Jump to content
களத்தில் உள்நுழையும் வழிமுறையில் மாற்றம் செய்யப்பட்டுள்ளது. மேலதிக விளக்கங்களிற்கு

`சிறை கையேடு 459-ன்படி சசிகலா மூன்றாம்வகை குற்றவாளி!' - சத்ய நாராயணராவ் வாக்குமூலத்தின் முழு விவரம்


Recommended Posts

`சிறை கையேடு 459-ன்படி சசிகலா மூன்றாம்வகை குற்றவாளி!' - சத்ய நாராயணராவ் வாக்குமூலத்தின் முழு விவரம்

 
 
 

வினய்குமார் கமிஷன்

சிகலாவுக்குச் சிறையில் செய்து கொடுக்கப்பட்ட வசதிகள் குறித்து வெளியாகும் தகவல்களால், சிக்கலுக்கு ஆளாகியிருக்கிறார் கர்நாடக முதல்வர் சித்தராமையா. `அரசு விருந்தினர் மாளிகைக்கு என்னை அழைத்தார் முதல்வரின் உதவியாளர். அங்கு சென்றபோது, சசிகலாவுக்குச் சிறப்பு வசதிகள் செய்து தருமாறு கூறினார்' என வினய் குமார் கமிஷன் முன்பாக சிறைத்துறை டி.ஜி.பியாக இருந்த சத்யநாராயண ராவ் தெரிவித்த கருத்துகள் புயலைக் கிளப்பியுள்ளன. 

 

கர்நாடக சிறைத்துறை டி.ஐ.ஜியாகப் பொறுப்பேற்ற ஐ.பி.எஸ் அதிகாரி ரூபா, பரப்பன அக்ரஹாரா சிறையில் அதிரடி சோதனையை மேற்கொண்டார். இதில், சிறைத்துறை விதிகளை மீறி சசிகலாவுக்குச் சலுகைகள் செய்து தரப்படுவதாகக் குற்றம் சுமத்தினார். `இதற்காக, டி.ஜி.பி சத்யநாராயண ராவ் 2 கோடி ரூபாய் லஞ்சம் பெற்றார்' என அதிரவைத்தார். இதனை எதிர்பார்க்காத சத்யநாராயண ராவ், பெண் அதிகாரி ரூபா மீது நீதிமன்றத்தில் அவதூறு வழக்குத் தொடர்ந்தார். இந்நிலையில், `விதிகளை மீறி சலுகை வழங்கப்பட்டதா?' என்பதைக் கண்டறிய ஐ.ஏ.எஸ் அதிகாரி வினய் குமார் தலைமையில் கமிட்டி அமைத்து உத்தரவிட்டார் முதல்வர் சித்தராமையா. இந்த அறிக்கையின் விவரங்கள் வெளியானதால், கூடுதல் சிரமத்துக்கு ஆளாகியிருக்கிறார் சித்தராமையா.

வினய்குமார் அறிக்கை

சிறைத்துறையில் நடந்த குளறுபடிகள் குறித்து பேட்டியளித்த பா.ஜ.க எம்.பி ஷோபா கரல்தலாஜே, ' சிறைத்துறை டி.ஜி.பி சத்யநாராயண ராவ், வினய்குமார் கமிஷன் முன்பு தெளிவாக உண்மையைக் கூறிவிட்டார். முதல்வர் சித்தராமையாவின் அறிவுறுத்தலின் பேரில் சசிகலாவுக்கு வசதிகள் அளிக்கப்பட்டுள்ளன. இது தற்போது பிரச்னையாக மாறிவிட்டதால், சத்யநாராயண ராவ் மீது ஏசிபி போலீசார் வழக்கு பதிவு செய்துள்ளனர். சிறையில் சசிகலாவுக்கு சிறப்பு சலுகை  அளிக்கப்படுவதற்காக முதல்வர் சித்தராமையா பெற்ற கைம்மாறு என்ன என்பதை  வெளிப்படையாகக் கூறவேண்டும்' எனக் கொதித்தார். சட்டமன்றத் தேர்தல் நெருங்கும் நேரத்தில், கட்சிக்கு ஏற்பட்ட சோதனையாக இதனைக் கருதுகிறது காங்கிரஸ் கட்சி மேலிடம். 

வினய்குமார் கமிஷன் முன்பாக, சத்யநாராயண ராவ் அளித்த பிரமாண பத்திரத்தில் என்ன குறிப்பிடப்பட்டுள்ளது என்பதை அறிய முயற்சி செய்தோம். நம்மிடம் கிடைத்த பிரமாணப் பத்திரத்தில் உள்ள தகவல்கள் இவைதாம்....! 

வினய்குமார் அறிக்கை

` சொத்துக்குவிப்பு வழக்கு தொடர்பாக சசிகலா சிறையில் அடைக்கபட்ட பிறகு, `அவருக்குச் சிறையில் முதல் வகுப்பு வசதிகள் கொண்ட அறை வேண்டும்' எனச் சிறைத்துறை அதிகாரிக்கு ஒரு கடிதம் வந்தது. இதைப் பற்றி தொலைபேசியில் தொடர்பு கொண்டு என்னிடம் கேட்டார் அந்த அதிகாரி. அவரிடம் நான் பேசும்போது, ' சிறை கையேடு எண் 459-ன்படி மூன்றாம் வகை குற்றவாளிகளுக்கு அவ்வாறு எந்த வசதிகளும் செய்து தர முடியாது' எனக் கூறினேன். `நீதிமன்றம் அவருக்கு எந்தச் சிறப்பு வசதிகளும் வழங்கக் கூடாது' என அறிவித்திருந்தது. அதன்படி அவருக்கு எந்த வசதிகளும் செய்து தரவில்லை. பரப்பன அக்ரஹாரா சிறையில் உள்ள பெண்களுக்கான பிரிவின், முதல்மாடியில் உள்ள ஒரு தனி அறையில் சசிகலா அடைக்கப்பட்டிருந்தார். பிறகு, மீண்டும் சிறைத்துறை அதிகாரிக்கு ஒரு கடிதம் வந்தது. அதில் சசிகலாவுக்கு முதல் வகுப்பு அளிக்கும்படி கேட்கப்பட்டிருந்தது. இதனை சிறைத்துறை அதிகாரி என்னிடம் தெரிவித்தார். நான் அந்தத் தகவலை அரசாங்கத்தின் கவனத்துக்குக் கொண்டு சென்றேன். அங்கிருந்து எனக்கு எந்தப் பதில்களும் வரவில்லை.

சசிகலாஅதன்பிறகு, ஒருநாள் கே.பி.சி விருந்தினர் இல்லத்துக்கு வருமாறு முதல்வர் அலுவலகத்திலிருந்து தகவல் வந்தது. அங்கு என்னைச் சந்தித்த முதல்வரின் உதவியாளர் வெங்கடேஷ், `சசிகலாவுக்கு எந்த மாதிரியான சலுகைகள் வழங்கப்படுகின்றன?' என்று கேட்டார். அதற்கு நான், `அவருக்கு எந்தச் சலுகைகளும் வழங்கப்படவில்லை. அவரும் மற்ற கைதிகளைப் போலவேதான் நடத்தப்படுகிறார்' எனக் கூறினேன். தொடர்ந்து என்னிடம் பேசிய வெங்கடேஷ், `சசிகலாவுக்கு ஒரு கட்டில், மெத்தை மற்றும் தலைகாணி மட்டும் வழங்குங்கள்' எனக் கூறினார். முதல்வர் தரப்பினர் சொன்னதன் பேரில் அவருக்கு ஒரு கட்டில், மெத்தை, தலைகாணி மட்டுமே வழங்கப்பட்டு வந்தது. இதன்பிறகு, சசிகலாவுக்கு என்னென்ன சலுகைகள் வழங்கப்படுகின்றன எனத் தனிப்பட்ட முறையில் கண்காணித்தேன். அவருக்கு அதிகப்படியான எந்தச் சலுகைகளும் வழங்கப்படவில்லை. இதைத்தொடர்ந்து, சசிகலாவைக் கண்காணித்துத் தினமும் பதிவு செய்யுமாறு சிறைத்துறை பெண் அதிகாரி அனிதாவிடம் தெரிவித்தேன். அவர் அளித்த தகவலின்படி சசிகலா மீது எந்தப் புகாரும் வரவில்லை. 

சிறைச்சாலைக்கு நீதிபதிகள், சிறைத்துறை உறுப்பினர்கள், அரசியல் சார்பற்றவர்கள், ஆராய்ச்சி மாணவர்கள் எனப் பலரும் வருவார்கள். சசிகலாவுக்குச் சிறப்பு சலுகைகள் வழங்கபடுவதாக எனக்கு எந்தவிதப் புகார்களும் வரவில்லை. பெண்கள் சிறையில் அதிரடி விசிட் செய்தபோதும், சசிகலாவின் அறையிலோ, இளவரசியின் அறையிலோ எந்தவிதச் சிறப்பு சலுகைகளும் வழங்கப்படவில்லை என்பதை உறுதிப்படுத்திக்கொண்டேன். சிறப்புச் சலுகைகள் வழங்குமாறு எந்த அதிகாரிக்கும் நான் உத்தரவிடவில்லை' என விளக்கமளித்திருக்கிறார். இதன்பிறகு, சிறையில் ஆய்வு நடத்த வந்தபோது, இரண்டு சி.சி.டி.வி கேமிராக்களும் ஜாமர்களும் இயங்கவில்லை என்ற தகவல் உங்கள் கவனத்துக்கு வந்ததா எனக் கேட்டபோது, `இதுதொடர்பாக, சிறைத்துறை அதிகாரி எனக்கு அனுப்பிய தகவலை நான் அரசிற்கும், இசிஐஎல்-க்கும் அனுப்பியுள்ளேன்' எனத் தெரிவித்தார். தொடர்ந்து, சசிகலாவுக்கு ஒதுக்கப்பட்ட அறையின் அருகில் உள்ள மற்ற அறைகளில் யாரையும் அனுமதிக்காதது ஏன் என்ற கேள்விக்குப் பதிலளித்த சத்ய நாராயணராவ், `சசிகலா, இளவரசி ஆகியோருக்கு ஓர் அறை மட்டுமே ஒதுக்கப்பட்டிருந்தது. பாதுகாப்பு நலன் கருதியே மற்ற அறைகளில் மற்றவர்களை அனுமதிக்கவில்லை' எனக் கூறியிருக்கிறார். 

`வினய்குமார் கமிஷன் அறிக்கையின் தாக்கம் என்ன விளைவுகளை ஏற்படுத்தப்போகிறது என்பது, கர்நாடக சட்டமன்றத் தேர்தல் முடிவில் தெரியவரும்' என்கின்றனர் அரசியல் விமர்சகர்கள். 

 

Link to comment
Share on other sites

Archived

This topic is now archived and is closed to further replies.

  • Tell a friend

    Love கருத்துக்களம்? Tell a friend!
  • Topics

  • Posts

    • முன்னாள் தமிழ் லோயர்கள் அவர்கள் உண்மையிலே  படித்து இருந்தால் தமிழர்களாகிய நாங்கள் சண்டைபோடாமல் இலங்கையில் சிங்கப்பூர் போன்று  சம உரிமைகளுடன் வாழ்ந்து இருப்பம் ஆனால் அவர்களுக்கு சொல்லிக்கொடுப்பட்டது எப்படி அடிமையாய் சேவகம் பண்ணுவது என்பதே அவர்கள் தாங்கள்  படிப்பு பரம்பரை என்று தங்களை தாங்களே ஏமாத்தி இலங்கையின் தமிழினத்துக்கு கொள்ளிக்கட்டை வைத்ததே அவர்கள்தான் அவர்களின் வாரிசுகளும் இன்றும் அச்சாரம் பிசகாமல் அடிமைகதைகளை  வெளிநாடுகளுக்கு வந்து விதைக்கின்றது  எங்கள்தலைமுறையுடன் வரும் பலதலைமுறைகளை நட்டாற்றில் விட்டு சென்றதே அவர்களின் அடிமைத்தனமான சிந்தனைகள்  இன்னும் அனுமான் வால்  போல் நீண்டுகொண்டு போகின்றது .
    • இராணுவத்தின் ஜகத் ஜெயசூரிய, கபில எந்தவிதாரண ஆகியோர் உண்மையில் குற்றவாளிகளே - சரத் பொன்சேகா (ஆர்.யசி, எம்.ஆர்.எம்.வசீம்) ஜகத் ஜெயசூரிய, கபில எந்தவிதாரண, கரன்னாகொட ஆகியோர் உண்மையில் குற்றவாளிகளே. இவர்கள் தவறிழைத்தனர், கண்டிப்பாக  இவர்களை தண்டிக்க வேண்டும் என்பதை சபையில் வலியுறுத்திய எதிர்க்கட்சி பாராளுமன்ற உறுப்பினர் பீல்ட் மார்ஷல் சரத் பொன்சேகா, நாம் ஆட்சிக்கு வந்தவுடன் இந்த வழக்குகளை மீண்டும் கையில் எடுப்பதுடன்,  கரன்னாகொடவிற்கு எதிராக நிச்சயமாக நடவடிக்கை எடுக்கப்படும் என்றார். பாராளுமன்றத்தில் வெள்ளிக்கிழமை (3) இடம்பெற்ற பாதுகாப்பு அமைச்சு ,பொதுமக்கள் பாதுகாப்பு அமைச்சு ,அரச பாதுகாப்பு மற்றும் அனர்த்த முகாமைத்துவ இராஜாங்க அமைச்சு, உள்நாட்டலுவல்கள் இராஜாங்க அமைச்சு,சமூக பொலிஸ் சேவைகள் இராஜாங்க அமைச்சு ஆகியவற்றுக்கான  குழுநிலை விவாதத்தில் உரையாற்றுகையிலேயே அவர் இதனை கூறினார்.  அவர் மேலும் கூறுகையில், இலங்கை இராணுவத்திற்கு எதிராக யுத்த குற்றச்சாட்டுகள் முன்வைக்கப்பட்டு ஐக்கிய நாடுகள் மனித உரிமைகள் பேரவையில் முறைப்பாடுகள் முன்வைக்கப்பட்டுள்ளன. இந்த குற்றச்சாட்டுக்கள் குறித்து நாம் நடவடிக்கை எடுக்கவில்லை எனவும் கூறப்பட்டுள்ளது. எமது இராணுவத்தில் ஒருவர் இருவர் தவறிழைத்துள்ளனர் என்பதை நாமும் கூறியுள்ளோம். அதற்காக நானும் விளைவுகளை அனுபவித்துக்கொண்டுள்ளேன். மேற்கத்தேய நாடுகளுக்கு செல்ல எனக்கும் வீசா வழங்குவதில்லை. இராணுவ ஜெனரல்கள் 58 பேருக்கு இந்த தடை விதிக்கப்பட்டுள்ளது. தற்போதைய இராணுவ தளபதி, பாதுகாப்பு செயலாளருக்கும் இத்தடை விதிக்கப்பட்டுள்ளது. இராணுவத்தில் இருந்த ஒருவர் இருவர் செய்த தவறுக்காக நாமும் சேர்ந்து தண்டனை அனுபவித்துக்கொண்டுள்ளோம். ஜகத் ஜெயசூரிய, கபில எந்தவிதாரண ஆகியோர் உண்மையில் குற்றவாளிகளே. இவர்கள் தவறிழைத்தனர், கண்டிப்பாக இவர்கள் குற்றவாளிகளே, இவர்களை தண்டிக்க வேண்டும். இவர்களை தண்டித்து ஏனைய இரண்டு இலட்சம் இராணு வீரர்களையும் தூய்மையாக்குங்கள். இதனை செய்வதன் மூலமாக வெளிவிவகார அமைச்சரும் நெருக்கடியில் இருந்து தப்பிக்கலாம். ஆகவே அதற்காகவேனும் இவர்களுக்கு எதிராக நடவடிக்கை எடுக்க வேண்டும். இராணுவம் குற்றமிழைத்தால் அவர்களை தண்டிப்பது தவறில்லை. அதேபோல் முன்னாள் கடற்படை தளபதி கரன்னாகொட மிகப்பெரிய குற்றமொன்றை செய்துள்ளார். பாடசாலை மாணவர்கள் 11 பேரை கடத்தி  அவர்களின் பெற்றோரிடம் கப்பம் பெற்று இறுதியாக கொலையும் செய்தார். இந்த 11 பேரில் சிங்கள மாணவர் ஒருவரும், முஸ்லிம் மாணவர் ஒருவரும் இருந்தார்கள். இவர்கள் அனைவரும் பாடசாலை மாணவர்கள். குறிப்பாக பெரேரா என்ற சிங்கள மாணவன் இங்கிலாந்து பல்கலைக்கழகத்திற்கு செல்ல இரண்டு நாட்களுக்கு முன்னர் கொலைசெய்யப்பட்டார். இவர்களை கொலைசெய்து கடலில் வீசியதற்கான சாட்சியங்களும் நிருபிக்கப்பட்டுள்ளன. இவ்வாறான நபர்களை பாதுகாக்க வேண்டாம். நாம் ஆட்சிக்கு வந்தவுடன் இந்த வழக்குகளை மீண்டும் கையில் எடுப்போம். கரன்னாகொடவிற்கு எதிராக நிச்சயமாக நடவடிக்கை எடுக்கப்படும். அதுமட்டுமல்ல நான் பார்த்த மிகத் தகுதியான கடற்படை தளபதியாக சின்னையாவை கூறுவேன். விடுதலைப்புலிகளின் ஒன்பது படகுகளுக்கும் வெடிவைத்து தகர்த்தது அவர்தான். அதுமட்டுமல்ல கடற்படையின் பல தவறான செயற்பாடுகளுக்கு அவர் எதிராக செயற்பட்டார். அதற்காகவே அவர் விரைவாக வெளியேற்றப்பட்டார். கப்பம் பெற்ற பல்வேறு செயற்பாடுகளுக்கு அவர் தடையாக இருந்த காரணத்தினால் தான் அவர் வீட்டுக்கு துரத்தியடிக்கப்பட்டார். ஆனால் கரன்னாகொட அவ்வாறு அல்ல. மேலும், கைது செய்யப்பட்டு சிறையில் நீண்டகாலமாக தடுத்து வைக்கப்பட்டுள்ள விடுதலைப்புலி உறுப்பினர்களை விடுவிக்க நாமும் இணக்கம் தெரிவிக்கின்றோம். அவ்வாறு விடுவிக்கும் வேளையில் என்னை கொலை செய்ய முயற்சித்த மொரிஸ் என்ற நபரை முதலில் விடுதலை செய்யுங்கள் என்றே நானும் கேட்டுக்கொள்கின்றேன். அரசாங்கத்திற்கு இதனை கோரிக்கையாக முன்வைக்கின்றேன் என்றார்.    https://www.virakesari.lk/article/118379
    • தமிழ் மக்களுக்கான உரிமையை வழங்கினால் மாத்திரமே அரசாங்கம் எதிர்பார்க்கும் நாட்டை கட்டியெழுப்ப முடியும் - கஜேந்திரகுமார் பொன்னம்பலம் (ஆர்.யசி,எம்.ஆர்.எம்.வசீம்) தமிழ் மக்களுக்கான உரிமையை பெற்றுக் கொடுத்தால் மாத்திரமே நாட்டில் சமாதானத்தை கட்டியெழுப்ப  முடிவதுடன் அரசாங்கம்  எதிர்பார்க்கும் இலங்கையை கட்டியெழுப்ப முடியும் என தமிழ தேசிய மக்கள் முன்னணி உறுப்பினர் கஜேந்திரகுமார் பொன்னம்பலம்  தெரிவித்தார். பாராளுமன்றத்தில் நேற்று இடம்பெற்ற பாதுகாப்பு அமைச்சு, பொதுமக்கள் பாதுகாப்பு அமைச்சு மற்றும் அனர்த்த முகாமைத்துவ இராஜாங்க அமைச்சு, உள்நாட்டலுவல்கள் இராஜாங்க அமைச்சு மற்றும் சமூக பொலிஸ் சேவைகள் இராஜாங்க அமைச்சுக்கள் மீதான வரவு செலவு திட்ட குழுநிலை விவாதத்தில் கலந்துகொண்டு உரையாற்றுகையிலேயே இவ்வாறு குறிப்பிட்டார். அவர் அங்கு தொடர்ந்து தெரிவிக்கையில், யுத்தத்தினால் பாதிக்கப்பட்ட மக்கள் தொடர்பில் உண்மைகளை மறைக்கும் வரை,அதிலிருந்து தப்பலாம் என்ற எண்ணத்துடன் செயற்படும்  வரை நாட்டில் சமாதானத்தை கட்டியெழுப்ப முடியாது. நாடு முழுவதிலும் அனைவருக்கும் பாதுகாப்பு என்ற நிலை இல்லாவிட்டால் அரசாங்கம் எதிர்பார்க்கும் நாட்டை கட்டியெழுப்ப முடியாது. மக்களைப் பிரித்து இனவாதம் மூலம் வாக்குகளுக்காக செயற்படும் நிலை மாற வேண்டும். அரசாங்கம் தெரிவிக்கும் பொய் தொடர்பில் தற்போது சிங்கள மக்கள் கேள்விகேட்க ஆரம்பித்துவிட்டனர். மேலும் அதிகாரப் பகிர்வு என்றால் என்ன எனத் தெரியாத ஒருவரே தற்போது மக்கள் பாதுகாப்பு அமைச்சராக இருக்கின்றார். அமைச்சர் சரத் வீரசேகரவின் நடவடிக்கைகள் குறித்து வெட்கப்படுகின்றோம். அரசாங்கம் கடந்த எழுபத்தி நான்கு வருடங்கள் பயணித்த பாதையிலிருந்து மாற வேண்டும். அதே பாதையில் தொடர்ந்து பயணித்து பன்மை வாதத்தை உணராத வகையில் நாட்டை உருவாக்க முடியாது . இனப்படுகொலை என்பது வெறுமனே மக்களை கொலை செய்வது மாத்திரமல்ல. 4 இலட்சம் மக்கள் நிர்க்கதியாகி இருந்த நிலையில், 70 ஆயிரம் பேருக்கே  உணவு மற்றும் மருந்து பொருட்களை அனுப்பினீர்கள். யுத்தம் தீவிரமாக இடம்பெற்றுக்கொண்டிருக்கையில் பொது மக்களை பாதுகாக்கும் நோக்கில் 2009 மே 16ஆம் திகதி யுத்த நிறுத்தம் மேற்கொள்ள நானே அன்று மத்தியஸ்தராக இருந்து செயற்பட்டேன். யுத்தத்தை நிறுத்த பசில் ராஜபக்ஷ்விடன் நான் கதைத்தேன். ஆனால் பாதுகாப்பு கூட்டத்தில் கலந்துரையாடி தீர்மானிப்பதாக தெரிவித்தார். ஆனால் ஒன்றும் இடம்பெறவில்லை. விடுதலைப்புலிகள் யுத்த நிறுத்தத்தை அறிவித்து ஆயுதங்களை கீழே வைத்த பின்னரும் இராணுவத்தினர் தாக்குல் மேற்கொண்டனர். அத்துடன் யுத்தம் முடிவடைந்து 12 வருடங்கள் கடந்த நிலையிலும் நாடு இன்னும் கட்டி எழுப்பப்படவில்லை. பங்களாதேஷ் போன்ற நாடுகளிடம் உதவி கேட்கும் நிலைக்கு அரசாங்கம் தள்ளப்பட்டுள்ளது. கடந்த 12 வருடங்களில் அரசாங்கம் பெற்றுக் கொண்ட பயன் இதுதான்.  எனவே நாம் சர்வதேச விசாரணை பற்றி பேசினால் அரசாங்கம் ஏன் பயப்பட வேண்டும் என கேட்கின்றேன். தமிழ் மக்கள் எதிரிகள் அல்ல. அவர்களது உரிமைகளையே அவர்கள் கேட்கின்றனர். அவர்கள் அதற்கான அருகதை உடையவர்கள். அதை அரசாங்கம் புரிந்து செயல்படாவிட்டால் ஒருபோதும் நாட்டை கட்டியெழுப்ப முடியாது என்றார்.   https://www.virakesari.lk/article/118415
    • இந்த பக்கத்தில் இப்படி அறிவிக்கிறார்கள் அடுத்த பக்கம் அதே கட்சியினர்  உலகின் தொன்மை மிக்க தூங்கா  நகர் மதுரையில்  அவமானகரமான பெண்களுக்கு மட்டும் மதுபான விடுதி திறக்கின்றார்கள் இதுவரை தமிழ்நாட்டு குடிமகன்கள் மது மயக்கம் இனி தமிழ் பெண்களும் வெறியில்  . இந்த மதுக்கடைகளுக்கு சப்பிளை செய்யப்படும் 95 வீத மதுப்போத்தல்கள் அதே கட்சியினரின் ஆலைகளில் தயாரிக்கப்பட்டவை என்பது உங்களுக்கு தெரியாதா ?
    • போகன்வீல் நாட்டு அதிபர் பங்கெடுக்கும் நாடுகடந்த தமிழீழ அரசாங்கத்தின் அரசவை அமர்வு நாடுகடந்த தமிழீழ அரசாங்கத்தின் அரசவை அமர்வின் தொடக்க நிகழ்வில் போகன்வில் தேசத்தின் முன்னாள் அதிபர் Hon James Tanis அவர்கள், சிறப்பு அதிதியாக பங்கெடுக்கவுள்ளார் என அறிவிக்கப்பட்டுள்ளது. தேசத்தின் நெருக்கடியும் நாட்டின் மலர்ச்சியும் ( Nation under Threat – State in the Making ) என்பதனை மையப்பொருளாக கொண்டு இடம்பெறுகின்ற அரசவை அமர்வானது, எதிர்வரும் ( 4/5 Dec 2021) சனி, ஞாயிறு ஆகிய இருநாட்களுக்கு இணைவழியே இடம்பெற இருக்கின்றது. சர்வதேச வள அறிஞர்கள் பலரும் பங்கெடுக்க இருக்கின்றனர். பசுபிக் பெருங்கடல் தீவில் சுதந்திர தனிநாட்டு அரசியல் இறைமைக்காக நீண்டகாலமாக போராடி, 2019ம் ஆண்டு முதல் கட்ட பொதுவாக்கெடுப்பொன்றின் மூலம் நியூ பப்புவாக்கினாயாவில் இருந்து பிரிந்து சுதந்திர நாடாவதற்கு தமது அரசியல் பெருவிருப்பினை வெளிப்படுத்திய தேசமாக ‘போகன்வீல்’ இருக்கின்றது. சர்வதேச ஒப்பந்தத்துக்கு அமைய விரைவில் முறையான இரண்டாம் கட்ட பொதுவாக்கெடுப்பினை போகன்வீல் தேசம் எதிர்கொண்டுள்ள நிலையில், அப்பொதுவாக்கெடுப்பினை முன்னெடுப்பவர்களில் ஒருவராக இருக்கும் Hon James Tanis , போகன்வீல் தேசத்தின் அதிபராக பொறுப்பினை வகித்தவர். நியூ பப்புவாகினியாவிடம் இருந்து 2023ம் ஆண்டு நிர்வாக மாற்றம் படிபடிமுறையாக நடைபெற்று, 2027ம் ஆண்டு சுதந்திரமும் இறைமையும் கொண்ட புதியதொரு நாடாக போகன்வீல் இப்பூமிப்பந்தில் அமைய இருக்கின்றது. சுதந்திர நாட்டுக்கான வராற்று தடத்தினை கொண்டு ஒரு தேசத்தின முன்னாள் அதிபர் ஒருவர், சுதந்திரத்துக்கான போராடி வருகின்ற ஈழத்தமிழ் மக்களின் ஜனநாய போராட்ட வடிவதாக திகளுகின்ற நாடுகடந்த தமிழீழ அரசாங்கத்தின் அரசவை அமர்வில் பங்கெடுத்துக் கொள்வது முக்கியமானதொரு நிகழ்வாக அமைந்துள்ளது. தேசிய இனமுரண்பாடுகளும், பொதுவாக்கெடுப்பும் என்ற தொனிப்பொருளில் சிறப்புரையினை வழங்க இருக்கின்ற முன்னாள் அதிபர் அவர்கள், பொதுவாக்கெடுப்பு நோக்கிய செயல்வழிப்பாதையின் தமது அனுபவங்களை, ஈழத்தமிழர்களது பொதுவாக்கெடுப்பு நோக்கிய செயல்வழிப்பாதைக்கு பகிர்ந்து கொள்வார் என தெரிவிக்கப்படுகின்றது. பேராசிரியர் Prof. Matt Qvortrup, அவர்கள் ஒரு நாட்டை எவ்வாறு உருவாக்குவது ( How to create a state ) தொடர்பிலான தமது புத்தக எழுத்தாக்கத்தினை அடிப்படையாக வைத்து கருத்துரை வழங்க இருக்கின்றார். தமிழ்நாட்டில் இருந்து பேராசிரியர் இராமு மணிவண்ணன், நாடுகடந்த தமிழீழ அரசாங்கத்தின் பிரதமர் வி.உருத்திரகுமாரன் ஆகியோர் இக்கருத்துரையினை மையப்படுத்தி ஈழத்தமிழர்களின் சுதந்திர நாட்டுக்கான செயல்வழிப்பாதைகள் குறித்த கருத்துக்களை பகிரவுள்ளனர். கனடா ஒன்ராறியோ மாகாண உறுப்பினர் Aris Babikian, MPP, அவர்கள் ‘தமிழ் மக்களின் ,னப்படுகொலைக்கு அங்கீகாரம் பெறும் வழிமுறைகள்’ ( Ways and Means of getting recognition for Tamil Genocide ) தொடர்பில் கருத்துரையினை வழங்க இருக்கின்றார். கனேடிய நடாளுமன்ற உறுப்பினர் Heather McPherson, MP அவர்கள் ‘தமிழ் மக்களுக்கு நீதி பெற்றுக்கொடுப்பதில் கனடாவின் பங்கு’ தொடர்பில் ( anada’s role in securing Justice for Tamils ) கருத்தரையினை வழங்க இருக்கின்றார். அமெரிக்காவில் இருந்து Steven Schneebaum அவர்கள் ‘அமெரிக்காவில் விடுதலைப்புலிகள் மீதான தடைக்கு எதிரான சட்டப்போராட்டம்’ ( Legal Battle against ban on LTTE in US ) தொடர்பில் கருத்துரையினை வழங்க இருக்கின்றார். இதேவேளை Anuradha Mittal அவர்கள் ‘நில அபகரிப்புக்கள் ‘ தொடர்பில் கருத்துரையினை வழங்க இருக்கின்றார். சனிக்கிழமை (4-12-2021) அமெரிக்கா நியு யோர்க் நேரம் 9 மணி முதல் இந்நிகழ்வுகளை நாடுகடந்த தமிழீழ அரசாங்கத்தின் www.tgte.tv வலைக்காட்சி வழியே இதனை நேரலையாக காணலாம் என அறிவிக்கப்பட்டுள்ளது.   https://thinakkural.lk/article/153960  
×
×
  • Create New...

Important Information

By using this site, you agree to our Terms of Use.