Jump to content

ஐரிஸ் ஸ்கேனருடன் அசத்தலாக களமிறங்குகிறது நோட் 7!


Recommended Posts

ஐரிஸ் ஸ்கேனருடன் அசத்தலாக களமிறங்குகிறது நோட் 7!

SG_2.jpg

லெனோவோ, ரெட்மி போன்ற நிறுவனங்கள், தங்களை பட்ஜெட் நிலை மொபைல்களின் வரிசையில் நிலைநிறுத்திக் கொண்டன. சோனி போன்ற நிறுவனங்கள், பட்ஜெட் மொபைல் நிறுவனங்களோடு தாக்குப்பிடிக்க முடியாமல், வேறு நாடுகளில் தங்கள் கவனத்தை செலுத்த தொடங்கி விட்டார்கள். பட்ஜெட் நிலை, ஃபிளாக்ஷிப் மொபைல் என இரு பக்கங்களிலும் தனது ஆதிக்கத்தை செலுத்த, போராடி வருகிறது சாம்சங்.

சாம்சங் நிறுவனத்தின் நோட் மாடல்களுக்கு என்றுமே, எதிர்பார்ப்பு அதிகம் இருக்கும். இன்று நியூயார்க்கில், சாம்சங் காலக்ஸி நோட் 7-ஐ வெளியிட்டுள்ளார்கள். நோட் 5-க்கு அடுத்து, தடாலடியாக ஏறிக் குதித்து, நோட் 7-ஐ வெளியிடுகிறது சாம்சங் கார்னிங் கொரில்லா கிளாஸ் 5.

எவ்வளவு அழகாக ஸ்கிரீன் இருந்தாலும், ஒருமுறை கீழே விழுந்தாலும் நொறுங்கிப்போய் விடுகிறது. தற்போது சந்தைக்கு வரும் பல மொபைல்கள், கார்னிங் கொரில்லா கிளாஸ் 4- உடன்தான் வருகின்றன. ஒரு மீட்டர் உயரத்தில் இருந்து கீழே விழுந்தாலும், மொபைலுக்கு 80 சதவீதம் எதுவும் ஆகாது என உறுதி அளித்தது கொரில்லா கிளாஸ் 4. தற்போது வர இருக்கும் 5-ல், 1.6 மீட்டர் உயரம் என வரையறுக்கப்பட்டு உள்ளது. மொபைலின் இரு பக்கங்களிலும், பொருத்தப்பட்டிருக்கும், இந்த கொரில்லா கிளாஸ் 5, சாம்சங் நோட்டில்தான் முதல் முறையாக பயன்படுத்தப்பட்டு இருக்கிறது.

SG_1.jpg

ஐரிஸ் ஸ்கேனர்

பல மொபைல்கள் பாதுகாப்பு காரணங்களுக்காக, நாங்கள் ஃபிங்கர் பிரின்ட் சென்சார் தருகிறோம் என மார்தட்டிக்கொண்டு இருக்க, சாம்சங் ஒருபடி மேலே போய், ஐரிஸ் ஸ்கேனரை அறிமுகப்படுத்தி இருக்கிறது. இதன் மூலம், உங்கள் கண்களில் இருக்கும் கருவிழியை ஸ்கேன் செய்து, மொபைலை லாக் செய்யலாம்.

வாட்டர் ரெஸிஸ்டன்ட்

சாம்சங் S சீரிஸ், சோனி Z  மொபைல்களைப் போல், நோட் 7ம் வாட்டர் ரெஸிஸ்டன்ட் தொழில்நுட்பத்துடன் வருகிறது. IP68 ரேட்டிங் என்பதால், ஒரு மீட்டர் ஆழத்திற்கு கீழும், இந்த மொபலை நீரில் பயன்படுத்தலாம்.

எஸ் பென்

சாம்சங் நோட்டில் இருக்கும் S Pen வசதி இதிலும் இருக்கிறது. சற்றே மேம்படுத்தப்பட்ட S Pen-ஐ இதில் வடிவமைத்து இருக்கிறார்கள். மொபைல் வாட்டர் ரெஸிஸ்டென்ட் என்பதால், தண்ணீருக்கு அடியிலும், இந்த பென் வேலை செய்யும்.

SG_a3.jpg

ஸ்பெக்ஸ்

3500 mAh பேட்டரி
இன்டெர்னல் மெமரி: 64ஜிபி
கூடுதல் மெமரி: 256ஜிபி வரை
வொயர்லெஸ் சார்ஜிங்
4 ஜிபி ரேம்
5.7" ஸ்கிரீன்
12 மெகாபிக்ஸல் டூயல் பிக்ஸல் ரியர் கேமரா
5 மெகாபிக்ஸல் ஃபிரன்ட் கேமரா

 5-ல் இல்லை, 7-ல் இருக்கு

* Curved திரை
* அதிகவேக சார்ஜ் செய்யும் டைப்-சி USB போர்ட்
* ஐரிஸ் ஸ்கான்னர்
* கொரில்லா கிளாஸ் 5
* இன்னும் துள்ளியமான  S Pen
* மைக்ரோ SD ஸ்லாட்
* 3500 mAh பேட்டரி

இன்னும் ஆறு வாரத்தில், ஆப்பிள் நிறுவனமும் ஐஃபோனை 7 பிளஸை லாஞ்ச் செய்ய இருக்கிறார்கள். மொபைல் சந்தையில் , ஐஃபோன் 7க்கு போட்டியாக நோட் 7 இருக்கும் என்கிறார்கள்.

http://www.vikatan.com/news/information-technology/66788-samsung-galaxy-note-screen-android-phones.art

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.