• advertisement_alt
  • advertisement_alt
  • advertisement_alt
Sign in to follow this  
ஈழவன்85

திருமலையில் திருடப்படும் தமிழரின் நில ஆட்சி

Recommended Posts

-ஜி.முத்துக்குமார்-

திருகோணமலை மாவட்டம் தமிழர்களை இனரீதியாக பெரும்பான்மையாகக் கொண்டிருந்தும் நிருவாக பரவலாக்கல் அலகுகள் அவர்களை திட்டமிட்டு புறம்தள்ளியிருப்பதை 11 பிரதேச செயலாளர் பிரிவுகளாக மாவட்டம் பிரிக்கப்பட்டிருப்பதைக் கொண்டு அறிந்து கொள்ள முடியும்.

தற்போது திருகோணமலை மாவட்டத்தில் 11 பிரதேச செயலகங்களும் 11 பிரதேச சபைகளும் இரண்டு நகரசபைகளும் செயற்பட்டு வருகின்றன. இவற்றில் சிங்களவர்களுக்கு ஐந்து பிரதேச செயலகப் பிரிவுகளும் ஐந்து பிரதேச சபை பிரிவுகளும் தனிச் சிங்கள பெரும்பான்மை கொண்டதாக எல்லைகள் வகுக்கப்பட்டு தேவைக்கேற்ப நிலங்களும் பிரித்துக் கொடுக்கப்பட்டிருக்கிறது. உதாரணத்திற்கு மூதூர் பிரதேச செயலகப் பிரிவுக்குள் வரும் நீலாப்பளை என்ற கிராமம் கங்குவேலி தமிழ்கிராமத்திற்கு வடக்கே மல்லிகைத்தீவு கிராமத்திற்கு மேல் அமைந்துள்ளது. ஆனால், கங்குவேலிக் கிராமத்திற்கு தெற்காக வரைபடத்தில் காட்டி நீலாப்பனை கிராம உத்தியோகத்தர்களவை சேருவில பிரதேச செயலகத்திற்குள் கொண்டு வந்துள்ளார்கள். இது ஒரு எடுத்துக் காட்டு மட்டுமே.

இதேபோல், முஸ்லிம்களுக்காக கிண்ணியா, மூதூர், தம்பலகமம், குச்சவெளி நான்கு பிரதேச செயலகப் பிரிவுகளும், நான்கு பிரதேச சபையும், ஒரு நகரையும் நிருவகிக்கப்பட்டு வருகிறது. தமிழ் மக்களுக்கு இரண்டு பிரதேச சபையும், ஒரு நகரையும், இரண்டு பிரதேச செயலகங்கள் மட்டுமே நிருவாக அலகுகள் என்று கூறக்கூடிய வகையடுத்துள்ளது. தம்பலகமம், மூதூர், குச்சவெளி, திருகோணமலை பட்டினமம் சூழலும் ஆகிய பிரதேச செயலகங்களில் இருந்து தமிழ் மக்களுக்கு (சனத்தொகை, நிலப்பரப்பு, நிருவாகம் மக்களை இலகுவாகச் சென்றடைத்தல் என்ற வரையறைக்குள் வைத்து) ஐந்து புதிய பிரதேச செயலகங்களும் ஐந்து பிரதேச சபைகளும் புதிதாக உருவாக்கப்பட வேண்டும்.

ஆனால், காலம் காலமாக திருகோணமலை மாவட்டத்தில் தமிழ் மக்களின் உரிமைகளைப் பறிக்கும் நிலையே தொடர்ந்து சிங்கள அரசாங்கத்தாலும் உள்ளூர் அரசியல் தலைமைகளாலும் மேற்கொள்ளப்பட்டு வருகிறது. நாம் ஆரம்ப காலத்தை எடுத்துக் கொண்டால் மாவட்டத்தில் கொட்டியாபுரபற்று, தம்பலமப்பற்று, கட்டுக்குளம்பற்று, திருகோணமலை என நான்கு காரியதிகாரி பிரிவுகளே இயங்கி வந்தன.

கொட்டியாபுரபற்று காரியதிகாரி பிரிவின்கீழ் Bரம்பகாலத்தில் தோப்பூர், கிண்ணியா, சம்பூர், கூனித்தீவு, கட்டைபறிச்சான், பள்ளிக்குடியிருப்பு, ஈச்சிலம்பற்று என முஸ்லிம்களுக்கு மூன்று விதானைமார் பிரிவுகளும் தமிழர்களுக்கு ஐந்து விதானைமார் பிரிவுகளும் ஆரம்பத்தில் இருந்தே இயங்கின. 1962 ஆம் ஆண்டு விதானைமார் கிராமசேவையாளராக பதிவிமாற்றம் செய்யப்பட்டபோது சேருவல கிராம அதிகாரி பிரிவும் இணைத்துக் கொள்ளப்பட்டது. அதன் பிற்பாடு உதவி அரசாங்க அதிபர் பிரிவு என்ற நிருவாக முறைமை கொண்டு வரப்பட்டது.

கொட்டியாப்புரபற்று பிரிவுக்குள் இயங்கிய 8 பிரிவுகளில் கிண்ணியா ஈச்சிலம்பற்று தவிர்ந்த பிரிவுகள் மூதூர் உதவி அரசாங்க அதிபர் பிரிவின் கீழ் கொண்டு வரப்பட்டன. இதில் ஆரம்பத்தில் இருந்த 2 முஸ்லிம் பிரிவுகளையும் சனத்தொகைக்கு ஏற்ப 20 பிரிவுகளாகவும் தமிழரின் சனத்தொகைக்கு ஏற்ப 22 பிரிவுகளாகவும் ஜனசக்தி அவிபிருத்திக்காக பிரிவுகள் பிரித்து இலகுவாக்கப்பட்டன. முஸ்லிம் பிரிவுகளில் மூதூர் நகரை அண்டிய 13 பிரிவுகள் 20.2 ஹெக்ரயர் பரப்பளவில் 6005 குடும்பங்களில் 25142 அங்கத்தவர்களைக் கொண்டு இன்று வரையும் இயங்குகின்றன. மூதூர் நகரிலிருந்து 16 கி.மீ. தொலைவிலுள்ள தோப்பூர் பிரதேசமானது 7 கிராம அதிகாரி பிரிவுகளைக் கொணடு 39.9 ஹெக்ரயர் பரப்பளவில் 2726 குடும்பங்களில் 10165 அங்கத்தவரையும் கொண்டு இன்று வரையும் இயங்குகின்றன.

கொட்டியாப்புரபற்றில் இயங்கிய 4 தமிழ் கிராம சேவையாளர் பிரிவுகளையும் சனத்தொகை நிலப்பரப்பிற்கு ஏற்ப 22 ஆகப் பிரித்து செய்யப்பட்டு வருகிறது. மூதூர் கிழக்கில் 11 பிரிவுகளில் 53.9 ஹெக்ரயர் பரப்பளவில் 4058 குடும்பங்களில் 14996 அங்கத்தவரையும் கொண்டு மூதூர் தெற்கு 9 கிராம அதிகாரி பிரிவுகளைக் கொண்ட 55.6 ச.கி.மீ. பரப்பளவில் 2614 குடும்பங்களில் 14065 அங்கத்தவரையும் கொண்டு இன்று வரையும் இயங்குகிறது. இறால்குழி மூதூர் மத்தி ஆகிய தமிழ் கிராமசேவையாளர் பிரிவுகளுடன் சேர்க்க முடியாமையால் நிர்வாக இலகுகருதி மூதூரில் இயங்கும் 13 முஸ்லிம் பிரிவுகளுடன் இணைந்து செயற்பட வேண்டும். மேற்படி விபரங்களைக் கொண்டு ஆராயப்படும் விடயங்களை சம்பந்தப்பட்ட அதிகாரிகளுக்கு கொண்டுச் செல்ல அரசியல் மற்றும் சமூகத் தலைவர்கள் முன்வரவேண்டும்.

மாவட்டத்தில் திட்டமிடப்பட்ட குடியேற்றங்களின் பின்பு சேருவெல, கந்தளாய், பதவிசிறிபுர, கோமரங்கடவல, மொறவெவ என 5 தனிச் சிங்களப் பிரதேச செயலகப் பிரிவுகளும் கிண்ணியா, தம்பலகமம், மூதூர், குச்சவெளி என்பன பெரும்பான்மையாக முஸ்லிம்களைக் கொண்ட பிரதேச செயலகங்களும் திருகோணமலையும் அண்மையில் ஏற்படுத்தப்பட்ட வெருகல் உதவி அரசாங்க அதிபர் காரியாலயமும் தமிழர்களுக்கான பிரதேச செயலகங்களாக இன்றும் இயங்கிவருகின்றன. வெருகல் உதவி அரசாங்க அதிபர் காரியாலயம் 1990 ஆம் ஆண்டில் ஆரம்பிக்கப்பட்டாலும் அதைப் பிரதேச செயலகமாக தரமுயர்த்த அரசாங்கம் விரும்பவில்லை. சேருவல பிரதேச செயலக நிருவாகத்தின் கீழ் ஓர் உப அலுவலகமாகவே கடந்த 15 வருடங்கள் செயற்பட்டு வந்தது. 2005 க்குப் பிற்பாடு பிரதேச சபை தேர்தலில் சேருவெல பிரதேசத்தில் தமிழர்கள் ஆட்சியைப் பிடிப்பார்கள் என அஞ்சிய சிங்களத் தலைவர்களின் வற்புறுத்தலால் அரச உயர் மட்டங்கள் வெருகல் உதவி அரசாங்க அதிபர் பிரிவு சுயமாக இயங்கும் நிர்வாகத்தை நடத்த அனுமதித்துள்ளது.

இதேபோன்றே தமிழர்களின் சனத்தொகையை கணிசமாகக் கொண்டிருக்கும் தம்பலகமம். மூதூர் குச்சவெளி போன்ற பிரதேச செயலகங்களும் தமிழர்களுக்காக பிரித்து வழங்கப்பட வேண்டிய பிரதேச செயலகங்களாகும். மூதூர் பிரதேச செயலகம் 42 கிராம உத்தியோகத்தர் பிரிவுகளை நிர்வகித்து வருகிறது. இவற்றில் 22 தமிழ் பிரிவுகளும் 20 முஸ்லிம் பிரிவுகளும் அடங்கும். 1983 க்குப் பின் அடிக்கடி ஏற்படும் வன்செயல் இடம்பெயர்வுகளால், தமிழர்களின் சனத்தொகையில் வீழ்ச்சி ஏற்பட்டுள்ளது என்பது உண்மை. ஆனால், பிரதேச செயலகப் புள்ளிவிபரங்களின்படி ஏறத்தாழ 7000 முஸ்லிம்கள் அதிகமாக உள்ளதை ஏற்றுக் கொள்ளமுடியாதுள்ளது.

இந்த நிலையில், மூதூர் பிரதேச செயலகத்தை 3 பிரதேச செயலகங்களாகப் பிரித்து மூதூரை முஸ்லிம்களுக்காகவும் மூதூர் கிழக்கை தமிழர்களுக்கும் மூதூர் தெற்கை தமிழ், முஸ்லிம்களுக்காகவும் நிர்வாகத்தை இலகுபடுத்தித் தரும்படி எல்லைகள் மீள்நிர்ணய ஆணைக்குழுவிற்கு முன்னாள் மூதூர் பிரதேச சபை உறுப்பினரான மு.சௌந்தரராஜனால் 1996.06.07 இல் கோரிக்கை முன் வைக்கப்பட்டது. இக்கால கட்டத்தில் திருகோணமலை மாவட்டத்தில் இப்படியான கோரிக்கைகள் எதுவும் ஆணைக்குழுவிற்கு முன் வைக்கப்படவில்லை.

இக்கோரிக்கை மூலம் தமிழ் முஸ்லிம் மக்களின் உறவுகளில் யுத்த நடவடிக்கையினால் பாதிப்பு ஏற்படாமலும் அவரவர் பிரதேசங்களில் அபிவிருத்தி நடவடிக்கைகளை மேற்கொள்ளவும் திட்டங்களை வகுத்து மூதூர் கிழக்கில் 11 தமிழ் கி.உ.பிரிவுகளை உள்ளடக்கிய பிரதேச செயலக அலகொன்றை சம்பூரில் நிறுவுவதென்றும் அவை நல்லூர், பாட்டாளிபுரம், பள்ளிக்குடிருப்பு, கட்டைபறிச்சான், வடக்கு கட்டைபறிச்சான் தெற்கு கடக்கரைச்சேனை, சேனையூர், சம்பூர், மேற்கு சம்பூர் கிழக்கு, கூனித்தீவு, நவரத்தினபுரம் ஆகிய கிராம சேவை உத்தியோகஸ்தர் பிரிவுகளை ஒரு பிரிவாகவும் உள்ளடக்கியிருக்கும். அடுத்து மூதூர் தெற்கில் தமிழ் முஸ்லிம் மக்கள் கலந்துவாழும் எல்லைக் கிராமமான பாலத்தடிச்சேனையில் பிரதேச செயலகம் அமைப்பதென்றும் பரிந்துரைக்கப்பட்டது.

இப்பிரிவில் 9 தமிழ்ப் பிரிவுகளும் அவை மல்லிகைத்தீவு, கிளிவெட்டி, பட்டித்திடல், பெருவெளி, இருதயபுரம், பாலத்தடிச்சேனை, மேன்காமம், கங்குவேலி, பாரதிபுரம் என்பனவையும் ஏழு முஸ்லிம் பிரிவுகளான தோப்பூர், பாலத்தோப்பூர், ஜின்னாநகர், ஆஸாத்நகர், அல்லைநகர் கிழக்கு அல்லைநகர் மேற்கு, இக்பால்நகர் என்பன அடங்கும் என்றும் மல்லிகைத் தீவு, கிளிவெட்டி, தோப்பூர் உபபிரதேச சபைகளுக்கு மத்திய இடமாக இருக்கும் பாலத்தடிச்சேனையே பொருத்தமான இடமாக இருக்கும் என்று எல்லைகள் மீள் நிர்ணயம் ஆணைக்குழுவிற்கு தமிழர்தரப்பால் பிரேரணை முன்வைக்கப்பட்டது.

மூதூர் பிரதேச செயலகப் பிரிவுக்குட்பட்ட 42 கிராமசேவையாளர் பிரிவுகள்

தமிழ்ப் பிரிவுகள்

பிரிவு, பிரிவுஇல., பரப்பளவு(ச.கி.மீ. )

218, மல்லிகைத்தீவு, 8.4

218,ஏ, கிளிவெட்டி, 4.8

218 பி, பட்டித்திடல், 3.4

218 சீ, கங்கவேலி, 9.4

218 டீ, பெருவெளி, 4.2

218 ஈ, இருதயபுரம், 3.0

218 எப், பாலத்தடிச்சேனை , 9.6

218 ஜி , பாரதிபுரம் , 8.6

218 ஐ , மேங்காமம், 4.2

219, பள்ளிக்குடியிருப்பு, 3.9

219 ஏ, நல்லூர் , 6.4

219 பி பாட்டாளிபுரம், 3.4

220, சம்பூர் கிழக்கு, 3.2

220 ஏ, சம்பூர் மேற்கு, 2.4

221, உனித்தபவு ,4.0

221 ஏ, தவரட்ணபுரம்,8.6

222 , கட்டைப்பறிச்சான் தெற்கு , 4.0

222 ஏ ,சேனையூர், 3.2

222 பி , கட்டைப்பறிச்சான் வடக்கு, 4.6

222 சி , கடற்கரைச்சேனை , 4.0

224 டி ,இறால்குழி ,2.0

223 எப்,மூதூர் மத்தி, 0.4

முஸ்லிம் பிரிவுகள் பிரிவு , பிரிவு இல., பரப்பளவு (ச.கி.மீ. )

216 , தோப்பூர், 4.0

216 ஏ, அல்லைநகர் கிழக்கு, 3.2

216 பி, எக்பாநகர் , 10.3

216 சி, பாலத்தோப்பூர், 9.6

216 டி, ஜின்னா நகர், 4.8

216 ஈ , அல்லைநகர் மேற்கு, 3.2

223 எச், ஆஷாத்நகர் , 4.8

223 ஏ, மூதூர் கிழக்கு , 2.4

223 பி, ஆனைச்சேனை, 0.4

223 சி, தக்வாநகர், 3.2

223 டி, நெய்தல்நகர், 1.6

223 ஈ, நடுத்தீவு, 0.8

223 ஜி, பாலநகர் ,0.8

224, மூதூர்மேற்கு , 1.2

224 ஏ, பெரியபாலம், 2.4

224 பி, ஆலீம்நகர், 4.0

224 சி, தாகர்நகர் , 2.8

224 ஈ , ஜின்னாநகர் , 0.8

224 எப் , சாபிநகர் , 4.0

244ஜி, ஜாயாநகர், 3.2

தொடரும்

http://www.thinakkural.com/news/2007/3/4/a...s_page22622.htm

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • இப்பிடியே போன மோசடியா கொள்ளையடித்த ஸ்ரீதர் தியேட்டர் என்ன ஆகிறது?
    • தவறாக புரிந்துவிட்டீர்கள்! வர வர அந்த நாட்டில, ஹிந்தியாவில, பெரும்பாலும் எதுக்குமே நீதிநியாமில்லை! இந்த நிலைல என்கவுண்டர் மட்டும் எப்பிடி தப்பா ஆகிவிடும் என்பதே உட்கருத்து. மேலும், இதிலையும் இவங்க தான் அல்லது இவங்க மட்டும் தான் குற்றவாளி என்று யாருக்கு தெரியும்? சொறிலங்கால நடக்காத என்கவுண்டரா? அப்பாவிகள் பாதிக்கப்பட்டதில்லையா? எதுக்குமே நீதிநியாமில்லை! சமூக விரோதிகளை அடையாளம் கண்டு, விசாரித்து, நீதியான தீர்ப்பு வழங்குமளவுக்கு விடுதலைப் புலிகளிடமிருந்த திறமையிலும் நேர்மையிலும் 1% கூட ஹிந்திய, சொறிலங்கா அரசுகளிடம் இல்லை.
    • Tholar Balan 12 hrs •ஏழரைக் கோடித் தமிழரில் உணர்வுள்ள தமிழன் ஒருவன்கூடாவா இல்லை? ஈழத் தமிழ் அகதிகளுக்கு இந்திய குடியுரிமை கிடையாது என இந்திய வெளியுறவுதுறை இணை அமைச்சர் நித்தியானந் ராய் கூறியுள்ளார். அதேவேளை பாகிஸ்தான் ஆப்கானிஸ்தான் பங்களாதேஸ் போன்ற நாடுகளில் இருந்து வந்த இந்து அகதிகளுக்கு இந்திய குடியுரிமை வழங்கப்படுகிறது. ஆனால் ஈழத் தமிழ் அகதிகள் இந்துவாக இருந்தாலும் அவர்களுக்கு குடியுரிமை வழங்க இந்திய அரசு மறுக்கிறது. ஈழத் தமிழ் அகதிகள் இந்தியாவிற்குள் சட்ட விரோதமாக குடியேறியவர்கள் என்றும் அதனால் அவர்களுக்கு குடியுரிமை வழங்க முடியாது என்றும் அமைச்சர் கூறுகிறார். எந்த ஆவணமும் இன்றி உயிர் பிழைக்க கட்டிய துணியுடன் ஓடி வருபவர்கள்தானே அகதிகள். அவர்கள் எப்படி அனுமதி பெற்று நாட்டிற்குள் வர முடியும்? இதுகூடத் தெரியாமல் ஒரு அமைச்சர். பரவாயில்லை. ஆனால் இந்த அமைச்சர் தெரிந்துகொள்ள வேண்டியது “லண்டன் கனடா போன்ற நாடுகள் ஆறு லட்சம் ஈழ அகதிகள் சட்ட விரோதமாக நுழைந்திருந்தாலும் அவர்களுக்கு குடியுரிமை வழங்கியுள்ளன”. ஆனால் ஈழ அகதிகள் தமது தாய் தமிழகத்திற்கு சட்ட விரோதமாக அகதியாக வரக் கூடாது என்று இந்திய அமைச்சர் கூறுகிறார். அதுமட்டுமல்ல தமிழ்நாட்டில் ஈழத்தமிழனுக்கு குடியுரிமை இல்லை என்று இந்திய அமைச்சர் முடிவு செய்கிறார். என்னே கொடுமை நிலை தமிழனுக்கு? உலகில் வேறு எந்த இனத்திற்கும் இந் நிலை ஏற்பட்டதுண்டா? அதேவேளை இன்னொரு விடயத்தையும் தமிழ் மக்கள் தெரிந்துகொள்ள வேண்டும். வங்கதேச முதல்வர் மம்தா பனர்ஜி தனது மேற்கு வங்க மாநிலத்தில் சட்டவிரோதமாக குடியேறிய வங்க இன மக்களுக்கு குடியுரிமை பெற்றுக் கொடுத்திருக்கிறார். மம்தா பனர்ஜியால் தனது இன மக்களுக்கு குடியுரிமை பெற்றுக்கொடுக்க முடியும் என்றால் எமது தமிழக தலைவர்களால் ஏன் ஈழ தமிழ் அகதிகளுக்கு குடியுரிமை பெற்றுக் கொடுக்க முடியவில்லை? ஏனெனில் மம்தான பனர்ஜி வங்க இனத்தவர். எனவே அவர் தனது இனத்திற்கு விசுவாசமான தலைவராக இருக்கிறார். தமிழக தலைவர்கள் பெரும்பாலானவர்கள் தமிழர்கள் இல்லை. அதனால்தான் அவர்கள் தமிழ் இனத்திற்கு விசுவாசமானவர்களாக இல்லை. அண்மையில் பார்ப்பணர் குருமூர்த்தி தமிழக முதலமைச்சரையும் துணை முதலமைச்சரையும் ஆண்மையற்றவர்கள் என்று பேசினார். ஆனால் தமிழக அரசு அவர் மீது வழக்கு பதிவு செய்யவில்லை. மாறாக சீமான் மீது வழக்கு பதிவு செய்துள்ளது. இதுகூடப்பரவாயில்லை. நடிகர் ராகவா லாரன்ஸ் என்பவர் சீமான் தமிழர்களுக்காக பேசுவதை தன்னால் பொறுத்துக்கொள்ள முடியாது என்றும் இனி பேசினால் கடும் விளைவுகள் வரும் என்று மிரட்டுகிறார். என்னடா இது தமிழனுக்கு வந்த சோதனை? தமிழ்நாட்டுக்கு பிழைக்க வந்த நடிகர்கள் தமிழனை ஆள நினைப்பது மட்டுமன்றி தமிழனை மிரட்டவும் ஆரம்பித்து விட்டார்களே? இப்படி ஒருவர் கர்நாடகாவில் இருந்துகொண்டு கன்னடர்களுக்கு எதிராக பேச முடியுமா? அவ்வாறு பேசியிருந்தால் இந்நேரம் பெற்றோல் குண்டு வீசியிருக்கமாட்டார்களா? ஆனால் தமிழ்நாட்டில் மட்டும் எப்படி இவர்களால் தமிழனுக்கு எதிராக தைரியமாக பேசவும் செயற்படவும் முடிகிறது? தமிழ்நாட்டில் உப்பு போட்டுச் சாப்பிடுகிற தமிழன் ஒருவன் கூட இல்லை என்று இவர்கள் நினைக்கிறார்களா?          
    • மொத்தமாக 4000 பவுண்ட்க்கு மேலாக செலுத்த வேண்டுமாம். வழக்கு தாக்கல் செய்யும் போது பலர் இணைந்து நட்டஈடு கேட்டு வழக்கு தாக்கல் செய்திருந்தால் இத்தொகை பல மடங்கு அதிகரித்திருக்குமாம்.
    • முன்னாள் முதலமைச்சர் க.வி.விக்னேஸ்வரனை ஒரு மிக மோசமான முட்டாள், ஒரு அரசியல் அறிவிலி  என சதிகார ஆனந்தசங்கரி கருதுறார் என்டு தெரியுது. விக்கியர் அண்மைக் காலங்களில் சில முட்டாள் வேலைகளை செய்து வந்ததால் சதிகார ஆனந்தசங்கரி இப்பிடி கருதுறாரோ தெரியலை.