Jump to content

"மலைகளுக்கப்பால்" - ராஜன் விஷ்வா


Recommended Posts

 

இந்த மலைகளுக்கப்பால் தான்
நான் இருக்கிறேன்
 
மலைமுகட்டில் ஊற்றெடுக்குமிந்த நதி
இந்த மலைகளுக்கப்பால்
சமவெளிகளை விளைவிக்கிறது
 
பகலிரவு காலத்தை நகர்த்தும்
உக்கிரச் சூரியன் உதிப்பதும்
இந்த மலைகளுக்கப்பால் இருந்தே
 
மேய்வன விரும்பும் புல்வெளிக்காடும்
தவழ்வன பொழியும் மழைக்காடும்
இந்தமலைகளுக்கப்பால் தான் சந்திக்கின்றன
 
ஒலியின் மொழியை நூற்றாண்டுகளாக
எதிரொலித்தபடியுள்ளன பள்ளத்தாக்குகள்
இந்த மலைகளுக்கப்பால்
 
காற்றும் நிலமும் நீரும்
ஆதிநிர்வாணாத்தோடிருக்கும்
முடிவிலா ஆரண்யமிருப்பதும்
இந்த மலைகளுக்கப்பால் தான்
 
இரவு அந்தகார சுவையுடன்
இருளாகவேயுள்ளது
இந்த மலைகளுக்கப்பால்
 
கடவுள் எல்லைக்கோடு அகதிகளென
எதுவுமேயில்லை இந்த மலைகளுக்கப்பால்
உயிர்வாழ்தலை தவிர
 
துயர்கசியும் பாடலொன்றை
சுமந்தபடி வரும் பறவைகள்
தஞ்சமடைகின்றன் இறுதியாக
இந்த மலைகளுக்கப்பால்
 
பிரபஞ்ச இருப்பின் இயக்க
சூத்திரத்தில் எதுவித சமரசமுமில்லை
இந்த மலைகளுக்கப்பால்
பூ பூக்கிறது
.
.
...சருகாகிறது
 
பெரு வெளியென விரிந்திருக்கும்
இந்த மலைகளுக்கப்பால்
உண்மையில் ஒன்றுமேயில்லை
 
அந்தரத்தில் உறைந்தபடி
இந்த மலைகளுக்கப்பால்
இருப்பது நான் மட்டுமே
 
-ராஜன் விஷ்வா
 
நந்தலாலா இணைய இதழில் இந்த கவிதை பிரசுரமாகியுள்ளது
 
 
 
 
Link to comment
Share on other sites

  • கருத்துக்கள உறவுகள்

உங்கள் கவிதைப்பயணம் தொடர வாழ்த்துக்கள்.

Link to comment
Share on other sites

  • கருத்துக்கள உறவுகள்

அழகான மலைப்பகுதி மனச்சித்திரத்தில் உருவாகும் வண்ணம் கவிதை சொற்சித்திரமாக வந்துள்ளது. மேலும் தொடர வாழ்த்துக்கள்.

Link to comment
Share on other sites

On 16/11/2015, 13:05:39, ராஜன் விஷ்வா said:
பிரபஞ்ச இருப்பின் இயக்க
சூத்திரத்தில் எதுவித சமரசமுமில்லை
இந்த மலைகளுக்கப்பால்
பூ பூக்கிறது
.
.
...சருகாகிறது
 
பெரு வெளியென விரிந்திருக்கும்
இந்த மலைகளுக்கப்பால்
உண்மையில் ஒன்றுமேயில்லை
 
அந்தரத்தில் உறைந்தபடி
இந்த மலைகளுக்கப்பால்
இருப்பது நான் மட்டுமே
 
-ராஜன் விஷ்வா
 

பிடித்த வரிகள்.

தொடருங்கள் ராஜன் விஷ்வா.

Link to comment
Share on other sites

  • கருத்துக்கள உறவுகள்

தம்பி ராஜன் விஸ்வா,
உங்கள் எழுத்துக்களில் முதிர்ச்சி தெரிகிறது.
நிறைய வாசிப்பீர்கள் போல இருக்கிறது.
புவியல் பாடம் கேட்பது போல இருந்தது கவிதை..

வாழ்த்துக்கள்  
 

Link to comment
Share on other sites

  • கருத்துக்கள உறவுகள்

அந்தரத்தில் உறைந்தபடி

இந்த மலைகளுக்கப்பால்

இருப்பது நீங்கள் என்றால்...!

 

இப்பால் இருந்து

ரசிப்பது நானே....!

நல்ல கவிதை , ராஜன் விஷ்வா...!!

Link to comment
Share on other sites

  • கருத்துக்கள உறவுகள்

எல்லாம் இருந்தும் ஒன்றுமேயில்லாத   உணர்வுடன் ஒரு மனிதன்
இப்படித்தான் எனக்கு விளங்கியது.
யாராவது ஒரு பொழிப்புரை எழுதினால் இன்னும் பல விசயங்களை விளங்கிக் கொள்ளலாம்.

Link to comment
Share on other sites

  • கருத்துக்கள உறவுகள்

பிரபஞ்சத்தை நகர்த்தும்,

இரகசியம் கூட..,

இந்த மலைகளுக்கப்பால் தான்,

மறைந்திருக்கின்றது!

 

சிவ தாண்டவத்தின்,

சூத்திரமும் கூட,

இந்த மலைகளுக்கப்பால் தான்,

மறைந்திருக்கின்றது!

 

எனக்கும்...,

அந்த மலைகளுக்காபால்,

எட்டிப்பார்க்க ஆசை தான்..!

 

வாழ்த்துக்கள் ராஜன் விஷ்வா...!

Link to comment
Share on other sites

உயிரான உறவுகளுக்கு வணக்கம்,

சற்றே வேலைப்பளு கூடிவிட்டது, மீண்டும் பழைய படி உங்களுடன் விரைவில் இணைந்து கொள்வேன், உங்கள் அன்பிற்கு நன்றி..

என்னில் மிகு அன்புகொண்ட புங்கை அண்ணனுக்கு இதை எழுதும் போதே மனதில் சமர்ப்பணம் செய்து விட்டேன்

Link to comment
Share on other sites

அருமையான  கவிதை  விஷ்வா 

நீ இன்னும் உச்சம் பெறுவாய்.  வாழ்த்துகள் நண்பா. 

Link to comment
Share on other sites

அருமையான  கவிதை  விஷ்வா 

 

மேலும் வளரனும் வரலாற்றில் வரனும் tw_blush:

Link to comment
Share on other sites

வாழ்த்து தெரிவித்த புங்கை, சுவி, சசி வர்ணம், அஞ்சரன், கிருபன், வாத்தியார், நெர்கொலு தாசன், ஜீவன் சிவா அண்ணன்களுக்கு நன்றி...

 

நிழலி அண்ணா ஒருமுறை சொன்னதிலிருந்து கவிதைக்கு பொழிப்புரை தருவதில்லை வாத்தியாரே... tw_blush:

ஒரு மழைக்கவிதை எழுதின நேரம் பேய் மழை பெய்யுது, அடுத்த மழைக்கு வெளியிடலாம் என்டிருக்கேன் :cool:

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.