எம்.பிக்கள் - மாகாண சபையினர் சந்திப்பை உடனே நடத்துங்கள்! - கூட்டமைப்பின் தலைவர் சம்பந்தனிடம் கோரிக்கை

[Gari]

 

[ வியாழக்கிழமை, 24 டிசெம்பர் 2015, 01:50.57 AM GMT ]

மாகாண சபையினர் மற்றும் நாடாளுமன்ற உறுப்பினர்களுக்கு இடையிலான சந்திப்பை உடனடியாக நடத்துமாறு, தமிழ்த் தேசியக் கூட்டமைப்பின் தலைவர் இரா.சம்பந்தனிடம், வடக்கு மாகாண சபை உறுப்பினர்கள் நேரில் சென்று வலியுறுத்தியுள்ளனர்.

வடக்கு மாகாண சபையின் வரவு - செலவுத் திட்டம் மற்றும் வடக்கு முதல்வர் சி.வி.விக்னேஸ்வரனின் இணைத்தலைமையில் உருவாகியுள்ள தமிழ் மக்கள் பேரவை தொடர்பாகவும் கலந்துரையாடுவதற்கே இந்தச் சந்திப்பை உடனடியாக ஏற்பாடு செய்யுமாறு கோரிக்கை விடுத்துள்ளனர்.

வடக்கு மாகாண சபையின் ஒரு தொகுதி உறுப்பினர்கள், நேற்றுமுன்தினம் செவ்வாய்க்கிழமை கொழும்புக்குச் சென்று, தமிழ்த் தேசியக் கூட்டமைப்பின் தலைவர் இரா.சம்பந்தனைச் சந்தித்துப் பேசியுள்ளனர்.

இந்தச் சந்திப்பின்போது வடக்கு மாகாணசபையின் வரவு - செலவுத் திட்டம் தொடர்பிலும் பேசப்பட்டுள்ளது. அமைச்சுக்களுக்கு ஒதுக்கிய நிதி உரியமுறையில் செலவு செய்யப்படாமல் உள்ளது என்ற குற்றச்சாட்டு முன்வைக்கப்பட்டது.

டிசெம்பர் 31 ஆம் திகதிக்கு முன்னர் ஒதுக்கிய நிதியில் 58 சதவீதமான நிதியே செலவு செய்யப்பட்டு முடிக்கக் கூடிய சாத்தியம் இருப்பதாலும், எஞ்சிய நிதி திரும்பிச் செல்லும் நிலையில் இருப்பதாகவும் இதன்போது சுட்டிக்காட்டப்பட்டுள்ளது.

இது தொடர்பில் ஆராயப்படவேண்டும் என்று சம்பந்தனிடம் மாகாண சபை உறுப்பினர்கள் கோரியுள்ளனர்.

தமிழ் மக்கள் பேரவை உருவாக்கப்பட்டுள்ள நிலையில், வடக்கு மாகாண முதலமைச்சர் அதில் இணைத் தலைவராக நியமிக்கப்பட்டுள்ளார். இது தொடர்பிலும் ஆராயவேண்டும் என்று மாகாண சபை உறுப்பினர்கள் கோரிக்கை விடுத்துள்ளனர். இதற்காக, மாகாண சபை உறுப்பினர்கள் - நாடாளுமன்ற உறுப்பினர்கள் கூட்டத்தை உடனடியாகக் கூட்டவேண்டும் என்று கோரிக்கை விடுத்துள்ளனர்.

எதிர்வரும் 27ம் அல்லது 28ம் திகதிகளில் கூட்டத்தை நடத்துவதற்கு ஆலோசிக்கப்பட்டுள்ளது. இருப்பினும் இறுதி முடிவு எட்டப்படவில்லை.

http://www.tamilwin.com/

 

 

[Iraivan]

அடுத்த தடவை விக்கி முதலமைச்சராக வாய்ப்பில்லாமல் போய்விடுமோ? சைக்கிள் காரர்கள் அவரைக் கைவிடமாட்டினம் என்று நினைக்கிறன்.

[வாலி]

காத்துப்போன சைக்கிள்ள ஏறினால் கோவிந்தா கோவிந்தாதான்!

[குமாரசாமி]

சம்பந்தன் மாவை கும்பல்கள் கூட்டமைப்பு எண்ட பேரிலை வந்தபடியாலைதான்  இண்டுவரைக்கும் காத்து போகாமல் ஓடிக்கொண்டிருக்கு ........அவரவர் பழைய சொந்த நாமங்களோடை வந்திருந்தால் இண்டைக்கு றிம்மே இருந்திருக்காது கண்டியளோ!!!! 

[Sooravali]

சம்பந்தர் மாவை கூட்டத்தினர் உறுதியான வண்டியில் இருந்ததனால் தான் பல அன்னக்காவடிகள் தாவிக்கொண்டன.

இல்லாவிட்டால் சிதம்பரத்தாரை கூட்டமைப்புக்கு தலைவராக நியமிக்காமல் சுரேசை புலிகள் நியமிக்க வைத்திருக்கலாம் தானே?

இன்றைக்கும் விட்டு சின்னத்தில்தான் எல்லாரும் வாக்கு கேட்கினம். எல்லாத்துக்கும் மேல பல கட்சிகளையும் இணைத்து பொதுவான ஒரு நோக்கத்துக்காக உருவாக்கப்பட்டதுதான் இந்த கூட்டமைப்பு நோக்கம் நிறைவேறினால் இந்த அமைப்பு பிரிந்து பன்முகப்படலாம்.

ஐக்கிய மக்கள் சுதந்திர கூட்டமைப்பும் சுதந்திர கட்சியின் தலைமையில் உருவான ஒரு கூட்டமைப்புத்தான் அதுக்காக அதை போய் ஒருகட்சியாக பதிவு செய்யச்சொல்ல கேட்டால் எப்படி இருக்கும்?