• advertisement_alt
  • advertisement_alt
  • advertisement_alt

Archived

This topic is now archived and is closed to further replies.

நவீனன்

ஃபேஸ்புக்கிடம் பதிவுகளை நீக்க கோரியதில் இந்தியா முதலிடம்

Recommended Posts

ஃபேஸ்புக்கிடம் பதிவுகளை நீக்க கோரியதில் இந்தியா முதலிடம்

 
ஃபேஸ்புக் நிறுவனர் மார்க் ஸக்கர்பெர்க் உடன் பிரதமர் நரேந்திர மோடி. | கோப்புப் படம்: ஏபி
ஃபேஸ்புக் நிறுவனர் மார்க் ஸக்கர்பெர்க் உடன் பிரதமர் நரேந்திர மோடி. | கோப்புப் படம்: ஏபி

 

உள்நாட்டு சட்ட விதிமுறைகளை மீறியதாக உள்ள பதிவுகளை நீக்க வேண்டும் என்று ஃபேஸ்புக் நிறுவனத்திடம் நாடிய உலக நாடுகளில் இந்தியா முதலிடம் வகித்துள்ளது.

ஃபேஸ்புக் நிறுவனத்திடம் இத்தகைய இந்திய அரசின் கோரிக்கைகளின் எண்ணிக்கையை கடந்த ஆண்டுடன் ஒப்பிட்டால், இப்போது 3 மடங்கு அதிகரித்துள்ளது என்பது கவனிக்கத்தக்கது.

ஃபேஸ்புக் நிறுவனம் வழக்கமாக தங்களது பயனாளர்களின் தனிப்பட்ட விவரங்களை எந்த அரசுக்கும், புலனாய்வு ஏஜென்சிகளுக்கும் தருவதில்லை. எனினும், தங்கள் பயனாளர்களில் குற்றப் பின்னணிக்கான முகாந்திரம் உள்ளவர்கள் தொடர்பான தகவல்களை அளிக்கும் நடைமுறையை 2 ஆண்டுகளுக்கு முன்னர் ஃபேஸ்புக் நிறுவனம் தொடங்கியது. இந்த ஆண்டின் முதல் 6 மாத காலத்தில் பல நாடுகள் கேட்ட பயனாளர் குறித்த தகவல்களின் எண்ணிக்கையும், பதிவுகளை நீக்குவதற்கு விடுக்கப்படும் கோரிக்கைகளும் கணிசமாக அதிகரித்துள்ளதாக ஃபேஸ்புக் நிறுவனம் தெரிவித்துள்ளது.

இது தொடர்பான ஃபேஸ்புக்கின் விவர அறிக்கை இப்போது வெளியிடப்பட்டுள்ளது. இது, நடப்பாண்டு ஜனவரி முதல் ஜூன் வரையிலான காலகட்டத்துக்கு உட்பட்டதாகும்.

அந்த அறிக்கையின்படி, தங்களது பயனாளர்கள் தொடர்பாக, உலக நாட்டு அரசுகள் கேட்கும் தகவல்கள் தற்போது 18 மடங்கு அதிகரித்துள்ளது. கடந்த 2014-ம் ஆண்டு கடைசி 6 மாதத்தில் 35,051 பேரின் தகவல்களை உலக நாடுகள் கேட்டிருந்தன. இந்த ஆண்டு அந்த எண்ணிக்கை 41,214 ஆக உயர்ந்துள்ளது. மேலும், உள்ளூர் சட்டங்களை மீறிய 20,568 பேரின் பதிவுகள் நீக்கப்பட்டுவிட்டன. இது கடந்த ஆண்டின் கடைசி 6 மாதத்தில் நீக்கியதை விட 2 மடங்காகும்.

முகநூல் பயன்படுத்துவோரின் எண்ணிக்கையும் 1.4 பில்லியனில் இருந்து தற்போது 1.55 பில்லியனாக அதிகரித்துள்ளது. இதில் தனிநபர்கள் குறித்த தகவல்கள் வழங்குமாறு அமெரிக்காவிடம் இருந்துதான் அதிகமாக கோரிக்கைகள் வந்துள்ளன. மொத்தம் 26,579 பேரின் தகவல்களை அமெரிக்க அரசு புலனாய்வு நிறுவனங்கள் கேட்டுள்ளன. அதற்கடுத்த நிலையில், பிரான்ஸ், ஜெர்மனி, இங்கிலாந்து நாடுகள் அதிக தகவல்கள் கேட்டுள்ளன.

பதிவுகளை நீக்கக் கோருவதில் இந்தியா முதலிடம்

இந்தியாவை பொறுத்தவரையில், உள்நாட்டு சட்ட விதிமுறைகளை மீறியதாக உள்ள பதிவுகளை நீக்க வேண்டும் என்று ஃபேஸ்புக் நிறுவனத்திடம் வைத்த கோரிக்கைகளின் எண்ணிக்கை, கடந்த ஆண்டின் இதே காலகட்டத்துடன் ஒப்பிடும்போது 3 மடங்கு அதிகரித்துள்ளது.

தற்போது இந்தியாவில் 190 மில்லியன் வாடிக்கையாளர்கள் ஃபேஸ்புக்கை பயன்படுத்தி வருகின்றனர். இந்தியாவில் சட்டவிரோதமாக கருத்துகளை பதிவு செய்த வகையில், இந்த ஆண்டு 15,155 பேரின் கருத்துப் பகிர்வுகள் ஃபேஸ்புக் பக்கத்தில் இருந்து நீக்கப்பட்டுள்ளன.

ஃபேஸ்புக்கின் நிறுவனங்களான வாட்ஸ்ஆப், மெசஞ்சர் ஆப்ஸ் மற்றும் புகைப்படப் பகிர்வுத் தளமான இன்ஸ்டாகிராம் ஆகியவையும் இதில் அடங்கும்.

உலக அளவில் பதிவுகள் நீக்கக் கோரிக்கைகளை முன்வைத்த நாடுகளில் இந்தியா முதலிடத்தில் உள்ளது. இரண்டாம் இடத்தில் உள்ள துருக்கி 4,496 பதிவுகளையும், மூன்றாம் இடத்திலுள்ள பிரான்ஸ் 295 பதிவுகளையும் நீக்கக் கோரியிருந்தன.

ஒட்டுமொத்தமாக, இந்த 6 மாதங்களில் 20 ஆயிரத்துக்கும் மேற்பட்ட பதிவுகளை நீக்கக் கோரி, 92 நாடுகள் முறையிட்டிருந்தாக ஃபேஸ்புக் நிறுவனம் தெரிவித்துள்ளது.

ஃபேஸ்புக்கில் சட்டவிரோதமாக பலர் கருத்துகள், படங்களை வெளியிட்டு வருகின்றனர். அரசுக்கு எதிரான விமர்சனங்களை பதிவிடுகின்றனர். இதனால் பல நாடுகள் சட்டம் - ஒழுங்கை காக்க பல்வேறு நடவடிக்கைகளை எடுத்து வருகின்றன. முன்னெச்சரிக்கை நடவடிக்கையாக ஃபேஸ்புக்கில் சட்டவிரோதமாக தகவல்கள், படங்கள் வெளியிடுவோரின் விவரங்களை சம்பந்தப்பட்ட நாடுகள் அந்நிறுவனத்திடம் கேட்டு பெறுகின்றனர். அல்லது, சம்பந்தப்பட்ட பதிவுகளை நீக்கவோ தடை செய்யவோ வலியுறுத்துகின்றன.

தனிநபர் தகவல்கள் பாதுகாப்புக்கு ஃபேஸ்புக் நிறுவனம் உத்தரவாதம் அளித்திருந்தாலும், அதிகாரம் மிக்க அரசுகள் கேட்கும்பொழுது தகவல்களை அளிக்க வேண்டிய கட்டாயத்தில் இருப்பதாக கூறப்படுகிறது. குறிப்பாக, அமெரிக்க உளவு நிறுவனத்தை சேர்ந்த எட்வர்ட் ஸ்நோடன் பல நாடுகளின் ரகசியங்களை இணையதளத்தில் வெளியிட்டு அதிர்ச்சியை ஏற்படுத்திய பின், செல்போன், இணையதள நிறுவனங்களிடம் இருந்து வாடிக்கையாளர்களின் தகவல்களை திரட்டும் நடவடிக்கைகளில் பல நாட்டு அரசுகள் மும்முரமாக உள்ளது கவனிக்கத்தக்கது.

http://tamil.thehindu.com/world/%E0%AE%AA%E0%AF%87%E0%AE%B8%E0%AF%8D%E0%AE%AA%E0%AF%81%E0%AE%95%E0%AF%8D%E0%AE%95%E0%AE%BF%E0%AE%9F%E0%AE%AE%E0%AF%8D-%E0%AE%AA%E0%AE%A4%E0%AE%BF%E0%AE%B5%E0%AF%81%E0%AE%95%E0%AE%B3%E0%AF%88-%E0%AE%A8%E0%AF%80%E0%AE%95%E0%AF%8D%E0%AE%95-%E0%AE%95%E0%AF%8B%E0%AE%B0%E0%AE%BF%E0%AE%AF%E0%AE%A4%E0%AE%BF%E0%AE%B2%E0%AF%8D-%E0%AE%87%E0%AE%A8%E0%AF%8D%E0%AE%A4%E0%AE%BF%E0%AE%AF%E0%AE%BE-%E0%AE%AE%E0%AF%81%E0%AE%A4%E0%AE%B2%E0%AE%BF%E0%AE%9F%E0%AE%AE%E0%AF%8D/article7869817.ece?homepage=true

Share this post


Link to post
Share on other sites

  • Topics

  • Posts

    • கனடாவில் படித்து வந்த தமிழக மாணவிக்கு கத்திக்குத்து - ஐசியுவில் தீவிர சிகிச்சை   கனடாவில் படித்து வந்த தமிழக மாணவிக்கு கத்திக்குத்து - ஐசியுவில் தீவிர சிகிச்சை   கனடாவில் படித்துவந்த தமிழகத்தைச் சேர்ந்த 23 வயது பெண் அடையாளம் தெரியாத மர்ம நபரால் கத்தியால் குத்தப்பட்டதில் படுகாயம் அடந்தைவர் ஆபத்தான நிலையில் மருத்துவமனையில் திவிர…   கனடாவில் படித்துவந்த தமிழகத்தைச் சேர்ந்த 23 வயது பெண் அடையாளம் தெரியாத மர்ம நபரால் கத்தியால் குத்தப்பட்டதில் படுகாயம் அடந்தைவர் ஆபத்தான நிலையில் மருத்துவமனையில் திவிர சிகிச்சைப் பிரிவில் அனுமதிக்கப்பட்டுள்ளார். கனடா நாட்டில் டொரோண்டா நகரில் உள்ள யார்க் பல்கலைக்கழகத்தில் தமிழகத்தைச் சேர்ந்த ரேச்சல் ஆல்பர்ட் என்ற பெண் முதுகலை படித்துவந்தார். ரேச்சல் டொரோண்டொவில் பல்கலைக்கழக வளாகம் அருகே லெய்ட்ச் அவின்யூ அசினிபோயினே சாலையில் நடந்து சென்றுகொண்டிருந்தபோது, புதன்கிழமை காலை 10 மணி அளவில் அடையாளம் தெரியாத மர்ம நபரால் அவரைத் தாக்கி சிறிது தூரம் இழுத்துச் செல்லப்பட்டுள்ளார். இதில் மாணவியின் கழுத்துப் பகுதியில் கத்தியால் குத்தப்பட்டதில் படுகாயம் அடைந்தார். இதையடுத்து அருகில் இருந்தவர்கள் அவரை மீட்டு ஆபத்தான நிலையில் மருத்துவமனைக்கு கொண்டு சென்று அனுமதித்தனர். இது குறித்த தகவல் அறிந்த ரேச்சலின் குடும்பத்தினர், தனது மகளைப் பார்க்க கனடா செல்வதற்கு விசா நடைமுறைகளை விரைவாக்க உதவி செய்ய வேண்டும் என வெளியுறவுத் துறை அமைச்சர் ஜெய்ஷங்கர் உதவியைக் நாடியுள்ளனர். மேலும், மாணவி ரேச்சலின் உடல்நிலை ரத்த அழுத்தம் இதயத்துடிப்பு சீராக இருப்பதாவும் இருப்பினும் அவர் தீவிர சிகிச்சைப் பிரிவில் வைக்கப்பட்டுள்ளார் என்று தெரிவித்துள்ளனர். கனடா போலீசார் பொதுமக்களுடன் உதவியுடன் மாணவி ரேச்சலை தாக்கிய அந்த மர்ம நபரைப் பற்றி விசாரித்துவருகின்றனர். தாக்குதலில் ஈடுபட்ட அந்த நபர் ஆசிய கண்டத்தைச் சேர்ந்தவர் என்றும் அந்த நபரின் வயது 20களின் மத்தியில் இருக்கும் என்றும் ஸ்டைலான கண்ணாடி அணிந்திருந்தார் என்றும் தெரிவித்துள்ளனர். மாணவி தாக்கப்பட்டது குறித்து டொரோண்டோ போலீசார் வழக்குப் பதிவு செய்து தாக்குதலில் ஈடுபட்ட மர்ம நபரை தேடிவருகின்றனர்.   ரேச்சலின் சகோதரி ரெபேக்காவின் டி.என்.எம் உடன் பேசுகையில், “இந்த சம்பவம் எவ்வாறு நடந்தது என்பது குறித்து எங்களுக்குத் தெரியவில்லை. ரேச்சலைப் பார்க்க விசாவைப் பெறுவது எனது குடும்பத்தினருக்கு காலத்தின் தேவை. விசா செயல்முறை சிக்கலானது. நாங்கள் இன்னும் அதைக் கண்டுபிடித்து வருகிறோம். நாங்கள் வெளிவிவகார அமைச்சரின் உதவியை நாடுகிறோம். ” ரேச்சலின் குடும்பத்தினர் ஊடகங்களிடம் கூறுகையில், “இந்த சம்பவம் எவ்வாறு நடந்தது என்பது குறித்து எங்களுக்குத் தெரியவில்லை. ரேச்சலைப் பார்க்கச் செல்ல விரைவாக விசாவைப் பெறுவது என்பது சிக்கலானது. நாங்கள் அதற்காக வெளியுறவுத் துறை அமைச்சரின் உதவியை நாடியுள்ளோம்” என்று தெரிவித்துள்ளனர். மேலும், ரேச்சல், மூளைக்கு இரத்த விநியோகத்தை துண்டிக்கும் வகையில் காயங்கள் ஏற்பட்டதாக தெரிகிறது. ரேச்சலின் கழுத்துப் பகுதியில் பல முறை குத்தப்பட்டதாகத் தெரிகிறது, தவிர இருபுறமும் கீறல்கள் உள்ளன.” என்று தெரிவித்துள்ளனர். நன்றாகப் ரேச்சல் தற்போது கனடாவில் சப்ளை செயின் மேனேஜ்மென்ட்டில் பல்கலைக்கழக உதவித்தொகை உதவியுடன் படித்து வருகிறார். ரெச்சல் இந்த ஆண்டு மே மாதம் பட்டம் பெற உள்ளார். மேலும், தனது செலவுகளுக்காக அங்கே அவர் பகுதிநேரமாக வேலை செய்து கொண்டுவந்தார்” என்று அவரது குடும்பத்தினர் தெரிவித்துள்ளனர். இது குறித்து ரேச்சலின் உறவினர் ஒருவர் தமிழகத்தைச் சேர்ந்த ரேச்சல் படிப்பதற்காக கனடா சென்றார். அங்கே அவர் கத்தியால் குத்தப்பட்டு மருத்துவமனையில் அனுமதிக்கப்பட்டுள்ளார். அவருக்கு தயவு செய்து உதவி செய்யுங்கள். இந்த செய்தி உள்ளூர் தொலைக்காட்சிகளில் வெளியாகியுள்ளது. ரேச்சலின் பெற்றோர் குன்னூரில் இருப்பதாகவும் அவர்களுடைய மொபைல் எண்ணையும் குறிப்பிட்டு வெளியுறவுத் துறை அமைச்சர் ஜெய்சங்கருக்கு டுவிட்டரில் தெரிவித்துள்ளார். இதற்கு பதிலளித்துள்ள வெளியுறவுத் துறை அமைச்சர் ஜெய்சங்கர், “கனடாவின் டொரோண்டோவில் இந்திய மாணவி ரேச்சல் ஆல்பர்ட் மீதான மோசமான தாக்குதலை அறிந்து ஆழ்ந்த அதிர்ச்சியடைந்தேன். அவருடைய குடும்பத்தினருக்கு எளிதில் விசா கிடைக்க நான் வெளிவிவகார அலுவலர்களிடம் கேட்டுள்ளேன். அவருடைய குடும்ப உறுப்பினர்கள் உடனடியாக தொடர்பு கொள்ளுங்கள் என்று செல்பொன் எண்களைக் குறிப்பிட்டு பதிலளித்துள்ளார். https://tamil.indianexpress.com/international/23-year-old-student-from-tamil-nadu-was-stabbed-at-toronto-in-canada/
    • என்ன கோசான் எட்டிப் பார்த்துவிட்டு ஒன்றும் கூறவில்லை. இக் கோவிலுக்குப் போனீர்களா ?? வருகைக்கும் பச்சைக்கும் நன்றி
    • ‘கைலாச நாட்டின் அதிபர்’ நித்தியானந்தாவுக்கு இண்டர்போல் நீல அறிக்கை!   ஜனவரி 22, 2020 ‘கைலாச’ நாட்டின் அதிபர் ‘சுவாமி’ நித்தியானந்தா பாலியல் மற்றும் வயதுகுறைந்தோரை ஆசிரமத்தில் தடுத்துவைத்திருந்தமை ஆகிய குற்றச்சாட்டுகளுக்காக இந்தியாவிலிருந்து தப்பியோடிய ‘சுவாமி’ நித்தியானந்தா பற்றி மேலதிக விபரங்களைப் பெறும்பொருட்டு சர்வதேச காவற்துறை (இண்டர்போல்) ‘நீல அறிக்கை‘ (blue notice) பிறப்பித்துள்ளது. ஒருவரது அடையாளம் நிரூபிக்கப்படவேண்டி இருப்பின், அல்லது அவர் பற்றிய மேலதிக விபரங்கள் தேவைப்படின் அல்லது ஒருவர் காணாமற் போயின் அவரைத் தேடுவதற்காக அல்லது ஒரு அடையாளம் காணப்படாத சர்வதேச குற்றவாளியை அடையாளம் காண்பதற்காக, சர்வதேச காவற்துறை இந் நீல அறிக்கைகளை (விளக்கம் கோரும் அறிக்கைகள்) விடுவது வழக்கம். அவ்வாறு வெளியிடப்பட்ட அறிக்கையின் பிரகாரம் அவர் அடையாளம் காணப்பட்டால் அவரை சம்பந்தப்பட்ட நாட்டுக்குக் கொண்டுவர அக் காவற்துறை முயற்சி செய்யும். குஜராத் மற்றும் கர்நாடகா காவற்துறையினர் இந்திய மத்திய புலனாய்வுப் பிரிவினருக்கு (CBI) விடுத்த கோரிக்கையின் பிரகாரம் அது அப் பொறுப்பை இம்டர்போலிடம் கையளித்திருந்தது. அடுத்த நடவடிக்கையாக, நித்தியானந்தாவைக் கைது செய்யும் பொருட்டு ‘சிவப்பு அறிக்கையை’ வெளியிடும்படி இண்டர்போலிடம் கோரிக்கையைச் சமர்ப்பிக்கவிருப்பதாக குஜராத், கர்நாடக காவற்துரையினர் தெரிவித்துள்ளனர். அஹ்மெதாபாதத்திலிருந்த நித்தியானந்தாவின் ஆச்சிரமத்திலிருந்து இரு பெண்கள் காணாமற்போனமை தொடர்பாக குஜராத் காவற்துறை அவர் மீது வழக்குப்பதிந்திருந்தது. குழந்தைகளைக் கடத்தித் தனது ஆச்சிரமத்தில் வைத்து அவர்கள் மூளம் தன் பக்தர்களிடமிருந்து பணம் அறவிட்டார் எனவும் அவர்மீது குற்றஞ்சாட்டப்பட்டிருந்தது. குஜராத் காவற்துறை அவரை ஏற்கெனவே தேடிக்கொண்டிருந்த நிலையில், அவர் ஏகுவாடோர் நாட்டுக்கு அருகிலுள்ள ஒரு தீவில் ‘இந்து நாடொன்றை’ அமைத்துள்ளதாகவும் அதற்கு அவர் ‘கைலாச’ என்று பெயரிட்டு அதற்குத் தனியே ஒரு கொடி, அரசியல் கட்டமைப்பு ஆகியவற்றையும் உருவாக்கியுள்ளதாகவும் டிசம்பர் மாதமளவில் செய்திகள் வெளியாகியிருந்தன.   https://marumoli.com/கைலாச-நாட்டின்-அதிபர்-நி/?fbclid=IwAR359MFWz2__nOD1m_QdDaaQNpUW7uC2jM6INzydi14YbLgcw39uRwLbp_g
    • வாவ்.... பிரசாந்துக்கு,  எவ்வளவு பெரிய... தொழில் நுட்ப அறிவு. ❤️ காணொளி... இணைப்பிற்கு, இணைப்பிற்கு நன்றி... ஜெகதா துரை.