Jump to content
  • Veeravanakkam
  • Veeravanakkam
  • Veeravanakkam

சிங்கள நாளேடுகளின் செய்திகள்


Recommended Posts

  • கருத்துக்கள உறுப்பினர்கள்

புலிகளின் குண்டு வெடித்ததில் பயிற்சி முகாம் புலித் தலைவரே பலி

விடுதலைப் புலிகள் அமைப்பின் கட்டுப்பாட்டுக்குக் கீழுள்ள மட்டக்களப்பு பிரதேசத்தைச் சேர்ந்த தொப்பிகல காட்டுப் பகுதியில் அமைந்துள்ள பிரதான புலிகள் இயக்க முகாம் ஒன்றில் கடந்த 11 ஆம் திகதி நிகழ்ந்த பாரிய குண்டு வெடிப்பின் போது அதில் சிக்குண்டு அந்த முகாமின் தலைவர் எனக் கருதப்படும் பிரதேசத் தலைவரும் உயிரிழந்துள்ளதாகத் தகவல் தெரிவிக்கப்பட்டுள்ளது.இவரை விட முகாமிலிருந்த முன்னணி புலிகள் இயக்க உறுப்பினர்கள் நான்கு பேரும் இந்தக் குண்டு வெடிப்பின் போது ஸ்தலத்திலேயே உயிரிழந்தனர். மேலும் இருபது புலிகள் இயக்கத்தினரும் இதில் படுகாயங்களுக்குள்ளாகினர்.இந

Link to post
Share on other sites
  • கருத்துக்கள உறுப்பினர்கள்

பிரபாகரன் தப்பியோடத் தயாராவதை கருணா உறுதிப்படுத்துவதாக தெரிவிப்பு

விடுதலைப் புலிகள் இயக்கத் தலைவர் நாட்டிலிருந்து தப்பியோடத் தயாராவது பற்றிய தகவல்களை முன்னர் அந்த இயக்கத்தில் கிழக்கு மாகாணத்துக்கு தலைமைப் பொறுப்பாக இருந்து பின்னர் பிரிந்து சென்றவரும் தற்போது மக்கள் விடுதலைப் புலிகளின் அமைப்பு என்ற அரசியல் கட்சியை அமைத்து கிழக்கில் புலிகள் இயக்கத்தினருக்கு எதிரான தீவிர தாக்குதல்களை மேற்கொண்டு வருபவருமான கருணா உறுதிப்படுத்தியிருப்பதாக தெரிவிக்கப்பட்டுள்ளது.

கிழக்கு மாகாணத்தில் முப்படையினரும் மேற்கொண்ட தாக்குதல்களைத் தொடர்ந்து படுதோல்வியடைந்து இயக்கத்தின் கிழக்கில் தனது கட்டுப்பாட்டிலிருந்த பெரும் நிலப்பரப்பை இழந்திருக்கும் புலிகள் இயக்கத் தலைவர் பிரபாகரன், அவ்வாறே படையினர் வடக்கில் மேற்கொள்ளவிருக்கும் உத்தேச தாக்குதல்களில் வடக்கிலும் படுதோல்வியடைந்து வடக்கு பிரதேசங்களை படையினரிடம் இழந்துவிடக் கூடும் என்ற பீதி காரணமாகத் தான் பதுங்கி வாழும் காட்டுப் பிரதேசத்திலிருந்து வெளிநாடு ஒன்றுக்கு இரகசியமாக தப்பியோடுவதற்காக திட்டமிட்டிருப்பது பற்றி பாதுகாப்புத் துறை புலனாய்வுப் பிரிவினருக்கு தகவல் கிடைத்துள்ளது. இந்தத் தகவல்கள் வதந்தி போலன்றி உறுதிப்படுத்தப்பட்ட தகவல்களாகவே புலனாய்வுப் பிரிவினருக்குக் கிடைத்துள்ளது.

இவ்வாறு பிரபாகரனின் தப்பியோடும் இரகசியத் திட்டம் பற்றி மேலும் புலனாய்வுப் பிரிவினர் தரப்பில் தெரிவிக்கப்படும் தகவல்களுக்கேற்ப பிரபாகரன் வட ஆபிரிக்கப் பிராந்தியத்திலுள்ள எரித்திரியா நாட்டுக்கே தப்பியோட இருப்பதாகவும் இதற்கான ஏற்பாடுகளை அவருடைய சர்வதேச சகாக்கள் மேற்கொண்டு வருவதாகவும் கூறப்பட்டுள்ளது. இவர்களில் புலிகள் இயக்கத்துக்காக வெளிநாடுகளிலிருந்து யுத்த ஆயுதங்கள், உபகரணங்களைக் கொள்வனவு செய்து புலிகளின் பிரதேசங்களுக்கு அனுப்பி வரும் சர்வதேச செயற்பாடுகளில் ஈடுபட்டுள்ளவரும் வெளிநாடுகளில் நடமாடுபவருமான குமார் பத்மநாதன் எனப்படும் பிரபல புலிகள் இயக்க பிரமுகரே இவ்வாறு பிரபாகரன் தப்பியோடி வெளிநாடு ஒன்றில் தஞ்சம் புகுவதற்கான ஏற்பாடுகளை செய்து வருகின்றார். மேலும் இது சம்பந்தமாக அண்மையில் வட ஆபிரிக்க நாடாகிய எரித்திரியாவுக்கு சென்றதாகவும் இதனால் பிரபாகரன் வெகுவிரைவில் எரித்திரியாவுக்கு தப்பியோடக் கூடும் என்று நம்பப்படுவதாகவும் குறித்த புலனாய்வு வட்டாரங்கள் குறிப்பிட்டுள்ளன.

பிரபாகரனின் முன்னாள் நெருங்கிய சகாவாக இருந்த கருணாவும் இந்தத் தகவலை உறுதிப்படுத்தியிருப்பதாகப் புலனாய்வுப் பிரிவினர் தெரிவித்துள்ளனர். எரித்திரியா நாடு ஆபிரிக்கா கண்டத்தின் வட பகுதியில் செங்கடல் பிரதேசத்துக்கு அருகில் ஆகும். எரித்திரியா எல்லையை அண்டிய நாடுகளாக எத்தியோப்பியா, சூடான், எகிப்து ஆகிய நாடுகள் அமைந்துள்ளன.

மேற்படி புலிகள் இயக்கத்தின் சர்வதேச ஆயுதக் கொள்வனவாளராகச் செயற்பட்டு வரும் குமார் பத்மநாதன் இவ்வாறு எரித்திரியாவுக்குச் சென்று பிரபாகரனை அங்கு தஞ்சம் அடையச் செய்வதற்காக அந்த நாட்டு அதிகாரிகளுடன் ஏற்பாடுகளைச் செய்யச் சென்ற தனது பயணத்தின் போது முதலில் எரித்திரியாவை அண்டியுள்ள சோமாலியா நாட்டுக்கும் சென்றதாகவும் தகவல் தெரிவிக்கப்பட்டுள்ளது. சோமாலியா சென்ற பத்மநாதன் அங்கு செயற்பட்டு வரும் பயங்கரவாதக் குழுக்களையும் சந்தித்து பிரபாகரனைப் பாதுகாப்பாக எரித்திரியா கொண்டு செல்வது பற்றி பேச்சுவார்த்தை நடத்தியுள்ளதாகவும் தெரிய வந்துள்ளது.

இவ்வாறான ஏற்பாடுகள் செய்யப்பட்டு வருவதாக தகவல்கள் வெளியாகியுள்ள இந்த நிலையில் புலிகள் இயக்கத் தலைவர் பிரபாகரன் மிக விரைவில் நாட்டிலிருந்து தப்பியோடக் கூடும் எனவும் இதற்காக அவர் தனது அதிநம்பிக்கைக்குரிய சகாக்களின் பாதுகாப்புடன் உயர் குதிரை வலுவான நான்கு என்ஜின்கள் பொருத்தப்பட்ட படகு ஒன்றின் மூலம் வடக்கு கடலோரப் பிரதேசம் ஒன்றிலிருந்து புறப்பட்டு பெருங்கடல் பகுதியை அடைந்து அங்கு முன்னேற்பாட்டின் படி ஏற்கனவே, கொண்டு வந்து நிறுத்தப்பட்டிருக்கும் புலிகள் இயக்கத்துக்குச் சொந்தமான வர்த்தகக் கப்பல் ஒன்றில் ஏறி எரித்திரியாவுக்கு தப்பியோடத் திட்டமிட்டிருப்பதாகவும் குறித்த புலனாய்வு வட்டாரங்கள் தெரிவிக்கின்றன.

புலிகள் இயக்கம் உட்பட சர்வதேச பயங்கரவாத அமைப்புகளைப் பற்றிய ஆய்வாளரும் பிரபல விமர்சகருமான பேராசிரியர் றொஹான் குணரத்ன அவருடைய புத்தகங்களில் வெளியிட்டிருக்கும் தகவல்களில் இவ்வாறே 1985 ஆம் ஆண்டிலும் புலிகள் இயக்கத் தலைவர் தனது இக்கட்டான கால கட்டத்தில் சிங்கப்பூருக்கு சென்றதாகத் தெரிவிக்கப்பட்டுள்ளது.

-லங்காதீப: 12.02.2007

http://www.thinakkural.com/news/2007/2/17/...s_page21483.htm

Link to post
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • கபிதான் கைகாட்டியிருக்கு😁 👇🏾👇🏾  
    • புலம் பெயர்ந்த சாதியம் – 6 May 11, 2021  — அ. தேவதாசன் —  மாடு ஓடவிட்டு கயிறு எறியவேணும் என்று சொல்லுவார்கள். புலம் பெயர் தேசங்களில் அந்த வித்தையை சாதிய பாதுகாவலர்கள் மிகவும் நிதானமாக கடைப்பிடிக்கிறார்கள். தங்களைவிட குறைந்த சாதியினர் எனக்கருதுவோரை தமது பிள்ளைகள் காதல் கொண்டுவிட்டால் அவர்கள் யாரைக் காதலிக்கிறார்கள் என்பதை தேடித்துளாவிக் கண்டுபிடித்து விடுகிறார்கள். தமது பிள்ளைகளோடு கதையோடு கதையாக “அவையளோட நாங்கள் ஊரில் பழகிறதில்லை, வீட்டுக்குள்ள விடுகிறதில்லை” இப்படியாக பல சுயபெருமைக் கதைகளை ஆலோசனை அல்லது அறிவுரை என்கிற பெயரில் பிள்ளைகளிடம் கூறி மனதை மாற்ற முயற்சிப்பார்கள். ஆனால் பிள்ளைகளுக்கு இது புரியாது. ஒரே மொழி, ஒரே நிறம், ஒரே தொழில், ஒரே நாடு இதிலென்ன வேறுபாடு என யோசிப்பார்கள். இது ஒருபுறம்! மறுபுறம் சிங்களவன்தான் நமது எதிரி நாம் எல்லோரும் தமிழர்கள் ஒன்றுபட்டு போராடி நாடு பிடிக்க வேண்டும் என்கிற கருத்துக்களும் பிள்ளைகள் மத்தியில் புகுத்தப்படுகிறது. ஒருபுறம் தமிழர் ஒற்றுமை, மறுபுறம் சாதிவேற்றுமை. பொது இடத்தில் பேசுவது ஒன்று வீட்டுக்குள் பேசுவது வேறொன்று. தமிழர்களுக்கான ஒரு நாடு வேண்டும் என்பதில் தொண்ணூறுவீதமான தமிழர்களுக்கு எந்த முரண்பாடுகளும் இல்லை. அதற்காக தமிழ்த்தேசியத்தை கையில் எடுப்பதும் முரண்பாடு இல்லை. அதேவேளை சாதிய ஒடுக்குமுறை, பிரதேச வாதம், மதவாதம், பெண்ணிய ஒடுக்குமுறை, வர்க்கமுரண்பாடு என்பனவற்றின் தெளிவும், அதை அகற்றவேண்டும் என்கிற உறுதியும், அதற்கான வேலைத்திட்டங்களும் தமிழ்த் தேசியத்தை உயர்த்திப் பிடிக்கும் தலைமைகளிடம் அறவே இல்லை. மாறாக இவைகள் அனைத்தையும் அழியவிடாது தற்காத்துக்கொண்டே விடுதலையை வென்றெடுப்போம் என்கிற குறுகிய சிந்தனைப் போக்கும், இந்த முரண்பாடான வாழ்க்கை முறையும் இங்கு பிறந்த தலைமுறையினருக்கு விடுதலை பற்றிய பெரும் குழப்பத்தை ஏற்படுத்தியுள்ளது. இதனால் பெரும்பாலான பிள்ளைகள் பெற்றோரது தர்க்கீகம் அற்ற ஆலோசனையை அல்லது அறிவுரையை கவனத்தில் கொள்வதில்லை. இதற்காக பெற்றோர்களும் துவண்டு விடுவதில்லை. தொடர்ந்து குறைந்தது மூன்று வருடங்கள் காதல் தொடரும்போது காதலர்கள் மத்தியில் சிறிது சிறிதாக உரசல்கள், கோபங்கள், முரண்பாடுகள், சில நாள் பிரிவுகள் வந்து போவது இயல்பு. இந்த இடைவெளிகளை பெற்றோர்கள் மிகக்கெட்டியாக பிடித்துக்கொள்வார்கள். சில தினங்கள் பிள்ளைகள் சோர்வுற்று இருக்கும் நேரங்களில் “நாங்கள் முந்தியே சொன்னனாங்கள் நீதான் கேக்கயில்லை, நீ இப்படி இருக்கிறது எங்கட மனதுக்கு எவ்வளவு கஸ்டமாயிருக்கு” இப்படியாக அன்பு மழை கொட்டி இறுதியாக ஒன்று சொல்வார்கள், “சாதிப்புத்தியக் காட்டிப்போட்டான் அல்லது போட்டாள்”. இவ்வாறு தொடர்ந்து சொல்லிச் சொல்லி சிறிய இடைவெளியை பெரும் வெளியாக மாற்றி விடுவார்கள். கல்லும் கரையத்தான் செய்யும், அடிமேல் அடியடித்தால் அம்மியும் நகரும்… இப்படியாக பல காதல்கள் பிரிந்து போன வரலாறுகளும் உண்டு.   இந்தியாவில் குறிப்பாக தமிழ்நாட்டில் சாதியை உடைத்து இணைந்த காதலர்களின் சாதிமறுப்புத் திருமணங்களை ஆதிக்க சாதியினர் அவசரமாக கொலைகள் செய்து பழி தீர்த்து விடுவதுண்டு. அதை ஆணவக்கொலை என்பர். அப்படி யாழ்ப்பாணத்து ஆதிக்க சாதியினர் அவசரப்படுவதில்லை. மிகவும் பொறுமையாக இலக்கை நோக்கி விழிப்புடன் இருப்பார்கள். மாடு ஓட கயிறு எறிந்து வீழ்த்திவிடுவார்கள். அதாவது சந்தர்ப்பம் பார்த்து பிரித்து விடுவார்கள். தமிழ்நாட்டுத் தமிழர்கள் ஆனாலும் சரி யாழ்ப்பாணத் தமிழர்கள் ஆனாலும் சரி நோக்கம் ஒன்றுதான் சாதியை காப்பாற்றுவது. செயயற்பாடுகள்தான் வேறுபாடானவை.. சாதிய ஆதிக்கம் என்பது ஒவ்வொரு விடயத்திலும் மிக நுணக்கமாக புலம் பெயர் தேசங்களில் செயற்படுத்தப்படுகிறது. ஒவ்வொரு சாதிக்கும் ஒவ்வொரு ஊர்ச்சங்கங்கள் இருப்பது போன்று தமிழர்களுக்கு என பொதுவான சங்கங்களும் உண்டு. தமிழர் நட்புறவுச்சங்கங்கள், அபிவிருத்திச் சங்கங்கள், பாடசாலை பழைய மாணவர் சங்கங்கள், கோயில் பரிபாலன சபைகள் போன்ற பல அமைப்புகள் இயக்குகின்றன. இவைகளில் அதிகமானவை தமிழ்த்தேசிய பற்றாளர்கள் என்போரால் வழி நடாத்தப்படுகின்றன. இவ்வமைப்புக்கள் அறிவியல் பலத்தில் செயற்படுவதில்லை, மாறாக பொருளாதார பலத்தின் ஆதிக்கத்திற்கு உட்பட்டே செயற்படுகின்றன. இப்பொருளாதார பலம் ஆதிக்க சாதியினர் எனப்படுவோர் கைவசமே இருப்பதனால் இவ்வமைப்புகளை ஆதிக்க சாதிகள் கையகப்படுத்த இலகுவான வாய்ப்பாக அமைகிறது.   இவ்வமைப்புக்களை மேலோட்டமாக பார்க்கிற போது தமிழர்களின் விடுதலைக்கும் மேம்பாட்டுக்கும் சமத்துவமாக செயற்படுத்துவது போன்ற தோற்றப்பாடு தெரியும். இவைகளுக்கு உள்ளே சென்று பார்த்தால் சாதிய ஆதிக்கம் மிக நுணுக்கமாக செயற்படுவதை கண்டுகொள்ளலாம். இவ்வமைப்புகளுக்கு வெளித்தோற்றத்தில் ஒரு நிர்வாகம் இருந்தாலும் அதற்குள் ஒரு நிழல் நிர்வாகம் இருந்துகொண்டே இருக்கும். அந்த நிழல் நிர்வாகிகள் அந்த அமைப்புகளின் உறுப்பினராக கூட இருக்கமாட்டார்கள். ஆனால் அவர்களே நிர்வாகம் எப்படி இயங்கவேண்டும் நிர்வாகத்தில் யார் யார் இடம்பெறவேண்டும் என்பதை தீர்மானிக்கிறார்கள். வெளிப்படைத்தன்மையற்ற இவ் இயங்கியல் முறை சரியான ஜனநாயக வடிவத்தை தேட முடியாமலும், சமூக மாற்றத்திற்கான விதைகளை ஊன்ற முடியாமலும், அறிவார்ந்த சமூகத்தை உருவாக்க முடியாமலும் பழமைவாத சிந்தனைகளுக்குள் முடங்கிக் கிடக்கிறது.   இதனால், புலம்பெயர் தேசங்களில் பிறந்த இளஞ்சந்ததியினர் “பழமைவாத சக்திக”ளோடு தங்களை இணைத்துக்கொள்ள முடியாது தூர விலகி தமக்கான வாழ்க்கையில் மட்டும் கவனம் செலுத்துபவர்களாக இருக்கின்றனர். இச்செயற்பாடுகள் புலம் பெயர்ந்து வாழும் ஏனைய சமூகங்களுடன் புரிந்துணர்வுடன் கூடிய சமூக நல்லுறவை இழக்கும் நிலையையும் ஏற்படுத்துகிறது. புலம் பெயர் தேசங்களில் உருவாக்கப்பட்ட சகல அமைப்புகளின் முதன்மை நோக்கம் என்பது கலாச்சாரத்தை காப்பாற்றுவது. இதற்காக சகல அமைப்புகளும் கலாச்சார நிகழ்வுகள் நடாத்த வேண்டியது கட்டாயம். கலாச்சார நிழ்ச்சிகளில் முதலாவது நிகழ்வாக மங்கல விளக்கு ஏற்றுதல் நடக்கும். ஆளுயர குத்துவிளக்கு வைத்து, அந்தந்த அமைப்புகளுக்கு நிதி வழங்கும் ஊர்ப்பணக்காரர் சிலரும் ஊரில் ஆசிரியராக இருந்து இடையில் விட்டிட்டு வந்தவர்கள் அல்லது பென்சனுக்கு பிறகு வந்தவர்கள் ஆகியோரை அழைத்து விளக்கு ஏற்றப்பட்ட பின்னர் இறைவணக்கம் செய்யப்படும். இவ் இறைவணக்கம் பரதநாட்டிய நடனம் மூலம் கடவுளுக்கு காணிக்கையாக்கப்படும். இதனைத்தொடர்ந்து  நடனம், நாடகம், இசை இப்படி பல நிகழ்வுகள் இடம்பெறும் கலாச்சார நிகழ்வுகளின் பிரதான நிகழ்வாக பரத நாட்டியம் மட்டும் நிகழ்ச்சி நேரங்களில் அதிக நேரத்தை எடுத்துக்கொள்ளும். ஏனேனில், மேற்குலக நாடுகளுக்கு புலம்பெயர்ந்த பின்னர், “பரதம் தமிழர்களின் கலை” என்று பலராலும் கண்டுபிடிக்கப்பட்டு அது கற்றுக்கொள்ளபடுகிறது. மேற்குலக நாடுகளின் பணபலம் நம்மவர் மத்தியிலும் பரவலாக புழக்கத்தில் உள்ளதால் பணம் படைத்தவர்களுக்கான கடவுளைப் புகழும் பரதநாட்டியம் தமிழரின் அதி உச்ச கலையாக மாறிப்போனது வேடிக்கை. மேற்குறிப்பிட்ட சங்க நிகழ்வுகளுக்கு பெண்கள் சீலை அணிந்து வருவதும் ஆண்கள் கோட்சூட் அணிந்து வருவதும் கலாச்சாரத்தை காப்பாற்றும் நோக்கம் என்றே கருதுகிறார்கள். நிகழ்வு மேடைகளிலும் கலாச்சாரம் காப்பாற்ற வேண்டும் என்கிற உபதேசங்கள் உரத்த குரலில் அறிஞர் பெருமக்களால் பேசப்படும். நானும் பலரிடம் தமிழ்க்கலாச்சாரம் பற்றிய அறிதலுக்காக அதற்கான கேள்விகளை முன்வைத்திருக்கிறேன். கலாச்சாரம் என்றால் என்ன என்ற கேள்விக்கு அறிஞர் பெருமக்கள் தொடக்கம் சாதாரண மக்கள் வரை அவர்களின் பதிலாக இருப்பது “பெண்கள் சேலை அணிவது, பொட்டு வைப்பது, தாலி கட்டுவது, ஒருவனுக்கு ஒருத்தி என வாழ்வது” ஆகியவைதான் என முடித்து விடுவார்கள். இந்தியாவில் தமிழர்கள் அல்லாதவரும் சேலை, போட்டு, தாலி, ஒருத்தனுக்கு ஒருத்தி வாழ்க்கை முறைப்படி வாழ்கிறார்கள். இதுதான் தமிழ் கலாச்சாரமா? தமிழர்களுக்கென தனித்துவமாக வேறேதும் இல்லையா? என திருப்பிக் கேட்டால் சிரிப்பு மட்டுமே பதிலாக வரும். நமக்கு தெரிவதெல்லாம் கலாச்சாரம் என்கிற ஒற்றைச் சொல் மட்டுமே! இந்த ஒற்றைச் சொல்லக்குப் பின்னால் சாதியமும் பெண்ணொடுக்கு முறையும் நிரம்பிக்கிடக்கிறது.             தொடரும்……   https://arangamnews.com/?p=4998    
    • உங்களை யார் பிள்ளைகளை படிக்க வைத்து அவர்களுக்கு அறிவை ஊட்ட சொன்னது. நாங்கள் அவர்களை தெருவில் நின்று தறுதலையாக திரிய வேண்டும் என்று எவ்வளவு கஸ்ரப்படுகிறோம். நீங்கள் என்ன என்றால்  உங்களை எல்லாம் திருத்த முடியாது. இப்படியே போனால் நாங்கள் எப்படி பிழைப்பு நடத்துவது
    • தமிழ் எழுத்துக்களின் வரலாறு | எழுத்து உருவான பின்னணி | தொல்காப்பியம் | பேசு தமிழா பேசு  
    • எல்லாத்தையும் கலப்பினம், பதவி கொடுப்பினம்  பிறகு பறிகொடுத்துவிட்டு வாய் பாப்பினம். இதுதானே காலா காலமாய் நடக்குது. சாணக்கியன் நிலைத்திருந்தால் அதுவே பெரிய சாதனை.
×
×
  • Create New...

Important Information

By using this site, you agree to our Terms of Use.