கேலக்ஸி 7 ரக செல்போன் விற்பனையை நிறுத்தியது சாம்சங்

[நவீனன்]

கேலக்ஸி 7 ரக செல்போன் விற்பனையை நிறுத்தியது சாம்சங்

 

 

 

சாம்சங் கேலக்ஸி 7 ரக செல்போன் | படம்: சாம்சங் இணையதளத்தில் இருந்து.

பேட்டரிகள் வெடிப்பதாக புகார் எழுந்ததையடுத்து கேலக்ஸி 7 ரக செல்போன் விற்பனையை நிறுத்துவதாக சாம்சங் நிறுவனம் அறிவித்துள்ளது. சாம்சங் கேலக்ஸி 7 அறிமுகப்படுத்தப்பட இரண்டே வாரத்தில் இந்த அறிவிப்பு வெளியாகியுள்ளது.

இது தொடர்பாக சாம்சங் மொபைல் நிறுவனத்தின் கோ டோங் ஜி கூறும்போது, "சாம்சங் கேலக்ஸி 7 புதிய ரக மொபைல் போன்களை வாங்கியிருந்த வாடிக்கையாளர்கள் சிலர் சார்ஜ் செய்யும்போது போன் வெடித்துவிட்டதாக புகார் அளித்திருந்தனர். தொடர்ந்து அத்தகைய புகார்கள் வந்ததால் கேலக்ஸி 7 ரக செல்போன் விற்பனை நிறுத்தப்படுகிறது.

ஏற்கெனவே இந்த ரக போனை வாங்கியிருந்த வாடிக்கையாளர்கள் அவற்றை எந்த தேதியில் வாங்கியிருந்தாலும் அதற்குப் பதிலாக புதியதொரு ஸ்மார்ட்போனை பெற்றுக் கொள்ளலாம்" என்றார்.

சாம்சங் கேலக்ஸி 7 அறிமுகப்படுத்தப்படதில் இருந்து இதுவரை 10 லட்சம் போன்கள் விற்கப்பட்டுள்ளன என்பது குறிப்பிடத்தக்கது.

http://tamil.thehindu.com/world/கேலக்ஸி-7-ரக-செல்போன்-விற்பனையை-நிறுத்தியது-சாம்சங்/article9065515.ece?homepage=true

[நவீனன்]

சாம்சங் கேலக்ஸி நோட் 7 தாமதத்துக்கு என்ன காரணம்?

உலகம் முழுவதும் சாம்சங் நிறுவனம் விற்ற, தனது கேலக்ஸி நோட் 7 போனை மீண்டும் திரும்ப ரீ-கால் செய்துள்ளது. பெரும் வரவேற்பை பெற்றிருந்த இந்த நோட் 7, கொரியாவில் மட்டுமே 4 லட்சம் போன்களை விற்பனை ஆகியிருந்தது. இந்தியாவிலும் பல பேர் இதற்காக, ப்ரீ-ஆர்டர் செய்திருந்த நிலையில், "கேலக்ஸி நோட் 7-க்கு நீங்கள் கொடுத்த ஆதரவிற்கு நன்றி.எங்களால் குறித்த நேரத்தில் போனை டெலிவரி செய்ய முடியவில்லை. அதற்காக வருந்துகிறோம். ஆனால் விரைவில் உங்களுக்கு டெலிவரி செய்ய முயற்சிக்கிறோம்" என செய்தி அனுப்பியுள்ளது சாம்சங் இந்தியா.

இந்த பிரச்னைகளுக்கு காரணம், கடந்த சில நாட்களாக பல இடங்களில் கேலக்ஸி நோட் 7-ன் பேட்டரிகள் வெடித்ததாக வந்த புகார்கள்தான். பல வாடிக்கையாளர்கள் தனது நோட் 7, சார்ஜ் செய்யும் போதோ, அல்லது சார்ஜ் ஏற்றியதற்கு பிறகோ, வெடித்துவிட்டதாக புகார்களை சாம்சங்கிற்கு தட்டிவிட்டனர். அத்துடன், போன் வெடித்த வீடியோவை ஒருவர் வீடியோவாக யூ-டியூபில் எடுத்துப் போட, வைரல் ஆனது சிக்கல். அடுத்த வாரம் ஐ-போன் 7 வரவிருப்பதால், அதற்கு முன்பாகவே நோட் 7 விற்பனையைத் துவங்க சாம்சங் திட்டமிட்டிருந்தது. ஆனால் இந்த பேட்டரி பிரச்னை திடீர் சிக்கலை உண்டு பண்ண, இதுவரை விற்ற போன்களை திரும்ப அழைத்துள்ளது. உலகளவில் மொத்தம் 35 புகார்கள் இது தொடர்பாக சாம்சங் நிறுவனத்திற்கு வந்துள்ளதாக தெரிவிக்கப்பட்டுள்ளது. பாதிக்கப்பட்ட போன்களை கொடுத்துவிட்டு, வேறு போன்களை வாங்கிக் கொள்ளலாம் எனவும் அறிவித்துள்ளது. 

இதனையடுத்து, "சாம்சங் வாடிக்கையாளர்களின் ஒவ்வொரு கருத்துமே எங்கள் முக்கியம். தரமான பொருட்களை விற்பனை செய்வதே சாம்சங் நிறுவனத்தின் நோக்கம். இந்த பேட்டரி பிரச்னை தொடர்பாக விரிவான விசாரணை நடத்தப்படும். எங்களுக்கு வாடிக்கையாளர்களின் பாதுகாப்பு மிகவும் முக்கியம். எனவே கேலக்ஸி நோட் 7 போன்களின் விற்பனையை தற்போது நிறுத்துகிறோம். ஏற்கனவே போன் வாங்கியவர்கள் அதனை மாற்றிக் கொள்ளலாம். உங்களுக்குத் தரமான சேவையை வழங்குவதற்கு முயற்சிக்கிறோம்" எனக் கூறியுள்ளது சாம்சங் நிறுவனம்.

 இந்தியாவில் சாம்சங் கேலக்ஸி நோட் 7 போன்,  59,900 ரூபாய்க்கு விற்பனைக்கு வரவிருந்தது குறிப்பிடத்தக்கது.

http://www.vikatan.com/news/information-technology/67957-samsung-recalls-note-7-flagship-over-explosive-batteries.art

[நவீனன்]

திரும்பப்பெறப்பட்ட சாம்சங் கேலக்ஸி நோட் 7ல் திருத்தம்

 

உலகின் மிகப்பெரிய ஸ்மார்ட்போன் தயாரிப்பு நிறுவனமான சாம்சங், அடுத்த வாரத்திலிருந்து தென் கொரிய வாடிக்கையாளர்கள் அதன் சமீபத்திய சாதனத்தை பயன்படுத்த முடியும் என தெரிவித்துள்ளது.

 கேலக்ஸி நோட் 7

டஜன் கணக்கான சாம்சங் தயாரிப்பு கேலக்ஸி நோட் 7 அலைபேசிகள், தீப்படித்து அல்லது வெடித்து சிதறிய பிறகு திரும்ப்பப் பெறப்பட்டது.

ஒரு புதிய மென்பொருள், அலைபேசிகளின் பாட்டரிகள் 60 சதவீதம் வரை மட்டுமே நிறைவடையச் செய்து அதை அதிக வெப்பமடைவதிலிருந்து தடுக்கிறது என தென் கொரிய ஊடகங்கள் தெரிவிக்கின்றன.

 எரிந்த நிலையில் இருக்கும் கேலக்ஸி நோட் 7

இந்த மாற்றம் உலகம் முழுவதும் எப்போது அமல்படுத்தப்படும் என்பது தெளிவாக தெரியவில்லை.

http://www.bbc.com/tamil/global-37348197

[நவீனன்]

#GalaxyNote7 : மீண்டும் விற்பனையைத் துவங்குகிறது சாம்சங்!

சாம்சங் நிறுவனம் தனது கேலக்ஸி நோட் 7 போனின் விற்பனையை வரும் 28-ம் தேதி முதல் தென் கொரியாவில் மீண்டும் துவக்குகிறது. சாம்சங் கேலக்ஸி நோட் 7, ஆகஸ்ட் 19-ம் தேதி அறிமுகப்படுத்தப்பட்டது. ஆனால்  பல்வேறு நாடுகளில் எழுந்த பேட்டரி வெடிப்பு புகார்களால் தனது விற்பனையை நிறுத்தியது சாம்சங் நிறுவனம். மேலும் விற்பனை செய்யப்பட்ட, சுமார் 2.5 மில்லியன் போன்களை தென்கொரியா, அமெரிக்கா உள்ளிட்ட 10 நாடுகளில் திரும்ப அழைத்தது. இந்தியாவிலும் இதன் விற்பனை இதனால் தள்ளிப்போனது.

அமெரிக்காவில் மட்டுமே, போனின் பேட்டரி அதிகமாக சூடாவதாக 92 புகார்கள் வந்தன. இத்துடன் உலகம் முழுக்க இருந்து, போன் பேட்டரி சார்ஜ் செய்யும் போது வெடித்ததாக நிறைய புகார்கள் கிளம்பின. இதனால் சாம்சங், தனது கேலக்ஸி நோட் 7 போன்களை திரும்ப அழைக்க, வணிகத்தில் இதனால் பின்னடவை சந்தித்தது. இந்நிலையில், கேலக்ஸி நோட் 7-ன் விற்பனையை மீண்டும், தென் கொரியாவில் வரும் 28-ம் தேதி துவங்க உள்ளதாக சாம்சங் நிறுவனத்தின் செய்தித் தொடர்பாளர் இன்று பத்திரிகை ஒன்றிடம் தெரிவித்துள்ளார். அத்துடன் ஏற்கனவே திரும்ப அழைக்கப்பட்ட குறைகள் உடைய போனை, செப்டம்பர் 19-ம் தேதி முதல் தென் கொரியாவிலும், 21-ம் தேதி முதல் அமெரிக்காவிலும் சரிசெய்து திரும்ப வழங்குகிறது. போனில் ஏதேனும் மாற்றங்கள் செய்யப்பட்டுள்ளதா அல்லது பேட்டரி மட்டும் மாற்றப்பட்டுள்ளதா என்பது குறித்து எதுவும் தெரிவிக்கப்படவில்லை.

இதைப் படிக்கலைனா படிச்சிருங்க ப்ளீஸ்

இம்மாத இறுதியில் இறுதியில், மீண்டும் விற்பனையை தென் கொரியாவில் துவங்கும் சாம்சங், படிப்படியாக மற்ற நாடுகளிலும் விற்பனையைத் துவங்குகிறது. இன்னும் இந்தியாவில் விற்பனையைத் துவங்கவில்லை. அடுத்த மாத ஆரம்பத்தில் இந்தியாவில் விற்பனைக்கு வர வாய்ப்புள்ளது.

http://www.vikatan.com/news/information-technology/68476-samsung-galaxy-note-7-sales-to-resume-in-south-korea-from-sept-28.art

[நவீனன்]

தென் கொரியாவில் கேலக்ஸி நோட் 7 விற்பனையை தாமதப்படுத்தும் சாம்சங் நிறுவனம்

 

உலகெங்கிலிருந்தும்,  கேலக்ஸி நோட் 7 கைப்பேசியை திரும்பப் பெறுவதில் சாம்சங் நிறுவனத்துக்கு அதிக கால அவகாசம் தேவைப்படுவதால், தென் கொரியாவில் அதன் விற்பனை மீண்டும் தொடங்குவதைத் தான் தாமதப்படுத்தவிருப்பதாக  சாம்சங் தெரிவித்துள்ளது.

 

மிகப்பெரிய தென் கொரிய தொழில்நுட்ப நிறுவனமான சாம்சங், பேட்டரிகள் அதிக வெப்பமடையும் பிரச்சினை காரணமாக  உலகளவில் சுமார் 2.5  மில்லியன் கைப்பேசிகளை மீண்டும் திரும்பப்பெற வேண்டிவந்தது.  

பல டஜன் கணக்கான கைப்பேசிகள் தீ பிடித்து எரிந்ததாக தகவல் வெளியாகியுள்ளது.

அந்த கைப்பேசி செப்டம்பர் 28 ஆம் தேதி மீண்டும் விற்பனைக்கு வர இருந்த நிலையில், தற்போது அக்டோபர் 1 ஆம் தேதி வாக்கில்  அது விற்பனைக்கு வரும் என எதிர்பார்க்கப்படுகிறது.

கடந்த செப்டம்பர் 2 ஆம் தேதி, சாம்சங் நிறுவனம் கேலக்ஸி நோட் 7 கைப்பேசியின் விற்பனையை நிறுத்துவதாக அறிவித்தது. மேலும், ஏற்கனவே விற்கப்பட்ட கைப்பேசிகளுக்கு மாற்று கைப்பேசியை வழங்க முன்வந்தது.

ஏற்கனவே விற்கப்பட்ட கைப்பேசியை பயன்படுத்த வேண்டாம் எனவும் சாம்சங் வலியுறுத்தி இருந்தது. 

உலகளவில் கேலக்ஸி நோட் 7 கைப்பேசியின் திரும்பப்பெற்ற சம்பவம் 10 சந்தைகளை பாதித்தது. தென் கொரியாவில் சுமார் 2 லட்சம் வாடிக்கையாளர்கள் கைப்பேசியை திருப்பி அளித்துள்ளதாகவும், அதே எண்ணிக்கையிலான வாடிக்கையாளர்கள் இன்னும் திருப்பி அளிக்கவில்லை என்றும் சாம்சங் நிறுவனம் தெரிவித்துள்ளது.

லித்தியம் பேட்டரிகள் எதனால்  தீ பிடிக்கின்றன?

கடந்த வெள்ளிக்கிழமை அன்று, இந்தியாவில் பயணிகள் விமானம் ஒன்றில், விமான பணியாளர் குழு, தீ அணைக்கும் கருவியை கொண்டு பழைய சாம்சங் கைப்பேசியிலிருந்து வெளிவந்த புகையை அணைத்துள்ளனர்.   

அந்த சம்பவத்தில், 2012ல் விற்பனைக்கு வெளியான கேலக்ஸி நோட் 2 கைபேசி, எரிந்து கொண்டிருந்ததாகவும், தீப்பொறிகளை உமிழ்ந்து கொண்டிருந்ததாகவும் இண்டிகோ விமான நிறுவனத்தில் செய்திக்குறிப்பு தெரிவித்துள்ளது.

அமெரிக்காவில், நோட் 7 கைப்பேசிகளை மீண்டும் திரும்பப்பெற அதிகாரிகள் உத்தரவு பிறப்பித்துள்ளனர். அதே சமயம், நாட்டின் மத்திய விமான போக்குவரத்துறையானது, விமான பயணிகள் நோட் 7 கைப்பேசியை விமானத்திற்குள் கொண்டுவர வேண்டாம் என்றும், அப்படி எடுத்து வந்தால் அதனை அணைத்து வைத்திருக்க வேண்டும் என்றும் கூறியிருந்தது.

 உலகெங்கிலும் உள்ள பல விமான நிறுவனங்கள் விமானத்தில் நோட் 7 கைப்பேசியை பயன்படுத்துவதற்கு தடை விதித்துள்ளன.

மேலும், விமான பயணத்தின் போது அதனை சார்ஜ் ஏற்ற கூடாது என்று அறிவுறுத்தி இருந்தது.

உலகெங்கிலும் உள்ள பல விமான நிறுவனங்கள் விமானத்தில் நோட் 7 கைப்பேசியை பயன்படுத்துவதற்கு தடை விதித்துள்ளன.

முதலில் ஆகஸ்ட் 19 ஆம் தேதி சாம்சங் கேலக்ஸி நோட் 7 போன் விற்பனைக்கு வந்தது. விமர்சகர்கள் மற்றும் வாடிக்கையாளர்கள் மத்தியில் நல்ல வரவேற்பு பெற்றது குறிப்பிடத்தக்கது.

சாம்சங் நிறுவனத்தின் போட்டியாளரான ஆப்பிள் நிறுவனம், அதன் புதிய ஐ போன் 7-ஐ வெளியிட்ட சமயத்தில் சாம்சங் நிறுவனத்தின் நோட் 7 கைப்பேசிகள் திரும்பப் பெறப்பட்டன.

http://www.bbc.com/tamil/global-37472926