Jump to content

பவளவிழா காணும் பத்மநாப ஐயா: ஓர் அனுபவப் பகிர்வு!


Recommended Posts

  • கருத்துக்கள உறவுகள்

பவளவிழா காணும் பத்மநாப ஐயா: ஓர் அனுபவப் பகிர்வு!

ரஞ்சித்

<p>பவளவிழா காணும் பத்மநாப ஐயா: ஓர் அனுபவப் பகிர்வு!</p>
 

 

ஈழத்து படைப்புலகில் மிகவும் ஆளுமை மிக்க மனிதரான பத்மநாப ஐயா அவர்கள் கடந்த 24ஆம் திகதி தனது 75ஆவது அகவையை நிறைவு செய்துள்ளார்.

ஈழத்து இலக்கிய உலகில் இலக்கியம், கலை மற்றும் படைப்புலகம் சார்ந்த பத்மநாப ஐயாவின் அளப்பரிய பங்களிப்பை அறியாதவர்கள் எவரும் இருக்கமாட்டார்கள். ஈழத்து தமிழ் இலக்கியத்தின் செழுமைக்கும், வளர்ச்சிக்கும் அயராது தொடர்ந்து தன்னை அர்ப்பணமாக்கியவர் அவர்.

அந்த வகையில், ஈழத்து தமிழ் இலக்கிய பரப்பில் இருந்து பிரித்துப் பார்க்க முடியாத ஒரு நபராக அவர் இருக்கின்றார்.

ஆயினும், அவரின் இந்த முகத்துக்கும் அப்பால் அவருடனான அறிமுகம் மற்றும் அனுபவங்களை பகிர்ந்து கொள்வது அவரின் பன்முகத் தன்மை கொண்ட ஆளுமையை வெளிப்படுத்தும் என இப்பதிவு கருதுகின்றது.

1981ஆம் ஆண்டு மார்ச் மாதம். அப்போது நான் யாழ்.பல்கலைக்கழக முதலாவது ஆண்டு மாணவன். தமிழ் மக்களுக்கு எதிராக இழைக்கப்பட்ட அநீதிகளை வெளிக்கொணர்ந்தவரும், மனிதவுரிமை ஆர்வலரும், நண்பருமான குகமூர்த்தியே பத்மநாப ஐயாவை எனக்கு அறிமுக்கப்படுத்தியவர். (இலங்கை ஒலிபரப்புக் கூட்டுத்தாபனத்தில் தனது பணியை முடித்து வீடு திரும்பிய வேளையில் கொழும்பு ஜாவத்தைப் பகுதியில் வைத்து ஜீப்பொன்றில் வந்த ஆயுதபாணிகளால் குகமூர்த்தி கடத்திச் செல்லப்பட்டு காணாமல் போனார். இது நடந்தது ஆர்.பிரேமதாசவின் ஆட்சிக்காலத்தில்)

ஐயாவுடனான முதற்சந்திப்பு நல்லூரிலுள்ள குகமூர்த்தியின் வீட்டியேயே இடம்பெற்றது. அப்போது ஐயாவுடன் அ.யேசுராஜா அவர்களும் வந்திருந்தார். அவருடனும் அன்று தான் எனது முதற்சந்திப்பு.

அறிமுகங்களின் பின்னர் பல்வேறு விடயங்கள் தொடர்பில் கதைத்தோம். எனக்கோ பல விடயங்கள் புதிதாக இருந்தன. ஆயினும் புதியவற்றை அறிந்து கொள்ள வேண்டும் என்ற ஆர்வத்தில் அவர்களின் பேச்சுக்களில் என்னை ஐக்கியப்படுத்திக் கொண்டேன். இதற்குப் பின்னரும் அடிக்கடி சந்தித்து பல்வேறு விடயங்கள் தொடர்பில் நாங்கள் கலந்துரையாடுவோம்.

1981களில் தீவிர வாசகனாக இருந்த எனக்கு அவர் அரிய பல சஞ்சிகைகளையும், நூல்களையும் வாசிக்கத் தருவார். இந்த சஞ்சிகைகளும், நூல்களும் எனக்குள் ஏற்படுத்திய தாக்கம் அதிகம். தரமான இலக்கியங்கள் தீவிர வாசகனுக்குக் கிடைக்க வேண்டும் என்பதில் அவர் மிகுந்த கரிசனை எடுத்திருந்தார். அவரின் இந்த முயற்சியால் தான் கணையாழி, காலச்சுவடு போன்ற தென்னிந்தியாவின் தரமான பல சஞ்சிகைகளையும், நூல்களையும் வாசிக்கும் பாக்கியத்தை நான் பெற்றிருந்தேன்.

<p>பவளவிழா காணும் பத்மநாப ஐயா: ஓர் அனுபவப் பகிர்வு!</p>

இதனை அவர் வெறும் இலக்கியத்தின் மீதான காதலால் மட்டும் செய்யவில்லை. இவற்றுக்கு அப்பால் அப்போது இடம்பெற்ற விடுதலைப் போராட்டத்துக்கு தன்னுடைய துறைசார்ந்த பங்களிப்பைச் செய்ய வேண்டும் என்ற சிந்தனையே அவரிடம் இருந்தது.

1980களின் ஆரம்பத்தில் ஆயுதம் தாங்கிய தமிழீழ விடுதலைப் போராட்டம் தீவிரம் பெறத்தொடங்கிய காலகட்டத்தில் யாழ். பல்கலைக்கழகத்தில் மாணவர்களாக இருந்த சிலரிடம் விடுதலைப் போராட்டம் தொடர்பில் புதிய சிந்தனைகள் வேரூன்ற ஆரம்பித்திருந்தன.

அவர்களால் போராட்டம் சார்ந்த ஆய்வு முயற்சிகளின் அவசியத்தை உணரப்பட்டிருந்ததன் விளைவாக யாழ் பல்கலைக்கழகத்தில் மறுமலர்ச்சிக்கழகம் ஆரம்பிக்கப்பட்டு தொடர்ச்சியான கருத்தரங்குகள் நடத்தப்பட்டதுடன், ஆய்வு நூல்களும் வெளியிடப்பட்டன.

யாழ் பல்கலைக்கழக மறுமலர்ச்சிக் கழகம் இத்தகைய தயார்படுத்தலைச் செய்ய தன்னாலான முயற்சிகளில் ஈடுபட்டிருந்தது. பல்கலைக்கழகச் சூழலின் வாய்ப்புக்களைப் பயன்படுத்தி இவற்றை யாழ். பல்கலைக்கழக மறுமலர்ச்சிக் கழகம் தன்னாலானவரை செயற்படுத்தி உள்ளது. இதில் ஐயாவின் பங்களிப்பு மிகவும் முக்கியமானது. குறிப்பாக, மறுமலர்ச்சிக்கழகம் வெளியிட்ட தளிர் சஞ்சிகை மற்றும் ஆய்வு நூல்களின் வடிவமைப்பில் ஐயா முக்கிய பங்களிப்பை வழங்கியிருந்தார்.

குறிப்பாக, 1983ஆம் ஆண்டு சிங்கள அரசால் மேற்கொள்ளப்பட்ட திட்டமிடப்பட்ட கறுப்பு யூலை இனப்படுகொலையைத் தொடர்ந்து தமிழீழ விடுதலைப் போராட்டம் மேலும் தீவிரமடையத் தொடங்கியிருந்தது. இந்நிலையில், விடுதலையின் பெயரால் பல இயக்கங்கள் தோற்றம் பெற்றன. இந்த இயக்கங்களுக்கு இடையே வளர்ந்து சென்ற முரண்பாடுகள் இறுதியில் அவர்களுக்கு இடையில் மோதல்களையும், உட்படுகொலைகளையும் ஏற்படுத்தியிருந்தன.

இது விடுதலையை ஆழமாக நேசித்த ஈழத்தமிழர் தேசியத்தின் மூத்த அரசியல் அறிஞர் மு.திருநாவுக்கரசு மற்றும் ஐயா உள்ளிட்ட பலருக்கு மிகவும் அதிர்ச்சியையும், கவலைகளையும் ஏற்படுத்தியிருந்தன.

இத்தகையதொரு நிலையில் ஜனநாயகத்தின் அவசியம் மற்றும் கருத்துச் சுதந்திரம் என்பவற்றை வலியுறுத்தி மறுமலர்ச்சிக்கழகத்தால் ‘போராட்டத்துள் ஒரு போராட்டம்’ எனும் நூல் வெளியிடப்பட்டது. 'ஆயுதம் மட்டும் அரசியலல்ல, இளைஞர் மட்டும் மக்களல்ல' என்ற வாக்கியத்தின் கீழ் எழுதப்பட்ட இச்சிறு நூல் ஜனநாயகத்தின் குரலாய், போராட்டத்தின் தேவையாய், மக்களின் உணர்வலைகளை வெளிப்படுத்துவதாய் அமைந்திருந்தது.

சிங்கள இன ஒடுக்குமுறைக்கு எதிரான போராட்டத்தை முழுமையாக ஆதரித்த இந்த நூல் தமிழ் மக்கள் மத்தியிலும், ஆயுதம் தாங்கிய இயக்கங்கள் மத்தியிலும் உயிர்த்துடிப்புள்ள ஜனநாயகத்தின் அவசியத்தைப் பற்றி வற்புறுத்தியிருந்தது. இந்நூலை அக்கால கட்டத்தில் உடனடியாக வெளியிடுவதற்கு ஐயா அளித்த பங்களிப்பு முக்கியமானதாக இருந்தது.

அத்துடன் எமது விடுதலை தொடர்பில் மக்கள் மத்தியில் வேரூன்றியிருந்த கற்பனைகளுக்குப் பதிலாக, அரசியலை விஞ்ஞானபூர்வமாகவும், யதார்த்த பூர்வமாகவும் பார்க்க வேண்டிய தவிர்க்க முடியாத அவசியம் எழுந்த 1985ஆம் ஆண்டு காலப்பகுதியில் சுகந்தம் வெளியீட்டால் தமிழீழ விடுதலைப் போராட்டமும் இந்தியாவும் எனும் நூல் வெளியிடப்பட்டிருந்தது. சர்மா எனும் பெயரில் மு.திருநாவுக்கரசால் எழுதப்பட்ட இந்நூல் புவிசார் அரசியல் கண்ணோட்டத்திலும், சர்வதேச அரசியல் கண்ணோட்டத்திலும் அணுகப்பட்டிருந்தது.

இதன்போது பருத்தித்துறை வீதியில் ஆனைப்பந்தி சந்திக்கு அருகாமையில் அமைந்திருந்த சங்கரின் அச்சகத்துக்கு தினமும் சென்று எழுத்துப் பிழைகள் மற்றும் வடிவமைப்பு ஆகியவற்றை கவனித்ததில் ஐயாவுக்கு முக்கிய பங்குண்டு. 26 ஆண்டுகளுக்கு முன்னர் 25,000 பிரதிகள் வெளியிடப்பட்ட இந்நூலில் தெரிவிக்கப்பட்டுள்ள கருத்துக்கள் காலத்தால் இன்னும் மாற்றமடையாமல் இருக்கின்றன.

இந்நூல், 2008ஆம் ஆண்டு வன்னியில் போர் தீவிரமடையத் தொடங்கிய காலகட்டத்தில் தமிழ்ப் படைப்பாளிகள் முன்னணியால் மீள்பதிப்புச் செய்யப்பட்டிருந்தது. இதன்போது 5,000 பிரதிகள் அச்சிடப்பட்டு தமிழகம் எங்கும் இலவசமாக விநியோகிக்கப்பட்டிருந்தது. காலமான நண்பன் கி.பி.அரவிந்தன் முன்னெடுத்த இந்த முயற்சியில் ஐயாவும் பங்கேற்றிருந்தார்.

இவ்வாறு, மு.திருநாவுக்கரசு எழுதி 1987ஆம் ஆண்டு வெளியான ‘இந்து சமுத்திரப் பிராந்தியமும் இலங்கை இனப்பிரச்சினையும்’ எனும் நூல், 1987 ஜுலையில் இலங்கை, இந்திய ஒப்பந்தம் ஏற்பட்டதும் ‘யாருக்காக இந்த ஒப்பந்தம்?’ என்ற நூல் மற்றும் சாவடைந்த ரவிசேகரத்தின் முயற்சியால் மொழிபெயர்க்கப்பட்டு தமிழில் வெளியான ‘சன்டினிச புரட்சி நிக்கரகுவா’ என்று நூல் போன்ற பதிப்புக்கள் வெளிவர ஐயா வழங்கிய பங்களிப்பு மிகவும் காத்திரமானது.

(சன்டினிச புரட்சி நிக்கரகுவா என்று நூலை பதிப்பித்துக் கொண்டிருந்த போது அந்நூலின் அச்சக வேலைகளைக் கவனிப்பதற்காக அச்சகத்துக்கு சென்று கொண்டிருந்த போது சிறிலங்கா படையினரால் கைது செய்யப்பட்ட வேளையில் சயனைட் அருந்தி ரவிசேகரன் வீரச்சாவடைந்தமையும், பின்னர் அச்சகம் படையினரால் சுற்றிவளைக்கப்பட்டு அச்சிடப்பட்ட அனைத்துப் பக்கங்களும் அவர்களால் எடுத்துச் செல்லப்பட்டமையும் இங்கு குறிப்பிடத்தக்கது)

இவைகளுக்கு அப்பால், தமிழியல் வெளியீடாக ஐயா வெளியிட்ட ஈழநாடு பத்திரிகையில் வெளிவந்த நா.சபாரத்தினம் அவர்கள் எழுதிய ஆசிரியத் தலையங்கங்களைத் தொகுத்து வெளியிட்ட ஊரடங்கு வாழ்வு, மரணத்துள் வாழ்வோம் மற்றும் பதினொரு ஈழத்துக் கவிஞர்கள் போன்ற பல வெளியீடுகள் அவருக்கு விடுதலையின்பால் இருந்த ஆழ்ந்த கரிசனையை வெளிப்படுத்தும்.

இதனைவிட ஓவியர் மார்க் மாஸ்டரை கௌரவிக்கும் முகமாக வெளியிடப்பட்ட ‘தேடலும் படைப்புலகமும்’ ஐயாவின் துணைவியார் எழுதிய  இலங்கையின் தோட்டப் பள்ளிக்கூடங்களின் கல்வியமைப்பும் பிரச்சினைகளும் என்ற ஆய்வுக் கட்டுரையையும் முக்கியத்துவம் வாய்ந்தன.

இக்காலத்தில் விடுதலைப் போராட்ட இயக்கங்களுடன் நெருங்கிய தொடர்புகளைப் பேணிய ஐயா, விடுதலைப் புலிகளின் மூத்த தளபதிகளான மாத்தையா, பண்டிதர் மற்றும் கிட்டு போன்றவர்களுடனும் நெருங்கிய தொடர்புகளைப் பேணி போராட்டத்துக்கு இலக்கியங்களும், படைப்புக்களும் ஆற்றக்கூடிய பங்களிப்புக்கள் தொடர்பில் விவாதித்துள்ளார். இத்தகைய பணிகளை முன்னெடுப்பதற்காக பண்டிதரின் முயற்சியால் அவர் விடுதலைப் புலிகளின் தோணியில் உயிராபத்துக்களுக்கு மத்தியில் இந்தியா சென்று திரும்பியிருந்தார்.

இதற்கப்பால் புலம்பெயர் வாழ்விலும் அரசியல் சார்ந்த ஐயாவின் படைப்புலக முயற்சிகள் தொடர்ந்துகொண்டே இருக்கின்றன. மு.திருநாவுக்கரசு எழுதிய ‘ஒற்றை மைய உலக அரசியல்: போரும் சமாதானமும்’ எனும் நூலை தமிழியல் வெளியீடாக வெளியிட்டு அரசியல் தளத்தில் ஒரு புதிய சிந்தனைப் போக்கு ஏற்பட ஐயா வழிவகுத்தார்.

அத்துடன், மு.திருநாவுக்கரசு எழுதிய ‘தேசியமும், ஜனநாயகமும்’, ‘இனப்படுகொலை: தமிழீழமும் இந்தியாவின் பாதுகாப்பும்’ ஆகிய இரண்டு நூல்களையும் ஒருங்கிசைந்த ஆய்வுக்கான தமிழ் நடுவம் வெளியிட்ட போது அதன் ஆக்கத்தில் ஐயா முக்கிய பங்காற்றியிருந்தார்.

அவரின் இத்தகைய பங்களிப்புக்கள் மற்றும் முயற்சிகள் எல்லாவற்றையும் வெறும் படைப்புலகத்துடன் மட்டும் நாம் மட்டுப்படுத்தி பார்க்க முடியாது. அவருக்கு இருந்த அரசியல் நிலைப்பாட்டின் கலவையே அது என்று நாம் நோக்க வேண்டும்.

இன்னொன்றையும் சொல்லியாக வேண்டும். ஈழத்தமிழ் மக்களுக்கு என இலண்டனில் ஒரு கலாசார பண்பாட்டு மையத்தை அமைக்க வேண்டும் என்பது அவரின் நீண்ட நாள் கனவு. அதற்காக 2000ஆம் ஆண்டுகளின் ஆரம்பத்திலேயே அதன் வடிவமைப்பு, செலவுகள் தொடர்பில் ஒரு ஆவணத்தை தயாரித்து வைத்திருந்தார். அது தொடர்பில் பலருடனும் கதைத்தார். ஆயினும் எவரும் ஐயாவுக்கு கைகொடுக்க முன்வரவில்லை.

இன்னும் அந்தப் பெருங்கனவை சுமந்து கொண்டு வாழ்பவர் ஐயா.

இத்தகையதொரு நிலையில் படைப்புலகம், ஆவணப்படுத்தல், நூலகம் போன்ற ஐயா மேற்கொண்டு வரும் முயற்சிகளுக்கு நாம் அனைவரும் கைகொடுக்க வேண்டியது அவருக்கு நாம் அளிக்கும் கௌரவம் என்றால் அது மிகையாகாது.

 

http://www.ponguthamil.com/showcontentnews.aspx?sectionid=9&contentid=2aea6cbd-24ad-46ed-9d41-bfc9df2e11f2

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • நான் இங்கு குறிப்பிடுவது 2001 / கட்டாயம் 2004  க்கு முன்  கடந்த இருபதுக்கு மேற்பட்ட ஆண்டுகளாக எனக்கு அதனுடன் ஒரு தொடர்பும் இல்லை இலங்கையில் அன்று 55 வயதுடன் ஓய்வு பெறலாம். என்றாலும் நான் வேறு பல காரணங்களால் கொஞ்சம் நேரத்துடன் ஓய்வு பெற்று விட்டேன்
    • The Take – From India to Ukraine: the South Asians fighting in Russia’s war South Asian countries are facing skyrocketing unemployment, prompting people to fight in wars thousands of miles away. https://www.aljazeera.com/podcasts/2024/3/5/the-take-from-india-to-ukraine-the-south-asians-fighting-in-russias-war உக்ரைனுக்காவும் சாகினம். வருமானமே முக்கிய காரணம். 
    • பண்டைய ஒலிம்பியாவில் ஒலிம்பிக் சுடர் ஏற்றப்படும் 16 APR, 2024 | 12:43 PM (நெவில் அன்தனி) பாரிஸ் 2024 ஒலிம்பிக் விளையாட்டு விழா ஆரம்பமாவதற்கு இன்னும் மூன்று மாதங்கள் உள்ள நிலையில் கிரேக்கத்தின் பண்டைய ஒலிம்பியாவில் ஒலிம்பிக் சுடர் பாரம்பரிய முறையில் இன்று செவ்வாய்க்கிழமை (16) ஏற்றப்படவுள்ளது. இந்த ஒலிம்பிக் சுடர் பிரெஞ்சு தலைநகர் பாரிஸை எதிர்வரும் ஜூலை 26ஆம் திகதி சென்றடைவதற்கு முன்னர் அக்ரோபோலியிலிருந்து பிரெஞ்சு பொலினேசியாவுக்கு பயணிக்கவுள்ளது. கொவிட் - 19 தொற்றுநோய் காரணமாக டோக்கியோ 2020 ஒலிம்பிக், பெய்ஜிங் 2022 குளிர்கால ஒலிம்பிக் விளையாட்டு விழாக்களுக்கான தீபச் சுடர் ஏற்ற நிகழ்வு பார்வையாளர்கள் இன்றி நடத்தப்பட்டது. இம்முறை ஒலிம்பிக் தீபச் சுடர் ஏற்றத்தை பொதுமக்கள் நேரடியாக பார்வையிடுவதற்கு அனுமதிக்கப்பட்டுள்ளனர். கிரேக்க ஒலிம்பிக் குழுத் தலைவர் கெத்தரினா சக்கெல்லாரோபவ்லூ, சர்வதேச ஒலிம்பிக் குழுத் தலைவர் தோமஸ் பெச் உட்பட சுமார் 600 பிரமுகர்கள் ஒலிம்பிக் தீபச் சுடர் ஏற்றும் வைபவத்தில் கலந்துகொள்வர் என அறிவிக்கப்படுகிறது. பண்டைய பெண் பாதிரியார்களாக   உடையணிந்த நடிகைகள் குழிவுவில்லை கண்ணாடியைக் கொண்டு சூரிய ஒளிக் கதிரினால் இயற்கையாக சுடரை ஏற்றிவைப்பர். கிறிஸ்துவுக்கு முன்னர் 776ஆம் ஆண்டில் பண்டைய ஒலிம்பிக்கின் பிறப்பிடமான ஒலிம்பியாவில் ஆரம்பமான இயற்கையாக தீபச் சுடரை ஏற்றும் இந்த நடைமுறை பல நூற்றாண்டுகளாக பின்பற்றப்பட்டுவருகிறது. 2600 ஆண்டுகள் பழைமைவாய்ந்த ஹேரா கோவிலின் இடிபாடுகள் உள்ள இடத்தில் நடைபெறும் இந்த வைபவத்தில் ஒலிம்பிக் கீதத்தை அமெரிக்க பாடகி ஜொய்ஸ் டிடோனட்டோ பாடுவார். ஒலிம்பிக் சுடர் ஏற்றப்படுவதானது ஒலிம்பிக் விழாவுக்கான நாட்களைக் கணக்கிடுவதாக அமைகிறது. ஒலிம்பிக் சுடரை முதலாவதாக ஏந்திச் செல்லும் பாக்கியம் கிரேகத்தின் படகோட்ட சம்பியன் ஸ்டெஃபானஸ் டௌஸ்கொஸுக்கு கிடைத்துள்ளது. இவர் டோக்கியோ 2020 ஒலிம்பிக் விளையாட்டு விழாவில் படகோட்டப் போட்டியில் பங்குபற்றிய வீரராவார். கிரேக்கத்தில் ஒலிம்பிக் சுடரை சுமார் 600 பேர், 11 தினங்களில் 5,000 கிலோ மீட்டர் தூரத்திற்கு ஏந்திச் செல்வர். ஏதென்ஸ் 2004 ஒலிம்பிக் விளையாட்டு விழாவில் நீச்சல் போட்டியில் சம்பியனான பிரெஞ்சு நீச்சல் வீராங்கனை லோரி மனவ்டூ, பிரான்ஸ் தேச ஒலிம்பிக் சுடர் பயணத்தில் முதலாமவராக தீபத்தை ஏந்திச் செல்வார். பாரிஸ் 2024 ஒலிம்பிக் விளையாட்டு விழா ஜூலை 26ஆம் திகதி தொடக்க விழாவுடன் ஆரம்பமாகி ஆகஸ்ட் 11ஆம் திகதி முடிவு விழாவுடன் நிறைவுபெறும். https://www.virakesari.lk/article/181219
    • process flow of the cement manufacturing process – palavi operation   The Puttalam cement factory, now owned by the Swiss  company Holcim Group, is the biggest one in Sri Lanka and is located in the Palaviya G.S. division, just 8 km from Puttalam town. The local population claims that cement dust poses a health hazard [Pollution] to them. For Example, during the 2001-2004 period, they rose up with several protests.  The site consists of a dry process cement plant with two kilns
    • 16 APR, 2024 | 03:39 PM   ஈரானின் அணுஉலைகள் மீது இஸ்ரேல் தாக்குதல் நடத்தலாம் என ஐநாவின் அணுசக்தி கண்காணிப்பு அமைப்பு அச்சம் வெளியிட்டுள்ளது. சிரிய தலைநகரில் உள்ள ஈரானின் துணைதூதரகத்தின் மீது  இஸ்ரேல்  மேற்கொண்ட தாக்குதலிற்கு ஈரான் பதில் தாக்குதலைமேற்கொண்டுள்ள நிலையில் தனது நாடு அதற்கு பதிலடி கொடுக்கும் என இஸ்ரேலின் இராணுவதளபதி தெரிவித்துள்ளார். பாதுகாப்பு காரணமாக ஞாயிற்றுக்கிழமை ஈரான் தனது அணுஉலைகளை மூடியது என தெரிவித்துள்ள ஐஏஈஏ அமைப்பின் பணிப்பாளர் நாயகம் ரபெல் குரொசி தெரிவித்துள்ளார். பின்னர் திங்கட்கிழமை  அவை திறக்கப்பட்டன எனவும் அவர் குறிப்பிட்டுள்ளார். இஸ்ரேல் அணுஉலைகள் மீது தாக்குதலை மேற்கொள்ளும் சாத்தியம் குறித்த கேள்விக்கு பதிலளித்துள்ள அவர் நாங்கள் எப்போதும் அது குறித்து அச்சமடைந்துள்ளோம் கடும் பொறுமையை நிதானத்தை கடைப்பிடிக்க கோருகின்றோம் என தெரிவித்துள்ளார். https://www.virakesari.lk/article/181235
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 20 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 7 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 46 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.