Sign in to follow this  
Kavi arunasalam

எங்கே அவன் தேடுதே சனம்

Recommended Posts

எங்கே அவன் தேடுதே சனம்

 அவரை எல்லோரும் நாட்டாமை என்றுதான் அழைப்பார்கள். மற்றவர்கள் அவரை நாட்டாமை என்று அழைப்பதில் அவருக்கு நிறைந்த மகிழ்ச்சி. கலியாண வீடா? சாமத்தியச் சடங்கா? பிறந்தநாள் விழாவா? இல்லை செத்த வீடா? எங்கள் நகரத்தில் தமிழர்களுடைய எந்த நிகழ்வானாலும் நாட்டாமையே பிரதம விருந்தினர்.

 புலம் பெயர்ந்து யேர்மனிக்கு வந்த காலத்தில் வேலை செய்வதற்கான அனுமதி எங்களுக்குக் கிடையாது. அப்படியான நிலையிலேயே நாட்டாமை, பூ விற்றுக் காசு சேர்த்தவர். பூ விற்பவர் என்பதால் அவரது பெயரோடுபூஎன்பது  அடைமொழியாயிற்று. அதாவதுபூ சபாஎன்றாயிற்று. சேர்த்த பணம், அதனால் வந்த அங்கீகாரம் அதோடு இணைந்த ஆணவம் எல்லாம் சேர்ந்ததால் காலம் செல்ல அவர் நாட்டாமை ஆகிப்போனார்.

 அதெப்படி பூ வித்து காசு சேர்க்கலாம் என்று நினைப்பீர்கள். சொல்லி விடுகிறேன். இந்தப் பூ விற்பனையை முதலில் அறிமுகப் படுத்தியவர்கள் புலம் பெயர்ந்து வந்த பாகிஸ்தானியர்கள். அவர்களிடம் இருந்து கற்றுக் கொண்டவர்கள் நம்மவர்கள். மாலையில் ஆறு மணிக்குத் தொடங்கும் பூ விற்பனை நள்ளிரவில் முடிவடையும். ரோஜாப் பூக்களோடு ரெஸ்ரோறண்ட் உரிமையாளரிடம் போய் உள்ளே போக அனுமதி பெற வேண்டும். எல்லா ரெஸ்ரோறண்ட் உரிமையாளர்களும் உள்ளே செல்ல அனுமதிப்பார்கள் என்றில்லை. சில உரிமையாளர்கள்இந்தப் பக்கம் வரக்கூடாதுஎன்று துரத்தியும் விடுவார்கள்

 ரெஸ்ரோறண்ட்டில்  சோடியாக அமர்ந்து உணவருந்திக் கொண்டிருப்பவர்களை அணுகி, முகத்தைப்  பரிதாபமாக வைத்துக் கொண்டு அதே நேரம் சிறு புன்னகையை உதட்டில் தவள விட்டபடி அவர்களிடம் பூக்களை நீட்ட வேண்டும். அப்படி பூக்களை நீட்டும் போது  „Gruss  Gott“  (கடவுள் உங்களை ஆசிர்வதிக்கட்டும்) என்று அன்போடு சொல்லவும் வேண்டும். உதட்டின் சிரிப்பிலும், உதிரும் வார்த்தையிலும், நிற்கும் பரிதாப நிலை கண்டும் உணவருந்திக் கொண்டிருக்கும் ஆண் பூவை வாங்கிக் கொண்டால் காசு பார்க்கலாம். பிறகு அந்தப் பூ ஆண் இடம் இருந்து பூவைக்கு கைமாறும். ஆணின் மனது மகிழ்வாக இருந்தால் அல்லது பெண்ணுக்கு விலாசம் காட்டும்மூட்டில் அவன்  இருந்தால் பூவுக்கு நோட்டாக பணம் வரும். அப்படியில்லாது அவன் மனது ஏனோதானோ என்றிருந்தால் அதிகபட்சம் இரண்டு மார்க்குகள்தான் ஒரு பூவுக்கான சில்லறையாகக்  கிடைக்கும்.

 பூக்களை மொத்தமாக கொள்வனவு செய்தால், ஒரு பூவின் விலை 25 பெனிக். அதையே பூந்தோட்டத்தில் போய் நேரடியாகப் பறித்துக் கொண்டால் 10 பெனிக். பாகிஸ்தானியர்கள் மொத்தமாக கொள்வனவு செய்தார்கள். நம்மவர்கள் ஒருபடி மேலே போய் தோட்டத்திலேயே பறித்துக் கொண்டார்கள். ஒரு கட்டத்தில் நாட்டாமை, பூக்களுக்கு ஏஜென்ட் ஆகி, தனக்கு தொழில் கற்றுத்தந்த பாகிஸ்தானியர்களுக்கும் மற்றவர்களுக்கும்  விநியோகம் செய்ய ஆரம்பித்து விட்டார். பூ வியாபாரத்தில் அவர் பல வியாபார உத்திகளைக் கற்றுக் கொண்டார்.

 992_C278_F-5_E6_A-46_A3-81_EC-_B074_D2_B

அங்கும் இங்கும் அலையாமல் இருந்த இடத்தில் இருந்து கொண்டே காசு பார்க்க முடிந்ததால் பணத்தை மேலும் பெருக்க சீட்டுப் பிடிக்க ஆரம்பித்து பிறகு வட்டிக்கு பணம் கொடுத்து வருவாயைப் பெருக்கி தன் உடலையும் பெருப்பித்துக் கொண்டார்.

 நாங்களும் சாதாரணமானவர்கள் கிடையாது. புத்தக வெளியீட்டு விழா என்றால் முதலில் நாங்கள் போய்ப் பார்ப்பது நாட்டாமையைத்தான். மேடையில் அவரது பெயரை அறிவித்து, முதல் பிரதியை அவரிடம் நீட்டினால் 500யூரோவை தட்டில் வைத்து விட்டு புத்தகத்தை எடுத்து, வஞ்சகமில்லாமல் போட்டோவுக்கும் சிரித்து, வாழ்த்தி விட்டும் போவார். ஆனால் 200 பேருக்கு குறைவான பார்வையாளர்கள் வரும் மேடைகளுக்கு அவர் வர விரும்புவதில்லை.

 அந்த நாட்டாமையைத்தான் கொஞ்சக்காலமாக நகரத்தில் காணக் கிடைக்கவில்லை. விசாரித்ததில் கிடைத்தது இதுதான்,

 சமீபத்தில் நாட்டில் இருந்து  புலம் பெயர்ந்து வந்த புதியவர்களுக்கு நாட்டாமைதான் எல்லாமே. தனக்குத் தெரிந்வர்கள் மூலம் அவர்களுக்கு வேலை எடுத்துக் கொடுப்பபதுகாசை வீணாக்காதீங்களடாஎன்று  அறிவுரை சொல்லி அவர்களை தன்னிடம் சீட்டுப் போட வைப்பது என்று அவரது பொதுநலம் ஏராளம். வந்த, வாங்கிய கடன்களை திருப்பிக் கொடுக்க அவர்களில் யாராவது சீட்டு எடுக்க முற்பட்டால்,  “உனக்கென்ன விசரே? இப்ப கனக்க கழிவு போகுது. கடைசித் துண்டு வரக்கை பாக்கலாம். இப்ப உனக்கு எவ்வளவு வேணும் சொல்லு. நான் தாறன்என்று பணத்தைக் கொடுத்து பிறகு அதற்கு வட்டியும்  வாங்கிக் கொள்வார்

 ஒரு தடவை, புதிதாக வந்த ரவி என்ற நபரின் மனைவிக்கு அடி வயிற்றில் இடைவிடாத நோ இருந்தது. அவர்களின் குடும்ப மருத்துவர், அவர்களை gynecology போய் பார்க்கும் படியும், யேர்மனிய மொழி தெரிந்த ஒருவரை கூட்டிக் கொண்டு போவது நல்லது எனவும் சொல்லி இருக்கிறார். தம்பதிகள் நேராக ஆபத்தாண்டவர் நாட்டாமையைப் போய்ப் பார்த்தார்கள்.

 “இதென்ன பெரிய விசயமே? ரெலிபோனிலையே விசயத்தைச் சொல்லி இருக்கலாம்தானே. இதைக் கேக்கிறதுக்கு மினக்கெட்டுட்ராம்எடுத்து வந்தனீங்களே. எப்ப எண்டு சொல்லுங்கோ நான் வாறன்நாட்டாமை உரிமை எடுத்துச் சொன்னார்.

 அந்த நாளும் வந்தது. ரவி தனது மனைவியுடன் மருத்துவரின் நிலையத்துக்கு நேரத்துக்குப் போய் காத்திருந்தான். சொன்ன நேரத்துக்கு நிமிடம் பிந்தாமல் நாட்டாமை வந்து சேர்ந்தார்

 “மூன்று பேரும் ஒண்டா உள்ளை போறது நல்லா இருக்காது. நீங்கள் கூட்டிக் கொண்டு போங்கோரவி ஒதுங்கிக் கொண்டான்.

 மருத்துவரிடம் உள்ளே போன நாட்டாமையும், அந்தப் பெண்ணும் சிறிது நேரம் கழித்து திரும்பி வந்தார்கள்.

 காத்திருந்த ரவியிடம்பிரச்சினை ஒண்டும் இல்லையடாப்பா. மருந்து விட்டிருக்கினம். பிள்ளை விளக்கமாகச் சொல்லுவாள்”  சொல்லிய நாட்டாமை விடைபெற்றுக் கொண்டார். ரவி மனைவியின் முகத்தைப் பார்த்தான். அவள் முகம் பொலிவிழந்திருந்தது.

 வீட்டுக்குப் போன பிறகுதான் நடந்தது என்னவென்பதை  ரவி அறிந்து கொண்டான். அவளது அடிவயிற்றில் நோ இருந்ததால் அவளை முழுமையாகச் சோதனை செய்ய வேண்டி இருந்தது. அதற்காக அவளை ஒரு அறைக்குள்  அழைத்துச் சென்று உடைகளைக் களைந்து பரிசோதித்திருக்கிறார்கள். நாட்டாமை அந்த அறைக்குள் போக வேண்டிய அவசியமில்லை. அவளின் கணவன்தான் நாட்டாமை என்று நினைத்து அவர்களும் கண்டு கொள்ளவில்லை. ஆனால் நாட்டாமை கண்கொட்டாமல் எல்லாவற்றையும் கண்டு கொண்டிருந்தார்.

மனைவி சொல்லச் சொல்ல ரவிக்கு தலைக்கு ஏறி விட்டது. மனைவியின் சகோதரர்களுக்கும், தனது சகோதரர்களுக்கும் போன் எடுத்துநாட்டாமை இப்பிடிச் செய்து போட்டான்என அழுதான்.

 வீடு புகுந்து அடித்தார்கள் என்று செய்திகள் வாசித்திருப்போமே அதுதான் அன்று நாட்டாமைக்கும் நடந்தது. விழுந்த அடி உதைகளை விட அவரது மனைவி உச்சரித்த வார்த்தைகள் மிகப் பலமான தாக்குதலாக அவருக்கு இருந்தது. வெளிக்காயங்களை விட உள் காயங்கள் அவருக்கு அதிகம். வைத்தியசாலைக்குப் போனால் கேள்விகள் கேட்டு மாட்டி பொலீஸ்வரை போய்விடலாம் என்ற பயத்தில் குடும்ப வைத்தியரிடம் போனார்.

 படி ஏறும் போது தடுக்கி விழுந்து விட்டேன் என்று வைத்தியரிடம் நாட்டாமை பொய் சொன்னார்

 “என்ன ஒவ்வொரு படியிலும் துள்ளித் துள்ளி விழுந்திருக்கிறீங்கள் போலை”  என்று வைத்தியர் கேட்டது காயங்களுக்குப் போட்ட மருந்தின் எரிச்சலைவிட  நாட்டாமைக்கு அதிகமாக இருந்தது.

 பிரபலமானவர்கள் சிரித்தாலே பெரிய செய்தியாக்கும் நாங்கள் நாட்டாமை விடயத்தை சாதாரணமாக விட்டுவிடுவோமா என்ன? நாட்டாமையின் நடமாட்டம் வீட்டுக்குள்ளேயே மட்டுப்படுத்தப் பட்டுவிட்டது.

 வெள்ளிக்கிழமைகளில் தங்கம் மின்ன கோயிலில் நிற்கும் நாட்டாமையைக் காணாமல் ஐயருக்கு அர்ச்சனை உச்சரிக்க நாக்கு ஒத்து வரவில்லை

 சனிக்கிழமைகளில்  சாமத்திய சடங்குகளில், பிறந்த நாட்களில் கூட்டமாக நின்று கதைத்துக் கொண்டிருக்கும் எங்களவர்களின் மத்தியில் நடுநாயகமாக இருக்கும் நாட்டாமையைக் காணக் கிடைக்கவில்லை.

 Audi காரில் வலம் வரும் நாட்டாமை தம்பதிகளின் தரிசனத்தை நகர்வீதி இழந்திருந்தது.

 இந்தச் சோக நிலைகளுக்கு  நடுவே சீட்டுக்கு காசு கட்டுபவர்கள்தான் முதலில் அந்தச் செய்தியை அவிட்டு விட்டார்கள். அதுநாட்டாமையைக் காணவில்லைஎன்ற செய்தி.

 மாதத்தில் கடைசி சனிக்கிழமைதான் சீட்டுக் கூறும் நாள்இந்தமுறை நாட்டாமை ஒருத்தருக்கும் முன்அறிவித்தல் தரவில்லை. சீட்டுக் கூறூம் நாள் போய்ப் பார்த்தால், நாட்டாமை வீட்டில் ஒருத்தரும் இல்லை.

 நாட்டாமை குடும்பமாக லண்டன் போனாராபரிஸ் போனாரா? இல்லை யேர்மனியிலேயே வேறொரு நகரத்துக்கு இடம் மாறிவிட்டாரா? தெரியவில்லை

 சீட்டை ஏற்கனவே எடுத்தவர்களும், வட்டிக்குப் பணம் வாங்கியவர்களும் நிறைந்த மகிழ்ச்சியாக இருக்கிறார்கள். “கழிவு நல்லாப் போகோணும்என்று  சீட்டின் கழிவை ஏற்றி, கட்டுக்காசை வெகுவாகக் குறைத்து கடைசிச் சீட்டெடுக்க காத்து நின்ற சிலர் மட்டும்எங்கே அவன் தேடுதே சனம்என்று கவலை கொண்டிருக்கிறார்கள்.

 

கவி அருணாசலம்

07.04.2018

 

Edited by Kavi arunasalam
  • Like 4
  • Haha 2

Share this post


Link to post
Share on other sites
28 minutes ago, Kavi arunasalam said:

எங்கே அவன் தேடுதே சனம்

...

 நாட்டாமை குடும்பமாக லண்டன் போனாராபரிஸ் போனாரா? இல்லை யேர்மனியிலேயே வேறொரு நகரத்துக்கு இடம் மாறிவிட்டாரா? தெரியவில்லை

 சீட்டை ஏற்கனவே எடுத்தவர்களும், வட்டிக்குப் பணம் வாங்கியவர்களும் நிறைந்த மகிழ்ச்சியாக இருக்கிறார்கள். “கழிவு நல்லாப் போகோணும்என்று  சீட்டின் கழிவை ஏற்றி, கட்டுக்காசை வெகுவாகக் குறைத்து கடைசிச் சீட்டெடுக்க காத்து நின்ற சிலர் மட்டும்எங்கே அவன் தேடுதே சனம்என்று கவலை கொண்டிருக்கிறார்கள்.

போலீசுக்கு முறைப்பாடு கொடுத்தால், அக்காலத்தில் கடவுச்சீட்டு, வாகனப் பதிவு எண்கள் மூலம் நாட்டாமையை தேடிப் பிடித்துவிடலாமே..?
அதிலையும் 'கோக்கு மாக்கு' செய்யுமளவிற்கு ஜெர்மனியின் அரசு அலுவலகங்களில், ஊழல் இல்லையென எண்ணுகிறேன்..!

படத்தில், 'Thambi' signature is badly missing..! :)

Share this post


Link to post
Share on other sites

கதையின்படி பார்த்தால் நாட்டாண்மையில் எந்த தவறும் இல்லையே?

வைத்தியரைப் பார்க்க போன மனைவி தான் கணவருக்கு மொங்கியிருக்க வேண்டும்.

  • Like 1

Share this post


Link to post
Share on other sites
1 hour ago, Kavi arunasalam said:

எங்கே அவன் தேடுதே சனம்.

 ...ஆனால் நாட்டாமை கண்கொட்டாமல் எல்லாவற்றையும் கண்டு கொண்டிருந்தார்.

 

13 minutes ago, ஈழப்பிரியன் said:

கதையின்படி பார்த்தால் நாட்டாண்மையில் எந்த தவறும் இல்லையே..?

நாட்டாமை, கள்ளன்.

பெரிய மனுசன் செய்யுற வேலையா இது..? Decency, மனசாட்சி வேணாம்..?? நொங்கெடுத்ததில் தப்பே இல்லை..!

ஆனால் ரவி மாதிரி 'பேக்கு'கள் ஏமாறுவதால்தான், கள்ளன்களுக்கு வாழ்க்கை!

 

  • Like 1
  • Haha 2

Share this post


Link to post
Share on other sites
2 hours ago, Kavi arunasalam said:

நாட்டாமை அந்த அறைக்குள் போகவேண்டிய அவசியமில்லை. அவளின் கணவன்தான் நாட்டாமை என்று நினைத்து அவர்களும் கண்டு கொள்ளவில்லை. ஆனால் நாட்டாமை கண்கொட்டாமல்எல்லாவற்றையும் கண்டு கொண்டிருந்தார்.

மனைவி சொல்லச் சொல்ல ரவிக்கு தலைக்கு ஏறி விட்டது. மனைவியின் சகோதரர்களுக்கும், தனது சகோதரர்களுக்கும் போன் எடுத்துநாட்டாமை இப்பிடிச் செய்து போட்டான்என அழுதான்.

நாட்டாண்மை  என்றால்.... எல்லா அறைக்குள்ளும்  போகவேண்டும் என்று, "பூ  சபா"  நினைத்து விட்டார் போலுள்ளது. :rolleyes:

அவரின் கஷ்டகாலம்... ரவிக்கும், அவரின் மனைவிக்கும் அதிக சகோதரங்கள் இருந்து... மொத்தி எடுத்து விட்டார்கள். :grin:

இவ்வளவு நடந்த பிறகு.... நாட்டாண்மை  எப்படி வெளியில் தலை காட்டுவது? 
சனம்... காறித் துப்பும், என்ற பயம்  இருக்கும் தானே.....  :D:

  • Like 1

Share this post


Link to post
Share on other sites
3 hours ago, ராசவன்னியன் said:

போலீசுக்கு முறைப்பாடு கொடுத்தால், அக்காலத்தில் கடவுச்சீட்டு, வாகனப் பதிவு எண்கள் மூலம் நாட்டாமையை தேடிப் பிடித்துவிடலாமே..?
அதிலையும் 'கோக்கு மாக்கு' செய்யுமளவிற்கு ஜெர்மனியின் அரசு அலுவலகங்களில், ஊழல் இல்லையென எண்ணுகிறேன்..!

படத்தில், 'Thambi' signature is badly missing..! :)

ராசவன்னியன்,

யேர்மனியில் ஒருவர் வாழும் இடம் பற்றிய விபரங்கள் பதிவில் இருக்க வேண்டும் என்பது நடைமுறை. ஆனால் ஒருவரைப் பற்றிய தகவல்களை கேட்டவுடன்  மற்றவர்களுக்கு அரசு சுலபமாகத் தந்துவிடாது.

 சீட்டு, வட்டி என்பன அங்கீகரிக்கப்படாத, வருமான வரி செலுத்தாத  எங்களது உள்ளூர் வியாபாரங்கள். எழுத்து மூலமாக பணம் கொடுத்து வாங்காத தொழில். சட்டப்படி நடவடிக்கை எடுக்க முடியாது. ஒருவேளை ஏதாவது வழி இருந்தால் கூட. “நான் இப்போது திவால்என்று கையை விரித்தால் ஒன்றும் செய்ய இயலாது.

ஒரே ஒரு வழிதான் இருக்கிறது. அது, அடுத்த சீட்டுப் பிடிப்பாளர் வரும்வரை நம்மவர்கள் காத்திருப்பது.?

 

Share this post


Link to post
Share on other sites
2 hours ago, ஈழப்பிரியன் said:

கதையின்படி பார்த்தால் நாட்டாண்மையில் எந்த தவறும் இல்லையே?

வைத்தியரைப் பார்க்க போன மனைவி தான் கணவருக்கு மொங்கியிருக்க வேண்டும்.

ஈழப்பிரியன்,

gynecology இல் முதலில் பிரச்சனை என்னவென்று கேட்டு வைத்தியரின் அறையில் விசாரிப்பார்கள். அதன் பின்னரே ஒரு பிரத்தியேமான அறையில்  நோயாளியைப் பரிசோதிப்பார்கள். பரிசோதனையின் பிறகு திரும்ப வைத்தியரின்  அறைக்கு கூட்டி வந்து நோய் பற்றிய விபரங்களையும் நிவாரணங்களையும் சொல்வார்கள்.

நாட்டாமை அந்த பிரத்தியேக அறைக்கு போகாமல் இருந்திருக்கலாம். குறைந்த பட்சம் தான் ஒரு மொழி பெயர்ப்பாளர் என்றாவது சொல்லி இருக்கலாம்.

புதிதாக வந்தவர்களுக்கு மட்டுமல்ல முன்னர் வந்த சிலருக்குக்கூட எதெதற்கு என்னென்ன வைத்தியர் என்பதில் தெளிவில்லை. நாட்டில் ஒரு வைத்தியரே ஆஸ்பத்திரிகளில் எல்லாரோல்களையும் செய்து கொண்டிருப்பார்கள்

ரவி போன்றவர்களில் பிழையைச் சொல்வதை விடுத்து, முன்னவர்கள் தங்களுக்குத்  தெரிந்ததை பின்னர் வருபவர்களுக்குச் சொல்லிக் கொடுப்பது நல்லது.?

 

 

Share this post


Link to post
Share on other sites

நாட்டாண்மைக்கு... ஏன்  அடி  விழுந்ததென்று.... அவரின் மனைவிக்கு,  தெரியுமா?   :grin:
தெரிந்தால்... "கொசுறாக"   இன்னும்,  நாலு அடி  கிடைப்பது நிச்சயம். :D:

Edited by தமிழ் சிறி
  • Like 1

Share this post


Link to post
Share on other sites
On 09/04/2018 at 5:33 AM, தமிழ் சிறி said:

நாட்டாண்மைக்கு... ஏன்  அடி  விழுந்ததென்று.... அவரின் மனைவிக்கு,  தெரியுமா?   :grin:
தெரிந்தால்... "கொசுறாக"   இன்னும்,  நாலு அடி  கிடைப்பது நிச்சயம். 

தமிழ்சிறி,

வீடு புகுந்து அடிக்கும் போது சொல்லிச் சொல்லித்தான் அடித்தார்கள். அதை எல்லாம் நாட்டாமையின் மனைவியும் கேட்டார். அதனால்தான் இப்படிக் குறிப்பிட்டேன்.

விழுந்த அடி உதைகளை விட அவரது மனைவி உச்சரித்த வார்த்தைகள் மிகப் பலமான தாக்குதலாக அவருக்கு இருந்தது. வெளிக்காயங்களை விட உள் காயங்கள் அவருக்கு அதிகம்

மற்றும்படி நாலு அடி அல்லது உதை அவரது மனைவியிடமிருந்து கிடத்திருக்கலாம். அது உள்ளூர் சமாச்சாரம்?

  • Like 1

Share this post


Link to post
Share on other sites

இந்தச் சீட்டால் நொந்து வெந்தவர்கள் பல பேர் 

உங்களிடம் நிறைய கதை கையிருப்பில் உள்ளது போலும் எடுத்து விடுங்கோ   .. காலத்துக்கு காலம் 

  • Like 1

Share this post


Link to post
Share on other sites

நீங்கள் கூறும் விடயத்தில் தவறு இருக்கு கவி அண்ணா. யேர்மனியில் நான் பதினெட்டு ஆண்டுகள் இருந்திருக்கிறேன். பெண் ஆண் வைத்தியர்களைப் பார்த்திருக்கிறேன். கணவனே ஆனாலும் கணவனுக்கு முன்னால் மனைவியின் உடையை அவிழ்த்துவிட்டு வைத்தியர் பரிசோதிப்பதில்லை. கணவனை வெளியேதான் இருக்கச் சொல்வார்கள்.ஒன்றில் உங்களுக்குக் கதை கூறியவர்கள் அரைகுறையாகவோ அன்றி திரித்தோதான் கதையைக் கூறியுள்ளனர். அல்லது உண்மையிலேயே அப்படி நடந்தாலும் நல்ல மனநிலையில் உள்ள எந்தப் பெண்ணும் இன்னொரு ஆடவனின் முன்னே உடையை அவிழ்க்கும் போது மறுத்தோ அன்றி எதோ ஒருவகையில் தன எதிர்ப்பைக் காட்டித்தான் இருப்பார். அப்போது மருத்துவரே புரிந்துகொண்ட அந்த மனிதனை வெளியே அனுப்பி இருப்பார். ரவியின் மனைவி அவர் பார்த்து முடித்தபின் வெளியே வந்து கணவனுக்குக் கூறியது என்பது நம்பமுடியாத செய்தி.

அதுசரி நீங்களும் சீட்டுக் கட்டி ஏமாந்திட்டியளோ?????

  • Like 1

Share this post


Link to post
Share on other sites

கவி அருணாச்சலம்! ஒரு கதையில் பல விடயங்கள் சொல்லியிருக்கின்றீர்கள். tw_thumbsup:

Share this post


Link to post
Share on other sites
2 hours ago, மெசொபொத்தேமியா சுமேரியர் said:

நீங்கள் கூறும் விடயத்தில் தவறு இருக்கு கவி அண்ணா. யேர்மனியில் நான் பதினெட்டு ஆண்டுகள் இருந்திருக்கிறேன். பெண் ஆண் வைத்தியர்களைப் பார்த்திருக்கிறேன். கணவனே ஆனாலும் கணவனுக்கு முன்னால் மனைவியின் உடையை அவிழ்த்துவிட்டு வைத்தியர் பரிசோதிப்பதில்லை. கணவனை வெளியேதான் இருக்கச் சொல்வார்கள்.ஒன்றில் உங்களுக்குக் கதை கூறியவர்கள் அரைகுறையாகவோ அன்றி திரித்தோதான் கதையைக் கூறியுள்ளனர். அல்லது உண்மையிலேயே அப்படி நடந்தாலும் நல்ல மனநிலையில் உள்ள எந்தப் பெண்ணும் இன்னொரு ஆடவனின் முன்னே உடையை அவிழ்க்கும் போது மறுத்தோ அன்றி எதோ ஒருவகையில் தன எதிர்ப்பைக் காட்டித்தான் இருப்பார். அப்போது மருத்துவரே புரிந்துகொண்ட அந்த மனிதனை வெளியே அனுப்பி இருப்பார். ரவியின் மனைவி அவர் பார்த்து முடித்தபின் வெளியே வந்து கணவனுக்குக் கூறியது என்பது நம்பமுடியாத செய்தி.

அதுசரி நீங்களும் சீட்டுக் கட்டி ஏமாந்திட்டியளோ?????

இது 20/30 வருடங்களுக்கு முந்தைய கதையாக இருக்கலாம் என நினைக்கின்றேன். அன்றைய காலகட்டங்களில் இது மாதிரியான சம்பவங்கள் நிறைய நடந்தேறியுள்ளன.ஜேர்மனியில்  ஆரம்ப காலங்களில் மொழிப்பிரச்சனை புலம்பெயர்ந்த தமிழர்களுக்கு பாரிய பிரச்சனையாக இருந்தது.அந்தக்காலங்களில் மானப்பிரச்சனையை விட விசாப்பிரச்சனை பெரிதாக இருந்தது. தமிழருக்குள் ஆங்கிலம்/டொச் தெரிந்தவர்கள் கடவுளாக தெரிந்தார்கள்.

 பெண்  உடை மாற்றும் இடங்களில் ஒரு ஆண் இருப்பதை எந்த நாட்டிலும் அனுமதிக்க மாட்டார்கள். அது நீச்சல்தாடகத்திற்கு கணவன் மனைவியாக சென்றாலும் கூட...அங்கேயும் தனித்தனி அறைகள் தான்...

வைத்திய பரிசோதனை அறைகளில் நோயாளிக்கு  மொழிப்பிரச்சனை வருமாயின்... அவர் நிர்வாணமாக இருந்தாலும் மொழிபெயர்ப்பாளரை நிச்சயம் அழைப்பார்கள்.


ஒரு நாட்டில் பதினெட்டு வருடங்கள் வாழ்ந்தது பெரிதல்ல...வாழ்ந்த நாட்டில் உள்ள தமிழ்மக்களின் கஸ்டங்களை அறிந்து கொள்வதுதான் பெரிது.

  • Like 2

Share this post


Link to post
Share on other sites
23 hours ago, மெசொபொத்தேமியா சுமேரியர் said:

 

நீங்கள் கூறும் விடயத்தில் தவறு இருக்கு கவி அண்ணா

 

 

மெசொபொத்தேமியா, ரவி கூறியதில் சரி இருக்கு.

பிரத்தியேக அறையில் கணவனுக்கு அனுமதி இருக்கிறது.

இன்னொரு ஆடவனின் முன்னே உடையை அவிழ்க்கும் போது மறுத்தோ அன்றி எதோ ஒருவகையில் தன எதிர்ப்பைக் காட்டித்தான் இருப்பார்என்று நீங்கள் குறிப்பிடுவது போன்று அல்ல. ஒரு அறையில் ஆடைகளைக் கலைந்துவிட்டு பரிசோதிக்கும் அறைக்கு வரவேண்டும். அங்கே கணவனும் இருக்கலாம் அவள் விரும்பினால் கணவனல்லாத இன்னுமொரு ஆடவனையும் துணைக்கு கூடிச் செல்லலாம். இதை மறுக்கும் சட்டம் ஏதும் யேர்மனியில் இல்லை.

அந்தப் பெண் அப்பாவியாக இருந்தால்  சொல்வதற்கு என்ன இருக்கிறது.

சமீபத்தில்  பெருமளவு இஸ்லாமியர்கள் யேர்மனிக்கு வந்திருக்கிறார்கள். அவர்களது மனைவிகள் பல்வைத்தியரிடம் பல்லைக் காட்டும் போதும் கைகட்டி அருகிலேயே இருக்கிறார்கள். அவர்களது மனைவிகள் gynecology இடம் போகும் போது எங்கே இருப்பார்கள்?

நம்புங்கள் இது ஒரு உண்மைச் சம்பவம்.

சுமேரியர், நான் சீட்டு விளையாடுவேன். கட்டுவதில்லை?

Share this post


Link to post
Share on other sites
20 hours ago, குமாரசாமி said:

இது 20/30 வருடங்களுக்கு முந்தைய கதையாக இருக்கலாம் என நினைக்கின்றேன். 

குமாரசாமி, இது அதரப் பழசல்ல சிறிது காலத்துக்கு முந்தியது.

நீச்சல் தடாகத்தில்  உடை மாற்றுவது தனியாக இருக்கலாம். saunaவுக்குப் போனால் எப்படி இருப்பார்கள்?

Share this post


Link to post
Share on other sites
21 hours ago, குமாரசாமி said:

இது 20/30 வருடங்களுக்கு முந்தைய கதையாக இருக்கலாம் என நினைக்கின்றேன். அன்றைய காலகட்டங்களில் இது மாதிரியான சம்பவங்கள் நிறைய நடந்தேறியுள்ளன.ஜேர்மனியில்  ஆரம்ப காலங்களில் மொழிப்பிரச்சனை புலம்பெயர்ந்த தமிழர்களுக்கு பாரிய பிரச்சனையாக இருந்தது.அந்தக்காலங்களில் மானப்பிரச்சனையை விட விசாப்பிரச்சனை பெரிதாக இருந்தது. தமிழருக்குள் ஆங்கிலம்/டொச் தெரிந்தவர்கள் கடவுளாக தெரிந்தார்கள்.

 பெண்  உடை மாற்றும் இடங்களில் ஒரு ஆண் இருப்பதை எந்த நாட்டிலும் அனுமதிக்க மாட்டார்கள். அது நீச்சல்தாடகத்திற்கு கணவன் மனைவியாக சென்றாலும் கூட...அங்கேயும் தனித்தனி அறைகள் தான்...

வைத்திய பரிசோதனை அறைகளில் நோயாளிக்கு  மொழிப்பிரச்சனை வருமாயின்... அவர் நிர்வாணமாக இருந்தாலும் மொழிபெயர்ப்பாளரை நிச்சயம் அழைப்பார்கள்.


ஒரு நாட்டில் பதினெட்டு வருடங்கள் வாழ்ந்தது பெரிதல்ல...வாழ்ந்த நாட்டில் உள்ள தமிழ்மக்களின் கஸ்டங்களை அறிந்து கொள்வதுதான் பெரிது.

எழுந்தமானத்தில் நீங்கள் இப்படிக் கூறுவது தவறு குமாரசாமி. வைத்தியரிடம் செல்வதற்கும் விசாவுக்கும் என்ன தொடர்பு.????  அவர் நிர்வாணமாக இருந்தாலும் மொழிபெயர்ப்பாளரை அழைப்பார்கள். ஆனால் ஆணை அல்ல பெண்ணைத்தான் அழைப்பார்கள். வயிற்று நோவுக்கு வைத்தியரிடம் போனவர்களையே  மேலதிக சிகிச்சைக்காக இன்னொரு வைத்தியரிடம் அனுப்பும்போது ஏற்கனவே கொஞ்சமாவது விளங்கித்தானே இருக்கும் ரவிக்கும் மனைவிக்கும். அதுக்குப் பிறகும் தான் உள்ள போகாமல் வெளியில ரவி நிண்டால் அது அவரின் முட்டாள் தனமேயன்றி நாட்டாண்மையில் என்ன தவறு???
 

Share this post


Link to post
Share on other sites
50 minutes ago, Kavi arunasalam said:

 

மெசொபொத்தேமியா, ரவி கூறியதில் சரி இருக்கு.

பிரத்தியேக அறையில் கணவனுக்கு அனுமதி இருக்கிறது.

இன்னொரு ஆடவனின் முன்னே உடையை அவிழ்க்கும் போது மறுத்தோ அன்றி எதோ ஒருவகையில் தன எதிர்ப்பைக் காட்டித்தான் இருப்பார்என்று நீங்கள் குறிப்பிடுவது போன்று அல்ல. ஒரு அறையில் ஆடைகளைக் கலைந்துவிட்டு பரிசோதிக்கும் அறைக்கு வரவேண்டும். அங்கே கணவனும் இருக்கலாம் அவள் விரும்பினால் கணவனல்லாத இன்னுமொரு ஆடவனையும் துணைக்கு கூடிச் செல்லலாம். இதை மறுக்கும் சட்டம் ஏதும் யேர்மனியில் இல்லை.

அந்தப் பெண் அப்பாவியாக இருந்தால்  சொல்வதற்கு என்ன இருக்கிறது.

சமீபத்தில்  பெருமளவு இஸ்லாமியர்கள் யேர்மனிக்கு வந்திருக்கிறார்கள். அவர்களது மனைவிகள் பல்வைத்தியரிடம் பல்லைக் காட்டும் போதும் கைகட்டி அருகிலேயே இருக்கிறார்கள். அவர்களது மனைவிகள் gynecology இடம் போகும் போது எங்கே இருப்பார்கள்?

நம்புங்கள் இது ஒரு உண்மைச் சம்பவம்.

சுமேரியர், நான் சீட்டு விளையாடுவேன். கட்டுவதில்லை?

யேர்மனியில் பெண் வைத்தியர்களிடம் செல்லும்  அனைவருக்கும் AOK விலிருந்து அறிவுறுதல்கள் அனுப்புவார்கள். அதில் ஆண் வைத்தியர்களிடம் பெண்கள் செல்லும்போது வைத்தியர் மேலாடையையும் கீழாடையையும் ஒருங்கே களற்ரும்படி கூறுவது குற்றம். அப்படிக் கூறுமிடத்து அந்த ஆண் வைத்தியருக்கெதிராக நீங்கள் முறைப்பாடு செய்ய முடியும் என்று. அதுவும் சட்டத்துள்த்தான் அடங்கும்.

போக ரவியின் மனைவியைப் பரிசோதித்தது ஆணா பெண்ணா என நீங்கள் குறிப்பிடவில்லை. அவர் ஆணாக இருந்தால் ரவி கோபம் கொண்டதில் எந்த நியாயமும் இல்லை. அங்கு பலரும் ஆண் வைத்தியர்களிடம் தான் சென்று மூன்று மாதங்களுக்கு ஒருமுறை பரிசோதனை செய்து கொள்வது. மகப்பேறு நடக்கும்போது கூடப் பலருக்கு ஆண் மருத்துவர்கள் தான். அதை மட்டும் யாரும் குறை கூறுவதில்லை, தடுப்பதுமில்லை.

 

Share this post


Link to post
Share on other sites
26 minutes ago, மெசொபொத்தேமியா சுமேரியர் said:

வைத்தியரிடம் செல்வதற்கும் விசாவுக்கும் என்ன தொடர்பு.???? 

மன்னிக்கவும்.

கதாசிரியரே இது நேற்றைய பிரச்சனை எனும் போது இதற்குமேல் மூக்கை நுழைக்க விரும்பவில்லை.

இனியும் ஜேர்மனியைப்பற்றி விளக்கம் கொடுக்காதீர்கள். நாறிப்போவீர்கள்.

கதையும் கத்தரிக்காயும். 

Share this post


Link to post
Share on other sites

"யாழ் 20 அகவை - சுய ஆக்கங்கள்"ல் உங்களின் கதையை எழுதியிருந்தால் அதிகப்பேர் வாசித்திருப்பார்கள்.   

  • Like 1

Share this post


Link to post
Share on other sites
On 08/04/2018 at 2:25 PM, Kavi arunasalam said:

ஆனால் நாட்டாமை கண்கொட்டாமல் எல்லாவற்றையும் கண்டு கொண்டிருந்தார்.

நாட்டாமை...ஊரை விட்டே ஓடிற அளவுக்கு....அப்படி  என்னத்தைத் தான் கண்டு பயந்திருப்பார்?

51cy9Mz1TTL.jpg

கதையும்...கதையின் நகர்வும்...அருமை, கவி!

  • Haha 1

Share this post


Link to post
Share on other sites
On 18/04/2018 at 6:57 AM, கந்தப்பு said:

 

"யாழ் 20 அகவை - சுய ஆக்கங்கள்"ல் உங்களின் கதையை எழுதியிருந்தால் அதிகப்பேர் வாசித்திருப்பார்கள்

 

யாழ் 20 அகவை-சுய ஆக்கத்தில் 9 பத்திகள் ஏற்எகனவே  எழுதிவிட்டேன். அத்தோடு 30.03இல் குறிப்பிட்ட கால அவகாசம் முடிந்துவிட்டதால் முற்றத்துக்கு வந்துவிட்டேன். உங்களைப் போன்றவர்கள் தேடி வந்து வாசித்து அது பற்றி பதிவிடும் போதே நிறைவாக இருக்கிறது மனம். நன்றி கந்தப்பு.

Share this post


Link to post
Share on other sites
On 18.4.2018 at 7:07 AM, புங்கையூரன் said:

நாட்டாமை...ஊரை விட்டே ஓடிற அளவுக்கு....அப்படி  என்னத்தைத் தான் கண்டு பயந்திருப்பார்?

51cy9Mz1TTL.jpg

கதையும்...கதையின் நகர்வும்...அருமை, கவி!

புங்கையூரானுக்கு.... கிளு கிளுப்பான.....  பதில் வேணும் போல கிடக்கு. tw_glasses:
நீங்கள் போடும் தூண்டிலில், சிக்கும் மீன்கள்... நாங்கள் அல்ல.  :grin:

ரவியின் சகோதரங்களும், அவரின் மனைவியின் சகோதரங்களும்,  கொடுத்த அடியை, பார்த்து... 
நாட்டாண்மை பயந்து... ஊரை காலி பண்ணி என்று தான் நினைக்கின்றேன்.  :D:

Edited by தமிழ் சிறி
  • Haha 1

Share this post


Link to post
Share on other sites

நாட்டாமை திட்டம்போட்டு ரவியின் மனைவியின் நிர்வாணத்தை ரசிக்கவில்லை. அந்தத் தருணத்தில் கனவானாக நடக்கவில்லை. அவ்வளவுதான்!

 அதற்காக நாட்டாமையை மொத்தி சீட்டுக் கட்டிய பலரின் கஷ்டப்பட்டு உழைத்த பணத்தை சுருட்டப்பண்ணியது நியாயமா?

Share this post


Link to post
Share on other sites

ஐரோப்பிய நாடுகளில் gynaecologist ஆக இருப்பவர்கள் பெரும்பாலும் ஆண்களே.

 

  • Like 1

Share this post


Link to post
Share on other sites
On 5/5/2018 at 8:21 AM, கிருபன் said:

நாட்டாமையை மொத்தி சீட்டுக் கட்டிய பலரின் கஷ்டப்பட்டு உழைத்த பணத்தை சுருட்டப்பண்ணியது நியாயமா?

நியாயம் இல்லை கிருபன்

16 hours ago, MEERA said:

 

 ஐரோப்பிய நாடுகளில் gynaecologist ஆக இருப்பவர்கள் பெரும்பாலும் ஆண்களே.

 

நானும் அவதானித்திருக்கிறேன் மீரா. அவர்களைப் பிடித்து மொத்த எந்த கணவரும் வருவதில்லை.

  • Like 1

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

  • Topics

  • Posts

    • பற்றி எரியும் வயல்கள்!! வவுனியாவில் நெல் அறுவடை செய்யபட்ட நிலையில் உள்ள வயல்வெளிகள் எரியூட்டபடுவதால் வீதிகள் எங்கும் புகைமூட்டமாக காட்சியளிக்கின்றன. கடுமையான வெப்பநிலை நிலவிவரும் நிலையில் இவ்வாறான செயற்பாடுகள் பொதுமக்கள் மத்தியில் விசனத்தை ஏற்படுத்திவ ருகின்றது. பூந்தோட்டம் வீதியின் இருபக்கமும் அமைந்துள்ள வயல்வெளிகள் கடந்த சில நாள்களாக எரிக்கப்பட்டு வருகின்றது. வவுனியா வைத்தியசாலைக்குப் பின்பக்கமா அமைந்துள்ள வயல்வெளிகள் எரியூட்டபட்டமையால் பேருந்து நிலையப் பகுதி,எ9 வீதி என்பன புகைமூட்டமாக காட்சியளித்திருந்தன. https://newuthayan.com/story/16/பற்றி-எரியும்-வயல்கள்.html
    • விடுதலைப் புலிகளின் பேரூட் இரகசியத் தளமும், அந்த தளத்தின் பின்னால் மறைந்துள்ள சில உண்மைகளும்!!   987 இன் இறுதிப்பகுதியில் மட்டக்களப்பின் அடர்ந்த காட்டுப் பிரதேசத்தில் அமைந்திருந்த விடுதலைப்புலிகளின் முக்கிய தளம் ஒன்றைச் சுற்றிவளைத்து அழிக்கும் நோக்குடன் இந்தியப்படையின்முக்கியமான ஒரு படைப்பிரிவான மவுன்டன் டிவிசன்(Mountain Division) படைப்பிரிவு பாரிய படை நடவடிக்கை ஒன்றினை மேற்கொண்டது. 'ஒப்பரேஷன் புளூமிங் டுளிப்| (Operation Blooming Tulip)என்று பெயரிடப்பட்டு மேற்கொள்ளப்பட்ட அந்தப் படை நடவடிக்கை, விடுதலைப் புலிகளின் மிகவும் முக்கியமான ஒரு ரகசியத் தளத்தை நோக்கிததான் மேற்கொள்ளப்பட்டது. மட்டக்களப்பு தரவைக் காடுகளின் மத்தியில் இரகசியமாக அமைக்கப்பட்டிருந்த புலிகள் அமைப்பின் முக்கிய தளம் ஒன்றைத் தாக்கி அழிப்பதே அந்த நடவடிக்கையின் குறிக்கோளாக இருந்ததாக இந்தியப்படையின் மட்டக்களப்புத் தலைமை புதுடில்லிக்கு அறிவித்திருந்தது. விடுதலைப்புலிகளின் அந்த முக்கிய தளத்தின் பெயர் 'பேரூட் பேஸ்' என்று இந்தியப் படையினருக்குதகவல்கள் கிடைத்திருந்தன.   புலிகளின்ஆயுதக் களஞ்சியங்கள், பிராந்தியத் தலைமை, பயிற்சி முகாம்கள், நடவடிக்கைத் தலைமையகம், தொலைத்தொடர்பு மையங்கள் என்பன இந்த 'பேரூட்' பேசிலேயே அமைந்திருப்பதாகவே இந்தியப்படையினர் நம்பியிருந்தார்கள்.   மட்டக்களப்பில்அந்தக் காலத்தில் இருந்த அந்த 'பேரூட் தளம்' அல்லது ‘பேரூட் பேஸ் (Beirut Base) பற்றியும், அந்த தளத்திற்கு ஏன் அந்தப் பெயர் வந்தது என்பது பற்றியும், அந்த முகாம் பற்றி மக்கள் மத்தியிலும், மற்றய போராளிகள் மத்தியிலும், ராணுவத்தினரிடமும் பரவியிருந்த வதந்திகளைக்கடந்த உண்மைகள் பற்றியும்தான் இந்தக் கட்டுரையில் நாம் விரிவாகப் பார்க்க இருக்கின்றோம். 'பேரூட் தளம்' மட்டக்களப்பில்அந்தக் காலத்தில் இருந்த புலிகளின் 'பேரூட் தளம்' மக்கள் மத்தியில் மாத்திரமல்ல சிறிலங்காப்படைகள் மத்தியிலும், மற்றய தமிழ் இயக்கங்கள் மத்தியிலும், இந்தியப் படையினர் மத்தியிலும் மிகவும் பிரபல்யமாகவே இருந்தது. மட்டக்களப்பில்இருந்த புலிகளின் மிகப் பெரியதொரு தளமே 'பேரூட் தளம்' என்றே பலரும் நம்பிக்கொண்டிருந்தார்கள். அந்த‘பேரூட் தளத்தில் பலவகையான கனரக ஆயுதங்கள், பயிற்சி முகாம்கள் நிலக்கீழ் சுரங்கங்கள்,பாரிய ஆயுதக் களஞ்சியங்கள் எல்லாம் அமைந்திருப்பதாகவே அனைவரும் நம்பிக்கொண்டிருந்தார்கள். மட்டக்களப்பின் தரவை மற்றும் குடும்பிமலைப் பிரதேசித்தில் உள்ள அடர்ந்த காட்டுப்பகுதியிலேயே புலிகளின் இந்த பாரிய ‘பேரூட் தளம்‘ அமைந்திருப்பதாகவும் மட்டக்களப்பு மக்கள் மத்தியில் பேச்சடிபட்டுக்கொண்டிருந்தது. ஆனால் உண்மையிலேயே 'பேரூட் பேஸ் (Beirut Base) என்று புலிகளால் குறிப்பிடப்பட்ட அந்தத் தளம் தரவையிலோ அல்லது குடும்பிமலைப் பிரதேசத்திலோ அமைந்திருக்கவில்லை. மட்டக்களப்பின் படுவான்கரைப் பிரதேசத்தில் உள்ள கொக்கட்டிச்சோலையில் உள்ள காடுகளின் மத்தியில் அமைக்கப்பட்டிருந்த ஒரு முகாமையே புலிகள் 'பேரூட் பேஸ்' என்று சங்கேத பாஷையில் அழைத்து வந்தார்கள்.     மக்கள் பேசிக்கொண்டது போன்று அல்லது மற்றய தமிழ் இயக்கங்கள் நம்பிக்கொண்டிருந்தது போன்று, அல்லது சிறிலங்காப் படையினர் அச்சப்பட்டுகொண்டிருந்தது போன்று புலிகளின் அந்த பேரூட்முகாமில் கனரக ஆயுதங்களோ அல்லது நிலக்கீழ் சுரங்கங்களோ இருக்கவில்லை என்பதுதான் உண்மை. இன்னும் குறிப்பாகக் குறிப்பிடுவதானால் அந்த பேரூட் தளத்திலும் அதனை அண்டிய கொக்கட்டிச்சோலைப் பிரதேசத்திலும் 48 போராளிகள் மாத்திரமே செயற்பட்டுக்கொண்டிருந்தார்கள் என்பதே உண்மை. பின்நாட்களில் மட்டக்களப்பு அம்பாறை மாவட்ட துணைத்தளபதியாக இருந்த தளபதி ரீகன் தலைமையில், பின்நாட்களில் பிரபல்யமான தளபதிகளான தளபதி ராம், தளபதி ரமேஷ், தளபதி ரமணன் போன்றோர்,அந்தக் காலகட்டத்தில் இந்த ‘பேரூட் பேசிலேயே’ செயற்பட்டுக்கொண்டிருந்தார்கள் என்பது குறிப்பிடத்தக்கது. அந்தக் காலகட்டத்தில் இயக்கங்கள் பற்றிய மிகைப்படுத்தல்கள் மக்கள் மத்தியில் மிக மிக வேகமாகப்பரவிக்கொண்டிருந்ததன் ஒரு அங்கமாக இந்த ‘பேரூட் பேஸ்’ பற்றிய மாயை மக்கள் மத்தியில்பெரிய அளவில் உருவாகி அடிக்கடி அச்சத்துடனும், பெருமையுடனும் பேசப்படுகின்ற ஒரு விடயமாகமாறியிருந்தது. லெபனானின் தலைநகரம் விடுதலைப்புலிகளின் அந்தத் தளத்திற்கு ஏன் ‘பேருட் பேஸ்’ என்ற பெயர் வந்தது என்பதற்கான காரணம் சரியாகத் தெரியவில்லை. அந்தக் காலகட்டத்தில் லெபனானின் தலைநகரான 'பேரூட்' என்ற பெயரானது போராடுகின்ற இனக் குழுமங்களினால்ஆச்சரியமாக நோக்கப்படுகின்ற, பேசப்படுகின்ற ஒரு பெயராகவே இருந்தது. அந்தநேரத்தில் தமிழ் இயக்க உறுப்பினர்களில் பல முக்கியஸ்தர்கள் லெபனானில் இராணுவப் பயிற்சியினை எடுத்துக்கொண்டிருந்ததால் லெபனானின் தலைநகரான பேரூட்டின் பெயர் போராளிகள் மத்தியில்அதிகம் பிரபல்யமாகியிருந்தது. இவை அனைத்தையும்விட 1983ம் ஆண்டின் இறுதிப்பகுதியில் லெபனான் தலைநகரில் அமைக்கப்பட்டிருந்த அமெரிக்க இராணுவத் தளம் மீது இஸ்லாமிய போராளிகள் மேற்கொண்டிருந்த ஒரு பாரிய தற்கொலைத் தாக்குதலும், அந்த தாக்குதல் பற்றிய செய்தியும் தமிழ் ஈழப் போராளிகள் மத்தியிலும், தமிழ் மக்கள் மத்தியிலும் பாரிய தாக்கத்தினை ஏற்படுத்தியிருந்ததாலும் 'பேரூட்' என்ற பெயர் தமிழ் மக்கள் மத்தியில் அதிக பிரபல்யமாகியிருந்தது. 1983ஒக்டோபர் மாதம் 23ம் திகதி லெபனான் தலைநகரான பெரூட்டில் நிலைகொண்டிருந்த அமெரிக்க மற்றும் பிரெஞ்சுப் படையினரின் தளம் மீது இஸ்லாமிய ஜிகாத் போராளிகள் தற்கொலைத் தாக்குதலை மேற்கொண்டிருந்தார்கள். அதில் அமெரிக்காவின் 220 சிறப்பு அதிரடிப்படையினர் ( United StatesMarine Corps )உட்பட 299 இராணுவ வீரர்கள் கொல்லப்பட்டார்கள். அந்தக் காலகட்டத்தில் உலகம் முழுவதும்- குறிப்பாகப் போராடும் இனக்குழுமங்கள் மத்தியில் மிகவும் பிரபல்யமாகப் பேசப்பட்ட தாக்குதல் அது. இரண்டாம் உலகப் போருக்கு பின்னர் அமெரிக்க மரைன் பிரிவுக்கு மிகப் பெரிய இழப்பினை ஏற்படுத்திய தாக்குதல் இடம்பெற்ற பிரதேசம் என்பதால் மக்கள் மத்தியில் 'பேரூட்' என்றபெயர் மிகவும் பிரபல்யமாகியிருந்தது. குறிப்பாக தமிழ் மக்கள் மத்தியில் இந்த 'பேரூட்' என்ற பெயர் அதிக மரியாதையுடனும், பலத்த எதிர்பார்ப்புடனும் உச்சரிக்கப்பட்ட ஒரு பெயராகவே இருந்தது. ஆக்கிரமிப்பாளருக்கு அச்சத்தையும், போராடும் இனத்திற்கு விடுதலை உணர்வையும் ஏற்படுத்தும் ஒரு பெயராகவே இந்த "பேரூட்" என்ற பெயர் அந்தநேரத்தில் உலகில் வலம் வந்துகொண்டிருந்தது. (புளொட் அமைப்பு இந்தியாவின் தஞ்சாவூர் மாவட்டத்தின் ஒரத்தநாடு என்ற இடத்தில் அமைக்கப்பட்டிருந்த தனது தளத்தின் ஒரு முகாமிற்கு 'பேரூட் முகாம்' என்று பெயர் சூட்டியிருந்தார்கள். அதேபோன்று யாழ் பல்கலைக்கழகத்தில் பகிடிவதைக்குப் பெயர்போன ஒரு விடுதிக்கு 'பேரூட் விடுதி' என்றுபெயரிட்டிருந்தார்கள். 'பேரூட்' என்ற பெயர் அந்தக் காலகட்டத்தில் தமிழ் மக்கள் மத்தியிலும்போராளிகள் மத்தியிலும் எந்த அளவிற்குப் பிரபல்யமாக இருந்தது என்பதற்கு இவைகள் சில உதாரணங்கள்)     சரி. குறிப்பாக மட்டக்களப்பின் கொக்கட்டிச்சோலைப் பிரதேசத்தில் இருந்த புலிகளின் இந்த முகாம் அல்லது தளத்திற்கு 'பேரூட் பேஸ்' என்று எவ்வாறு பெயர் வந்தது? இதற்கானகாரணம் யாருக்கும் சரியாகத் தெரியவில்லை. ஆனால் ஊகங்கள், அனுமாணங்கள் பல இருக்கின்றன. தொலைத்தொடர்புக்கருவி அந்தக்காலகட்டத்தில் பிரதேசவாரியாக விடுதலைப் புலிகள் தமது தொடர்பாடல்களுக்குப் பயன்படுத்திய சக்திவாய்ந்த பிரதான தொலைத்தொடர்பு கருவிகளை மையப்படுத்தி சில குறியீட்டுகளைப் பயன்படுத்திவந்தார்கள். விடுதலைப்புலிகளின் தலைவர் பிரபாகரன் அவர்களின் தொடர்பாடலை மையப்படுத்தி அவர்சார்ந்த தொடர்பாடல்பிரதேசத்தை 1-4 அதாவது வன்-போர் (One-Four) பேஸ் என்று அழைப்பார்கள். புலிகள்தலைவர் இந்தியாவில் தங்கியிருந்த பொழுது இந்தியாவில் இருந்த 'வன்-போர்' தளம் பின்னர்அவர் வன்னியில் அலம்பில் காடுகளில் தங்கியிருந்த பொழுது அங்கு செயற்பட்டது இந்தக் காரணத்தினால்தான். இதேபோன்று யாழ்பாணத்தை 2-2 டு-டு (Two-Two) பேஸ் என்றும் வடமாராட்சியை 2-3 டு-திறீ (Two-Three)பேஸ் என்றும் அழைப்பார்கள். இவை அனைத்தும் அந்தக் காலகட்டத்தில் விடுதலைப்புலிகளின் பிரதான தொலைத்தொடர்பு கருவிகளைஅடிப்படையாக வைத்தே நடைமுறைப்படுத்தப்பட்டன.     ஒருபெரிய தொலைத் தொடர்பு கருவி. ஏதாவது மரமொன்றில் அதன் 'அன்டனாக்களை' உயரத்தில் கட்டிவிட்டால் இலங்கை முழுவதும் மாத்திரமல்ல, இந்தியாவில் உள்ள புலிகளைக் கூட இதனூடாக இலகுவாகத் தொடர்புகொண்டுவிடமுடியும். அந்தக் காலகட்டத்தில் வடக்கு கிழக்கில் விடுதலைப் புலிகள் அமைப்பிடம் மாத்திரமேஇருந்த தொலைத் தொடர்பு வசதிகள் அவை. 80களின் நடுப்பகுதியில் தளபதி அருணா மட்டக்களப்பிற்கு வந்தபொழுது அவரால் மட்டக்களப்பு அம்பாறைமாவட்டத்திற்கென்று ஒரு பிரதான தொலைத்தொடர்புக் கருவி கொண்டுவரப்பட்டது. மட்டக்களப்பு வந்தறுமூலைப் பிரதேசத்தில் நிறுவப்பட்ட அந்தத் தொலைத்தொடர்பு கருவியை அடிப்படையாக வைத்து 4-6 போர்-சிக்ஸ் (Four-Six) பேஸ் என்று மட்டக்களப்பு பிரதேசதம் குறியீட்டுப் பெயரில்அழைக்கப்பட்டது. மட்டக்களப்பு-அம்பாறைமாவட்டத்தில் இருந்து புலிகள் அமைப்பில் தன்னை இணைத்துக்கொண்ட் முதலாவது போராளியும், இந்தியாவில் விடுதலைப் புலிகளுக்கு வழங்கப்பட்ட முதலாவது பயிற்சி முகாமில் பயிற்சிபெற்றவரும், பின்நாட்டகளில் புலிகள் அமைப்பில் மூத்த தளபதியாகப் பல களம் கண்டவரும், தற்பொழுதும் ஐரோப்பிய நாடொன்றில் உயிருடன் இருப்பவருமான தளபதி காந்தன் அவர்களே மட்டக்களப்பின் முதலாவது பிரதான தொலைத்தொடர்புக் கருவியை கையாண்டவர் என்பது குறிப்பிடத்தக்கது. இதேபோன்றுஅம்பாறை மாவட்டத்திற்கான தொலைத்தொடர்புக்கருவி அங்கு அனுப்பிவைக்கப்பட்டதைத் தொடர்ந்து அம்பாறைப் பிரதேசத்தை 4-8 போர்-எயிட் (Four-Eight) பேஸ் என்று அழைக்க ஆரம்பித்தார்கள். கொக்கட்டிச்சோலைப் பிரதேசத்தில் இருந்த புலிகள் அணிகளுக்கான தொலைத்தொடர்புகள் அம்பாறை மாவட்டத்துடனோயே அதிகம் இருந்ததால், கொக்கட்டிச்சோலை புலிகள் அணியின் தளங்களையும் ஆரம்பத்தில் 4-8 போர்எயிட் (Four-Eight) பேஸ் என்றே அழைத்துவந்தார்கள். இந்த 'போர்-எயிட்' - தான் கால ஓட்டத்தில் 'பேரூட்டாக' திரிவடைந்திருக்கலாம் என்றும் கூறப்படுகின்றது.     'சிக்காக்கோ ' அதேபோன்று அந்தக் காலகட்டத்தில் விடுதலைப்புலிகள் செயற்பட்டுக்கொண்டிருந்த ஒவ்வொரு பிரதேசத்திற்கும் உலகின் பிரபல்யமா நகரங்களின் பெயர்களைச் சூட்டி அழைப்பது வளக்கம். யாழ்பாணப் பிரதேசத்தை 'சிக்காக்கோ ' என்றும், வடமாராட்சிப் பிரதேசத்தை 'கலிபோர்ணியா' என்றும் அழைத்ததைப் போன்று மட்டக்களப்பின் கொக்கட்டிச்சோலைப் பிரதேசத்தை 'பேரூட்' என்று அழைத்திருப்பதற்கும் சந்தர்ப்பம் இருக்கின்றது. ஆகமொத்தத்தில் 'பேரூட் பேஸ்' என்பது மட்டக்களப்பில் விடுதலைப்புலிகளின் பிரபல்யமான ஒருமுகாம் என்பதும், இந்த 'பேரூட் பேஸ்' என்பது கொக்கட்டிச்சோலைப் பிரதேசத்திலேயே அமையப்பெற்றிருந்தது என்பதும் குறிப்பிடத்தக்கது. இந்த கட்டுரை ஒரு பொது எழுத்தாளர் Niraj David அவர்களால் வழங்கப்பட்டு 22 Mar 2019 எமது செய்திப்பிரிவால் பிரசுரிக்கப்பட்டது. இந்த கட்டுரையின் எந்தவொரு தயாரிப்பிலும் IBC Tamil செய்திப்பிரிவு பங்கேற்கவில்லை. இக் கட்டுரை சம்பந்தமான கருத்துக்களை Niraj David என்பவருக்கு அனுப்ப இங்கே கிளிக் செய்யவும்.   https://www.ibctamil.com/articles/80/116446?ref=home-imp-flag&fbclid=IwAR0zvgkp67d57eB6TM2B-baS1DY4nUzByb53iwss7drP7Ib-sBqrvOF-5Og
    • சிறி நன்றாக ரசித்து என்னுடன் பயணம் செய்து கொண்டு வருகிறீர்கள்.மிக்க நன்றி. கூட்டம் அதிகமாக இருந்ததால் பழக்கமில்லாத பிள்ளைகளுக்கு கொஞ்சம் சிரமமாகவும் இருந்தது.அத்துடன் ஓரிரு தடவை வேணுமென்றே இடிக்கிறார்கள் என்று முறைப்பாடு வெய்யில் எல்லாவற்றையும் கருத்தில் கொண்டு சீக்கிரமே வீடு வந்துவிட்டோம். முன்னர் பந்தல்களில் களையோடவில்லை. ஓ எமது முதலமைச்சர் நிற்கிறார்.இப்போ தான் படத்தையே பார்க்கிறேன்.எந்த பந்தல் என்று யாருக்குத் தெரியும்.
    • (ஆர்.யசி, எம்.ஆர்.எம்.வஸீம்) கொழும்பில் விடப்படுகின்ற வவுனியா பொருளதார மத்திய நிலையத்தின் கேள்விக் கோரல்களை வவுனியாவுக்கு மாற்றியமைக்க நடவடிக்கை எடுக்க வேண்டும் என  பாராளுமன்ற உறுப்பினர்  சார்ள்ஸ் நிர்மலநாதன் பாராளுமன்றில் தெரிவித்தார். இது தொடர்பில் மேலும் குறிப்பிட்ட அவர்,  வவுனியா பொருளாதார மத்திய நிலையம் வடக்கு தமிழ் அரசியல்வாதிகளின் ஒற்றுமையின்மை காரணமாக தாண்டிக்குளத்தில் இருந்து இரட்டை பெரியகுளம் பகுதிக்கு இடம்மாறியது.  இந் நிலையில் வவுனியா மாவட்ட அபிவிருத்திக்குழுக்கூட்டத்தில் வன்னி மாவட்டத்தை பிரதிநிதித்துவப்படுத்தும் சகல கட்சி எம்.பிக்களும் இணைந்து பொருளாதார மத்திய நிலையத்திலுள்ள கடைத்தொகுதிகளை வவுனியா மரக்கறி சந்தை வியாபாரிகளுக்கு 12 ஆயிரம் ரூபா மாத வாடகைக்கு வழங்குவதெனவும் மிகுதிக்கடைகளை கேள்விக்கோரலுக்கு விடுவதெனவும் தீர்மானிக்கப்பட்டது. என்றாலும் தற்போது இதற்கான கேள்விக்கோரல் கொழும்பில் விடப்பட்டுள்ளது. விண்ணப்பத்தைப்பெற , நேர்முகத்தேர்வுக்கு தோற்ற கொழும்புக்கு செல்ல வேண்டிய நிலை ஏற்பட்டுள்ளது. நேர்முகத்தேர்வை ஏன் வவுனியாவில் செய்ய முடியாது? அதனால் இந்நடவடிக்கைகளை  வவுனியா மாவட்ட செயலகத்துக்குக்கு மாற்ற நடவடிக்கை எடுக்க வேண்டும் என்றார். http://www.virakesari.lk/article/52483