட்பம் வாங்கினாலோ, கொடுக்கவேண்டிய பணத்தில் ஒரு பகுதியை அவர்கள் ஸ்விஸ் வங்கிக் கணக்கில் போடச் சொன்னால், அதிர்ச்சி அடையாதீர்கள். நாட்டின் கடுமையான வருமான வரியிலிருந்து தப்பிக்க பல ரஷியத் தொழிலதிபர்கள் கையாளும் குறுக்கு வழி இது. பிசினஸ்மேன்கள் கோட், சூட் அல்லது குறைந்தபட்சம் டை அணியவேண்டும். ஹோட்டலில் ஷார்ட்ஸ் போடலாம். ஆனால், வெள்ளை நிற ஷார்ட்ஸ் வேண்டவே வேண்டாம். அதை அருவருப்போடு பார்ப்பார்கள்.

உபசரிப்புகள்

நீங்கள் அவர்களை மீட்டிங் குகளுக்கு அழைத்தால், டீ, காபி, ஜூஸ், பிஸ்கெட்கள் தாராளமாக வைத்திருங்கள். பேசிக்கொண்டே கொறிப்பது அவர்கள் பழக்கம். பானங் களைப் பிளாஸ்டிக் கப்களில் தருவது கூடவே கூடாது. பீங்கான் கோப்பைகள் உத்தமம்: கண்ணாடிக் கோப்பைகள் மத்திமம்.

இரவுச் சாப்பாடு 7 மணிக்குத் தொடங்கும். மது கட்டாயம் உண்டு. ஸ்காட்ச் விஸ்கி, வோட்கா, ஒயின் ஆகியவை பெரும்பாலானோர் விரும்பும் மது வகைகள். நிறையவே குடிப்பார்கள். பொதுவாகத் தன்னிலை இழப்பதில்லை. தங்கள் வீடுகளுக்கு உங்களை அழைப்பது அபூர்வம். அது நடந்து விட்டால், அவர் நம்பிக்கையைப் பெற்றுவிட்டீர்கள் என்று காலரைத் தூக்கிவிட்டுக்கொள்ளுங்கள்.

விரும்பும் பரிசுகள்

பூங்கொத்துக்கள், சிகரெட், ஸ்காட்ச் விஸ்கி, காமிரா, பேனா போன்றவை ரஷியர்கள் வரவேற்கும் பரிசுகள்.

slvmoorthy@gmail.com

http://tamil.thehindu.com/business/தொழில்-கலாச்சாரம்-தோழர்களுக்கு-தோள்-கொடுக்கலாம்/article7578117.ece

[nochchi]

இணைப்புகளுக்கு நன்றி!

[Athavan CH]

தொழில் கலாச்சாரம்: பணக்கார தேசத்திலும் வாய்ப்புகள் நமக்குண்டு!

இன்றைய இளைஞர் சமுதாயத்தின் கனவுத் தொழிற்சாலை, ஆதர்ச உலகம் அமெரிக்கா. அதுவும், 2000 மாவது ஆண்டுக்குப் பிறகு, இந்திய, அமெரிக்க உறவுகளில் புதிய பரிணாமங்கள். 2000-மாவது ஆண்டில் Y2K என்னும் கம்ப்யூட்டர் தொடர்பான பிரச்சினை வந்தது. நான்கு இலக்க வருடத்தை இரண்டு இலக்கங்களாகச் சுருக்கும்போது, 2000 என்பது 00 எனக் குறிப்பிடப்படும். இதனால், கம்ப்யூட்டர்கள் 1999 இலிருந்து 2000 ம் ஆண்டுக்குத் தங்கள் செயல்பாடுகளை மாற்றிக்கொள்ள முடியாமல் திணறின. இந்தப் பிரச்சினைக்குத் தீர்வு கண்டதில் இந்திய சாஃப்ட்வேர் இன்ஜினீயர்களுக்கு முக்கிய பங்கு உண்டு. நம் கம்ப்யூட்டர் சாஃப்ட்வேர் திறமைகளுக்கு வெளிச்சம் போட 2000- மாவது ஆண்டின் சிக்கல் பெருமளவில் உதவியது.

கூகிள், ஆப்பிள், மைக்ரோசாஃப்ட் என்னும் ஏராளமான அமெரிக்க முன்னணி நிறுவனங் களின் வளர்ச்சிக்கு ஆயிரக்கணக்கான இந்திய இளம் பொறியாளர்களின் திறமை நீரூற்றிக்கொண்டிருக்கிறது. பல அமெரிக்க முன்னணி நிறுவனங்கள் தங்கள் பணிகளை அசென்ச்சர் (Accenture), காக்னிசென்ட், ஹெச்சிஎல், இன்ஃபோசிஸ், விப்ரோ போன்ற இந்தியக் நிறுவனங்களுக்கு அவுட்சோர்ஸ் செய்கிறார்கள். இந்தப் பணிகளுக்காக, நம் பொறியாளர்கள் அடிக்கடி அமெரிக்காவுக்கு பயணம் மேற்கொள்கிறார்கள்.

இந்தத் திறமைசாலிகளில் பலர் அடிமட்ட, மத்தியக் குடும்பங்களின் வார்ப்புகள். தங்கள் பணிகளில் இவர்கள் உச்சம் தொட அசாத்தியத் திறமை மட்டும் போதாது; இந்தியர்கள் என்னும் வட்டத்துக்குள் சிக்கிக்கொண்டு இருக்கக்கூடாது. அமெரிக்கர்களின் பழக்க வழக்கங்களைப் புரிந்துகொண்டு அவர்களுள் ஒருவராக வாழவேண்டும். வேர்களை இந்தி யாவில் வைத்துக்கொண்டு, கிளைகளை அமெரிக்காவில் பரப்பவேண்டும்.

சாஃப்ட்வேர் தவிர, ஏற்றுமதி, இறக்குமதி வணிகத்திலும், இந்திய அமெரிக்க உறவுகள் வலிமையானவை. நம் ஏற்றுமதிப் பட்டியலில் முதல் இடம் பிடிப்பது அமெரிக்காதான் ரூ.2.60 லட்சம் கோடி, இந்திய மொத்த ஏற்றுமதியில் சுமார் 14 சதவீதம். அமெரிக்காவிலிருந்து நம் இறக்குமதி ரூ.1.33 லட்சம் கோடி.

மருந்துகள், ரசாயனங்கள், ஜவுளி பொருட் கள், சிலவகை இயந்திரங்கள், ஆகியவை நம் ஏற்றுமதியில் முக்கியமானவை. நாம் அமெரிக்காவிலிருந்து இயந்திரங்கள், விமானங்கள், பெட்ரோல், மருத்துவக் கருவிகள், எலக்ட்ரானிக் கருவிகள், பிளாஸ் டிக்ஸ், மரக்கூழ் போன்ற பொருட்கள் வாங்கு கிறோம். அமெரிக்கா பற்றிய தெரிந்தும், தெரியாமலும் இருக்கும் விஷயங்கள்:

பூகோள அமைப்பு

அமெரிக்கா ஒரு கண்டம். கனடா, மெக்ஸிகோ ஆகியவை அண்டைய நாடுகள். நிலப்பரப்பு 98,26,675 சதுர கிலோமீட்டர்கள். அதாவது, இந்தியாவைவிட (32,87,263) சுமார் மூன்று மடங்கு பெரியது. நிலக்கரி, செம்பு, ஈயம், யுரேனியம், இரும்பு, நிக்கல், பெட்ரோலியம் என வகை வகையான இயற்கை வளங்கள் கொட்டிக் கிடக்கும் தேசம்.

மக்கள் தொகை

சுமார் 32 கோடி. நம் ஜனத்தொகையில் நான்கில் ஒரு பங்கு. இவர்களில் வெள்ளை யர்கள் 80 சதவீதம்: கறுப்பு இனத்தவர் 13 சதவீதம்; ஆசியர்கள் 4 சதவீதம்; பிறர் 3 சதவீதம். ஆங்கிலம் ஆட்சிமொழி. அடுத்த படியாகப் பெரும்பாலானோர் பேசும் மொழி ஸ்பானிஷ். 51 சதவீதத்தினர் பிராட்டஸ்டன்ட் கிறிஸ்தவர்கள்; 24 சதவிகிதம் கத்தோலிக்கர்கள்; யூதர்கள், புத்த மதத்தினர், இஸ்லாமியர் ஆகியோர் பிறர்.

சுருக்க வரலாறு

கொலம்பஸ் என்னும் இத்தாலி நாட்டுக் காரர் 1492 இல் அமெரிக்காவைக் “கண்டு பிடித்தார்.” அதுவரை அங்கே வசித்த மண்ணின் மைந்தர்கள் பற்றித் தெளிவான விவரங்கள் இல்லை. ஆனால், இவர்கள் “சிவப்பு இந்தி யர்கள்” என்று அழைக்கப்படுகிறார்கள். 1600 களில் ஸ்பெயின் நாட்டுக்காரர்கள், பிரிட்டிஷார், அடுத்து ஐரோப்பியர்கள் புலம் பெயர்ந்து வந்தார்கள். தேசம் பிரிட்டிஷ் காலனி யானது. 1776 இல் 13 காலனிகளும் இணைந் தன. ஆங்கில ஆட்சியிலிருந்து விடுதலை பெற்றன. அமெரிக்கா பிறந்தது. காலப்போக்கில் இன்னும் 37 மாநிலங்கள் சேர்ந்தன.

1861 65 காலக் கட்டத்தில் உளநாட்டுப் போர் வந்தது. குடியரசுத் தலைவர் ஆபிரகாம் லிங்கன் உறுதியோடு இந்த நிலையைக் கையாண்டு, நாட்டின் ஒருமைப்பாட்டைக் காத்தார். இன்று 50 மாநிலங்களும், வாஷிங்டன் என்னும் மத்திய ஆட்சிப் பிரதேசமும் இருக்கின்றன.

ஆட்சி முறை

மக்களாட்சி நடக்கிறது. உலக ஜனநாயகத் துக்கு வழிகாட்டி அமெரிக்காதான்.

பொருளாதாரம்

உலகின் செல்வாக்குமிக்க பணக்கார நாடு அமெரிக்காதான். முதலாளித்துவக் கொள் கையைப் பின்பற்றுகிறது. தொழில்நுட்பம், தொழில் உத்திகள், மேலாண்மை போன்ற துறைகளில் முன்னோடி. 1930 - களில் ‘பெரும் பொருளாதாரத் தொய்வு” (Great Depression) என்னும் வீழ்ச்சி வந்தது. இன்னொரு வீழ்ச்சி 2008 இல். இவை இரண்டிலிருந்தும் விடுபட்டுத் தன் வளர்ச்சியைத் தொடர்கிறது.

நாணயம்

டாலர். இன்றைய மதிப்பின்படி, ஒரு டாலர் சுமார் 63 ரூபாய்.

பயணம்

அமெரிக்கா விரிந்து பரந்த நாடு. மாநி லத்துக்கு மாநிலம் பருவநிலை மாறுபடும். ஆகவே, போகும் மாநிலத்துக்கு ஏற்ப, விசிட் அடிக்கும் மாதங்களைத் தேர்ந்தெடுங்கள். அமெரிக்கர்கள் விரைவாக முடிவு எடுப்பவர்கள். வெயில், மழை என்று பார்க்காமல், தொழில் தேவைகளுக்கு ஏற்றபடி பயணம் செய்யுங்கள்.

பிசினஸ் டிப்ஸ்

சந்திக்கும் நேரத்தை முன்னதாகவே பேசி நிர்ணயித்துக்கொள்ளவேண்டும். இல்லா விட்டால், சந்திக்க மாட்டார்கள். மீட்டிங், சாப்பாட்டு அழைப்புகள் ஆகியவற்றுக்கு நேரம் தவறாமை மிக முக்கியம். பார்ட்டிகளுக்கு அரை மணி நேரம் தாமதமாகப் போகலாம். சில நகரங்களில் டிராஃபிக் ஜாம்கள் சகஜம். இந்த விவரம் ரேடியோவில் தொடர்ந்து ஒலிபரப்பாகும், இதன்படி, மீட்டிங்குக்குப் புறப்படவேண்டிய நேரத்தைத் தீர்மானியுங்கள்.

கோட், சூட் போட்டால் விசித்திரமாகப் பார்ப்பார்கள். ஜீன்ஸ், டி ஷர்ட் அணியலாம். அலுவலகங்களுக்கு பலர் ஷார்ட், டி ஷர்ட்களில் வருவது சர்வ சாதாரணம். மிஸ்டர், சார் என்று அழைப்பது கிடையாது. கம்பெனிச் தலைவரைக்கூட பெயர் சொல்லி அழைக்கலாம். அவர்களும் அப்படித்தான் உங்களோடு பேசுவார்கள். பலமுறை நெருங்கிப் பழகினால் மட்டுமே, குடும்பம், அரசியல், பணம், மத நம்பிக்கைகள் ஆகியவைபற்றிப் பேசலாம். அதுவரை, இந்தச் சமாச்சாரங்கள் நோ, நோ.

சந்திக்கும்போது, ஆண்கள், பெண்கள் இருவரும் கை குலுக்குவார்கள். நெருங்கிப் பழகியவர்கள் கட்டி அணைத்து அன்பைக் காட்டிக்கொள்வார்கள். பழக்கமில்லாதவர் களும் ஹலோ சொல்வார்கள், புன்முறுவல் செய்வார்கள். நீங்களும் செய்வீர்கள் என்று எதிர்பார்ப்பார்கள்.

பேசும்போது, நெருங்கிப்போய் நிற்காதீர் கள். சுமார் இரண்டு அடி இடைவெளி இருப் பதை விரும்புவார்கள். ஆணுக்கு ஆண், பெண்ணுக்குப் பெண் கை கோர்ப்பது அநாகரிகம்.

அமெரிக்கர்களிடம் கைகளை ஆட்டிப் பேசுதல், ‘‘ஓகே”, “தம்ஸ் அப்”, V for Victory போன்ற சைகைகள் அதிகம். இவற்றின் அர்த்தம் உங்களுக்குத் தெரிந்திருப்பது கருத்துப் பரிமாற்றத்துக்கு மிகவும் உதவும்.

ஒருவரை ஒருவர் அடிக்கடி பாராட்டுவார்கள். உங்களிடமும் இதை எதிர்பார்ப்பார்கள்.

மீட்டிங்குகளுக்கு மடிகணினி சகிதம் முழு ஆயத்தமாக வருவார்கள். உங்களிடமும், விரல் நுனியில் விவரங்களை எதிர்பார்ப்பார்கள். மின்னல் வேக முடிவெடுப்பார்கள். முதல் சந்திப்பிலேயே, பெரிய கான்ட்ராக்ட்கள் கையெழுத்திடப்பட்ட அனுபவங்கள் எனக்கு உண்டு. அதே வேகம் உங்களிடமும் வேண்டும்.

சாப்பாட்டுக்கு உங்கள் சகா அழைத்தால், சாதாரணமாக அவர் பில்லுக்குப் பணம் கொடுப்பார். இல்லாவிட்டால், பில் தர இழுபறி கிடையாது. அவரவர் சாப்பாட்டுக்கு அவரவர் பணம் தருவார்கள்.

லஞ்சம் கிடையவே கிடையாது. விலை உயர்ந்த பரிசுகள் தரக்கூடாது. ஆண்களுக்கு ஏற்ற பரிசு டை: பெண்களுக்கு இந்தியக் கைவினைப் பொருட்கள் தரலாம். சென்ட், ஆடைகள் ஆகியவை தரக்கூடாது.+

http://tamil.thehindu.com/business/தொழில்-கலாச்சாரம்-பணக்கார-தேசத்திலும்-வாய்ப்புகள்-நமக்குண்டு/article7446927.ece

 

[விசுகு]

இணைப்புகளுக்கு நன்றி!

[Athavan CH]

தொழில் கலாச்சாரம்: யூத சாம்ராஜ்யத்தில் வர்த்தகம் புரிவதும் எளிதே!

ஃபேஸ்புக் நிறுவனர் மார்க் ஜூகர்பெர்க், கூகிள் நிறுவனர்கள் லாரி பேஜ், செர்கி பிரின், டெல் கம்ப்யூட்டர் தொடங்கிய மைக்கேல் டெல், மாக்ஸ் ஃபேக்டர், எஸ்ட்டீ லேடர், கால்வின் க்ளெயின் போன்ற அழகுச் சாதனங்கள் தயாரிப்பாளர்கள், நியூயார்க் டைம்ஸ், யு.எஸ். நியூஸ் அன்ட் வேர்ல்ட் ரிப்போர்ட் பத்திரிகைகளின் உரிமை யாளர்கள்.

இவர்களுக்குள் ஏராளம் வேறுபாடுகள் இருக்கலாம். ஆனால், ஒரு பொதுவான ஒற்றுமை என்ன தெரியுமா? இவர்கள் எல்லோருமே யூதர்கள். உலகில் ஒரு கோடி நாற்பது லட்சம் யூதர்கள் வசிக்கிறார்கள். என் நண்பர் மேனேஜ்மென்ட் ஆலோசகர் ஹரீஷ் ஷிவ்தசானி சொல்லுவார், “பிரபலம் இல்லாத ஒரு யூதர்கூட உலகத்தில் கிடையாது.” பல்வேறு சரித்திரக் காரணங்களால், சாதனை செய்வது இந்த இனத்தாரின் ரத்தத்தில் ஊறிய குணம்.

இஸ்ரேலிலிருந்து நம் இறக்குமதி ரூ.14,230 கோடி. இதில் 40 சதவீதம் ராணுவ விமானங்கள், இயந்திரங்கள் 36 சதவீதம், அவர்களுடைய ராணுவத் தளவாடங்களின் முக்கிய வாடிக்கையாளர் இந்தியாதான். இஸ்ரேலுக்கு நம் ஏற்றுமதி ரூ. 20,071 கோடிகள். முக்கிய ஏற்றுமதிப் பொருட்கள், உலோகங்கள், ஜவுளிப் பொருட்கள், காய்கறிகள்.

விண்வெளி ஆராய்ச்சியிலும், தொழில் நுட்பப் பரிமாற்ற ஒப்பந்தங்கள் கையெழுத் திட்டுள்ளோம், இஸ்ரேல் நாட்டோடு தொடர்பை வளர்த்தால், அரபு நாடுகளின் உறவுகள் பாதிக்கப்படும் என்பதால், இஸ்ரேலோடு நாம் கொஞ்சம் அடக்கியே வாசிக்கிறோம்.

பூகோள அமைப்பு

மத்தியதரைக் கடற்கரையில் இருக்கும் மிகச் சிறிய நாடு. நிலப் பரப்பு 20,770 கிலோமீட்டர்கள். அதாவது, திருச்சி மாவட்டத்தைவிடச் சுமார் இரண்டு மடங்கு பெரியது. லெபனான், சிரியா, ஜோர்டான், எகிப்து ஆகியவை அண்டைய நாடுகள். வறண்ட பாலைவனங்கள் ஒரு பக்கம், பனிமூடிய மலைகள் இன்னொரு பக்கம் என இரு மாறுபட்ட பருவநிலைகள்.

1950 இல் தங்கள் தலைநகரமாக இஸ்ரேல் அறிவித்த நகரம் ஜெருசலேம். ஆனால், அரபிய நாடுகள் இதை எதிர்ப்பதால், தலைநகராக இயங்குவது டெல் அவிவ்.

மக்கள் தொகை

80 லட்சம். 75 சதவீதம் யூதர்கள். மீதியில் பெரும்பாலானோர் அராபிய முஸ்லீம்கள். கொஞ்சம் கிறிஸ்தவர்களும் இருக்கிறார்கள். பேசும் மொழி ஹீப்ரூ.

சுருக்க வரலாறு

பைபிள் நாட்களிலிருந்தே, பாலஸ்தீனத்தின் ஒரு பகுதியாக இருந்த இஸ்ரேல், யூதர்களின் தாயகம். ரோம சாம்ராஜ்ஜியத்தின் அங்கமாக இருந்தது. கி.பி. 66 இல் யூதர்கள் ரோமின் அடிமைத்தளையை உடைத்தார்கள்.

ஆனால், நான்கே ஆண்டுகளில் ரோம் மறுபடியும் பாலஸ்தீனத்தைப் பிடித்தது. யூதர்கள்மீது அடக்குமுறை. மண்ணின் மைந்தர்கள் பல்வேறு நாடுகளுக்கு ஓடிப்போய் அங்கே புதுவாழ்வு அமைத்துக்கொண்டார்கள். யாதும் ஊரே, யாவரும் கேளிர் என்று வாழவேண்டிய கட்டாயம், சொந்த நாடே இல்லாத நிலை.

1897 இல், தியோடோர் ஹெர்ஜெல் என்னும் பத்திரிகையாளர் உலக யூதர்கள் இயக்கம் தொடங்கினார். பல நாடுகளில் சிதறிக் கிடக்கும் யூதர்களுக்குத் தனி நாடு அமைப்பது குறிக்கோள். 1948 இல், இரண்டாம் உலகப் போருக்குப் பின் இந்தக் கனவு நனவானது.

சுற்றியிருக்கும் அரபு நாடுகளுக்கு இஸ்ரேலின் ஜனனத்தை ஜீரணிக்க முடியவில்லை. 1948, 1967 1973 என மூன்று முறை போர் நடந்தது. எல்லாத் தடவையும் ஜெயித்தவர்கள் இஸ்ரேலியர்கள்.

நாம் இஸ்ரேலை அங்கீகரித்தது 1992 இல்தான்.

ஆட்சி முறை

மக்களாட்சி நடக்கிறது. நெஸ்ஸெட் (Knesset) என்னும் ஒரே மக்கள் சபைதான். நாட்டுத் தலைவர் ஜனாதிபதி. ஆட்சித் தலைவர் பிரதமர்.

நாணயம்

ஷெக்கெல் (Shekl). சுமார் 17 ரூபாய்க்குச் சமம்.

பொருளாதாரம்

தொழில் நுட்பத்தில் மகா கெட்டிக்காரர்கள். சொட்டு நீர்ப்பாசனம் மூலம், பாலைவன நாட்டைச் சோலைகளாக்கியிருக்கிறார்கள். இந்தத் தொழில் நுட்பத்தை இந்தியா உட்படப் பல நாடுகள் இஸ்ரேலிலிருந்து பெற்று வருகிறோம். ராணுவத் தளவாடங்கள், போர் விமானங்கள், நுணுக்கமான இயந்திரங்கள் தயாரிப்பு ஆகியவை முக்கிய தொழில்கள். கம்ப்யூட்டர் உதவியுடன் பொருட்களை வடிவமைப்பதில், உலக அரங்கில் இஸ்ரேலுக்கு முக்கிய இடம் உண்டு. நாட்டின் முக்கிய செல்வம், அவர்கள் மூளை, கடும் உழைப்பு.

பயணம்

அக்டோபர் முதல் மே வரை மழை பெய்யும். அதுவும், டிசம்பர் முதல் பிப்ரவரி வரை கொட்டும். வடக்குப் பகுதியில் பனி. பிற இடங்களில் வெயில் அதிகம். பயணம் செய்யும் பகுதியின் பருவநிலையைத் தெரிந்துகொண்டு, அதற்கு ஏற்ப ஆயத்தமாகப் போகவேண்டும்.

பிசினஸ் டிப்ஸ்

யூதர்களின் வார விடுமுறை சனிக்கிழமை. வெள்ளி அரை நாள். இஸ்லாமிய நிறுவனங்களுக்கு வெள்ளிக்கிழமை விடுமுறை. கிறிஸ்தவ நிறுவனங்களுக்கு ஞாயிறு விடுமுறை. வேலைநேரம் காலை 8 மணி முதல் மாலை 4.30 வரை. அரை நாட்களில் மதியம் 1 மணிவரை.

அவர்கள் அலுவலகங்களுக்குப் போனால், காத்திருக்க வைப்பார்கள். மீட்டிங்கின்போதும், அறைக்குள் பலர் வருவார்கள், போவார்கள். உங்களிடம் பேசிக்கொண்டே போன் பண்ணுவார்கள், அதிக நேரம் கதையடித்துக்கொண்டேயிருப்பார்கள். பிசினஸ் செய்யவேண்டுமா? உங்களுக்குத் தேவை, அசாத்தியப் பொறுமை.

சந்திப்புகளுக்கு நேரத்துக்கு வருவது இஸ்ரேலியப் பழக்கமல்ல. தாமதமாக வருவார்கள், சில சமயங்களில் வராமலே இருப்பார்கள். இந்தப் பழக்கம் இப்போது மெள்ள மாறிவருகிறது.

விசிட்டிங் கார்டுகள் மிக அவசியம். அதில் உங்கள் பதவி விவரங்களைக் கட்டாயம் குறிப்பிடவேண்டும். ஏராளமானவர்களுக்கு ஆங்கிலம் தெரியும். என்றாலும், விசிட்டிங் கார்டுகளில், ஒரு பக்கம் ஆங்கிலத்திலும், மறுபக்கம் ஹீப்ரூ மொழியிலும், விவரங்கள் தருவது நல்லது.

நீங்கள் எதைப் படிக்கக் கொடுத்தாலும், கடைசிப் பக்கத்தைத்தான் முதலில் பார்ப்பார்கள். பின்பக்கமாகத் திருப்பியபடியே, முதல் பக்கத்துக்கு வருவார்கள். ஆச்சரியப்படாதீர்கள். எனென்றால் ஹீப்ரூ இடமிருந்து வலமாகப் படிக்கப்படும் மொழி.

விவாதம் செய்வது அல்வா சாப்பிடுவது மாதிரி. பேச்சு வார்த்தை களின்போது, உணர்ச்சிவசப்படுவார்கள். கத்துவார்கள். சீக்கிரத்தில் முடிவுகள் எடுக்கமாட்டார்கள். இழுத்தடிப்பார்கள். ஒரு நாளுக்கு ஒரு மீட்டிங்குக்கு அதிகமாக வைத்துக்கொள்ளாதீர்கள். ஏனென்றால், முதலில் போகும் மீட்டிங் எத்தனை மணி நேரம் நீடிக்கும் என்று யாருக்குமே தெரியாது.

உங்கள் வயது, வருமானம், குடும்பம் போன்ற எல்லா விஷயங்களையும் கேட்பார்கள். நீங்கள் கேட்டாலும், கொஞ்சம்கூடத் தயக்கமே இல்லாமல் பதில் சொல்லுவார்கள். தொட்டுப் பேசுவதும், கையைப் பிடித்துக்கொண்டே பேசுவதும், நட்புக்கும், நெருக்கத்துக்கும் அடையாளம். மத விஷயங்கள் பேசவே பேசாதீர்கள். எப்போதும் பேசக்கூடிய சப்ஜெக்ட், விளையாட்டு, அதிலும் குறிப்பாக, நீச்சல், ஸாக்கர் என்னும் கால்பந்து ஆட்டம், பாஸ்க்கெட் பால்.

சில தனித்துவ உடல்மொழிகள் இஸ்ரேலியர்களுக்கு உண்டு. ஐந்து கை விரல்களையும் மேலும், கீழுமாக ஆட்டினால், ‘‘வேகமாகப் பேசுகிறீர்கள். மெதுவாகச் சொல்லுங்கள்” என்று அர்த்தம். உள்ளங்கையில் இன்னொரு கையின் ஆள்காட்டி விரல் குத்துவதுபோல் சைகை காட்டினால், ”நீங்கள் சொல்வதை, நான் நம்பவில்லை” என்று சொல்வதாகப் புரிந்துகொள்ள வேண்டும். .

உடைகள்

பான்ட், முழுக்கைச் சட்டை சாதாரண பிசினஸ் உடை. அவர்கள் பாரம்பரிய உடைகளை நீங்கள் அணிந்துபோனால், போலித்தனமாக நினைப்பார்கள். பெண்கள் உடலை மறைக்கும் ஆடைகள் அணியவேண்டும்.

உபசரிப்புக்கள்

விருந்தோம்பலில் சிறந்தவர்கள். ஓரளவு பழகிவிட்டால், வீட்டுக்குச் சாப்பிடக் கூப்பிடுவார்கள். நினைவில் வைத்துக்கொள்ளுங்கள், வீடுகளுக்குள் காலணிகள் போட்டுக்கொண்டு போகக்கூடாது. அவற்றுக்கான இடங்களில் கழற்றிவைக்க வேண்டும். பன்றி இறைச்சி சாப்பிடுவதில்லை. முஸ்லீம்கள் வீடுகளில், மதுவும் பரிமாறுவதில்லை. இடது கையால் எதையும் எடுத்துச் சாப்பிடக்கூடாது, நீங்கள் இடதுகைப் பழக்கம் உடையவராக இருந்தாலும். தட்டை வழித்துச் சாப்பிடுவது அநாகரிகம். கொஞ்சம் மிச்சம் வையுங்கள்.

பரிசுகள் தருதல்

ஓரளவு நெருங்கிப் பழகிய பிறகு மட்டுமே, பரிசுகள் தரவேண்டும். சில நிறுவனங்களில் ஊழல் தடுப்புக்காக, தங்கள் ஊழியர்கள் யாரிடமிருந்தும் பரிசுகள் பெறுவதைத் தடை செய்திருக்கிறார்கள். எனவே, பரிசுகள் தருவதில் கவனமாக இருங்கள். அவர்கள் வீடுகளுக்கு விருந்துக்கு அழைக்கும்போது, பூங்கொத்துக்களோ, சாக்லெட்களோ வாங்கிப்போகலாம். பரிசுகளை வலது கையால் மட்டுமே கொடுக்கவும், வாங்கவும் வேண்டும். இரண்டு கைகளையும் பயன்படுத்துவதும் சரியே.

http://tamil.thehindu.com/business/தொழில்-கலாச்சாரம்-யூத-சாம்ராஜ்யத்தில்-வர்த்தகம்-புரிவதும்-எளிதே/article7602978.ece

 

[Athavan CH]

தொழில் கலாச்சாரம்: புரட்சி பூமியில் வாய்ப்புகள் ஏராளம்!

ஈபிள் கோபுரம், லூவர் அருங்காட்சி யகம், வெர்ஸெயில்ஸ் அரண் மனை, நாட்டர்டாம் சர்ச், பனிமூடிய ஆல்ப்ஸ் மலை, பிரிட்டனி கடற்கரை, நெப்போலியன் நினைவுச் சின்னங்கள் எனச் சுற்றுலாப் பயணிகளை பரவசத்தில் ஆழ்த்தும் காட்சிகள் பிரான்சில் ஏராளம். இதனால் உலகிலேயே அதிகச் சுற்றுலாப் பயணிகள் வரும் நாடு பிரான்ஸ்தான். வருடத்துக்கு சுமார் 85 லட்சம் பேர் வருகிறார்கள்.

சுற்றுலாவில் மட்டுமல்ல, ராணுவத் தளவாடங்கள் ஏற்றுமதியிலும், உலகின் நம்பர் 1 பிரான்ஸ்தான். பிரான்சிலிருந்து நமது இறக்குமதி ரூ.27,030 கோடி. விமானங்கள், விண்கலங்கள், எலெக்ட்ரானிக் கருவிகள், ரசாயனங்கள், மருந்துகள், பிளாஸ்டிக்ஸ் ஆகியவை இவற்றுள் முக்கியமானவை. பிரான்சுக்கு நம் ஏற்றுமதி ரூ. 30,323 கோடிகள். முக்கிய ஏற்றுமதி பெட்ரோலியப் பொருட்கள், பின்னலாடைகள், பிற ஜவுளி சாமான்கள், தோல் தயாரிப்புகள், காலணிகள் போன்றவை.

பூகோள அமைப்பு

பரப்பளவு 5,43,965 சதுர கிலோமீட்டர். தெற்கில் ஆல்ப்ஸ் மலைத்தொடர். மூன்றில் ஒரு பங்கு நிலப்பரப்பு காடுகள். வளமான பூமி. கோதுமை, திராட்சை முக்கிய பயிர்கள். தலைநகரம் பாரிஸ்.

மக்கள் தொகை

6 கோடி 65 லட்சம். சுமார் 66 சதவீதம் கத்தோலிக்க கிறிஸ்தவர்கள்: முஸ்லிம்கள் 9 சதவீதம்: யூதர்கள், புத்த மதத்தினர் தலா 7 சதவீதம். பேசும் மொழி பிரெஞ்சு. ஆங்கிலம் தெரிந்தாலும், பிரெஞ்சில் பேசுவதில் பெருமைப்படுபவர்கள். உறவை வளர்க்கச் சிறந்த வழி, அவர்களிடம் பிரெஞ்சில் உரையாடுவது.

சுருக்க வரலாறு

சுமார் 40,000 ஆண்டுகளுக்கு முன்பே, இங்கு மனித வாழ்க்கை தொடங்கியதாக அகழ்வாராய்ச்சி நிபுணர்கள் நம்புகிறார்கள். ரோம சாம்ராஜியத்தின் கட்டுப்பாட்டில் பல நூற்றாண்டுகள். பிறகு பல்வேறு அரச பரம்பரைகள் ஆண்டார்கள். பிரிட்டனோடு நடந்த ஏழு வருடப் போரால், பொருளாதாரம் வீழ்ச்சி கண்டது.

1789 இல், பிரெஞ்சுப் புரட்சி என்னும் மக்கள் எழுச்சி வந்தது, சாமானியரான நெப்போலியன் சக்கரவர்த்தியானார். பிரான்சுக்கும், இங்கிலாந்துக்குமிடையே தொடர்ந்து பல யுத்தங்கள் நடந்தன. பின் வந்த சமாதான ஒப்பந்தம் மூலமாக, பாண்டிச்சேரி, காரைக்கால், மாஹி, ஏனாம் ஆகிய இந்தியப் பகுதிகள் பிரெஞ்சு காலனிகளாயின. இந்திய விடுதலைக்குப் பின், நம் நாட்டின் பகுதிகளாயின. முதல், இரண்டாம் உலகப் போர்களில் பிரான்சும், பிரிட்டனும் கை கோர்த்தன. பலமுறை, மக்களாட்சி வந்தது, கவிழ்ந்தது . 1958 ல் வந்த ஐந்தாவது குடியரசு இப்போது தொடர்கிறது.

ஆட்சி முறை

மக்களாட்சி நடக்கிறது. 18 வயது வந்த அனைவருக்கும் வாக்குரிமை உண்டு. நாட்டுத் தலைவர் ஜனாதிபதி. ஆட்சித் தலைவர் பிரதமர்.

நாணயம்

ஐரோப்பிய நாடுகளின் பொது நாணயமான யூரோ (Euro) தான், பிரான்சின் கரென்சியும்., ஒரு யூரோ சுமார் 74 ரூபாய்.

பொருளாதாரம்

பிரான்ஸ் ஒரு விசித்திர நாடு. உலகிலேயே அதிகக் கோடீஸ்வரர்கள் இருக்கும் நாடு பிரான்ஸ்தான். மொத்தம் 26 லட்சம் கோடீஸ்வரர்கள். அதாவது, பிரெஞ்சுக்காரர்களில் சுமார் 26 இல் ஒருவர் கோடீஸ்வரர். ஆனால், சமூக ஏற்றத்தாழ்வுகள் அதிகம். கடந்த பல ஆண்டுகளாகப் பொருளாதாரம் சீராக இல்லை. விவசாயம், ரசாயனம், சுற்றுலா, அணுசக்தி மின்சார உற்பத்தி, தொலைத் தொடர்புக் கருவிகள் தயாரிப்பு ஆகிய முக்கிய தொழில் துறைகளில் மந்த நிலை. தொழிலாளர் போராட்டங்கள், வேலை நிறுத்தங்கள் அடிக்கடி நடக்கின்றன. வேலைப்பற்றாக்குறையும் 10 சதவீதமாக இருக்கிறது.

பயணம்

ஜுலை, ஆகஸ்ட் மாதங்கள் வெயில் காலம். பெரும்பாலானோர் விடுமுறை எடுப்பார்கள். பிசினஸ் பயணங்களுக்கு இந்த இரு மாதங்களைத் தவிருங்கள்.

பிசினஸ் டிப்ஸ்

சந்திப்புகளுக்கு முன்னதாகவே நேரம், இடம் ஆகியவற்றை உறுதி செய்துகொள்ளவேண்டும். நீங்கள் குறிப்பிட்ட நேரத்துக்குப் போய் விடுங்கள். அவர்கள் ஓரளவு காலதாம தமாக வருவார்கள். அழுத்திக் கை குலுக்கக்கூடாது. சந்திப்பின்போது கட்டாயம் விசிட்டிங் கார்டுகள் தர வேண்டும். கல்விக்கும், பதவிக்கும் மதிப்புத் தரும் சமுதாயம் இது. ஆகவே, உங்கள் படிப்பு, பதவி விவரங்களை அவற்றில் கட்டாயம் குறிப்பிடுங்கள். ஒருபுறம் ஆங்கிலத்திலும், மறுபுறம் பிரெஞ்சிலும் விவரங்கள் இருப்பது நல்லது.

பேச்சு வார்த்தைகளுக்கு முன்னால், நலம் விசாரிப்பதும், தனிப்பட்ட விஷயங்கள் பற்றிப் பேசுவதும் நம் நாட்டு வழக்கம். பிரான்சில் இவை ஏற்றுக்கொள்ளப்படாதவை. பிரெஞ்சுக் காரர்கள் தங்கள் பண்பாடு, நாகரிகம் பற்றிப் பெருமை கொண்டவர்கள். அத்தகைய பாரம்பரியமும் அவர்களுக்கு உண்டு. இவற்றைப் பற்றித் தெரிந்துகொண்டு போவது உறவுப் பாலம் அமைக்க உதவும்.

பேசும்போது அவர்கள் பார்வை கூரியதாக, உங்கள் கண்களை ஊன்றிக் கவனிப்பதாக இருக்கும். பழக்கமில்லாதவர்களை இந்தப் பார்வை ஓரளவு மிரட்டும். தைரியமாகப் பேசுங்கள். அடிப்படையில், பிரெஞ்சுக் காரர்கள் தோழமைக் குணம் கொண்ட வர்கள்.

அவர்கள் குரலை உயர்த்திப் பேசினாலும், கையை அதிகமாக ஆட்டி, உயர்த்திப் பேசினாலும், உணர்ச்சி வசப்பட்டாலும், மகிழ்ச்சி அடையுங்கள். உங்கள் பிசினஸில் அதிக ஆர்வம் காட்டுகிறார்கள் என்று அர்த்தம். வாயில் பாக்கு, சூயிங்கம் ஆகியவற்றை மென்றுகொண்டு பேசாதீர்கள். இவற்றை அவமதிப்பாகக் கருதுவார்கள்.

தன்முனைப்பு அதிகமானவர்கள். தாங்கள் உயர்வானவர்கள் என்னும் தோரணை குரலில், உடல்மொழியில் இருக்கும். அடிமாட்டு பேரம் பேசுவார்கள். எந்த அளவுக்கு விட்டுக்கொடுக்கலாம் என்னும் தெளிவோடு போகாவிட்டால், நஷ்டம் உங்களுக்குத்தான். ஒரே மீட்டிங்கில் முடிவுகள் எடுக்கப்படுவதில்லை. பிசினஸின் மதிப்புக்கேற்பப் பல பதவி மட்டங்களில் முடிவுகள் எடுக்கப்படும். ஆகவே, தாமதங்கள் சாதாரணம்.

தனித்துவ உடல்மொழிகள்

புல்லாங்குழல் வாசிப்பதுபோல் சைகை - யாரோ அளவுக்கு அதிக மாகப் பேசுகிறார்கள். விரல்களை உள்ளங்கையில் வைத்தல், தாடையைத் தடவுதல் பேச்சு போரடிக்கிறது.

உடைகள்

ஃபாஷன் என்றாலே நம் நினைவுக்கு முதலில் வருவது பிரான்ஸ்தான். ஆள் பாதி, ஆடை பாதி என்பதை நம்புபவர்கள். அவர்கள் ஏராளமான ஆடைகள் வைத்துக்கொள்வதில்லை. ஆனால், ஆண்களும், பெண்களும் கனகச்சிதமாக டிரெஸ் செய்து கொள்வார்கள். உங்களிடமும், இந்த உடை ரசனையை, ”பளிச்” தோற்றத்தை எதிர்பார்ப்பார்கள். வெயில் அதிகமாக இருந்தாலும் வேறு எந்தக் காரணமாக இருந்தாலும், கோட், டை ஆகியவற்றை நீங்கள் முதலில் கழற்றக்கூடாது. அவர்கள் கழற்றினால், அதற்குப் பிறகு நீங்கள் செய்யலாம்.

உபசரிப்புகள்

பிசினஸ் பேச்சுகள் நடத்த மதிய உணவு நேரம் சிறந்தது. இந்த விருந்துகள் ஒன்று, ஒன்றரை மணி நேரம் நீடிக்கும். விருந்தின்போது மது உண்டு. ஆனால், ஒயின் போன்ற வீரியம் குறைந்த பானங்கள் மட்டுமே அருந்தவேண்டும். விஸ்கி, ரம் போன்ற பானங்கள் கேட்பதும், அருந்துவதும் அநாகரிகம். இரவு விருந்துகளிலும் இப்படித்தான். விருந்துக்கு அழைத்தவர் நீங்கள் எங்கே உட்காரவேண்டும் என்று சொல்வார்.

அதற்குப் பிறகே, அந்த இருக்கையில் அமருங்கள். ரொட்டியைக் கையால் உடைத்துச் சாப்பிடவேண்டும். விருந்துகளில் பழங்கள் பரிமாறுவார்கள். இவற்றைக் கையால் உரிக்கவே கூடாது. கத்தி மட்டுமே பயன்படுத்தவேண்டும். பழக்க மில்லையா? பழங்களைத் தவிர்த்து விடுங்கள். யார் விருந்துக்கு அழைப்பு விடுக்கிறார்களோ, அவர்தான் பில்லுக்குப் பணம் தரவேண்டும். எல்லா பிரபல உணவகங்களிலும், கூட்டம் அலைமோதும். முன்னரே ரிசர்வ் செய்யாவிட்டால், இடம் கிடைக்கவே கிடைக்காது.

பரிசுகள் தருதல்

விலை உயர்ந்த பரிசுகளைத் தவிருங்கள். இந்த அன்பளிப்புகள் லஞ்சமாகக் கருதப்படுகின்றன. உங்கள் நிறுவனத்தின் பெயரோ, லோகோவோ போட்ட பரிசுகள் தரவே கூடாது. புத்தகங்கள், இசைத்தட்டுக்கள், கலை யம்சப் பொருட்கள், பூங்கொத்துக்கள் ஆகிய பரிசுகளை விரும்புவார்கள், மதிப்பார்கள்.

http://tamil.thehindu.com/business/தொழில்-கலாச்சாரம்-புரட்சி-பூமியில்-வாய்ப்புகள்-ஏராளம்/article7628603.ece?widget-art=four-rel

 

[Athavan CH]

தொழில் கலாச்சாரம்: அரபு நாடுகளில் காத்திருக்கும் ஆயிரம் வாய்ப்புகள்!

சவுதி, துபாய், மலேஷியா, சிங்கப்பூர் ஆகிய நாடுகள் நமக்கு இரண்டாம் வீடு மாதிரி. நம் சகோதரர்கள் வியர்வையில் இந்த நாடுகளின் பொருளாதாரம் அமோகமாக வளர்ச்சியடைந்து வருகிறது. நாமும் பலனை அனுபவிக்கிறோம். நம் சின்னச் சின்னக் கிராமங்களிலும், வசதிகள் கொண்ட வீடுகள். என் நண்பர், மேனேஜ்மெண்ட் ஆலோசகர் பால் சக்காரியா சொன்னார், “தமிழர்கள் பிசினஸ் முனைவர்கள். ஏனோ, அவர்கள் சவுதியில், வேலை பார்ப்பதில் திருப்தி அடைந்துவிடுகிறார்கள். அவர்கள் நினைத்தால், ஏற்றுமதி, இறக்குமதியில் எத்தனையோ சாதனைகள் செய்யலாம்.”

பூகோள அமைப்பு

ஒரு புறம் செங்கடல். மறுபுறம் பாரசீக வளைகுடா. ஏழு அண்டை நாடுகள் இராக், ஜோர்டான், குவைத், ஓமன், கத்தார், ஐக்கிய அரபுக் குடியரசு, யேமன். நிலப் பரப்பு 21,49,690 சதுர கிலோமீட்டர்கள். முக்கிய இயற்கைச் செல்வம் பெட்ரோல். உலகின் பதினாறு சதவிகிதப் பெட்ரோல் சவுதியில்தான் இருக்கிறது. தலைநகரம் ரியாத் .

சுருக்க வரலாறு

சவுதிதான் இஸ்லாம் மதத்தின் பிறப்பிடம். மெக்கா, மெதீனா ஆகிய இரு புனிதத் தலங்களும் இங்கேதான் இருக்கின்றன. சுமார் 20,000 ஆண்டுகளுக்கு முன்பாகவே, இங்கே மனித வாழ்க்கை தொடங்கியது என்று ஆராய்ச்சியாளர்கள் சொல்கிறார்கள். ஏழாம் நூற்றாண்டில், இஸ்லாம் மதத்தின் தொட்டிலாகவும், அரபிய சாம்ராஜ்யத்தின் மையப்பகுதியாகவும் இருந்தது. இதற்குப் பிறகு பல குறுநில மன்னர்கள் நாட்டின் பல பகுதிகளை ஆண்டார்கள். 1932 - இல், அப்துல் அஜீஸ் அல் ஸாத் என்னும் அரசர் பல்வேறு பகுதிகளை ஒருங்கிணைத்து, இன்றைய சவுதி அரேபியாவை உருவாக்கினார். மன்னராட்சி தொடர்கிறது. 1982 முதல் சவுதி அமெரிக்க ஆதரவு நாடாக இயங்குகிறது.

மக்கள் தொகை

சுமார் இரண்டு கோடி எண்பது லட்சம். அரபியர்கள் 90 சதவிகிதம். மொத்த மக்கள் தொகையில் 85 90 சதவிகிதம் இஸ்லாமியர்கள். கிறிஸ்தவர்கள், இந்துக்கள், சீக்கியர்கள், புத்த மதத்தினர் போன்றோர் பிறர். ஆட்சிமொழி அரபுமொழி. 95 சதவிகிதம் மக்கள் கல்வியறிவு கொண்டவர்கள். ஆண்களின் கல்வியறிவு 97 சதவிகிதம்: பெண்கள், சோடை போகாத 91 சதவிகிதம்.

ஆட்சிமுறை

மன்னராட்சி நடக்கும் ஒரு சில உலக நாடுகளுள் சவுதியும் ஒன்று. குரான், நபிகள் நாயகம் ஆகியோர் கொள்கைகளை அடிப்படையாகக் கொண்ட அரசியல் சட்டம் நாட்டுக்கு வழி காட்டுகிறது.

பொருளாதாரம்

சவுதி அரேபியப் பொருளாதாரத்தின் அடித்தளம் பெட்ரோல். உலகின் நம்பர் 1 பெட்ரோலியப் பொருட்கள் ஏற்றுமதியாளர் சவுதிதான். ஆகவே, சர்வதேச அளவில் பெட்ரோல், டீசல் விலைகளை நிர்ணயிப்பதில் இவர்கள் பலம் அதிகம். தேசிய வருமானத்தில் 80 சதவிகிதம் பெட்ரோலியத் தொழில்கள் மூலமாகக் கிடைக்கிறது. மின் தயாரிப்பு, தொலைத் தொடர்பு போன்ற பிற தொழில்களை வளர்க்க அரசு முயற்சிகள் எடுத்துவருகிறது. சுமார் அறுபது லட்சம் வெளிநாட்டுத் தொழிலாளர்கள் பணி புரிகிறார்கள். தமிழர்களும், மலையாளிகளும் இவர்களுள் கணிசமானவர்கள் என்பது நமக்கு நல்ல சேதி. இதனால், உள்ளூர் இளைஞர்களின் வேலை வாய்ப்புகள் பாதிக்கப்படுகின்றன என்பது உள்ளூர் மக்களின் குறை. இளைய சமுதாயத்தினருக்குத் தொழிற்பயிற்சிகள் தந்து, இந்தக் குறையைப் போக்க அரசாங்கம் நடவடிக்கைகள் எடுத்துவருகிறது.

நாணயம்

ரியால் (Riyal). தற்போதைய நிலவரப்படி, 17 ரூபாய் 64 காசுக்குச் சமம்.

இந்தியாவோடு வியாபாரம்

சவுதிக்கு நம் ஏற்றுமதி ரூ. 68,065 கோடிகள். இதில் முக்கியமானவை, இரும்பு, உருக்குப் பொருட்கள், எந்திரங்கள், கெமிக்கல்கள், இறைச்சி, விமானங்கள். இதில் முக்கியமானவை. நம் இறக்குமதி ரூ. 1,72,057 கோடிகள். பெட்ரோலியப் பொருட்கள், கெமிக்கல்கள், உரங்கள், கந்தகம், பிளாஸ்டிக்ஸ் போன்றவை இந்தப் பட்டியலில் பிரதான இடம் பிடிக்கின்றன.

பிசினஸ் டிப்ஸ்

எந்த பிசினஸ் செய்ய வேண்டுமானாலும், உள்ளூர் ஸ்பான்சர்கள் வேண்டும். உங்கள் வெற்றி, தோல்விகள் இவர்களைப் பொறுத்துத்தான் அமையும். ஆகவே, இவர்களைக் கவனமாகத் தேர்ந்தெடுங்கள். பிசினஸ்மேன்கள் ஒருவரை ஒருவர் சந்திக்கும்போது, சலாம் சொல்லுவார்கள். நெருக்கமானவர்களாக இருந்தால், அடுத்தவரின் வலது கையைத் தங்கள் வலது கையால் அழுந்தப் பிடிப்பார்கள். இடது கை அவர் தோள்மேல். நம்மைப் போன்றவர்களோடு கை குலுக்கல்தான்.

நேரம் தவறாமை சவுதியில் பழக்கமல்ல. பதவியிலும், பணத்திலும் உயர்நிலையில் இருப்பவர்கள், தங்களைவிட சமூக அந்தஸ்தில் குறைந்தவர்களைக் காத்திருக்க வைப்பார்கள். தொழுகை நேரங்களில் யாரையும் சந்திக்கமாட்டார்கள். பகலில் வெயில் அதிகமாக இருப்பதால், இரவில் மீட்டிங் நடக்கும் சாத்தியம் அதிகம்.

விசிட்டிங் கார்டுகள் அவசியம். இவை ஒரு பக்கம் ஆங்கிலத்திலும், மறு பக்கம் அரபிய மொழியிலும் விவரங்கள் தருவது நல்லது. பெரும்பாலானவர்களின் கார்டுகளில் போன் நம்பர், ஈ மெயில் விலாசம் ஆகிய விவரங்கள் இருக்காது. நீங்கள் தனியாகக் கேட்டுத்தான் வாங்கவேண்டும்,

உயர் நிலையில் உள்ளவர்களோடு ஆங்கிலத்தில் பேசலாம். பிறரோடு பேசும்போது, உங்கள் ஸ்பான்சர் மொழி பெயர்ப்பில் உதவுவார். பேச்சு வார்த்தைகளின் நடுவில் போன் பேசுவார்கள். யார் யாரோ அறைக்குள் வருவார்கள். ஏன், சொந்தக்காரர்களும், குடும்பமும்கூட வரலாம். நீங்கள் இருப்பதையே மறந்து அவர்களோடு பேசுவார்கள். உங்களுக்கு அசாத்தியப் பொறுமை தேவை.

மீட்டிங் தொடங்கியவுடனேயே, பிசினஸ் சமாச்சாரங்களுக்கு வரமாட்டார்கள். உங்கள் பயணம், உடல்நிலை எனப் பல குசல விசாரங்களுக்குப் பிறகுதான் பிசினஸ் பேச்சு. அவசரமே காட்டமாட்டார்கள்.

மீட்டிங் முடிவில்தான் காப்பி வரும். மீட்டிங் முடியும் நேரம் நெருங்குகிறது என்னும் எச்சரிக்கை இது.

அவர்கள் வீட்டுப் பெண்கள், பொதுவாக பெண்கள் தொடர்பான சமாச்சாரங்களை பேசவே கூடாது. ``தடா” விதிக்கப்பட்ட இன்னொரு விஷயம் இஸ்ரேல். விளையாட்டுகள் பற்றிப் பேசலாம். கால்பந்தாட்டம், குதிரைப் பந்தயம், ஒட்டக ஓட்டப் பந்தயம் ஆகியவை அவர்கள் ரசிக்கும் விளையாட்டுக்கள்.

விருந்தோம்பலில் சிறந்தவர்கள். வகை வகையான உணவுகள் தந்து உங்களை அசத்திவிடுவார்கள். அவர்கள் வீடுகளுக்கு அழைத்தால், மறக்காமல் காலணிகளை வெளியே கழற்றி வைத்துவிட்டு வீட்டுக்குள் அடியெடுத்து வையுங்கள். நீங்கள் இடதுகைப் பழக்கமுடையவராக இருந்தாலும், வலது கையால் மட்டுமே சாப்பிடவேண்டும்.

எதையும் வலது கையால் மட்டுமே செய்யவேண்டும். சுட்டிக் காட்டிப் பேசுவது, தம்ஸ் அப் சைகை, கால் மேல் கால் போட்டு உட்காருவது ஆகியவை அநாகரிகச் செயல்கள்.

உடைகள்

அமெரிக்க பாணி ஷார்ட்ஸ், டி ஷர்ட் கூடாது. பாண்ட், முழுக்கைச் சட்டை, ஷூ தேவை. உள்ளூர் பிசினஸ்மேன்கள் பாரம்பரிய உடையில் வருவார்கள். நீங்கள் அத்தகைய உடைகள் அணிந்துபோகவே கூடாது. நீங்கள் கேலி செய்வதாக நினைப்பார்கள்.

பரிசுகள் தருதல்

பரிசுகளை எதிர்பார்க்கமாட்டார்கள். பரிசுகள் தந்தால், எல்லோர் முன்னாலும், திறந்து பார்ப்பார்கள். எல்லோரிடமும் காட்டுவார்கள். தரை விரிப்புகள், வெள்ளி, பிளாட்டின சாமான்கள், வாசனைப் பொருட்கள் தரலாம். தங்க நகைகள் கூடாது. பெண்களுக்குப் பெண்கள் மட்டுமே பரிசுகள் தரவேண்டும். ஆண்கள் தரவே கூடாது.

http://tamil.thehindu.com/business/தொழில்-கலாச்சாரம்-அரபு-நாடுகளில்-காத்திருக்கும்-ஆயிரம்-வாய்ப்புகள்/article7701365.ece

ரியாதில் LULU திறந்து முதல் மூன்று வாரங்களில் அவர்களின் கடைக்குள் வந்து போனவர்களின் எண்ணிக்கை 1 மில்லியன் மற்றவைகள் உங்களின் கற்பனைக்கே விட்டு விடுகிறேன். $ 4.2 பில்லியன் வருடம் சாள்ஸ். துபாய் லிருந்து மட்டும் வருடம் SR 72 பில்லியன் அளவுக்கு பலவிதமான பொருட்கள் சவுதிகுள் தரை மார்க்கமாக வந்து இறக்குமதி ஆகிறது, பெரிய அளவில் துபாய் வந்து மீண்டும் ரீபேக் செய்து வருகிறது. துபாயில் இறக்குமதி கொஞ்சம் சுலபம். அப்துல் ரஹ்மான் சவுதி அரேபியா

-Abdul Rahman  -

“தமிழர்கள் பிசினஸ் முனைவர்கள். ஏனோ, அவர்கள் சவுதியில், வேலை பார்ப்பதில் திருப்தி அடைந்துவிடுகிறார்கள்”. (என் அனுபவம்) கடுமையான சட்டங்கள், FOREIGNERS வேலைக்கு என்று சவுதி வந்தவர்கள் எந்தவிதமான வியாபாரங்களிலும் ஈடு படகூடாது என்பது சட்டம். அதையும் மீறி தங்களின் ஸ்பான்சர் துணையுடன் ஒரு புரிந்துணர்வு ஒப்ந்த்ததின் பேரில் வியாபாரம் செய்கிறார்கள், அதில் (1) மாதா மாதம் இவ்வளவு தொகை, (2) லாபத்தில் பங்கு விகிதம் இந்த 2 முறைகள் உள்ளன. சில சமயம் வியாபாரம் நல்ல விதமாக நடந்து ஸ்பான்சருக்கு கொஞ்சம் பேராசை ஏற்பட்டால் கூட பொன்முட்டையிடும் வாத்து கதை தான். இதான் அதிகம் தமிழர்களுக்கு பயம், ஏன் இந்த விஷ பரீட்சை வந்தோமா சம்பளம் வாங்கினோம ஊருக்கு போனோமா என்பதில் தான் அதிக நாட்டம், RISK எடுப்பதில் மலையாளிகள் கவலைபடுவதே இல்லை மேலும் TEAM WORKல் அவர்களை மிஞ்ச ஆட்கள் இல்லை எனலாம். அதனால் திரும்பிய பக்கமெல்லாம் சிறிதும் பெரிதுமாக மலையாளிகளின் வியாபார நிறுவனங்கள் கொடிகட்டி பறக்கின்றன. உதாரணம் LULU, அவர்களுக்கு MIDDLE EAST ல் மட்டும் 110 HYPER MARKET கள் உள்ளன $ 4.2 பில்லியன் வருடம். 

-Abdul Rahman  -

[Athavan CH]

தொழில் கலாச்சாரம்: சீனாவுக்கு ஏற்றுமதி செய்ய ஆசையா?

சின்னச் சின்ன கிராமங்களில் இருக்கும் பெட்டிக்கடைகளிலும், சீன பொம்மைகள், பேனா பென்சில்கள், அலங்காரப் பொருட்கள் ஆகியவற்றைப் பார்க்கிறீர்களா? ஆச்சரியம் எதுவுமில்லை. மற்ற அனைத்து நாடுகளையும்விட, சீனாவிலிருந்துதான், இந்தியா அதிகமாக இறக்குமதி செய்கிறது. இந்த இறக்குமதியின் மொத்த மதிப்பு ரூ. 3 லட்சத்து 72 ஆயிரம் கோடி. சீனாவுக்கு நமது ஏற்றுமதி ரூ. 81 ஆயிரம் கோடி. இந்திய மொத்த வெளிநாட்டு வாணிபத்தின் (ஏற்றுமதி + இறக்குமதி) 10 சதவீதம் சீனாவோடுதான்.

முக்கிய பொருள்கள்

நாம் சீனாவுக்கு ஏற்றுமதி செய்யும் முக்கிய பொருள்கள்: பருத்தி, தாமிரம், ரசாயனப் பொருள்கள், கந்தகம், விமானங்கள், உலோகத் தாதுப் பொருட்கள். நாம் சீனாவிலிருந்து இறக்குமதி செய்யும் முக்கியப் பொருள்கள்: எலெக்ட்ரானிக் சாமான்கள், இயந்திரங்கள், ரசாயனப் பொருள்கள், உரம், பிளாஸ்டிக்ஸ், இரும்பு உருக்குப் பொருட்கள், கப்பல்கள், படகுகள், மருத்துவக் கருவிகள்.

சீனா பற்றிய அறிமுகம்

சீனா நமது பக்கத்தில் உள்ள எல்லை நாடுகளில் ஒன்று. பரப்பளவு 95,96,960 சதுர கிலோ மீட்டர்கள். அதாவது இந்தியாவைவிட (32,87,263) சுமார் மூன்று மடங்கு பெரியது. மக்கள் தொகை 136 கோடி. இந்தியாவின் 125 கோடியைவிட அதிகம்தான். ஆனால், வீட்டுக்கு ஒரே ஒரு குழந்தைதான் என்னும் குடும்பக் கட்டுப்பாட்டுக் கொள்கையால், 2050 இல் சீன மக்கள் தொகை 130 கோடியாகக் குறையும், 166 கோடி மக்களோடு நாம் முதல் இடத்தில் இருப்போம் என்று மேதைகள் கணிக்கிறார்கள்.

அரசின் கொள்கை “நாத்திகம்”. ஆனால், 18 சதவீத மக்கள் புத்த மதத்தைப் பின்பற்றுகிறார்கள்: 5 சதவீதம் கிறிஸ்தவர்கள்: 2 சதவிகிதம் இஸ்லாமியர்கள்.

பண்டைய நாகரிகம் மிக்க நாடு

சீனா, வீரியம் குறையாமல் பண்டைய நாகரிகங்களை பாதுகாக்கும் நாடு. கி.மு. 5000 முதலே இங்கு நாகரிகம் தழைத்ததாக ஆதாரங்கள் சொல்கின்றன. காகிதம், வெடிமருந்து, அச்சிடுதல் ஆகியவற்றைக் கண்டுபிடித்தவர்கள் சீனர்கள்தான். பல பல்லாயிரம் ஆண்டுகள் மன்னராட்சி: 1912 இல், தேசத்தந்தையாக மதிக்கப்படும் சன் யாட் ஸென் என்னும் புரட்சியாளர் மன்னராட்சியைக் கவிழ்த்து மக்களாட்சி தொடங்கினார். 1949 இல் மா சே துங் தலைமையில் கம்யூனிஸ்ட் கட்சி ஆட்சி அமைத்தது. உலகப் பொருளாதாரத்திலிருந்து விலகி வாழ்ந்தது.

`வளர்ச்சியே இலக்கு’

1976 இல் மா சே துங் மறைந்தார். டெங் சியாப்பிங் (Deng Xiaoping) தலைவரானார். ``பூனை கறுப்பா, வெள்ளையா என்பது முக்கியமல்ல, எலியைப் பிடிக்கும் பூனைதான் நல்ல பூனை” என்பது இவர் கொள்கை முழக்கம். அதாவது, கம்யூனிசமா, முதலாளித்துவமா என்பது முக்கியமல்ல, சீனாவின் பொருளாதார வளர்ச்சிதான் இலக்கு என்றார்.

தாராள பொருளாதாரம்

டெங் சீனாவின் கதவுகளை உலகத்துக்குத் திறந்தார். ஆப்பிள், ரீபாக், டெல் கம்ப்யூட்டர், ஜெனரல் எலெக்ட்ரிக் போன்ற ஏராளமான பன்னாட்டுக் நிறுவனங்கள் சீனாவில் தங்கள் பொருட்களை உற்பத்தி செய்கிறார்கள். சீனத் தயாரிப்புகளும் உலகச் சந்தைகளில் வந்து குவிகின்றன.

மக்கள் வாழ்க்கைத்தரம் உயர்ந்து வருவதால், இந்தியப் பொருள்களுக்குச் சீனாவில் நல்ல விற்பனையை உருவாக்கமுடியும். எப்போதுமே தொழிலில் ஜெயிக்கவேண்டுமானால், வாடிக்கையாளர்களை நன்றாகப் புரிந்து கொள்ளவேண்டும்.

அவர்களுடைய பழக்க வழக்கங்கள், நம்பிக்கைகள், எதிர் பார்ப்புகள் ஆகியவற்றைக் கொஞ்சம்கூடக் காயப்படுத்திவிடக்கூடாது. தனிப்பட்ட முறையில் நட்பை, உறவை வளர்க்கவேண்டும். இதற்கு நாம் என்ன செய்யலாம், என்ன செய்யக்கூடாது?

சீனாவில் வியாபாரம் தொடங்க…

சீனாவுக்குப் பயணம் செய்து, அவர்களை நேரடியாகச் சந்திப்பது உங்கள் வியாபாரம் பெருக உதவும். விசிட் அடிக்கப் பருவநிலைப்படி, சிறந்த மாதங்கள், ஏப்ரல், மே, செப்டம்பர். ஜனவரி நான்காம் வாரம் முதல் பிப்ரவரி மூன்றாம் வாரம் வரை வேண்டவே வேண்டாம். ஏனென்றால், சீனப் புதுவருடம் வரும் இந்தக் காலகட்டத்தில், விடுமுறைகள் அதிகம்.

நேரம் தவறாமை

பிசினஸ்மேன்களோடு சந்திப்பா? குறித்த நேரத்துக்குச் சற்று முன்னதாகவே போய் விடுங்கள், அவர்கள் நேரம் தவறாதவர்கள். பிசினஸ் மீட்டிங்குகளுக்கு மட்டுமல்ல, எல்லா நிகழ்ச்சிகளுக்கும் குறிப்பிட்ட நேரத்துக்குச் சற்று முன்பாகவே வந்துவிடுவார்கள். தாமதமாக வருவதை அவமதிப்பாக நினைப் பார்கள்.

ஆடை கலாச்சாரம்

சந்திப்புகளுக்குக் கோட் சூட் அணிவது நல்லது. குறைந்த பட்சம் டையாவது கட்டவேண்டும். ஜீன்ஸ், டீ ஷர்ட் கலாசாரம் இப்போதுதான் தொடங்கியிருக்கிறது. மீட்டிங் அறைக்குள் நுழையும்போது, அவர்கள் குழுவினர் தயாராக இருப்பார்கள். உங்களைக் காத்திருக்க வைக்கவே மாட்டார்கள்.

உங்கள் குழுத்தலைவர் முதலில் அறைக்குள் நுழைய வேண்டும். அடுத்தவர்கள் பதவி வரிசைப்படி தொடரவேண்டும். அதேபோல், சீனக் குழுவின் தலைவர் முதலில் உங்கள் தலைவரிடம் தன்னை அறிமுகம் செய்துகொண்டு, மற்றவர்களை அவர்கள் பதவி வரிசைப்படி அறிமுகம் செய்வார்.

விசிட்டிங் கார்டு அவசியம்

சந்திக்கும்போது, ஒவ்வொருவரும் விசிட்டிங் கார்ட் கட்டாயம் தர வேண்டும். இவை, ஒரு பக்கம் ஆங்கிலத்திலும், மறு பக்கம் மான்டரின் (Mandarin) என்னும் வட்டாரச் சீன மொழியிலும் அச்சிட்டவையாக இருக்கவேண்டும். அவர்கள் தங்கள் கார்டைத் தரும்போது, மரியாதையோடு வாங்கிக் கொள்ளுங்கள். சில நிமிடங்கள் கவனமாகப் படித்து, உங்கள் முன்பக்கப் பாக்கெட்டில் போட்டுக் கொள்ளுங்கள். பர்சுக்குள் கார்டைத் திணிப்பதும், பின்புறப் பாக்கெட்டில் போடுவதும், அவர்களை அவமதிக்கும் செயல்கள்.

மரியாதை அவசியம்

சீனர்களுக்குப் பட்டம் பதவிகள் மீது பிரியமும், மரியாதையும் உண்டு. பேசும்போது, பெயரை மட்டும் சொல்லாமல், ``சேர்மேன்”. ``மேனேஜிங் டைரக்டர்”, “ஜெனரல் மேனேஜர்” என்று, பெயருக்கு முன்னால் பதவியையும் குறிப்பிட்டுத்தான் அழைக்கவேண்டும். சமீப காலமாக, ``மிஸ்டர்” என்று அழைப்பது பரவலாகி வருகிறது.

மொழி பெயர்ப்பாளர் முக்கியம்

குழுவின் எல்லோரும் பேசுவது சீனர்களுக்குப் பிடிக்காத சமாச்சாரம். தலைவர் பேச வேண்டும். மற்றவர்கள், அவர் கேட்கும்போது மட்டுமே பேச வேண்டும்.

பெரும்பாலானவர்களுக்கு ஆங்கிலத்தில் பேச வராது. ஆகவே, பேச்சு வார்த்தைகளின்போது ஒரு மொழிபெயர்ப்பாளர் எப்போதும் இருப்பார். பல மட்டப் பேச்சு வார்த்தைகள் நடத்துவது சீன வழக்கம். ஆகவே, பல சுற்றுப் பேச்சுகளுக்குத் தயாராக இருங்கள். முடிவுகள் எடுக்கத் தாமதம் காட்டுவார்கள். ஆகவே, நமக்குப் பொறுமை தேவை. பேச்சுவார்த்தை முடிந்தவுடன், அவர்கள் கடைசியாகத்தான் அறையைவிட்டு வெளியே வருவார்கள். நன்றி சொல்லிவிட்டு நீங்கள் வெளியே வருவதுதான் முறை.

விருந்தில் கடைப்பிடிக்க வேண்டியது

பேச்சு வார்த்தைகளுக்குப் போனால், இரவு விருந்துக்கு நிச்சயம் அழைப்பார்கள். இவை மாலை 6.30 அல்லது ஏழு மணிக்குத் தொடங்கி, பல மணி நேரங்கள் தொடரும். மது வெள்ளமாகப் பாயும். பெரும்பாலான பெண்கள் குடிக்கமாட்டார்கள். அசைவப் பிரியர்களுக்கு வகை வகையான உணவுகள் கிடைக்கும்.

தண்ணீர்த் தொட்டியில் நீந்தும் மீன்களில் பிடித்ததை நீங்கள் தேர்ந்தெடுக்கலாம். அது கறியாகக் கொஞ்ச நேரத்தில் உங்கள் தட்டில் இருக்கும். நான் ஷென்ஸென் என்னும் நகரத்துக்குப் போனபோது, சீனக் குழுவில் இருவர் பாம்புக் கறி சாப்பிட்டார்கள். இது சர்வ சாதாரணம். அதிர்ச்சி அடையாதீர்கள்.

சூப், நூடுல்ஸ், அரிசிச் சாதம், மீன், காய்கறிகள் சாலட் ஆகியவை பரிமாறப்படும். சூப் குடிக்கப் பீங்கான் ஸ்பூனையும், சாப்ஸ்டிக்ஸ் (Chopsticks) என்னும் மரம் / பிளாஸ்டிக் / தந்தத்தால் செய்யப்பட்ட குச்சிகளையும் பயன்படுத்துவார்கள். சாப்ஸ்டிக்ஸ் பயன்படுத்தத் தயக்கமாக இருந்தால், ஃபோர்க், ஸ்பூன் கேட்கலாம். தவறில்லை. சாப்ஸ்டிக்ஸைத் தப்பித் தவறிக் கீழே போட்டுவிடாதீர்கள். இது அபசகுனம்.

விருந்துக்கு அழைத்தவர் சாப்பிடத் தொடங்கிய பின்னரே, நீங்கள் தட்டில் கை வைக்கவேண்டும். ஒவ்வொருவருக்கும் தனித் தனியான பீங்கான் கிண்ணத்தில் அரிசிச் சாதம் பரிமாறுவார்கள். சாதம் தீரத் தீர நிறைப்பார்கள். ஆகவே கிண்ணத்தை ஒருபோதும் காலி செய்யாதீர்கள். கொஞ்சம் மிச்சம் வையுங்கள். காலிப் பாத்திரத்தை எடுத்துக்கொண்டு போய்விடுவார்கள்.

இதேபோல், சாப்பிடும்போது நாம் தண்ணீர் குடிப்பதுபோல் க்ரீன் டீ குடிப்பது சீனப் பழக்கம். டீ கோப்பையையும், காலியாகக் காலியாக, நிறைப்பார்கள். போதுமென்றால், கொஞ்சம் டீயைக் கோப்பையில் மிச்சம் வைத்துவிட்டு, உங்கள் முன்பிருந்து நகர்த்திவிடுங்கள். பழம் பரிமாறுகிறார்களா? டின்னர் முடிந்துவிட்டது என்று அர்த்தம். சாப்பிடும்போது தொழில் விஷயங்கள் பேசுவது கிடையாது.

சீனக் கலாச்சாரம், கலை, சுற்றுலாத் தலங்கள் ஆகியவை பற்றிப் பேசலாம். சீனர்கள் பேசும்போது, கைகளை ஆட்டிப் பேசமாட்டார்கள். இது பேச்சுக்கு இடையூறு என்று நினைப்பார்கள். மாறாக, இந்தியக் கருத்துப் பரிமாற்றத்தில் உடல்மொழிக்கு முக்கிய இடம் உண்டு. ஆகவே, சீனர்களோடு பேசும்போது உடல்மொழியைக் கணிசமாகக் குறைத்துக்கொள்ளுங்கள். உடலைத் தொடுவது, முதுகில் தட்டுவது, தோள்மேல் கை போடுவது ஆகியவை சீனர்கள் வெறுக்கும் சமாச்சாரங்கள். இவற்றைச் செய்யவே செய்யாதீர்கள்.

பரிசுப் பொருள்கள்

பரிசுகள் கொடுப்பது நம் சம்பிரதாயம். சீனாவில் விலை உயர்ந்த பரிசுகள் கொடுக்கக்கூடாது. பரிசுகளைத் தனி மனிதர்களுக்குத் தரக்கூடாது. கம்பெனிக்குத்தான் தரவேண்டும். மூங்கில் காலணிகள், கடிகாரங்கள், கைக்குட்டைகள், ஆகியவற்றைப் பரிசுகளாகத் தரவே கூடாது. பரிசுகளை வெள்ளை, நீலம், கறுப்பு ஆகிய நிறப் பேப்பர்களில் பேக்கிங் செய்யக்கூடாது. இந்தப் பரிசுகளையும், நிறங்களையும் அவர்கள் மரணத்தோடு சம்பந்தப்படுத்துகிறார்கள். சிகப்பு நிறப் பேக்கிங் அதிர்ஷ்டமானது என்று நம்புகிறார்கள்.

சீனாவை ஓரளவு தெரிந்துகொண்டிருப்பீர் களே? இப்போதே புறப்படுங்கள் சீனாவுக்கு.

யீ லூ ஷுன் (சீன மொழி வாழ்த்து. தமிழில் - உங்கள் பயணம் இனிதாக அமையட்டும்)

slvmoorthy@gmail.com

http://tamil.thehindu.com/business/தொழில்-கலாச்சாரம்-சீனாவுக்கு-ஏற்றுமதி-செய்ய-ஆசையா/article7394867.ece