கலப்பு நீதிமன்றத்தை அமைக்குமாறு ரணிலைக் கோரும் உரிமை எவருக்கும் இல்லை – விக்கிரமபாகு

[BLUE BIRD]

கலப்பு நீதிமன்றத்தை அமைக்குமாறு ரணிலைக் கோரும் உரிமை எவருக்கும் இல்லை – விக்கிரமபாகு

SEP 18, 2015 | 14:13by கொழும்புச் செய்தியாளர்in செய்திகள்

கலப்பு நீதிமன்றம் அமைக்கப்பட வேண்டும் என்ற, ஐ.நா மனித உரிமை ஆணையாளரின் பரிந்துரையை நிராகரித்துள்ள புதிய இடதுசாரி முன்னணியின் தலைவர் கலாநிதி விக்கிரமபாகு கருணாரத்ன, சிறப்பு கலப்பு நீதிமன்றத்தை அமைக்கும்படி ரணில் விக்கிரமசிங்கவைக் கோரும் உரிமை எவருக்கும் கிடையாது என்றும் தெரிவித்துள்ளார்.

கொழும்பில் செய்தியாளர்களிடம் கருத்து வெளியிட்டுள்ள அவர்,

“ரணில் விக்கிரமசிங்க இனவாதியல்ல.  அவர் விடுதலைப் புலிகளின் தலைவருடன் உடன்பாட்டில் கையெழுத்திட்டவர். கலப்பு நீதிமன்றத்தை நடைமுறைப்படுத்துமாறு அவரிடம் கோரும் உரிமை எவருக்கும் இல்லை.

2005 அதிபர் தேர்தலில் அவர் வெற்றி பெற்றிருந்தால் போர் தடுக்கப்பட்டிருக்கும். தமிழர்கள் வாக்காளிக்காததால் தான் அவர் தோல்வியடைந்தார்.

கலப்பு நீதிமன்றம் என்ற பரிந்துரை, ஜனநாயகத்துக்காக போராடிய எம்மை, இலக்கு வைத்து அவமானப்படுத்தும் செயல்.

இந்த கலப்பு நீதிமன்றம், சிலரால், ஜனவரி 8ஆம்  நாளுக்கு முன்னர் பரிந்துரைக்கப்பட்டது.

ஆனால், முன்னைய காவல்துறை, நீதித்துறை தான் சிறிலங்காவில் இன்னமும் இருக்கிறது என்று யாராலும் கூற முடியாது.  ஜனவரி 8 புரட்சி எல்லாவற்றையும் தூய்மைப்படுத்தியுள்ளது.

புதிய இடதுசாரி முன்னணி, தமிழர்களின் தன்னாட்சி உரிமைகளையும், வடக்கில் போரின் போது குற்றங்கள் இழைக்கப்பட்டது என்பதையும், ஏற்றுக் கொள்கிறது.

லசந்த விக்கிரமதுங்க, பிரகீத் எக்னெலிகொட, தாஜுதீன் படுகொலைகளும்  போர்க்குற்றங்களுக்குள் அடக்கப்பட வேண்டும். ஏனென்றால், ஆயுதப்படைகளினால், போர்க்காலத்தில் தான் இவை மேற்கொள்ளப்பட்டன.

இவை குறித்து விசாரிக்க சிறிலங்கா தமது சொந்த நீதிமன்றத்தை உருவாக்க முடியும்.

இந்தியாவைப் போன்று இந்தப் பிரச்சினையை ஒற்றையாட்சி அரசுக்குள் தீர்க்கப்பட முடியும். சமஸ்டி முறை இங்கு தேவையற்றது.

எல்லா கெரில்லா தலைவர்களும், போராளிகளும், பெரும் எண்ணிக்கையான பொதுமக்களை கொன்றிருக்கிறார்கள். விடுதலைப் புலிகளின் தலைவர் பிரபாகரன் விடயத்தில் இது ஒன்றும் புதியதல்ல.

நெல்சன் மண்டேலா கூட வெள்ளையின மக்களையும், குடும்பங்களையும் கொலை செய்திருக்கிறார். புதிய இடதுசாரி முன்னணி வன்முறைகளைக் கண்டிக்கிறது.” என்றும் அவர் குறிப்பிட்டார்.

http://www.puthinappalakai.net/2015/09/18/news/9817

இவர் தமிழருக்கு ஆதரவானவரா?

[nunavilan]

கலப்பு நீதிமன்றம் தொடர்பில் தெளிவுபடுத்த வேண்டும். கஜேந்திரகுமார் கோரிக்கை

17 செப்டம்பர் 2015

 

 

இலங்கையில் இடம்பெற்ற போர்க்குற்றங்கள் தொடர்பில் கலப்பு சிறப்பு நீதிமன்றத்தின் ஊடான சர்வதேச விசாரணை தொடர்பில் முழுமையான தெளிவு வேண்டும் என தமிழ்த் தேசிய மக்கள் முன்னணியின் தலைவர் கஜேந்திரகுமார் பொன்னம்பலம் தெரிவித்தார். 

 

ஐ.நா மனித உரிமைகள் ஆணையகத்தின் இலங்கை தொடர்பான அறிக்கை தொடர்பில் யாழ்.அலுவலகத்தில் இடம்பெற்ற பத்திரிகையாளர் சந்திப்பில் தமிழ் தேசிய மக்கள் முன்னணியின் தலைவர் கஜேந்திரகுமார் பொன்னம்பலம் அவ்வாறு தெரிவித்தார்.

 

மேலும் தெரிவிக்கையில் 

 

இலங்கை அரசாங்கமும் அவர்களை சார்ந்துள்ள கட்டமைப்புக்களும் தமிழ் மக்கள் மீது இழைக்கப்பட்ட அநீதிகளுக்கு பங்காளிகள். எனவே அவர்களிடம் அந்த அநீதிகளுக்கான விசாரணையினை ஒப்படைத்தால் அங்கே உண்மைகள் மறைக்கப்படும் என்பதே எங்கள் நிலைப்பாடாகும். 

 

இந்தக் கருத்துப்படவே ஆணையாளரும் உள்ளக விசாரணை பொறிமுறையினை நிராகரித்துள்ளார்.மேலும் இலங்கையில் கடந்த 30 வருடங்கள் நடைபெற்ற போர் பாதுகாப்பு கட்டமைப்புக்கள் மற்றும் நீதி கட்டமைப்புக்கள் நீதியாக நம்பகத்தன்மையாக செயற்படும் என்பதில் நம்பிக்கையற்றுப் போகின்றது. என்பதை உள்ளக விசாரணையினை நாம் எதற்காக நிராகரிக்கிறோம். என்பதற்கான காரணங்களாக ஆணையாளர் குறிப்பிட்டிருக்கின்றார்.

 

அதேவேளை கலப்பு விசேட நீதிமன்றம் என்ற ஒன்றை அறிக்கையில் குறிப்பிட்டிருக்கின்றார். இந்த விடயத்தில் தெளிவின்மை காணப்படுகின்றது. 

 

எங்களை பொறுத்தமட்டில் உள்ளக விசாரணை பொறிமுறை எதற்காக நிராகரிக்கப்பட்டதோ அந்தக் குறைகள் நிவர்த்தி செய்யப்படாமல் நிராகரிக்கப்பட்ட அந்தக் கட்டமைப்புக்களுடன் கலந்த வகையில் ஒரு கலப்பு விசேட நீதிமன்றத்தை அமைப்பது முற்றிலும் பொருத்தமற்ற ஒன்றாகும் என்பதே எங்கள் நிலைப்பாடாகும்.

 

எனவே இந்த விடயத்தில் தெளிவுபடுத்தல் வழங்கப்படும் வரையில் தமிழ் மக்கள் சர்வதேச விசாரணை என்ற விடயத்தில் தொடர்ந்தும் வலுவாக இருப்பது சிறப்பானதாக அமையும். 

 

தமிழக முதல்வருக்கு நன்றி.

 

தமிழக சட்டசபையில் தமிழக முதலமைச்சர் செல்வி.ஜெயலலிதா ஒரு தீர்மானத்தை நிறைவேற்றியிருக்கின்றார். அதாவது இலங்கையில் நடைபெற்ற இனப்படுகொலைக்கு சர்வதேச விசாரணையே வேண்டும். என அதனை நாங்கள் வரவேற்பதுடன் தமிழக முதல்வருக்கு எங்கள் வாழ்த்துக்களையும் நன்றிகளையும் தெரிவித்துக் கொள்ளுகிறோம். 

 

மேலும் பொறுப்பு கூறல் விடயத்திலும் தமிழகத்தினால் ஒத்துழைப்புக்களை வழங்க முடியும். இதேபோன்று ஐ.நா மனித உரிமைகள் ஆணையகத்தில் எதிர்வரும் 30 ஆம் திகதி இலங்கை தொடர்பான பிரேரணை கொண்டு வரப்படவுள்ளது. 

 

அதுவே எதிர்காலத்தை தீர்மானிக்கப்போகின்றது. எனவே அந்த பிரேரணை காத்திரமானதாக தமிழ் மக்களுக்கு நன்மையளிப்பதாக வருவதற்கும் தமிழகம் தமது காத்திரமான பங்களிப்பினை வழங்க வேண்டும் என அவர் கேட்டுக் கொண்டார்

http://www.globaltamilnews.net/GTMNEditorial/tabid/71/articleType/ArticleView/articleId/124057/language/ta-IN/---.aspx

[Paanch]

சனவரி 8 புரட்சியின்பின்னர் அரசியலில் அதிகாரம் கொண்ட எந்தச் சிங்கள அரசியல்வாதிகளும், தமிழர்களுடைய உரிமைப் பிரச்சனைகளை எவ்வாறு தீர்த்துவைப்போம் என்பதுபற்றி இன்றுவரை மறந்தும் வாய்திறக்கவில்லை. திறந்திருந்தால், அதற்கான செயற்பாடுகளை மேற்கொண்டிருந்தால், தமிழர் பகுதிகளில் மைத்திரிபாலாவும், ரணில் விக்கிரமசிங்காவும் சென்ற தேர்தலில் அமோக வெற்றியைப் பெற்றிருப்பார்கள்.