Jump to content

மன்னாரில் இடம் பெற்ற புனித வார பெரிய வெள்ளி சிலுவைப்பாதை:


Recommended Posts

மன்னாரில் இடம் பெற்ற புனித வார பெரிய வெள்ளி சிலுவைப்பாதை:

 

 MANNAR-PESALAI-CHARGE-30-03-2018-1.jpg?r

 
புனித வார பெரிய வெள்ளியான இன்று (30)  நாட்டின் பல பாகங்களிலும் உள்ள கத்தோலிக்க தேவாலயங்களில் சிலுவைப்பாதை இடம் பெற்றுள்ளது. இன்று வெள்ளிக்கிழமை காலை இடம் பெற்ற சிலுவைப்பாதை மன்னார் மறைமாவட்டத்தில் உள்ள அனைத்து காத்தோலிக்க தேவாலயங்களிலும் இடம் பெற்றது.
 
மன்னார் மறைமாவட்டத்தின் தாய் பங்காக திகலும் பேசாலை புனித வெற்றி நாயகி ஆலயத்தில் புனித வார பெரிய வெள்ளியான இன்று காலை 6.30 மணியளவில் விவிலிய சிலுவைப்பாதை இடம் பெற்றது. பேசாலை இணை பங்குத்தந்தை அருட்திரு சாந்தன் அடிகளார் தலைமையில் இடம் பெற்ற விவிலிய சிலுவைப்பாதை சடங்கில் குறித்த கிராமத்தைச் சேர்ந்த ஆயிரக்கணக்கான மக்கள் கலந்து கொண்டிருந்தமை குறிப்பிடத்தக்கது.
MANNAR-PESALAI-CHARGE-30-03-2018-3.jpg?rMANNAR-PESALAI-CHARGE-30-03-2018-4.jpg?rMANNAR-PESALAI-CHARGE-30-03-2018-5.jpg?rMANNAR-PESALAI-CHARGE-30-03-2018-6.jpg?rMANNAR-PESALAI-CHARGE-30-03-2018-8.jpg?r

http://globaltamilnews.net/2018/72776/

Link to comment
Share on other sites

இயேசுவின் திருப்பாடுகளின் புனித வெள்ளி இன்று

 
09b7good-friday-2_29032018_LSS_GRY.jpg

உலகெங்கிலுமுள்ள கிறிஸ்தவர்கள் இன்று இயேசுவின் திருப்பாடுகளை நினைவு கூருகின்றனர். பரிசுத்த வாரத்தை அனுஷ்டித்துக் கொண்டிருக்கும் கிறிஸ்தவ மக்கள் நேற்றைய தினம் பெரியவியாழனன்று இயேசு கிறிஸ்து தம் பாடுகளை நினைவு படுத்துவதையும், தம் சீடர்களின் பாதங்களைக் கழுவுவதையும், அத்தோடு திருப்பலியை அறிமுகப்படுத்தி திவ்விய நற்கருணையின் மகத்துவத்தை வெளிப்படுத்துவதையும் தியாணித்தனர். இயேசு தாம் பாடுபடப் போவதையும், சிலுவையில் அறையுண்டு மரித்து மூன்றாம் நாள் உயிர்த்தெழுதலையும் அறிந்திருந்தார். தம் சீடர்களுக்கு அது தொடர்பில் தெளிவுபடுத்தியும் இருந்தார்.

பரிசுத்த வாரத்தில் புனித வியாழன், புனித வெள்ளி, புனித சனி, உயிர்த்த ஞாயிறு என்பன மிக முக்கிய நாட்களாகும். புனித வியாழன் இராப்போசனத்துடன் ஆரம்பமாகி உயிர்ப்பு ஞாயிறன்று இந்த முப்பெரும் நாட்கள் நிறைவு பெறுகின்றன. நாற்பது நாட்கள் இயேசு நாதரின் திருப்பாடுகளைத் தியானிக்கும் காலமானது 'பாஸ்கா' என அழைக்கப்படுகின்றது.

பாஸ்கா என்பதன் பொருள் துன்புறுகின்ற என்ற சொல்லை ஒத்ததாகும்.பழைய ஏற்பாட்டில் "எகிப்தில் என் மக்கள் படும் துன்பத்தை என் கண்களால் கண்டேன். அடிமை வேலை வாங்கும் அதிகாரிகளை முன்னிட்டு அவர்கள் எழுப்பும் குரலையும் கேட்டேன். அவர்களின் துயரங்களை நான் அறிவேன். எனவே எகிப்தியரின் பிடியிலிருந்து அவர்களை விடுவிக்கவும் அந்நாட்டிலிருந்து பாலும் தேனும் பொழியும் நல்ல பரந்ததோர் நாட்டிற்கு அவர்களை நடத்திச் செல்லவும் இறங்கி வந்துள்ளேன்" (விடுதலைப்பயணம் 3 7-8) என்ற இறைதந்தையின் வார்த்தைகளுக்கேற்ப இஸ்ராயேல் மக்களை பாரவோன் பிடியினின்றும் அடிமைத்தனத்தினின்றும் ஆண்டவராகிய கடவுள் விடுவித்தார்.

புனித வியாழனன்று தாம் பாடுபடுவதற்கு முன்தினம் இரவு சீடர்களுக்கு இயேசு தம் மரணத்தை அருள் அடையாளமாக அறியப்படுத்தி அதனூடாகவே நற்கருணையை ஏற்படுத்தினார். அன்றைய தினம் இயேசு கிறிஸ்து தமது சீடர்களின் பாதங்களைக் கழுவுவதானது அவரது சீடத்துவ அன்பைக் குறிக்கின்றது.

நான்காம் நூற்றாண்டில் பாதங்கழுவுதல் சடங்கானது திருமுழுக்கோடு தொடர்புபட்டிருந்தது. அதனை அடுத்து ஏழாம் நூற்றாண்டு முதல் புனித வியாழன் சடங்குகள் அனைத்து ஆலயங்களிலும் கடைப்பிடிக்கப்பட்டு அப்பழக்கம் இன்றும் தொடர்கிறது.

யூத மரபுப்படி அடிமை தன் வீட்டு எஜமானனின் கால்களைக் கழுவுதல் வழக்கம். அதனையே வித்தியாசமான அணுகுமுறையை இயேசு கையாளுகின்றார். அவர் தம் சீடர்களின் கால்களைக் கழுவுவது மட்டுமன்றி சீடர்களையும் அவ்வாறு செய்யுமாறு பணிக்கின்றார். மறுநாள் பெரியவெள்ளியன்று இயேசுநாதர் சிலுவையில் அறையப்பட்டதை நாம் அனுஷ்டிக்கின்றோம். இயேசு மரித்த இத்தினம் ஒரு தியாகத்தின் நாள் மட்டுமன்றி மாவீரரொருவர் மரித்த நாளுமாகும்.

இயேசு தம் உயிரை நம் பாவங்களுக்காக முற்றுமுழுதாக தந்தையிடம் ஒப்படைத்த நாள். பழைய ஏற்பாட்டில் மோயீசன் பாம்பினால் கடிபட்டவர்கள் குணமடைய வெண்கல பாம்பொன்றை பாலைவனத்தில் உயர்த்தி வைத்தது போல இறைமகன் இயேசு நாம் பாவத்தின் பிடியிலிருந்து விடுபட சிலுவையில் தன்னைத் தானே ஒப்புக்கொடுத்த நாள்.

இயேசு ஒரு குறிப்பிட்ட இனம், மதம், நாடு அல்லது சமூகத்திற்காக மரிக்கவில்லை. மாறாக அவர் உலக மக்கள் அனைவருக்காகவும் மரித்தார். இதன் மூலம் அவர் உலக இரட்சகராக திகழ்கிறார்.

புனித வெள்ளியை அனுஷ்டிக்கும் கிறிஸ்தவர்கள் உலகில் பல்வேறு வழிகளிலும் துன்புறும் மக்களுக்காக செபிப்பது நலம். இயேசுவின் சிலுவையில் இம்மக்களின் பாவங்கள் அறையப்பட்டு மூன்றாம் நாள் அவரது உயிர்ப்போடு அவர்களும் புது மனிதர்களாக உயிர்த்தெழட்டும்.

http://www.thinakaran.lk/2018/03/30/கட்டுரைகள்/23461/இயேசுவின்-திருப்பாடுகளின்-புனித-வெள்ளி-இன்று

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • கடந்த மாவீரர் தினத்திலும் ஐயா வந்து சிறிய சொற்பொழிவாற்றி இருந்தார்.
    • 'உரையாடலின் அறுவடை' என்னும் இரா. இராகுலனின் இந்தக் கவிதையை 'அகழ்' இதழில் இன்று பார்த்தேன். பல வருடங்களின் முன்னர் ஒரு அயலவர் இருந்தார். இந்தியாவில் ஒரு காலத்தில் ஐஐடி ஒன்று மட்டுமே இருந்தது. அந்தக் காலத்தில் அவர் அந்த ஐஐடியில் படித்தவர் என்று சொன்னார். அவரிடம் அபாரமான நினைவாற்றலும், தர்க்க அறிவும் இருந்தன. இங்கு அவர் எவருடனும் பழகியதாகவோ, அவருடன் எவரும் பழகியதாகவோ தெரியவில்லை. அவருடன் கதைப்பது சிரமமான ஒரு விடயம் தான். அவர் சொல்லும் பல விடயங்கள் என் தலைக்கு மேலாலேயே போய்க் கொண்டிருந்தன. அதனாலேயே அவரை எல்லோரும் தவிர்த்தனர் போலும்.     நான் எப்போதும் அவருடன் ஏதாவது கதைக்க முற்படுவேன். அவர் அடிக்கடி சலித்துக் கொள்வார், நான் ஒரு போதும் அவரிடம் ஒரு கேள்வியும் கேட்பதில்லை என்று. அவர் சொல்லும் விடயங்கள் சுத்தமாகப் புரியாமல் இருக்கும் போது, நான் என்ன கேள்வியை கேட்பது? அவர் இப்பொழுது இங்கில்லை. இந்தப் பூமியிலேயே இல்லை. இன்று இந்தக் கவிதையை பார்த்த பொழுது அவரின் நினைவு வந்தது.  '....கேள்வியும் பதிலுமற்ற உரையாடல் நாம் சந்திப்பதற்கு முன்பு இருந்த இடத்திலேயே நம்மைவிட்டு விடுகிறது....'  என்ற வரிகளில் அவர் தெரிந்தார். *************    உரையாடலின் அறுவடை (இரா. இராகுலன்) ------------------------- கேட்கும் கேள்விகளிலிருந்தும் அளிக்கும் பதில்களிலிருந்தும் கடைபிடிக்கும் மௌனத்திலிருந்தும் நமக்கிடையேயான தூரத்தை நாம் நிர்ணயித்துக்கொள்கிறோம் தொடர்ந்து எழுப்பும் கேள்விகள் உடைத்து உடைத்து உள் பார்க்கிறது தொடர்ந்து அளிக்கும் பதில்கள் உள் திறந்து திறந்து காண்பிக்கிறது தொடரும் மௌனம் இருவரிடமும் திறவுகோலை அளிக்கிறது பூட்டினால் திறக்கவும் திறந்தால் பூட்டவும் கேள்வியும் பதிலுமற்ற உரையாடல் நாம் சந்திப்பதற்கு முன்பு இருந்த இடத்திலேயே நம்மைவிட்டு விடுகிறது https://akazhonline.com/?p=6797  
    • அவர் சிங்களத்துக்கு பஞ்சு துக்குபவர் இன்னும் அவருக்கு பெல் அடி கேட்கவில்லை போல் உள்ளது 😆
    • இருக்க‌லாம் பெருமாள் அண்ணா ஜெய‌ல‌லிதாவுக்கு க‌ருணாநிதிக்கு கோடி காசு அவ‌ங்க‌ட‌ கால் தூசுக்கு ச‌ம‌ம்..............ஜெய‌ல‌லிதா சொத்து குவிப்பு வ‌ழ‌க்கில் எத்த‌னை ஆயிர‌ம் கோடி  2ஜீ ஊழ‌லில் அக்கா க‌ணிமொழி அடிச்ச‌து எவ‌ள‌வு...............இப்ப‌ இருக்கும் முத‌ல‌மைச்ச‌ருக்கு தேர்த‌லுக்காக‌ 600 கோடி எங்கு இருந்து வ‌ந்த‌து என்ர‌  ம‌ன‌சில் வீர‌ப்ப‌ன் எப்ப‌வும்  என் குல‌சாமி🙏🙏🙏...................................
    • வீரப்பன் இறந்த பின்தான் அதிகஅளவான  இயற்கை வள சுரண்டல்கள் அந்த காடுகளில் நடைபெறுவதாக எங்கோ படித்த நினைவு .
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.