யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு
Sign in to follow this  
நவீனன்

தாராளமற்ற சனநாயக எழுச்சியும் கிழக்கு வல்லரசுகளும்: உலக விதியை நிர்ணயிக்குமா இந்தியா?

Recommended Posts

தாராளமற்ற சனநாயக எழுச்சியும் கிழக்கு வல்லரசுகளும்: உலக விதியை நிர்ணயிக்குமா இந்தியா?

JUL 10, 2018by புதினப்பணிமனைin கட்டுரைகள்

india-china-300x200.jpgஅண்மைய காலங்களில் சர்வதேச அளவில் சனநாயகம் வீழ்ச்சி கண்டு வருவது குறித்து தாராள சனநாயக சித்தாந்த ஆதரவாளர்கள் மிகுந்த கவலை கொண்டுள்ளனர். அரசியல் சுதந்திரம், சனநாயகம், திறந்த சந்தை, திறந்த சமூக அமைப்பு என கவலையற்ற நிலையில் இனிமேல் மேலைத்தேய தாராள சனநாயகம் வாழ்ந்திருக்க முடியாத நிலை உருவாகி வருகிறது.

இந்த அம்மணமான உண்மையை மறுக்க முடியாதுள்ளது என்ற சர்வதேச சனநாயக நெறிமுறைகள் குறித்த கவலையை அவர்கள் வெளிப்படுத்தி உள்ளனர்.

கடந்த ஜூன் 22ஆம் திகதி டென்மார்க் தலைநகரான கொப்பனேகனிலே ஒரு ஆய்வு மாநாடு நடைபெற்றது. இம்மாநாட்டிற்கு முன்னைய நாள் டென்மார்க் பிரதமரும் முன்னைநாள் நேட்டோ பொதுச்செயலருமான Anders Fogh Rasmussen தலைமையில்,  அமெரிக்க முன்னைநாள் பதில் அதிபர் Joseph Biden, கனேடிய முன்னைநாள் பிரதமர் Stephen Harper, ஸ்பானிய முன்னைநாள் பிரதமர் Jose Maria Aznar என மேலும் பலர் கலந்து கொண்டனர்.

இந்த சனநாய சார்பு மாநாட்டில் உலகின் ஒவ்வொரு பிராந்தியத்திலும் எழுச்சிகண்டு வரும் சனநாயகத்தின் வீழ்ச்சி குறித்து ஆராயப்பட்டது. முன்பு ஒருபோதும் இல்லாத அளவு தாராள சனநாயக நாடுகளிலும் கூட சனநாயகம் மக்களுக்கானஅடிப்படை பாதுகாப்பை கொடுக்கவில்லை என்பது இவர்களது பார்வையாகும்.

மேலும் மேலைத்தேய சனநாயகத்தின்  சர்வதேசஅத்திவாரம் எதேச்சாதிகாரத்தாலும் தாராளப் போக்கு அற்ற அரசுகளாலும் சனநாயக நெறிகளின் நிழலிலே லாவகமாக கையாளப்பட்டு வருகிறது. தனிப்பட்ட அரசியல் இலாபம் தேடும், போலித்தனமான தேசியவாத போக்குகளினால் அத்திலாந்திக் கரை நாடுகளின் கூட்டு இன்று கேள்விக்கிடமானதாக ஆக்கப்பட்டுள்ளதாக அம் மாநாட்டில் அறிவித்தனர்.

இத்தகைய ஆய்வுகள் பல்வேறு சர்வதேச ஆய்வு கூட்டங்களிலும் இன்றைய காலப்பகுதியில் ஆய்வு செய்யப்பட்டு வருவது கவனிக்கத்தக்கதாகும்.donald-trump.jpg

அண்மையில் சீன தலைவர், வாழ்நாள் முழுவதும் தாமே சீனாவின் தலைவராக இருக்கக்கூடிய வலுவை சீன கம்யுனிச கட்சியின் தலைமையில் பெற்று கொண்டார். அதுமட்டுமல்லாது, ரஷ்ய அதிபர் விளாதிமிர் புட்டின் மீண்டும் ஒருமுறை அதிபராக தெரிவு செய்யப்பட்டார். இவை மட்டும் இத்தகைய ஆய்வுகளிற்கு காரணமாக அமையவில்லை.

ஐரோப்பிய ஒன்றியத்திலிருந்து இங்கிலாந்து பிரிந்து போவதன் ஊடாக ஐரோப்பிய நாடுகளின் ஒற்றமை சிதைவுறுகிறது. அமெரிக்க அதிபர் டொனால்ட் ட்ரம்ப் அவர்களின் தற்காப்பு பொருளாதார போக்கும் அவரது அதிபர் தெரிவில் ரஷ்ய இணையதள தொழில்நுட்ப செல்வாக்கு  இணைந்திருப்பதான பார்வையும் கவனிக்கத்தக்கதாகும்.

மேலும் மேலைத்தேய ஆய்வாளர்களின் பார்வையில் அமெரிக்கா பாதுகாப்பு மற்றும் பொருளாதார முதன்மை என்ற பெருமையை இழந்து நிற்கிறது,

இதற்கும் மேலாக மத்திய ஐரோப்பிய நாடுகளிலும் தேசியவாதம், சனரஞ்சக வாதம், இனவாதம் என பல்வேறு சனநாயகத்திற்கு எதிரான சக்திகள் எழுச்சி கண்டுவருவது கணிப்பிடப்பட்டுள்ளது. இது Xenophobia எனப்படும், இடம்பெயர்ந்து வாழும் வெளிநாட்டவர்கள் மீதான ஒரு பயம் தான் என்ற கருத்து ஆய்வாளர்கள் மத்தியில் பொதுவாக உள்ளது.

ஆசிய, ஆபிரிக்க,மத்திய கிழக்கு, கரீபியன் நாடுகளில் இடம்பெற்ற யுத்த நிலைமைகள் காரணமாக இடப்பெயர்வை சந்தித்த மக்கள் மேலைநாடுகளை நோக்கி புலம்பெயர்ந்தனர். புலம்பெயர்ந்த நாடுகளில் வாழும் உள்ளுர் தேசியவாத சக்திகள் இதனை சாதகமாக பயன்படுத்தி அரசியல் இலாபம்பெறும் போக்கில் கையாளுகின்றன..

தமது தனித்துவமான பொருளாதார கலாச்சார வரலாற்றில் புதிய இனங்களின் தலையீடுகள் குறித்து தம்மை பாதுகாத்து கொள்ளும் பொருட்டு உள்ளுர்வாசிகள் தேசியவாதத்தையும் சனரஞ்சகவாதத்தையும், இனவாதத்தையும் தம்மைப் பாதுகாக்கும் வழிமுறையாக பார்க்கின்றனர்.

உதாரணமாக ருமேனியா, ஹங்கேரி, போலந்து போன்ற நாடுகளில் அண்மைக்காலத்தில் தாராளமற்ற சனநாயகத்தின் எழுச்சியும் எதேச்சாதிகார அரசியலின் வளர்ச்சியும் முக்கியமாக கவனத்தில் எடுத்து கொள்ளப்படுகிறது.

அதேபோலமெக்சிக்கர்களின் இடப்பெயர்வை முன்வைத்து அதிபர் ட்ரம்ப் அவர்கள் தனது தேர்தல் பிரச்சாரத்தில் பெரும் வரவேற்பை பெற்று கொண்டார்.

mahinda-xi-board.jpgமுன்பு எப்போதும் இல்லாத வகையில் இரண்டாம் உலகப்போரின் பின்பு ஜேர்மனியப் நாடாளுமன்றத்தில் Bundesshaus அதீத தேசியவாதிகள் தமது நிலையை எடுத்துள்ளனர்.

இத்தகைய நிலையானது, அரச அதிகாரத்தில் உயர்மட்ட ஆட்சி குழுக்களும் மோசடி ஆட்சியும் ஆதிக்கம் செலுத்தும் நிலையை உருவாக்கி வருகிறது. மேலும் சனநாயக வழிமுறைகள் மூலம் தமது குரல்கள் வெளிக்கொண்டு வரப்படும் என்பதில் மக்கள் நம்பிக்கை குறைந்து வருவது கவனத்திற்கு கொண்டு வரப்படுகிறது.

மேலைத்தேயம் முதலாளித்துவ தாராள சனநாயக சித்தாந்த நம்பிக்கையை பாதுகாக்க எத்தனித்து நிற்கும் அதேவேளை, கீழைத்தேய ஆய்வாளர்கள் மேற்கு நாடுகள் தமது உலக ஒழுங்கை கையாளும் வகையிலான முதன்மையை ஏற்கனவே இழந்து விட்டன என்ற பார்வையை கொண்டுள்ளனர்.

பனிப்போர் முடிவிலிருந்து 2008ஆம் ஆண்டு பொருளாதார நெருக்கடிக்காலம் வரை இருந்த அமெரிக்க அரசியல் பொருளாதார பலம் இன்றைய காலப்பகுதியில் இல்லை என்பது இவர்களது விவாதமாகும்.  பனிப்போர் முடிவில் மிகப்பெரும் வெற்றிப் பெருமிதம் கொண்ட மேற்கு நாடுகள் இந்திய -சீன வளர்ச்சியை கண்டுகொள்ளவில்லை என்று சுட்டிக்காட்டுகின்றனர்.

2001 ஆண்டில் சீனாவின் உலக வர்த்தக அமைப்புடன் இணைந்து கொண்ட பொழுது 800 மில்லியன் புதிய தொழிலாளர்கள் மேற்கு நாடுகளின் தேவையை நிவர்த்தி செய்யும் வகையில் புகுத்தப்பட்டனர்.

இதனால் மேலை நாடுகளில் வேலைவாய்ப்பின்மை ஏற்பட்டதன் காரணத்தாலேயே தேசியவாத, சனரஞ்சகவாத, இனவாத தலைமைகளின் விவாதங்களை மேற்கு நாடுகளில் உள்ள மக்கள் கிரகிக்க வேண்டிய தன்மை ஏற்பட்டதாக கிழக்கு நாடுகளின் சார்பான ஆய்வாளர்கள் கருத்து வெளியிட்டுள்ளனர்.

உலக வர்த்தக அமைப்புடன் சீனா இணைந்தமை சர்வதேச வர்த்தகத்தில் பெரும் மாற்றத்தை கொண்டு வந்திருந்த போதிலும்- சீன பொருட்கள் மேற்கு நாடுகளில் உள்ள நடுத்தர வர்க்கத்தினரின் வருமானத்திற்கு ஏற்ற வகையில் வாழ்க்கைத்தரத்தை  கொண்டு செல்ல கூடியதாக இருந்தது.

ஆனால் சுமார் நாற்பது வருடங்களாக எந்தவித முன்னேற்றமும் அற்ற வாழ்க்கையை கொண்டிருப்பது முக்கியமானதாகும். இந்த நிலை உலகில் இன்று ஏற்பட்டுள்ள மாற்றங்களுக்கான காரணமாக பார்க்கப்படுகிறது

Narendra-Modi.jpgடென்மார்க் தலைநகரான கொப்பனேகனிலே இடம்பெற்ற ஆய்வு மாநாட்டின் அடிப்படைகளான தாராள சனநாயக நெறிமுறைகளின் வீழ்ச்சியும், கீழைத்தேய நாடுகளின் பொருளாதார வளர்ச்சியும், அவற்றின் மேலைத்தேய சர்வதேச அரசியல் சட்டதிட்டங்களை பின்பற்றும் தன்மை (play within rule) என்னும் பதத்திற்கு ஏற்ப சீன, இந்திய நாடுகள் வரைமுறைகளுக்குள் வளர்ச்சி என்பது மேலும் மேலைத்தேய தலைமைத்துவத்திற்கு பெரும் சவாலாகவே இருக்கும் என்பது கீழைத்தேய ஆய்வாளர்களது பார்வையாக உள்ளது.

இங்கே நாம் கவனிக்க வேண்டிய விடயம் என்னவெனில்  இன்னும் பத்து வருடங்களுக்குள் சீனா உலகின் முதலாவது வல்லரசாக மாறும்நிலை ஏற்படும் பொழுது இந்தியாவின் முக்கியத்துவம் மிக வலிமையானதாக மாறும் என்று ஆய்வாளர்களால் எதிர்பார்க்கப்படுகிறது.

கீழைத்தேய, மேலைத்தேய இழுபறிக்கு மத்தியில், சீன – அமெரிக்க போட்டி மிக வலிமையானதொரு நிலையை எட்டும்பொழுது இந்தியாவின் மேலைத்தேய போக்கு சீனாவுக்கு மேலான அமெரிக்க யதார்த்தவாத சித்தாந்தத்தின் அடிப்படையில் செயற்பட முற்படுமாயின் அபாயகரமான பொறிக்குள் உலகம் சிக்குண்டு போவது தவிர்க்க முடியாததாகி விடும்

http://www.puthinappalakai.net/2018/07/10/news/31802

Share this post


Link to post
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Sign in to follow this  

யாழ் இணையத்தில் அறிவித்தல் விளம்பரங்களை இணைத்துக் கொள்வதன் மூலம் தாயக மக்களின் நல்வாழ்வுக்கு உதவிடலாம்.
விபரங்களிற்கு


  • Topics

  • Posts

    • கடந்த காலத்தில் நாட்டில் நிலவி வந்த யுத்த சூழ்நிலை காரணமாக யுத்த பிரதேசங்களாக இருந்த வடக்கு கிழக்கு பகுதிகளில் நியமனம் பெறும் வைத்தியர்கள் வடக்கு கிழக்குக்கு தனியான வைத்தியர் இடமாற்ற பட்டியல் மூலம் ஒரு வருட காலத்தில் இடமாற்றம் பெறலாம் என சலுகை வழங்கப்பட்டது. யுத்த காலத்தில் இது வடக்கு கிழக்கு பகுதி மக்களுக்கு பெரும் வாய்ப்பை வழங்கியிருந்தது. ஒரு வருட காலத்தில் இடமாற்றம் பெறலாம் என்ற நம்பிக்கையுடன் பல வைத்தியர்கள் வந்து சேவையாற்றினர். ஆனால் யுத்தம் முடிவடைந்து 10 வருடகாலம் முடிவடைந்த நிலையிலும் சுகாதார அமைச்சானது வடக்கு கிழக்குக்கு தனியான வைத்தியர் இடமாற்ற பட்டியலினை நடைமுறைப்படுத்துவது வடக்கு கிழக்கு சுகாதார வழங்கலுக்கு பெரும் அச்சுறுத்தலாக உள்ளது. சாதாரணமாக ஒரு வைத்தியர் ஒரு வைத்தியசாலைக்கு நியமிக்கப்படின் கட்டாயமாக 4 வருடங்கள் சேவையாற்றிய பின் இடமாற்றம் பெற முடியும். சேவையின் மூப்பின் அடிப்படையில் தான் அவர் புதிய நிலையத்தினை தெரிவுசெய்ய முடியும். ஆனால் இந்த விசேட இடாற்ற பட்டியல் மூலம் ஒருவருட காலத்தில் இடமாற்றம் பெறும் வாய்ப்புக்கிடைக்கிறது. இதனால் சில விசேட திறன்களை இந்த வைத்தியர்களுக்கு பயிற்றுவித்தபின் சிறிது காலத்தில் இவர்கள் இடமாற்றம் பெறுவதனால் சுகாதார சேவைகள் பெருமளவில் பாதிப்படைகின்றன என வடக்கு கிழக்கினை சேர்ந்த வைத்தியர்கள் தமது எதிர்ப்பினை தெரிவித்துள்ளனர். மேலும் வடமாகாண அளுநர் மற்றும் எமது மாவட்ட மக்கள் பிரதிநிதிகள் அனைவரும் ஒன்றிணைந்து இந்த விசேட பட்டியலினை இரத்துச்செய்ய நடவடிக்கை எடுத்து எமது சுகாதார சேவைகள் பாதிப்புறாவண்ணம் மக்களுக்கு கிடைக்க வழிசமைக்க வேண்டும் என கோரிக்கை விடுத்துள்ளனர். https://www.ibctamil.com/srilanka/80/124598
    • விளையாட்டு சம்பந்தமான திரியில் வேறு கதைக்க விரும்பவில்லை. நாங்கள் அடிக்கடி வீடியோ கடையடி சொய்சாபுர சலூன் அந்த  பெரிய புத்தர் சிலையடி, மைதானத்தின் பி புளக் பக்கம் இருக்கும் மரத்தடியில் தான் இருந்து கதைப்போம். கட்டாயம் உங்களை தெரிந்திருக்க வாய்ப்பிருக்கிறது. அது ஒரு காலம். 
    • தமிழ் மக்களின் தேசியப் பிரச்சனையான இனப்பிரச்சனை உள்ளிட்ட பிரதான பிரச்சினைகளுக்கு தீர்வை பெற்றுக்கொள்ள முடியாத தமிழ் தேசியக் கூட்டமைப்பு, சிறிலங்கா அரசாங்கத்தை உள்நாட்டிலும், சர்வதேச அரங்கிலும் தொடர்ந்தும் காப்பாற்றி வருவதற்கு எவ்வாறு நியாயம் கற்பிக்கப் போகின்றது என்று வலிந்து காணாமல் ஆக்கப்பட்டவர்களின் உறவுகள் கேள்வி எழுப்பியுள்ளனர். சிறிலங்கா அரசாங்கத்தின் அடிவருடிகளாக செயற்பட்டுவரும் தமிழ் தேசியக் கூட்டமைப்பு, தமிழ் அரசியல் கைதிகளின் விடுதலைக்கும் எந்த முயற்சிகளை மேற்கொள்ளாதிருப்பதால், அதனையும் தமிழினப் படுகொலையாக்கு துணைபோகும் செயற்படாகவே கருத வேண்டியுள்ளதாகவும் தமிழர் தாயகத்தில் தொடர் கவனயீர்ப்பு போராட்டங்களில் ஈடுபட்டுவரும் வலிந்து காணாமல் ஆக்கப்பட்டவர்களது உறவினர்கள் குற்றம் சுமத்தியுள்ளனர். யுத்தத்தின் இறுதி நாட்களில் சிறிலங்கா இராணுவத்தினரிடம் சரணடைந்த, உறவினர்களால் ஒப்படைக்கப்பட்ட மற்றும் கைதுசெய்யப்பட்டும், கடத்தப்பட்டும் காணாமல் ஆக்கப்பட்ட தமது உறவுகளுக்கு நீதி கோரி அவர்களது உறவினர்கள் கடந்த பத்து வருடங்களாக போராடி வருகின்றனர். இந்த நிலையில் தமிழர் தாயகத்தின் அனைத்து மாவட்டங்களின் தலைநகரங்களிலும் கடந்த இரண்டு வருடங்களுக்கு மேலாக வீதியில் இறங்கி தொடர் போராட்டங்களையும் உளவுகள் நடத்தி வருகின்றனர். எனினும் இதுவரை அவர்களுக்கு சிறிலங்கா அரசாங்கமோ, சர்வதேச சமூகமோ தீர்வுகளை பெற்றுக்கொடுக்க முன்வரவில்லை. இந்த நிலையில் சர்வதேச அரங்கிலும், ஜெனீவா மனித உரிமைகள் பேரவையின் கூட்டத் தொடர்களிலும் சிறிலங்காவிற்கு கடுமையான அழுத்தங்களை பிரயோகித்து தமக்கான நீதியை பெற்றுக்கொடுக்க வேண்டும் என வலிந்து காணாமல் ஆக்கப்பட்டவர்களின் உறவினர்கள் தொடர்ச்சியாக வலியுறுத்தி வரும் நிலையில் ஜெனீவா அமர்வு உள்ளிட்ட சர்வதேச அரங்கிலும், உள்நாட்டிலும் பிரதமர் ரணில் தலைமையிலான சிறிலங்காவின் தற்போதைய அரசாங்கத்தை தமிழ் தேசியக் கூட்டமைப்பு முன்னின்று காப்பாற்றி வருகின்றது. இந்த நிலையில் வவுனியா - பிரதான தபாலகத்திற்கு அருகாமையில் 884 ஆவது நாளாக தொடர் போராட்டத்தில் ஈடுபட்டுவரும் வலிந்து காணாமல் ஆக்கப்பட்டவர்களின் உறவுகள், தமிழ் தேசியக் கூட்டமைப்பின் தலைமைகள் தொடர்பிலான தமது விரக்தியை வெளிப்படுத்தும் வகையில் இன்றைய தினம் ஆர்ப்பாட்டமொன்றை நடத்தினர். இதேவேளை காணாமல் ஆக்கப்பட்டவர்களின் நிலைமை தொடர்பில் உண்மை நிலவரங்களை வெளியிட ஸ்ரீலங்கா அரசாங்கம் மறுக்கும் நிலையில், இனங்காணப்பட்டு வருடக்கணக்கில் சிறைச்சாலைகளில் தடுத்து வைக்கப்பட்டுள்ள தமிழ் அரசியல் கைதிகளை விடுதலை செய்யாமல் தொடர்ச்சியாக இழுத்தடிப்பு செய்து வருவதாகவும் போராட்டத்தில் ஈடுபட்ட தாயொருவர் விசனம் வெளியிட்டுள்ளார். இறுதிக்கட்ட யுத்தத்தின் போது உயிரிழந்தவர்களுடன் சேர்ந்து இறந்திருக்கலாம் என கவலையுடன் கூறிய தாய், இராணுவத்திடம் தன்னை போல பல தாய்மார்கள் பிள்ளைகளை கையளித்து விட்டு கண்ணீர் சிந்துவதாகவும் கவலை வெளியிட்டுள்ளார். சிறிலங்கா அரசு தமக்கு ஒருபோதும் தீர்வுகளை பெற்றுக்கொடுக்கப் போவதில்லை என்றும் தெரிவித்த வலிந்து காணாமல் ஆக்கப்படடவர்களின் உறவுகள், அதனால் சர்வதேச சமூகமே நேரடியாக தலையிட்டு தமக்கான நீதியை பெற்றுக்கொடுக்க வேண்டும் எனவும் வலியுறுத்தினர். https://www.ibctamil.com/srilanka/80/124588
    • அமெரிக்காவில் இம்ரான் கான் உரையாற்றும்போது எழுந்த பலூசிஸ்தான் சுதந்திர கோஷம்!   பாகிஸ்தான் பிரதமர் இம்ரான் கான் அமெரிக்காவில் உள்ள பாகிஸ்தான் மக்களிடையே உரையாற்றும்போது சிலர் பலூசிஸ்தான் சுதந்திர கோஷம் எழுப்பியதால் பரபரப்பு ஏற்பட்டது. பாகிஸ்தான் பிரதமர் இம்ரான்கான் அமெரிக்காவில் சுற்றுப்பயணம் மேற்கொண்டுள்ளார். இந்நிலையில் வாஷிங்டனில் உள்ள உள் விளையாட்டரங்கில் நடந்த நிகழ்ச்சியில், அமெரிக்கவாழ் பாகிஸ்தானியர்களிடையே இம்ரான் கான் உரையாற்றினார்.   அவர் பேசிக்கொண்டிருந்தபோது சிலர் திடீரென இருக்கையில் இருந்து எழுந்து, பாகிஸ்தானுக்கு எதிராக முழக்கமிட்டனர். பலூசிஸ்தானுக்கு சுதந்திரம் வழங்கக்கோரியும் முழக்கங்கள் எழுப்பினர். இதனால் இம்ரான் கான் தொடர்ந்து உரையாற்றுவதில் இடையூறு ஏற்பட்டது.   இம்ரான் கான் வருகையின்போது ஆர்ப்பாட்டத்தில் ஈடுபட்டது குறிப்பிடத்தக்கது.       http://eelamurasu.com.au/?p=20363&fbclid=IwAR1c2yk8YqbeDcx8RXjZeVd0wGU7ZXkFtWXF0T1KcBPf_BWKwszwszhfg4U      
    • மொத்தத்தில் இஸ்லாமிக் ஸ்டேட் பயங்கரவாதிகள் இதனூடாக ஊடுருவும் சந்தர்ப்பங்கள் அதிகம் இருப்பதால் இந்த ரெட் க்றசென்ட் குழுக்களை தடை செய்வது நாட்டின் அமைதிக்கு நல்லது.