Jump to content
  • advertisement_alt
  • advertisement_alt
  • advertisement_alt

மெரினா போராட்டம்; கிளம்பிய இடத்திற்கே திரும்பிய குதிரை!


Recommended Posts

  • கருத்துக்கள உறவுகள்

மெரினா போராட்டம்; கிளம்பிய இடத்திற்கே திரும்பிய குதிரை!

download%205

மெரினாவில் போராட்டம் நடத்தியவர்களைப் பிடிக்க குதிரை மேல் ஏறி போலீஸார் துரத்த, அது கிளம்பிய இடத்திற்கே திரும்பி வந்த காமெடி நடந்துள்ளது.

காவிரி மேலாண்மை வாரியம் அமைக்கும் முடிவில் மத்திய அரசு அலட்சியம் காட்ட காலக்கெடு முடிந்த பின்னர் தமிழகத்தில் போராட்டம் வலுத்து வருகிறது. சென்னை மெரினாவில் ஜல்லிக்கட்டு எழுச்சி போல் மீண்டும் இளைஞர்கள் திரள வாய்ப்புள்ளதாக உளவுத்துறைக்கு தகவல் கிடைத்ததன் பேரில் போலீஸார் பாதுகாப்பு மெரினாவில் அதிகப்படுத்தப்பட்டது.

ஆனாலும் சனிக்கிழமை மற்றும் தொடர் விடுமுறை காரணமாக அதிக அளவில் பொதுமக்கள் மெரினா கடற்கரைக்கு வந்தனர். அவர்களுடன் போராட்டக்காரர்களும் ஊடுருவி வந்தனர். பின்னர் கடல் நீர் அருகே வரிசையாக நின்று பதாகைகள் ஏந்தி காவிரி மேலாண்மை வாரியம் அமைக்க கோஷமிட்டனர்.

இதை முகநூலில் பலரும் ஷேர் செய்ததால் அது காட்டுத்தீயாய் பரவியது. இந்நிலையில் வெளியே சர்வீஸ் சாலையில் இருந்த போலீஸாருக்கு இந்த தகவல் தெரிந்து வேக வேகமாக மணற்பரப்பில் போராடும் இளைஞர்களைப் பிடிக்க ஓடி வந்தனர்.

சில போலீஸாரால் ஓட முடியவில்லை. போராட்டக்காரர்களைப் பிடிக்க வேண்டும் என்பதற்காக அங்குள்ள வாடகை குதிரைகளின் மீது ஏறி போராட்டக்காரர்களை பிடிக்க வேண்டும் என்ற எண்ணத்தில் குதிரைக்காரர்களை அழைத்து குதிரை மேல் ஏற்றி கடல் அருகில் வேகமாக கொண்டு போ என்று கூறியுள்ளனர். அதற்கு குதிரை ஓட்டுபவர்கள் “சார் குதிரை ஒரு வட்டம் அடித்து பழக்கப்பட்டது. அதைத்தாண்டி போகாது” என்று கூறியுள்ளனர்.

“அதிகாரி சொல்லும் போது மறுத்து பேசுகிறாயா..? டூ வாட் ஐ ஸே...!” என்று கூறி குதிரையில் ஏறி போராட்டக்காரர்களை பிடிக்கக் கிளம்பியுள்ளனர். ஆனால் அது பழக்கப்பட்ட குதிரை என்பதால் ஒரு சுற்று சுற்றிவிட்டு கிளம்பிய இடத்திற்கே மீண்டும் வந்துவிட்டது. குதிரைக்கு, காவிரி மேலாண்மை வாரியம் தெரியுமா? காவலர்களைப் பற்றித் தெரியுமா? யார் ஏறினாலும் ஒரு ரவுண்டு அவ்வளவுதான்.

அதன்படி கிளம்பிய இடத்திற்கே திரும்பிய குதிரையை மீண்டும் கடல் அருகே கொண்டுசெல்ல போலீஸார் கேட்ட போது, "சார் மீண்டும் ஒரு சுற்று சுற்றிவிட்டு இங்குதான் வரும்.. ஏன் நேரத்தை வீணாக்குகிறீர்கள் இறங்கி நடந்து போய் பிடியுங்கள்..!" என்று குதிரைக்காரர்கள் கூறியுள்ளனர்.

'வடிவேல் காமெடி போல் நம்ம நிலை ஆகி விட்டதே!' என்று போலீஸாரும் மூச்சு வாங்க போராட்டக்காரர்களை பிடிக்க ஓடினர்.

தி இந்து

 

 

வடிவேலுவின் 'மெரினா குதிரை' காமெடியை பார்க்காதவர்களுக்கு இந்தக் காணொளி..

மெரினா பீச்சில் பெண்களிடம் நகையை திருடிவிட்டு 'மெரினா குதிரை'யில் தப்பிச்செல்லும் வடிவேலு, வட்டத்துகுள்ளேயே ஓடி பழக்கப்பட்ட அக்குதிரை, எல்லைக்கோடு அடைந்ததும் திரும்பி வரும்போது,  "பெரிய ராஜா தேசிங்கு.. குதிரையில போறாரு..!" என 'என்னத்தே கன்னையா' நக்கலாக சொல்லும் இந்த நகைச்சுவை, சென்னையில் மிகப் பிரபலம்!

மெரினா பீச்சிற்கு குடும்பத்தோடு செல்லும்போது இக்குதிரைகளை கண்டிருக்கிறேன்..!:)

 

 

 

Edited by ராசவன்னியன்
Link to post
Share on other sites
  • கருத்துக்கள உறவுகள்

அட இந்த குதிரைக்காரர்களையாவது பிடித்து கொண்டு போய் உள்ளே போட்டிருக்கலாம்.

ஆமா ரவுண்டு அடித்ததற்கு குதிரைக்காரர்களுக்கு பணம் கொடுத்தார்களோ இல்லியோ?

Link to post
Share on other sites
  • கருத்துக்கள உறவுகள்
21 minutes ago, ஈழப்பிரியன் said:

..ஆமா ரவுண்டு அடித்ததற்கு குதிரைக்காரர்களுக்கு பணம் கொடுத்தார்களோ இல்லியோ?

தன் உபயோகத்திற்கு பயன்படுத்தியதற்கு போலீஸ்காரர்கள் எந்தக் காலத்தில் பணம் கொடுத்திருக்கிறார்கள்..?

சென்னை கொத்தவால் சாவடியை அண்டிய பகுதிகளிளுள்ள நடைபாதை கடைகளில், எளிய வியாபாரிகளை மிரட்டி அவர்கள் காய்கறிகளை  அள்ளிக்கொண்டு செல்லும் காட்சிகளை அடிக்கடி பார்க்கலாம்.

Link to post
Share on other sites
  • Tell a friend

    Love கருத்துக்களம்? Tell a friend!
  • Topics

  • Posts

    • சீனா காலை சுத்தின பாம்பு... அதுவும் மலைப்பாம்பு.... விழுங்கும்.... சிங்களவனை.... வரலாறு திரும்பும்.... இதுக்கு முன்னம், அண்ணன் தம்பிமார் ஆண்டபோது அவையளுக்கு பிரச்னை வரேக்க, மூத்த அண்ணனுக்கு ஆயுத உதவி கடனுக்கு கொடுத்தவன் போர்த்துகேயன். உள்ளேவந்தான்.. அவனை அனுப்ப ஒல்லாந்தன்.... அவனை அனுப்ப பிரிட்டிஷ் காரன்.... சுதந்திரம். இன்றும் அதே அண்ணன் தம்பி கதை... உள்ள வந்து நிக்கிறான் சீனன்....😇
    • ஒரே பாடல் இருவேறு விதமான  பொருள் தரும்படி அமைத்துப் பாடுவது  சிலேடை அணி எனப்படுகிறது இந்த சிலேடை அணியில்  அமைந்த பாடல்களை  சிலேடைப் பாடல்கள் என்கின்றனர் காளமேகப் புலவர்  பல சிலேடைப் பாடல்களை  இயற்றி இருக்கிறார் கட்டித் தழுவுதலாற் கால்சேர வேறுதலால்  எட்டின்பன் னாடை யிழுத்தலால் முட்டப்போய் ஆசைவாய்க் கள்ளை அருந்துதலா லப்பனையும்  வேசையென லாமேவி ரைந்து  கொள்ளுகையா னரிற்  குளிக்கையான் மேலேறிக் கிள்ளுகையாற் கட்டிக் கிடக்கையால் தெள்ளுபுகழ்ச்செற்றலரை  வென்ற திருமலைரா யன்வரையில் வெற்றிலையும் வேசையாமே 👇👇👇👇👇👇👇👇👇👇👇👇👇👇👇👇👇👇👇 காளமேகம் 15 ஆம் நுற்றாண்டில் வாழ்ந்த  ஒரு தமிழ்ப் புலவர் ஆவார் வைணவ சமயத்தில் பிறந்த இவர், திருவானைக்கா கோவிலைச் சேர்ந்த மோகனாங்கி என்பவளிடம்  ஆசை கொண்டார் இதனால் தனது சமயத்தை விட்டு மோகனாங்கி சார்ந்திருந்த  சைவ சமயத்துக்கு மாறினார்  இவர் சைவப் பாடல்கள் பாடுவதில் வல்லவர் என்று கூறப்படுகின்றது ஆனாலும் இவர்  பல சிறந்த நயம் மிகுந்த பாடல்களையும் பாடியுள்ளார்  இவர் பாடிய சிலேடைப் பாடல்களும்,  நகைச் சுவைப் பாடல்களும் பல உள்ளன  சமயம் சார்ந்த நூல்களையும் இவர் இயற்றியுள்ளார் இவர் ஒரு ஆசு கவி ஆவார் திருவானைக்கா உலா,  சரஸ்வதி மாலை,  பரப்பிரம்ம விளக்கம்,  சித்திர மடல் முதலியவை இவர்  இயற்றிய நூல்களாகும் திருவரங்கத்து கோவிலில் பரிசாரகர்  (சமையல் செய்பவர்) இருந்தார் திருவானைக்காவில் சிவத் தொண்டு  செய்து வந்த மோகனாங்கி என்ற பெண் மீது மாளாக்காதல் கொண்டு இருந்தார் அவள் பொருட்டு ஒரு நாள் அங்குச்சென்று கோவிலின் உட்புற பிராகாரத்தில்  அவள் வரவுக்காகக் காத்திருக்கையில்  தூக்கம் வர படுத்து உறங்கிப்போனார் அப்பெண்ணும் இவரைத் தேடிக் காணாமல் திரும்பிச்சென்றுவிட்டாள்  கோவிலும் திருக்காப்பிடப்பட்டது அக்கோவிலின் மற்றொரு பக்கத்தில்  ஓர் அந்தணன் சரசுவதி தேவியை நோக்கி தவங்கிடந்தான் சரசுவதிதேவி அதற்கிணங்கி அவன் முன்தோன்றித் தமது வாயில் இருந்த தாம்பூலத்தை அவ்வந்தணன் வாயிலுமிழப் போக அதை அவன் வாங்க மறுத்ததால் சினந்து அத்தாம்பூலத்தை வரதன்  (காளமேகத்தின் இயற்பெயர்)  வாயில் உமிழ்ந்துச் சென்றாள் வரதனும் தன் அன்புக் காதலி தான்  அதைத் தந்ததாகக் கருதி அதனை ஏற்றுக்கொண்டான் அது முதல் தேவி அனுக்கிரகத்தால் கல்லாமலே  கவி மழை பொழியத்தொடங்கினான்  அதனாலேயே வரதன் என்ற பெயர் மாறி காளமேகம் என மாறிற்று.    
    • அவரது பேச்சுக்களும், நடவடிக்கைகளும் அமெரிக்காவையும், அமெரிக்கர்களையும் முக்காடு போட வைத்தாலும் உலகம் அதனால் ஏகப்பட்ட நன்மைகளை அனுபவித்து வருகிறது😃
×
×
  • Create New...

Important Information

By using this site, you agree to our Terms of Use.