யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு
Athavan CH

எனது சிறு பயணமொன்று..... லிடோ டி ஜேசலோ(இத்தாலி)

Recommended Posts

இது ஒன்றும் பயண அனுபவமோ அல்லது பயணக் கட்டுரையோ அல்ல, இப்படி ஒரு இடம் இருக்கிறது இங்கு போய் வந்தேன் என உங்களுக்குச் சொல்வது தான் நோக்கம் .

map.png


இம்முறை வசந்த கால விடுமுறைக்கு இத்தாலியின் கடற்கரை நகரங்களில் ஒன்றான ஜேசலோவிற்கு ஒர் ஐந்து நாள் பயணம் போய் வந்தோம். பயணத்திற்கான நோக்கம் பெரிதாக ஒன்றுமில்லை வீடு , வேலை, மன அழுத்தங்கள் எல்லாவற்றையும் மறந்து சில நாட் கள் ஒய்வெடுப்பது தான் நோக்கம்.எனது வேலை இடத்து நண்பன் ஒருவர் ஐந்தாறு தடவைகள் ஜேசலோவிற்கு சென்று வந்தது ஜேசலோவினை தெரிவு செய்தமைக்கான காரணமாக இருந்தது அத்துடன் எனது வீட்டிலிருந்து 600 km தூரத்திலிருந்ததும் ஒரு காரணம்

எமது  வீட்டிலிருந்து காரில் பயணம் 600km தூரம் ஏறத்தாள 7 மணித்தியாலப் பயண நேரம். சிறுவர்களுடன் பயணம், கடைசி மகளுக்கு 1 வயது, எப்படியும் பால் குடுக்க , பம்பர்ஸ் (நப்பி) மாற்ற என இரண்டு மூன்று தரிப்புகள் எடுக்க வேண்டி வரும், போக்குவரத்து நெரிசலும் ஒரு பெரிய பிரச்சனையாக வாய்ப்பு உள்ளது. எனவே பயண நேரம் 9 மணி நேரமாக இருக்கும் எனத் திட்டமிட்டு காலை 4 மணிக்கு புறப்படுவதாகத் திட்டமிட்டோம், பயணத்திற்கு முதல் நாள் காருக்கு ஓயில், தண்ணீர், ரயரின் காற்றழுத்தம் எல்லாம் சரி பார்த்துக்கொண்டேன் . இத்தாலி யில்  பெருந்தெருக்களுக்கு கட்டணம் செலுத்த வேண்டும் பணமாகச் செலுத்தலாம், ஆனால் விடுமுறை காலங்களில் நீண்ட வரிசையில்  நிற்க வேண்டி வரும் என எனது வேலைத்தள இத்தாலி நண்பன் எச்சரிக்க ,கார்ட்டில் செலுத்த முடிவெடுத்தேன்,  எல்லா இடங்களிலும் கடனட்டை பாவிக்க விருப்ப மில்லாததால் . இங்கே TCS  இல்  இத்தாலி பெருந்தெருக்களுக்கு கட்டணம் செலுத்த வியாகாட்(VIA CARD) என ஒன்று விற்பதாக அறிந்து 50 யூரோவிற்கு ஒரு வியாகாட் வாங்கிக் கொண்டேன்.

திட்ட மிட்ட படியே காலை 4 மனிக்கு புறப்படக்கூடியதாக இருந்தது மனைவி தான் பாவம் அதிக வேலைச் சுமை நான் 11.00 மணிக்குப் படுக்கச் செல்ல , அவர் தான் கடைசி நேர ஒழுங்குகளை யெல்லாம் பூர்த்தி செய்து 12.00மணிக்குப் படுத்து 2.30  மணிக்கு எழும்பி பிரசாக பானெல்லம் அவனில் போட்டு தேனீர் போட்டு என்னை 3.15 க்கு எழுப்ப  நான் குளித்து  தேனீர் குடித்து பான் எல்லாம் ஒரு கட்டு கட்டி மனைவியுடன் சேர்த்து பிள்ளைகளிருவரையும் தயார் படுத்தி காரில் ஏற 4.15 ஆகியது

கார் புறப்பட  இரண்டு திட்டங்கள்  மனதில் ஓடியது   சுவிசின் டொச்  மொழி மாநிலங்களையும் சுவிசின் இத்தாலி  மொழி மாநிலமான டிச்சினோ (Ticino ) வையும் பிரிக்கும் அல்ப்ஸ் மலைகுகையான 17 Km நீளமான "கொட்டார்ட்"  குகையையும் ,  சுவிஸ் - இத்தாலி போடரினையும் எந்தவித போக்குவரத்து நெரிசலும் இல்லாமல் கடப்பது , என்பதே அது

மனைவியும் இரு  பிள்ளைகளும் காரில் பின்னாலேயே இருக்க நான் தனியே முன்னே . மனைவியும் , கடைசி மகளும் கார் புறப்பட்டு 10 நிமிடத்திலேயே நித்திரைக்குச் செல்ல  மூத்த மகள் என்னுடன் கதைத்துக் கொண்டே வந்தா. அவருடன் கதைத்துக்கொண்டே  காரும் சுவிஸ் கிராமங்களை மெல்லிருட்டில் கடந்து கொண்டிருந்தது..., நேரமும் 5.00 மனியை நெருங்க சூரிய கதிர்களும் வெளியே கசியத்தொடங்கின சற்றே காரின் வேகத்தைக் கூட்டி ஹைவேயைத் தொட்டு "கொட்டார்ட்"  குகையை நெருங்க டிரபிக்கும் கூடியிருந்தது .

55300225_588x368_web.jpg

கொட்டார்ட் குகை  17 km நீளமானது தரையிலுள்ள வாகனப்போக்குவரத்திற்கான குகைகளில் உலகிலேயே நான்காவது நீளமானது (முதலாவது நீளமான குகை(24.5 km) நோர்வேயிலுள்ளது) கொட்டார்ட் குகை யினுள் இரு வழிப் பாதை மாத்திரமே உள்ளது போக ஒன்று வர ஒன்று , ஹைவே யில் இரண்டு ட்ரெக்கில் வரும் வாகனங்கள் குகைக்கு வெளியே நிறுத்தப்பட்டு ஒரு ட்ரெக்கினூடகவே உள்ளே அனுமதிக்கப்படும் இதனால் குகைக்கு வெளியே ட்ரபிக் அதிகமாகும் விடுமுறை கால மென்றால் சொல்லத் தேவையில்லை

0.45534700_1464853261.jpg?itok=MGjJwuVl

கொட்டார்ட் குகை

எவ்வளவு முயற்சி செய்தும் ட்ரபிக்கில் மாட்ட வேண்டி வந்து விட்டது .  மெதுவாக உருண்டு கொண்டிருந்த கார்  இப்போது  நிற்க வேண்டி வந்து விட்டது. வீட்டிலிருந்து புறப்பட்டதுக்கு  2 மணித்தியாலம் கழித்து முதன் முதலில் கார் நிற்கிறது. மெதுவாக காரின் முன் பக்க ஜன்னல்கள் இரண்டையும் திறக்கின்றேன் அல்ப்ஸ் மலைகளினூடே தவழ்ந்து வந்த மெல்லிளங் குளிர் காற்றலைகள் என் முகத்தில் அறைந்து களைப்பை அள்ளிச் செல்கின்றன....,

அதிக நேரம் எடுக்கவில்லை ஒரு அரை மணித்தியாலமே டிரபிக்கில் நிற்க வேண்டி வந்தது. ... இப்போது மெதுவாக ஊரத் தொடங்கிய கார் வேகம் பிடித்து 80 km/h இல் "கொட்டார்ட்"  குகையினுள் நுழைகிறது இனி 17  km  தூரத்திற்கு குகை தான்.... குகையின் அரைவாசித் தூரம் கடந்ததும் சுவிஸ் சின் டொச் மொழி மாநில எல்லை முடிந்து சுவிஸ் இத்தாலி மொழி மாநில எல்லை வரவேற்கிறது.... குகை முடிந்து சிறிதுதூரம் செல்ல 80 km/h வேக எல்லை முடிய , காரும் சுவிஸ் ஹைவேயின் அதி கூடிய வேக மான 120 km/h இனைத்தொடுகிறது..  இடையில் ஒர் ஹைவே எரிபொருள் நிலையம் தென்பட  ஒரு எஸ்பிரசோ குடித்தால் நல்லா இருக்குமென மனம் நினைக்க ...., சுவிஸ் எல்லையை விரைவில் கடக்க வேண்டும் என்ற நிலையில்  அடுத்த 100 km இனையும் நிற்காமல் ஓடுவதென முடிவெடுத்து நான் வேகம் பிடிக்க மற்றய பெரும்பாலான கார்கள் வேகம் குறைத்து ட்ரக் மாற்றி ரெஸ்டுரன்டை நோக்கி நகர்ந்தன.... ,அவை பெரும் பாலும் ஜேர்மனி,நெதர்லாந்து, பெல்ஜியம் கார்களாகவே காணப்பட்டன.....,  அவர்கள் சில வேளை அதிகாலை ஒருமணி, இரன்டு மணிக்கு வெளிக்கிட்டிருப்பார்கள் அவர்களுக்கு ஒரு பிரேக் தேவைப் பட்டிருக்கும்,

இப்போது காலை சூரிய வெளிச்சம் நன்கு பரவியிருக்க சுவிஸ் நாட்டின் ஒரெயொரு இத்தாலி மொழி பேசும் மாநிலமான டிச்சினோ இதமாக சூரியக்குளியல் செய்து கொண்டிருந்தது  ஹைவேயில் அதிகளவில் வாகனங்கள் காணப்பட்டாலும் எல்லா வாகனங்களும் 120 km/h இலேயே போய்கொண்டிருந்தன இது மிகவும் ரசிக்கக் கூடியதாக இருந்தது.  சுவிசிலுள்ள ஹைவே களில் டிச்சினோவிலுள்ள இந்த A2 ஹைவேயும் நல்ல அழகானது இரண்டு பக்கமும் கம்பீரமாய் நிற்கும் அல்ப்ஸ் மலைகளினூடு பயணிப்பது ஒரு இனிமையான அனுபவம்

switzerland-2584423_960_720.jpg

 

Autobahn A2, Valle Leventina

 

மகளுக்கும் நான் இடையிடேயே டிச்சினோ மாநிலத்தைப் பற்றிக் கூறிக்கொண்டே வந்தேன். இடையிடயே விழித்த மனைவி இப்போது நன்கு விழித்தெழுந்து தனது கால்களை hand break க்கு மேலால் முன்னால் நீட்டி லாவகமாக இருந்து கொண்டு இயற்கையை ரசித்துக் கொண்டே சிறிது சிறிதாக செய்து கொண்டு வந்த சான்ட் விச்சுகளை பரிமாறினா எனக்கும் பசி யெடுக்க ஒவ்வொரு வாய்க்கும்  ஒவ்வொரு சான்ட் விச்சுகளை அனுப்பி கொண்டிருந்தேன் ,

டிச்சினோ மாநில தலை நகரான பெலின்சோனா வினை கார் கடந்து சென்று கொண்டிருந்தது காலைக் கதிரவனின் கதகதப்பில் பெலின்சோனா பள்ளத்தாக்கு பளபளத்துக் கொண்டிருந்தது. அதனழகு என்னை வசியம் செய்து இடம் கிடைத்தால் காரை ஒரம் கட்டி சில நிமிடம் நின்று ரசிக்கச் சொன்னது ஆனால் ஹைவேயில் அதற்கான இடமும் இல்லை , எனக்கு நேரமும் இல்லை மனம் ரசனையில் இருக்க காரின் வேகமும் இயல்பாகக் குறைய வீதியும் சற்று ஏற்றமாக ஏறிக்கொண்டே போக  PS குறைந்த எனது கார் சற்று சிரமப்பட கியரை 4க்கு மாற்றி முடியாமல் போக 3 க்கு மாற்றி வேகம் எடுத்து  டிச்சினோ மாநிலத்தின் பெரிய நகரான அழகிய லுகானோவைக் கடந்து கொண்டிருந்தது சுவிசில் எனக்குப் பிடித்த நகரம் எது எனக் கேட்டால் லுகானோ எனத்தான் சொல்வேன் அவ்வளவு ரம்மியமானது அது .

1280px-Castelgrande_Bellinzona.JPG

பெலின்சோனா (Bellinzona)

switzerland-2361939_960_720.jpg

 

01-006-lugano-inverno_crop01.jpg

லுகானோ(Lugano)

இப்போது கார் சுவிசின் எல்லைப்பபுர நகரான கியாசசோவினை அடைந்திருந்தது.பெரிதாக வாகன நெரிசல் இருக்கவில்லை  கஸ்டம்சினூடாக 20 km/h  கார் ஊர்ந்து கொண்டிருந்தது , கியாசோ   கஸ்டம் அதிகாரிகளும் பொலிசும் கொஞ்சம் கடுமையானவர்கள் மோசமான இத்தாலி மாபியாக்களை கையாள்பவர்கள், மற்றும் எல்லை கடக்கும் சட்டவிரோத குடியேறிகளையும் சமாளிப்பவர்கள்...., ஆனால் என்னை போகச் சொல்லி கையசைத்தார்கள் கூடவே மகளுக்கும் கையசைத்து bye சொன்னார்கள் ,
மிகவும் மகிழ்ச்சியாகவே சுவிசுக்கு ஒரு bye சொல்லி இத்தாலிக்குள் நுழைந்தோம் ....., பெரிதாக வாகன நெரிசலுக்குள் சிக்காமல் வந்தது மிகப்பெரிய நிம்மதியாக இருந்தது 5 நிமிட ஓட்டத்தில் இத்தாலியின் கோமோ பிரதேசத்தில் முதலாவது எரிபொருள் நிலையம் மற்றும் ரெஸ்டுரன்ட்  வர எனது காரும் அதனை நோக்கி சென்றது.... உள்ளே போனால் கார் விட இடமில்லை எல்லாம் நிறைந்து வழிந்தது பல கார்கள் தரிப்பிடம் தேடி அலைந்து கொண்டிருக்க ஒரு ஜேர்மன் இலக்கமுடைய BMW  இன் பின்னே வெள்ளை லைட் தெரிய என் முகத்திலும் லைட் எரிய இப்போது எனது கார் அந்த இடத்தில், காரை அணைத்து,  hand break ஐ இழுத்து , நான் கீழிறங்க எனது குட்டி மகளும் கண் விழிக்க எல்லாம் நலமே ....., 

கடைசி மகளையும் Bagஐயும்நான் தூக்க மனைவி  பெரிய மகளை அணைத்த படி ரெஸ்டுரன்டினுள் நுழைய உள்ளே ஒரே சனக்கூட்டமும், கபே கப்புகளின் சத்தமும் பணியாளர்களின் இத்தாலி மொழி உரையாடலும் மனதுக்கு ஒரு வித கிளர்ச்சியைக் கொடுத்தது.... பாத்ரூம் சென்று முகத்தில் குளிர் தண்ணீரை அடித்து தலைக்கும் கொஞ்சம் தேய்த்து வெளியே வந்து சில வினாடி காத்திருக்க  மனைவியும் பிள்ளைகளை கூட்டிச் சென்று பம்பர்ஸ் எல்லாம் மாற்றி வந்தார். காரினுள் சாப்பிட்டதால் பெரிதாக பசி இல்லை ஏதாவது குடிப்போம் என முடிவெடுக்க , இல்லை பிள்ளைக்கு முதலில் பால் குடுக்க வேண்டும் என மனைவி சொன்னா(அது தான் தாயுள்ளம் ) நீங்களும் பெரிய மகளும் ஏதாவது குடியுங்கோ நான் பால் குடுத்திட்டு வாறன் என அவா சொல்ல பால் போத்தலினுள் பால் கரைத்தால் ,பால் சூடு ஆற கொஞ்சம் நேரம் எடுக்கும் போல இருக்கவே நான் நேரம் போகிறது என மனைவியை அவசரப்படுத்த நாம் எல்லாரும் கோபி குடிக்க முடிவெடுத்து ஒரு லத்தே மக்கியாத்தோவும் (எனக்கு), இரண்டு ஓவல் மாட்டினும்  வாங்கி குடித்து முடிக்கவும் .சிறிய மகளின் போச்சி பால் ஆறவும் சரியாக இருந்தது.  நான் காரில் போய் மகளுக்கு பால் குடுக்கிறேன் நீங்கள் இருவரும் ஒரு 10நிமிடம் கழித்து வாங்கோ எனக்கூறி விட்டு மனைவி சிறிய மகளுடன் சென்று விட்டா, நான் மீண்டும் ஒரு எஸ்பிரசோ வினை வாங்கிக் குடித்து விட்டு செல்ல ,  மகளும் பால்குடித்து ரெடியாக இருந்தா அவாவைத்தூக்கி முதுகில் மேல்நோக்கி சில தடவைகள் தடவி ஏவறை (birth) எடுக்கச் செய்து maxi cosi  இனுள் இருத்தி பெல்ட் போட்டு விட்டு , பின்னால் சென்று காரைத்திறந்து எனது bag இனுள் ரீசேட் ஒன்றை எடுத்து மாற்றிக் கொண்டேன், இப்போது புத்துணர்வு   இன்னம் கொஞ்சம் கூடியிருந்தது .

நான் காரை ஸ்டார்ட் செய்து பின்னோக்கி நகர்த்தி திருப்பவம் இன்னுமொருவர் முகமெல்லாம் பல்லாகா எனது இடத்தில் கொண்டு வந்து தனது காரை விட்டு எனக்கு நன்றி சொன்னார் ( பாவம் அதிக நேரம் இடம் தேடி அலைந்திருப்பார் போலும்) ரெஸ்டுரன்டின் அருகிலேயே இருந்த எரிபொருள் நிலையத்தினுள் ஒரு புல் டாங் பெற்றோல் அடித்து விட்டு , காரை இத்தாலி ஹைவேயில் ஏற்றுகின்றேன் , மனதிற்குள் பயணத்திட்டம் ஓடுகிறது இனி மிலானோ( Milan ) நோக்கிச் சென்று அங்கிருந்து வெனிஸ் (Venice) நகரை நோக்கிச் செல்லும் ஹைவே யினுள் ஏறி ஜேசலோ exit எடுக்க வேண்டும் மிலானோ ஒரு 50km  , அங்கால ஒரு 300 km ஒடினால் போதும்...

கிடைக்கும் நேரத்தினைப் பொறுத்து மிகுதியை தொடர்கிறேன்.....

Edited by Athavan CH
  • Like 20
  • Thanks 2
  • Haha 1

Share this post


Link to post
Share on other sites

தொடருங்கள்....ஆதவன்..!

வாசிக்க மிகவும் நன்றாக உள்ளது!

துணைவியாரை பின் சீட்டுக்கு அனுப்பி விட்டுக்...காரோட்டியது தான் எனக்கு மிகவும் பிடித்த பகுதி!

அதனுள்....மிகப்பெரிய 'இராசதந்திரம்' புதைந்திருக்கின்றது என்பது இதை வாசிக்கும் பலருக்கும் ...உடனே புரியாது என்று நினைக்கிறேன்!

  • Like 2

Share this post


Link to post
Share on other sites

கட்டுரையாளர் தனது பயணத்தை விபரிக்க விதம்.....  கட்டுரையை  சோர்வு இல்லாமல் வாசிக்கத்  தூண்டுகின்றது.
பகிர்விற்கு... நன்றி ஆதவன்.

  • Like 1

Share this post


Link to post
Share on other sites

ஐரோப்பாவின் அழகை சில வேளைகளில் வார்த்தைகளால் வர்ணிக்க முடியாது.ஆதவன் முயற்சி செய்துள்ளார். தொடருங்கள். வாசிக்கும் ஆவலை தூண்டியுள்ளீர்கள்.

  • Like 1

Share this post


Link to post
Share on other sites

பயணக் கட்டுரையின் ஆரம்பமே அசத்தலாக இருக்கு ஆதவன், படங்களும் பிரமாதம் தொடருங்கள்......!  tw_blush:

  • Like 1

Share this post


Link to post
Share on other sites
19 hours ago, புங்கையூரன் said:

தொடருங்கள்....ஆதவன்..!

வாசிக்க மிகவும் நன்றாக உள்ளது!

துணைவியாரை பின் சீட்டுக்கு அனுப்பி விட்டுக்...காரோட்டியது தான் எனக்கு மிகவும் பிடித்த பகுதி!

அதனுள்....மிகப்பெரிய 'இராசதந்திரம்' புதைந்திருக்கின்றது என்பது இதை வாசிக்கும் பலருக்கும் ...உடனே புரியாது என்று நினைக்கிறேன்!

நான் நேர்மாறு மனிசி பக்கத்தில இருக்கோணும்., நித்திரைச்சாமிக்கு வேறு தெரிவில்லை:grin:

  • Like 4

Share this post


Link to post
Share on other sites

அவுஸ் மிகவும் பெரிய தேசம், நந்தன்!

சிட்னியிலிருந்து மெல்பேனுக்கோ...அல்லது பிரிஸ்பனுக்கோ போறதெண்டால்...சராசரி...ஆயிரம் கிலோமீட்டர் வரையும் ஓட வேணும்! அனேகமாக குறைந்த அளவு..வேகம்...110 கிலோ மீற்றர் என்றாலும்...நூற்றி இருபது..அல்லது நூற்றி இருபத்தைந்தில் ஓடினால் தான் நேர காலத்துக்குப் போய்ச் சேரலாம்!

பக்கத்தில இருந்தால் ...ஸ்பீடோ மீட்டரைப் பாத்த படியே ...அப்பா...அப்பா...எண்டு ஒரே அலுப்பு!

அவை சொல்லுற வேகத்தில ஓடினால்...பின்னால வாறவன் எங்கட காருக்கு மேலால ...ஏறிப் போயிருவான்!

அது தான்...சனத்தைப் பின் சீற்றில விடுகிற ....இராச தந்திரம்!

நம்மிட்டக் கார் பழகினதுகள்...நமக்கே படிப்பிக்க வெளிக்கிட்டால்...பொல்லாத விசர் தா வரும்!

  • Like 1
  • Haha 1

Share this post


Link to post
Share on other sites

பகிர்வுக்கு நன்றி ..தொடருங்கள்.

Edited by யாயினி
  • Like 1

Share this post


Link to post
Share on other sites

தொடரட்டும் ஆதவன் அட சின்ன வயசுக்காரராயா நீங்கள்  ஹாஹா:unsure:

14 hours ago, நந்தன் said:

நான் நேர்மாறு மனிசி பக்கத்தில இருக்கோணும்., நித்திரைச்சாமிக்கு வேறு தெரிவில்லை:grin:

இந்தாழுக்கு வேற பிரச்சினை  இருக்கு  ஆளை அனுப்புங்கய்யா அந்தப்பக்கம்  எப்ப பாரு:10_wink: 

  • Like 1

Share this post


Link to post
Share on other sites

ஆதவனின் பயணக் கட்டுரை அருமையாக உள்ளது. படங்களும் மிக அழகு. தொடருங்கள்

  • Like 1

Share this post


Link to post
Share on other sites
On 25.9.2017 at 5:04 AM, புங்கையூரன் said:

தொடருங்கள்....ஆதவன்..!

வாசிக்க மிகவும் நன்றாக உள்ளது!

துணைவியாரை பின் சீட்டுக்கு அனுப்பி விட்டுக்...காரோட்டியது தான் எனக்கு மிகவும் பிடித்த பகுதி!

அதனுள்....மிகப்பெரிய 'இராசதந்திரம்' புதைந்திருக்கின்றது என்பது இதை வாசிக்கும் பலருக்கும் ...உடனே புரியாது என்று நினைக்கிறேன்!

அதையேன் பேசுவான்!!!! இவையளை முன் சீற்றிலை இருந்தினமெண்டால் கிட்டத்தட்ட ஒரு பொலிஸ்காரனை பக்கத்திலை இருத்தினதுக்கு சமம்.

கையாலை ஸ்ரேறிங் பிடிக்கிறது மட்டும் நான்.....மற்றும்படி வாயாலை கிளச் அமத்துறது....கியர் போடுறது....பிரேக் பிடிக்கிறது எல்லாம் அவையள்தான்.......சில நேரத்திலை திடீரெண்டு தேவையில்லாமல் அப்பா எண்டு கத்துவினம்......அந்தநேரத்திலை நாங்கள் சடண் பிரேக் போடாமல் நிதானமாய் ஓடணும்.

  • Like 1
  • Haha 1

Share this post


Link to post
Share on other sites
On 26/09/2017 at 9:14 AM, புங்கையூரன் said:

அவுஸ் மிகவும் பெரிய தேசம், நந்தன்!

சிட்னியிலிருந்து மெல்பேனுக்கோ...அல்லது பிரிஸ்பனுக்கோ போறதெண்டால்...சராசரி...ஆயிரம் கிலோமீட்டர் வரையும் ஓட வேணும்! அனேகமாக குறைந்த அளவு..வேகம்...110 கிலோ மீற்றர் என்றாலும்...நூற்றி இருபது..அல்லது நூற்றி இருபத்தைந்தில் ஓடினால் தான் நேர காலத்துக்குப் போய்ச் சேரலாம்!

பக்கத்தில இருந்தால் ...ஸ்பீடோ மீட்டரைப் பாத்த படியே ...அப்பா...அப்பா...எண்டு ஒரே அலுப்பு!

அவை சொல்லுற வேகத்தில ஓடினால்...பின்னால வாறவன் எங்கட காருக்கு மேலால ...ஏறிப் போயிருவான்!

அது தான்...சனத்தைப் பின் சீற்றில விடுகிற ....இராச தந்திரம்!

நம்மிட்டக் கார் பழகினதுகள்...நமக்கே படிப்பிக்க வெளிக்கிட்டால்...பொல்லாத விசர் தா வரும்!

 

On 27/09/2017 at 10:34 AM, குமாரசாமி said:

அதையேன் பேசுவான்!!!! இவையளை முன் சீற்றிலை இருந்தினமெண்டால் கிட்டத்தட்ட ஒரு பொலிஸ்காரனை பக்கத்திலை இருத்தினதுக்கு சமம்.

கையாலை ஸ்ரேறிங் பிடிக்கிறது மட்டும் நான்.....மற்றும்படி வாயாலை கிளச் அமத்துறது....கியர் போடுறது....பிரேக் பிடிக்கிறது எல்லாம் அவையள்தான்.......சில நேரத்திலை திடீரெண்டு தேவையில்லாமல் அப்பா எண்டு கத்துவினம்......அந்தநேரத்திலை நாங்கள் சடண் பிரேக் போடாமல் நிதானமாய் ஓடணும்.

 

  • Like 4

Share this post


Link to post
Share on other sites

ஆதவன் நீங்கள் மட்டுமல்ல நாங்களும் உங:களுடன் சேர்ந்து பயணம் செய்த மாதிரியே இருக்கிறது.

அது சரி வாகனத்தை ஓட்டிக் கொண்டு எப்படி படங்கள் எடுத்தீர்கள்?

  • Like 1

Share this post


Link to post
Share on other sites
On 9/25/2017 at 2:10 AM, Athavan CH said:

55300225_588x368_web.jpg

கொட்டார்ட் குகை  17 km நீளமானது தரையிலுள்ள வாகனப்போக்குவரத்திற்கான குகைகளில் உலகிலேயே நான்காவது நீளமானது (முதலாவது நீளமான குகை(24.5 km) நோர்வேயிலுள்ளது) கொட்டார்ட் குகை யினுள் இரு வழிப் பாதை மாத்திரமே உள்ளது போக ஒன்று வர ஒன்று , ஹைவே யில் இரண்டு ட்ரெக்கில் வரும் வாகனங்கள் குகைக்கு வெளியே நிறுத்தப்பட்டு ஒரு ட்ரெக்கினூடகவே உள்ளே அனுமதிக்கப்படும் இதனால் குகைக்கு வெளியே ட்ரபிக் அதிகமாகும் விடுமுறை கால மென்றால் சொல்லத் தேவையில்லை

0.45534700_1464853261.jpg?itok=MGjJwuVl

கொட்டார்ட் குகை

 

இயற்கைக்கு சவாலான உயரமான மலைகளைக் குடைந்து, இந்தக் குகை அமைந்தவிதம் பற்றி சில தடவை யூ டுயூபில் பார்த்து ரசித்துள்ளேன்..

பல தொழிற்நுட்ப பணியாளர்களின் கடின உழைப்பால் கட்டி முடிக்கப்பட்டுள்ளது.. அவர்களுக்கு பாராட்டுக்கள்.. !

you-did-it-congratulations.png?w=820&h=3

On 9/25/2017 at 2:10 AM, Athavan CH said:

 

Autobahn A2, Valle Leventina

 

1280px-Castelgrande_Bellinzona.JPG

 

01-006-lugano-inverno_crop01.jpg

மிக ரம்மியமான, மனதை கொள்ளை கொள்ளும் அழகு..! படங்களுக்கு நன்றி..!!

ஒரு திரைப்படத்தின் சுவாரசியத்தை முதல் பத்து நிமிடங்களிலேயே கணித்து விடலாம்.. நமது மனதிலும் முத்திரை பதித்துவிடும்..

படங்களின் அழகிற்கு இணையாக ஆதவனின் திறமையான எழுத்து நடையும் கட்டுரையை தொடர்ந்து வாசிக்க எதிர்பார்ப்பை தூண்டுகிறது..

 

  • Like 1

Share this post


Link to post
Share on other sites

இத்தாலி ஹைவேகள் 3 ட்ரக்குகளைக் கொண்டது அதி கூடிய வேகம் 130 km/h, சுவிஸ் ஹைவேகளைப் போலவே இங்கும் பல நாட்டுக் கார்களைக் காண்கிறேன் ஜேர்மன், பிரான்ஸ், மெல்ஜியம், நெதர்லாந்து, போலந்து .... ஏன் டென்மார்க், நோர்வே கார்களையும் காணக்கூடியதாக உள்ளது, சுவிசை விடக் கொஞ்சம் வித்தியாசமாக அதிகளவில் GB கார்களைக் காண்கிறேன்

இத்தாலி ஒரு அழகான நாடு, அதிகளவு சுற்றுலா பயணிகள் செல்லும் நாடுகள் வரிசையில் ஐரோப்பாவில் பிரான்ஸ், ஸ்பயினுக்கு அடுத்ததாக மூன்றாவது இடத்தில் வரும் நாடு. உலகின் முன்னனி உணவுக் கலாச்சாரத்தைக் கொண்டது இத்தாலியின் மிலான், ரோம் போன்ற நகரங்கள் உலகின் ஆடை அலங்கார( fashion world) வரைபடத்தில் தவிர்க்க முடியாத நகரங்கள், சிறந்த இயந்திர தொழில் நுட்ப ஆற்றல் கொண்ட நாடு உலகப் புகழ் பெற்ற பராரி(ferrari), லம்போர்கினி (lamborghini) போன்ற கார்களினதும், டுகாட்டி (ducati) ,ஜிலேரா(gilera) போன்ற மோட்டார் சயிக்கிள்களினதும் தாயகம் மற்றும் பல தொழிற்சாலை இயந்திரங்களை உற்பத்தி செய்யும் நாடு எனினும் ஊழல் ஆட்சிகளாலும், ஒழுங்கற்ற திட்டங்களினாலும் சரிவைச் சந்திக்கும் நாடு

800px-Autostrada_A7_Italia_01.jpg

இத்தாலி ஹைவே

சிறிது தூரம் ஹைவேயில் செல்ல கட்டணம் செலுத்துமிடம் வருகிறது....... எதிர்பார்த்த படியே கூட்டம் கும்மி யடிக்க சிறிது தாமதத்தின் பின்னர்  கட்டணம் கட்டி வெளியேறுகிறேன், மிலானோவை அண்மித்ததும் மீண்டும் ஒர்முறை கட்டணம் கட்டுகிறேன். இப்போது மிலானோபிரதேசத்தில் , மிலானோ இத்தாலியின் இரண்டாவது பெரிய நகரம் இத்தாலியின் வர்த்தக தலை நகரம். அழகிய மிலான் டொமோ பேராலயம் உள்ளது,  சொப்பிங் போகலாம் மற்றபடி பார்க்க பெரிதாக இடங்கள் இல்லை என நினைக்கிறேன்.

milan-6.jpg

மிலான் டொமோ பேராலயம் (Milan Cathedral , Mailänder Dom )

(படம்:cheapflightslab.com/direct-return-flights-from-new-york-to-milan-italy)

இத்தாலியில் கணிசமான இலங்கையர்கள் வசிக்கிறார்கள் பெரும் பாலும் சிங்களவர்கள்.  மிலானோ , ரோம், ஜெனோவா, நாப்போலி , பலோர்மோ என பரவலாக இலங்கையர் வாழ்கிறார்கள் பெரும் பாலும் சிங்களவர்கள் அதிலும் பலர் நீர் கொழும்பு பிரதேசத்தைச் சேர்ந்தவர்கள் , இதனால் தான் நீர்கொழும்பை குட்டி இத்தாலி  என அழைக்கின்றனர் போலும். இத்தாலியில் உள்ள தமிழர்கள் பெரும்பாலும் அதிக தூரத்திலுள்ள சிசிலியா தீவினுள் (பலோர்மோ நகரை அண்டி) போய் அடைந்து விட்டார்கள் என்ன காரணம் எனத் தெரியவில்லை.

515000_Italien.jpg

இப்போது ஒரு சில  ஹைவே சந்திப்புக்கள் வர எனக்குரிய சரியான வெனேச்சியா நோக்கிய  ஹைவே யினை தேர்ந்தெடுக்க சற்று சிரமப்பட்டு , சில வளைவுகளில் கீழே போய் , பின்னர் மேலே வந்து ஒருவாறு மிலானோ ஹைவே நெரிசலில் இருந்து வெளியேறி வெனேச்சியாவுக்குரிய ஹைவேயினுள் வருகிறேன் இப்போது 3வது கட்டணத் தரிப்பிடத்தில் ரிக்கற் எடுக்கிறேன் . இனி ஒரு 250 க்குநொச்டொப் ஓட்டம் தான். ஜேசலோ exit எடுக்கும் போது ரிக்க்கெற்றை போட்டு காசு கட்டினால் போதும்.

இப்போது சூரியன் மெதுவாக தனது மென்நிலையிலிருந்து வன்நிலைக்கு மாறுகிறார், வெளிச்சம்  கூடிக்கொண்டு வர , வெப்பமும் மெதுவாகக் கூடுகிறது. இப்போது காரின் AC யும் வேலைசெய்யத் தொடங்க என் மூக்கின் மேல் குளிர் கண்ணாடியும் அமர்ந்து கொள்கிறது.  வீதியில் வாகனங்களும் அதிகரித்து காணப்படுகிறது பெருமளவில் wohnwagen (caravan)களும் காணப்படுகின்றன, இத்தாலி camping க்கும் ஒரு பெயர்போன இடம், ஜேசலோவில் மட்டும் 3000 பேருக்கு camping வசதியுள்ளதாக வாசித்தேன்.

இப்போது சற்றுத் தாகமெடுக்கவே

மனைவியிடம் orange juice கேட் கிறேன்,  மனைவி cool bag இலிருந்து பெட்டியெடுத்து அதில் ஒரு ஸ்ரோவினை வைத்து தருகிறா அமிர்தமாக இறங்குகிரது...., cool bag இனுள் வேறு என்ன இருக்கிறது என் கிறேன் , அப்பிளும், பியர்சும் வெட்டி box  இல் போட்டுள்ளேன் என்றார் அப்பிளைத் தாங்கோ என்றேன், cool bag இப்போது  free யாக இருந்த முன் சீட்டிற்கு இடம் மாறுகிறது, இதுக்குள்ள உங்களுக்கு தேவையானதெல்லாம் இருக்கிறது, சும்மா என்னை தொந்தரவு பண்ணாமல் எடுத்துச் சாப்பிடுங்கோ...., ok , good night என்று விட்டு duty க்கு போய் விட்டா , பாவம் அவர் இரவும் நித்திரை இல்லை, நித்திரை கொள்ளட்டும். மூத்த மகளும் நித்திரைக்கு போய்விட்டா அது தான் கொஞ்சம் கவலை , அவா விழித்திருந்தால் அப்பா, அப்பா என கனக்க கேள்விகள் கேட்டுக் கொண்டே வருவா எனக்கும் நேரம் போவது தெரியாது....., பாவம் பிள்ளை தூங்கட்டும் காலையில் வெளிக்கிட்டதிலிருந்து என்னுடன் கதைத்துக் கொண்டே வந்தவா......எல்லோரும் உறக்கதிற்கு செல்ல  இளையராஜாவை உதவிக்கு அழைக்கிறேன் இளையராஜா hits இசைத்தட்டு உள்ளே போக மீண்டும் உற்சாகம் பிறக்கிறது

இத்தாலி ஹைவே யில் உள்ள Autogrill ரெஸ்டுரண்ட்  பிரசித்தமானது , நல்ல இத்தாலி சாப்பாடுகளும், கபே களும் மிகவும் நல்லா இருக்கும் என நண்பன் சொல்லியிருந்தார் , எனக்கும் இந்த ஹைவே இல் stop எடுப்பது மிகவும் பிடிக்கும், விடுமுறைக் காலங்களில்  உள்ளே போனால்  பல்வேறு நாடுகளிலிருந்தும் உல்லாச பயணிகள் வருவார்கள்  சுறுசுறுப்பான ,மகிழ்ச்சியான மனிதர்களை காணலாம் அதுவே ஒரு புத்துணர்வைத் தரும் . இப்போது ஒரு பெரிய Autogrill ரெஸ்டுரண்ட் வந்தது உள்ளே போகும் ஐடியா இல்லை பின்னால் எல்லோரும் நித்திரை ,சிறிய மகளின் பால் நேரமும் இது இல்லை,  அவா எழும்பி அழும் போது பால் குடுக்க ஒருமுறை நிறுத்தினால் போதும் என மனதில் நினைத்துக் கொண்டே  வேகமெடுக்கிறேன்

italian-fast-food-autogrill-16.jpg

 

p01hvpfv.jpg

 

p01hvplc.jpg

 

p01hvp96.jpg

Autogrill ரெஸ்டுரண்டின் வெளிப்புற ,உட்புற தோற்றம் , (படம் : dalluva.com ,bbc.com/autos/story/20131001-road-food-italy)

சில ஹைவே சந்திப்புகளை கடந்து செல்கையில் சிறிய மகளின் முனகல் கேட்டு சிறிது நேரத்தில் அழுகையாக அது மாற்றங்காணவும் ஒரு சிறிய ஹைவே  ரெஸ்டுரண்ட் ஒன்று வரவும் சரியாக இருந்தது..... ஒரம் கட்டி உள்ளே போனால் கார் விட இடமில்லை ஒரு ஒரமாக காரை நிறுத்தி பாலைகரைத்து மகளுக்கு கொடுத்து விட்டு, மீண்டும் ஜேசலோ நோக்கி வேகமெடுத்தேன் ...... பின்னால் இருந்தவர்கள் மூவரும் மீண்டும் தமது கடமையைத் தொடர்ந்த்தார்கள்.

ஹைவேயின் இரு பக்கங்களும் பெரும்பாலும் சிறு நகரங்களும், குடியிருப்புக்களுமே காணப்பட்டன, டொஸ்கானா போல் ஒரு அழகிய இடம் வந்தால் எப்படியிருக்குமென மனம் எண்ணியது , டொஸ்கானா புளோரன்ஸை தலைநகராகக் கொண்ட இத்தாலியின் ஒரு பிராந்தியம் (Region)  மிகவும்  அழகான பிரதேசம் , இந்த பிரதேசத்திற்குள் தான் பிசா/பைசா சாய்ந்த கோபுரம் வருகிறது. உங்களுக்கு இயற்கை காட்சிகளை ரசிப்பதில் விருப்பம் இருந்தால் கூகிளில் Toskana (ஆங்கிலத்தில்Tuscany) எனக் கொடுத்து படங்களைப் பாருங்கள்.சிலிர்த்துப் போவீர்கள்.....!

Toskana

 

Tuscany-landscape.jpg

டொஸ்கானாவின் படங்கள் சில miriadna.com/preview/tuscany-landscape

குளிர் கண்ணாடியினூடாக இத்தாலியின் பெருந்தெரு கண்முன்னே விரிய .....இளையராஜாவின் இசயில்"தெய்வீக ராகம் தெவிட்டாத பாடல் கேட்டாலும் போதும்......" பாடல் உயிரை வருட....,  cool bag box இலிருந்து அப்பிள் ஒன்றைக் கடிக்கிறேன் gala அப்பிளின் வாசனை நாசித்துவாரங்களை தென்றலாய் வருட , அதன் சுவை அமிர்தமாக உள்ளிறங்க தெய்வீக ராகம் பாடலின் இடையிசை முடிந்து தழுவாத தேகம் ஒன்று தணியாத மோகம் கொண்டு.... என இளசின் இசை செவிப்பறைகளில் அருவியாய் பாய ஆகா அற்புதம் ஆனந்தம், பேரானந்தம் ,பரமானந்தம் , பரம பேரானந்தம் ........... போங்கப்பா வர்ணிக்கத் தெரியவில்லை.....,
இந்தப்பயணத்தின் போது இளையராஜாவின் பாடல்கள் தன்னை ஒரு படி மேலே என்னுள் நிலை நிறுத்தியது என்றால் மிகையாகாது.... ஆரம்பத்தில் நான் பெரிதாக இளையராஜா பாடல்களைக் கேட்பதில்லை , ஆங்கில pop music , fast music தமிழ் பாடல்கள் தான் எனது தேர்வு...., பிதாமகன் படத்தின் இளங்காற்று வீசுதே பாடல் மூலம் இளையராஜா படிப்படியாக என்னுள் ஊடுருவி முழுமையாகக் கட்டிப் போட்டுவிட்டார் இப்போது அவர் கட்டவிழ்த்து விட்டாலும் எனக்குப் போக விருப்பமில்லை அதனுள் கட்டுண்டு கிடக்கவே மனம் விரும்புகிறது ..... , இப்போதும் pop music பிடிக்கும் ஆனால் இளையராஜாவை ரொம்பப் பிடிக்கும்.... (யோவ் பயணக் கட்டுரையில் இளசு வைப் பற்றி எழுத வைக்காதையுங்கோ..... அதுக்குத்தான் களத்தில் சசிவர்ணம், இசை,ரகுநாதன்..... என பல ஜாம்பவான்கள் இருக்கினம் )

இப்போது ஹைவே சந்தி ஒன்று வர (Padua என நினைக்கிறேன்) , பல வாகனங்கள் பிரிந்து வெளியேற எனது பாதை சற்று வாகனங்கள் குறைந்து வெளிக்கிறது, பாடல்கள் தரும் உற்சாகத்தில் கண் முன்னே சற்று வெறுமையான ஹைவே .... மனமோ ஒடு மச்சி ஒடு......,  130 , 140 ஆகி 145 ஆகி 150 km/h ஆக..... வேண்டாம் கடந்த மாதம் தான் சுவிஸ் பொலிசுக்கு 250 பிராங் அழுதது (அது நான் கட்டிய இரண்டாவது 250 தண்டம்) நினைவுக்கு வரவே காலை மெதுவாக வெளியில் எடுக்கவும் , மனைவி பின்னாலிருந்து ஏனப்பா வீட்டில ஏதும் காசு அடிக்கிற மெசின் வைச்சிருக்கிறீங்களோ என குரலெழுப்பவும் சரியாக இருந்தது....

cool box இலிருந்த பொருட் களும் தீர்ந்து கொண்டு வர  GPS (navi) இல் போகவேண்டிய தூரமும் நன்கு குறைந்திருந்தது. ஜேசலோ exit இட் வர பணம் கட்டி ஹைவே யிலிருந்து வெளியேறுகிறேன். இப்போது பின் சீட்டும் கலகல எல்லோரும் விழித்து விடடனர் , இன்னும் ஒரு 25km கள்,  கிராமங்கள் ஊடாகப் பயணிக்கிறேன்  சில பழைய கட்டிடங்களைக் கடந்து செல்கிறேன் இப்போது ஒரு பெரிய camping பிரதேசம் வருகிறது, மிகவும் அழகாக இருக்கிறது , தூரத்தில் இரண்டு கட்டிடங்களின் நடுவே நீல நிறத்தில் கடல் மினுமினுக்க உள்ளூர உற்சாகம் தொற்றிக் கொள்கிறது . சில அழகான கட்டிடங்கள் கடந்து செல்கின்றன அவற்றில் ristorante, pizzeria கள் என போர்டுகள் தெரிகின்றன, மிகவும் புதிய பிரதேசம் ஒன்றில் நன்கு பழகிய ஒருவரைக் காண்பது போல lidl கடையின் விளம்பரம் கண்ணில் படுகிறது   (இவர்கள் ஒரு இடத்தையும் விட்டு வைக்க மாட்டார்கள் போல)

வீதியின் இரண்டு பக்கமும் பைன் மரங்கள் வரிசையாக வரவேற்க ஜேசலோவினுள் நுழைகிறோம்  அழகிய கடற்கரை நகரம் எமது வருகையைப் பதிவு செய்கிறது படிப் படியாக நெரிசல் கூடிக் கொண்டு போகும் வீதிகளினூடாகப் பயணித்து எமது Hotel  இருந்த தெருவை அடைகிறோம்.

கிடைக்கும் நேரத்தினைப் பொறுத்து மிகுதியை தொடர்கிறேன்.....

கருத்திட்ட கள உறவுகளுக்கும் , பச்சையிட்ட கள உறவுகளுக்கும் மிக்க மிக்க நன்றி உங்கள் ஊக்கம் தான் இதை எழுதத் தூண்டுகிறது, ஆனால் இப்படி நீளும் என நான் கொஞ்சம் கூட எதிர்பார்க்க வில்லை எழுத்தனுபவம் புதிது என்பதால்  editing இல் கனக்க பிரச்சனை.

(இந்த கட்டுரை அணைத்திலும் வந்த வர இருக்கின்ற படங்கள் அணைத்துமே நானெடுத்தவை அல்ல , எல்லாம் இணையத்தில் பெறப்பட்டவை)

Edited by Athavan CH
  • Like 12
  • Thanks 2

Share this post


Link to post
Share on other sites
6 hours ago, Athavan CH said:

----குளிர் கண்ணாடியினூடாக இத்தாலியின் பெருந்தெரு கண்முன்னே விரிய .....இளையராஜாவின் இசயில்"தெய்வீக ராகம் தெவிட்டாத பாடல் கேட்டாலும் போதும்......" பாடல் உயிரை வருட....,  cool bag box இலிருந்து அப்பிள் ஒன்றைக் கடிக்கிறேன் gala அப்பிளின் வாசனை நாசித்துவாரங்களை தென்றலாய் வருட , அதன் சுவை அமிர்தமாக உள்ளிறங்க தெய்வீக ராகம் பாடலின் இடையிசை முடிந்து தழுவாத தேகம் ஒன்று தணியாத மோகம் கொண்டு.... என இளசின் இசை செவிப்பறைகளில் அருவியாய் பாய ஆகா அற்புதம் ஆனந்தம், பேரானந்தம் ,பரமானந்தம் , பரம பேரானந்தம் ........... போங்கப்பா வர்ணிக்கத் தெரியவில்லை.....

-----உங்கள் ஊக்கம் தான் இதை எழுதத் தூண்டுகிறது, ஆனால் இப்படி நீளும் என நான் கொஞ்சம் கூட எதிர்பார்க்க வில்லை எழுத்தனுபவம் புதிது என்பதால்  editing இல் கனக்க பிரச்சனை.

ஆதவன்... உங்களிடம்  நீண்ட கட்டுரையை, இவ்வளவு திறமையாக  எழுதும் ஆற்றலை கண்டு ஆச்சரியப்  பட்டு  போனேன்.:)
உங்கள் பயணக்  கட்டுரையில்... இடைச்செருகலாக,  போகும் போது நடந்த விடயங்களையும் நகைச் சுவையாக  குறிப்பிடுவது கட்டுரைக்கு மேலும் சிறப்பு சேர்க்கின்றது.
அதிலும்... அந்த போங்கப்பா.. என்ற செல்லச்  சிணுங்கல்..ஓகோ.. ரகம். :grin:
யாழ். களத்தில்  புதிய எழுத்தாளர் உருவாக்கி விட்டார்  என்பதை... உங்கள் கட்டுரையின் மூலம் நிரூபித்து விட்டீர்கள். 

Share this post


Link to post
Share on other sites

வாவ்.....நல்ல நகைச்சுவையாக எழுதிக் கொண்டு வருகின்றீர்கள் இயல்பு மாறாமல்.தொடருங்கள்......!  tw_blush:

Share this post


Link to post
Share on other sites

சற்று ஒடுக்கமான தெருவில் அருகே  ஒரு ஒரமாக காரை நிறுத்தி  இறங்குகின்றேன் தெரு கலகலக்கிறது, கும்பல் கும்பலாக மக்கள், கடற்கரை நோக்கிச் செல்பவர்களும், வருபவர்களும், நீச்சலுடையில் பெரிய பாக்() இனை தோளில் சுமந்த படி கன்னியரும், வித விதமான வடிவங்களில் காற்று மிதப்புகளுடன் ஒடித்திரியும் சிறுவர்களும், அவர்களைக் கட்டுப்படுத்தும் பெற்றோர்களின் குரலும் , குழந்தைகள் வண்டில்களுமாக தெருவே  உற்சாகமாக காட்சியளிக்க , எனது களைப்புகள் அணைத்தும் பறக்க என் மனமும் ஒரு  பொருத்தமான இடத்திற்குத் தான்  வந்திருப்பதாக எண்ணிக்கொள்கிறது....

இன் உள்ளே  செல்ல ரிசப்சனில் ஒரு உற்சாக வரவேற்பு தருகிறார்கள், அவர்களுக்குத் தெரியும் தமது விருந்தினர்கள் பெரும்பாலும் ஒரு நீண்ட கார் பயணத்தினூடே இங்கே வருவார்கள் என்று, எனது பெயரை உறுதிப்படுத்தி  உடனடியாக எனக்குரிய கார் பார்க் தருகிறார்கள் ,  தொடர்ந்து எமக்குரிய அறையில் எம்மைக் கூட்டிச் சென்று விட்டுகிறார்கள். பெரிய அறை எதிர்பார்த்ததைவிட மிகவும் நன்றாகவே இருந்தது ,  அணைவருக்கும் பசியெடுக்க ஒரு காக்கா குளியல் எடுத்துவிட்டு , கீழே வந்து தெருவிற்கு வருகிறோம் ,  அப்பகுதி மிகவும் அழகாக இருக்கிறது ,   சூரியன் தக தகக்க மிகவும் அழகான பல பெரிய பைன் மரங்கள் குடைபிடிக்க , என் மனம் சாப்பிட இடம் தேட இரண்டு பெரிய hotel  களின் நடுவே செல்லும் ஒரு சிறிய நடை பாதையூடாக சென்று கடற்கரையை அடைகிறோம் , பெரிய கடல் கண்முன்னே விரிய மக்கள் கூட்டம் ஆர்ப்பரிக்க ,உற்சாகம் கரை புரண்டோட,  கடற்கரை மணலிலேயே இருந்த ஒரு சிறிய imbiss (சாப்பாட்டுக்கடை) இல் மெனுவைப் பார்த்து அங்கேயே சாப்பிட முடிவெடுக்கிறோம் , அது ஒரு சிறிய கடையாக இருந்தாலும் உள்ளே 6 பேர் வேலை செய்தது ஆச்சரியமாக இருந்தது. இரண்டு பிட்சாவும் எனக்கு ஒரு பேர்கரும் வாங்கி பெரிய நிழற்குடையின் கீழ் கதிரையில் அமர்ந்து கடற்கரை மணல் கால்களில் தவழ , காற்று இதமாக வருட , பெரிய பேர்கர் உள்ளே போய் முடிய ,  எதிர்பார்த்த படியே மகளினதும் மனைவியினதும் மிகுதி பிட்சா துண்டுகள் என்னை நோக்கி வர  வயிறு அவற்றுக்கும் ஒரு welcome போடுகிறது.

இப்போது முழுமயாக உற்சாகம் தொற்றிக்கொள்ள.... கடலில் போய் காலை நனைத்து விட்டு வருகிறோம்  , கடும் வெய்யில் மதிய நேரம் வெளியில் நிற்க முடியாது,  நகரத் தெருக்களுக்குள் நுழைந்து கடைகளை பார்க்கின்றோம், மகள் தனக்குத் தேவையான மணல் விளையாட்டு சாமான் களை beach store ஒன்றில் வாங்கிக் கொள்கிறா,

(மகள்) அம்மா இந்தாங்கோ நீங்கள் தூக்குங்கோ,

(மனைவி ) அப்பாட்ட கொடுங்கோ ....

(நான்) நான் எப்படி தூக்கிறது  நான் ஏற்கனவே (சிறிய மகளுடன்) kinderwagen  (stroller) தள்ளுறன்

( மனைவி) யார் இப்ப உங்களைத் தூக்கச் சொன்னது தோளில் கொழுவுங்கோ ...

இப்போது எனது வலது தோளில் பெரிய beach bag தொங்குகிறது.....,

இப்போது மனைவியும் மகளும் கைவீசம்மா கைவீசு கடைக்குப் போகாலாம் கைவீசு........,

M8_ljesolo_record.jpg

ஜேசலோ நகரம்(metropolitano.tv/jesolo-dei-record/)

ஜேசலோ நகரம் மிக அழகாக இருக்கிறது , ஒரு வருடத்திற்கு 6 மில்லியன் சுற்றுலா பயணிகள் வரும் நகரம், 15 km நீளத்திற்கு கடற்கரை முழுவதும் பரவியிருக்கிறது,  நகரத்தில் பைன் மரங்கள் அதிகம் காணப்படுகின்றன , வீதியின் இரு மருங்கிலும் பைன் மரங்கள் அழகாக காட்சியளிக்கின்றன ..., இந்த பைன் மரங்கள் ஜேசலோவின் அடையாளங்களில் ஒன்று, சில சிறிய  hotel கள் பைன் மர தோப்புகளில் புதைந்து கிடக்கின்றன... , hotel களின் கார் தரிப்பிடங்கள் நிறைந்து வழிகின்றன பெரும்பாலும் ஜேர்மனிய கார்கள், தொடர்ந்து ஆஸ்திரிய, சுவிஸ் கார்கள் ஆங்காங்கே GB யும், உலகில் அமெரிக்கருக்கு அடுத்தபடியாக அதிகளவில் சுற்றுலா செல்பவர்கள் ஜேர்மனியர், பெரும்பாலான நாடுகளின் சுற்றுலாத் துறையே ஜேர்மனியரில் தான் தங்கியுள்ளது என்றால் மிகையாகாது ., ஐரோப்பிய சுற்றுலா தளங்கள் எல்லாம் இவர்களின் ஆதிக்கம் தான். ஜேசலோவும் விதிவிலக்கல்ல, இங்கே ஆஸ்திரிய, சுவிஸ் காரரும் அதிகளவில் காணப்பட்டதால் ஜேசலோ நகரமே டொச் மயம்தான், எங்குபார்த்தாலும் டொச் மொழி உரையாடல் தான் , hotel, கடைகளில் எல்லாம் டொச்சும், ஆங்கிலமும் தாராளமாக கதைக்கிறார்கள்.ஆஸ்திரியாவிற்கு மிகவும் அருகில் ஜேசலோ இருப்பதனால் அதிகளவிலான ஆஸ்திரியா சுற்றுலா பயணிகள் காணப்படுகிறார்கள்.

pineta-jesolo.jpg

சில சிறிய  hotel கள் பைன் மர தோப்புகளில் புதைந்து கிடக்கின்றன....

தெருக்கள் எங்கும் ரெஸ்டுரன்டுகள் அதிகளவில் காணப்படுகிண்றன  , தனியாக பார்களோ, டிஸ்கோக்களோ காணப்படவில்லை, இந்நகரம் முழுக்க முழுக்க பிள்ளைகளுடன் வரும் குடும்பங்களையே குறிவைக்கிறது (என வாசித்திருந்தேன்) .அது தான் நல்லது பார்ட்டி நகரங்கள் என்றால் இரவிரவாக விழித்து ,பகலில் தூங்கும் . பார்ட்டி பிரியர்களுக்கு என்றால் இத்தாலியில் ரிமினி (Rimini) கடற்கரை  நகரம் நல்ல தெரிவாக இருக்கும்.

27693317.jpg

வீதியின் இரு மருங்கிலும் பைன் மரங்கள் ....

hotel-jesolo-notte.jpg

அழகிய மாலைநேரக் கடற்கரை

கடைத்தெருக்களைச் சுற்றிவிட்டு  வந்து

சிறிது ஒய்வெடுத்துவிட்டு மாலை நேரம் மீண்டும் கடற்கரைக்குச் செல்கிறோம் மிகவும் இதமாக இருக்கிறது , கடற்கரைக்கும்  hotel களுக்கும் இடையில் அழகிய நடைபாதை அமைத்துள்ளார்கள் நான் நினைக்கிறேன் இந்த நடைபாதை 10 km  க்கு மேலாகா கடற்கரை முழுவதும் நீண்டு செல்கிறது என ...., மிகவும் இனிமையான சூழலில் மனைவி , பிள்ளைகளுடன் கதைத்துக் கொண்டே நீண்ட தூரம் மெதுவாக நடந்து செல்கிறோம். நேரம் , தூரம் எதுவுமே தெரியவில்லை. பசியெடுக்கவே அருகிலுள்ள கடைத்தெருவுக்குள் நுழைந்து பெரிய பிட்சேரியா ஒன்றினுள் நுழைகிறோம், மிகவும் பரபரப்பாக இருக்கிறது ,ஒரு இருபத்தைந்து பணியாளர்கள் இருப்பார்கள் பாருக்கு அருகில் அமர்ந்து இருந்த படியால் பார் பணியாளருடன் ஏனைய பணியாளர்கள் அடிக்கடி ஓடர் செய்து கொண்டே இருந்தார்கள் ,  இத்தாலிக்கு வந்த பின்னர் முதன்முதலாக இத்தாலிமொழி உரையாடல்களைத் தொடர்ச்சியாகக் கேட்கிறேன் ...., இத்தாலி மொழி மிகவும் இனிமையாக இருக்கிறது, ஒவ்வொரு சொற்களும் துண்டு துண்டாக விழுகிறது , டொச் மொழியில் உள்ள "ஸ்" உச்சரிப்புகள் இத்தாலியில் இல்லை, ஐரோப்பிய மொழிகளிலே கற்பதற்கு மிகவும் இலகுவான  மொழி  இத்தாலிமொழியெனக் கேள்விப்பட்டுள்ளேன். இத்தாலிகாரர் கதைக்கும் போது கண், கை எல்லாவற்றாலும் கதைப்பார்கள் இது அவர்களின் இயல்பு அவர்களுடன் பழகியவர்களுக்கு இது நன்கு தெரியும். நல்லதோர் இரவுணவின் பின் அறைக்குத் திரும்புகின்றோம்.

Immagine-014.jpg

கடற்கரைக்கும்  hotel களுக்கும் இடையில் உள்ள அழகிய நடைபாதை (campingparkdeidogi.com/?lang=de)

 

Jesolo01.jpg

நாமிருந்த கடற்கரைப்பகுதி

ஒவ்வொரு நாள் காலையும் 6 மணிக்கு கடற்கரை நடைபாதைக்குச் சென்று சிறிது நேரம் ஓடிவிட்டு அறைக்கு வர மனைவி பிள்ளைகளும் தயாராக இருப்பார்கள் , அவர்களுடன் சென்று காலையுணவை முடித்து ஒரு 8.30 மணியளவில் எல்லோரும் ( பெட்டி ,படுக்கைகளுடன்)கடற்கரைக்குச் செல்வோம். மனைவியும் , சிறிய மகளும் எமக்குரிய நிழற் குடையில் தரிக்க , நானும் பெரிய மகளும் கடற்கரையில் நடக்கும் உடற்பயிற்சி நிகழ்ச்சிக்கு செல்வோம்.  கையைச் சுற்றி கழுத்தைச் சுற்றி சிறிது சிறிதாக ஆரம்பிக்கும் உடற்பயிற்சி நிகழ்வு  படிப்படியாகக் கூடி லத்தினோ மியூசிக் போட்டு சும்பாவில் (zumpa) முடியும். உடற்பயிற்சி செய்யும் போது இடையிடையே கடல் அலைகள் காலை தழுவிச் செல்லும் . பயிற்சி முடிய கடலுக்குள் சிறிது நேரம் விழுந்து எழும்பி வந்து, நான் சிறிய மகளைப் பொறுப்பெடுக்க மனைவியும் , மகளும் கடலுக்கு போவார்கள், நானும் சிறிய மகளும்  ஒரு 2 மணித்தியாலம்  நிழற் குடையின் கீழ் அடிப்போம் பாருங்கள் ஒரு நித்திரை ஆகா , ஆகா ...., இறுதியில் மனைவி முகத்தில் ஊற்றும் கடல் நீருடன்  நித்திரை முடிவுக்கு வரும் . மதியம் 11.30 மணியளவில் hotel திரும்பி மதிய உணவை முடித்து, hotel lobby யில் அமர்ந்து சிறு ஓய்வு , பின்னர் அறைக்குச் சென்று சிறு ஓய்வு, மாலை மீண்டும் எல்லோரும்  கடற்கரை  நடைபாதையில் நடை , மாலை உணவு......, இப்படியே அந்த 5 நாட்களும் மிகவும்  ஓய்வாகவும் இனிமையாகவும், மகிழ்சியாகவும் அமைந்தது.

Edited by Athavan CH
  • Like 6

Share this post


Link to post
Share on other sites

map-italy-illustration-vector-21798356.j

இந்த பயணத்தின்போது நாம்  வீடு , வேலை, மனச்சுமை என்பவற்றிலிருந்து விடுபட்டு எங்காவது ஒரு வாரம் போய் ஓய்வாக இருந்துவிட்டு வருவோம் எனத் தான் திட்டமிட்டோம், இடங்கள் சுற்றி பார்ப்பதனை (sightseeing ) பிரதானமாகக் கொள்ளவில்லை, எனினும் இரு திட்டங்கள் மனதளவில் இருந்தன , சிறிய மகளுடன் கஷ்ட்டம் என்ற படியால் அவற்றைத் தவிர்த்துவிட்டோம்.  எனது வேலைத்தள நண்பர்கள் ஜேசலோ வுடன் சேர்த்து வேறு சில சிறு பயணங்களையும் மேற்கொண்டிருந்தனர் அவர்களின் அனுபவங்களையும் சேர்த்து சில தகவல்களை இங்கு தருகின்றேன்.

வெனிஸ் நகரம் (Venice / Venedig)

venezia-5-motivi-incanto-isole-01-boscol

அழகிய வெனிஸ் நகரம்

ஜேசலோ செல்பவர்கள் தவிர்க்க கூடாத ஒரு இடம் உலகப் புகழ் பெற்ற அழகிய வெனிஸ் நகரம் . ஜேசலோவிலிருந்து 42 km தொலைவிலேயே உள்ளது, காரில் செல்வதை விட  ஜேசலோ துறைமுகதிலிருந்து இயக்கப்படும் சிறிய கப்பல்களில் செல்வதே சிறந்தது. காலையில் சென்று மாலை / இரவில் திரும்பலாம் இருவழிப் பயணக்கட்டணம் 17 uro தான் பயணச்சீட்டினை நகரம் முழுவதும் காணப்படும் Tabacchi எனப்படும் சிறிய கடைகளில் வாங்கலாம். இந்தப் பயணச்சீட்டு நீங்கள் hotel இலிருந்து துறைமுகம் செல்லவும் பாவிக்கலாம்.

வெனிஸ் நகரத்தில் பொருட்கள் அதிக விலை , எனவே நீங்கள் போகும் போதே சாண்ட்விச்சுகள், குடிநீர் ஆகியவற்றை வாங்கிச் செல்லுங்கள், வெனிஸில் வாங்க வேண்டியேற்பட்டால் முற்பகுதியில் வாங்காமல் சற்று உள்ளே சென்று வாங்குங்கள்.

எமது hotel இல் ஒரு படத்தில் " மனிதனுடன் கலந்துவிட்ட கடல்"என வெனிஸ் நகரை வர்ணித்திருந்தனர் , உண்மையும் அது தான் மிகவும் அழகானது, எப்படியும் எமது கள உறவுகளில் ஒரு சிலராவது வெனிஸ் நகருக்குச் சென்றிருப்பார்கள் என நினைக்கிறேன். (வெனிஸ் செல்வதும் எமது பயணத்திட்டதிலிருந்தது)

venezia-5-motivi-percorsi-acqua-01-bosco

அழகிய வெனிஸ் நகரம்

 

ஸ்லோவேனியா போஸ்டோயானா குகை (Postojna Cave) மற்றும் தலைநகர் லுபியானா(Ljubljana)

7-day-trips.jpg

லுபியானா நகரம்

கிழக்கு ஐரோப்பாவின் அழகான நாடுகளில் ஒன்று ஸ்லோவேனியா, இது ஜேசலோவின் அருகிலேயே உள்ளது மேலே படத்தினைக் கவனிக்கவும் , படத்தில் ஜேசலோ குறிக்கப்படவில்லை வெனிசை (Venice) கருத்திலெடுக்கவும் அமெரிக்காவின் முதற் பெண்மணி( திருமதி ட்ரம்ப்) ஸ்லோவேனியா நாட்டைச் சேர்ந்தவர் என்பதனால் இந்நாடு இப்போது வெகு பிரபலம்.  தலைநகர் லுபியானா ஜேசலோவிலிருந்து 220 தொலைவிலேயே உள்ளது ,  புகழ் பெற்ற நிலக்கீழ் குகையான " போஸ்டோயானா" குகையும் ஜேசலோவிலிருந்து லுபியானா செல்லும் வழியிலேயே உள்ளது . போஸ்டோயானா குகை மிகவும் அழகானது, குகையினுள் சிறிய ரயிலில் அழைத்துச் செல்வார்கள்  கீழே சமர் காலங்களிலும் வெப்பனிலை 9 பாகையாக இருப்பதனால் , போகிறவர்கள் ஜக்கற் கொண்டு போக வேண்டும், குகையினுள் செல்ல ஒருவருக்கு அனுமதிக் கட்டணம் 40 uro கள் அழகிய குகை அனுபவத்தினை முடித்துக் கொண்டு மீண்டும் திரும்பலாம் அல்லது தலைநகர் லுபியானா சென்று ஒரு இரவு அங்கு தங்கி அச்சிறிய நகரைத் கண்டுகளித்துத் திரும்பலாம். எனது நண்பர் City Hotel Ljubljana  இல் தங்கியிருந்தார் மிகச் சிறந்த Hotel என எனக்குச் சிபாரிசு செய்தார் விலையும் அதிகமில்லை என்றார்.

 

postojna-cave-002-slovenia.jpg

போஸ்டோயானா குகை (Postojna Cave)

Attractions-postojnska-jama.jpg?14793936

போஸ்டோயானா குகை (Postojna Cave)இணையத்தளம்:  https://www.postojnska-jama.eu/en/

காணொளி youtube.com/watch?v=CW6XmnLG3_0&t=2s//

 

Lubiana-Slovenia.jpg

லுபியானா நகரம்


குறிப்பு: ஸ்லோவேனியாவுக்கு காரில் செல்பவர்கள் ஹைவேக்கு ஸ்டிக்கர் ஒட்ட வேண்டும் , இல்லாவிடில் அபராதம் கட்டவேண்டும், ஸ்லோவேனியா எல்லையில் அதனை வாங்க முடியாது, எல்லைக்கு முதலில் வரும் இத்தாலிய ஹைவே எரிபொருள் நிரப்பு நிலயங்களில் அதனை வாங்கி ஒட்டிக்கொள்ளவும்

Gardaland

1a09d43a9a39442fb1121efe8ff7b46d.jpg?aut

Gardaland உம் "Europa-Park" , "disneyland " போல் ஒரு மிகச்சிறந்த விளையாட்டுப் பூங்கா, மிலானோ(milan) விலிருந்து ஜேசலோ செல்லும் வழியில் 137km தூரத்திலுள்ளது, பிள்ளைகளுடன் செல்பவர்களுக்கு மிகச் சிறந்த இடம். எனது வேலைத்தள நண்பர்கள் இருவர் Europa-Park க்கும் Gardaland க்கும் சென்றவர்கள் அவர்களிடம் கேட்டேன் எது சிறந்தது என்று , இருவரும் சொன்னார்கள் "Gardaland" என்று.

Gardalandஐ அனுபவிப்பதற்கு ஒரு நாள் போதாது இரு நாள் தேவை எனச் சொன்னார்கள்,  Europa-Park ஐ விட பெரிதாக இருக்கலாம் என்றும் சொன்னார்கள். Gardaland இத்தாலியின் சுற்றுலா மையங்களில் ஒன்றான gardasee ( Lake Garda) பிரதேசத்திலிருப்பதால் தாராளாமாக குறைந்த விலையில் Hotel கள் எடுக்கலாம். Gardaland park இன் உள்ளும் Hotel உள்ளது.(இதுவும்   எமது பயணத்திட்டதிலிருந்தது)

Gardaland இன் இணையத்தளம்

https://www.gardaland.it/en/

NOVENTA DI PIAVE DESIGNER OUTLET

Chic-Outlet-Shopping.jpg

"NOVENTA DI PIAVE DESIGNER OUTLET" எனப்படும் outlet  கடடைத்தொகுதி ஜேசலோவிலிருந்து 22 km தூரத்திலுள்ளது .ஜேர்மனியிலுள்ள "Outlet Metzingen" போல் பெரிதாக இல்லாவிடிலும் , நல்ல மார்க் உடுப்புகள் குறைந்த விலையில் வாங்கலாம் என நண்பர்களால் கூறப்பட்டது.

இணையத்தளம்

https://www.mcarthurglen.com/it/noventa-di-piave-designer-outlet/en/

மிலானோ(Milan) விலும் "IL CENTRO"எனும் shopping center உள்ளது , சுவிசுடன் ஒப்பிடும் போது உடுப்புகள் மிகவும் மலிவானது , எனது நண்பர் சுவிசிலிருந்து இந்த shopping center க்கென வருடத்தில் ஒரு நாள் என்றாலும் போவார்

இணையத்தளம்

https://www.centroilcentro.it/?lang=eng

 

 

                                                                                                                                    முற்றும்.

(மேலும் தகவல்கள் ஏதும் நினைவுக்கு வரின் பதிவிடுகின்றேன்)

Edited by Athavan CH
  • Like 4

Share this post


Link to post
Share on other sites

நான் ஒவ்வொரு தடவையும் இந்த திரியின் தலைப்பை வாசித்து வீட்டு இது இன்னொரு தளத்தில் இருந்து வெட்டி எடுத்த கட்டுரை என நினைத்து வாசிக்காமல் கடந்து சென்று இருந்தேன். இப்ப தான் ஆதவன் எழுதும் பயண கட்டுரை என கண்டு கொண்டேன்

புதிதாக எழுதும் ஒருவரின் கட்டுரை மாதிரி தெரியவில்லை. தொடருங்கள் ஆதவன்

மற்றது, போன வருசம் சிங்கன் தனக்கு ஒரு தேவதை பிறந்தது பற்றி மூச்சே காட்டாமல் இருந்து இருக்கின்றார். பெண் பிள்ளைகள் இயற்கை அப்பாக்களுக்கு கொடுக்கும் ஆசீர்வாதங்கள். வாழ்த்துக்கள்  ஆதவன்

  • Like 1

Share this post


Link to post
Share on other sites
4 hours ago, Athavan CH said:

கிழக்கு ஐரோப்பாவின் அழகான நாடுகளில் ஒன்று ஸ்லோவேனியா, இது ஜேசலோவின் அருகிலேயே உள்ளது மேலே படத்தினைக் கவனிக்கவும் , படத்தில் ஜேசலோ குறிக்கப்படவில்லை வெனிசை (Venice) கருத்திலெடுக்கவும் அமெரிக்காவின் முதற் பெண்மணி( திருமதி ட்ரம்ப்) ஸ்லோவேனியா நாட்டைச் சேர்ந்தவர் என்பதனால் இந்நாடு இப்போது வெகு பிரபலம். 

US president Donald Trump with ex-wife Ivana trump

Who are the Trump family? A guide to Tiffany, Eric, Ivanka, Donald Jr and Barron

அமெரிக்காவில்  இப்போது... இரண்டு முதல் பெண்மணிகள் உள்ளார்கள். :)
அதில் (கருணாநிதி சொல்லுற மாதிரி)   மனைவியா... துணைவியா....  ஸ்லோவேனியா நாட்டை  சேர்ந்தவர்? :grin:

Share this post


Link to post
Share on other sites

ivanka16-49567.jpg

  Ivanka Trump இரண்டாவது மனைவி (துணைவியார்) சிறியர்

  • Haha 1

Share this post


Link to post
Share on other sites
On 24.10.2017 at 2:37 AM, நிழலி said:

நான் ஒவ்வொரு தடவையும் இந்த திரியின் தலைப்பை வாசித்து வீட்டு இது இன்னொரு தளத்தில் இருந்து வெட்டி எடுத்த கட்டுரை என நினைத்து வாசிக்காமல் கடந்து சென்று இருந்தேன். இப்ப தான் ஆதவன் எழுதும் பயண கட்டுரை என கண்டு கொண்டேன்

புதிதாக எழுதும் ஒருவரின் கட்டுரை மாதிரி தெரியவில்லை. தொடருங்கள் ஆதவன்

மற்றது, போன வருசம் சிங்கன் தனக்கு ஒரு தேவதை பிறந்தது பற்றி மூச்சே காட்டாமல் இருந்து இருக்கின்றார். பெண் பிள்ளைகள் இயற்கை அப்பாக்களுக்கு கொடுக்கும் ஆசீர்வாதங்கள். வாழ்த்துக்கள்  ஆதவன்

ஆதவனின்...  பயணக்  கட்டுரையின் தலைப்பு பலரை குழப்பி விட்டது என நினைக்கின்றேன் நிழலி.
அதிலும்...  "லிடோ டி ஜேசலோ"  என்ற நகரத்தின் பெயரை,     பலர் ஒரு மனிதர் என நினைத்து, அவரின் கட்டுரையாக இருக்கலாம் என ஆரம்பத்தில் நானும் நினைத்தேன். 

"எனது சிறு பயணமொன்று.....  ஆதவன் CH"  என்று தலைப்பை போட்டிருந்தால்  பலரும்  வாசித்திருப்பார்கள்.
இனியும்... காலம் கடந்து விடவில்லை. ஆதவன் விரும்பினால், நிர்வாகத்திடம் சொல்லி மாற்றலாம். :)

Edited by தமிழ் சிறி
  • Like 2

Share this post


Link to post
Share on other sites

உங்களின் பயண அனுபவங்களுடன் மேலும் சிலரின் குறிப்புகளையும் சேர்த்து தந்தது பயனுள்ளதாக இருந்தது, பகிர்வுக்கு நன்றி ஆதவன்......!  tw_blush:

  • Like 1

Share this post


Link to post
Share on other sites
On 9/25/2017 at 5:04 AM, புங்கையூரன் said:

தொடருங்கள்....ஆதவன்..!

வாசிக்க மிகவும் நன்றாக உள்ளது!

துணைவியாரை பின் சீட்டுக்கு அனுப்பி விட்டுக்...காரோட்டியது தான் எனக்கு மிகவும் பிடித்த பகுதி!

அதனுள்....மிகப்பெரிய 'இராசதந்திரம்' புதைந்திருக்கின்றது என்பது இதை வாசிக்கும் பலருக்கும் ...உடனே புரியாது என்று நினைக்கிறேன்!

உங்கள் கருத்துக்கு மிக்க நன்றி புங்கையூரன். அந்த "மிகப்பெரிய இராசதந்திரம்"  புத்தனின் வீடியோவால் பரகசியமாகிவிட்டது tw_blush:.

மனைவி மாரை மட்டும் ஒரேயடியாக குறை சொல்லமுடியாது புங்கை , நாங்களும் கொஞ்சம் லொள்ளு தான் .......

 

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு


  • Topics

  • Posts

    • ஆடிப்பிறப்பும் தமிழர் வாழ்வும் ஆடிப்பிறப்பு சைவத் தமிழ் மக்களினால் ஆடி மாத முதலாம் நாள் கொண்டாடப்படும் பண்டிகை ஆகும். சூரியன் வடதிசை நோக்கிச் செல்லும் தை முதல் ஆனி வரையுள்ள ஆறு மாத காலம் உத்தராயண காலமாகும். இது தேவர்களுக்கு ஒரு நாளின் பகல் பொழுதாகும். அடுத்து சூரியன் தெற்கு நோக்கிச் செல்லும் காலம் ஆடி முதல் மார்கழி வரையுள்ள ஆறு மாத காலம் தட்சணாயண காலமாகும். இது தேவர்களுக்கு இராப்பொழுதாகும். தட்சணாயணத்தின் தொடக்கதினம் ஆடிமாத முதலாம் நாள் ஆகும். இக்காலம் கோடைகால வெப்பம் தணிந்து குளிர்மை படிப்படியாகப் பெருகும் இயல்புடையது. இந் நாளில் ஈழத் தமிழ் மக்கள் ஆடிக்கூழ், கொழுக்கட்டை என்னும் உண்டிவகைகளை விசேடமாகச் செய்து குடும்ப விருந்தாக உண்டு மகிழ்தல், விசேட வழிபாடு செய்தல், உற்றார், உறவினர்களுக்கு இவ்வுண்டி வகைகளை வழங்கி நல்லுறவைப் பேணுவது வழக்கமாகும். ஆடிப் பிறப்புக்கு நாளை விடுதலை ஆனந்தம் ஆனந்தந் தோழர்களே! கூடிப் பனங்கட்டிக் கூழுங் குடிக்கலாம் கொழுக்கட்டை தின்னலாம் தோழர்களே! பாசிப்பயறு வறுத்துக் குற்றிச் செந்நெற் பச்சையரிசி இடித்துத் தெள்ளி வாசப் பருப்பை அவித்துக் கொண்டு நல்ல மாவைப் பதமாய் வறுத்தெடுத்து வேண்டிய தேங்காய் உடைத்துத் துருவியே வேலூரிற் சர்க்கரை யுங்கலந்து தோண்டியில் நீர்விட்டு மாவை யதிற்கொட்டிச் சுற்றிக் குழைத்துத் திரட்டிக் கொண்டு வில்லை வில்லையாக மாவைக் கிள்ளித் தட்டி வெல்லக் கலவையை உள்ளேயிட்டுப் பல்லுக் கொழுக்கட்டை அம்மா அவிப்பளே பார்க்கப் பார்க்கப் பசி தீர்ந்திடுமே பூவைத் துருவிப் பிழிந்து பனங்கட்டி போட்டுமா வுருண்டை பயறுமிட்டு மாவைக் கரைத்தம்மா வார்த்துத் துழாவுவள் மணக்க மணக்கவா யூறிடுமே குங்குமப் பொட்டிட்டுப் பூமாலை சூடியே குத்துவிளக்குக் கொழுத்தி வைத்து அங்கிள நீர்பழம் பாக்குடன் வெற்றிலை ஆடிப் படைப்பும் படைப்போமே வன்னப் பலாவிலை ஓடிப் பொறுக்கியே வந்து மடித்ததைக் கோலிக்கொண்டே அன்னை அகப்பையால் அள்ளி அள்ளிவார்க்க ஆடிப் புதுக்கூழ் குடிப்போமே வாழைப் பழத்தை உரித்துத் தின்போம்நல்ல மாவின் பழத்தை அறுத்துத் தின்போம் கூழைச் சுடச்சுட ஊதிக் குடித்துக் கொழுக்கட்டை தன்னைக் கடிப்போமே ஆடிப் பிறப்புக்கு நாளை விடுதலை ஆனந்தம் ஆனந்தந் தோழர்களே! கூடிப் பனங்கட்டிக் கூழும் குடிக்கலாம் கொழுக்கட்டை தின்னலாம் தோழர்களே! – நவாலியூர் சோமசுந்தரப்புலவர்   http://athavannews.com/ஆடிப்பிறப்பும்-தமிழர்-வா/  
    • ஐக்கிய தேசிய கட்சி அரசாங்கத்தை காப்பாற்றியது போல் கன்னியா விவகாரத்தில் தமிழ் மக்களை காப்பாற்றுவதற்கு நாடாளுமன்ற உறுப்பினர் சம்பந்தன் முயற்சி எடுக்க வேண்டும் என முன்னாள் பிரதி அமைச்சர் பிரபா கணேசன் வலியுறுத்தியுள்ளார். இது தொடர்பாக அவர் ஊடகங்களுக்கு அனுப்பிவைத்துள்ள அறிக்கையில் இந்த விடயம் தெரிவிக்கப்பட்டுள்ளது. அந்த அறிக்கையில் மேலும் குறிப்பிடப்பட்டுள்ளதாவது, “அரசாங்கத்தை காப்பாற்றுவதில் நாடாளுமன்ற உறுப்பினர் சம்பந்தன் காட்டும் அக்கறை தனது சொந்த தொகுதியில் தமிழ் மக்களுக்கு எதிராக பிக்குமார் முன்னெடுத்திருக்கும் ஆர்ப்பாட்டத்தில் காட்டாமல் இருப்பது சம்பந்தன் தமிழ் மக்களுக்கு செய்யும் துரோகமாகும். இன்று நாட்டில் முக்கியமான பிரச்சினையாக திகழ்ந்து கொண்டிருக்கும் கன்னியா விவகாரம் உடனடியாக தீர்க்கப்பட வேண்டும். இல்லாவிடில் இது ஒரு இனக்கலவரத்தை நோக்கி நகரக்கூடிய அபாயம் உள்ளது. ஆகவே இது சம்பந்தமாக அரசாங்கத்துடன் பேசி முடிவெடுக்க வேண்டிய தேவை தமிழ் தேசிய கூட்டமைப்பிற்கு உள்ளது. குறிப்பாக திருகோணமலை மாவட்ட நாடாளுமன்ற உறுப்பினர் என்ற வகையில் சம்பந்தனுக்கு பாரிய கடப்பாடு உள்ளது. கடந்த சில வருட காலமாக ஐக்கிய தேசிய கட்சி அரசாங்கத்தை காப்பாற்றி வரும் இவர் இந்த பிரச்சினையில் தமிழ் மக்களுக்கு நியாயம் பெற்றுக்கொடுக்க தவறுவாராயின் வரலாறு இவரை மன்னிக்காது. குறைந்த பட்சம் இந்து கலாச்சார அமைச்சரிடம் கூட இவர் இது சம்பந்தமாக கலந்துரையாடவில்லை என்பதை ஊடகங்கள் வாயிலாக அறிந்து கொண்டோம். ஆகவே இவ்வாறான செயற்பாடுகளை நிறுத்தி இப்பிரச்சினையில் நேர்மையான தீர்வினைப் பெற்றுக் கொடுக்க வேண்டும். கடந்த காலங்களில் முஸ்லிம் மக்களுக்கு எதிராக பௌத்த பிக்குமார்கள் களத்தில் இறங்கிய பொழுது அதனை தமிழர்கள் ஆதரித்தால், அது தமிழ் மக்களுக்கு எதிராக நிச்சயம் திரும்பும் என்று நான் ஊடகங்கள் வாயிலாக எச்சரிக்கை விடுத்திருந்தேன். இன்று அது இடம்பெற்று வருகின்றது. ஆகவே அரசியலில் பௌத்த பிக்குமார்களின் தலையீட்டை நிறுத்த வேண்டிய காலகட்டத்தில் நாம் உள்ளோம். ஐக்கிய தேசிய கட்சி அரசாங்கமும் சரி, எதிர்க்கட்சியும் சரி சிங்கள பௌத்த வாக்குகளுக்கு பயந்து நேர்மையான முறையில் செயல்படுவதற்கு தயங்குகின்றார்கள். அதே நேரம் ஆட்சியில் இருக்கும் ஐக்கிய தேசிய கட்சி அரசாங்கத்தை காப்பாற்றியது போல் இந்த கன்னியா விவகாரத்தில் தமிழ் மக்களை காப்பாற்றுவதற்கு நாடாளுமன்ற உறுப்பினர் சம்பந்தன் முயற்சி எடுக்க வேண்டும்.” என கூறப்பட்டுள்ளது. https://www.tamilwin.com/statements/01/220749?ref=home-latesthttps://w
    • பதவி துறந்த முஸ்லிம் அமைச்சர்கள் விடயத்தில் குற்றம் காணல் எம்.எஸ்.எம். ஐயூப் / 2019 ஜூலை 17 புதன்கிழமை, பி.ப. 05:36 Comments - 0 நாடு முழுவதிலும் முஸ்லிம்களுக்கு எதிராகப் பாரியளவில் வன்செயல்கள் வெடிக்கும் அபாயம் ஏற்பட்ட நிலையில், அந்த நிலைமையைத் தனிப்பதற்காக கடந்த ஜூன் மாதம் மூன்றாம் திகதி, கூட்டாகப் பதவி துறந்த முஸ்லிம் அமைச்சர்கள், பிரதி அமைச்சர்கள், இராஜாங்க அமைச்சர் மீண்டும் தத்தமது பதவிகளை ஏற்பது பற்றிய சர்ச்சையொன்று தற்போது கிளப்பப்பட்டுள்ளது.  பதவிகளை இராஜினாமாச் செய்தவர்கள், மீண்டும் பதவியேற்க முடிவு செய்ததாக, அவர்களின் கூட்டமொன்றை அடுத்து, முன்னாள் பிரதி அமைச்சர் அமீர் அலி, ஊடகங்களுக்குக் கருத்துத் தெரிவித்ததன் பின்னரே, இந்தச் சர்ச்சை உருவாகியிருக்கிறது. அவ்வாறு அவர்கள், மீண்டும் பதவிகளை ஏற்றால், கைத்தொழில் மற்றும் வர்த்தக அமைச்சராகவிருந்த ரிஷாட் பதியுதீனுக்கு எதிராக, மீண்டும் நம்பிக்கையில்லாப் பிரேரணையொன்றைக் கொண்டு வருவதாக, நாடாளுமன்ற உறுப்பினர்களான அத்துரலியே ரத்தன தேரரும் டிலான் பெரேராவும் கடந்த வாரமே கூறியிருந்தனர்.  இவ்வாறு ரத்தன தேரர் மிரட்டுவதை விளங்கிக் கொள்ளலாம். பயங்கரவாதத்துக்கு ஆதரவாக செயற்பட்டார் என்று குற்றஞ்சாட்டி, அமைச்சர் ரிஷாட் பதியுதீனுக்கு எதிராக, ஒன்றிணைந்த எதிரணியினர், கடந்த மே மாதம், நாடாளுமன்றத்தில் நம்பிக்கையில்லாப் பிரேரணையொன்றை முன்வைத்திருந்தனர்.  இந்த நிலையிலேயே கிழக்கு மாகாண ஆளுநராகவிருந்த எம்.எல்.ஏ.எம் ஹிஸ்புல்லாஹ், மேல் மாகாண ஆளுநராகவிருந்த அஸாத் சாலி, கைத்தொழில் மற்றும் வர்த்தக அமைச்சராகவிருந்த ரிஷாட் பதியுதீன் ஆகியோர், பயங்கரவாதத்துக்கு ஆதரவாகச் செயற்பட்டார்கள் என்று குற்றஞ்சாட்டி, அவர்களை அப் பதவிகளில் இருந்து நீக்க வேண்டும் என்று வற்புறுத்தி கண்டி, தலதா மாளிகை வளவில் ரத்தன தேரர் உண்ணாவிரதமொன்றை ஆரம்பித்திருந்தார்.  இந்த உண்ணாவிரதத்தைத் தொடர்ந்து, ஏற்பட்ட பதற்ற நிலையை அடுத்தே, இரண்டு ஆளுநர்களும் முஸ்லிம் அமைச்சர்களும் ஜூன் மூன்றாம் திகதி, பதவிகளை இராஜினாமாச் செய்தனர். முஸ்லிம் சமூகம் மீதான ஒரு மோசமான அழுத்தம், அதன் மூலம் தளர்த்தப்பட்டது. எந்தவித ஆதாரத்தையும் முன்வைக்காமலேயே ரத்தன தேரர், இந்த மூவரும் பயங்கரவாதத்துக்கு ஆதரவளிப்பதாகக் குற்றஞ்சாட்டினார்.  எனவே தான் அவர், ரிஷாட் பதியுதீன் மீண்டும் பதவியேற்றால், மீண்டும் அவருக்கு எதிராக நம்பிக்கையில்லாப் பிரேரணையொன்றைக் கொண்டு வருவதாக, இப்போதும் கூறுகிறார்.  ஆனால், விந்தை என்னவென்றால், இரண்டு ஆளுநர்களுக்கு எதிராக முன்வைக்கப்பட்ட குற்றச்சாட்டுகளை விட, மிக மோசமான குற்றச்சாட்டுகள் அமைச்சர் ரிஷாட்டுக்கு எதிராக முன்வைக்கப்பட்டு இருந்தும் இரண்டு ஆளுநர்கள் பதவி துறந்த உடனேயே, (ரிஷாட் இராஜினாமாச் செய்வதற்கு முன்னரே) ரத்தன தேரர் தமது உண்ணாவிரதத்தைக் கைவிட்டிருந்தார்.   ரிஷாட்டுக்கும் இரண்டு ஆளுநர்களுக்கும் எதிராகக் குற்றஞ்சுமத்தியவர்கள், ஊடகங்களிலும் நாடாளுமன்றத்திலும் கூச்சலிட்டார்களேயல்லாது, பொலிஸிலோ, இரகசியப் பொலிஸிலோ, பயங்கரவாத் தடுப்புப் பிரிவிலோ அவற்றைப் பற்றி முறைப்பாடு செய்யவில்லை. ஏனெனில், அக்குற்றச்சாட்டுகளை நிரூபிக்க, அவர்களிடம் ஆதாரம் எதுவும் இருக்கவில்லை. அதேவேளை, ஒரு குறிப்பிட்ட கட்சியை (முன்னாள் ஜனாதிபதி மஹிந்த ராஜபக்‌ஷ தலைமையிலான ஸ்ரீ லங்கா பொதுஜன பெரமுனவைச்) சேர்ந்தவர்களும் அவர்களுக்கு ஆதரவான ஊடகங்களுமே உயிர்த்த ஞாயிற்றுக்கிழமை இடம்பெற்ற பயங்கரவாதத் தாக்குதலை அடுத்து, முஸ்லிம் விரோத பிரசாரத்தில் ஈடுபட்டு வருகின்றனர். அதன் ஓரங்கமாகவே, முஸ்லிம் அரசியல்வாதிகளுக்கு எதிரான குற்றச்சாட்டுகள் எழுந்தன. எனவே, இவை வெறும் இனவாதப் பிரசாரம் என்பது, தெளிவாக இருந்தது.  ரிஷாட் குற்றமற்றவர் என, இப்போது பொலிஸ் தெளிவாகக் கூறியிருக்கிறது. இந்தநிலையில், நீண்ட காலமாக இனவாதத்துக்கு எதிராகக் குரல் கொடுத்த டிலான் பெரேராவும் ரிஷாட்டுக்கு எதிராக, மீண்டும் நம்பிக்கையில்லாப் பிரேரணையொன்றைக் கொண்டு வருவதாகக் கூறுவதானது, அவர் எந்தளவுக்குத் தரங்குறைந்து போயுள்ளார் என்பதை எடுத்துக் காட்டுகிறது.  பதவிகளை இராஜினாமாச் செய்தவர்கள், மீண்டும் பதவியேற்க முடிவு செய்துள்ளதாக அமீர் அலி கூறியபோதிலும், இராஜினாமாச் செய்த அனைவரும், அதனை உறுதிப்படுத்தவில்லை. முன்னாள் பிரதி அமைச்சர் எம்.எச்.எம். ஹரீஸ், தாம் மீண்டும் பதவியேற்கப் போவதில்லை எனக் கூறியிருக்கிறார். கல்முனை வடக்கு பிரதேச செயலகப் பிரச்சினை, முஸ்லிம்களின் ஏனைய பிரச்சினைகள் தீராத நிலையில், தாம் மீண்டும் பதவியேற்கப் போவதில்லை என அவர் கூறியிருக்கிறார்.  அதேவேளை, பதவி துறந்தவர்கள் மீண்டும் பதவி ஏற்பதற்கான இறுதி முடிவை எடுக்கவில்லை என, முன்னாள் பிரதி அமைச்சர் பைஸல் காஸிம் தெரிவித்ததாக மற்றொரு செய்தி கூறியிருந்தது.  இது, முஸ்லிம்களைக் குழப்பியடிக்கும் செயலாகவே தெரிகிறது. ஒருவர், முடிவு செய்ததாகக் கூறுகிறார்; மற்றவர், இறுதி முடிவு எடுக்கவில்லை என்கிறார்.  தாம் எதை செய்ய விரும்புகிறாரோ, அதைப் பொதுவாக எல்லோரினதும் முடிவாகக் காட்டுகிறார்களோ என்ற சந்தேகம் எழுகிறது.  மூன்று முஸ்லிம் அரசியல்வாதிகளுக்கு எதிராக, இராஜினாமாச் செய்யவேண்டும் என நெருக்குவாரம் ஏற்பட்ட போது, சகல முஸ்லிம் அமைச்சர்களும் ஏன் இராஜினாமாச் செய்ய வேண்டும் என, ஆரம்பத்தில் பெரும்பான்மையின அரசியல்வாதிகள்  கேள்வி எழுப்பினர். பௌத்த மக்களின் ஆன்மிகத் தலைவர்களாகக் கருதப்படும் நான்கு பௌத்த நிக்காயாக்களின் மகா நாயக்க தேரர்கள் குற்றம் சுமத்தப்படாதவர்கள், மீண்டும் பதவியேற்க வேண்டும் எனக் கூட்டறிக்கையொன்றின் மூலம் கேட்டுக் கொண்டனர்.  குற்றஞ்சாட்டப்பட்டவரைப் (ரிஷாட்டை) பாதுகாக்கவே சகல முஸ்லிம் அமைச்சர்களும் இராஜினாமாச் செய்தனர் எனப் பெரும்பான்மையின அரசியல்வாதிகள் சிலர் கூறினர்.  எல்லோரும் இராஜினாமாச் செய்தமை, ஒரு நாடகம் எனவும் சிலர் கூறினர். இன்னமும் கூறி வருகின்றனர்.  குற்றம் சாட்டப்பட்டவர்கள் மீதான விசாரணைகள் முடிவுறாத நிலையில், பதவி துறந்தவர்கள் மீண்டும் பதவியேற்கப் போகிறார்கள் என, இப்போது கூறுகின்றனர். எனவே, முஸ்லிம்கள் எதைச் செய்தாலும், அதில் குற்றம் காண்பதே, அவர்களின் நோக்கம் என்பது தெளிவாகிறது. இதன் மூலம், சிங்கள மக்கள் மத்தியில் இனவாதத்தைத் தூண்டி, எதிர்வரும் ஜனாதிபதி மற்றும் நாடாளுமன்றத் தேர்தல்களில் அரசியல் இலாபம் அடைவதையே அவர்கள் எதிர்பார்க்கிறார்கள்.  மஹிந்த அணியினருக்கு, கடந்த ஜனாதிபதி மற்றும் நாடாளுமன்றத் தேர்தல்களிலும் சிறுபான்மையின மக்களின் வாக்குகள் கிடைக்கவில்லை. குறிப்பாக, முஸ்லிம்கள் தமக்கு வாக்களிக்காதமையினாலேயே தாம் ஜனாதிபதித் தேர்தலில் தோல்வியடைந்ததாக மஹிந்த ராஜபக்‌ஷ பலமுறை கூறியிருக்கிறார்.  மூன்றாண்டுகளுக்குப் பின்னர், கடந்த வருடம் நடைபெற்ற உள்ளூராட்சி மன்றத் தேர்தல்களின் போது, சிங்கள மக்கள் பெருமளவாக ஐக்கிய தேசியக் கட்சியை விட்டு விலகியிருந்த நிலையிலும், சிறுபான்மை மக்களின் வாக்குகள் பொதுஜன பெரமுனவுக்குக் கிடைக்கவில்லை. எனினும், அவர்கள் அத்தேர்தல்களில் பெரும்பாலான சபைகளைக் கைப்பற்றிக் கொண்டார்கள்.  எனவே, தொடர்ந்தும் சிறுபான்மை மக்களின் வாக்குகளை நம்பியிராது, சிங்கள - பௌத்த மக்களின் வாக்குகளால் மட்டும், எதிர்வரும் தேர்தல்களை வெற்றிபெறலாம் என, பொதுஜன பெரமுனவினர் நினைக்கிறார்கள். ஜனாதிபதித் தேர்தலைப் பொறுத்தவரை, அது அவ்வளவு இலேசான விடயமும் அல்ல.  எனினும், இந்த நிலையில் இனவாதத்தைத் தூண்டி, ஐ.தே.கவை ஆதரிக்கும் சிங்கள வாக்காளர்களைக் கவர்ந்திழுப்தே அவர்களது நோக்கமாக இருக்கிறது. இதன் காரணமாகவே, அவர்கள் முஸ்லிம் அமைச்சர்கள் கூட்டாகப் பதவி துறந்ததையும் எதிர்த்தார்கள். தற்போது அவர்கள், மீண்டும் பதவி ஏற்றாலும் அதையும் எதிர்க்கும் நிலையில் இருக்கிறார்கள். அமைச்சுப் பதவிகளை ஏற்காமல் இருந்தால் கிராக்கி அதிகரிக்கும் ரத்தன தேரர் ஆரம்பித்த உண்ணாவிரதத்தை அடுத்து, நாடு முழுவதிலும் முஸ்லிம்களுக்கு எதிரான வன்செயல்கள் இதோ வெடித்துவிட்டன; அதோ வெடித்துவிட்டன என்றதொரு நிலையிலேயே ஜூன் மூன்றாம் திகதி, முஸ்லிம் அமைச்சர்கள் தமது பதவிகளை இராஜினாமாச் செய்தனர்.    “முஸ்லிம் அரசியல்வாதிகளுக்கு எதிராகச் சுமத்தப்பட்டு இருந்த, பயங்கரவாதம் தொடர்பான குற்றச்சாட்டுகள் விடயத்திலான விசாரணைகள், எவ்விதத் தலையீடும் இல்லாமல் நடைபெறுவதை உறுதி செய்வதற்காகவே, நாம் எல்லோருமாகப் பதவி துறக்கிறோம்” என அப்போது அவர்கள் கூறினர். ஒரு மாத காலத்துக்குள், விசாரணைகளை முடித்துவிடுமாறும் அவர்கள் கோரிக்கை விடுத்தனர்.  அதன் பின்னர், அரசாங்கத்தின் ஆலோசனையின்படி, பதில் பொலிஸ்மா அதிபருக்கு எதிரான குற்றச்சாட்டுகளை விசாரிப்பதற்காக உயர் பொலிஸ் அதிகாரிகள் மூவரைக் கொண்ட குழுவொன்று நியமிக்கப்பட்டது.  குற்றம் சுமத்துவோர், அந்தக் குழுவினரிடம் முறைப்பாடு செய்யலாம் எனவும் அறிவிக்கப்பட்டது. அரசியல்வாதிகள் உள்ளிட்ட சிலர், அக்குழுவிடம் முறைப்பாடுகளையும் முன்வைத்தனர். ஆனால், அவற்றில் மிகச் சில முறைப்பாடுகளே பயங்கரவாதம் சம்பந்தமானவையாக இருந்தன. ஏனையவை, ஊழல், மோசடிகள் தொடர்பானவையாகவே இருந்தன. அதேவேளை, 4/21 தாக்குதல்களைப் பற்றி, விசாரணை செய்வதற்காகவென நாடாளுமன்ற தெரிவுக்குழுவொன்றும் நியமிக்கப்பட்டது. அதிலும் சாட்சியமளிப்பதற்காக, முன்னாள் அமைச்சர் ரிஷாட் பதியுதீன் அழைக்கப்பட்டு இருந்தார்.  ரிஷாட் தொடர்பாக விசாரணை செய்தததாகவும் அவர் பயங்கரவாதிகளுடன் தொடர்பு வைத்திருந்தார் என்பதற்கு, எவ்வித ஆதாரமும் இல்லை என்றும் பதில் பொலிஸ் மா அதிபர் அறிக்கையொன்றை அனுப்பியிருந்ததாகவும் தெரிவுக்குழுவின் தலைவர் சாட்சியமளிக்கச் சென்ற போது தெரிவித்திருந்தார்.  இது முறையான செயலா, என்ற கேள்வி எழுகின்ற போதிலும், ரிஷாட் அந்த விடயத்தில் குற்றமற்றவர் என்று, பொலிஸார் முடிவு செய்திருப்பதாக அதன் மூலம் தெரிய வந்தது.  இரகசியப் பொலிஸாரும் இதேபோல் ரிஷாட் பயங்கரவாதிகளுடன் தொடர்பு வைத்திருக்கவில்லை எனத் தெரிவித்துள்ளதாகப் பிரதமர் ரணில் விக்கிரமசிங்கவும் கடந்த ஞாயிற்றுக்கிழமை கின்னியா மத்திய கல்லூரியல் புதிய கட்டடம் ஒன்றைத் திறந்து வைக்கும் வைபவம் ஒன்றில் உரையாற்றும் போது கூறியிருந்தார்.  அதேபோல், இப்போது முன்னாள் ஆளுநர்களான எம்.எல்.ஏ.எம். ஹிஸ்புல்லாஹ், அஸாத் சாலி ஆகியோருக்கு எதிராகவும் எவரும் கூச்சலிடுவதாகத் தெரியவில்லை.  இந்த நிலையில், முன்னாள் முஸ்லிம் அமைச்சர்கள் மீண்டும் பதவி ஏற்கலாம் எனச் சிலர் கூறலாம்.  ஆனால், பேரினவாத சக்திகள் அதனை ஏற்கப் போவதில்லை. சம்பந்தப்பட்ட குற்றச்சாட்டுகள் தொடர்பான விசாரணைகள் முடிவுறாத நிலையில், எவ்வாறு அவர்கள் மீண்டும் பதவி ஏற்க முடியும் என, ஒன்றிணைந்த எதிரணியின் நாடாளுமன்ற உறுப்பினர்  ஷெஹான் சேமசிங்க, கடந்த வெள்ளிக்கிழமை ஊடகவியலாளர் மாநாடொன்றில் உரையாற்றும் போது, கேள்வி எழுப்பியிருந்தார்.  சில வழக்குகள் இன்னமும் விசாரிக்கப்பட்டு வருவதாகவும் தெரிவுக்குழு விசாரணை இன்னமும் முடியவில்லை என்றும் அவர் வாதிட்டு இருந்தார். இவை முடிவுற்று முஸ்லிம் அரசியல்வாதிகள் நிரபராதிகள் என்று நிரூபிக்கப்பட்டாலும் இவர்கள் விடப்போவதில்லை.  சிங்களப் பெண்களுக்கு கருத்தடை ஏற்படும் வகையில் சிசேரியன் சத்திர சிகிச்சைகளை செய்தார் என்ற குற்றச்சாட்டின் பேரில் தடுத்து வைக்கப்பட்டு இருக்கும் டொக்டர் ஷாபி ஷிஹாப்தீன், பயங்கரவாத நடவடிக்கைகளோடு சம்பந்தப்பட்டதாக ஆதாரம் இல்லை என, இரகசியப் பொலிஸார் நீதிமன்றத்தில் தெரிவித்த போது, ரத்தன தேரர் இரகசியப் பொலிஸார் மீது சீறிப் பாய்ந்தார்.  அதற்கு முன்னர், ஷாபிக்கு எதிரான குற்றச்சாட்டுகளை ஆராய, சுகாதார அமைச்சு மருத்துவர் குழுவொன்றை நியமித்த போது, அதையும் பேரினவாதிகள் எதிர்த்தனர். பின்னர், நீதிமன்றம் அதைக் கலைத்துவிட்டது. டொக்டர் ஷாபிக்கு எதிரான கருத்தடை குற்றச்சாட்டுகளை நிரூபிக்க, ஆதாரங்கள் இல்லை என இரகசியப் பொலிஸார் கூறிய போது, அதையும் ஏற்றுக் கொள்ள மறுத்தார்கள். ரிஷாட் பயங்கரவாதச் செயல்களோடு தொடர்பு வைத்திருந்தார் என்பதற்கு, ஆதாரம் இல்லை எனப் பதில் பொலிஸ்மா அதிபர் தெரிவுக்குழுவுக்கு தெரிவித்த போது, அந்த அறிக்கையை ஏற்றுக் கொள்ள முடியாது என்றும் அவர்கள் கூறினர்.  2003ஆம் ஆண்டு சோம தேரர் ரஷ்யாவில் உயிரிழந்த போது, அது சதி என்றார்கள். ரஷ்ய மருத்துவர்களின் அறிக்கையை ஏற்க முடியாது என்றனர். இலங்கை மருத்துவர்கள் விசாரணை செய்து, இது இயற்கை மரணம் என்று கூறியபோது, அந்த அறிக்கையையும் ஏற்க முடியாது என்றனர். இலங்கை நீதிமன்றமும் அதே தீர்ப்பை வழங்கிய போது, அதனையும் ஏற்க முடியாது என்றனர்.  முஸ்லிம்களுக்கு எதிரான தற்போதைய குற்றச்சாட்டுகள் தொடர்பான விசாரணை  அறிக்கைகளையும் அவர்கள் தொடர்ந்து நிராகரிப்பார்கள். எனவே, அவர்களைச் சமாதானப்படுத்தி, முஸ்லிம் அரசியல்வாதிகள் மீண்டும் பதவி ஏற்க முடியாது.  முஸ்லிம் அரசியல்வாதிகள் மீண்டும் பதவி ஏற்றால், அவர்களைத் தம் பக்கம் ஈர்த்துக் கொள்வது கஷ்டம் எனப் பொதுஜன பெரமுனவினர் நினைக்கலாம். அவர்கள் பதவி ஏற்காமலிருந்தால் அவர்களுக்கு ஓரளவு கிராக்கி ஏற்படலாம். அது சிலவேளை முஸ்லிம் விரோத பிரசாரத்தையும் தளர்த்தலாம்.     http://www.tamilmirror.lk/சிறப்பு-கட்டுரைகள்/பதவி-துறந்த-முஸ்லிம்-அமைச்சர்கள்-விடயத்தில்-குற்றம்-காணல்/91-235491
    • கஜனின் சந்தேகத்துக்குரிய பிடிவாதம் புருஜோத்தமன் தங்கமயில் / 2019 ஜூலை 17 புதன்கிழமை, பி.ப. 05:23 Comments - 0   தமிழ்த் தேசிய அரசியல் அரங்கில், தமிழ்த் தேசியக் கூட்டமைப்புக்கு மாற்றாக, பலமான அணியொன்றைக் கட்டமைக்க வேண்டும் என்கிற சிந்தனையின் வழி செயற்பட்டவர்களில் அநேகர், இன்றைக்கு விரக்தியின் விளிம்பில் நிற்கிறார்கள். புலிகள் இல்லாத அரங்கில், கூட்டமைப்பு ஏகநிலையை அடைந்தது முதல், மாற்று அணியொன்றுக்கான தேவை, தவிர்க்க முடியாத ஒன்றாக இருந்து வருகின்றது. அப்படிப்பட்ட சூழ்நிலையில், மாற்று அணியொன்றைக் கட்டமைக்கும் காட்சிகளை, மாற்று அணிக்கான கோசத்தை எழுப்பிய தரப்புகளே, கலைத்துக் கொண்டிருக்கின்றன என்பதுதான் பெரும் சோகம்.   அரசியல் என்பது, நண்பர்களைக் காட்டிலும், எதிரிகளும் துரோகிகளும் நிறைந்திருக்கும் களம். சந்தர்ப்பங்களுக்கும் சூழ்நிலைகளுக்கும் ஏற்ப, எதிரிகளோடு கைகோர்க்கவும் துரோகிகளை மன்னிக்கவும் வேண்டி வரலாம். அதற்கான உதாரணங்கள், தமிழ்த் தேசிய அரசியல் வரலாற்றில் அதிகம் உண்டு.    ஒருவரையொருவர் கொலை செய்யும் அளவுக்குச் சென்ற தரப்புகள் கூட, கடந்த காலங்களை மன்னித்து, மறந்து, அரசியல் தேவைகளுக்காக ஒன்றாகக் கைகோர்த்து, கூட்டணிகளை அமைத்திருக்கின்றன. அதன் இறுதிச் சாட்சியாக, ‘கூட்டமைப்பு’ என்கிற அடையாளம், இன்னமும் எஞ்சியிருக்கின்றது.    அப்படிப்பட்ட சூழ்நிலையில், மாற்று அணிக்கான கோசத்தை எழுப்பிய தரப்புகள், தங்களுக்குள் உப்புச் சப்பில்லாத காரணங்களுக்காக, முரண்பட்டுக் கொண்டிருக்கின்றன. அதனை, மாற்று அணிக்காக இயங்கிய பேரவைக்காரர்களும் கல்வியாளர்களும் அரசியல் பத்தியாளர்களும் தற்போது வெளிப்படுத்திக் கொண்டிருக்கிறார்கள்.   கடந்த சில வாரங்களுக்கு முன்னரும் விக்னேஸ்வரனுக்கும் கஜேந்திரகுமார் பொன்னம்பலத்துக்கும் இடையிலான பேச்சுவார்த்தைக்கான ஏற்பாடுகளை, அவுஸ்திரேலியாவில் வசிக்கும் புலமையாளர் ஒருவர் முன்னெடுத்திருந்தார்.அது, பேச்சுவார்த்தை நடைபெறுவதற்கு முதல் நாளே, ஒன்றுமேயில்லாமல் முடிந்து போயிருக்கிறது.  அன்றுமுதல், தொடர்ச்சியாக இரு தரப்பும் மாறிமாறிக் குற்றச்சாட்டுகளை அடுக்கி வருகின்றன; ஊடக அறிக்கைகளை வெளியிட்டு வருகின்றன. அவற்றில் வெளிப்படுவது எல்லாமும் கடந்த காலத்தில் ஒப்புவிக்கப்பட்ட அதே பதில்கள் மாத்திரமே ஆகும். அவற்றைக் காணும் போது, மாற்று அணி குறித்து, நம்பிக்கை கொண்டிருந்த மக்கள் ஏமாற்றமடைவார்கள்.   கடந்த காலத்தில், பேரவையில் ஒன்றாக இயங்கிய விக்னேஸ்வரனும் கஜனும், தமக்கிடையில் பேச்சுவார்த்தை நடத்துவதற்கே, நிபந்தனைகளை விதித்துக் கொள்கிறார்கள்.    புலிகள், கூட்டமைப்பைக் கட்டமைப்புச் செய்தபோது, புலிகளுக்கு எதிராக, அரச படைகளோடு ஒத்து இயங்கிய புளொட் உள்ளிட்ட தரப்புகளைக் கூட, அழைத்துப் பேசினார்கள். அப்போதுகூட, நிபந்தனைகளை எல்லாம் விதித்துக் கொண்டிருக்கவில்லை.    ‘காலமும் களமும் தங்களின் முன்னால், கூட்டமைப்பு என்கிற ஜனநாயக வடிவ அரசியல் சக்தியொன்றை அமைக்க வேண்டிய பொறுப்பை வழங்கியிருக்கின்றது; ஆகவே, சில இடங்களில் இறங்கிச் செயற்படுவதில் தப்பில்லை’ என்றே புலிகள் கருதினார்கள்.    அன்றைக்கு, கூட்டமைப்பில் இணைந்து கொள்ளாமைக்கு புளொட்டே காரணம். வரலாறு இப்படியிருக்க, “ஈ.பி.ஆர்.எல்.எப் இருக்கும் எந்தவோர் அணிக்குள்ளும் தங்களால் வரமுடியாது; ஏன், பேச்சுவார்த்தை நடத்தவே வரமுடியாது” என்று, முரண்டு பிடித்துக் கொண்டிருப்பது என்பது, கஜனின் மீதும், முன்னணி மீதும் பல கேள்விகளை எழுப்புகின்றது.   தொடர்ச்சியாகக் ‘கொள்கைக் கூட்டு’ப் பற்றி, கஜன் பேசி வருகிறார். அப்படியானால், கூட்டமைப்பு ஆரம்பிக்கப்பட்ட காலத்தில், புளொட்டை அழைத்து, புலிகள் கலந்துரையாடியது, கொள்கைகளைக் கைவிட்ட நிலையிலா? தமிழ்த் தேசிய அரசியலிலும், அதற்கான போராட்டக் களத்திலும் புலிகள் அளவுக்குக் கொள்கை பற்றியும் அதற்கான அர்ப்பணிப்புப் பற்றியும் பேசும் தரப்புகள் இதுவரை எழவில்லை. அப்படியான நிலையில், கஜனின் நிலைப்பாட்டை, மக்கள் இரசிப்பார்களா என்பது தொடர்பிலாவது, அவரின் ஆலோசகர்கள் எடுத்துக்கூற வேண்டும்.   வார இறுதிப் பத்திரிகையொன்றுக்கு, கஜன் வழங்கியிருக்கின்ற செவ்வியில், ‘சுரேஷ் பிரேமசந்திரன் இந்தியாவின் ஆணைகளை ஏற்றுச் செயற்படுகிறார்’ என்று தொடங்கி, ‘கொள்கைகளைக் கைவிட்டுவிட்டார்’ என்பது வரை, மீண்டும் ஒப்புவித்திருக்கிறார். ‘அவர் அங்கம் வகிக்கும் அணிக்குள், தங்களால்ச் செல்ல முடியாது’ என்கிறார். ‘எந்தவொரு காரணத்துக்காகவும் விக்னேஸ்வரன் தவிர்ந்து, வேறொரு தரப்புடன், தங்களால் கூட்டணிக்கான ஒப்பந்தத்தில் கைச்சாத்திட முடியாது. அல்லது இணங்க முடியாது’ என்கிறார். ஏனெனில், பொ.ஐங்கரநேசன் ஆரம்பித்திருக்கிற ‘தேசிய பசுமை இயக்கம்’ என்கிற கட்சியையோ, அனந்தி சசிதரனின் ‘ஈழத்தமிழர் சுயாட்சிக் கழகம்’ என்ற கட்சியையோ தனித்தனிக் கட்சிகளாக அங்கிகரித்துக் கைச்சாத்திட முடியாது என்கிறார்.    ஐங்கரநேசனும் அனந்தியும் விக்னேஸ்வரனின் அணியாகவே கருத்தில் எடுக்கப்படுவார்கள் என்று தெளிவாகவே கூறியிருக்கின்றார். இந்த விடயம், புதிய கூட்டுக்குள் விக்னேஸ்வரனும் தானும் மாத்திரமே சம பங்காளிகள் என்கிற வரையறைகளைக் கஜன் கொண்டிருக்கிறார் என்பதை வெளிப்படுத்துகின்றது. அதனைத்தாண்டி, இன்னொருவர் பங்காளிக் கோசத்தை எழுப்புவதை அவர் விரும்பவில்லை. அதன்போக்கில்தான், அவர் ஈ.பி.ஆர்.எல்.எப்பினை சில காரணங்களைச் சொல்லிக் கொண்டு தவிர்க்கிறார் என்பது மீண்டும் வெளிப்படுகின்றது.   கூட்டமைப்பு ஆரம்பிக்கப்பட்ட காலத்துக்கே, மீண்டும் செல்ல வேண்டியிருக்கின்றது. அதாவது, கூட்டமைப்பு ஆரம்பிக்கப்பட்ட காலத்தில், புலிகளுக்குப் பின்னர், ஓரளவுக்கு மக்கள் ஆதரவு பெற்ற தரப்பாக (தேர்தல் வழியில் வெற்றிபெற்ற) தமிழர் விடுதலைக் கூட்டணியே இருந்தது.    ஆனால், அப்போது, கூட்டமைப்புக்கான உருவாக்கத்துக்கான ஒப்பந்தத்தில் அங்கம் வகித்த அனைத்துக் கட்சிகளும் கைச்சாத்திட்டன; சம அந்தஸ்தும் வழங்கப்பட்டது. அதுதான், தேர்தல் வெற்றிகளையே பல ஆண்டுகளாகக் கண்டிராத அகில இலங்கைத் தமிழ்க் காங்கிரஸைக் கூட்டமைப்பில் சம பங்காளியாக்கியது. அந்தக் கூட்டமைப்பின் வழி, அரசியற்களம் கண்ட கஜன், இன்றைக்கு ஐங்கரநேசன், அனந்தியின் கட்சிகளை அங்கிகரிக்க மாட்டேன்; கைச்சாத்திடும் அந்தஸ்தை வழங்க மாட்டேன் என்கிற தோரணையில் பேசுகிறார்.    கட்சியொன்று, தனக்குள்ள ஆதரவின் அடிப்படையில், தேர்தலின் போது ஆசனங்களைக் கோருவது என்பதுவும் கூட்டணியொன்றுக்கான ஒப்பந்தத்தில் கைச்சாத்திடும் போது, தரநிலைப்படுத்தியே அங்கிகரிப்பேன் என்பதுவும் வெவ்வேறானவை.   தேர்தல்களில், காங்கிரஸின் ‘சைக்கிள்’ சின்னத்தில் போட்டியிடுவதற்குத் தயார் என்று குறிப்பிட்டு விக்னேஸ்வரன், தனக்குக் கடிதம் எழுதியதாக (அந்தக் கடிதத்துக்கு பதிலளிக்காது) ஊடகங்களில் வெளிப்படுத்தி, தன்னுடைய கனவான்(?) தன்மையையும் அரசியல் நாகரிகத்தையும்(?) கஜன் அண்மையில் வெளிப்படுத்தியிருக்கிறார். அதன்பின்னரே, அந்தக் கடிதம் குறித்து விக்னேஸ்வரன் ஊடகங்களில் பேசினார்.   தமிழ்த் தேசிய அரசியல் அரங்கில், தொடர்ச்சியாக முன்வைக்கப்பட்ட சமஷ்டி அதிகாரப் பரவலாக்கம் குறித்தோ, அதன் பின்னரான தனிநாட்டுக் கோரிக்கை குறித்தோ, அகில இலங்கைத் தமிழ்க் காங்கிரஸ் என்றைக்குமே நிலைப்பாடுகளை வெளிப்படுத்தி இருக்கவில்லை.    சமஷ்டிக் கோரிக்கையை, தமிழரசுக் கட்சி முன்வைக்கும் போது, காங்கிரஸின் ஸ்தாபகரான ஜீ.ஜீ பொன்னம்பலம், தென் இலங்கையோடு சேர்ந்து, அதனை எதிர்த்திருக்கிறார். இன்றைக்கும் காங்கிரஸின் யாப்பில், அரசியல் இலக்குகளில் சமஷ்டியோ, தனிநாட்டுக் கோரிக்கையோ இல்லை. அப்படியான நிலையில், காங்கிரஸின் ‘சைக்கிள்’ சின்னத்தில் போட்டியிடும் கட்டத்துக்கு, விக்னேஸ்வரன் இறங்கி வந்தது என்பது, மாற்று அணியொன்றைப் பலப்படுத்தும் தேவைகளின் அடிப்படையிலானது என்பதைப் புரிந்து கொள்ள முடியும்.   கூட்டமைப்பைக் கட்சியாகப் பதிவு செய்ய வேண்டும் என்ற கோரிக்கைகள் எழுந்த போது, அதனைப் புலிகள் அனுமதிக்கவில்லை. கூட்டமைப்புக்காக எழுதப்பட்ட யாப்பு வரைபுகள், கிடப்பில் போடப்பட்டன. ஆனால், புலிகளின் காலத்துக்குப் பின்னர், கூட்டமைப்பைக் கட்சியாகப் பதிவு செய்யுமாறு பலமான கோரிக்கைகள் எழுந்தன. அது, தமிழரசுக் கட்சியால் தொடர்ந்தும் நிராகரிக்கப்பட்டு வந்திருக்கின்றது.    ஆனால், கூட்டமைப்புக்கு மாற்றாகத் தன்னை முதன்முதலில் அடையாளப்படுத்திய தமிழ்த் தேசிய மக்கள் முன்னணி, ஏன் இன்னமும் ஒரு கட்சியாகப் பதிவு செய்யப்படவில்லை என்பதுவும், சின்னத்தைப் பெறவில்லை என்பதுவும் சந்தேகத்துக்குரிய விடயங்களாகவே தொடர்கின்றன. காங்கிரஸின் கடந்த கால வரலாற்றில் உள்ள கறுப்புப் பக்கங்களைக் கடப்பதற்காக, முன்னணி என்கிற கூடாரம் அமைக்கப்பட்டிருக்கின்றதா என்கிற கேள்வியும் எழுகின்றது.   ஏனெனில், புதிய கூட்டுக்காகச் சிலவேளை கஜன் உடன்பட்டால், அவர் அந்தக் கூட்டின் பங்காளியாக, எந்தக் கட்சியின் பெயரோடு கைச்சாத்திடுவார்? தேர்தல் ஆணையகத்தில், கட்சியாக அங்கிகாரம் பெறாத முன்னணியைக் கூட்டணியொன்றின் பங்காளியாக, உத்தியோகபூர்வமாக எப்படி  இணைத்துக் கொள்ள முடியும்? இப்படிப் பல கேள்விகளுக்கு, கஜன் பதில் சொல்ல வேண்டியிருக்கின்றது. நேர்மைத் தன்மை குறித்து, மற்றவர்களுக்குப் போதிப்பதற்கு முதல், அவர், அதற்கான பதிலை மக்களிடம் சொல்ல வேண்டும். அப்படியான நிலையில், கூட்டமைப்புக்கு எதிரான மாற்று அணியை உருவாக்கும் கட்டத்தில், கஜன் காட்டும் முரட்டுத்தனம், முட்டாள்தனமானது மாத்திரமல்ல; சந்தேகத்துக்கும் உரியது.       http://www.tamilmirror.lk/சிறப்பு-கட்டுரைகள்/கஜனின்-சந்தேகத்துக்குரிய-பிடிவாதம்/91-235481  
    • பிள்ளையாருக்கும் கூட்டமைப்புக்கும் என்ன சம்பந்தம்.? ஒரே ஒரு சம்பந்தம்தான் தெரிகிறது. பிள்ளையார் இருந்த இடம் தெரியாமல் அழிந்துவிட்டார். கூட்டமைப்பும் இருந்த இடம் தெரியாமல் அழியப் போகிறது.