• advertisement_alt
  • advertisement_alt
  • advertisement_alt
Sign in to follow this  
Gari

கனடாவில் தமிழ்ப் பட்டமளிப்பு விழா

Recommended Posts

 
Topics :

கனடாத் தமிழ்க் கல்லூரியானது தமிழ்நாடு மனோன்மணியம் சுந்தரனார் பல்கலைக்கழகத்தோடு இணைந்து நடத்திய இளங்கலைமற்றும் முதுகலைப் பட்டநெறிகளைப் பயின்று, தமிழ்நாடு மனோன்மணியம் சுந்தரனார் பல்கலைக் கழகத்தினால் நடத்தப்பெற்ற தேர்வுகளுக்குத் தோற்றி, பட்டம் பெறுவதற்கான தகமைசார் நியதிகளை நிறைவு செய்த மாணவர்களுக்குப் பட்டங்களை வழங்குவதற்கான பட்டமளிப்பு விழா 2016.06.18 ஆம் நாள் ரொறன்ரோ நகரில் அமைந்துள்ள றயசன் பல்கலைக் கழகத்தில் நடைபெற்றது.

சரியாக முற்பகல் 10:45 மணிக்கு கனடாத் தமிழ்க் கல்லூரி இயக்குநர் அவைஉறுப்பினர்கள், கனடாத் தமிழ்க் கல்லூரியில் கற்பிக்கும் பேராசிரியர்கள் மற்றும் விரிவுரையாளர்கள் விழா மண்டபத்துக்கு வருகை தந்தனர்.

முற்பகல் 11:00 மணிக்குத் தலைமை விருந்தினர் பேராசிரியர் கண்ணன் நாராயணசாமிஅவர்கள் வருகை தந்தார் கனடாத் தமிழ்க்கல்லூரி முதல்வர் திரு சண்முகம் குகதாசன் தலைமை விருந்தினரை வரவேற்று, இயக்குநர் அவை உறுப்பினர்களுக்கும் பேராசிரியர்கள் மற்றும் விரிவுரையாளர்களுக்கும் அறிமுகம் செய்தார். கனடாப் பண் மற்றும் தமிழ்த்தாய் வாழ்த்து ஆகியன இசைத்தலோடுபட்டமளிப்பு விழா நிகழ்ச்சிகள் தொடங்கின.

முதலாவது நிகழ்ச்சியாகக் கனடாத் தமிழ்க்கல்லூரி முதல்வர் வரவேற்பு மற்றும் செயற்பாட்டு உரையை ஆற்றினார். அவர் தனது உரையில்“கனடாத் தமிழ்க் கல்லூரியானது, தமிழ் மொழியைக் கற்பிக்கவல்லநல்லாசிரியர்களை உருவாக்க வேண்டும் என்ற நோக்கோடும், எமது தாயகத்திலே நிலவிய போர்ச்சூழலிலேதமது பட்டப்படிப்பை முடிக்க இயலாமல் புலம்பெயர்ந்து இங்கு வந்தோருக்கும், தரப்படுத்தல் முறையால் பல்கலைக்கழகம்புக முடியாமல் போனோருக்கும் ஒரு வாய்ப்பை வழங்கும் விருப்போடும், தமிழ், தமிழர் பற்றிய அறிவைப் பெருக்கவிழைவோரின் விருப்பை நிறைவேற்றும் பொருட்டாகவும் தமிழ்நாடு மனோன்மணியம் சுந்தரனார்பல்கலைக் கழகத்தோடு இணைந்து 1999 ஆம் ஆண்டு முதல் தமிழ் இளங்கலை, முதுகலைப் பட்டப்படிப்புகளை நடத்திவருகின்றது” என்றார்.

இப்பட்டப்படிப்புத் தொடங்கிய நாள் முதலாகஇற்றைவரை நான்கு தொகுதி மாணவர் இளங்கலைத் தமிழ்ப் பட்டப்படிப்பை முடித்துப் பட்டம்பெற்றுள்ளனர்.

ஐந்தாவது தொகுதி இளங்கலை மாணவர் இன்று பட்டம் பெறவுள்ள அதேவேளையில் தமிழ் முதுகலைப் பட்டப்படிப்பை வெற்றியாக நிறைவு செய்த முதலாவது தொகுதி மாணவரும் இன்று பட்டம் பெறவுள்ளனர் என்பதைக் கூறிக்கொள்வதில் மட்டற்ற மகிழ்ச்சி அடைவதாகக் கூறினார்.

ஐந்து தொகுதித் தமிழ் இளங்கலை மாணவரும், ஒரு தொகுதி முதுகலை மாணவரும் தமிழியல்பட்டம் பெறுவதைக் கைகூட வைத்த பேராசிரியர்களையும், விரிவுரையாளர்களையும் இந்தவேளையில்நன்றியோடு நெஞ்சில் நிறுத்துவதாகக் கூறினார்.

 

 

இறுதியாக, இளங்கலை மற்றும் முதுகலைப் பட்டம்பெறவுள்ளோரை வாழ்த்திக் கொண்டு. கனடாவில் தமிழ்மொழி, மற்றும் தமிழ்ப் பண்பாட்டு விழுமியங்களைப் பேணிக் காப்பதனையும், அவற்றை அடுத்தடுத்த தலைமுறைகளுக்குஎடுத்துச் செல்வதனையும் உறுதிப்படுத்தும் கனடாத் தமிழ்க் கல்லூரி முயற்சிக்குத்தங்கள் அனைவரினதும் ஆதரவை வேண்டித் தனதுஉரையை நிறைவு செய்தார்

அடுத்துத் தலைமை விருந்தினர் பேராசிரியர்கண்ணன் நாராயணசாமி அவர்களைப் பட்டமளிப்பு உரையை ஆற்றினார். அவர் தனது உரையில்“நீராரும்கடலுடுத்த நிலமடந்தை கெழிலொழுகும்” எனத்தொடங்கும் தமிழ்த்தாய் வாழ்த்தை யாத்தளித்த பெருந்தகை, ‘மனோன்மணியம்’ எனும் முதற் காப்பிய நாடகத்தைத்தமிழில் உருவாக்கி வழங்கிய பேராசிரியர் சுந்தரம் பிள்ளையின் பெயரைத் தாங்கி, தமிழகத்தின் தென் கோடியில் அமைந்துள்ளமனோன்மணியம் சுந்தரனார் பல்கலைக்கழகம், தனதுகல்விப் பணியைச் சீரும் சிறப்புமாக நிறைவு செய்துள்ள இந்த இருபத்தி ஐந்தாவது வெள்ளி விழா ஆண்டிலே, உங்களுக்குப் பட்டங்களை வழங்குவதில்மட்டற்ற மகிழ்ச்சியும், பெருமிதமும் கொள்வதாகக் கூறினார்

“தமிழ்மொழியில்- அதன் இலக்கண, இலக்கிய வகைப்பாடுகளில்- நீங்கள்பெற்றுள்ள புலமைக்கும, அறிவாற்றலில்ஆழ-அகலத் தடம்பதித்துள்ளமைக்கும் சான்றாக இப்பட்டங்கள் உங்களுக்கு வழங்கப்படுகின்றன.

மதிப்புறு சான்றோர்களாக உங்களை உருவாக்கியதில் மிகப்பெரும் பங்காற்றியுள்ள கனடாத் தமிழ்க்கல்லூரிக்கும், கல்லூரி முதல்வருக்கும், ஆசிரியப் பெருந்தகைகளுக்கும், இயக்குநர் அவை உறுப்பினர்களுக்கும் தனது உளமார்ந்த பாராட்டுக்களையும் நன்றியையும் தெரிவிப்பதாகக் கூறினார்.

“ஈழத்திலேநிலவிய போர்ச்சூழலிலே புலம் பெயர்ந்தாலும் தமிழ்மொழியையும்,தமிழ்ப் பண்பாட்டையும்தமிழ்க்கலைகளையும் சொந்த நாட்டோடு விட்டுவிடாமல் இந்தநாட்டுக்கும் கொண்டுவந்துபோற்றிப் புரப்பது பெருமைதரும் செயலாகும்.

முதற்தலைமுறையினர் நாடுவிட்டு நாடுவந்தவர்களாக இருப்பினும், கனடாவில் பிறந்து வளரும் இரண்டாம்தலைமுறையினர்பல்வேறு துறைகளிலும் சிறந்து விளங்குவதறிந்து புளகாங்கிதம் அடைகின்றேன்” என்றார்

தமிழ்க்குமுகத்தின் பொது வெளியைக்கட்டமைப்பதில் இணையமும் இணையத் தமிழும் சிறப்பான பங்களிப்பை ஆற்றிவருகின்றன. மொழி-இன-பண்பாட்டு அடையாளத்தைமீட்டெடுப்பதற்கும், மீட்டுருவாக்கம் செய்வதற்கும், வளர்த்தெடுப்பதற்குமான செயல்திறன் மேம்பாட்டில் தமிழியலில் இன்று பட்டங்கள் பெறும் நீங்களும் இணைந்து பங்காற்றிடுமாறு இவ்வேளையில்உங்களை அன்புடன்கேட்டுக் கொள்வதாகக்“கூறினார்

“உலகமயமாக்கலின்ஊடாகத் தொழில்மயம், நகரமயம், புதுமைமயம் ஏற்படுத்தியுள்ளதாக்கங்களினால் தனிமனித வாழ்க்கையும், குடும்பம்என்ற அடிப்படைக் குமுக நிறுவனமும் பெரும் மாற்றங்களை எதிர் கொண்டுள்ளன. கூட்டுக்குடும்பங்கள் சிதறி தனிக்குடும்பங்களாக உருவெடுத்து, மூத்த தலைமுறைக்கும் இளைய தலைமுறைக்குமான இடைவெளியும் விரிசல்களும்பெருகி, முதியோர் இல்லங்கள் புகலிடமாகிப்போகும் போக்கு அதிகரித்து வருவது கவலை தருவதாகும்.

பெற்றோர் பார்த்து நடத்திவைக்கும் திருமணங்கள் அருகிப் போவதும், திருமணகட்டுக்குள் நுழைய மறுக்கும் இல்வாழ்க்கையும் காலத்தின் கோலமாகிப் போனது.இப்பேரழிவிலிருந்து முடிந்தவரை உங்களையும் கனடாத் தமிழ்க்குமுகத்தையும்பாதுகாத்துக் கொள்ளுங்கள். நீங்கள் பெற்றுள்ள தழிழறிவை அடுத்த தலைமுறையும்பெற்றுக்கொள்ள ஆவன செய்யுங்கள். உங்கள் வழித்தோன்றலர் தமிழ்மொழியையும் தமிழ்ப்பண்பாட்டையும் போற்றி வாழ வழி சமையுங்கள்” என்ற அறிவுரையோடு தனது பேச்சை நிறைவுசெய்தார்.

இதைத் தொடர்ந்து பட்டமளிப்புத் தொடங்கியது. பட்டம் பெறுவோர், அவரவர் பட்டப்படிப்புகளைப் படித்துத் தேர்வு எழுதி, வெற்றி பெற்றுப் பட்டம் பெறத்தகுதியானதை உறுதிப்படுத்தும் பொருட்டாகக் கல்லூரியின் பட்டப்படிப்புத்துறை மூத்தஆசிரியர்களான பேராசிரியர் சேரன் உருத்திரமூர்த்தி, முனைவர் பார்வதி கந்தசாமி ஆகியோர் மாணவருக்குக் கழுத்துப் பட்டியை அணிந்துவிட்டனர். இதைத் தொடர்ந்து மாணவர், தலைமை விருந்தினரிடம் சென்று பட்டத்தைப் பெற்றனர் முதலில் இளங்கலைப்பட்டமும் தொடர்ந்து முதுகலைப் பட்டமும் வழங்கப்பட்டன.

அடுத்து மனோன்மணியம் சுந்தரனார் பல்கலைக்கழகத்தின் சார்பில், தலைமை விருந்தினர் பேராசிரியர் கண்ணன் நாராயணசாமி அவர்கள் கனடாத்தமிழ்க் கல்லூரிப் பட்டப்படிப்புத் துறை ஆசிரியர்களுக்குப் பொன்னாடை போர்த்துமதிப்பு அளித்தார் .

இறுதியாகப் பட்டமளிப்பு விழாவில் கலந்து கொண்டஅனைவருக்கும் சிற்றுண்டியும் தேநீரும் வழங்கப்பட்டன. நண்பகல் ஒரு மணியளவில் பட்டமளிப்பு விழா நிறைவு எய்தியது.

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • புலால் உண்ணாமல் கொஞ்சம் கூடுதலான காலம் உயிர் வாழ்வதைவிட புலால் உண்டு வேகமாக மேலே போகலாம். 😀
    • என்னய்யா ஜேர்மனி இந்தியாவையே வென்றுவிடும் போல இருக்கே. அந்தப் பெண்ணுக்கு விடுதலை கொடுப்பது தான் நீதி.
    • படித்ததில்_பிடித்தது ஒரு காட்டில் வாழ்நாள் முழுக்க வேட்டையாடி அலுத்துப்போன புலி ஒன்னு ஒரு தொழிற்சாலை ஆரம்பிச்சுது. அங்கே ஒரு எறும்பு வேலை செஞ்சுது. அதுபாட்டுக்கு வரும் சுறுசுறுப்பா எல்லா வேலைகளையும் செஞ்சு முடிச்சிட்டு சாயந்திரம் ஆனா வீட்டுக்கு போயிடும். புலியாருக்கு ஏக சந்தோசம் கணிசமான லாபமும் கிடைச்சுது. நல்லாத்தான் போய்கிட்டிருந்தது, நம்ம ஆட்சியாளர்களுக்கு தோனுற மாதிரி நடு ராத்திரியில் திடீர்ன்னு புலியாருக்கு ஒரு ஐடியா தோனுச்சு. எறும்பு தனியாவே வேலை செய்யுதே அதை கண்காணிக்கற அளவுக்கு நமக்கும் போதுமான அறிவு இல்லை, நாம எறும்பை கண்காணிக்கவும் ஆலோசனை சொல்லவும் ஒரு உற்பத்தி மேலாளரை (production manager) நியமித்தால் உற்பத்தி அதிகமாகும்னு ஒரு தேனியை கொண்டு வந்தது. அந்த தேனியும் வேலையில் ஒரு புலிதான். பல கம்பெனிகளில் வேலை செய்த பழுத்த அனுபவசாலி (இப்போ அந்த கம்பெனியெல்லாம் இருக்குதான்னு கேக்காதிங்க). அந்த தேனி சொல்லுச்சு, "பாஸ் எறும்பை அதன் போக்குல விட முடியாது, அதுக்கு முறையான ஒர்க் ஷெட்யூல் போட்டுக் கொடுத்தால் இன்னும் கூடுதலா வேலை வாங்கலாம். அதுக்கு நிறைய வேலை இருக்கு எனக்கு ஒரு செக்ரட்ரி வேணும்"னுது. புலிக்கு ஏக சந்தோஷம் இந்த தேனி என்னமா யோசிக்குது நமக்கு இவ்வளவுநாளா இது தோனலையேன்னு ஒரு முயலை செக்ரட்டரியாக்குச்சு. அத்தோட புலியார் நமக்கும் கொஞ்சம் தெரியும்னு காட்டிக்க, "ஆள் போட்டாச்சு இனிமே எனக்கு தினமும் வேலை முன்னேற்றம் குறித்து ரிப்போர்ட் வரைபடமாவும் அட்டவனையாவும் கொடுக்கனும்"னுது. "ஓகே பாஸ் அதுக்கென்ன, பிரமாதமா செஞ்சிடலாம் அதுக்கு ஒரு கம்ப்யூட்டர், பிரின்டர், புராஜக்டர் எல்லாம் வேணுமே"ன்னது, அப்படியே வாங்கிகிச்சு ஒரு கம்ப்யூட்டர் டிபார்ட்மெண்டும் பூனை ஒன்றின் தலைமையில் அமைச்சாச்சு. இப்போ ஏகப்பட்ட கெடுபிடி நெருக்கடிகளால் விரக்தியடைந்த அந்த எறும்போட வேலையில் ஒரு தொய்வு வந்துச்சு. உற்பத்தி குறைந்தது. புலி நினைச்சுது, எல்லாம் சரியா இருந்தும் ஏனிப்படி? தேனியோட ஐடியாக்களை எறும்புக்கு விளக்கமா எடுத்துச்சொல்ல ஒரு தொழில்நுட்ப ஆலோசகரை போடுவோம்னு ஒரு குரங்குக்கு அந்த வேலையை கொடுத்தது. ஏற்கனவே டல்லான எறும்பை இப்போது குரங்கும் அதன் பங்குக்கு குழப்ப அன்றய தினத்துக்காக திட்டமிடப்பட்ட வேலைகளை அன்றைக்கே முடிக்காமல் போனது எறும்பு. மேலும் உற்பத்தி குறைவு நஷ்டத்தில் இயங்கியது ஃபேக்டரி. 'எதைத்தான் தின்னா பித்தம் தெளியும்' என்ற மனநிலைக்கு ஆளான புலியார் நஷ்டத்தை சரி செய்ய என்ன செய்லாம்னு ஆராய ஆந்தையை நியமிச்சது. ஆந்தை மூன்று மாத ஆராய்ச்சிக்கு பின் கடைசியா இப்படி சொன்னது. "தொழிற்சாலையில் தேவைக்கு அதிகமா ஆள் இருப்பதே காரணம் யாரையாவது வேலையை விட்டு எடுத்துட்டா நிலைமை ஓரளவு சீராகும்" "யாரை எடுக்கலாம் அதையும் நீயே சொல்லிடு" என்றது புலி. "அதிலென்ன சந்தேகம் சரியாக வேலை செய்யாத அந்த எறும்பைதான" அதிரடியாக சொன்னது ஆந்தை. இப்படித்தான் உலகெங்கும் பொதுத்துறை மற்றும் தனியார்துறைகளில் எதுவும் செய்யாமலே படம் காட்டுபவன் பிழைத்துக் கொள்கிறான். வேறெதுவும் தெரியாது வேலையை மட்டுமே செய்பவன் பாதிப்புக்கு உள்ளாகிறான்.
    • The Airbus Scandal – How the bribe moved around Sri Lankan circles   Written by Zulfick Farzan 20 Feb, 2020 | 4:46 PM  Colombo (News 1st) – The SriLankan Airlines – Airbus re-fleet deal, the 2013 purchase of 10 Airbus aircraft for the national carrier had led to much controversy solely because of the fraud and corruption surrounding it. Airbus aviation group had offered a 16 million US dollar bribe of which 02 Million US Dollars was obtained and then transferred to various parties. After the massive bribes were in obtained in secret, the UNP led-Government decided to terminate the purchasing deal after paying 98 Million US Dollars to Airbus and the loss to the country was approximately 14,000 Million Rupees. The aerospace giant was investigated by French and British authorities over suspected corruption dating back several years and in the States over failure to comply with export rules. The UKs Serious Fraud Office reported Airbus hired the wife of a SriLankan Airlines executive as its intermediary in connection with aircraft negotiations and offered a bribe of 16.84 Million US Dollars , which is approximate north of 3000 Million Rupees. 02 Million US Dollars of the promised amount was deposited to the Singapore Bank Account of a company known as BIZ Solutions, registered in Brunei under the name of Priyanka Wijeynayake, the wife of Ex-SriLankan CEO Airlines Kapila Chandrasena. 02 Million US Dollars is approximately north of 400 Million Rupees. Kapila Chandrasena and his wife are in remand costody for money laundering charges and the case is taken up in the presence of Fort Magistrate Ranga Dissanayake. When the matter was taken up initially, the Criminal Investigations Department informed court, money was transferred from the BIZ SOLUTIONS bank account in Singapore to Kapila Chandrasena’s accounts in Australia on two separate occasions. In court yesterday, detectives revealed, money was transferred to several other parties from the BIZ SOLUTIONS account under the name of Priyanka Neomali Wijeynayake. Accordingly, 800,000 US Dollars was transferred to the Singapore Bank Account of a BVI company known as SABER VISION HOLDINGS in 2014, on two separate occasions. Investigations revealed the company is owned by Sri Lankan Businessman Nimal Hemasiri Perera and the transferred amount is just north of 140 Million Rupees. In 2014 again, another sum of 160,000 EUROS was transferred from BIZ SOLUTIONS to the account of a Sri Lanka based company, by the name of SL AGRO – and this is around 30 Million Rupees. SL AGRO does not have a registered address and it has only two directors – brothers – whose identities were not revealed to court. Yesterday, the CID said a statement was recorded from one of the brothers and the other was expected to provide a statement today. The second brother was a no-show even at 04:30 this evening. https://www.newsfirst.lk/2020/02/20/the-airbus-scandal-how-the-bribe-moved-around-sri-lankan-circles/