Jump to content

கிறிபத்


putthan

Recommended Posts

  • கருத்துக்கள உறவுகள்

வருடம் பிறந்தவுடன் உறவுகளுக்கு தொலைபேசி மூலமும்,  இணைய நண்பர்களுக்கு இணையத்தின் மூலமும்,மின்னஞ்சல் மூலம் பாடசாலை நண்பர்களுக்கும்,முகப்புத்தகத்தின் ஊடாக முகபுத்தக நண்பர்களுக்கும் புது வருட வாழ்த்துக்களை தெரிவித்து கொண்டேன்.பதிலுக்கு அவர்களும் நன்றிகள் உங்களுக்கும் எங்களது புத்தாண்டு வாழ்த்துக்கள் என்றனர்.சிலர் இது எங்கன்ட புத்தாண்டு இல்லை ஆரியரின்ட புத்தாண்டு என்றனர்.அப்படி சொன்னவரில் கந்தரும் ஒருத்தர்.இவர் உப்படிதான் சொல்லுவார் என்று தெரிந்து அவரை கண்டவுடன் அண்ணே ஆரிய புத்தாண்டு வாழ்த்துக்கள் என்றேன்..நன்றி ஆனால் நான் தமிழர் புத்தாண்டைதான் கொண்டாடுவேன் இவங்கன்ட புத்தாண்டை கொண்டாமாட்டேன் என்றார். நானும் ஒவ்வொரு முறையும்  சித்திரை புத்தாண்டு,தமிழ் புத்தாண்டு,சிங்கள புத்தாண்டு ,தமிழ்சிங்கள புத்தாண்டு எனஒவ்வோரு விதமாகசொல்லி பார்ப்பேன் ஆனால் மனுசன் அசையாது இது எங்கன்ட புத்தாண்டில்லை என அடம்பிடிப்பார்.அதுதான் இந்த முறை ஆரிய புத்தாண்டு என சும்மா சொல்லிப்பார்த்தேன்.அதுக்கும் மனுசன் அசையவில்லை.அவருக்கும் வயசு போய்கொண்டிருப்பதால் தொடர்ந்து அவருக்கு  தொல்லை கொடுப்பதில்லை என முடிவெடுத்தேன்.

வேலையால் வந்து மனிசி கோவிலில் எடுத்து வைத்திருந்த மருத்துநீரை சம்பூ போல தலையில் வைத்து தடவி ஒரு ல்ல முழுக்கு முழுகி போட்டு புது வேஸ்டியை அணிந்து எம் பெருமான் சிட்னிமுருகனிட்ட ஒரு விசிட் அடிக்க போனேன்,கோவிலுக்கு கிட்ட ஒரே போக்குவரத்து நெரிசலாக இருந்தது ,எனது கார் மெல்ல மெல்ல ஊர்ந்து சென்றது.போக்குவரத்து நெரிசலுக்கு காரணம் எம்பெருமானை புத்தாண்டு தினத்திற்கு தரிசிக்க வந்த பக்தர்களின் வாகனங்களால் தான் ஏற்பட்டது என்பது பின்புதான் புரிந்தது.கோவில் வாசலில் "கார் பார்க் வுள்" என ஆங்கிலத்தில் எழுதி போர்ட் வைத்திருந்தார்கள்..

இன்று நடைதான் முடிந்த முடிவு என நினைத்தபடி குடும்பத்தினரை கோவில் வாசலில் இறக்கிவிட்டு காரை மீண்டும் கோவிலுக்கு வெளியே கொண்டு வந்து, அருகில் உள்ள பாதையில் நிறுத்திவிட்டு   முருகனை தரிசிக்க ஒடிவந்தேன் .கோவிலில் அறிந்தோர் எல்லாம் புதுவருட வாழ்த்து சொல்ல பதிலுக்கு நானும் "தங்க்யூ செம் டு யூ" என்று தேவாரம் போல எல்லொருக்கும் சொல்லிபடியே  முருகனை  பார்த்து  கைகூப்பி  அரோகரா சொல்லுவதற்கு பதிலாக புத்தாண்டு வாழ்த்துகள் என வாய்தடுமாறி சொல்ல சுதாகரித்து  மீண்டும் "அரோகா சிட்னி முருகனுக்கு அரோகரா" சொல்லியபடியே சுற்றிவந்து ,பிரசாதம் வாங்குமிடத்துக்கு சென்றேன்.

அங்கு நீண்ட வரிசை இருந்தது.அதில் நின்றால் முழு பிரசாதமும் கிடைக்காது என்ற எண்ணத்தில் குறுக்கால போக முடிவேடுத்து ,வரிசையில் தெரிந்தவர்கள் யாராவது நிற்கிறார்களா என பார்த்தேன் .வரிசையின் நடுவில் கந்தர் நின்றார் ,அவருக்கு அருகில் சென்று "அண்ணே புது வருசம் எப்படி போகுது" என்று கேட்டபடியே உள்நுழைந்து கொண்டேன்.

"ல்லாய் போகுது நீ சூழியன் மெல்லமாய்வந்து உள்ளே புதுந்திட்டாய்"

"ஒம்மண்ணெ ஒரு அலுவலாய் அவசரம் போக வேணும் அதுதான்"

பிரசாதங்களின் எண்ணிக்கை அதிகமாக இருந்தபடியால் மெல்ல மெல்ல வரிசை ஊர்ந்து சென்றது. ஒரு மாதிரி பிரசாத மேசையருகே வந்து கையில் இருந்த கோப்பையை நீட்டினேன் பூரி,பொங்கல்,லட்டு,சதுரமாக வெட்டிய சோத்துக்கட்டி,இன்னும் பெயர் தெரியாத பல பொருட்களும் தந்தார்கள்.

"அண்ணே என்ன இது "கிறிபத்" மாதிரிகிடக்கு" என்று சதுர சோத்து கட் "என்ன அண்ணே இன்றைக்கு பிரசாதம் கொஞ்சம் தூக்கலா இருக்கு"

"வருசப்பிறப்பு என்று போட்டு சனம் அள்ளி கொண்டு வந்திருக்கு "

"உனக்கு தெரியுமே சிங்களவ‌ரும்  இப்ப சிட்னி முருகனை கும்பிட வருயினமல்லோ,அவையள் கொண்டுவந்ததுதான் உது அவையளின்ட புதுவருடமும் இன்றைக்கு தானே"

"அண்ணே உந்த வருசப்பிறப்பை தவிர எங்களுக்கும் அவங்களுக்கும் வேறு ஒன்றில்லையும் ஒற்றுமையில்லையே...அது எப்படி வருசப்பிறப்பு மட்டும் பொதுவா கிடக்கு?"

" நான் எத்தனை வருசமா சொல்லுறன் அது ஆரிய புத்தாண்டு என்று நீ தான் கேட்கிறாயில்லை"

"ஆரிய புத்தாண்டு என்றியள்,வட இந்தியன் ஒருத்தனும் கொண்டாடுறாங்களில்லை"

"ஏன் இல்லை ,ஞாயிற்றுக்கிழமை பங்காளி காரங்கள் ஒலிம்பிக் பார்க்கில கொண்டாடுகிறாங்கள் ,"

" என்ன அண்ணே பாங்காளி எல்லாம் முஸ்லிம்கள் அவங்கள் எப்படி இந்துக்களின் கொண்டாடுவினம்"

"இந்தியாவில மேற்கு வங்காளத்தில் இருக்கிறவையள்  இந்துக்கள் அவையள் தான் விமரிசையாக கொண்டாடினம், பங்காளிகளின்ட பாஷைக்கும்,சிங்களத்திற்கும் தொடர்பு இருக்கு,அதோட அவங்களும் காளியை கும்பிடுறவங்கள்,சிங்களவங்களும் காளியை கும்பிடுறாங்கள் நாங்களும் கும்பிடுறம்,உவன் விஜயனும் அந்த பக்கதிலைலிருந்துதான் அகதியாக கள்ளத்தோணியில் சிறிலங்காவுக்கு வந்திருக்க வேணும்,பாளி ,சிங்கம் ,காளி ,சித்திரை புதுவருடம் எல்லாம் பங்காளிகாரங்களுடன் தொடர்புடையைவை"

என்று ஒரு விரிவுரை நடத்திய கந்தர்  உவங்கள் கிறிபத் கொடுத்தவங்கள் கட்ட சம்பொல்லையும் கொடுத்திருந்தால் நல்லாய் இருந்திருக்கும் என கிறிபத்தை சாப்பிட்ட படியே சொன்னார்.

" அண்ணே கோவிலில் வைத்து உப்படி கதைக்க கூடாது ,அதுக்கு மாசி போடுறவையள் அல்லோ"

"மாசியை போடாமல் சம்பலை கொடுக்கலாம் தானே,பூரி,லட்டு இப்படி எத்தனையோ கொடுக்கினம் சம்பல் கொடுத்தா என்ன?"

" கோவில்காரர் விட மாட்டினம்"

"அவங்களை பற்றி கதைக்காதே ,எனக்கு கோபம் வரும்"என்றவர் மிகபெரிய ஏப்பம் ஒன்றை விட்டபடியே ,இரவு சாப்பாட்டு இன்றைக்கு தேவையில்லை வா போய் கையை கழுவுவோம் என என்னை அழைத்தார்

இருவரும் கையை கழுவி விட்டு வீடு செல்லத்தாயாரானோம்.

"நாளைக்கு சிட்னி கிறிஸ்தவ தேவாலயத்தில தமிழ் சிங்கள புதுவருடம் கொண்டாடினம் வாறீயோ போவம்"

"என்ன அண்ணே தேவாலத்திலயோ,சேர்ச்சுக்கும் சித்திரை வருசப்பிறப்புக்கு என்ன சம்பந்தம்?"

"சிட்னியில் இருக்கின்ற எங்கன்ட மேட்டுக்குடிகளும்,அவங்கன்ட மேட்டுக்குடிகளும் இப்ப நல்லிணக்கத்துக்கு ஓடி திரியினம் அந்த முயற்சியின் ஒரு செயல் வடிவம் தான் இது"

"சேர்ச் என்ற படியால் கேக் தான் கொடுப்பினம்"

"சீ சீ அங்க கிறிபத்தும் கட்ட சம்பலும் கொடுப்பினம் ,உனக்கு ஒருவிசயம் தெரியுமே அதிக எண்ணிக்கையிலான  தமிழர்களும் சிங்களவர்களும் ஒன்று கூடுமிடம் சேர்ச்சு தான் அவர்களை பெளத்த அடையாளமான கிறிபத் மூலம் ஒன்றி ணைக்கலாம்"

"உதுல உவ்வளவு விசயமிருக்கோ,நான் நல்லிணக்க விளையாட்டுக்கு வரவில்லை நீங்கள் போறதென்றால் போய்யிட்டுவாங்கோ" என சொல்லி அவரிடமிருந்து விடை பெற்றேன்.

காரில் வீடு செல்லும் பொழுது சம்சாரம் கேட்டார் ஞாயிற்றுக்கிழமை சாய் பஜனையில் தமிழ்சிங்கள புத்தாண்டு கொண்டாடினம் வார முடியுமோ என்று ,மூன்று மாதத்திற்கு முதல் தானே  கிறிமஸ்ஸும் ஆங்கில் புத்தாண்டும் கொண்டாடினீங்கள் பிறகென்ன இப்ப தமிழ் சிங்கள புத்தாண்டு என கேட்க,உங்களுக்கு விருப்பம்மென்றால் வாங்கோ சும்மா விசர் கதைகளை கதையாதையுங்கோ என்ற வர்

.நான் வரவில்லை என்று சொல்ல மெளனமாக வீடு வரை வந்தார்.

.ஞாயிற்றுகிழமை பத்து மணியளவில் முகம் கழுவிய பின்பு கோப்பியை குடிக்க குசினிக்குள் போனேன் .

"மில்க் ரைஸும் சம்பலுமிருக்கு  சாப்பிடுங்கோ"

"மில்க் ரைசோ"

"அது தான் சிங்கள ஆட்களின் பிரசாதம்,என்ன என்று சொல்லுறது"

" கிறிபத்தோ"

"எப்ப தொடக்கம் கிறிபத்தை பிரசாத லிஸ்ட்டில் சேர்த்தனீங்கள்"

"ம்ம்ம்ம்ம்ம்ம்ம்ம்ம்ம்ம்ம் தொடங்கீட்டிங்களா உங்கன்ட அறுவையை,தயிர் ரைஸ் ,புளிரைஸ்,லெமன் ரைஸ் எல்லாம் பிரசாதமாக இருக்கும் பொழுது ஏன் மில்க் ரைஸ் இருக்கமுடியாது???,உங்களுக்கு சிங்களிஸ் மீது ஒரு கறள் அதுதான் உப்படி"

 

 

Link to post
Share on other sites
  • கருத்துக்கள உறவுகள்
8 minutes ago, putthan said:

கோவிலில் அறிந்தோர் எல்லாம் புதுவருட வாழ்த்து சொல்ல பதிலுக்கு நானும் "தங்க்யூ செம் டு யூ" என்று தேவாரம் போல எல்லொருக்கும் சொல்லிபடியே  முருகனை  பார்த்து  கைகூப்பி  அரோகரா சொல்லுவதற்கு பதிலாக புத்தாண்டு வாழ்த்துகள் என வாய்தடுமாறி சொல்ல சுதாகரித்து  மீண்டும் "அரோகா சிட்னி முருகனுக்கு அரோகரா" சொல்லியபடியே சுற்றிவந்து ,பிரசாதம் வாங்குமிடத்துக்கு சென்றேன்.

 

அங்கு நீண்ட வரிசை இருந்தது.அதில் நின்றால் முழு பிரசாதமும் கிடைக்காது என்ற எண்ணத்தில் குறுக்கால போக முடிவேடுத்து ,வரிசையில் தெரிந்தவர்கள் யாராவது நிற்கிறார்களா என பார்த்தேன் .வரிசையின் நடுவில் கந்தர் நின்றார் ,அவருக்கு அருகில் சென்று "அண்ணே புது வருசம் எப்படி போகுது" என்று கேட்டபடியே உள்நுழைந்து கொண்டேன்.

 

"ல்லாய் போகுது நீ சூழியன் மெல்லமாய்வந்து உள்ளே புதுந்திட்டாய்"

அருமை புத்தன், நன்றாக உள்ளது.tw_blush:

Link to post
Share on other sites
  • கருத்துக்கள உறவுகள்

கதை அந்தமாதிரி புத்தன்....! ஏனோ தெரியாது மனிசிமாரிட்ட மட்டும் ஜம்பம் பலிப்பதில்லை....!  tw_blush:

Link to post
Share on other sites
On 4/24/2016 at 10:16 AM, ஜீவன் சிவா said:

பேஷ் பேஷ் ரொம்ப நன்னா இருக்குது 

வாழ்த்துக்கள்

உண்மைதான். சிட்னி கோசிப்பில் கிறுக்கத்தொடங்கிய புத்தனின் கதைசொல்லும் ஆர்வம் (அதற்கு முன்னே ஆரம்பித்து இருக்கலாம், ஆனால் சிட்னி கோசிப்தான் ஆரம்பபுள்ளியாக இலகுவில் இனங்காண உதவுகின்றது) இப்போது பல படிமுறைகளில் வளர்ச்சியடைந்து திறமையான சிறுகதையாசிரியரின் நிலைக்கு வந்துள்ளது. நான் ஆரம்பத்திலிருந்து புத்தனின் எழுத்துக்களை வாசித்து வந்துள்ளேன் என்றவகையில் இந்த வளர்ச்சி எனக்கு கண்கூடாக தெரிகின்றது. நிறுத்தற்குறிகள் தட்டச்சு செய்யும்போது முன்பின் நகர்வது தவிர வேறு குறைகளை நான் இப்போது காணவில்லை. 

புத்தன் கதைகள் எழுதும்போது ஐபாட் பயன்படுத்துகின்றீர்களா? அல்லது மேசைக்கணணியா?

Link to post
Share on other sites
  • கருத்துக்கள உறவுகள்

காய் புத்தன்! கிரிபத் அந்தமாதிரி tw_thumbsup: ....ஐ லைக் யூ :cool:

Link to post
Share on other sites
  • கருத்துக்கள உறவுகள்

உங்களுக்கு ஆரிய புத்தாண்டு வாழ்த்துகள் புத்தன் அண்ணா 

கதையும் கிரிபத்தும் ஆஹா ஓகோ??

Link to post
Share on other sites
  • கருத்துக்கள உறவுகள்
On 24/4/2016 at 2:33 PM, putthan said:

"ம்ம்ம்ம்ம்ம்ம்ம்ம்ம்ம்ம்ம் தொடங்கீட்டிங்களா உங்கன்ட அறுவையை,தயிர் ரைஸ் ,புளிரைஸ்,லெமன் ரைஸ் எல்லாம் பிரசாதமாக இருக்கும் பொழுது ஏன் மில்க் ரைஸ் இருக்கமுடியாது???,உங்களுக்கு சிங்களிஸ் மீது ஒரு கறள் அதுதான் உப்படி"

ஒரு கறள் இல்லை

ஒட்டமுடியாத 

மனதுக்கு புலப்படாத பல கறள்கள் கிடக்கு...

இங்கயும் கடைக்கு வந்தா

அவையும் ஒரு மாதிரி பார்ப்பினம்

நானும் தான்...

நன்றி  கிறுக்கலுக்கு சீ

கிரிபத்துக்கு புத்தர்

தொடர்ந்து தாங்கோ...

சிலவேளை ருசி பட்டு நாங்களும் மாறலாம்..

Link to post
Share on other sites
  • கருத்துக்கள உறவுகள்

"சிட்னியில் இருக்கின்ற எங்கன்ட மேட்டுக்குடிகளும்,அவங்கன்ட மேட்டுக்குடிகளும்":unsure: 

இப்படி அவுசிஸிலும் உள்ளதா?

Link to post
Share on other sites
  • கருத்துக்கள உறவுகள்

கதை வழக்கம் போல,,,,அந்த மாதிரி!

ஆனால் இந்தக் கதையில் வரும் 'கந்தரை' ஒருக்காச் சந்திக்க வேண்டும் போல உள்ளது!

நம்ம 'கந்தப்பு' இல்லைத் தானே?

தொடர்ந்து எழுதுங்கள் புத்தன்!

Link to post
Share on other sites
  • கருத்துக்கள உறவுகள்
On 24/04/2016 at 10:45 PM, தமிழ் சிறி said:

அருமை புத்தன், நன்றாக உள்ளது.tw_blush:

நன்றிகள் சிறி 

On 24/04/2016 at 11:52 PM, suvy said:

கதை அந்தமாதிரி புத்தன்....! ஏனோ தெரியாது மனிசிமாரிட்ட மட்டும் ஜம்பம் பலிப்பதில்லை....!  tw_blush:

நன்றிகள் suvy...24/7 அவையளோட தான் இருப்பு .....அதுதான்tw_tounge_wink:

On 24/04/2016 at 0:16 AM, ஜீவன் சிவா said:

பேஷ் பேஷ் ரொம்ப நன்னா இருக்குது 

வாழ்த்துக்கள்

நன்றிகள் ஜீவன்

On 25/04/2016 at 7:14 AM, கலைஞன் said:

உண்மைதான். சிட்னி கோசிப்பில் கிறுக்கத்தொடங்கிய புத்தனின் கதைசொல்லும் ஆர்வம் (அதற்கு முன்னே ஆரம்பித்து இருக்கலாம், ஆனால் சிட்னி கோசிப்தான் ஆரம்பபுள்ளியாக இலகுவில் இனங்காண உதவுகின்றது) இப்போது பல படிமுறைகளில் வளர்ச்சியடைந்து திறமையான சிறுகதையாசிரியரின் நிலைக்கு வந்துள்ளது. நான் ஆரம்பத்திலிருந்து புத்தனின் எழுத்துக்களை வாசித்து வந்துள்ளேன் என்றவகையில் இந்த வளர்ச்சி எனக்கு கண்கூடாக தெரிகின்றது. நிறுத்தற்குறிகள் தட்டச்சு செய்யும்போது முன்பின் நகர்வது தவிர வேறு குறைகளை நான் இப்போது காணவில்லை. 

புத்தன் கதைகள் எழுதும்போது ஐபாட் பயன்படுத்துகின்றீர்களா? அல்லது மேசைக்கணணியா?

நன்றிகள் கலைஞன் ..வருகைக்கும் கருத்து பகிர்வுக்கும்...சிறுகதை எழுத்தாளர் என்று சொல்லிப்போட்டியள் ...இனி எழுத்தாளர் விழாக்களில் துணிந்து பங்குபற்றலாம்....மடிக்கணனியைதான் பாவிக்கிறேன்.....:rolleyes:

On 26/04/2016 at 11:21 AM, குமாரசாமி said:

காய் புத்தன்! கிரிபத் அந்தமாதிரி tw_thumbsup: ....ஐ லைக் யூ :cool:

நன்றிகள் குமாரசாமி .....வ‌ருகைக்கும் விருப்பத்திற்க்கும்

On 26/04/2016 at 0:16 PM, முனிவர் ஜீ said:

உங்களுக்கு ஆரிய புத்தாண்டு வாழ்த்துகள் புத்தன் அண்ணா 

கதையும் கிரிபத்தும் ஆஹா ஓகோ??

நன்றிகள் முனீவர் ஜீ....உங்களுக்கும் எனது ஆரிய புத்தாண்டு வாழ்த்துக்கள் ..

Link to post
Share on other sites
  • கருத்துக்கள உறவுகள்
On 26/04/2016 at 8:13 PM, விசுகு said:

ஒரு கறள் இல்லை

ஒட்டமுடியாத 

மனதுக்கு புலப்படாத பல கறள்கள் கிடக்கு...

இங்கயும் கடைக்கு வந்தா

அவையும் ஒரு மாதிரி பார்ப்பினம்

நானும் தான்...

நன்றி  கிறுக்கலுக்கு சீ

கிரிபத்துக்கு புத்தர்

தொடர்ந்து தாங்கோ...

சிலவேளை ருசி பட்டு நாங்களும் மாறலாம்..

நன்றிகள் விசுகு வருகைக்கும் கருத்து பகிர்வுக்கும்.....கிறிபத்தை ருசிக்க‌லாம் தப்பில்லை அதற்காக எங்கன்ட புக்கையை கை விடமுடியாது:rolleyes:

On 26/04/2016 at 8:23 PM, colomban said:

"சிட்னியில் இருக்கின்ற எங்கன்ட மேட்டுக்குடிகளும்,அவங்கன்ட மேட்டுக்குடிகளும்":unsure: 

இப்படி அவுசிஸிலும் உள்ளதா?

நன்றிகள் கொழும்பான்....ஏன் இல்லை.....இருக்கு

3 hours ago, சுவைப்பிரியன் said:

கதை அந்தமாதிரி :)

நன்றிகள் சுவைப்பிரியன்

2 hours ago, புங்கையூரன் said:

கதை வழக்கம் போல,,,,அந்த மாதிரி!

ஆனால் இந்தக் கதையில் வரும் 'கந்தரை' ஒருக்காச் சந்திக்க வேண்டும் போல உள்ளது!

நம்ம 'கந்தப்பு' இல்லைத் தானே?

தொடர்ந்து எழுதுங்கள் புத்தன்!

நன்றிகள் புங்கையுரன்.....கந்தப்பு சின்ன பெடியன்....கந்தரை நீங்கள் அதிகம் கண்டிருக்கமாட்டியள்... 

Link to post
Share on other sites
  • கருத்துக்கள உறவுகள்

புத்து கிரிபத்தை விட 25 வருடத்திற்கு மேல் தேடிக் கொண்டிருக்கும்

மருத்து நீர் ரொம்பவும் பிடித்திருக்கு.

Link to post
Share on other sites
  • கருத்துக்கள உறவுகள்
23 hours ago, ஈழப்பிரியன் said:

புத்து கிரிபத்தை விட 25 வருடத்திற்கு மேல் தேடிக் கொண்டிருக்கும்

மருத்து நீர் ரொம்பவும் பிடித்திருக்கு.

நன்றிகள் ஈழப்பிரியன்,வருகைக்கும் கருத்து பகிர்வுக்கும்....சிட்னி முருகன் புண்ணியத்தில் மருத்து நீர் எங்களுக்கு ஓவ்வோரு வருட‌மும் கிடைக்குது

Link to post
Share on other sites
  • கருத்துக்கள உறவுகள்

புத்தா கதை நன்று, தொடருங்கள், உங்களுக்கு துரும்பு கிடைச்சா காணும், கதையாக்கிவிடுகின்றீர்கள்

Link to post
Share on other sites
  • கருத்துக்கள உறவுகள்

கதை அந்தமாதிரித்தான் இருக்கின்றது. சிங்களவர்களுடன் நல்லிணக்கமாகப் போவது எல்லா இடங்களிலும் எல்லா மட்டங்களிலும் நடக்கின்றது. மேற்குலகோடு நல்லுறவைப் பேணும் ஐதேக இப்படியான விடயங்களை ஊக்குவிக்கின்றது போலுள்ளது. சிட்னி முருகனும் சிங்களவர்களின் தெய்யோவாக வந்துவிட்டாராக்கும். இனி புலம்பெயர் மேட்டுக்குடி தமிழர்களும் கறுவாக்காட்டுப் பக்கம் போய் நல்லிணகத்தைக் உறுதியாக்கி 1955 க்கு முந்தைய இலங்கையை உருவாக்கவேண்டியதுதான் மிச்சமாய் உள்ளது.

Link to post
Share on other sites
  • கருத்துக்கள உறவுகள்
18 hours ago, கிருபன் said:

கதை அந்தமாதிரித்தான் இருக்கின்றது. சிங்களவர்களுடன் நல்லிணக்கமாகப் போவது எல்லா இடங்களிலும் எல்லா மட்டங்களிலும் நடக்கின்றது. மேற்குலகோடு நல்லுறவைப் பேணும் ஐதேக இப்படியான விடயங்களை ஊக்குவிக்கின்றது போலுள்ளது. சிட்னி முருகனும் சிங்களவர்களின் தெய்யோவாக வந்துவிட்டாராக்கும். இனி புலம்பெயர் மேட்டுக்குடி தமிழர்களும் கறுவாக்காட்டுப் பக்கம் போய் நல்லிணகத்தைக் உறுதியாக்கி 1955 க்கு முந்தைய இலங்கையை உருவாக்கவேண்டியதுதான் மிச்சமாய் உள்ளது.

நல்லிண‌க்கமோ சொல்லி வேலையில்லை...மேட்டுக்குடிகளும் இனிமேல் மேட்டுக்குடியாக வருவதற்கு முயற்சி செய்வோரும் நல்லிண‌க்கத்திற்காக "தீயா" வேலை செய்கின்றார்கள்... 

Link to post
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • விவகாரத்தை ஜெனிவாவில் வைத்திருந்து காலங்கடத்தும் யோசனை – தமிழ் சிவில் சமூகம்    47 Views ஐ.நா. மனித உரிமைகள் பேரவையில் தற்போது பிரித்தானியா தலைமையிலான இணைத் தலைமை நாடுகளால் முன்வைக்கப்பட்டுள்ள பிரேரணையானது தொடர்ந்து இலங்கை விவகாரத்தை ஜெனீவாவில் வைத்திருந்து நேரத்தை வீணடிக்கும் நே◌ாக்கத்தைக் கொண்டதென தமிழ் சிவில் சமூக அமையம் சுட்டிக் காட்டியுள்ளது. இலங்கை தொடர்பில் பிரித்தானியா, அமெரிக்கா உட்பட்ட நாடுகளைக் கொண்ட குழுமத்தினால் ஐ. நா மனித உரிமைப் பேரவையில் நிறைவேற்ற முன்வைக்கப்பட்டுள்ள உத்தேச வரைபு தீர்மானம் பாதிக்கப்பட்ட தமிழ் சமூகத்தின் அடிப்படையான கோரிக்கைகளை கூட பூர்த்தி செய்யவில்லை எனக் கூறி கடிதம் ஒன்று தமிழ் சிவில் சமூக அமையத்தினால் அந்த நாடுகளுக்கு நேற்று அனுப்பி வைக்கப்பட்டுள்ளது. கடிதத்தின் சுருக்கம் பின்வருமாறு: ‘15.01.2021 தமிழ் தேசியக் கூட்டமைப்பு, தமிழ் தேசிய மக்கள் முன்னணி மற்றும் தமிழ் மக்கள் கூட்டணி ஆகிய கட்சிகள் மற்றும் தமிழ் சிவில் சமூக அமையம் உள்ளடங்கலான பொது அமைப்புக்கள் இணைந்து விடுத்த கோரிக்கையானது இலங்கையை சர்வதேச குற்றவியல் நீதிமன்றத்தில் இனப்படுகொலை உட்பட அனைத்து குற்றங்கள் தொடர்பில் விசாரணை ஒன்றிற்காக பாரப்படுத்துவதற்கான முனைப்புக்களை எடுக்க வேண்டும் என்பது தொடர்பிலானது. ஆனால் தற்போது முன்வைக்கப்பட்டுள்ள பிரேரணையானது தொடர்ந்து இலங்கை விவகாரத்தை ஜெனீவாவில் வைத்திருந்து நேரத்தை வீணடிக்கும் நேரம் கொண்டதென தமிழ் சிவில் சமூக அமையம் சுட்டிக் காட்டியுள்ளது. மேலும் உத்தேச வரைபில் முன்வைக்கப்பட்டுள்ள யுத்த மீறல்கள் சம்பந்தமான ஆதாரங்களை சேர்ப்பது தொடர்பிலான பந்தியானது (உத்தேச வரைபு பந்தி 6) இவ்விடயம் தொடர்பில் தனித்துவமான பொறிமுறையை உருவாக்கத் தவறுகிறது என்றும் சிரியா மற்றும் மியான்மார் தொடர்பில் உருவாக்கப்பட்ட பொறிமுறை போன்றதொரு பொறிமுறை தானும் பிரேரணையில் உள்ளடக்கப்படவில்லை எனச் சுட்டிக்காட்டப்பட்டுள்ளது. பிரேரணையில் சொல்லப்பட்டுள்ள விடயங்கள் தொடர்பில் 18 மாதங்களிற்குப் பின் ஐ. நா மனித உரிமை ஆணையாளர் இறுதி அறிக்கை சமர்ப்பிக்க வேண்டும் என்பது நீதிக்கான தேடலை இன்னுமொரு 18 மாதங்கள் கிடப்பில் போடும் எண்ணமே அன்றி வேறில்லை என தமிழ் சிவில் சமூக அமையம் தனது கடிதத்தில் சுட்டிக்காட்டியுள்ளது. சிரியா விவகாரத்தில் 14 தடைவைகள் சீனா மற்றும் ரஷியாவின் வீற்றோக்கள் மத்தியிலும் பிரேரணைகளை ஐ நா பாதுகாப்பு சபையில் முன்வைத்த மேற்குலக நாடுகள் இலங்கையை கொண்டு போவதற்கு கூட தயங்குவது ஏன் என தமிழ் சிவில் சமூக அமையம் கேள்வி எழுப்பியுள்ளது. காணிகள் விடுவிக்கப்பட்டுள்ளதை வரவேற்றுள்ள உத்தேச பிரேரணையின் முகவுரைப் பந்தி ஒன்பது, 2017 க்குப் பின் காணிகள் விடுவிக்கப்படவில்லை என்பதையும் தொடர்ந்து தமிழ் மக்களின் காணிகள் பல்வேறு காரணங்களுக்காக தொடர்ந்து அபகரிக்கப்பட்டுக் கொண்டிருக்கும் விடயத்தையும் மூடி மறைக்கின்றது எனவும் தமிழ் சிவில் சமூக அமையம் சுட்டிக்காட்டியுள்ளது. 13ஆம் திருத்தத்தை நடைமுறைப்படுத்தக் கோரும் பிரேரணையின் பந்தி தொடர்பில் ஒருதலைப்பட்சமாக 13ஆம் திருத்தத்தை இல்லாமல் செய்யும் முயற்சியை நாம் கண்டிக்கும் அதே வேளை 13ஆம் திருத்தம் அரசியல் தீர்வுக்கான ஓர் ஆரம்பப் புள்ளி தானும் இல்லை என தமிழ் சிவில் சமூக அமையம் சுட்டிக் காட்டியுள்ளது. சுயநிர்ணய உரிமையின் பிரகாரம் தாம் தமக்கு உகந்த தீர்வை தேர்வு செய்ய வாய்ப்பு வழங்கப்பட வேண்டும் எனவும் வலியுறுத்தப்பட்டுள்ளது. இலங்கையில் தொடந்து இடம்பெற்று வரும் மீறல்கள் தொடர்பில் ஐ. நா விசேட அறிக்கையாளர் ஒருவர் நியமிக்கப்பட வேண்டும் எனவும் ஐ நா மனித உரிமை ஆணையாளர் அலுவலகத்தின் பிரசன்னம் வடக்கு கிழக்கில் அவசியம் எனவும் இவை பிரேரணையில் உள்ளடக்கப்பட வேண்டும் எனவும் தமிழ் சிவில் சமூக அமையம் சுட்டிக் காட்டியுள்ளது. காணாமல் போனோர் அலுவலகம், மற்றும் இழப்பீட்டு அலுவலகம் ஆகியன அவை உருவாக்கப்பட்ட போதே வழுக்கள் நிறைந்த பொறிமுறைகளாகவே இருந்தவை என்றும் அவற்றை முற்றாக தற்போதைய இலங்கை அரசாங்கம் முடக்கியுள்ள சூழலில் அவை பலப்படுத்தப்பட வேண்டும் என உத்தேச பிரேரணை கோருவது முரண் நகையானது என சுட்டிக் காட்டப்பட்டுள்ளது.”   https://www.ilakku.org/?p=43515
    • ஜெனீவா பின்னடைவுக்கான தார்மீகப் பொறுப்பை புலம்பெயர் தமிழ் அமைப்புக்கள் ஏற்றுக்கொள்ளுமா? – வேல்ஸ் இல் இருந்து அருஸ்    112 Views மிகவும் சின்னம் சிறிய சிறீலங்கா அரசு உலக நாடுகளை ஒரு அணியில் இணைத்து தமிழ் மக்களுக்கு எதிரான போரை நடத்தியிருந்தது. இந்த அணியில் எதிரும் புதிருமாக இருப்பதாக நாம் கருதும் இந்தியாவும், பாகிஸ்தானும் இருந்தன, அமெரிக்காவும் ரஸ்யாவும் இருந்தன. ஏன் தற்போதைய எதிரிகள் என நாம் கருதும், சீனா, இந்தியா, அமெரிக்கா மற்றும் யப்பானும் இருந்தன. சிறீலங்காவின் இந்த வெற்றியானது அதன் இராஜதந்திரத்திர அணுகுமுறைக்கு கிடைத்த வெற்றியாகும். தனது அணுகுமுறையில் சிறீலங்கா அரசு மேலும் முன்நகர்ந்துள்ளதையே தற்போது ஜெனீவாவில் இடம்பெற்றுவரும் ஐ.நா மனித உரிமைகள் ஆணைக்குழுவின் கூட்டத்தொடர் தொடர்பான தகவல்கள் எடுத்துக் காட்டுகின்றன. சிறீலங்கா தொடர்பான தீர்மானம் குறித்த விவாதத்தில் சிறீலங்காவுக்கு ஆதரவாக 21 நாடுகள் தமது வாதங்களை முன்வைத்துள்ளதாக கடந்த வெள்ளிக்கிழமை (26) கொழும்பு தகவல்கள் தெரிவித்திருந்தன. அதற்கு எதிராக 15 நாடுகளே உள்ளதாக அவை மேலும் தெரிவித்துள்ளன. பிரித்தானியா தலைமையிலான இணைக்குழு நாடுகள் முன்வைத்த தீர்மானம் என்பது யாருக்கு எதிராக மனித உரிமை மீறல்கள் மேற்கொள்ளப்பட்டுள்ளது என்பதை சுட்டிக்காட்ட தவறியதே அதன் மீதான தமிழ் மக்களின் நம்பிக்கையை தகர்த்து விட்டது. தீர்மானம் ஒன்று முன்வைக்கப்படவுள்ளதாக செய்திகள் வந்தபோதே, புலம்பெயர் தமிழ் அமைப்புக்களும், தாயகத்தில் உள்ள தமிழ் கட்சிகளும் தமது கோரிக்கைகளை முன்வைத்திருந்தன. அதில் போர்க்குற்றம், தமிழ் மக்கள் மீதான இனஅழிப்பு மற்றும் பாதிக்கப்பட்டவர்களுக்கான நீதி கோரல் என்பன தெளிவாக குறிப்பிடப்பட்டிருந்தன. அதனை உள்வாங்கி வெளிவரும் தீர்மானத்திற்கு நாம் ஆதரவு அளித்து பலப்படுத்த வேண்டும் என்ற கருத்துக்களும் பரவலாக முன்வைக்கப்பட்டிருந்தன. ஆனால் தற்போது முன்வைக்கப்பட்டுள்ள பூச்சிய வரைபு தீர்மானம் என்பது சிறீலங்காவில் தமிழ் மக்கள் வாழ்வதற்கான அடையாளத்தையும், அங்கு தமிழ் மக்கள் மீது போர் மேற்கொள்ளப்பட்டது, அவர்கள் இனப்படுகொலை செய்யப்பட்டனர், அவர்களுக்கு எதிராக மனிதாபிமான குற்றங்கள் இழைக்கப்பட்டது என்ற வரலாறுகளையும் முற்றாக மறைத்துள்ளது. அதாவது தமிழ் மக்களின் கோரிக்கைகள் எதனையும் உள்வாங்காது, பிராந்திய மற்றும் உலக வல்லரசுகளின் அரசியல் அபிலாசைகளை முன்நிறுத்தி வரையப்பட்ட வரைபாகவே இதனை நாம் பார்க்க முடியும். இதனை வரைந்த இணைக்குழு நாடுகளில் தமிழர்கள் அதிகம் வாழும் நாடுகளான பிரித்தானியா, கனடா மற்றும் ஜேர்மனி ஆகிய நாடுகள் உள்ளடங்கியிருந்தபோதும், புலம்பெயர் அமைப்புக்களால் அந்த நாடுகள் மீது ஒரு அழுத்தத்தை ஏற்படுத்த முடியவில்லை என்பது, புலம்பெயர் அமைப்புக்கள், அந்த நாடுகளில் பதவிகளில் உள்ள தமிழ் அரசியல்வாதிகள் மற்றும் அங்குள்ள அரசியல் கட்சிகளில் அங்கம் வகிக்கும் தமிழ் மக்கள் ஆகியோரின் ஒட்டுமொத்த தோல்வியாகும். இவர்கள் சந்தித்த இந்த தோல்வி என்பது எதிர்வரும் காலத்தில் மேற்கொள்ளப்படும் போராட்டங்களில் மக்கள் வைக்கும் நம்பிக்கையை சிதறடிக்கும் என்பது உண்மையானது. தற்போது கூட புலம்பெயர் அமைப்புக்களால் ஒழுங்கமைக்கப்படும் போராட்டங்களில் பங்குபற்றும் மக்களின் தொகையை கொண்டு நாம் அந்த அமைப்புக்களின் செயற்பாடுகள் மீதான மக்களின் நம்பிக்கையை கணிப்பிட்டுக் கொள்ளலாம். அதுமட்டுமல்லாது, புலம்பெயர் தமிழ் அமைப்புக்கள் தாம் வாழும் நாடுகளையோ அல்லது அங்த பிராந்தியத்தில் உள்ள நாடுகளையோ வென்றெடுக்காது, அவர்களின் நிகழ்ச்சி நிரலுக்குள் சென்று தமிழ் மக்களை ஏமாற்ற தலைப்பட்டுள்ளதையும் போர் நிறைவடைந்து 12 வருடங்களின் பின்னர் வெளிவந்துள்ள இந்த தீர்மானம் எடுத்துக்காட்டியுள்ளது. அதாவது தமது இருப்பை தக்கவைப்பதகே இந்த அமைப்புக்கள் போராடுவதாக கருதப்படுகின்றது. புலம்பெயர் தேசங்களில் மேற்கொள்ளப்படும் போராட்டங்களில் பல அமைப்புக்கள் தமது இருப்பை தக்கவைப்பதற்கான போராட்டங்களே தவிர தமிழ் மக்களின் உரிமைகளுக்கான போராட்டங்கள் அல்ல என்ற உண்மையையும் தமிழ் மக்கள் தற்போது மெல்ல மெல்ல உணரத் தலைப்பட்டுள்ளனர். தற்போதைய தோல்வி என்பது நாம் அடுத்து என்ன செய்ய வேண்டும் என்பதை எமக்கு எடுத்துரைப்பாதகவே நாம் பார்க்க வேண்டும். எமது சிந்தனைகள், செயற்பாடுகள், போராட்ட வழிமுறைகள், இராஜதந்திர அணுகுமுறைகள், அதனை வழிநடத்துபவர்கள் மற்றும் அமைப்புக்கள் என்பன கடுமையான மீள் பரிசீலனைக்கு உள்ளாக்கப் படவேண்டும்.   செயற்பட முடியாத புலம்பெயர் அமைப்புக்கள், ஆளுமையற்ற தலைமைகள் தமது தவறுகளை உணர்ந்து ஆளுமையுள்ள அடுத்த சந்ததியிடம் போராட்டத்திற்கான கடமைகளை ஒப்படைத்து ஒதுங்குவதே தமிழ் இனத்திற்கு அவர்கள் ஆற்றும் மிகச் சிறந்த பணியாகும். ஏன் இந்த முடிவை கூறுகின்றேன் என்றால், பிரித்தானியா தீர்மானத்திற்கான வரைபை மேற்கொண்ட போது புலம்பெயர் தமிழ் அமைப்புக்களின் பிரதிநிதிகள் மற்றும் பிரித்தானியாவின் ஆளும் மற்றும் எதிர்க்கட்சிகளின் செயற்பாட்டாளர்கள் என தம்மை பிரநிதித்துவப்படுத்தும் சிலர் பிரித்தானியாவின் வெளிவிவகார மற்றும் பொதுநலவாய நாடுகளின் பிரதிநிதிகளை சந்தித்து தமிழ் மக்களின் கோரிக்கைகள் தொடர்பாக கலந்துரையாடியிருந்தனர். தமிழ் மக்களின் கோரிக்கைகளை முன்வைத்து கனடாவில் உள்ள அமைப்புக்களும் செயற்பாட்டாளர்களும், போராட்டங்களையும், இராஜதந்திர அணுகுமுறைகளையும் மேற்கொண்டிருந்தனர் ஆனால் தீர்மானத்தில் தமிழ் இனம் என்றே சொற்பதமே இல்லை. நாசிகள் இனப்படுகொலையை மேற்கொண்டனர் எனக்கூறும் போது அது யூதர்களுக்கு எதிரானது என்று குறிப்பிடப்படுகின்றது. கொசோவோ இனப்படுகொலை என்னும்போது அது சேர்பியர்கள், அல்பேனியர்களுக்கு எதிராக மேற்கொண்டதாகவே குறிப்பிடப்படுகின்றது. ஆனால் தீர்மானத்தில் தமிழ் இனம் தனது உரிமைகளுக்காக போராடியாதாகவோ, அவர்கள் மீது இந்த போர்க் குற்றங்கள் இழைக்கப்பட்டதாகவோ எந்த தடயங்களும் இல்லை. இது தமிழ் மக்களை வழிநடத்துகின்றோம் அல்லது அவர்களின் பிரதிநிதிகள் என கூறிக்கொள்ளும் புலம்பெயர் அமைப்புக்கள் சந்தித்த மிகப்பெரும் தோல்வியாகும். எனவே தற்போதுள்ள கேள்வி என்னவெனில், இந்த தோல்விக்கான பொறுப்பை யார் ஏற்றுக்கொள்வது? அரசியல்வாதிகள் தவறிழைக்கும் போது பதவிவிலகுமாறு கோரிக்கை விடும் நாம் ஏன் இந்த அமைப்புக்கள் மற்றும் செயற்பாட்டாளர்களின் தவறுகளை கண்டுகொள்வதில்லை? இவர்களின் இயலாமையால் ஒரு இனம் மிகப்பெரும் அழிவின் விழிம்பில் நிற்கின்றது. இந்த நிலையை தமது பதவிக்காகவும், கதிரைக்காகவும் தெருச்சண்டியர்களாக மாற்றம் பெற்றுவரும் அமைப்புக்கள் உணர்ந்துகொள்ளுமா? தவறானதும், தகமையற்றதுமான அமைப்புக்களையோ, அரசியல்வாதிகளையோ அல்லது செயற்பாட்டாளர்களையோ தமது பிரதிநிதிகளாக ஏற்றுக்கொள்ளும் இனம் ஒருபோதும் தமது இலக்கை அடையப்போவதில்லை. அவ்வாறு அடைந்ததற்கான வரலாறும் இல்லை.   https://www.ilakku.org/?p=43521
    • நன்றாக இருக்கு தொடக்கமே, தொடருங்கள். தாலாட்டுவது பெண்கள் தானே, வள்ளத்திற்கு பெண்கள் பெயர்தான் சரி
    • உண்மையாக கருதி சொல்லி இருந்தால், நீங்கள் கனேடிய பிரசா அல்லது வதிவிட (எந்த வகை ஆயினும்) உரிமை பெற்றவராயின், இதை சொன்னதின் மூலம், வெட்கி தலை குனிய வேண்டும், கனடா இன் விழுமியங்களை அறியாமல் இருப்பதற்கு.       பிராம்டனோ அல்லது வேறு நகரமோ, கனடியன் நகரம், கனடாவின் விழுமியங்களை கொண்டது.   இதை அந்த வாதத்தில், கவுன்சிலர் சொல்கிறார். இதனால் தான், சிங்கள இனவாதம் கனடாவில் அடிபட்டு போகிறது, வெளிக்காட்ட இடம் இருந்தும். நினைவு சின்னமமோ அல்லது எதுவோ கட்டுவதின் முடிவு சனநாயக அடிப்படையில், வெளிப்படையாக வைக்கப்பட்டு, வாதிக்கப்பட்டு, உண்மை தன்மை அறியப்பட்டு, கவுன்சிலர் சொன்னது போல (சிங்கள இனவாத) எதிர்ப்பாளர்களின் கருத்துக்களும் வெளிவருவதற்கு இடமளிக்கப்பட்டு, அடைந்த முடிவு. மாறாக, இங்கே இரண்டு விடயங்கள். சிறி லங்கா தூதரகம் கனேடிய உள்நாட்டு நிர்வாகத்தில் தலை இட்டது. மிக முக்கியமாக, அந்த எதிர்கருத்தை கொண்டுவந்தவர் (youtube இல் உள்ள வீடியோ இல்) சொன்னது.    யாழ் பல்கலையில், கட்டடங்களை  திட்டமிட்ட பெருப்பிக்கும் பணியில் தான், முள்ளிவாய்க்கால் நினைவு சின்னம் இடித்து அகற்றப்பட்டதாக, இல்லாததை ஆக்கி பொய் சொல்கிறார் மக்களால் தெரிவு செய்யப்பட்ட பொது சேவையாளர்களலான ( elected public servants) பிரம்டன் நகர கவுன்சிலர்களுக்கு. இது மிகப்பெரிய குற்றமாகும். அதுவும் சத்திய பிரமாணம் எடுத்து  (நினைவு சின்னத்திற்கு)  எதிர் கருத்தை கொண்டு வந்து இருந்தால். நீங்கள் கனேடிய பிரசா அல்லது வதிவிட (எந்த வகை ஆயினும்) உரிமை பெற்றவராயின் அல்லது அப்படி உரிமை உள்ள, பிரம்டன் நகர கவுன்சிலுக்கு கொண்டு செல்ல வேண்டிய கடப்பாட்டை கொண்டுளீர்கள்.  பிரசா உரிமைக்கு எழுத்து பரீட்சை அவசியம் என்பதை ஏன் என்று இப்பொது புரிகிறது.
    • பெருக்கி எழுதினால் காதலியின் பேரன் வந்து கதவை தட்டினால்???😆  தொடருங்கள் அண்ணா அருமையான எழுத்து நடை பரிச்சயமான இடங்கள் பெயர்கள்
×
×
  • Create New...

Important Information

By using this site, you agree to our Terms of Use.