Jump to content

பட்டது + படிச்சது + பிடித்தது - விசுகு


Recommended Posts

  • கருத்துக்கள உறவுகள்
பட்டது + படிச்சது + பிடித்தது - 12
 
NEYMAR + PSG - காசு பணம் துட்டு மணி மணி
 
NEYMAR - ஒரு திறமையை பாவிப்பதைவிட வெல்வதற்காக குறுக்குவழிகளை நாடும் ஒரு விளையாட்டு வீரர்.
இவரது ஆட்டங்களின்போது இவர் எந்த நேரத்தில் என்ன செய்வார் என தெரியாது ரசிகர்களை ஒரு இக்கட்டான நிலையில் வைத்திருப்பவர்.
 
PSGக்கு என்று ஒரு தரமுண்டு. அது இனிமாறும். நாறும்.
ஆனால் அதன் ஐரோப்பிய கோப்பை கனவு பலிக்கலாம். தரமா? வெற்றியா என்றால்...?
இப்பொழுதெல்லாம் வெற்றியே முன் நகர்கிறது.
 
காசு பணம் துட்டு மணி மணி...
 
19884202_1603177869714375_50858601593711
Link to comment
Share on other sites

  • Replies 339
  • Created
  • Last Reply
  • கருத்துக்கள உறவுகள்
பட்டது + படிச்சது + பிடித்தது - 13
 
நேர்மை - நடிப்பு
 
எந்த ஒருவிடயத்திலும் சில அனுபவங்களையும் பாடங்களையும்  பெற்றுக்கொள்ளமுடியும்.
சிலவேளைகளில் அது பெரும் உண்மைகளை எடுத்துரைப்பதுமுண்டு.
BIGBOSS - இலிருந்து
ஓவியாவுக்கான மக்கள் ஆதரவும் ஜூலியுடனான கடுப்பும்.
கொஞ்சம் தூர நோக்கினால் பொதுவாழ்விலுள்ளவர்கள் நேர்மையாக இருக்கணும்.
நடிகைகள் என்ன வேண்டுமானாலும் செய்யலாம்.
நேர்மை தவறும் பொதுநலம்சார்ந்தவர்கள் கரும்புள்ளி செம்புள்ளி குத்தப்பட்டு தூக்கி எறியப்படுவார்கள்.
மக்களுக்கு மேலும்மேலும் இனம் காட்டப்படுவார்கள் (அதைத்தான் கமலும் இறுதிவரை செய்தார் tw_anguished:)
நடிகைகள் மன்னிக்கப்படுவார்கள்.
அவர்களது கண்ணீர் விலை மதிப்பற்றது.
ஆட்சி அமைக்கும் தகுதி பெறும். :(
Link to comment
Share on other sites

  • கருத்துக்கள உறவுகள்

பட்டது + படிச்சது + பிடித்தது - 14

இன்று 08-08 என் நண்பனின் பிறந்தநாள்.

அதிகம் பழகியது அதிகம் பகிர்ந்தது அதிகம் புரிந்து கொண்டது என்றால் அது என் மதி தான்.

அப்படித்தான் அவனுக்கும்.

முறையால் நான் சித்தப்பா அவன் மகன் என்ற போதும் நல்ல நண்பர்கள் நாங்கள்.

உயர்தரப்படிப்பு எம்மை பிரித்தபோதும்
விடுமுறை என்றால் ஒன்றில் அவன் கொழும்பிலிருப்பான் அல்லது நான் ஊரிலிருப்பேன்.

லீவு முடியும்வரை ஒன்றாகவே எங்களை காணலாம்.

எமது வாழ்வில்
படிப்பிலிருந்து பொறுப்புக்கள், காதல், திருமணம்........ என எல்லாமே

நாங்கள் இருவரும் பேசி எடுத்த முடிவுகளே.

இன்று முழுவதும் எனது கண்கள் கலங்கி இருக்கும்.

ஏனெனில் அவன் இன்று எம்மோடு இல்லை.

எனது 
உயிருள்ளவரை உன் நினைவிருக்கும்.

வாழ்த்துக்கள் மதி.

L’image contient peut-être : 2 personnes, fleur
Link to comment
Share on other sites

  • கருத்துக்கள உறவுகள்

உங்களின் துயரில் நாமும் பங்கு கொள்கிறோம் விசுகு....!

Link to comment
Share on other sites

  • கருத்துக்கள உறவுகள்
பட்டது + படிச்சது + பிடித்தது - 15
 
முதல் ஈழத்தமிழ் பெண் விமானி
 
இந்த சொல் தற்பொழுது அடிக்கடி அடிபடுகிறது. ஈழத்தமிழர்கள் மிகவும் சிரமப்பட்டும் மண் பற்றோடும் உயர்நிலை அடைவதால் இவ்வாறு ஈழத்தமிழர் எவராவது உயர்வடைவதை ஈழத்தமிழினம் தானாகவே கொண்டாடுகிறது. இந்த ஒற்றுமையும் ஒருவருக்கொருவரான போற்றுதலும் எம்மிடையே மேலும் மேலும் உயர்நிலையை அடைவதை ஊக்குவிக்கும். எனவே இது வரவேற்கத்தக்கதே.
 
அதேநேரம் அக்கறையின் பால் சில விடயங்களை சில தகவல்களை ஆராயாமல் சேர்த்துவிடுகின்றோம்.
 
ஈழத்தமிழ் மக்களைப் பெருமைப்பட வைக்கும் வகையில் அர்ச்சனா செல்லத்துரை அவர்கள் பெண்விமானியாக சாதனை படைத்துள்ளார். ஆனால் முதல் ஈழத்தமிழ்ப்பெண் விமானி என்பது தவறான முன்னுதாரணமாகும்.
 
அந்த பிள்ளைக்கு இதனை எடுத்துரைப்பதன் ஊடாக இனியும் இவ்வாறு தவறு ஏற்படாதவகையில் பார்த்துக்கொள்ளவேண்டிய பொறுப்பு எமக்குண்டு.
Link to comment
Share on other sites

  • கருத்துக்கள உறவுகள்
பட்டது + படிச்சது + பிடித்தது - 16
 
ஒரு நாள் குளிக்காது விட்டால் நாறும் உடலை வைத்துக்கொண்டு என்னவெல்லாம் ஆடுகிறார்கள் மனிதர்கள்.
Link to comment
Share on other sites

  • கருத்துக்கள உறவுகள்

பட்டது + படிச்சது + பிடித்தது - 17

சொந்த வாழ்விலும் சரி முகநூல் இணையவழிகளிலும் சரி

எனது நண்பர்களாக இருப்பதற்கு ஒரேயோரு விடயத்தை மட்டுமே நான் பார்ப்பதுண்டு.

தேசியத்தலைவரை அவர்கள் தலைவராக ஏற்கவேண்டுமென்பதில்லை.

அவரை ஒரு போராளியாகவாவது ஏற்றிருக்கணும் என்பது மட்டுமே.

இன்று எனது முகநூல் 600 நண்பர்களை அடைந்திருப்பதாக சொல்கிறது. 
அதற்காகவே இப்பதிவு.

மேலே நான் எழுதிய கருத்தில் மாறுபாடுடையவர்கள்

தவறுதலாக எவராவது சேர்க்கப்பட்டிருப்பின் அறியத்தாருங்கள்

அல்லது எனது நட்பில் இருப்பதா இல்லையா என்பதை நீங்களே முடிவெடுங்கள்.

Link to comment
Share on other sites

  • கருத்துக்கள உறவுகள்

பட்டது + படிச்சது + பிடித்தது - 18

ஒரு நாட்டின் சுதந்திரதினம்

ஒருவர்தனது நாட்டின் சுதந்திரதினத்தை கொண்டாடுகிறார் என்றால்

அவர் எமது எதிரியானாலும் அவரது சந்தோசத்துக்கும்

அவர் வணங்கும் கொடிக்கும் மரியாதை கொடுக்கணும்.

அந்த நாளில் அவை மீதான பகை பற்றி பேசுவதோ

அந்தக்கொடியின் சரி பிழைகள் பற்றி பேசுவதோ 
அந்த நண்பரை அந்த மக்களை கோபப்படுத்துவதாகும்.

அந்தவகையில் இன்று மௌனம்.

Link to comment
Share on other sites

  • கருத்துக்கள உறவுகள்

பட்டது + படிச்சது + பிடித்தது - 19

திடீர் லீவு?

சிலர் காலையில் எழும்பியவுடன் எந்தக்காரணமும் இன்றி முடிவெடுப்பார்கள்

இன்றைக்கு வேலைக்கு போகப்போவதில்லை என்று.

நான் வேலை செய்த இடங்களில் ஒரு போதும்

எவ்வளவு தான் சுகயீனமாக இருந்தபோதும்

இது போன்று திடீர் ஓய்வு எடுத்ததில்லை.

அதிக சுகயீனமாக இருந்தால் கூட முக்கிய நேரத்தில் மட்டுமாவது

அன்று சென்று தான் பின்னர் அனுமதியோடு லீவு எடுப்பதுண்டு.

காரணம் முதலாளிக்காகவோ மேலதிகாரிகளின் கோபதாபங்களுக்காகவோ அல்ல.

நான் இவ்வாறு திடீரென ஓய்வெடுத்தால் பாதிக்கப்படப்போவது எனது சக நண்பனே.

எமது சக நண்பன் இவ்வாறு திடீரென லீவெடுத்தால்

எமக்கு எவ்வளவு கடினமாகவும் கடுப்பாகவும் இருக்கும்??

Link to comment
Share on other sites

  • கருத்துக்கள உறவுகள்
பட்டது + படிச்சது + பிடித்தது - 20
 
சீரியசாக மட்டும் தான் பேசமுடியுமா என்ன?
 
கோழியா?
முட்டையா?
முதலில் வந்தது??
 
(நன்றி தம்பி நெடுக்கு)
 
 
 
 

 

 

 
Link to comment
Share on other sites

  • கருத்துக்கள உறவுகள்

பட்டது + படிச்சது + பிடித்தது - 21

இன்று படப்பிடிப்பு நாளாம்.

இதோ எனது சின்ன மகளின் கமராக்கைவண்ணம்.

safe_image.php?d=AQBlvWaJwh3gnLUg&w=160&
33 Followers, 28 Following, 95 Posts - See Instagram photos and videos from @okami_19
INSTAGRAM

https://www.instagram.com/okami_19/?hl=fr

Link to comment
Share on other sites

  • கருத்துக்கள உறவுகள்
பட்டது + படிச்சது + பிடித்தது - 22
 
போட்டோக்களும் நாமும்...
 
இன்று வேற்றுநாட்டவர்கள் முகநூலில் இணையங்களில் தமது குழந்தைப்பருவ படங்களிலிருந்து தமது ஒவ்வொரு பருவ வளர்ச்சிகளின் படியே தமது மற்றும் தமது குடும்ப போட்டோக்களை போடுவார்கள்.
 
சிலவேளைகளில் கண்கள் பனிப்பதுண்டு. என்னிடம் சிறுவயது மற்றும் பாடசாலைப்பருவ மற்றும் எனது குடும்பப்படங்கள் எதுவுமில்லை. எல்லாம் கலவரத்தோடு போச்சு.
 
நான் மட்டுமல்ல ஈழத்தமிழர்களது நிலையே இது தான். எத்தனை இடம்பெயர்வு???
Link to comment
Share on other sites

  • கருத்துக்கள உறவுகள்
பட்டது + படிச்சது + பிடித்தது - 23
 
முதலாளி + தொழிலாளி = பேச்சுவார்த்தை (கொடுக்கல் வாங்கல்)
 
ஒரு பெரிய நிறுவனத்தில் (600 தொழிலாளர்கள்) தொழிலாளர்களின் நலன் கருதி முதலாளிகளுடன் பேச்சுவார்த்தை நடாத்தும் இருவரில் ஒருவராக  நானும் இருந்தேன்.
சம்பள உயர்வு கேட்கும் போது நாம் ஒரு மணித்தியாலத்துக்கு இத்தனை சதம் தானே என கணக்கு பார்ப்போம்.
ஆனால் முதலாளிகள் அதனை வேலை செய்யும் ஆட்களின் தொகையாலும்
வருடத்துக்கு எவ்வளவு எனவும் கணக்கு போடுவார்கள்.
அது மில்லியன்களை தாண்டிவிடும். எனவே அது நிறைவேறாது.
 
ஆனால் அதே நிறுவனத்துக்கும்  முதலாளிக்கும் தொழிலாளிக்கும் நன்மை தரும்
சில சட்டங்களும் அரசகொடுப்பனவுகளும் இருக்கின்றன.
அவற்றை கேட்பதினூடாக தொழிலாளர்கள் நன்மை பெறுவதுடன் நிறுவனமும் நன்மையும்  மதிப்பும் அடையும்.
 
அவற்றையே நாங்கள் இருவரும் செய்தோம்
 
1- வீடில்லாதவர்களுக்கு வீட்டுவசதி (1% patronal et 1% logement)
2- வேலை செய்யும் காலத்துக்கு ஏற்ப சம்பள உயர்வு
3- வருட இறுதியில் நிறுவனத்தின் இலாபத்தில் ஒரு பங்கு (13வது மாத சம்பளம்)
4- மருத்துவ காப்புறுதி (Mutuelle)
5- இரவு வேலை செய்பவர்களுக்கு வாகன வசதி (Taxi)
6- குறிப்பிட்ட மணித்தியாலயத்துக்கு மேல் (5 மணித்தியாலம்) இரண்டு சாப்பாட்டுக்கு பணம்
7- தமக்கு கொடுக்கப்பட்ட வேலையை சரியாக செய்து நிறுவனத்தின் பொருளாதாரத்தை சிதையாமல் பார்ப்பவர்களுக்கு கூடுதல் கொடுப்பனவு (Prime)
8- வட்டியில்லாக்கடன் வசதி
 
தொழிலாளர்களின் உரிமையை பாதுகாத்தபடி இவ்வாறு பலவற்றை செய்த திருப்தி என்றும் உண்டு.
 
உங்கள் எவருக்காவது பயன்படலாம்.
Link to comment
Share on other sites

  • கருத்துக்கள உறவுகள்
பட்டது + படிச்சது + பிடித்தது - 24
 
நல்லூர்க்கந்தன் திருவிழா
 
பார்க்க ஆசையாகவும் பெருமையாகவும் இருக்கு.
மக்கள் சந்தோசமாக கூடி ஆடி மகிழ்வதை வரவேற்கணும் ஊக்கப்படுத்தணும்.
 
ஆனால் புலம் பெயர் தமிழர்கள் இந்த விழாவுக்கு மட்டும் போவது
அந்த மக்கள் வெள்ளத்தில் கலப்பது மட்டும் ஒரு போதும் கந்தனது கருணையை தராது.
அவர்கள் வன்னிக்கும் கிழக்குக்கும் போகணும். அதுவே தர்மமும் கூட.
Link to comment
Share on other sites

  • கருத்துக்கள உறவுகள்
பட்டது + படிச்சது + பிடித்தது - 25
 
ஒருவருக்கு மீனை கொடுப்பதை விட மீனை எப்படி பிடிப்பது என கற்றுக்கொடுப்பதே சரி
 
இப்படி ஒரு பழமொழியுண்டு.
இதன் அர்த்தம் பணஉதவி செய்யாமல்
பணத்தை எவ்வாறு உழைக்கலாம் என்பதை கற்றுக்கொடுத்தலாகும்.
 
இதை தெரிந்த பலரும்
தமது பிள்ளைகளுக்கு இதை சொல்லிக்கொடுத்திருக்கிறீர்களா??????
 
இல்லை என்பது தான் பதில்.
Link to comment
Share on other sites

  • கருத்துக்கள உறவுகள்
பட்டது + படிச்சது + பிடித்தது - 26
 
கடவுள் = நம்பிக்கை - மறுப்பு
 
கடவுள் மறுப்புக்கும் அறிவுக்கும் முடிச்சுப்போடுவதை காணக்கூடியதாக உள்ளது.
சிலர் தம்மை பகுத்தறிவாளன் என்றபடி
தாம் அறிவாளிகள் என்றும் முடிச்சு போடுகிறார்கள்.
இது தவறு.
பகுத்தறிவென்பது சில மூட நம்பிக்கைகளிலிருந்து வெளி வருவது.
அதற்கும் அறிவுக்கும் சம்பந்தமில்லை.
அவ்வாறு கடவுள் மறுப்புக்கும் அறிவுக்கும் தொடர்பிருப்பதாக சொல்பவர்கள்
உண்மையில் இன்னோரு மூடநம்பிக்கையை புகுத்துகிறார்கள்.
Link to comment
Share on other sites

  • 2 weeks later...
  • கருத்துக்கள உறவுகள்

பட்டது + படிச்சது + பிடித்தது - 27

வெளிநாட்டுப்பறப்புக்களைவிட வாழும் தேசத்தை முழுமையாக அறிதலே விருப்பமான ஒன்று எனக்கு.

அந்தவகையில் இந்தமுறை சென்ற இடம் COLMAR.

இந்த மண்ணின் கதையை நாம் படித்து வைக்கணும்.

சில தலைமுறைகளுக்கு முன்னர்வரை

சொந்த மொழி கலாச்சாரங்களுடன் வாழ்ந்த இந்தமண்ணின் மக்கள்

பின்னர் யேர்மனிய பிரெஞ்சு அரசுகளால் மாறி மாறி ஆட்கொள்ளப்பட்டு

இன்று தமது மொழி மற்றும் தேசத்தை தொலைத்து பிரெஞ்சு மக்களாக மாற்றப்பட்டுள்ளனர்.

அமெரிக்கர்களுக்கு இந்த சிலையை வடிவமைத்ததும்

முதன் முதலில் கல்குலேற்றரை கண்டுபிடித்ததும் இந்த மண்ணில் பிறந்தவர்களே.

அதன் ஞாபகார்த்தமாக இன்னொரு சிலை அந்த மண்ணில் இன்றும்.

மரத்தூண்களினூடே சீமெந்தால் சூழப்பட்ட அவர்களது வீடுகள்

இன்றும் அவ்வாறே காட்சி தருகின்றன. பாதுகாக்கப்படுகின்றன.

L’image contient peut-être : 1 personne, debout, herbe, plante, arbre, ciel, plein air et nature
L’image contient peut-être : 1 personne, debout, ciel et plein air
L’image contient peut-être : plein air
21432815_10209859030733546_5252597932039
Link to comment
Share on other sites

  • கருத்துக்கள உறவுகள்
பட்டது + படிச்சது + பிடித்தது - 28
 
பேனாவின் கூர்மை அறிவோமா??
 
ஆயதப்போராட்டம் மற்றும் வன்முறைக்கு எதிராக எழுதுபவர்களை கவனித்தால் ஒன்று புரியும்
இவர்களின் எழுத்துக்களில் மிகுந்த வன்முறையும் ஆத்திரப்படுத்துதலும் இருக்கும்.
 
இதனுடன் ஒப்பிடும் போது ஆயுதங்கள் சாதாரணமானவையாகிவிடும்.
 
இந்த எழுத்து வன்முறைக்கு நிகரான ஆயுதம் உலகில் எதுவுமே இல்லை எனலாம்.
 
கத்தி மட்டுமல்ல பேனாவும்இரு பக்கமும் கூர்மையானது தான்.
அதனால் தான் அது அவர்களையே பதம் பார்த்து விடுகிறது.
 
இதிலே பேனாவை ஆயுதமாகப்பாவிப்பவர்கள் கையிலே
ஆயுதமும் வந்து விட்டால்........???
Link to comment
Share on other sites

  • கருத்துக்கள உறவுகள்
பட்டது + படிச்சது + பிடித்தது - 29
 
வெல்வதற்காக எதையும் செய்யும் மனநிலை.
 
நேற்று BIGBOSS நிகழ்ச்சி பார்த்தபோது சுட்டது.
 
வெல்வதற்காக
ஒரே குடும்பமாக நண்பர்களாக பழகுபவர்களில் ஒருவர்
சக நண்பரின் மேல் மிளகாய்த்தூளை கரைத்து ஊற்றுகிறார்கள்.
வெல்வதற்காக எதையும் செய்யலாம் என முடிவெடுத்திருந்தால்
கெட்ட பெயரோடு இன்று தமிழருக்கென்று ஒரு நாடு இருந்திருக்கும்.
ஆனாலும் அத்தனை அக்கிரமங்களையும்
போர்க்குற்றங்களையும் செய்து வென்ற சிங்களம்
உலகத்தால் ஒதுக்கப்பட்டா விட்டது?????
Link to comment
Share on other sites

  • கருத்துக்கள உறவுகள்
பட்டது + படிச்சது + பிடித்தது - 29
 
ஆறுமுக நாவலர் பற்றி அதிகம் பேசப்படுகிறது.
தயவு செய்து ஒருவரை விமர்சிக்க முன்னர் அவர் பற்றி முழுமையாக அறியுங்கள்.
காலம் சூழ்நிலைகளை உணருங்கள்.
 
குறும்படப்போட்டிக்கான விருதுக்கு
நாவலர் பெயரை வைத்தபோது வந்த எதிர்ப்பும் இவ்வாறானதே.
 
தமிழும் சைவமும் அழியும் நிலையிலிருந்த சூழ்நிலையில்
அதைக்காத்தவர்கள் வரிசையில் முதன்மையானவர் ஆறுமுக நாவலர் அவர்கள்.
 
 
நாளை ஒரு காலத்தில் பிரபாகரன் பற்றியும் இவ்வாறு விவாதங்கள் நடக்கக்கூடும்.
 
போற்றுதற்குரியதை நல்லதை எடுத்துக்கொள்வோம்.
Link to comment
Share on other sites

  • கருத்துக்கள உறவுகள்
பட்டது + படிச்சது + பிடித்தது - 30
 
நேற்றைய BIGBOSS பார்த்தவர்களுக்கு ஒன்று புரிந்திருக்கும்.
தமிழகத்தின் அரசியல்நிலை இது தான்.
ஒருத்தர் நாடகம் கதை வசனம் உணர்ச்சி வயப்படுதல் மற்றும் ஏமாற்றுதல் (சினேகன்)
மற்றவர்
ஒன்றை
அடைவதற்காக எதையும் சவாலாக ஏற்று மூர்க்கத்தனமாக வெல்லும்வரை போராடுபவர் (சுயா)
 
இரண்டு பேருமே தமிழகத்துக்கு ஆபத்தானவர்கள் என்பது தான்
தமிழக அரசியல் தரும் பாடம்.
Link to comment
Share on other sites

  • கருத்துக்கள உறவுகள்
பட்டது + படிச்சது + பிடித்தது - 31
 
பிள்ளைகளின் திருமணம்
 
இப்பொழுதெல்லாம் வளர்ந்த மக்களை வைத்திருப்பவர்களுக்கு
அவர்களது திருமணம் சார்ந்து முடிவுகளை எடுப்பது மிகவும் கடினமாக இருக்கிறது.
 
என்னைப்பொறுத்தவரையும்
என் பிள்ளைகளைப்பொறுத்தவரையும்
எனது இறகுகளின் கீழ் அவர்களுக்கிருக்கும் பாதுகாப்பு
சுதந்திரம் வேறு எங்கும் கிடைக்கப்போவதில்லை என்பதை
நானும் பிள்ளைகளும் உணர்கின்றோம்.
 
ஆனாலும் சமூகமும் காலமும் எனது ஆயுளும் உந்தி தள்ளுகின்றன.
 
இது தான் அநேகமான பெற்றோர்களின் நிலையாக உள்ளது.
Link to comment
Share on other sites

  • கருத்துக்கள உறவுகள்
பட்டது + படிச்சது + பிடித்தது - 32
 
உண்மையான
பிரபலமான
கள்ளங்கபடமற்ற ஒருவருக்கு
விளம்பரம் தேவையில்லை என்கிறார்கள்?
 
அப்புறம் கடவுளுக்கு ஏன் இத்தனை விளம்பரம்?????
Link to comment
Share on other sites

  • கருத்துக்கள உறவுகள்
பட்டது + படிச்சது + பிடித்தது - 33
 
அந்த முருகனுக்கே இவர் நிகரானவர்.
அ.....ந்..... த முருகனுக்கே இவர் நிகரானவர்.........
 
நாம் எதையும் மறக்கவுமில்லை
மன்னிக்கவுமில்லை
 
அவர்களை புதைக்கவுமில்லை
விதைத்தோம்
எம்முள் விதைத்தோம்.............
 
L’image contient peut-être : 1 personne, ciel et plein air
 
 
L’image contient peut-être : 5 personnes, feu
 
Link to comment
Share on other sites

  • கருத்துக்கள உறவுகள்

பட்டது + படிச்சது + பிடித்தது - 34

வித்தியாவுக்கான நீதி

சொந்த பந்தம்
ஊர் உறவு 
லஞ்சம் 
பணத்திமிர் 
அரச அதிகாரம் 
அடக்குமுறை 
சட்ட ஆளுமை 
அத்தனையையும் தாண்டி.....

சில மாதங்களாக தலையை குனிந்த எனது மண் தலை நிமிர்கிறது.

நீதிக்காக வீதியில் இறங்கிய
போராடிய 
இதற்காக கடைசிவரை உழைத்த
அனைவருக்கும் நன்றிகள்

தர்மம் வாழும்
நிலைக்கும்
நீ அதற்காக  இறுதிவரை  போராடினால்......

Link to comment
Share on other sites

Archived

This topic is now archived and is closed to further replies.




×
×
  • Create New...

Important Information

By using this site, you agree to our Terms of Use.